|
fatafeat
http://www8.0zz0.com/2008/07/06/10/227137318.gif إزيكم يا جماعة؟ يا رب تكونوا بخير الموضوع ده بإذن الله هيكون من أكلى أنا يعنى هقولكم وصفات وطرق الوجبات اللى بعملها بنفسى ومن هنا ورايح محدش يقولى غير الشيف أسيل http://www8.0zz0.com/2008/07/06/10/495619860.gif :D:p:D:p والأكلات اللى هقدمها إن شاء الله هتكون بسيطة جداً وللمبتدئين كمان يعنى طريقة عمل الرز المفلفل والرز العادى طريقة عمل المكرونة والباشميل والجلاش والكُنافة وغيرهم بس هتكون بطريقتى الشخصية هتكون غريبة ممكن بس إن شاء الله هتعجبكم http://www8.0zz0.com/2008/07/06/10/293694826.gif يا رب تدعولى مش تدعوا عليا :D وإنتظرونى مع أول حلقة كانت معكم من أهدى مكان فى البيت : الشيف أسيل http://www8.0zz0.com/2008/07/06/10/644153008.gif |
ههههههههههه
منتظرين الشيف اسيل ربنا يستر |
كده يا محمود طيــــب بكره تشوف :cool: والأيام بيننا :mad: نورت الموضوع ( مش أوى يعنى :p ) |
اية دة اكيد هيبقى اكل يوجع البطن
يارب يطلع حلو هاة |
اما نشوف يا فتفوته:d
|
اقتباس:
دا اكل مبتدئين وراكى وراكى لحد منحرق المطبخ:D |
اقتباس:
ههههههههه أمال أكل إيه يا نونا يعنى أعلمك تسلُقى البيض إزاى!!!:D وشكراً لمروركم بالموضوع |
اقتباس:
اه ياريت تعملينى اسلق بيض اصلى مبعرفش اسلقه كويس |
طريقة عمل الرز
بإذن الله إنهارده هعلمكم إزاى تطبخوا الرز العادى ( المفلفل ) أولاً : لازم نعرف كمية الرز المناسبة للأسرة قد إيه ونخلى فى بالنا إننا لازم نطبخ أى أكل على قد اللى هيتاكل بس لأن كل ما الأكل بات أو فضل فترة هيبقى مش حلو وعن نفسى بما إننا خمسة فى البيت بعمل كوبيتين رز او 3 كوبيات ثانياً : لازم ننقى الرز كويس علشان مايكنش فيه حصا او رز مش حلو ثالثاً : بنغسل الرز كويس أوى بميه عادية ( ماتكنش سخنة علشان ماتطبخيش دقيق بدل الرز :p ) لغاية ما اللون الأبيض يروح منه ونصفيه من الميه كويس رابعاً : نجيب حلة تأخد كمية الرز ونحطها على النار حسب الرغبة نحط زيت أو سمنة هتكون على حرارة متوسطة خامساً : لو عايزين الرز يبقى ليه شكل حلو أو يكون فيه ألوان نحط تمن أو ربع كمية الرز اللى غسلناها (طيب هتعرفوا تمن من ربع إزاى ؟ )مش لازم بالظبط يعنى حسب تقديرك ونقلب الرز لغاية لما ياخد اللون الأصفر ونضيف بقية الرز ملحوظة : لو بتحبوا الرز بالشعرية هنحط الشعرية بعد ما نضيف الزيت أو السمنة لغاية لما ياخ لون بنى فاتح ونضيف الرز سادساً : فى ناس بتحب تحط مرقة وبما إنى بحب الأصل بحط شربة فراخ أو أى شربة حسب الأكلة نفسها أو الأسهل نضيف ميه على الرز لغاية لما يتغطى كله ويستحسن نزود شوية ميه صغيرين بعد ما نغطيه علشان الرز بيشرب ميه كتير سابعاً : نحط معلقة ملح برده على حسب كمية الرز غالباً هتبقى معلقة متوسطة ملح ونقلب الرز كويس ونغطيه ولما يغلى نوطى عليه النار علشان مايتحرقش ونسيبه من ربع ل تلت ساعة يكون إستوا مش عارفة ليه حاسة إنى شيف فاشل :p ما علينا وكل نفس ذائقة الموت http://www7.0zz0.com/2008/07/07/08/774308795.gif ( قصدى بالهنا والشفا http://www7.0zz0.com/2008/07/07/08/995584667.gif ) ولو فى أى إستفسار راسلونى على ايميل البرنامج مش هقوله علشان مخالف للقوانين :D كانت معكم من أهدى مكان فى المطبخ : الشيف أسيل |
اقتباس:
اسكتى يا شيفة يا اوختشى:D مش مرة اتجرات وعملت رز;) اسكتى على ال حصل:D اتلسعت وخدت تهزيق من بابا عشان كان واقف معايا:( وربنا ستر:D بس طلع حلو:p |
اقتباس:
يعنى اطلع انا من الموضوع دا من الاخر :rolleyes: ______________________ ربنا يوفقكم والمطبخ ميتحرقش وخلى بالك من الرز احسن يشيط :p ___________ اقتباس:
لا الف سلامة يابنتى ________ ربنا يوفقكم كلكم :) |
اقتباس:
أمين يارب مش باين عليا انى هتعلم ولا بعد ميت سنة كفاية علينا الشاى:D |
اقتباس:
لالالالالا فعلآ انا كنت غلطان بس خايف اكون انا اللى مش عارف وتبقى حاجة الا كلام ( ربنا يسهل واسأل حد مختص):p |
اقتباس:
ربنا يخليكى لينا يا هبة نورتى الموضوع:) |
اقتباس:
هتتعلمى غصب عنك يا نونا ولما أشوف انا ولا انتى والشبشب جمبى أهو لما أشوف أخرتها معاكى :mad: بنات أخر زمن نورتى يا نونا :D |
اقتباس:
ههههههههههه مختص انت بتسأل على دوا دا رز :p طالما عجبك مش لازم تسأل مختص ولا حاجة خليك ورايا تكسب ;) وشكراً لمرورك :) |
اقتباس:
خلينا ورا مها لحد منولع فى البوتجاز:D |
طريقة عمل المُرتة
غالباً عارفة إن فى ناس كتير مش عارفة المُرتة هتعرفوها دلوقتى هى عندنا فى دمياط بيقولوا عليها مُرتة أو عَجوزة ( وبلاش تريقة السكينة جنبى أهى ) تعالوا نشوف الحلقة التانية ونعرف إيه هى المُرتة وبتتعمل إزاى المُرتة لذيذة جداً وصدقونى هتعجبكم أوى هى من مكونات اللبن وهى بتبقى فطار أو عشا ( غَموس زى الجبنة والمربى ... ) خلصينا وقوللنا بتتعمل إزاى ؟؟:mad: قلت السكينة جنبى ;) أول حاجة كل يوم كده نجمع القشطة اللى بتبقى على وش اللبن فى سلطنية مثلاً وعلى أخر الأسبوع أو لما يبقى عندنا كمية قشطة نحطها فى حلة ( إستنى يا أسيل شوية مانجيب قشطة من برا وخلاص ) براحتكم بس الأصل أحسن المهم نكمل هناخد القشطة ونحطها فى حلة ويُفضل تكون حلة ألمونيا مش تيفال علشان العملية تبقى سهلة هنحط ملح على قد كمية القشطة ( خير الأمور الوسط فى كل حاجة يعنى شوفى كمية الحاجة اللى بتتبخيها وعلى أساسها حطى الملح ) محدش يقولى يعنى كيلو قشطة نحط كيلو ملح بلاش فكاكة ;) قصدى يعنى لو مثلاً كوبيتين قشطة نحط معلقتين صغيرين ملح ونحطها على النار ونقلب ونخلى بالنا من حوافى الحلة علشان ماتتحرقش مانسبش الحلة ونروح نتفرج على تيمون وبومبا ;) تؤتؤ نفضل جبنها لغاية الأخر هنلاقى القشطة إتحولت سمنة و مُرتة فى الحلة من تحت لما لون المُرتة يبقى دهبى نطفى عنها ونسبها شوية لما تبقى حرارتها معقولة وبعدين نفصل المُرتة عن السمنة وبكده يبقى عندنا وجبة سريعة ولذيذة بعيش أو رز وعندنا سمنة بلدى مضمونة لا روابى ولا الكلام الفارغ اللى بيكلفنا كتير ومش أصلى طولت أوى بس علشان تحسوا إن الحلقة كبيرة :D بالهنا والشفتشى http://www6.0zz0.com/2008/07/07/12/395355727.gif وألقاكم إن شاء الله فى الحقة القادمة كانت معكم من أهدى مكان فى البيت : الشيف أسيل |
اقتباس:
يا بت اهمدى عايزين كل يوم حاجة عشان نقدر ننفذها بس العجوزة دى احنا بنعملها تقريبا من الزبدة:D اقتباس:
اتفرجوا على سبيدر مان |
اقتباس:
اقتباس:
عادى ممكن تتعمل من الزبدة مش هتفرق كتير شكلها بس هيختلف شوية لا وكمان طعمها :D وممكن تتعمل برده من السمنة الصناعى بس مش بحب أكلها القشطة أحسن |
رز مرته حله مها سكينه وشبشب كمان
احمدك ياااااارب :d المرته دى مكنتش بحبها بتاتاً بس لما دوقتها(محدش يكلم مبحبش الحاجه من غير ما ادوقها:d)عجبتنى اوى |
ههههههه عسل
نورتى يا حبى |
مفيش حاجة النهاردة ولا ايه يا شيفة:D |
نيس يا ميهو
واستمرى |
سلطة البتنجان
إنهارده هقدمكم فى الحلة التالتة ( سلطة البنتجان ) يا رب تعجبكم أول حاجة بنجيب بتنجايتين رومى حلوين كده ونغسلهم كويس ونحطهم فى الفرن زى ماهما ونسبهم وكل 10 دقايق نقلبهم لغاية لما تكون قشرتهم انفصلت عن البنتجان هتبقى القشرة نشفه هنطلعهم فى طبق ونفتحهم بسكينة ونطلع البتنجان من القشر ونحطه فى الطبق بس نتأكد إن مافيش قشر نزل فى الطبق بعد كده نجيب معلقة خل نحطها على دقة فلفل أحمر ( عبارة عن فلفل رومى أحمر وتوم وملح مضروبين فى الخلاط ) وشوية كَمون زى ماقلنا معلقة خل متوسطة على معلقة صغيرة دقة حمرا أو ممكن بدل الخل لمون و رشة كَمون ونحطهم على البنتجان ونهرسه ونقلبه كويس وبكده يبقى خلصنا سلطة البنتجان وبالعيش بقى يبقى طعمها جميل جداً بالهنا والشفا http://www8.0zz0.com/2008/07/09/10/106953447.gif كانت معكم من أهدى مكان فى البيت : الشيف أسيل |
ماشي يا شيف اسيل بالبتنجان بتاعك ده انا هروح اجرب لو حصل لحد من اهلى حاجه انا بحملك المسؤليه كااااااااااامله
ياريت الكل يشهد |
هههههه وانا ذنبى إيه؟!! هو انا اللى طبخت ( أنا اللى جبت دا كله لنفسى :( ) نورتى يا أجمل أهلاوية فى مصر ;) وإن شاء الله تعملى البتنجان ويعجبك |
تسلم ايديكى يا شيفة هجربها كمان خمسن سنين واقولك:D |
عارفة لو يوم من الأيام شميت ريحة أكل حلو وعرفت إنه أكلك يا نونا مش هصدق
إمشى يا بت من هنا .. إنتى أخرك صبى ميكانيكى لازم أقول كلمتين حلوين بما إنك فيكى ذرة أمل ومتابعة الموضوع نورتى يا نونا وربنا يهديكى يا حبيبتى |
اسيل هاتيلى طريقه عمل البسبوسه ...واكلاتك حلوة اوى
|
ربنا يخليكى يا سارة
من عنيا إن شاء الله أجبلك طريقة عمل البسبوسة و نورتى الموضوع يا قمر |
اقتباس:
يسمع من بؤك لباب السماء |
ربنا يهديكى يا نونا معلش مش قادرة أحط أكلة إنهارده |
نيجيللا يا اخواتي :p
ربنا يخليكوا لينا يا رب :D بعيدا بأه عن المورتة والعجوزة والرز ابو شعر مفلفل :p .. انا عايز طريقة عمل اللانشون يا .. شيف أسيل :) وجزاك الله خيرا مقدما .. |
اقتباس:
بما إنى مش بعرف أعمل البسبوسة فاجبتهالك جهزة إتفضلى وبالهنا والشفا ( طريقة عمل البسبوسة بجوز الهند ) http://www.thanwya.com/vb/showthread.php?t=47057&highlight=%D8%D1%ED%DE%C9+% C7%E1%C8%D3%C8%E6%D3%C9 ( طريقة عمل البسبوسة ) http://www.thanwya.com/vb/showthread.php?p=565111#post565111 |
طرقة عمل لانشون الفراخ
اقتباس:
بما إنى مش بحب اللانشون إستعنت بجوجل فى طريقة عمله :rolleyes: اقتباس:
|
اقتباس:
طب منشترية أحسن:D |
اقتباس:
دا انتى رايقة أوى يا نونا اشترى يا ستى هو انتى هتدفعى حاجة من جيبك ( الله يكون فى عون اللى معاكى فى البيت ) |
ايه الاكل الجميل دا
لا كدا انا مش هقدر اكمل ممكن نمره الاسعاف قصدي البيت عشان نيجي نتعشي عندكم بس بجد اكلات تحفه جاري التجربه ربنا يستر ع اللي ف البيت |
اقتباس:
صحيح .. نحط كريمة ازاي في لانشون ؟؟ http://www.thanwya.com/vb/images/icons/icon4.gif و جزاك الله خيرا اقتباس:
|
اقتباس:
نورت الموضوع يا بلال :) |
اقتباس:
إن شاء الله تجربى وكل حاجة تكون كويسة وإن شاء الله ماتشفوش الإسعاف أبداً وربنا يستر نورتى يا قمر وأسعدنى مرورك بالموضوع :) |
سلطة البطاطس
http://www8.0zz0.com/2008/07/09/09/192038895.gif إزيكم يا جماعة ؟؟ .. يا رب تكونوا بخير إنهارده هقدملكم أكلة جديدة وهى ( سلطة البطاطس ) هنجيب بطاطسيتين متوسطين الحجم هنغسلهم كويس هنشغل الفرن ونحطهم تحت على صاج الفرن نفسه علشان يتشوا بسرعة زى البنتجان كل 10 دقايق نقلبهم لغاية لما يبان انهم استوا يكون قشرتهم ناشفة أو إنفصلت عن البطاطس اللى جوا بعد كده نطلع البطاطس لمايستوا من الفرن نفتحهم ونفرغهم فى طبق ونخلى بالنا مانزلش قشر من البطاطس فى الطبق ونهرسهم ونضيف عليهم ملقة بقدونس مفرى ونص معلقة كمون و لمونة ورشة ملح مع إى إضافات حَبنها طبعاً المقادير دى كلها حسب الرغبة ونقلبهم مع بعض ونقدمها مع العيش وبالهنا والشفا http://www8.0zz0.com/2008/07/06/10/495619860.gif معلش حاسة إنى كنت بايخة أوى المرة دى كانت معكم من أهدى كان فى البيت : الشيف أسيل http://www8.0zz0.com/2008/07/09/10/214779276.gif |
اقتباس:
هههههههههههههههههه حلوة سلطة البطاطس دى يا مها اوعدك لما ابقى اجرب سلطة البتنجان ابقى بالمرة اعمل سلطة البطاطس:D |
ورينا همتك يا نونا
بس براحة على المطبخ عشان ماينفجرش |
اقتباس:
دا المطبخ دا أخر حاجة أفكر أدخلها |
هى عندنا فى دمياط بيقولوا عليهامُرتة
هو انتي من دمياط انا بردة من دمياط انتي منين من دمياط؟ |
اقتباس:
من عزبة اللحم نورتى الموضوع :) |
اقتباس:
أنا قلت من الأول إنك فاشلة :mad: امشى يا بت من هنا علشان ماتضربيش ;) |
اية يا ميهو دة ما شاء الله عندنا شيف فى المنتدى ايوة كدة ارفعى راسنا "بدل كوراث كواليس المطبخ خلت المنتدى قفد الامل فى الشيف خالص:p" وانا مش من المبتدئين اوى "ماما علمنتى بجد السنة دى جامد:D" بس هتابع معاكى بردو ماهو انا مش خبيرة فى الاكل يعنى على ادى ;) مش تتاخرى علينا فى الاكل والوصفات اللى فاتت جميلة "على فكرة انا شايفة الموضوع من بدرى بس قلت اسمة فتافيت فافتكرت ان ممكن تكون وصفات من قناة فتافيت وبصراحة انا مش بحب القناة دى خالص فمدخلتش :D بس انهاردة قلت لازم ادخل وندمت فعلا انى مدخلتش من الاول" بس متابعة معاكى ان شاء الله :) |
| جميع الأوقات بتوقيت GMT +2. الساعة الآن 09:54 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.