|
لو ميعاد التثبيت ماجاش
ياجماعة كل واحد عايز يعمل وقفة اعتصام او تظاهر علشان خاطر يتثبت ولا لا
وانتوا لو بصيتوا ليها هتلاقوا ان العقد بتاع الحكومة احسن ميت مرة من اى عقد خاص دى حاجة الحاجة التانية لو فيه تثبيت هيبقى صب عنهم هيثبتونا دلوقتى او كمان شوية علشان ده رزق واللى محدده ربنا من قبل مانتولد تالت حاجة لو لقدر الله مفيش تثبيت يبقى اللى عايز يسافر هيسافر من غير قيود لانه كده كده عقد بره احسن من عقد جوة يعنى ماتقلقوش ونقعد نمنى نفسنا بالتثبيت ونشغل دماغنا بحاجة ونسيب الاهم وهو تحضير للسنة الجديدة يعنى تحضير المذكرات وقراية المناهج كلها بتاعة الصفوف المختلفة نقرا كويس فى اى حاجة تانية انا عايز رايكوا فى الموضوع ده |
صح كدا يابرنس
|
والله مسألة الرزق محسومة من عند الله
ولكن علينا الاخذ بالاسباب والمطالبة بحقوقنا |
ان رأئ من غير زعل
اهتمي قليلا ايتها المعلمة الفاضلة بالاملاء والاهتمام باللغة العربية رايكوا.........رأيكم |
انا اسف جدا والله
ان رأئ من غير زعل اهتم قليلا ايها المعلم الفاضل بالاملاء والاهتمام باللغة العربية رايكوا.........رأيكم |
غلطة مطبعية انا مدرس رياضيات فاكيد هاغلط فى حاجات كتير فى العربى علشانا كاتب بالعامية بس
عموما هاخد بالى بعد كده وبعدين يعنى حضرتك ماقولتش رايك فى الموضوع |
والله العظيم انا اقدرك واحترمك
وللك مني كل التبجيل و بخصوص رأيي فى الموضوع فان كلامك معقول ومنطقي ويماشي مع عقلية رياضية واقعية وانا اميل لهذا الاتجاة وجزاكم الله خيرا ولا تزعل مني يا اخي وكلنا نبغى الرشاد وفقك الله |
على فكرة اخوك مدرس انجليزي و ليس عربي
"من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب" "من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب" "من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب" "من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب" "من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب" |
احنا مش فلحين غير فى كده التريقه على بعض وبس..............ربنا يتولانا
|
كلام جميل والله
|
اقتباس:
التثبيت او الوقفه الاحتجاجيه!!!!!!!!!!!!!!!! |
والله كله تلطيش
الواحد معاد عارف الصحن م الطبق الصح م الغلط |
اقتباس:
سهلة ياعم الصحن شكله عامل زى الصحن اما الطبق فصورة طبق الاصل من الطبق نياااهاهاهاهاهاهاها |
فعلا كلامك صحيح نبوس ايدينا وش وضهر ونهتف كمان للحزب وسيادة الريس وبرنامجه الانتخابى مش عارفة اقول لك ايه غير ان الساكت عن الحق شيطان اخرس ومن غير زعل يعنى انت عايز تسكت عن حقك فى التثبيت رغم انك زى الاساسى فى كافة واجباته من حيث النصاب والشغل والحضور والانصراف بس مش زيه فى الحقوق هو ليه قانون بيحميه ويحمى وظيفته اما انت لو عملت اى غلطة ممكن يفسخو التعاقد بتاعك محدد الاقامة جوا محافظتك متقدرش تطلع منها لاى سبب تجمع شمل اسرتك تروح مكان احسن فيه شقق ارخص الاساسى عنده الحق ده متقدرش تاخد اجازة طويلة شوية تراعى فيها اسرتك او تسافر اى مكان تحسن دخلك عشان الكام ملطوش بتوعهم مش بيكفو الاساسى ممكن يعمل كدة اوى وبمنتهى السهولة ربنا مقالش ان الظلم رزق ومقالش انك تسكت عن حقك وتتهاون فيه وان كنت فعلا كدة فمتحاولش تقنع غيرك انه يكون زيك اسفة على الحدة فى كلامى بس بجد استفزنى كلامك جدا
|
يااستاذة انا مش ساكت عن الحق انا اكتر واحد محتاج لتثبيت واكتر واحد متضايق من اللى انا فيه بس احنا لو وقفنا الوقفة اللى زمايلنا بيتكلموا عليها ممكن يعندوا قصادنا وبل بالعكس ممكن تطلع منهم حركة مش كويسة علشاننا طيب مانفضل ورا ال ............... لحد باب الدار
وبعدين الوقفة مش هتجيب التثبيت وانا بقول كده كده لو ماثبتوناش يبقى عرفنا اخرهم ونشوف اى سفرية او مدرسة خاصة لغات نشتغل فيها اما لو ثبتونا يبقى نصلى ركعتين شكر لله وبعدين فكرى فى عقد الحكومة وعقد الخاص هتلاقى الحكومة احسن بكتير الحكومة مرتبها احسن ومكافاتها احسن اما شغل الدروس فمستواكى هو اللى هيجيبلك شغل سواء فى الحكومة او الخاص وماحدش بياخد اكتر من نصيبه اما حكاية عن الحق احنا مش ساكتين اكيد الكلام اللى بيتقال هنا بيوصل لان الموقع ده كبير وبعدين ما اسرع وصول الكلام انا كده زعلت وبعدين ده راى والراى لايفسد للود قضية انا لى عندك حق عرب |
الموضوع مش موضوع رزق
الارزاق بيد الله لكن ده حقنا قانونيا وأدبيا ومن كل النواحى لو فعلا عايزين يحسنوا التعليم يبقى اول حاجه يثبتوا كل العمالة المؤقتة نحس اننا تبع المنظومة فنتأثر و نؤثر بدل ما نتأثر فقط اللى بنطالب بيه الاستقرار والاحساس بالأمان احنا حقنا التثبيت وان شاء الله هايجيلنا هايجيلنا مش هايقدروا يعملوا معانا حاجه تانية اخرهم خالص معانا يوم ما يمطوحونا خالص ويقرفونا انهم يثبتونا فى 4/2011 لان فيه ناس السنة التالته بتاعتهم هاتخلص فى التاريخ ده لكن ده حقنا ومن حقنا نطالب بيه ونعمل كل اللى فى وسعنا علشان نوصله |
إحنا بنطلب من ربنا التثبيت وبنقول دائماً يا رب |
اقتباس:
|
حكاية مفروغ منها
سؤال غريب والله .......هنعمل أيه يعنى هنولع فى نفسنا ولا نولع فى البلد ........أكيد كل واحد فينا هيشوف شغله فى فصله بما يرضى الله وضميره ..........لان بأذن المولى (عز وجل) التعيين جاى جاى لأنهم مايقدروش يستغنوا عننا هيلاقوا فين زباين زينا يدورلهم الطابونه بتعتهم .......هم خلاص فى عنق الزجاجة ولا مخرج لهم الا تعيننا .....أحنا خلاص أدبسنا فى بعض وملهاش مخرج الا كده .................ولا حد فيكوا ليه رأى مخالف لرأى ........والله ولى التوفيق...
|
|
اقتباس:
احترم شجاعتك و اسلوبك المحترم |
اقتباس:
ياخي في عقود من سنة2002 وهي لا عارفة تسافر ولا ثبتوها دي شغليين من ايام ماكان المرتب 90 جنية وما فيش جاحة جدة ........................... ده فية اربع اصناف من موظفي الحكومةفي المدارس 1- اساس بالكادر2-اساس من غير الكادر 3- عقد بالكادر 4-مدرس لا بالعقد ولا بكادر ............هل هذا عدل هل هي دي المسواه وانت مستني التثبيت هيجي لحد عندك اصلي فية فرق بين التوكل والتواكل |
ربنا يستر ربنا يستر
|
اقتباس:
اول عقد اتعمل فى الوزارة كان سنة 2005 وكان المفترض انه عقد مؤقت ينتهى التثبيت بدون امتحانات ولا اى حاجه لكن لما نزلوا قانون الكادر الجديد لموضوع اتغير طبعا تبعا للقانون الجديد وكل اللى كانوا ماضيين العقد القديم مضوا العقد الجديد اللى برضه ينتهى بالتثبيت لكن بشروط تانية تبعا للقانون |
اقتباس:
|
ازيك يا سمرى واحشنى والله
انت عشان بتدور على الدروس بتقول اعملوا مذكرات بس انت ناسى ان فى اقسام غير الرياضه هنا كله مستنى فرصة يتثبت لكن انا معاك ان فى ناس مدرسين معانا شغلتهم الاولى النت ومش بيدورا على انهم يرفعوا من مستواهم فى المادة العلمية انا عارف قصدك من الكلام ده لانى عارف اد ايه انت مشغول الايام دى وحاسس ان العالم دى فاضية أنا معاك نرفع من مستوانا ونعمل مذكراتنا ونجهز تحضيرنا لكن لازم ندور على حقنا يا حج |
| جميع الأوقات بتوقيت GMT +2. الساعة الآن 01:59 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.