|
سبب عدم تثبيت المتعاقدين
السبب الرئيسي لعدم تثبيت متعاقدي الازهر
هو اختلاف في وجهات النظر حول استخدام قانون الكادر او قانون الوظيفة المدنية فشيخ الازهر لا يريد استخدام قانون الكادر فبعض المتعاقدين نجحوا في الكادر لكن الاغلبية من الازهرية مش تربويين وما امتحنوش الكادر و ما عندهمش استعداد ياخدوا الرخصة الدولية للحاسب الالي فمستحيل شيخ الازهر يثبت الناجحين في الكادر و يسيب الغالبية العظمي اللي ما امتحنتش وحتكون فيه مشكلة ان ممكن متعاقد 2008 يكون جاهز اكاديميا يتثبت وواحد تعاقد 2005 مش جاهز فحيزعل و احنا ما يرضيناش انه يزعل خلينا كدة بقي زي البيت الوقف ولا شيخ الازهر قادر ياخد قرار جرئ بتثبيت الناجحين في الكادر ولا قادر يجبر الحكومة علي تثبيت الجميع واحنا جبناء لا قادرين نطالب بكدة او بكدة فده سبب تاخر التثبيت |
يا الله
ده المشكلة الاكبر فينا احنا ده احنا كمان خايفين من بعض و بنتكسف من بعض واللي ينكسف من بنت عمه ما يجيبش منها عيال ما تتكلموا قولوا الحقيقة ان اللي معطل الدنيا هو تعنت شيخ الازهر في تثبيت من يستحق ومن لا يستحق قانونيا وعلميا وادبيا اكبر دليل علي جبنكم ان 15 واحد دخل علي الموضوع ده وقراه وما قدرش يعلق حسبي الله ونعم الوكيل في الجبناء |
حسبي الله ونعم الوكيل
|
اقتباس:
|
حسبنا الله ونعم الوكيل |
شيخ الازهر نفسه لم يقل هذا الكلام فمن أين لك به؟
|
انهم شرزمة قليلون
|
ضاع املنا في شيخ الازهر ...وحسبي الله و نعم الوكيل
|
هذا الكلام ممكن ان يكون صحيح 100%
ولكن مالحل ؟ هل يرضخ الامام امن نرضخ نحن ام نكون سلبييين؟ |
المفروض ان يبدا بمراحل اولها ثعيين كل من اجتاز اختبارات الكادر وحصل علي مؤهل تربوي و ايضا علي الرخصة الدولية لقيادة الحاسب و بعد كدة نبدا بالباقي بعد اجتيازهم لكل ذلك .
|
اقتباس:
لان يخ الازهر اعلن في مارس ان التثبيت سيكون لمن مر عليه ثلاث سنوات فقط بدون شروط وهي دي المشكلة وده سبب تضخم عدد الدرجات المطلوبة ولا يتفق مع قانون الكادر |
انا ف رأيى إن المدرس المفروض يسعى لزيادة تعليمه التربوى والأكاديمى بدون أن يطلب منه ذلك
لآنه معلم اجيال والأجيال الآن تستخدم الحاسب والتكنولوجيا فلم لا -يعصر على نفسه ليمونه - زى ما بنقول وياخد icdl كمان؟ عشان كده مش بيعجبنى الناس اللى عايزين تثبيت من غير شروط هو سلق بيض ؟ ده تعليم يا ناس واللى مش قادر يتعلم يترك مكانه لغيره لان اللى مش هيقدر يتعلم مش هيقدر يعلم وياريت بقى محدش يطلع يتفذلك ويقول هى يعنى المعاهد فيها تكنولوجيا؟؟ يا سيدى اتعلمها حتى عشان ولادك ولا انت هتعيش ولادك فى القرن 15 وتربيهم ع الدقة القديمة؟؟؟ وبصراحة أكتر أنا لا فارق معايا تثبيت ولا زيادة مرتب وانا مش غنية على فكرة أنا ظروفى زيكم بالظبط بس الحمد لله ربنا مباركلى ف مرتبى الصغنون ده لانى الحمد لله بطلع من حصصى راضية عن شرحى وتعليمى داخل الفصل حتى لو كنت مقصرة -وأنا أكيد مقصرة- فبالنسبة لى 300 ج فيهم بركه أفضل من 1000 من غير بركه وحتى الناس اللى عايزة تتثبت عشان الأجازة والسفر عايزة أقولهم حرام عليكم يعنى عايزين تحجزوا مكان هنا وتسافروا تلموا فلوس وفى ناس هنا مش لاقيين وظايف اللى عايز يسافر يتفضل مع السلامة ويترك الفرصة لغيره هنا وبلاش كلام كتير بقى ف المواضيع دى زهقتووووووووووونا |
هناك سبب أهم وللأسف الكثير منا قد ينساه ألا وهو قوله تعالى (وما أصابكم من مصيبة فبما كسبت أيديكم ويعفوا عن كثير) الأية 30من سورة الشورى
|
ألأخت أم عمير
الفراش اللي في الكهرباء بياخد الف جنيه وفيهم بركه هي البركة مقتصرة علي ال300 جنيه ولا حضرتك متثبته وبتاخدي المرحلة التانية من الكادر وبتكلمينا من وسع ولا جوزك مستشار بيقبض قد كده وانتي بتروحي الشغل تسالي ارحمينا انتي وأمثالك وخليكي في حالك وشوفيلك شوية ملوخيه اخرطيهم وعلي فكرة لو عايزة تأذيني لو جوزك في منصب ولا حاجه أنا اسمي أحمد مصطفي ابراهيم وتليفوني 0113771848 |
ألأخت أم عمير
الفراش اللي في الكهرباء بياخد الف جنيه وفيهم بركه هي البركة مقتصرة علي ال300 جنيه ولا حضرتك متثبته وبتاخدي المرحلة التانية من الكادر وبتكلمينا من وسع ولا جوزك مستشار بيقبض قد كده وانتي بتروحي الشغل تسالي ارحمينا انتي وأمثالك وخليكي في حالك وشوفيلك شوية ملوخيه اخرطيهم وعلي فكرة لو عايزة تأذيني لو جوزك في منصب ولا حاجه أنا اسمي أحمد مصطفي ابراهيم وتليفوني 0113771848 |
الي أم عمير
ألأخت أم عمير
الفراش اللي في الكهرباء بياخد الف جنيه وفيهم بركه هي البركة مقتصرة علي ال300 جنيه ولا حضرتك متثبته وبتاخدي المرحلة التانية من الكادر وبتكلمينا من وسع ولا جوزك مستشار بيقبض قد كده وانتي بتروحي الشغل تسالي ارحمينا انتي وأمثالك وخليكي في حالك وشوفيلك شوية ملوخيه اخرطيهم وعلي فكرة لو عايزة تأذيني لو جوزك في منصب ولا حاجه أنا اسمي أحمد مصطفي ابراهيم وتليفوني 0113771848 |
ياسلاااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااام والله ضحكتيني وانا مهموم
|
هما ال300 جنيه دول هيكفو ايه بالظبط مصاريفي ولا المواصلات ولا طلبات البيت ولا مصاريف المدام ولا ولا ولا اقول ايه بس ربنا يصلح الحال ويهدي الجميع
|
اقتباس:
|
اقتباس:
أولا انت اشتغلت وانت عارف ان مرتب المعلم من أقل المرتبات ف الدولة وان اللى شغال فى وظائف تانية زى الضرائب والكهرباء مرتبه أعلى منك ثانيا يبدو انك مفهمتش مغزى كلامى ،، أنا قصدت بالظبط معنى الاية اللى ذكرها الأخ عبدالله "وما أصابكم فبما كسبت ايديكم" انا عارفة ان ظروفكم صعبة بس تذكروا ان النبى صلى الله عليه وسلم كان يربط الحجر على بطنه من الجوع - وهو نبى - بأبى هو أمى يعنى موضوع الغلاء والكلام ده لو تفقدنا حال السلف هنلاقى نفسنا احنا السبب فيه ومش هكلم ف النقطة دى كتير لانكم اكيد فاهمين ثالثا انا لا مثبتة ولا زوجى فى منصب عالى انا تعاقد 2005 وف بداية عملى اخدوا ناس فى التقدير اقل منى بكتيييييييير وقدمت تظلم واتقبل ورحت معهد بعيد عن مدينتى (كنت باخد مواصلتين وانزل امشى نصف ساعة على ماوصل المعهد) وكنت بصرف نصف مرتبى تقريبا يعنى اتبهدلت زى اى حد منكم ف الشغل ووقع على ظلم الى الان يكفى انك تسمع كلمة (عقدك بالقلم الرصاص نقدر نلغيه ف اى وقت) اما بقى خطيبى فلا مستشار ولا حاجة ده زيى مدرس وكان شغال فى ليبيا ومستقر هناك ودلوقتى نزل مع اللى نزلوا ومازال بيدور على عمل وعلى فكرة معندوش شقة كمان بس انا ولا فارق معايا الكلام ده كله الأرزاق بيد الله وانا مكنتش احب انى اتكلم عن نفسى بس مضطرة ادافع ضد سوء ظن حضرتك رابعا ياأستاذ مصطفى أنا كنت زيكم بقول تثبيت بدون شروط ومكنش عاجبنى موضوع امتحان الكادر ده لحد يوم الامتحان غيرت رأيى تماما فوجئت بيهم جايبين لنا نفس الاسئلة اللى امتحنها المتثبتون قبلنا - ودى حاجة عمرى ما توقعتها عشان كده مذاكرتش م الورق ده - حسيت انهم مش محترمين انى خريجة ليسانس آداب وتربية بتقدير عالى واضايقت لما لقيت زميلاتى معلمات اللغة الانجليزية مستواهن اقل من تلاميذ المرحلة الابتدائية مش قادرين حتى يحلوا امتحان انجليزى لغير المتخصصين غير الورق اللى كان داخل اللجان وفيه اجابات وكل اتنين ثلاثة قاعدين جنب بعض- حاجة تقرف- والله هو ده التعبير الصح حاجة تقرف قلت لنفسى انا لو عندى اولاد هرضى ان ناس زى دول يعلموا اولادى ؟؟ طب ازاى ؟ وهيعلموهم ايه ؟؟ من وقتها قلت لا - تثبيت وبشروط بس يتحقق العدل ويمنعوا الغش واللى مش قادر يشتغل يقعد فى بيتهم احسن خامسا وأخيرا مش معقول يبقى فى ناس متعاقدين وزعلانين م التعاقد ومش بيحضروا حصصهم كاملة وبيزوغوا من شغلهم ومقصرين ف الشرح وبيزوغوا من اعمال التصحيح وأساتذة فى الغش وبعدين ييجى يقول عايز اتثبت ومن غير شروط لو انت ولى أمر ترضى بده ؟؟ ياريت كل واحد يخلص النية ويصبر ويتقى ولن يضيع الله أجره { إِنَّا لَا نُضِيعُ أَجْرَ مَنْ أَحْسَنَ عَمَلًا} سورة الكهف {وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا} سورة الطلاق وياريت بقى نبطل نغمة انت م الفلول او انت متثبت ومش حاسس بينا كل ده كلام فارغ وكل واحد ليه رايه ومتظنش كل الناس هتفكر زيك وياريت كل واحد يتفقد نفسه وشكرا |
انا معاكى يام عمير بس انا شاب مثله ولازم تفهميه هو بيكلم من الناحية المادية
اقسم بالله العظيم انتى لو مكنا كنتى طلعتى من هدومك من جهاز وشبكة وغيره ه انتى راضية بكدة خلاص بس احنا مش راضيين وبعدين انتى بتغلطى فى المتعاقدين وبتقولى بيزوغوا اقسم بالله احنا اللى شايلين المدارس انا واحد شايل 25 حصة من حقى اتثبت عشان اطالب بحقى معلش وانتى نسيتى احنا ناس تقديرااااااااااااااااااات و تخصص و تربوىيعنى نستحق نشرف الازهر حرااااام بئة انتى مش حسة ولا ايه |
أم عمير انت تقولى ذلك لانك امراة ولا تتحملين مسؤلية كالرجل
وايه المشكلة اما يحجز مكان هنا ويسافر بره طب مافى الاف كدا ولا هو حرام على المتعاقدين حلال على الاساسين؟ لو النظام دا يتلغى على الكل يبقى اه لكن على ناس ناس يبقى ظلم اما حكاية ان المعلم يطور نفسه فدا واجب طبعا لكن ازاى وامكانياته ضعيفة؟ ازاى هياخد دورات وهو مرتبه لن يكفى المواصلات حتى للوصول الى مكان الدورات؟ كيف وهو غير مستقر نفسيا؟ ومهدد بالفصل؟ احنا مثلا انطلب منا الاى سى دى ال ودى اجهدت ناس كتير ماديا وفى ناس اخدت تربوى وكلفهم كتير وفى الاخر لم يستفد احد من ذلك اقتباس:
|
لاحول ولا قوة إلا بالله
|
ربنا يفك العقد اللى ملهاش حل دى
|
يعنى ندرس 4 سنين مواد تربية واظن الكل عارف قد ايه المواد التربوية رخمه بالأضافة الى مواد التخصص وكمان ناخد icdl ونمتحن كادر وكمان ما نتثبتش هما التربية والتعليم احسن مننا فيه انا شايف ان المفروض يبدأ بتثبيت الدفع الأولى 2005 , 2006 ,7 ,8 ..... وهكذا حسب التربوى واجتياز الكادر
|
لا طبعا المفروض يثبت الكل زاى التربيه والتعليم
الممتحن الكادر على معلم والى لم يمتحن على معلم مساعد وبعد كدة يحدد معياد الكادر زى التربيه والتعليم |
شكرا لكل اللى علق على كلامى وأنا معاكم فى إننا ماستفدناش كتير من اللى درسناه وأخدناه بس الواقع بيقول ان دى شروط اشترطوها علينا يبقى ناخدها طالما عايزين الشغل ده ولو انتوا رافضين كنتوا تفضلوا رافضين على طول مش بعد ما الناس اخدوها نقول لا يلغوا الكلام ده عشان فى ناس مستواها العقلى - قبل المادى - مش قادرة تاخدها على فكرة انا اعرف ناس عقليا ممتازين لكن مستوياتهم المادية مسمحتش انهم ياخدوا icdl والتربوى إلا بصعوبة لكن فى النهاية مع الصبر أخدوها يبقى ازاى نساويهم بناس مش عارفين اصلا يحلوا امتحانات فى مادة تخصصهم ومش بقول انكم مش شغالين فى معاهدكم انا عارفة كويس ان المتعاقدين هما اللى شغالين وشايلين الحمل كله تقريبا ولو مشوا المعاهد هتتقفل بس برده فى ناس هنا ف المنتدى واعرفهم بالاسم بيعملوا الكلام اللى قلت عليه مبيشتغلوش وبيزوغوا وطالبين تثبيت زيهم زى غيرهم أنا مش ضد التثبيت ولا ضد الزيادة بالعكس احنا نستحق مستوى أعلى بكتير من اللى احنا فيه دلوقتى بس احنا مش بنتكلم صح فى ناس من ضمننا ميستحقوش التثبيت واحنا للاسف لا نأمر بمعروف ولا ننهى عن منكر فطبيعى أن يعمنا الله بعقابه ممكن انت العيب ميبقاش فيك بس العيب فى المتعاقدين اللى معاك وبعدين يعنى انتوا عاجبكوا تثبيت التربية والتعليم اللى خلاهم يثبتوا معاهد الخدمة وكلية الزراعة اللى بيدرسوا لغات ف المدارس؟ والله كلام فارغ وايه النتيجة اللى هتطلع من المستوى ده ؟. أنا مع التثبيت بس مش لكل الناس تثبيت يكون صح يعلى التعليم مش ينزله عن مستواه وياريت كل واحد يبدأ بنفسه ويتقن عمله وميقولش العيب ف كذا ولا كذا ولو كانت نيتنا الارتقاء بأمتنا أكيد هتكون النتيجة افضل والله أنا عارفة الموضوع صعب عليكم اد ايه انا برده ليا اخوات زيكم نفسهم يعيشوا عيشة كريمة زى اى حد بس انا لما بتخيل ان ممكن مدرس من اللى مش عارفين حاجة ف اى حاجة يدخل ويشرح لحد من اولادى بعد كده ببقى هتتجنن انا حزينة على مستوى التعليم فى الازهر بالذات ونفسى يبقى احسن من كده فلما نطالب بالتثبيت منقولش فى ناس معانا مش جاهزين ومش هيقدروا يمتحنوا حاجة تانية ومش عايزينهم يزعلوا لا معلش سامحونى سيبوهم يزعلوا غيرهم ماديا ميقدروش لكن اخدوها فى النهاية وبقولها تانى:اللى مش قادر عقليا يترك مكانه لحد يقدر |
ارحمونا
الى الاخت الكريمة /أم عمير
انك تتحدثين وكلك ثقة وكأن عندك الخبر اليقين ان المدرسين غير التربويين هم سبب المأساة التى يعيشها ابناء الازهر وكذلك الذين لم يمتحنواالكادر وكأنك راضية عن هذا الامتهان الذى يسمى بالكادر واصبح الذى اجتاز الكادر أصبح اكاديميا والذى لم يمتحن لايستحق ان ينعم بفردوس التثبيت الكل يعلم ماالذى كان يحدث فى اللجان الاخت الكريمة/ تقولين احنا مايرضيناش انه يزعل خلينا كده زى البيت الوقف لماذا نظرة الاستعلاءهذه ؟؟؟؟؟ يااختنا اتركينا فى حالنا احنا فينا اللى مكفينا احنا ما خلصناش من سخرية الاساسيين من كلامهم ومن نظراتهم حتى تأتى أنت وتكملى علينا انت والتربويين واللى يشتكىمن المواد التربوية ورخامتها طيب مااحنا امتحنا الدبلومة التربوية ونجحنا بتفوق من غير غش وحصلنا على icdl أ رحمونا يبقى انتم والاساسيون والسادة المرتشون علينا |
انا عاوز اعرف احنا امتحنا كادر (فى 2009) ليه وخدنا icdl ليه مش عشان التثبيت وهو فين التثبيت من غير وعد ولا قرار ولا حتى ثوره هما مش كانوا ناويين يثبتو اللى يجتاز الشروط دى طب احنا اجتزناها ولسه متثبتناااااااااش
|
اقتباس:
طول ما حضراتكم بتفكروا بنفس الطريقة ومش عايزين تنظروا للمصلحة العامة ولا لمستوى أفضل ف التعليم يبقى استمتعوا بالتعليم السىء الان فالتعليم الأسوأ قادم وكما تدين تدان |
حسبنا الله ونعم الوكيل
|
الحق احق ان يتبع فى قانون كادر موجود من زمان وبناء عليه اتحددت شروط التعيين يبقى المفروض يتعين من تنطبق عليه الشروط فورا دون تاخير وبجره قلم اما الاخوه الغير تربويين فا يتعينوا زى التربيه والتعليم طبقا لقررا 75 ويحصلوا على مستحقات الكادر بعد توفيق اوضاعهم بعد ما يجتازوا اختبار الكادر
ان عمل كده يبقى المشكله اتحلت لان الى امتحن الكادر ونجح 16 الف والجماعه الى احصلو على تربوى ومنتظرين الاختبار عددهم كبير جد جدا تقريبا معظم المتعاقدين يقى ايه المشكله؟ |
يا جماعة ولا تزعلوا
المفروض الكل يتثبت بس نطالب بكدة نتحرك نتكلم بلاش جبن و تخلف الدنيا كلها اتثبتت لانهم اتكلموا لكن احنا قاعدين لبعض زي البيت الوقف اللي تربوي بيصبر نفسه ان الكل ما اتثبتش علشان هو احق واللي مش مؤهل بيصبر نفسه ان موت الجماعة فرح منتهي التخلف احنا بنقول ان ده سبب المشكلة بين الازهر ووزارة المالية ان وزارة المالية مستخسرة الدرجات فينا لاننا فعلا ما نستاهلش والشيخ طيب - طيب يبقي احنا لازم نتحرك |
كبوا القهوة من عماهم وقالوا التثبيت جاهم
الى الخوة والاخوات المدرسين والمدرسات شيخ الازهر قال بنفسوا اعملوا مظاهرة سلمية وانا معاكم ياقلبى ياكتكت كم يشتكى وكم تسكت كفاية بقى اتحركوووووووووو مش كل حاجة نت وانت قاعد تشرب عصير وعايز التثبيت يجيلك لابد من وقفة احتجاجية للمساواة بالتربية والتعليم لابد من اخذ الكادر باثر رجعى يجماعة انا حاسس انى شغال فى مؤسسة ليس بها فكر ولا ادارة ومحدش فاهم حاجة واللى بيشتغل زى اللى مابيشتغلش ويجيى موجه دبلوم يوقلك(امشى انت لسة عقد) ذى ميكون يهودى معلش انا اسف بس سبونى افضفض لازم نتحرك لازم نتحرك لازم نتحرك يوجد مؤتمر عالمى مع الشيخ احمد الطيب يوم الخميس فلنذهب كلنا مليون واحد الى هناك والمطالبة بالتثبيت عشان العالم كله يعرف مدرسين الازهر لم يثبتوا حتى الان لازم نتحرك يجماعة انتوا مش حاسين اذاى يجيلك نفس تشرح او تصحح او او وانت كدة بالقلم الرصاص انا والله ما بسخن حد بس خلاص اتخنقت عارفين ليه عشان كل شوية واحد ابن حلال يقول انا اتثبت وبعدين اتصدم انا جالى الضغط ياااااااااااااااااااارب قولوا ورايا يااااااااااااااااااااارب حسبى الله ونعم الوكيل فى كل واحد موقف تثبيتنا ومستقبلنا معلش طولت عليكم انا اسف لازم نتحرك |
الى الاخت /أم عمير
مازالت نبرة الاستعلاء موجودة بين طيات كلماتك،ونظرة التحقير للغير تعلو عباراتك وكأنك تعلمين وغيرك لايعلم وأنك قد حزت المعرفة وغيرك لم ينلها لوأنك تنادين بالمصلحة العامةكما زعمت ولاصلاح المنظومة التعليمية كما ادعيت فلماذا لاتنادين الى وجوب اعطاء العقود الالمن يستحقون؟،أليست المشكلة قائمة الان فالذين لايستحقون التثبيت الان فى زعمك هم من يتولون العملية التعليمية منذست سنوات خلت ياأختى الفاضلة حنانيك علينا قليلا فانك قد اختزلت المشكلة فى الكادر وكأن الكادر هو الفيصل فيمن يتولى مهنة التدريس ومن لايتولاها وجزاك الله خيرا فى ظنك فى اخوانك ابو يوسف |
اقتباس:
يا أخى الفاضل والله وبالله وتالله انا مش بستعلى علي حد ولا بحتقر حد وربى يعلم هو أعلم بنفسى منى وأنا اعلم بنفسى منكم بس انا حزينة على حال التعليم وحال التلامذة اللى بينجحوا وهما مش عارفين الألف من كوز الذرة العقود فى الازهر ذهبت لمن يستحق لان الموضوع متعلق بالتقدير والمصيبة ان منظومة التعليم عندنا فاشلة فممكن تلاقى واحد مش عارف حاجة ناجح وجايب تقدير وبيشتغل معاك والله العظيم - قسم احاسب عليه أمام ربى - انه كان معايا ناس ايام الكلية مش عارفين استخدامات v.to be اللى بندرسه فى ابتدائى وكانوا بيجيبوا تقديرات وعشان كده امثال دول اما بيشتغلوا هيدرسوا غلط انا مش بقول انى عندى علم- أنا أقلكم علما - ومش بقول ان طموحاتكم غير طموحاتى انا كمان عايزة اتثبت ويزيد مرتبى بس نفسى كل حاجة تمشى صح عشان ف النهاية نوصل للمستوى اللى نتمناه ف التعليم انا عايزة التثبيت يكون للى يستحق - ولو انا مستحقش - يبقى اخرج غير مأسوف على التعليم ده متعلق بأمة مش بشخص ولا مجموعة هو ده اللى بفكر فيه وياريت حضرتك تكون فهمت وجهة نظرى |
اقتباس:
كلام جميل ده اللى بقوله م الصبح ومحدش مركز اللى تنطبق عليه الشروط يتعين واللى متنطبقش عليه ينتظر لحد اما يحقق الشروط المطلوبة مش نقول لا كلنا زى بعض عشان محدش يزعل ؟؟ |
اللى انا اعرفه ان لو حد بتهمنى باى كلام اروح وارد عليه طيب شيخ الازهر ما بيعملش كده ليه هوه احنا مالناش لازمه عشان مايعبرناش ولا ايه يعنى السبب؟
|
لو ما اتعييناش بعد الثورة وبعد كل الاحداث الي حصلت في مصر ؟يبقي الفرصة بعد كدة هتبقي ضعيف جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااا:(:(:(:(:(:(:(:(:(:(:(:(:(:(:(:(:(:(:(:(:(:(:(:(:( :(:(:(:(:(:(:(اااااااااااااااااااااااااااااااااااااااااااااااااا اا
|
لو ما اتعييناش بعد الثورة وبعد كل الاحداث الي حصلت في مصر ؟يبقي الفرصة بعد كدة هتبقي ضعيفة جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااا:(:(:(:(:(:(:(:(:(:(:(:(:(:(:(:(:(:(:(:(:(:(:(:(:( :(:(:(:(:(:(:(اااااااااااااااااااااااااااااااااااااااااااااااااا اا
|
لو ما اتعييناش بعد الثورة وبعد كل الاحداث الي حصلت في مصر ؟يبقي الفرصة بعد كدة هتبقي زي الزفت جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااا:(:(:(:(:(:(:(:(:(:(:(:(:(:(:(:(:(:(:(:(:(:(:(:(:( :(:(:(:(:(:(:(اااااااااااااااااااااااااااااااااااااااااااااااااا اا
|
طلب اخير يامولانا
يامولانا تم جميلك ومش عايزين حاجة تانى هما الاساسيين بيطلبوا منك حاجة؟؟؟؟؟؟؟؟؟
خلاص ثبتنا ياسيدى وهنبقى زيهم |
ازاى يا عم الكلام ده اولا كتير اوى دخلو الكادر وثانيا الكل خلص التربوى ووقفين على الامتحان فى الكادر وده بطء فى الازعر الشيد المفروض كانو دخلو فى ابريل مع التربية والتعليم بس هنقول ايه ده اسمه الازعر الشريد من الاخر التخازل من شيخ الازعر
|
نفسي اشيل موضوع التعيين من دماغي بس مش قادر
لو حد يعرف ينصحني يتفضل انا خلاص قربت انهار والله العظيم يا جماعة فيه طلبة انا كنت بدرس لهم اتعيينا في التربية والتعليم قبلي دفعة 2001 5أجر+5عقد |
وبشر الصابرين
|
دعوة المظلوم مستجابة وليس بينها وبين الله حجابلا تبخلو في الدعاء فربكم كريم وغني
|
يا أختىى أم عمير أولا موضوع العقود من أوله لا يصلح فى حاجه بالله عليكى فى الحكومه إسمها عقود كلام أصلا عبيط من أوله وبعدين يجى واحد فاشل يمسكوه وزارة التربيه والتعليم وحب يستعبط ويستهبل وعمل مشروع الفنكوووش ههههههههه قصدى الكادر عشان يلهف منه كام مليون .... وبعدين أخترع فكره جهنميه إسمها اى سى ده بالله كلام أولا أنا معايه جهاز كمبيوتر ليه 6 سنين وشغال عليه وعلى الورد والباور بوينت ونت وكل شئ وما اخدتش الشهاده ...لأنى ما عنديش فرصه أخدها وعندى زمايلى أقسم بالله ما بيعرفو يمسكوا الماوس أخدوا الشهاده مجرد شهادة يا أختى لا تضر ولا تنقع........... الكادر +الدوره +العقد =دمار للتعليم وإحباط المدرس حتى تصبح مصر دوله أمية بمعنى الكلمه وبتاعت شهادات وسلملى على الشهادات الكاذبه |
الى الاخت /ام عمير
انا اتفق معك ان هناك من لا يصلحون لمهنة التدريس، بل ان هناك من لايصلحون لدخول االازهر من اساسه لانهم متهمون فىفى سلوكياتهم قبل علمهم وفاقد الشىء لايعطيه ،اتمنى من كل الاخوة وانااولهم ان ينتهجوا نهجك فى الحياة فلربما ينصلح حال التعليم الازهرى قبل انهياره اوقبل اختفائه وان كانت المسألة محتاجة الى اصلاح من رأس الهرم الى قاعدته وبارك الله فيك ومعذرة على الازعاج ابو يوسف |
اقتباس:
مش مختلفة مع حضرتك أخى الكريم انا معايا ناس زمايلى ف المعهد مزورين شهادات icdl وقدموا شهاداتهم للمنطقة وأنا أخدت المحلية والدولية وإلى الآن شهاداتى موصلتش السنتر اللى ممتحنة فيه ومعاك فى ان الكادر مستفدناش منه كتير بس انا شايفة اكتر فايدة أخدتها م الكادر انى استرجعت معلومات كتير كنت فاكرة انى نسيتها بعد ما اشتغلت ف ابتدائى على الأقل كنت فاهمة ليه بختار الاجابات دى مش مجرد اختيار لان الورق الحل فيه كده المسألة بس محتاجة تقنين اما بالنسبة لموضوع العقد فده نظام الدولة عملته واحنا قبلناه ووضعت شروط للتعيين ومش معنى كلامى اننا نقبل بالوضع ده على طول لا انا معاكم ف ان من حقنا التثبيت وزيادة مرتباتنا بس شرعا - وياريت حد يصحح لى لو كلامى خطأ - طالما انك ارتضيت هذا العقد وهذا الراتب ووافقت عليه يبقى مينفعش اللى بنشوفه ف معاهدنا من بعض المتعاقدين والمثبتين أيضا من تزويغ وتضييع وقت الحصة ويترك عمله المدرسى عشان الدروس الخصوصية ويتعلل بإن أنا بشتغل على اد الفلوس اللى باخدها او يقول انا غلبان ومحتاج فلوس مينفعش كده احنا عايزين اوضاعنا تتصحح ماشى كلام جميل بس كل واحد يبدأ بنفسه والكلام ده بوجهه لنفسى قبل ما اوجهه لكم وبعدين الطلبة ذنبهم ايه فى عدم تثبيتنا عشان نقول لو مفيش تثبيت يبقى مفيش شرح ماهو لازم برده نتكلم كلام عاقل |
اقتباس:
جزاكم الله خيراً أخى الكريم أسأل الله أن يفرحنا بعودة الأزهر إلى سابق مجده عاجلا غير آجل |
| جميع الأوقات بتوقيت GMT +2. الساعة الآن 07:19 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.