|
معهد مساحه يدخل هندسه طب ازاى ياريت تفهمونى
قريت كتير جدا عن الناس ال حلمها ان تخش هندسه وماجبتش مجموع ف تانيه زيى ومصرة انها تكمل علمى رياضه بس خايفه انها ماتتوفقش
بس لقيت ناس بتقول عن معهد مساحه سنتين تجيب امتياز او 80 ف الميه وتخش تانيه هندسه وال القسم ال انت عايزة الاسئله بقى ايه هو معهد المساحه دة ودة بفلوس ويعنى بكام ف السنه والكلام ده حقيقى ولا تهييس والدراسه فيه سهله وااقدر اجيب امتياز بالله عليكم تساعدونى وبلاش حد يضحك عليا عشان انا مااعرفهوش |
ايه الكلام الغريب ده :d
هو الحاجة الوحيدة اللي صح ان ممكن تدخلي منه هندسة بسهولة هو سنتين فعلا وسهل جدا ولو جيبتي مجموع معين بيتغير طبعا زي التنسيق تدخلي هندسة المجموع بيبقي في حدود 90 % مثلا بس بتدخلي منه اعدادي من الاول يعني اكن السنتين بتوعوا ضاعوا من عمرك والفلوس عادي يعني بسيطة بس كده |
طب ايه بقى الغريب ف كلامى مادام عارف انه حقيقى والحاجه الوحيده ال انت شايفها صح انا ماقولتش غيرها اصلا وعموما شكرا ليك
|
ممكن هندسة من معهد المطرية معرفش هو دا اللى بتتكلمى عنه ولا لأ
و ليهم تنسيق بيتغير كل سنة بس فى حدود امتياز يعنى و بيدخلوا على اعدادى مش تانية |
اقتباس:
بصى هو كلامك صح ممكن يطلع منه هندسه لكن انا معرفش معلومات عنه بامانه لكن الى اقدر افيدك فيه معهد فنى صناعى لانى كنت فيه بعد ثانوى لان مجموعى مجابش هندسه ودخلت منه هندسه فلو عاوززه تعرفى اى حاجه عنه اسالى |
اقتباس:
|
اقتباس:
|
معلش انا لسه فاتح وحنزل دلوقت ان شاء الله لما ارجع على الساعه 9 وربع كده حكلمك عنه بالتفصيل وشكرا ليكى
|
ان شاء الله شكرا لهتمامك
|
طيب ممكن نتكلم على الميل احسن ده ميلىياهو . اانا فاتح دلوقت
|
سورى ماينفعش نتكلم ع الميل احسن هنا لانها مش هتفرق
وعشان غيرنا يستفاد لو حضرتك عايز تفيدنى ياريت تكتبلى هنا غير كده لا انا متشكرة لحضرتك جدا |
ياريت تكتب كل حاجة عن المعهد دا انا فى تانية ومجموعى مش هيدخلنى هندسة وبفكر فية بس اهلى بيقلولى احول ادبى والحق كلية كويسة وهل المعهد دا بيقبل العلمى فقط ولا الشعبتين
|
انا اسفه لو حرجتك بس فعلا هيحصل مشاكب لو ضفت حضرتك انا مش عايزة منك اكتر من معلومه وربنا يجازيك خير
|
والله انا مقصد اى حاجه وكنت اصلا حقولك تحذفى الميل لو حبيتى بعد ما اخلص انا كان قصدى انك تسالى وانا اجاوبك عالطول بدل كل شويه ما اعمل رفريش للصفحه عموما متشكر على ظنك اتفضلى حضرتك اسالى اى اسئله وانا اجاوبك
|
وانا بردو ياهاله ناس بتقولى حولى ادبى بس انا مش هحول طبعا هكمل وهسيبها عربنا
|
انا اسفه جدا ع فكرة وانا معنديش اسئله انت قول ال عندك كله وانا ابقى اسئل بقى وانا اسفه مرة تانيه
|
انا محتارة بجد ومش عارفة افكر ونفسى ادخل حاجة كويسة بس هو ممكن ندخلة من ادبى ولا من علمى بس
هما بيقلولى لو حولت ادبى هضمن كلية كويسة لكن العلمى ممكن مش الحق حاجة بجد انا قربت انهار |
انا كنت فى معهد فنى صناعى اسكندريه والمعهد ده بياخد من التنسيق وكان سنه 2008 واخد من 79.9 وبيختلف طبعا كل سنه هو المعهد سنتين وبيدخله برضو الادبى بس بيكمل منه على تجاره الى هو معهد فنى تجارى والعلمى بيدخل صناعى وبيكمل هندسه وانا كنت جايب فى تانيه 92.4 وفى تالته الامتحانات جت صعبه شويه مع برضو قله مزاكره وجبت 85.7 وقررت انى ادخله طبعا هى مجازفه لانك لو مدخلتيش منه كده خلاص حيبقى معاكة دبلوم ومش معترف بالتانويه الى انتى اخدتيها لكن ان شاء الله هو ساهل جدا واغلبه بكورسات انا بكلم على معهد اسكندريه معرفش الباقى لكن ممكن اسالكوا
|
ياريت تفيدنا
|
اها فهمت بس مش عارفه ليه الناس مستعيبه حوار انك تخش معهد وبعد كده تكمل هندسه
|
وياهاله ماينفعش تحولى ادبى وتخشى المعهد وبعد كده هندسه ماتجيش وياريت تسالنا عن المعهد المساحه وليه هى مجازفه اصلا هو الموضوع صعب ول ايه
|
هو طبعا فى اقسام زى الهندسه يعنى عماره ومدنى وكهربا شبكات وحاسب وسيارت وكده وكان زمان بيدخل على القسم الى انته كنت فى من المعهد بس دلوقتى لا وانا كنت فى مدنى ودخلت على اعدادى وبرضو ان شاء الله كملت هندسه مدنى والمعهد والله ساهل جدا بس كل واحد عارف نفسه يعنى انا كنت عارف قدراتى وانى معملتش الى عليا واهلى طبعا اعترضوا وقالولى لا وفعلا رحت حولت تجاره بنها انجليزى وبعدين رجعت تانى قلتلهم والله منا داخلها انا حدخله وحكمل منه هندسه والى يحصل يحصل والحمد لله كملت وكانت هندسه اسكندريه واخده منه حوالى 90.9 وطبعا فى هندسات كتييير مش اسكندريه بس
|
اقتباس:
يافندم مجازفه لانك ملكيش غير حل انك تخشى هندسه او خلاص انتهى هو طبعا فى منه كلياااات كتير تعليم صناعى زى التربيه وحجات كتير وممكن تدخلوا هندسه خاص منه عادى جدا بس طبعا الحكومى افضل والا مضيعيش سنتين وفى الاخر متجبيش حاجه لكن ان شاء الله والله الموضوع ساااااااااااااااااااااهل جدا انتوا بس صلوا استخاره وربنا يقدملكم الى فيه الخير واى سؤال اسالوا |
شكرا ليك جدا وربنا يوفقنى ومااالجاش اليها ابدا ربنا يجازيك خير
|
يعنى اية انا لو حولت ادبى مش هدخل معهد فنى صناعى ولا اية انا بجد نفسى ادخلة وكمان خايفة انى اكمل علمى اندم
|
اللى اعرفه من اللى كانوا معانا فى الكلية معهد المطرية
ان الدراسة سنتين و اللى بيجيب امتياز فى السنتين ممكن يدخل هندسة و المجموع بالظبط بيكون حسب تنسيق خاص بيهم بس نصيحة محدش يعمل كدا غير لو مجموع الثانوية بتاعه قل نتيجة ظروف مش ان مستواه كدا مستواه دى نتيجة انه مبيعرفش يحفظ او مبيعرفش يفهم بتعمق او مبيعرفش يزاكر شهور من غير ما يقع فى النص اولا لانها مخاطرة الله اعلم هتنفع ولا لأ ثانيا لان هندسة فعلا صعبة و فيها حفظ كتير و فهم كتير و عملى كتير و معظم اللى بيدخلوا الكلية عندنا صنايع او معاهد بيدبلروا اعدادى مرتين و يتفصلوا او بياخدوا كل سنة فى سنتين لحد ما يتخرجوا او لحد ما يتاقلموا عالوضع يلحقوا نفسهم انا بتكلم على هندسة عين شمس , معرفش ايه النظام فى باقى هندسات و ايه مدى صعوبتها و فى الاخر كل واحد يقدر يجتهد و ينجح فى مجاله و الارزاق فى ايد ربنا فبلاش حد يجرى ورا الاسم بس او علشان يرضى الناس |
اقتباس:
ممكن اعرف انتوا جايبين مجموع كااام نسبه |
اقتباس:
ههههههه حرام عليكى والله ده بالعكس انا ممكن اكون معاكى لو واحد اساسا داخله من صنايع لان الى بيدخله بتوع ثانوى صناعى ودول فى الضياع رغم ان والله فى واحد منهم السنه الى فاتت معايا وجاب هندسه المنيا وماشى مكسح بس اهو على قده لكن لما يبقى واحد داخل من ثانوى عام وخد سنتين كمان فى تخصص مدنى مثلا زى حلاتى ويدخل هندسه قسم مدنى برضو انتى مش شايفه اصلا انوا يبقى متفوق على الى فى الكليه ؟؟ لان العجز فى بتوع الصنايع بيبقوا مش كويسين فى الرياضه والانجليزى لكن بتاع الثانوى اطحن فيهم وانا اصلا وكل بتوع الثانوى الحمد لله والله كل شعبتنا كلهم معدا ممكن تلاته مدخلوش هندسه لكن واحد راح تعليم صناعى والتانى راح معهد خاص هندسه والتالت بيعمل معادله تانى يجماعه والله العظيم الوضوع عاوز واحد بجد قلبه ميت وحاطط هدف قدامه وانا قلت حدخل يعنى حدخل وحتى لو مجاتليش حقعد اعمل معادله لحد ما ادخل وانا وراها وراها ههههه:) طب تصدقوا والله العظيم بقى فى ناس كانوا معايا فى اعدادى هندسه السنه الى فاتت وكانوا فى المعهد ودخلوا سنتين ومجابوش هندسه وانوا قعد سنتين يعمل معادله وفى الاخر دخل !!!! الى بيتعب ربنا بيكرمه وبعدين المعهد مش زى منتوا فاكرين يعنى انتى بس حتروحى كورسات فى كل المواد وحتبقى كويسه مع المهندسين الى بيدوكى الكورسات هما الى بيحطوا الامتحان وبيظبطوا ووالله وعلى فكره السنتين مش بيروحوا هدر قوى يعنى اى نعم هوا اتعلمنا حاجه فى مدنى وعرفنا حجات بتاع هندسه مخدهاش فلما حندخل اققلها معندناش رهبه الكليه بصى الخلاصه بجد لو عندك هدف هتستنى وراه ولو ليكى نصيب حتدخلى اما بقى لو حتقولى الناس بيقولوا لا حضيعى وبابا قالى لا وماما معرفش ايه زى الى حصل معايا لا حتروحى ولا حتيجى وعلى فكره والله معهد اسكندريه ده جميل وحتقضوا ايام جميله والمناهج عبيطه بالنسبه لبتاع ثانوى وعموما لو حبيتوا انى اديكوا ارقام مهندسين هناك تستفسروا منهم عن اى حاجه فى الموضوع ده يعنى تسالوهم عن مثلا الى بيدخلوا كل سنه من كل شعبه او تساليه ادخل ولا لا او اى حاجه عاوزنها ممكن اديكوا ارقامهم واسف بقى طولت |
ازيك يا بش مهندسة يارب تحققي حلمك وتكون مهندسة كبيرة
شوفي انا جايب 89% ودة بسبب العربي والفرنساوي الله يولع فيهم انا فيه واحد اعرفة قالي انت لو محصلتش هندسة ممكن تدخل مساحة اسيوط لاني من اسيوط اولا قالي انو معهد سهل جدا جدا جدا الكتاب مش بيعدي فية 30 ورقة وقالي انت لازم تدخلو من علمي وقالي انت لو ذاكرت 1/10 من مذاكرة ثانوية عامة ممكن تجيب اكتر من 95% في المعهد هو قالي انو جاب 87 % وكمل هندسة وطبعا هو شغال من سنة ونص بس بس واضعه بقي حاجة تاني خالص ويريت متعتمدبش علي كلامي اوي لاني بقولك علي حسب ماهو قالي وربنا معاكي وارجع واقولك ربنا مش بيضيع مجهود حد خالص اخوكي انطون البرت من اكبر عاشقي الفيزياء والرياضيات |
السلام عليكم ورحمة الله وبركاته أنا عضو جديد وبسأل أنا معايا ثانويه أزهريه وعايز أقدم فى معهد المساحه ببنها إيه الأوراق المطلوبه أرجو الرد بالله عليكم وجزاكم الله خيرا
|
اقتباس:
انا معرفش ولازم حضرتك تتصل بيهم جيب رقمهم من الدليل او روح |
اقتباس:
|
اقتباس:
|
وليه كده يارحاب مادام انا عارف هعمل ايه سيبك من تانيه ثانوى ال دخلتها بس ليه الموضوع ده جازفه انا شايفه الموضوع سهل وكمان عين شمس صعبه جدااااااا المطريه بيقولو المنهج اسهل
|
اقتباس:
يستى منا لازم اقول مجازفه اكدب عليكى يعنى واقولك مش مجازفه وحقولك تانى مجاازفه لانها لو مدخلتيش هندسه حتبقى خلاص زى قلتك فى تانى حقول كليات منه كتييييير جدا لكن انتى داخله ومضيعه سنتين مش عشان فى الاخر مثلا تخشى تربيه ولا علوم مكنتى دخلتيهم من الاول وبصراحه انا مش متلمس فيكى انك من الى بيحبوا يجازفوا:( لانك بتقولى ربنا ما يلجانا للمعهد امال حتدخلى هندسه ازاى وانتى مجموعك ميجيبش ؟؟؟ اذا انتى مش فى دماغك هندسه !! عموما الى فى دماغه وفعلا الموضوع مخمخ والله يجماعه انا وكل زمايلنا فى هندسه دلوقت منحلف بايام المعهد دى انا باعتبرهم سنتين اجازه كده متعه ايه ده وخاصه كمان ان كليه الهندسه قدام المعهد ده يعنى كنا نقف نبص من الشباك على الكليه واحنا كلنا حسره وزمايلنا طبعا رايحين جايين فده كان دافع اننا نهتم والاهتمام والله ميجى نص اهتمام ثانوى مناهج هبله وسهله وبعدين اصلا الامتحان بيجى من الى بتخدوه فى الكورس والعياال بتاع صنايع والله مبيعفوا يحلوا حاجه فانسى بقى 15% متفوقين والهبل ده والله كان بيغش منى الانجليزى واحد اقوله الكلمه يقولى ملينى حروف انا معرفش اكتب يعنى فى الضياع الشامل وتانى انا برضو بكلم عن معهد اسكندريه كل معهد وليه نظامه لكن والله المهندسين قالولنا اننا احسن معهد بنشتغل !!!!!! الباقى بياخدوا حصه قبل الامتحان فيها الشفا ويدخلوا يحلوا وزى الفل وفى النهايه انا دلوقت على قد ما كنت باستعر من انى حد يسالنى واقله معهد فنى على قد مدلوقت كلى فخر انى كافحت وصممت على الى انا عاوزه ودخلت هندسه انا كنت بعتبرها ان فى ناس دخلت هندسه من الباب الرئيسى انا لفيت من الباب الى ورا لكن فى الاخر بقينا فى كليه واحده وانا كمان افضل منه طبعا لان معاى ثانوى عام وصنايع لان صنايع بيطلع اصلا فنيين يعنى عندهم حته السوق وكده وكنا مناخد لغات السوق مثلا فى الشدات بتاعه اللاعمده وكده لان كل خشبه ليها اسم وكنت بكلم واحد فى هندسه مدنى امبارح بقوله تعرف دكمه يعنى ايه قالى لا !!!!!!!! فطبعا مش حيعرف ابدا الا لما يتخرج ويدعك فى السوق لان هندسه بتعلم بقى الاصل العلم الصح والمعهد خدنا منه معلومات عن السوق وبرضو مواد زى الاستركشر االى بياخدوها فى اولى هندسه فالحمد لله وعلى فكره بقى انا فى تانيه مكنتش اصلا عاوز هندسه نهائى يعنى انا اخويا فى هندسه وانا كنت عاوز صيدله لكن جبت 92.4 فلو دخلت علمى علوم اخرى حبقى ممرض !! فدخلت علمى رياضه وبعدها مجاليش برضو غير تجاره وعلوم والكلام ده وهو الى شار عليا وقالى فى ناس معانا كتير من المعهد ده والله والله والله انا حمدت ربنا انى دخلت هندسه وفعلا ربنا بيحط كل واحد فى مكانه وكل الى بيجيبه خير وهى فعلا مش هتفرق يعنى لو مفيش هندسه الدنيا مش حتقف لكن هوا بيبقى حب كده سبحان الله يعنى وبرضو طريق تمشى فيه عشان تاخد نصيبك وربنا يوفقنا جميييعا انا كده اظن حكيت قصه حياتى يعنى مذاكراتى الى حتنزل السوق اتحرقت بس يله عشان الناس فعلا تستفاد لانى لما كنت حدخل كنت فعلا بدور على اى حد يفيدنى فى الموضوع ده واسف طولت زى كل مره |
لا ولا يهمك ع التطويل بس انت بردو مافهمتنيش انا بقول ربنا مايلجنا ليها يعنى نخش هندسه ع طول من الباب الرئيسى يعنى وشكرا ليك بردو وبردو انا مش شايفاها مجازفه يمكن تكون مجازفه عشان لو مجبيتش مجموع فيها وانت تقول دراستها سهله يبقى ربنا يوفقنا ونجيب مجموع ومعلش ان مش هنشر مزاكراتك لحد وشكرا ليك
|
اقتباس:
اها انا فاكرك فى تالته ومجبتيش مجموع طيب ان كان كده شدى حيلك وربنا يوفقكم |
لا انا راحه تالته لسه ويارب يوفقنا جميعا شكرا ليك
|
الشكر لله انا بس حبيت اساعد على قد ما اقدر
|
هى مجازفة لسبب واحد , ان كل اللى بيدخلوا المعاهد دى بيكونوا عايزين هندسة
و حتى لو كلهم جابوا امتياز هياخدوا منهم عدد محدد مش بالمجموع و بس طبعا لو حد اجتهد و عمل اللى عليه و هندسة كان فيها الخير ليه ربنا هيجيبهاله ان شاء الله و بالنسبة للى قلته ان معظمهم بيدبلر .. دا نتيجة fact مش توقع دا فعلا اللى بيحصل عندنا فى الكلية و حاجة معروفة عندنا انا مش بخوف حد ولا بقول النجاح صعب اللى نفسه فى هندسة و حاببها يبقى لازم يدخلها ان شاء الله لكن اللى داخلها لمجرد انها كلية قمة يبقى يدخل كلية تانية حاببها و يثبت فيها نفسه احسن |
المشكلة انى مجموعى مش هيدخلنى هندسة وانا كان نفسى ادخلها وكل الى معايا قلولى الافضل ليكى انك تحولى ادبى اضمن ممكن تلحقى كلية كويسة ولو كملتى علمى برضو نفس الكليات الى هتدخليها من الادبى هتدخليها من العلمى بس الادبى اضمن ليا وانا محتارة ومش عارفة اخد قرار ولما سمعت عن المعهد دا ناس قلتلى بيقبل من الادبى فا قولت احول ادبى وادخلة فاياريت حد يفيدنى
|
الى سمعته
انه اسمه معهد فن صناعى وعلى ماعتقد لازم امتياز فى السنتين وبعدهاا بتخدلى تانيه هندسه مش اعداى دا الى سمعته ربنا يوفقك ادعيلى ادخل هندسه انا رايحه 3 ثانوى وربنا يستر |
اقتباس:
يفندم انا اسف معلش يعنى حضرتك مكنتيش فى المعهد ؟ لذلك انا اؤكد لحضرتك ان كل الى بيجيب مجموع بيدخل مفيش حاجه اسمها يختاروا دى يعنى ايه انا حجيب امتياز وزميلى امتياز وبعدين يخدونى ويسيبوا زميلى ده كلام؟ وتانى حؤؤكد لحضرتك ان الى بيدبلر او بيسقط ده مش نتيجه انو داخل من معهد فنى مفى ناس ثانوى وبتطرد من الكليه نهائى الى عاوز ينجح حينجح وشكرا |
اقتباس:
ايه يا هاله امال انا بهاتى فى ايه من الصبح هههههههه:) بصى والله ده الكلام الى كان بيتقلى المهم بس عشان نعرف قوليلى انتى جايبه كااااام وانا حريحك يعنى لو جايبه فى اواخر التمنينات اتكلى على الله وخشى رياضه انما سبعينات وكده بصراحه يعنى يبقى عيب لان الامتحانات السنه دى مش امتحانات والى ميجبش 95 يبقى مزاكرش وكان بيهرج طول السنه وتانى حقولك يرضو المعهد مينفعش تدخلى من ادبى وتخشى هندسه ؟؟؟؟؟؟؟؟؟؟؟؟؟ ونبى ازاى طيب يعنى واحد واخد تاريخ فى تالته وحيدخل هندسه انما رياضه 2 يدخل المعهد ويكمل هندسه يارب تكون الامور وضحت |
اقتباس:
ياسلام بلاش فتى هههههههههه المعهد كان زمان بيطلع على اولى قسم دلوقتى لع كله اعدادى ويارب تدخل الى نفسك فيه بس اسلام ورايحه ازاى ؟؟؟ اكيد غلطت وانت بتكتب هههههه:) |
شكرا ليكم كلكم بس سمعت انه بهدله للبنات لانك بتنزلو تقيسوا والشباب هناك يعنى ................
ويا المحب لله انا مجموعى 84 ف الميه انا عارفه انه زفت بس انا ف لرياضه جايبه 49ونص والكميا30ونص ففى فرق شاسع مابينهم فانتوا ايه رايكم اكمل ولا لا |
اقتباس:
متخليش حد يقولك تكملى ولالا انتى فقط الى تقولى تكلمى ولالا قد يكون انك جايبه كده فى الكيميا انك مش بتحبيها او امتحانها صعب او مزاكرتيهاش كويس او كان عندك ظروف الله اعلم انتى بس الى تعرفى تقولى انته جببتى المجوع ده ليه ولو انا زاكرت كنت جبت اكتر ولا دى نهايتى عموما انتى لسه معاكى سنه خلى السنه دى اختبار لقدراتك اعملى اخر ما عندك فيها وربنا حيكرمك |
[quote=المحب لله;3862655]متخليش حد يقولك تكملى ولالا انتى فقط الى تقولى تكلمى ولالا قد يكون انك جايبه كده فى الكيميا انك مش بتحبيها او امتحانها صعب او مزاكرتيهاش كويس او كان عندك ظروف الله اعلم انتى بس الى تعرفى تقولى انته جببتى المجوع ده ليه ولو انا زاكرت كنت جبت اكتر ولا دى نهايتى عموما انتى لسه معاكى سنه خلى السنه دى اختبار لقدراتك اعملى اخر ما عندك فيها وربنا حيكرمك[/quote انا عايزة اكمل بس انت بتقول لهاله قولى مجموعك وانا هقولك تعملى ايه ده مجرد رائى وانا جبت كده ف الكميا لانى مش بحبها ثانيا كنت باخخد مع مدرسه مش مشغلانه ومدربانه وشكرا ليك
|
انا عايزة اكمل بس انت بتقول لهاله قولى مجموعك وانا هقولك تعملى ايه ده مجرد رائى وانا جبت كده ف الكميا لانى مش بحبها ثانيا كنت باخخد مع مدرسه مش مشغلانه ومدربانه وشكرا ليك[/quote]
انا بقولها حقولك تعملى ايه لانى معرفش مجموعها وهى مقتنعه بالى الناس بتقولهولها حولى ادبى وهى قالت انا مجموع مش حيجيب هندسه وبالتالى اكيد مجموعها وحش فى السبعينات ولا حاجه وبالتالى بقولها كده |
انا جايبة 90
|
| جميع الأوقات بتوقيت GMT +2. الساعة الآن 03:55 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.