|
حل للطلبة اللى اتظلمت بسبب الكوسة اللى كانت فى الثانوية
أنا بدعوا كل الطلبة اللى اتظلمت السنة دى فى تانية سنوى(أنا واحد منهم) انها تعمل جروب عالفيس بوك وتطالب فيه ان تانية تتلغى من مجموع الثانوية والمجموع يبقى على تالتة بس.
وان الطلبة المتفوقين يبدئوا يطالبوا بكدا فى برامج التوك شو أنا جايب98.3% بس اتساويت باللى مابيفهموش وكدا التنسيق هيضيعنى |
أرجوا تثبيت الموضوع
|
بصراااااااحة كل الطلبة اللي في المنتدى يجيبو الشلل عشان كل واحد جايب 98 ولا 99 مش عاجبو ولا حامد ربنا امال لو كانت الامتحانات زي السنة اللي فاتت كنتو عملتو ايه؟؟؟؟؟؟؟؟ وبعدين يا اخينا انتا لسة في 2 ثانوي ومدام مش عاجبك 98 عوض في تالتة وجيب 150 من 100 بجد حااجة تجنن امال انا اعمل ايه اولع في نفسي بمجموعي يمكن ملحقش علوم يا ريت
لو جبت بس 93 مش 98 |
ماهو انت هتتظلم أول واحد لأن التنسيق لما يرفع انت مش هتلحق ولا كلية
|
اللى موافق عالفكرة يضيفنى عالفيس بوك عشان أبدأ أعمل جروب وأضيف فيه كل الطلبة
أنا اسمى (مصطفى منجى) أما الأكونت اللى أنا فاتحه دا بتاع أخويا أصل الأكونت بتاعى مش راضى يفتح |
هيا فعلا ناس كتير اتظلمت
طب الادبي يجيب زي اما يجيب لكن مهنة الطب ازاي واحد يدخلها بالغش والله ايام سوده جايه لما الواحد يروح بعد كده لدكتور مذكرش ويديلة علاج ميفهمهوش خالص وساعتها هنعمل ايه عشان الغش والكوسه وانا معاك في الفكرة دي |
يا عم احمد ربنا على مجموعك ,, انا معاك فى كلامك بس هنعمل ايه .. انت فى مصر يا بابا
|
يا اخ احمد ربنا على مجموعك وبص للى ملحقش يكمل ال 90
حسبى الله ونعم الوكيل اصل دى بجد حرقة دم |
بص يا سيدي صلي على النبي الي جاب المجموع ده السنة دي بالكوسة مش هيجيبها السنة الي جاية لسبب ان المتوقع ان امتحانات السنة الي جاية هتبقى صعبة علشان يوازنوا العملية بسبب الاعداد الرهيبة ال هتدخل الكليات السنة دي فالي كان بيغشش مش هيغشش حد السنة الي جاية و بعدين انت كده المفروض تفرح لان السنة الي جاية لو لا قدر الله نزلت هيبقى مجموعك برده عالي و ربنا يكرم الجميع و |
كفاية بقا هيا البلد مستحملة احنا لية منقولش الحمد لله و نعدى الايام دى ع خير.......وعسى ان تكرهوا شئ و هو خيرا لكم.......اتقوا ربنا فى البلد دى....احنا انانين بنبص بطمع ع متطلبتنا و البلد تولع و البيعمل كدا مايستهلش يعيش فيها احسن
|
متزعلش منى ف الكلمتين الى انا هقولهم دول
انا مش فاهم انتا عايز ايه بالظبط انتا اجتهدت وجبت مجموع محترم وفى زيك كتير اجنهدوا ومجابوش المفروض تحمد ربنا مش تقول نلغى مجموع تانية |
يااستاذ عمر ماهو الطلبة اللي ذاكرت ومجبتش بسبب اللي مذكروش وجابوا فاهمني يعني حتى لو جايب 100%وواحد مذكرش وجاب 95%اكيد بتاع 100%هيزعل على وقته حرقة الدم المصاريف تعبة وارهاقه وتعالا لواحد مذكرش وجاب المجموع ده ومفيش اي حاجه الا شوية قلق الامتحان طب مانا كنت اقعد فريش ولا اذاكر ولا احرق في دمي ولا مصاريف واجيب المجموع ده قارن هتحس بالظلم
|
يا جماعه
في نتيجة المرحلة الاولى حوالي 70000 جايبين فوق 95% (شعبة علمي) حسبي الله ونعم الوكيل |
اللى بيقول انه اتساوى مع ناس تانيه (مبتفهمش)
يا عم اولا قول الحمد لله انك جبت المجموع ده غيرك كان نفسه مجموعك و ثانيا انت كنت فين من الأول لما معظم اللى فى لجنتك كانوا عمالين يغشوا و انت ساكت ؟ انت كده تستحمل نتيجه سكوتك عليهم و لو فعلا كان كل واحد مسكتش على الغش اللى كان فى اللجان بتاعه كنت هتكون مبسوط بمجموعك و هتعرف تخش الكليه و انت حاطط رجل على رجل كمان و ان شاء الله ربنا مش هيضيع تعب حد |
اقتباس:
|
اولا الحمد لله على كل شىء
فعلا الثانوية السنة دى كانت!!!!!!!!!!!!!!!!!!!!!!!! والله انا كنت فى اللجنة فى اخر الصف والمراقب جنبى والغش شغال ومحروج اقول له عيب المفروض اصلا هو يحسها عشان عمر اللى ذاكر وتعب يتساوى مع اللى مش همه لازم تعرف ان الناس لما تعتقد انها لما تجيب الامتحانات سهلة وتسيب اللجان انها كدة هتهدى الوضع ى البلد اعرف انهم مبيفهموش امال بقه الثورة جات عشان ايه مش عشان تصحى المبادىء اللى ادفنت من سنين المسالة مش مسالة دراسة ومجموع هى فعلا حاجة مهمة لكن فى اولويات لازم نصحيها جوانا علشان نقدر نحقق هدفنا انا جبت مجموع حلو جدا السنة دى وربنا يوفقنا السنة الجاية وفخور جدا ان ده مجهودى بعد طبعا عون الله |
بجد فعلا انا معاك حرام الغش اللى كان فى اللجان ده
على فكرة انا الحمد لله انا جايب ٩٧ فى تالتة من غير ما اكلم حتى زميلى |
لو اتعملت سنة واحدة هتبقى سنة سودة علينا
اكثر من 14 مواد وفى سنة واحدة حررررررررررررررررررررام |
اولا / احمد ربك على المجموع الكويس ده واعتقد كتيييييييير من الطلبة كانو يحلموا بالمجموع ده
بس اكيد انت علمي علوم مدام طالع فيها اوي كدة ثانيا بص لقدام وحاول تطور من مستواك وحافظ على المجموع واستفيد من المستوى واعتقد لو حافظ على المجموع وخت المستوى بلاش كامل خت 9 من 10 يعني 1% يعني جبت 99.2 اعتقد نسبة زي دي كفيلة تدخلك الكلية اللى انت عاوزها ولو ملحقتهاش في بلدك هتلحقها في اي محافظة تانية وبعدين تحول الحكاية مش صعبة اهم حاجة تعملها دلوقتي تحاول بقدر الامكان تحافظ على مجموعك |
اقتباس:
أما الناس اللي غشت وعدت90% دول السنه اللي جايه هيظبطوا . والفكره اللي أنت بتفكر فيها دي هتظلم الناس اللي كانت بتذاكر طول السنه كدا تعبهم هيروح |
ياريت بجد المجاميع عالية خالص ودا اول مرة تحصل ياريت يلغوا تانية وتكون تالتة بس هى الشهادة ويجيبوا امتحانات زى كل سنة امتحانات ثانوى يعنى فوق مستوى الطالب الكتوسط ويمنعوا الغش لانى السنة دى اغلب المجاميع كانت بالغش انا اعرف طلبة مستوها فى ال70 وجابوا فوق التسعين والعكس ودى مهزلة بجد ياريت يلغوا سنة تانية وكلوا يشدحيلة فى تالتة دى من وجهة نظرة ودا مجرد راى
|
بجد هو دا الحل الوحيد الى هينفع
|
ههههههه والنبي بلاش فزلكة يعني انت ضامن تجيب المجموع ده السنة الجاية؟ بلاش طمع واحمد ربنا وبعدين عمر ما ربنا هيساوي اللي ذاكر باللي غش لو انت مفهمتش ده يبقي محتاج تراجع تفكيرك كويس |
ردا على sasooo
اقتباس:
أنا لو بفكر فى نفسى كنت انبسطت من مجموعى لأنى كدا ان شاء الله ضامن الكلية اللى أنا عايزها أنا داخل علمى رياضة ان شاء الله ومش عايز طب ولا حاجة أنا محدد هدفى من زمان وناوى على حاسبات ومعلومات. بالنسبة للى ملحقوش90%(يعنى جابوا درجات على قد مذاكرتهم ومستواهم)فهم أكتر المتضررين من ارتفاع المجاميع لأنهم مش هيلحقوا كليات وهيقعدوا يقشروا بصل جنب بابا وماما فى البيت. يعنى دول أكتر الطلبة المتضررة. |
السنه الجايه ان شاء الله هتبين اللي مذاكر من عدمه واشكر ربنا على مجموعك غيرك مش لاقي رعه
|
احمد ربنا انك جايب 98%^
|
اقتباس:
وبعدين انت زعلان ليه هو أنا بقول عايز10% زيادة لنفسى ولا حاجة يا عم الوطنى. وهى البلد دى هتنفع طول ما الدكاترة داخلين طب بالفلوس والغش والمهندسين كذلك؟؟؟؟؟؟؟ وبعدين انت مش شايف ان أنا خسران من اقتراحى دا لأن مجموعى كدا بقى بلا فائدة مع انى ذاكرت وتعبت. أنا ببص لقدام تخيل لما جيلنا دا ييجى عليه الدور ويمسك البلد دى يا ترى مصر هيبقى شكلها ايه لما يمسكها شوية غشاشين؟ |
اقتباس:
ثانيا زى ما انت بتقول بالظبط فى ناس اجتهدت سواء جابت أو ماجبتش بقى دى بتاعت ربنا أنا بقى بتكلم عن الناس اللى ما اجتهدتش وفى نفس الوقت جابت مجموع أعلى من اللى اجتهد والناس الى اجتهدت واتساوت بيهم |
اقتباس:
|
اقتباس:
|
بتاريخ 23/7 من 3 أيام يعنى. فى جاريدة التحرير اللى مؤسسها ابراهيم عيسى وعلى غلافها هتلاقوا مكتوب ان طالبة جابت26 من30 فى العربى و22.5 فى علم النفس وهى ماكتبتش ولا حرف فى ورقة الامتحان عشان كانت عايزة تؤجل
اسمها كوثر رمضان عباس ودا رقم جلوسها219346 من أسيوط ونقل الجورنال على لسانها(لم أكتب حرفا واحدا فى هذه الاوراق) وهتقابل الوزير. |
اقتباس:
أما ثانيا فأنا ماقولتش ان لجنتى كانت بتغش.البعض حاول من تحت لتحت بس معظم لجنتى كانوا بيراجعوا معايا وأقسم لك بالله ان كان بعضهم عنده بدل الغلطة اتنين وجابوا الدرجة النهائية وهما نفسهم مش مصدقين لحد دلوقت أنا بتكلم عن كوسة التصحيح بالاضافة للغش |
اقتباس:
تقوله انت واشمعنا السنة دى نقصت وهى السنة اللى اتلغت دى اتلغت عليك لواحدك ولا على مصر بحالها |
اقتباس:
|
اقتباس:
|
اقتباس:
|
يا جماعة الكلام ده انا بسمعه كتييييير بصوا طيب الامتحانات كانت سهلة فالمجاميع كلها رفعت طيب اللي قلوا ومستواهم عالي زي ما حضرتك بتقول مالهم يعني ؟؟؟؟ المتحانات كانت سهلة على الفشلة والغشاشين وهم كانت عليهم وحشة .... لالالا ما فيش حاجة اسمها كدة كل واحد يخليه في نفسة وبعدين كفايه بقى توتر ...... اللي اتظلم يشتكي على درجته .... اما اللي ما اتظلمش ما يستكترش على الباقين ربنا بيدي لكل واحد نصيبه وطالما ربنا كرمك سيب اللي جاب حلو لو كان غاشش حيقع لو ما كنش ربنا حيكرمه والمظلوم يعمل تظلم .... لكن مش المظلوم اللي يقول بقي فلان يجيب اكتر مني انا وكلام فارغ كده ربنا يكرم كل واحد
|
اقتباس:
أولا دى مش فزلكة أنا لو بتفزلك كنت عملت موضوع قلت فيه انى من أوائل الجمهورية وانى جايب99.9% ومظلوم ماشى يا حاجة. وأنا فعلا مش ضامن بس مش خايف لانى عايز مجموع يقيس قدراتى عشان أدخل كلية تناسبنى مش أروح أدخل هندسة وأجيب مقبول فى الاعدادية. |
اقتباس:
وياريت تخليكى انتى فى نفسك لانه واضح انك عارفة ان المجموع اللى جبتيه السنة دى عمرك ما هتعوضيه وعارفة ان دا مش مستواكى عشان كدا خايفة وبتردى |
اولا: انا في مدرستي كل واحد اخد حقة صحيح ان معظم الناس جيبين من 98 الي 99 الا ان اللي اخد درجة مش كويسة كان معروف انه مكانش بيبذل كل جهد
ثانيا وده المهم ان انا كنت بذاكر بجد وكنت متوقعة لنفسي في الامتحانات العادية 99 اما لما جت الامتحانات كده جبت 99.8% وبعدين انا في كل الحالات بذاكر وعارفة اني باذن الله من مذاكرتي اقدر اجيب درجات عالية ان شاء الله مش زي ما حضرتك بتقول انا ماليش غير اختين الاتنين في طب _ رغم ان امتحاناتهم كانت صعبة_ وبجد ميرسي على الرد ........ |
اقتباس:
|
حضرتك على اى اساس بتقول الى جايبين اقل من 90 هيقشروا بصل جمب بابا وماما
وانتا اساسا حسيت بحد تعب وجه فى الاخر اتظلم عارف انا واثقه انك مش هتلحق حاجه السنه الى جايه ياما ناس كانت جايبه 98 وفى 3ثالته التوتل بتاعهم كان 91 وناس كانت جابيه 86 و87 وجابت 91 وبقوا زى بعض متدريقش على الناس الى اق من 90 لاننا كلنا عارفين الى معظم المجاميع دى من الغش بس ربنا مبيضيعش تعب حد وعمر الى تعب يتساوا مع الى غش |
ههههههههههههه
عندو حق انا كنت بلعب طووول السنة ومعديتش ولا امتحان الا وغشيت فيه ههه وجبت 96 عادي يعني |
اقتباس:
|
يا عم احمد ربنا حرام عليك انت بس حبيت تنشر الموضوع ده علشان الي مش جايب مجموع حلو تحسره علي نفسه وتقله انا علي الاقل الحق وانت لا
يا اخي احمد ربنا ما يمكن تزيد شد بس انت حيلك وجيب الدرجة النهائية السنة الي جايه لانه متوقع فعلا السنة الي جاي يكون الامتحان صعب ربنا يسترها علينا |
انت فى مصر يعنى
ممنوع المناقشه انت مجرد شخص لو معاك وسطه عتبقى الحياه معاك زى الفل ولى معهوش يبقى ملهوش...................ويقول الحمد لله علشان انا نجحت بس |
الحل مش فى الغاء تانيه ثانوى ولكن المفروض تطالب بامتحانات صعبه السنه الجايه مثلا ماده زى الفيزياء لو جت صعبه هتميز اللى يستحقوا بس
|
اقتباس:
فينك يا ذكى يا بدر |
على فكرة المشكلة ان الطلبة بقت بتدخل الامتحانات على اساس انها تغش وبقى ده حق ليهم وغير كده يبقى غلط
بالمناسبة مالهم ياعم الناس اللى داخلة طب بفلوس :) بهزر معاك ياغالى |
بس اختلف معاك فى حكاية ال ٩٠ ٪ اللى الناس متضايقة منها
اللى جايب تحت ٩٥ ٪ هايقعد يقشر بصل جنب ماما |
| جميع الأوقات بتوقيت GMT +2. الساعة الآن 12:40 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.