بعد غياب وبعد وحشتينى اليكم قصيدة الفراق
 

الأخوة والأخوات
غبت عنكم فترة ليست كبيرة ولكن جئتكم وأنا لا أقد على الفراق
جئتكم ومعى قصيدة عن الفراق
فياليتها تعجبكم قصيدتى لأنى أعلم أن الفراق لا يعجب ولا يريح أحداً
يارب لا يافرق أحدٌ أحداً ، ولا حبيبٌ حبيباً
الشاعر محمد على
===================





الفُـــــــرَاق

تلاقينا فى غفلة من الزمن ولما أفـــاق
حكم علينا بالفراق فافترقنا ، ولا نعلـــم
لما تلاقينا ولما افترقنا وكل ما أعلمه أن
الفراق جوانا عايش واللقا أيضاً جوايا أنا
بس عايش ....................................

ونفترق
زى كل اتنين مصيرهم كان فراق
ونختنق
م الحزن تنزل دمعتين
على الخدود
مليانه أشواق
وكلمتين على الشفايف
حيرانين
خايفين
عايمين
وسط أمواج السكوت
واموت
وتنطفى جوايا شامعه
وتختفى طلِّة عيـــونِك
وتنتهى أحلام خيالى
والتقى وسط زحام الشوق
أشواقى بتهرب فى انكســــــــار
تبوح بأسرار عشقى للعيـــــــــون
وكل الكــون
(حـــــــزين )
على الفـــراق
مشتاق لنورك
يامُ العيون شايله الحنان
والزمان واقف يعد المجروحين
والإيدين متكتفيـــــــن
والكلام ضاع وانهزم جيش الحروف
وانتصر جيش السكوت
انتصر جيش الهموم
وانكسر قلبى معاه
وانكشف سر البُكا
وانعَــــــــــــــــــرَف
لما نِزلت دَمعتى
كتبت رساله
قالت ياهوه
الحُب ليه ن***ُه
جوَّ القلوب
الحُب إيه آخرته لو كان غلط
ألفين سَخَط
وانتى خلاص؟؟
كتب الفراق قصته والقلب سلِّم؟
ماقدرت أقول
ان قلبى مش هايقدر ع البعاد
ما قدرت اطول
منك رساله
أو حتى كلمه
أو حتى بسمه
أو خيط أمل
كل اللى بنا ات***
واتبدلت حنيتِك
وبقت جبل
مليان قساوه
وزرعتى جوه القلب شوك
وعرفتى تقسى
وعرفتى تنسى
وقدرتى تمحى الذكريات
وقدرتى توقفى
سبتى الهنا والفرح والعمر اللى فات
وقلتى تمشى
مكسور انا ع الارض محنى
وعنيكى دايره فى الفضا دايره بتلمحنى
ودموعى حايره
خايف تشوفى الذل تنكسرى
حاسه بطعم النصر ... انتصرى
وسيبنى واقف
سيبينى حاسس
ان الفراق وضع مؤقت
وان اللقى جوايا عايش

الشاعر محمد على

انا لسه برضوا اول واحده تقرئها

جزاكم الله خيرا على الكلمات الجميلة كما عهدنا دوما
وفعلا اصعب موقف للانسان هو الفراق
منتظرين من حضرتك كل مزيد

الله الله الله
جميلة اوى يا استاذ محمد
حقيقى كلمات تجرح القلوب
فعلا الفراق صعب اوووووووى على اى حد
دمت لنا مبدعا

شكرا
 

الأستاذ محمد على
يرسل شكره لكل من يمر طوافاً بكلماته
ويطلب منكم دعواتكم

عود حميد يا محمد علي
 

أخي محمد الآن والآن فقط أستطيع الرد على قصيدتك العملاقة (الفراق) دخلت وشاهدتها أكثر من مرة ولكني صممت ألا أرد عليها وأنت غائب ، وعندما عدت إلينا .. عاد إلينا نبض صادق وعطاء لا ينسى لقسم إبداعات الأعضاء فتقبل مروري وسلامي لك أخي الحبيب ..

اقتباس:

م الحزن تنزل دمعتين على الخدود مليانه أشواق وكلمتين على الشفايف حيرانين خايفين عايمين وسط أمواج السكوت واموت

طالما القصيدة عامية اسمحولي افك شوية واكلم بالعامية عشان كلامي يناسب جو القصيدة انا عاوز كل واحد بيحب الشعر أو نفسه يكتب شعر يتعلم من الصورة دي طب واشمعنى الصورة دي بالذات؟ أنا هقولكم .. بصوا كده تركيبها تنزل دمعتين + كلمتين عايمين ع الشفايف + في بحر السكات .. ايه الجمال دا يا عم .. ايه التناسب والتناسق دا بجد والله ما ببالغ صورة عبقرية .. دموع العين عملت بحر سكات على الشفايف عام فيها الكلام .. بس ايه رأيك لو كان (غرق) دا مجرد رأي بس

اقتباس:

وتنطفى جوايا شامعه وتختفى طلِّة عيـــونِك وتنتهى أحلام خيالى والتقى وسط زحام الشوق أشواقى بتهرب فى انكســــــــار تبوح بأسرار عشقى للعيـــــــــون وكل الكــون (حـــــــزين ) على الفـــراق مشتاق لنورك يامُ العيون شايله الحنان

عبقرية تانية بتظهر في الصورة دي (يا أم العيون شايلة الحنان) وانا هنا بتأمل الحبيبة أم وبنتها العيون والعيون أم وابنها الحنان اذن الحنان حفيد الحبيبة واعز الولد ولد الولد .. اذن الحبيبة بتحب الحنان جداً..

اقتباس:

لما نِزلت دَمعتى كتبت رساله قالت ياهوه الحُب ليه ن***ُه جوَّ القلوب الحُب إيه آخرته لو كان غلط ألفين سَخَط

صدقت يا محمد .. الحب ايه أخرته لو كان غلط ألفين سخط .. صدقت يا أخي .. نسجل هذه الحكمة ..

اقتباس:

مكسور انا ع الارض محنى وعنيكى دايره فى الفضا دايره بتلمحنى ودموعى حايره خايف تشوفى الذل تنكسرى حاسه بطعم النصر ... انتصرى وسيبنى واقف سيبينى حاسس ان الفراق وضع مؤقت وان اللقى جوايا عايش

مكسور أنا ع الأرض محني .. .. بتلمحني .. الله الله على الجناس الجميل والموسيقى الرائعة ..
ولكن يا أخي عليك بمواجهة الواقع وإلى متى ستعيش تنتظر اللقاء .. مع أنك تؤمن أن انتظاره هباء .. في .. هباء ..
تلك القصيدة يا أخي هي هديتك التي تقدمها لنا بعد عودتك سلمت يدك وجزاك الله خيراً ..

القصيدة كالعادة

تحفة فنية

درة و جوهرة تضاف إلى عقد شعرك المتميز يا أستاذ محمد

بجد كلماتها جميلة جدا و ده العادى بتاعك

يارب دايما نشوفلك قصايد حلوة

و اكتر جزء بجد عجبنى

والكلام ضاع وانهزم جيش الحروف
وانتصر جيش السكوت


ده تقريبا اكتر تعبير عجبنى بجد جميييييييييييييل جدا

يارب ما يكتب على حد الفراق لانه احساس صعب اوى ويارب اقدر اشوف كل اللى فارقتهم تانى

الأخت منى زكى
شكرا على مرورك

ونفترق
زى كل اتنين مصيرهم كان فراق
ونختنق
م الحزن تنزل دمعتين
على الخدود
مليانه أشواق
وكلمتين على الشفايف
حيرانين
خايفين
عايمين
وسط أمواج السكوت
واموت
وتنطفى جوايا شامعه
وتختفى طلِّة عيـــونِك
وتنتهى أحلام خيالى
والتقى وسط زحام الشوق
أشواقى بتهرب فى انكســــــــار
تبوح بأسرار عشقى للعيـــــــــون
وكل الكــون
(حـــــــزين )
على الفـــراق

حلوة جدا
بس انا ليا تعليق
حضرتك بدأتها فصحى وكملتها عامية
بس هى جميلة
واحسسها عالى
واكتر من كده انى قريتها وانا حاسة انى بلقيها مش مجرد قراية
وده مديها تميز
دمت مبدعا

أشكر حدوته
وأحب أوضح حاجه
أنا لم أبدأها بفصحى دى مقدمة مش تبع القصيدة
القصيدة تبدأ من سطر:
ونفترق..................
أشكر مرورك وتعليقك

مشكووووووووووووور

مشكور مرورك

أشكر مرورك
وردك الجميل

الأخت هنا
كيفك؟
أشكرك جدا
ومتحريمناش من ردودك

ونفترق
زى كل اتنين مصيرهم كان فراق
ونختنق
م الحزن تنزل دمعتين
على الخدود
مليانه أشواق
وكلمتين على الشفايف
حيرانين

ونفترق
والفغراق فعلا موجود

اقتباس:_
ان الفراق وضع مؤقت
وان اللقى جوايا عايش

مشتاق لنورك
يامُ العيون شايله الحنان

القصيده رائعه
بس فيها مسحة حزن
نتمنى الفراق مؤقت وتلتقي
بام العيون شايله الحنان
تسلم يداك
وتقبل مروري

قصيده رائعه
تسلم الايادي

مشكووووووووووووور

قصيده رائعه
تسلم الايادي

أشكرك وأشكر مرورك الكريم

http://www.6kk6.com/out.php/i1814_.jpg
قصيدة رائعة للغـــــــــــــــــــــــــــــــــــــــاية

بجد مش عارفه اقول ايه بجد شعر جميل جدا
فوق الخيال وتسلم ايدك يا شاعر
تحياتي هنــــــــــــــــــــــــــــــــــــــــــــــــ ـد

حرام عليك
قلبى وجعنى
هل دة وجع البعاد
او وجع الفراق
ما يشعر به الا
اللى حس بيه وجربه

==
ألف سلامة
وشكرا لمرورك

اقتباس:_
ان الفراق وضع مؤقت
وان اللقى جوايا عايش

مشتاق لنورك
يامُ العيون شايله الحنان

القصيده رائعه
بس فيها مسحة حزن
نتمنى الفراق مؤقت وتلتقي
بام العيون شايله الحنان
تسلم يداك
وتقبل مروري