اي حد ف 3 ث وعاوزي دخل كلية خاصة يجي هنا
 

انا عندي اقتراح بدل ماحنا متبهدلين كدا وكل شوية نعمل توبيك ومحدش يعبرنا نعمل توبيك واحد وكل اللي عايز يدخل جامعة خاصة يجي هنا وكل واحد ينقل معلوماته للتانين لان كلنا هنبقي ف 3ثانوي وحسين ببعض وبالقلق اللي احنا فيه اما لوحد مش ف مرحلتنا مش هيحس بينا طبعا احنا نخلي التوبيك ده لاي حد ف 3 ث عيز يدخل كلية خاصة ومش عارف معلومات عنها

انا في 3 ث السنة ديه جبت السنة الي فاتت 80 المهم انا عايزة اعرف الحد الادني لكليات الطب الخاصة و لو انا اقل من اللي محددينه في امل ولا و كمان في كليات بتاخد اقل من الحد ده و المصاريف و كل الجامعات

بصي يا اسماء انتي كدا مجموعك كويس شدي حيلك وزودي السنة دي اهم حاجة متقليش عن اللمجموع اللي الوزارة حددته بصي ياستي اللي اعرفه ان طب بتاخد من 80 واسنان وصيدلة 75 وطبيعي من 73 بي اوعي تثبتي ع مجموعك زاكري كويس عشان تزودي مجموعك عشان تبقي مستريحة وكمان ف الجامعات زي جامعة اكتوبر مثلا بيبقي من 90 فيما فوق مصاريف ومن 80 ل 90 مصاريف ومن 70 ل 80 مصاريف بالنسبة للمصاريف بتختلف لان كل سنة بيبقي ف نسبة زيادة بس الطب بيبقي ف حدود حاجة و40 الف صيدلة واسنان ف حاجة 30 الف كدا


اي حاجة محتاجاها انا تحت امرك والحمدلله لقيت حد علمي علوم لاني انا كمان علوم

كليات الهندسة الحد الادني ليها 70% بس زي ماقلت لاسماء لازم بردو تزود مجموعك لانك متضمنش الظروف
بالنسبة للكليات في الشروق واخبار اليوم دول الكب بيقول عليهم كويسين الاسعار بتبقي ف حدود 10او 15 الف
ف اكتوبر بس مصاريفها بتوصل لحاجة وعشرين الف ف بقي معهد العاشر من رمضان بردو بيتقال انو كوييس بس من رائي خليك اكادمية احسن زي الشروق او اخبار اليوم

ana gebt fe tanya 90 we 3ayez adkhl teb 6 october we b3d kdah yenfa3 a7awel teb masr lel 3loom we teknologia ?wala l2??!!

طب متخش طب مصر للعلوم و التكنولوجيا من البدايه بس على العموم ينفع التحويل من جامعه لاخرى اثناء مراحل الدراسه

طب انت 90 ف المية يعني لو شديت حيلك السنة دي ممكن تجيب 96 او 95 السنة دي اكيد هتلحق كل الجامعات الخاصة

انا فى 3 ثانوى جبت السنه الى فاتت 78% علمى علوم وعاوز ادخل كليه علاج طبيعى

بس انا قلقان اوى خايف انى ملحقش الحد الادنى لو سمحت كنت عاوز استفسر عن

الحد الادنى للمجموع فى كليه 6 اكتوبر ومصر للعلوم والتكنولوجيا وعن المصاريف ايضا .

طيب انا عايز اسال سؤال انا لوبعد الشر دخلت جامعة خاصة كلية الهندسة هل بعد ما اتخرج هلاقي شغل ليها لان كل الشركات بتقبل الكليات الحكومية

ع فكرة الكليات الخاصة بيتقبلو زيهم زي الكليات الحكومة ويمكن فرصهم احسن لانك متنساش انك بتتعلم تعليم احسن بكتييييييييييييييييييييييييييييييييييييييييييييييي ييييييييييييير
غير كدة انا اعرف ناس خريجين كليات خاصة وبيشتغلو ف اماكن مهمة بالسي في بتاعتهم بس مش بواسطة

بص يا سيدي هقولك زي ماقولت لكل زمايلنا شد حيلك السنة دي وحط ف بالك انك تقفل المواد السنة دي وانسي مجموع السنة اللي فاتت واشتغل ع السنة دي لان اي درجة هتجيبها هتفيدك اوووووي السنة دي ع العموم 6 اكتوبر علاج طبيعي من 73 % جامعة مصر معرفش عنها حاجة بس اسمع انها بتاخد من مجموع عالي يعني ممكن تدخلها ف سكة التسعينات بالنسبة للمصاريف طبعا الكليات الطبية معروف انها بتبقي عالية بس هي حوالي حاجة وعشرين الف للعلاج الطبيعي بس طبعا ف نسبة بتزيد كل سنة
بس زاكر كويس لانك متضمنش الظروف السنة دي وطبعا زي ماكلنا عارفين الوزير كل شوية بمفاجأة لازم نزاكر كويس ونجيب درجاات افضل من اللي جبناها السنة اللي فاتت واوعدك لو عرفت اي معلومات هقولك ع فكرة انا زي زيكم يعني معرفش معلومات كتير بس بدور وبدخل ع مواقع يعني وبعرف مفيش اي مانع لو اي حد تاني عارف اي معلومة يقولها

انا جايب 92 في تانية و كنت عايز ادخل جامعة خاصة طب الاسنان
بفكر اخش الجامعة الالمانية او جامعة فاروس في الاسكندرية وكنت عايز اعرف المصاريف تبقا كام
ولو شديت حيلي في تالتة ممكن الحق حكومة

انت لو شديت حيلك ف 3 وحطيت ادامك هدف انك تجيب مجموع كويس مش هتحتاج حاجة خاصة اساسا بس لو موضوع الخاصة شاغلك هتلاقي انك هتشغل نفسك بيها زيادة عن اللازم وممكن ده ياثر بالسلب عليك انت شد حيلك ف 3 وحط ف بالك انك متنقصش السنة دي وركز ف الحكومة

الجامعة والاكادمية سيان والاتنين افضل من معهد يعني لو دخلت اكادمية عادي مفيهاش مشاكل الجامعات اسعارها شوية هتلاقيها اوفر عن الاكادميات

الحد الادنى للهندسه فى الجامعات الخاصه 67 فى المائه لكن حكاية المصاريف دى بتختلف من جامعه لاخرى

روتانا انا كنت عايزة بس اتاكد من معلوماتك هي ايه مصدرها و انتي جبتي كام السنة اللي فاتت و كمان هي الكليات الخاصة طب بتقبل اقل من الحد الادني بفلوس و كدة زي نا بنسمع ولا مفيش الكلام ده و ميرسي لردك

انا جايب 80% في ثانيه و عايز اعرف معلومات عن هندسه msa يعني الثمن و التخصصات

طيب دلوقتى انا جبت فى تانيه 78,5 و عايز ادخل هندسه إن شاء الله
ممكن الحق الجامعه الالمانيه و لا لأ ؟؟
و لو لأ ايه احسن جامعه بعدها :(

Umm ana ba2aa gayeeb 96% w moshkeltee mesh 3arfaa a5taar ben el gam3aa el almanyaa walaa 3en shamss
w kaman fell gam3aa el almanya men7tee hatb2aa ad eh
w 3aizz a3raaf el admission lazemm ne2demoo fe shahr wa7ed wala momken lama el nategaa tetlaa3 la2enhoom alolee hatb2aa 3alla el w8ing law admto met25aar

انا في ثالثة ثانوي عام جيت 74% ومكمل علمي رياضة وعايز اعرف معلومات عن كليات الخاصة الكويسة غير الهندسة
وعايز اعرف الكليات الخاصة المختصة بالحاسب الالي
وماهي كلية computer sinces

هندسة الشروق ياجماعة بتقبل من كام وايه أخبار المصاريف ( أنا جبت ٨٠ السنة اللي فاتت وحاسس إني مش حزيد عن ٨٥ السنة دي برضة ) ارجو الرد بسرعة .

الرد فين ياجماعة

انا ناو في تالتة ثانوي وجبت في ثانية 83 وانا علمي علوم وعاوزاه اعرف ادخل كلية ايه ولو حد يقولي جامعة فاروس مصاريفها كام او اي حاجة

فين الرد ..ارجوكم الرد بسرعة

والله انا متأسف لاني مش متابع موضوع الدبلومة الامريكية فموضوعي عن الثانوية العامة المصرية

شكرا لردك واسف علي التأخير

hey ya gma3a
ana bas2l 3an alsun fe el miu
2h 25brha we som3ha we el nas el feha mabsoteen walla la2

thanx

طيب انا فى 3 ث و جبت السنة اللى فاتت 71 عايز اعرف اعلام الحد الادنى ليها كام و اسعارها

لو سمحت انا جبت في 2 ثانوي 63% لان حصلتلي ظروف قبل الامتحان بشهرين حاله وفاه جامده اوي فمكنتش بذاكر وانا ادبي دلواتي وبصراحه السنادي مبذكرش خالص وربنا يستر ونفسي اخش كليه مش عايز اخش معهد فدلواتي عايز اعرف هو اقرب كليه حكوميه لمجموعي هتاخد من كام وعايز اعرف برده كليه الحقوق او الاداب الخاصه بتاحد من كام ومصروفتها اد ايه

لو سمحت عندى سؤال مهم قبل ما الوقت يخلص عشان اعرف

كلية ترجمة و لغات جامعة مصر الدولية فيها اقسام تركى و عبرى و صينى
ولا اقسام مححددة بس

السلام على طلاب العلم .. طلاب الثانوية العامه
انا شايف منكم قلق كبير وخصوصا لما الامتحانات قربت وده شئ طبيعى جدا .. بس لازم متسيبوش القلق ياخد اكتر من حجمه الحقيقى يا شباب
انا هحاول اقدم ليكم معلومات بسيطة من خلال تجربتى فى الكليات الخاصة يمكن ترتاحو شوية
انا خريج ثانوية 2008 .. اكيد كلكو فاكرينها .. ودخلت كلية هندسة خاصة
لازم تفرقوا بين حاجتين .. كلية خاصة وجامعة خاصة
الكلية الخاصة ( المعهد او الاكاديميه ) كلهم مسميات مختلفة لمؤسسة واحدة وهى كلية خاصة
دى مصاريفها بتتراوح مابين 1000 الى 10,000 فى السنة غالبا .. ودى بتشمل كليات الهندسة والتجارة والحاسبات والكليات الادبية زى الخدمة الاجتماعية واللغات والترجمة والسياحة والفنادق ووووو ....... وغيرها
ودى يا جماعة المجموع بتاعها بيفرق .. هتلاقى معاهد بتاخد من اول حاجة وخمسين فى المية لحد 90 فى المية .. اعتقد الهندسة اقل حاجة فيها بتكون فى السبعينات .. طبعا التنسيق بيفرق من سنة للتانية زى تنسيق الحكومى تمام

نيجى للجامعات الخاصة .. دى بقى مصاريفها بتبتدى من 20 الف وانت طالع .. ممكن توصل ل 90 الف زى الجامعة الامريكية
دى مختلفة عن الكليات الخاصة فى كل حاجة .. دى جامعة ليها كيان مستقل .. وفيها كليات وفيها كل حاجة .. بس ارجع واقول انها غالية كتير واللى هيدخلها لازم هيصرف اكتر .
كليات السلك الطبى عموما بتكون جامعات مش معاهد طبعا .. بس كله معترف بيه وشهادته معادلة للجامعات الحكومية المصرية
اتمنى اكون ريحتكم شوية .. ونصيحة اخيرة .. متفكروش دلوقت خالص فى الكليات .. كله يركز على الدراسة ويحاول يحقق اكبر مجموع يقدر عليه .. وانا بتمنالكم التوفيق جميعا مع الثانوية !!
سلااااااااااااااااااااااااااااااااااااام

لو سمحتي يا روتانا انا في علمي علو م مجموعي السنه اللي فاتت 70كنت عاوز اعرف كليه خاصه تناسب مجموعي ومش مهم الفلوس .وعاوز اعرف مجموع القبول لكليات مودرن اكادمي

:giljotiiniug3:

ما نوع الدراسة بمعهد نظم المعلومات وما هى مجالات العمل الصالحة لخريج هذا المعهد
أرجوكم إللى يعرف في الموضوع ده مايبخلش بالرد وكمان يقولى أحسن معهد فين بالترتيب

ولكم جزيل الشكر

:giljotiiniug3:

سؤال محدد يا جماعة الخير :

عاوز استفسر عن Computer Science فى جامعة MTI

وهل هى هى نفس كلية علوم قسم حاسبات ومعلومات ،،، ومين احسن ؟؟


لأن انا ميولى برمجية بحتة ،، مش فيزياء وكيمياء وكده

انا جايبه في تانيه 96 وكنت عاوزه اعرف الجامعه الامريكيه بكام

يا جماعه ممكن حد يفيدني في الموضوع ده بعد اذنكم::::...........

انا مخلص دوم صنايع من سنتين وكنت عاوز اقدم في معهد نظم بس المشكله اني ما اعرفش حاجه عن المعاهد دي يعني ياريت لو في معهد مصاريفه قليله شويه ويكون كويس حد يكت اساميهم ومصاريفهم واماكنهم...وياريت لو انهارده علشان انا بكره نازل مصر اشوف معاهد بس انا مش عارف اماكنهم ولا مصاريفهم

يا جماعه هل فيه السن خاصه؟ ومن علمي؟

ايهما افضل الاكاديميه البحريه (تجاره انجليزي)ام جامعه فاروس(تجاره انجليزي)؟
من حيث:
1.المستوى العلمي
2.المصاريف
3.معترف بها
4.فرص عمل

فى السن فى جامعة مصر ب 7 الاف تقريبا و تقريبا علمى بيدخل كل حاجة ادخل ع موقع الجامعة و شوف او اتصل بيهم

لو سمحت يا جماعه انا جديد هنا وعايز استفسر عن حاجه انا فى 3 ثانوى بس كنت علمى وحولت ادبى فى 3 ثانوى
فهل ممكن باى طريقه ادخل معهد قسم كمبيوتر سينس (علوم الحاسب)

اذا مش ممكن هل ادخل نظم المعلومات احسن ام تجاره من كل الجهات سواء شغل او دراسه كاستفاده ومش مهم الاسهل المهم اتعلم صح واستفيد هل التجاره هتفدنى اكتر ام نظم المعلومات

وهل الشروق فى نظم المعلومات احسن ام العاشر من رمضان

اسف للاطاله وشكرا مقدما وفى انتظار حد يفدنى

يا جماعه حد يرد علينا بأهاما الموضوع ده معمول ليه؟؟؟؟؟؟
مش عشان نساعد بعض!!!!!!

ما هو تنسيق جامعه مصر للعلوم والتكنولوجيا و جامعه 6 اكتوبر طب بشرى طب اسنان و صيدله هزا العام2011-2012