|
ملتقى تجمع طب طنطا
بسم الله الرحمن الرحيم نبدأ بحمد الله عام دراسى جديد وانا معكم ان شاء الرحمن فى طب طنطا ممكن المزيد من الطلبة اخواتى للتعرف وشكراااا وياريت يكون ملتقى للافادة العامة واى طلبات اخرى ونحن دايما ودائما سويااا ومن ياتى ويشارك فلة خير الدعاء والشكر وتمنياتى للجميع للاخوة والاخوات بالتوفيق |
ابا بالتعارف انا طب طنطا سناء معاكم ان شاء الله وياريت اعرف المزيد منكم وياريت نتعاون سويااااا
|
ازيك يا جميل أنا كمان طب طنطا باذن الله
ولو محتاجة حاجة كلنا موجودين |
شكرااا جداااا يا دكتورة رنا وجزاك الله خيرااا على ردك وياريت المزيد من الرد والمشاركة الفعالة باذن الله
|
السلام عليكم
هاااااااااااااااااااااااااااااااااااااااااى:078111rg3::078111rg3: انا داخله اولي طب طنطا ان شاء الله وبروح الكورسات اللى عاملتها مجموعة الميرج :av4056bb7jp3: في الحقيقه دى مفيده جداااااااااااااااااااااااااااااا لازم تروحوا تجربوها هتفيدكوا اووووى بس المشكله هي المذاكرة ونظام الامتحانات انا مش عارفه اعمل ايه! :confused: ياريت تقولولي بلييييييييييييييييز :slap1qk6: |
ايه هى المشكلة عندك فى المذاكرة ونظام الامتحانات
|
اقتباس:
ده أحسن حاجه في الميرج هو إنه بيخليكي تذاكري وبيدي امتحانات وفي مذكرات عشان تذاكري منها لو روحتي سنتر السعدني هتحسي فعلا إن الميرج ده حلو جداااااا لأنهم هناك مفيش مذكرات ولا امتحانات كله بيروح يسمع أي كلام ويروح وانا كمان معاكوا إن شاء الله في طب طنطا هتكون إن شاء الله دفعه جاااامده جدا وشكرا عالموضوع إللي كنت مستنيه من زمان |
السلام عليكم أهلاً بيكى أختى سناء وبكل الأخوة أنا كمان هاكون معاكم فى طب طنطا إن شاء الله ويارب نكونوا متعاونين دايماً |
هااااااى يا دكتورة ايمان ازيك عاملة ايه ! هوا انتى بتروحى سنتر الميرج عشان الكورسات؟ |
أهلاً بيكى د/سناء الحقيقة أنا مش بروح الكورسات دى علشان أنا من البحيرة وعلشان السفر فى رمضان مرهق لكن عندى أخويا الكبير فى خامسة طب بيشرحلى بعض الأشياء ،وهاجيب المذكرات اللى بيخدوها علشان يشرحلى منها وكمان أنا متابعة المحاضرات اللى د/ أحمد موسى بيكتبها على المنتدى |
هااااااااام جداااااا
هااااااااااااى يا دكاتره اناهكون معاكوا فى طب طنطا ياريت حد يكلمنى عن محاضرات الكورسات |
السلام عليكم ورحمة الله وبركاته
كل سنة وأنتم طيبين يا دكاترة |
رمضان كريم عليكو كلكو
إن شاء الله يا دكاترة أنا زميكلم ف الكلية بس أكبر منكم يعني عندي خبرة في امور الكلية والكورسات والمحاضرات وكل حاجةان شاء الله ويا ريت تعتبروني اخوكم الكبير واي سؤال او استفسار من حد إن شاء الله يلاقي الجواب عندي وأنا تحت أمركم....
د.فريد .......أنا مش اكبر بكتير منكم يعني على فكرة:friendsxs3::friendsxs3::friendsxs3::022yb4::0 22yb4::friendsxs3::friendsxs3::friendsxs3: |
دكتور معلش سؤال في تانيه وف أولى أخدت كورسات ولا لأ
ولو أخدت ممكن تؤلي لو سمحت أخدت عند مين؟؟ معلش هتعبك.. |
لا أبدا متقولش كده يا دكتور أحمد....إحنا أخوات بس انا هقولك أنا ف سنة أولى طبعا اخدت كورسات لان بتبقى اول سنة ليك ف الكلية ومش عارف لسه المواد اللي عليك عاملة ازاىوبتكون محتاج على الاقل مساعدة من اي حد وده اللي بتقدمة الكورسات...وكمان كنت باخد ف الاربع مواد زي 95%من الطلبة..كنت بأخد الفسيولوجي عند الدكتور محمد أنس والاناتومي عند الدكتور سامح غازي...البايو(الكيمياء الحيوية)عند الدكتور أحمد بدوي...والهستولوجي عند الدكتور محمد النجار.....بس ده ميقللش من امكانيات الدكاترة التانيين بس دول من وجهة نظري الافضل وانت هتتأكد من الكلام ده لما تدخل الكلية ان شاء الله بس بعد كده انت لوحدك هتبدأ تلاقي ان فيه مواد مش محتاجه كورس وسهلة تذاكرها لوحدك مع السكاشن وهتحس انها بتضييع وقت كتير ف الكورسات وطبعا الاحساس ده مش هييجي من بدري غالبا لما تخلص سنة اولى وأوا المواد دي بيكون الهستولوجي عشان هو سهل جدا.....أما حكاية المحاضرات يا سيدي طبعا كل الناس هتكون داخلة ف الاول فرحانه بالكلية وعايزة تشيل البالطو من اول يوم...وتحضر كل المحاضرات وده هتلاحظه ف اول فتره هتلاقي المدرج بتاعكو -اللي بيجددوه دلوقتي-مليات على اخره يمكن 1000 او 1200 الدفعة كلها بتبقى حااضرة ورزحمة بقة وكل واحد عايز يلحق يكتب ورا الدكتور مع العلم انه مش هيلحق حاجه لان فيه دكاتره بتشرح بسرعة وفي دكاتره حلويين بس بعد كده وعلى مر الايام هتلاقي المحاضرات دي محدش بيحضرها الا نادر جداوهتشوف بنفسك ان شاء الله وأي سؤال أنا تحت أمركم يا دكاتره:av4056bb7jp3::av4056bb7jp3: |
طيب دلوقتي أنا حجزت عند كل الدكاتره إللي في الميرج (الفقي) بس في حاجه
كل الطلبه قالولي إن سامح غازي في الأناتومي بس إيهاب أول سنه يدي السنه إللي فاتت وانا دلوقتي معاه في سكور وعجبني جدا هل آخد عنده على طول ولا أجرب وبدوي كله بردو بيقولي عليه بس أنا مش مقتنع بيه خااااااااااالص والنجار ده زي العسل وهو إللي أنا مستقر عليه أنس بقا هو حلو بس فيه مشكله إنه بيتكلم كتييييييييييييير ومن كتر كلامه بيتوه الهدف والمعلومه إللي عايز يقولها بس هو بيتعب جامد في الشرح بس السؤال هل ممكن يكون الشحات أحسن منه ؟؟ معلش طولت عليك..:( |
لا ولا يهمك يا باشا......بص والله هي الايام هتثبتلك اي نعم انت ممكن تكون شايف شخصية ضعيفة شوية لدكتور بدوي بس شرحة بجد لا يعلى عليهبس دي مسألة وجهات نظر...بس يا ريت متتسرعش ف حكاية الحجز دي عشان متربطش نفسك بحد علطول...وبصراحة دكتور أنس والله ده أفضل واحد هتلاقيه ويا ريت متغيروش ودي نصيحة والله مش هتلاقي زييه بس هو بيحب يهزر عشان الكورس ميبقاش ممل بس والله ده أفضل واحد مع كامل احترامي لكل الدكاترة....وبعدين الدكتور إيهاب بيتعب جامد ف الشرح بس الاناتومي محتاج رسومات كتير اكتر من الكلام ودي ميزة دكتور سا مح انما حكاية المذكرات دي لازم تبقى مجرد عامل مساعد مع ورق الدكتور سامح.....والدكتور النجار صاحبي وحبيبي وكل الدكاترة حبايبي وأنا معاك ان دمه زي العسل وهو بيحبني اوي بس انا بقولك انه هيكون من اول المواد ان هتلاقي ملهاش لازمة ف الكورسات ف تانية....بس هي دي الحكاية
|
ميرسي عالرد يا دكتور
وانا إن شاء الله هجرب إيهاب وسامح أول اسبوع واشوف وأقولك ميرسي على المساعده الحلوه ده.. |
لا شكر علو واجب يا دكتور إحنا أخوات وأي طلب للدكاترة ان شاء الله تلاقو الرد
|
انا كمان معاكم في طنطا
وبروح ميرج |
أهلا بيك يا دكتور...وأي سؤال او استفسار عن الكلية أنا اخوكم الكبير وتحت امركم
|
اهلا بكل الاصدقاء
بصراحة يشرفني اني اتعرف على ناس محترمين من الصفوة احمد معاكم في طب طنطا في موقع لمنتديات الجامعة ممكن تلاقوا عليه حاجات مفيدة كتير |
السلام عليكم
اهلا وسهلا يا دكتورة انا كمان معاكو كمان فى طب :slap1qk6:طنطا ياريييييييت نتكلم مع بعض:friendsxs3: |
انا كمان معاكو فى طب طنطا واسمى آلاء مرحب بيكو معانا
ان شاء الله تبقى دفعة جامدة وربنا يوفقنا كلنا |
لو سمحتم ياجماعة ممكن رايكم فى الموضوع دة انا من طنطا بس دخلت طب بنها يلا هعمل اية بس عشان ظروف كدة هى لمصلحتى يعنى الهم انا مش عارف اعمل اية فى ناس بتقولى طب بنها وحش وبيحسسونى ان طب بنها دة مش طب وكرهونى فيها على الاخر مش عارف اعمل اية وانا مش عاوز اجى طنطا خالص
|
السلام عليكم اختكم سارة صيدلة طنطا بجواركم ياريت اشوف حاجة كويسة جدااااااا وبالتوفيق لاصدقائىالاء وسناءو ربنا يوفقهم ويوفقكم اكيد اللهم امين
|
بجد بجد دي هتبقى دفعة روووووعة مش بس جامدة وربنا يوفق الجميع ..
ياريت ياجماعة تساعدو الأخ ماكسي لأن شكلو محتااااار أوي |
أنا رأيي يا دكتور ماكسي بكل بساطه لو انت من طنطا حول طنطا اسهل عشان السفر والبهدلة وخليك ف بلدك أحسن غير كده أنا عن نفسي بفضل طب طنطا لانها أفضل من بنها شوية لأسباب معينة ..وعلى فكرة أنا أول مدخلت الكلية دي جاتلي برضو طب بنها لاني مكنتش جبت طنطا بس حولت عشان بلدي وزمايلي وأصحابي هناك هتحس بالوحده...ده مجرد رأي والقرار ليك طبعا
د/Wanted Man ألفرقة الثالثة(طب طنطا) |
اهلا وسهلا بيكم احب اكون صديق جديد ليكم يشارككم الموضوعات واحب ارحب بالدكتور الجديد احمد موسى لانة من طنطا معايا وانا عارفة ومعاكم زميلكم الجديد اسامة
|
هاااااااااااااااى
:022yb4:انا كمان بروح الميرج تعرف تشرح اللى ممكن نتسال فيه فى الامتحان العملى بكرة:slap1qk6: |
ده فيه امتحان بعد بكرة في الميرج على كله وانا بقالي كتير اوي ما بروحش خالص انا زميلكم الجديد وعايز ياريت ايميل ورقم د احمد موسى عشان عايز اتعرف عليه اكتر
|
اهلا يا دكتورة:022yb4::022yb4::022yb4: الاء انا معاكى ف طب طنطا واضح فعلا انها هتبقى دفعة جاااااااااااامدة:friendsxs3:
|
اقتباس:
حاضر إن شاء الله أديك الميل الموبايل .:d |
انا بعتلك رقمي مستني بس ميسد وانت طلعت اخلاق وزوق مفيش بعد كدة ودة العادي من زملائنا في الكلية وبنشكرك كتير يا دكتور احمد على المحاضرات الاتأهيلية وننتظر المزيد
|
خلصت مذاكرتك يا دكتور احمد ولا ايه ؟ربنا يوفقك:friendsxs3:
|
اقتباس:
لأ لسه والله بس مش فاضل كتير ميرسي لسؤالك |
ربنا يوفقك يا دكتور ونتقابل انشاء الله في مجموعة الميرج يوم السبت لما يكون موجود دكتور انس
|
عملت ايه يا دكتور ف الامتحان ؟؟وايه اللى حصل! |
اقتباس:
الإمتحان الحمد لله كان حلو جدا الأناتومي جه فيه ال functions of bones و ال type of bones والرسمه والبيانات و mcq الفسيولوجي جه فيه الجدول كله تسميع وال single innervation كله و Mcq برده وده الحمد لله حليته كويس لأن دول أكتر مادتين كنت مذاكرهم البايو بقى جه فيه خمسه mcq و تمانيه صح وغلط واربعه وصل كان سهل جداااا بس أنا مفرقتش معايا أساسا كان سهل ولا صعب لأني مذاكرتوش الهستولوجي كن مذاكره حلو وجه برده زي البايو وكان سهل الحمد لله بس ...ربنا يستر بقا وميرسي لسؤالك . |
هاااااااااااااااى
الحمدالله اهو ربنا ستر معاك هوا نتايج الامتحان العملى كانت عاملة ازاى؟؟ وكان فيه حد جاب الدرجة النهائية؟؟؟:confused:
:049gc0::049gc0: |
اقتباس:
|
انا معاكوا برضه طب طنطا
اسمى احمد من كفر الشيخ و انا رافض مبدأ الكورسات ده خالص لأنى اتخنقت من دروس الثانوية و قريت كتير عن ان طب طنطا مش على مستوى باقى كليات الطب بس يا رب يطلع الكلام ده غلط |
السلام عليكم
انا كمان معاكم في طب طنطا |
يشرفني ان انضم اليكم
احمد ... الفرقه الرابعه طنطا At Your Service |
| جميع الأوقات بتوقيت GMT +2. الساعة الآن 11:07 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.