|
يا دكتور المستقبل عوزاك فى كلمه
السلام عليكم ورحمه الله ازيكم يا شباب المستقبل ، رمضان كريم عليكم جميعا انا عملت التوبيك ده عشان الدكاتره بتوع السنادى تعرف بعضها اكتر ونبقى ايد وحده تساعد بعض انا ملاحظه ان مفيش نشاط خالص فى القسم ياريت الدكاتره تشارك وتنور القسم ولا عوزين اخواتنا الدكاتره اللى فى الاقسام التانيه:stickjo4: يقولوا اننا داخلين الكليه غصب عننا ومش راضيين بيها:bosyht9: |
وانا اول واحده هبدأ :av4056bb7jp3: انا اختكم همسه عتاب داخله اولى بيطرى القاهره ياريت كل واحد يدخل ويقول هو دخل الكليه فى اى محافظه |
السلام عليكم انا اختكم رغدة داخلة اولي طب بيطري القاهرة
|
اهلا بيكى يا رغده نورتى التوبيك:av4056bb7jp3: ايه يا دكاتره فينكم:blush: |
اهلا همسة عتاب
واهلا بيكي يا رغده انا تانيه طب بيطري القاهره وتحت امركم في اي حاجه تطلبوها استفسارات شرح ورق محاضرات كتب وكل اللي نفسكو فيها مع العلم اني الحمد لله ماشيه كويس في الكليه يعني بس سؤال بقي بما انكو لسه داخلين حد قاللكو انتو هتاخدو سنه اولي في الكليه القديمه ولا الجديده اصلهم لو عملو اللي في دماغهم وودوكو الكليه الجديده هنتنيل احنا سنه كمان في الكليه القديمه عشان خاطركو انتو شفتو بنحبكو ازاي ربنا يوفقكو يا بنات بجد وياريت يكون في تفاعل اكتر من كده |
اهلا بيكى ياهمسةعتاب ومرحبا بسندريلة طب بيطري القاهرة انا بجد اتشرفت بمعرفتكم جدا ومتقلقيش ياسندريلاا لو احتاجنا حاجة هنقولك علي طول انا كنت عايزة اعرف اية المواد اللى نذاكرها من المحاضرة واية المواد اللي تتذاكر من الكتب
|
أنا عبدالله محمود الكومى داخل بيطري بنها وياريت حد يكون معاى لأنى نفسى بجد اتعرف على حد
|
اقتباس:
ياريت والله مش عارفه القسم ده مفهوش تفاعل ليه:( |
اقتباس:
بصى يا رغده ده الكلام اللى عرفته عن مواد الكليه لقيته فى منتدى تانى قلت اجيبه هنا عشان نستفاد وطبعا عوزين مساعده د/ سندريلا احنا منستغناش عنها:d مواد الكليه السنه تقسم الي ترمين زي الصيدله وغير الاسنان والطب سنه اولي (الترم الاول) : المواد : تشرح خيل equine anatomy : تدرس في المنهج الاطراف حيث تدرس fore limb و hind limb عظام القوائم الاماميه وعظام القوائم الخلفيه حيث تدرس العظام الخاصه بهم العضلات الخاصه بهم الشرايين والاورده والنيرفات(لا يوجد دراسه جراحيه في الانتومي) نظام الدراسه في الماده هو حضور المحاضرات في الكليه وايضا السكاشن في المشرحه الكتاب هو كتاب القسم الي جانب بعض ورق او كتب الاساتذه في القسم الهستولوجي histology : http://www.alltalaba.com/board/style...mg-resized.png تم تقليل : 68% من الحجم الأصلي للصورة[ 580 x 496 ] - إضغط هنا لعرض الصورة بحجمها الأصلي http://homepage.smc.edu/wissmann_pau...animalcell.jpg تدرس فيها الخليه واشكال الخلايا ويكون بدايه او اساس لهستولوجي 2 الذي تدرس فيه الانسجه في اقسام الجسم المختلفه نظام الدراسه حضور المحاضرات والسكاشن في المعمل الكتاب كتاب القسم هوه كبير بعض الشئ ولكنها ماده سهله رعايه الحيوان animal management : هي اقرب مواد الترم الي الحياه العمليه تدرس فيها اساس التعامل مع الحيوان التلجيم وهي ماده سهله جدا يحاول اساتذه القسم منحها حيز كبير نظام الدراسه حضور المحاضرات والسكاشن في القسم حيث يتم التعامل المباشر مع الحيوان الكومبيوتر computer : ماده لاتستحق الكلام عنها الانجليزي والمصطلحات العلميه ENGLISH : ماده سهله اللي بيعدي من جنب المدرج بينجح دي كانت مواد الترم الاول التي تدرس داخل الكليه مواد الترم الاول خارج الكليه (في كليه العلوم) البيولوجي BIOLOGY : http://www.alltalaba.com/board/style...mg-resized.png تم تقليل : 56% من الحجم الأصلي للصورة[ 711 x 354 ] - إضغط هنا لعرض الصورة بحجمها الأصلي http://science.pppst.com/banner_biology.gif ماده جميله تنقسم الي BOTANY و GOOLOGE ودي النبات والحيوان الحضور المحاضرات يتم في كليه العلوم وكذلك السكاشن في معامل كليه العلوم المذاكره من كتاب القسم والاوراق التي سوف تنتشر في الدفعه الفيزياء الحيويه BIO PHYSICS : http://www.alltalaba.com/board/style...mg-resized.png تم تقليل : 66% من الحجم الأصلي للصورة[ 600 x 317 ] - إضغط هنا لعرض الصورة بحجمها الأصلي http://www.phas.ubc.ca/~biophys/program/biophyslogo.jpg ماده سهله تعتبر فيزياء يتم الحضور في كليه العلوم السكاشن والمحاضرات وعامه كليه العلوم بتاخد يوم ونصف من الاسبوع غالبا سبت ونصف الاحد كده مواد الترم الاول خلصت الحمد لله النتيجه بعد اسبوع من اخر امتحان.... خدنا اجازه خدنا اجازه خدنا اجازه والاجازات ايام ممتازه.......اديك خدت اجازه مشتفهاش بقالك سنتين وطلاب كليات علميه تانيه بيتمنوا ياخدوها..... الترم التاني :ايه ده الاجازه خلصت بسرعه..... المواد: تشريح خيل واجنه 2 ANATOMY AND EMBRYOLOGY : http://www.localriding.com/image-fil...igestive_a.jpg هتدرس في هذا الترم لبطن والصدر ABDOMEN AND THORAX ده هتدرس كل الاعضاء اللي في الجسم جوه وعظام الضلوع والعمود الفقري وعضلات الصدر والبطن والامداد الدموي والنيرفات الدراسه من كتاب القسم وبعض الاوراق الموجوده في المكتبات طبعا مهم اوي حضور السكاشن والمحاضرات هستولوجي 2 HISTOLOGY : http://www.alltalaba.com/board/style...mg-resized.png تم تقليل : 72% من الحجم الأصلي للصورة[ 548 x 476 ] - إضغط هنا لعرض الصورة بحجمها الأصلي http://img231.imageshack.us/img231/4...stology5xb.jpg هتدرس شكل الخلايا في مناطق الجسم المختلفه وفي الحيوانات المختلفه مثل OESOPHAGUS URETER UTERUS وهكذا وطبعا هتدرس اختلاف شكل الخلايا في نفس المناطق في الحيوانات المختلفه الدراسه من كتاب القسم وانصحك لو ناوي تذاكر ذاكر من الكتاب بس واطلس الرسومات MOLECULAR BIOLOGY : http://www.alltalaba.com/board/style...mg-resized.png تم تقليل : 86% من الحجم الأصلي للصورة[ 461 x 324 ] - إضغط هنا لعرض الصورة بحجمها الأصلي http://biology.kenyon.edu/courses/biol111/mbio3.jpg ماده كليتنا فقط اللي بتدرسها وكتاب صغير بس صعب شويه دي مواد داخل الكليه..... مواد خارج الكليه (في علوم وزراعه )......غالبا يوم السبت والاحد (علوم) زيزم الاثنين (زراعه) و طبعا باقي الايام في كليتنا(ركز معايا).. مواد كليه العلوم Chemistry الكيمياء: http://www.perse.co.uk/uploads/Chemistry_4.jpg ماده لذيذه هتدرس فيها الكيمياء الاورجنك و الفيزيائيه وطبعا لازم تحضر كل السكاشن لان في كل سكشن بتاخدوا الكشف عن مركب معين والمره دي بجد هتحس انك دكتور وانت عمال يتفرقع معاك الانابيب و شكلك يضحك http://www.alltalaba.com/board/style...1_6[1].gif الدراسه ممكن لوعايز من كتاب القسم او من ورق الدروس المنتشر في الدفعه مواد كليه زراعه : الوراثه : http://www.uga.edu/srel/kidsdoscienc...cs-puppets.gif ماده خنيقه يعيبها انها باللغه العربيه بس بالمذاكره تبقي سهله عندك كتاب القسم وغالبا ما بيتوفرلهاش ورق الحضور المحاضرات عندنا في الكليه والسكاشن في كليه الزراعه احصاء حيوي : http://www.mja.com.au/public/issues/...us/mcmanf1.gif ماده من زراعه لذيذه موت (للي بيعشق الرياضه زي حالاتي)قريبه جدا من احصاء ثانوي وماده النجاح فيها سهل جدا.. المذاكره من كتاب القسم وهو كتاب بسيط موت ..... |
ايه الشغل الجامد ده يادكتورة همسة شكرا لمجهودك معانا
|
اقتباس:
اهلا وسهلا يا دوك نورت التوبيك وان شاء الله تلاقى هنا طلاب كتير فى بنها |
اقتباس:
ربنا يكرمك يا رغده وربنا يوفقا كلنا يارب |
سبتيلي ايه اقوله انا بقي يا همسه :stickjo4: بس هو ده فعلا وصف سريع للمواد وانا زيكو كده دورت ولقيت وقريت بس ملقتش حد اسأله عن كا حاجه بالتفصيل بس طبعا اول ما بدأت الدراسه اتعرفت علي ناس كتير اكبر مني واكتر حد فادني بنوته عسوله كده كانت صاحبة صاحبتي في المدرسه ههههه اسمها نهي وهي دلوقتي في سنه تالته يعني اكبر مني بسنه زهقناها في عيشتها كل مانشوفها في الكليه نستلمها اسئله نذاكر ده منين الورق ده احسن ولا ده اي سي دي نزل في سنتهم جابتهولنا بصراحه ظبطتنا اوي:078111rg3: وانا في خدمة اي حد حابب يعرف اي حاجه عن الكليه ومش كلام بس لا ده حقيقه وجربو :) |
يا ري ان شاء الله الاقى حد فى بيطرى بنها
|
انا الاء داخلة معاكم اولي بيطري القاهرة وياريت تقبلوني صديقة معاكم
|
اقتباس:
انتى نورتى التوبيك يا لولو وطبعا انتى بقيتى صديقه لينا خلاص:av4056bb7jp3: |
انا لبنى معاكو ان شاء الله ف بيطرى القاهره داخله سنه اولى
واحب اكون صديقه البرنااااااامج ههههههه هى الدفعه كلها بنات والا ايه ههههه:av4056bb7jp3: |
انا ان شاء الله ان عشنا
رايح 1 بيطرى الزقازيق |
اقتباس:
اهلااااااااااااااا يا لبنى نورتى البرنامج والله قصدى التوبيك:d وطبعا انتى صديقتنا كلنا مش محتاجه كلام بالنسبه لبيطرى القاهره شكلها فعلا كلها بنات فعلا يلا وماله وداعا بقى للتفرقه العنصريه:p احنا بقينا اربعه دلوقتى انا وانتى ورغده والاء وطبعا مننساش البج بوس بتاعنا دوكتور سندريلا |
اقتباس:
ههههههههههههه بج بوس!!!! ماشي يا همسه اخجلتم تواضعنا :p بالنسبه لموضوع الولاد بقي هو الكليه بتاعتنا بقالها سنتين كده الولاد شاحين شويه يعني تقدري تقولي ولد لكل 5 بنات :039uw8: حتي تلاقي معظم الجروب في الكليه كلهم بنات ومعهم رجل واحد :039uw8: بس طبعا في جروبات بنات بس ومش كتير جروبات ولاد بس :slap1qk6: ببالمناسبه متعرفوش الدفعه بتاعتكو كام واحد احنا كنا 317 بالغير مسجلين بالمحولين بكله برمتهم يعني بس مش عارفه العدد قل ولا كتر ولا ايه نظامه شدو حيلكو انتو بس :078111rg3: |
اقتباس:
انا الايميل بتاعى any_2mido*********** ياريت نتكلم سوا طبعا ده مش لهمسه لوحدها ههههههه:d |
اقتباس:
اهلا بيك معانا واهلا بطلبه الزقايق كلهم التوبيك نور هو الصوره اللى حضرتك حاططها دى بتاعتك بس ولا لاى فيت اصلى شكلى كده هستلفها يومين:d |
اقتباس:
يا نهار بالالوان كتبه الايميل هنا يا لبنى يارب مايدخل التوبيك ده اى مشرف:d اصله ممنوع يا قمر بس انتى تأمرى ان شاء الله هضيفك عندى وهقول لرودى كمان ممكن اسالك سؤال لولبى حبتين هو انتى هتسكنى مدينه ولا هتسافرى كل يوم؟؟؟؟؟؟؟ |
كويس القسم اهو بقى شغال زى الفل
اصبروا عليه شويه بس وان شاء الله ح يبقى 100% |
اهلا وسهلا بيكي يا لبني و احنا يشرفنا كلنا انك تبقي معانا و بجد اية النور الجامد اللي في التوبيك ده
|
اقتباس:
ده نورك يا رودى |
ربنا يخليكي يا همسة ( علي طول كده بتحرجيني بذوقك)ياقمر
|
اقتباس:
اه صحيح نسيت اسالك انتى منين ؟؟؟ لعل وعسى الاقى حد يونسنى ف الطريق :friendsxs3: |
اقتباس:
لا للاسف مش هونسك خالص فى الطريق بس فى الكليه اكيدهقرفك مش هونسك بس:d اصلى من بعيد جدا وهسكن المدينه بعيد عنك |
بسم الله - انا محمد بركات داخل بيطري ادفينا معتقدش اني هلاقي حد داخل بيطري ادفينا هنا
|
تعرف يا محمد انى كنت همووووووت واحول ادفينا بس للاسف التحويل ما تقبلش مع ان الفرق بين مجموعى ومجموع ادفينا نصف درجه والله بس الحمد لله بس ادفينا السنادى واخده طلاب يامه اكتر من اى سنه ده اللى اعرفه من طلبه الاتحاد فى الكليه وان شاء الله تلاقى فى المنتدى طلاب فى ادفينا |
ان شاء الله
|
اولا احب ان اشكر قطة المنتدى همسة على مجهودها الرائع اوىىىىىىىىىىىىىىىىىىىى بجد الله يكرمك وتطلعى الاولة على الدفعة كل سنة ان شاء الله
انا على فكرة طب بيطرى كفر الشيخ رايحة سنة اولى ياريت حد يكلمنى عن الكلية اكتر بتاعة كفر الشيخ بس ياريت بنات فقط فقط فقط فقط فقط ***** اللهم اجعلنا من المتقين |
انا بقى منار
رايحة اولى بيطرى المنصورةيا ريت الاقى حد معايا هنا |
ازيك يا منار نورتى المنتدى كان نفسى تبقى طب كفر الشيخ معلش استنى شوية وهتلاقى معاكى كتير باذن الله
اوصيكى بكثرة الاستغفار وتقوى الله |
اقتباس:
اللهم امين يانهار ابيض الكلام الحلو والدعوات الجميله دى عشانى متشكره اوى يا دكتوره نور اخجلتم تواضعنا والله وان شاء الله تلاقى صحاب ياااااااااااااااااااااااامه بنات فى كفر الشيخ ومش تحرمينا من مشاركاتك فى المنتدى يا قمر |
اقتباس:
اهلا بيكى يا منار واهلا باهل المنصوره كلها مش عارفه البلد دى بحبها اوى ليه مع انى مرحتهاش خالص بس اى حد بحبه بيبقى منها بصراحه بلد كلها خير كفايه ان منها الدكتور حازم شومان وبجد بجد نفسى يبقى فى المنتدى اكبر تجمع لبيطرى المنصوره |
ميرسى يا جماعة على الترحيب الجامد دا
|
السلامـ عليكم ورحمة الله وبركاته ...أول مشاركه لطالب في بيطري القاهرة :049gc0:
التعريف ::av4056bb7jp3: نادر ..أحسن واحد يلعب بالارجنتين ...رايح أولي طب بيطري القاهرة وكده يبقي كمل أول 5 بنات أو أربعه مش فاكر أوي.. زهايمر معلش :abdoog8:..وولد واحد :blush::078111rg3: |
اقتباس:
انا اختكم بنوتة سنة اولى طب بيطرى الزقازيق |
اقتباس:
اهلا بيكى نورتى التوبيك ونتمنالك التوفيق باذن الله |
أنا احتمال كبير أكون في طب بطري بنها
|
احتمال؟؟؟؟؟؟؟؟؟:o على العموم اهلا بيكى دكتوره ساره نورتى قسم الطب البيطرى كله |
اه احتمال عشان أنا اصلا جالي حاسبات بس عملت طلب تحويل لطب بطري وربنا يسهل
|
ربنا يكرمك ان شاء الله وتحويلى بس انتى جالك حاسبات ومعلومات ؟؟؟ اللى بيدخلوها بتوع رياضه2 |
على العموم أهلا بيكى يا سارو وان شاء لله هيوافقوا على طلبك وأنا داخل أولى بيطرى بنها
|
اهلا يا بنات ربنا معاكم ان شاء الله للى داخلين اولى
انا فى سنة تانية واسمى ايمان احب اتعرف عليكم كلكم ومش بس من خلال المنتدى ياريت كمان نتقابل ان شاء الله فى الكلية لو حد عايز اى حاجة انا فى الخدمة |
اقتباس:
بس انهي ايمان فيهم بقي هو ده السؤال :d انا علي فكره معاكي يا ايمي في الكليه واكيد تعرفيني لاننا في نفس السكشن بس هبقي ابعتلك ع الخاص بقي اقوللك انا ميين :bosyht9::av4056bb7jp3: |
اهلا بحضرتك يادكتورة ايمان وطبعا اتشرفنا بمعرفة حضرتك انا رغدة راحة اولي ان شاء الله وان شاء الله نتقابل في الكلية وربنا يوفقك ان شاء الله
|
السلام عليكم أعضاء المنتدى الكرام كلنا بنتكلم عن الكلية والدراسة والمحاضرات والسكاشن بس محدش اتكلم عن بعد كدة احنا بنتكلم فى حيز الكلية بس ومحدش جاب أى حاجة عن بعد الكلية أنا قرأت موضوع جذبنى جدا بس أخذت فكرة عامة عنه فقط لا أعرف التفاصيل ان ممكن ان الاطباء البيطريين يعملوا معادلة عشان يشتغلوا فى استراليا ومرتباتهم 200$ فى اليوم فى الساعة مش فاكرة بس فى استراليا تعتبر مهنة الطب البيطرى هى المهنة الاولى بالنسبة لهم هو مش مشكلة الفلوس انا مش بتكلم فى الناحية المادية مع انها مهمة بس ممكن يكون فى فرص حلوة هناك خاصة انهم بيحترموا مهنة الطب البيطرى جدا وبيعتبروها الاولى عندهم كان نفسى نقابل نفس الاهتمام عندنا ونفس الاحترام للطبيب البيطرى لانها فعلا جميلة أى حد يعرف حاجة عن المعادلة يجيب معلومات عنها وانا ان شاء الله هحاول أبحث بردو :) |
| جميع الأوقات بتوقيت GMT +2. الساعة الآن 06:32 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.