|
clinical pharmacy
السلام عليكم و رحمة الله و بركاته ازيكو كلكو يا دكاتره ايه اخباركو انا سعيد جدا ان عدد الصيدله كتر هنا فى الموقع و يمكن دى السبب اللى خلانى ارجع اشارك فى الموقع هنا تانى بعد غيبه طويله عشان كلنا نفيد و نستفيد من بعض انا حبيت اعمل ليكو موضوع عن الصيدله الاكلينيكيهاو الكلينيكال فارمسى عشان حسيت ان فى ناس كتير هنا طالباه و عايزه تعرف عنه و كمان من اللى انا شفته ونا اول مره ادخل الكليه ان الطلبه بيبقى مركزين اوى على الموضوع ده و عايزين نعرف عنه كتير بسم الله ايه هيا الصيدله الاكلنيكيه يا جماعه؟ http://www7.0zz0.com/2008/08/26/20/385517312.gif هيا قسم من اقسام كلية الصيدله علم من علوم الصيدله المفروض انه بيأهل الصيدلى انه يبقى قادر على رعاية المرضى فى المستشفيات و العيادات مع الاطباء بس مش شغل الطبيب يعنى الطبيب عليه تشخيص الحاله او الdiagnosis و الصيدلى عليه التأكد من الدواء المناسب اللى المفروض ياخده المريض و الجرعه المناسبه او الdrug dose و التوعيه الصيدليه او ال patient counclling بمعنى انه يعرف المريض كل حاجه عن الدواء يعنى اثاره الجانبيه و دواعى الاستعمال يعنى يخلى المريض ملم بالدواء ده المفروض يعنى بس مش بيحصل هنا فى مصر بس بيحصل بره مصر القسم ده بقى موجود فى صيدلة القاهره و بنى سويف و عين شمس و طنطا و مش عارف فين تانى فى مصر و بقى ليه مواد فى الكليه و كده تبع القسم بس طبعا المواد دى مش كفايه انها تخليك عندك خبره عمليه انك تقوم بدور الصيدلى الاكلينيكى اللى انا اعرفه ان فى القاهره و بنى سويف بقى عاملين حاجه اسمها دفعة الصيدله الاكلينيكيه و الكلام ده كان اول مره اما انا دخلت الكليه يعنى لحد دلوقتى فى دفعتين منهم و اول دفعه هتتخرج بعد 3 سنين باذن الله و طلبه الدفعة دى بتتخرج و مكتوب فى الشهاده بتاعتها bachelor in pharmaceutical chemistry and clinical pharmacy بكالوريوس فى الكيمياء الصيدليه و الصيدله الاكلينيكيه و دى بفلوس تقريبا ب 10 الاف فى السنه و ده طبعا بخلاف الدفعه العاديه اللى بتاخد مواد الكلينيكال النظريه اللى هنقول عليها اللى تقريبا بيبقى مكتوب فى شهادتها بكالوريوس فى الكيمياء الصيدليه بس اما فى عين شمس بيبقى فى دبلوما كلينيكال فارمسى و دى طبعا بعد ما تتخرج زى الكورس كده بتبقى دبلوما تعادل ماجيستير فى الصيدله الاكلينيكيه و دى اللى بنصح بيها الجميع باذن الله خصوصا انها مفتوح لكل كليات الصيدله فى مصر بس بعد ما نتخرج باذن الله نركز مع بعض بقى كده يقوم قسم الصيدله الاكلينيكيه بتدريس عدد من المقررات النظريه والعمليه التى تهدف إلى: 1 - إمداد الطالب بالمعلومات الأولية عن الأمراض ومسبباتها وأعراضها وتطورها وطرق الوقاية منها وعلاجها. 2 - التعرف على طرق علاج الأمراض ومناقشة التأثير العلاجى للأدويه المختلفه من خلال الفهم الصحيح لحركية الدواء والاختبارات الاكلينيكيه والمقدره على التعرف على الأعراض الجانبيه والسميه للأدويه. 3 - تدريب الطالب في مجال الصيدلة الاكلينكيه وصيدلة مستشفيات ومراكز معلومات الادويه والسموم من خلال برامج التدريب العملى المكثف التى يتلقاها الطالب فى المستشفيات الجامعيه . ندخل على المواد اللى هندرسها فى الكليه تبع قسم الكلينيكال و المواد اللى هندرسها بعد ما نتخرج من الكليه اللى هيا اختياريه طبعا هوا انا جبتها من القسم عندنا فى صيدلة عين شمس بس اكيد اى كليه صيدله فيها قسم الكلينيكال هيبقى فى نفس المواد و توزيعها undergradutate courses 1- first aid الاسعافات الاوليه (سنه رابعه,الترم الاول) الكورس ده بيخلينا ملمين بالاسعافات الاوليه زى الازمات القلبيه و الحروق و السموم و الاغماء و النزيف و كده يعنى 2-pathophysiology فسيولوجيا الامراض (سنه تالته,الترم الاول) يعنى الامراض اللى بتحل نيتجة خلل وظيفى للاعضاء و الكورس ده بيتكلم عن مشاكل النزيف و قرحة المعده و كل مشاكل الكبد و اعراضها و كيفية التعرف عليها و فيروس A و B و C و تليف الكبد و الانيميا 3-clinical pharmacy (سنه تالته,الترم التانى) و فى الكورس ده هناخد مشاكل التنفس و ازمة التنفس و امراض الرئه و مشاكل القلب و الدوره الدمويه و ارتفاع الضغط و مشاكل الغدد الصماء اللى بتسبب السكر و تضخم الغدد و كده و الكورس ده ليه جزء عملى و سكاشن و كده 4-pharmacokinetics (سنه تالته,الترم التانى) الكورس ده فيه شغل رياضى كبير يعنى هتلاقوه حتى مسائل و كده يعنى فيه حاجات انا مش فاهمها اوى لسه و حاجات مش هعرف اوصلها بس هيا يعنى خاصه بحسابت اى معدل لاى عمليه فى الجسم و كده استخراج البول و كده و كمان حساب الدواء نفسه و الجرعه بتاعت الدواء تبقى اد ايه و كده و برده ليه عملى و سكاشن 5-clinical pharmacy (سنه رابعه,الترم الاول) الكورس ده عن مشاكل الكلى و الفشل الكلوى و عن الحمى الروماتيزميه و الحمل و المشاكل اللى فيه و موانع الحمل و كده و برده ليه عملى و سكاشن 6-clinical pharmacy practice (كورس اختيارى بس قبل التخرج تقريبا فى اخر ترم فى سنه رابعه) الكورس ده عن الشيخوخه و علاجها و السمنه و نقص الوزن و الامراض اللى بتيجى من العدوى و الامراض النفسيه العصبيه زى الاحباط و الامتئاب و فقدان الشهيه و الانفصام و ليه جزء عملى و سكاشن postgraduate courses الحاجات دى طبعا صعب انى اكون فاهم فيها اوى بصفتى لسه رايح تانيه و كمان عشان مفيش توضيح ليها اوى فى موقع الكليه عشان كده انا هجيبها كوبى و بيست و لو حد عايز يتفسر عن حاجه فيها يسأل ونا هجيبهاله باذن الله 1. Advanced therapeutics 1 : Credit hours: (3 + 1) weekly Duration: 15 weeks 2. Advanced therapeutics 2 : Credit hours: (3 + 1) weekly Duration: 15 weeks 3. Clinical pharmacokinetics : Credit hours: (1 + 1) weekly Duration: 15 weeks 4. Hospital pharmacy : Credit hours: (3 + 0) weekly Duration: 15 weeks 5. Clinical immunology : Credit hours: (3 + 1) weekly Duration: 15 weeks 6. Clinical research design : Credit hours: (2 + 0) weekly Duration: 15 weeks 7. Hospital pharmacy administration : Credit hours: (2 + 0) weekly Duration: 15 weeks. 8. Advanced therapeutics 3 : Credit hours: (3 + 1) weekly Duration: 15 weeks 9. Advanced drug information : Credit hours: (2 + 0) weekly Duration: 15 weeks 10. Clinical pharmacy practice : Credit hours: (4 + 1) weekly Duration: 15 weeks 11. Emergency cases : Credit hours: (1 + 0) weekly Duration: 15 weeks 12. Clinical data analysis : Credit hours: (2 + 1) weekly Duration: 15 weeks 13. Selected Topics In Fields Of Specialty : Credit hours: (3 + 0) weekly Duration: 15 weeks بالنسبه للدبلوما بتاعت الكلينيكال فارسمى اللى تبع صيدلة عين شمس بدل ما اكتبلكو عنها انا هجيبلكو الاعلان بتاعها عندنا فى الكليه تشوفوه بنفسكو و الدبلوما دى تعادل ماجيستير فى الكلينيكال فارسمى و طبعا دى تساعدك جدا ادخلو شوفوه و لو فى حاجه عايزين تسألو عنها اوكى بس كده انا تقريبا حاولت اجمع اللى اعرفه و اكمل برده من موقع كليتى و من مواقع تانيه و يارب اكون لميت الموضوع بشكل كويس و اى حد عنده استفسار حاجه مش متظبطه او مش واضحه يسألنى و اى حد عايز يفهم حاجه اضافيه ان شاء الله هجيبهاله و السلام مسك الختام |
ههههههههههههههه
عشنا وشفنا حتي البقالين بقوا بيعملوا مواضيع :p اه صحيح هي صيدله عين شمس كلينكال :d يقال ع فكره ان دراسه الكلينكال مستقبلها حلو :d يالا مش مشكله شكرا يا ايمن |
الله بجد تسلم ايدك يا دكتور ايمن
|
اقتباس:
ماشى يخويا بس متجيش بعد كده تقف فى صيدليه اما تيجى تلاقى نفسك بتشحت يعنى:p العفو يخويا:D |
اقتباس:
ربنا يخليك يا درش تسام انت يا باشا منور الموضوع |
ثااااااانكس كتييير ع المجهود و ع المعلومات المفيدة دى..بجد كنت محتاجاها..جزاك الله خيرا
|
اقتباس:
جزانا و اياكى يارب اكون قدرت فعلا افيد بحاجه |
جزاك الله كل خير
ملاحظة فعلا ان ناس كتير سبق وسألت عن موضوع زى دا ان شاء الله يستفيد الجميع :) |
اقتباس:
جزانا و اياكى يارب يفيد فعلا و شكرا على التثبيت:) |
جزاك الله خيراً
|
اقتباس:
جزانا و اياك:) |
شكرا يا ايمونة ع سرعة تلبيتك لطلباتنا و بالتوفيق ان شاء الله
بس بالنسبة لعين شمس انت البكالوريوس بيبقى مكتوب فيه ايه بالضب و لو ما اخدش الدبلومة بتبقى برده صيدلى اكلينيكى و لا لأ؟؟ |
اقتباس:
مش متأكد اذا كان بيتكتب فى الشهاده بكالوريوس فى الكيمياء الصيدليه بس ولا بكالوريوس فى الكيمياء الصيدليه و الصيدله الاكلينيكيه بس الاحتمال الاول انه مكتوب بكالوريوس فى الكيمياء الصيدليه اقوى بس هتأكدلك منها باذن الله و هجيبهالك على يوم السبت كده النقطه التانيه انك تبقى صيدلى اكلينيكى لو مخدتش الدبلومه لا لازم تبقى واخد الدبلومه و الدبلومه مش موجوده فى مصر غير فى صيدلة عين شمس اما انك تاخد الدبلومه او بقى مشروع الصيدله الاكلينيكيه اللى موجود فى القاهره او بنى سويف اللى هوا السنه بعشر الاف بالنسبه ليك فى عين شمس لازم تاخد الدبلومه عشان تشتغل كصيدلى اكلينيكى و ده اكيد مش هيبقى فى مصر |
طب انا فهمت من كلام حضرتك اانا احنا هناخد كورسات الكورسات دى حضرتك كاتب الترم الاول طبعا دى على نفقتنا احنا يعنى ناخدها فى نص السنة ولا حضرتك قصدك ايه بالظبط ؟؟؟؟؟؟؟
وكمان عايزة اعرف حاجة بعد التخرج الدبلوما تعادل الماجستير طب لو عملت ماجستير كمان مينفعش ولا ايه ولا مالوش لازمة؟ وسؤال تالت انا ليا واحدة صاحبتى فى صيدلة القاهرة ومدخلتش مشروع الصيدلة الاكلينيكية اللى 10 الاف ده يبقى ينفعش تعمل دبلوما ولا حضرتك قصدك ان بتوع القاهرة لازم ماجستير لكن احنا الدبلوما تكفى |
اقتباس:
لالا الكورس اللى هتاخديه او الدبلومه دى بتبقى فى اجازة اخر السنه مع نفسها و دى بعد ما تخلصى يعنى باذن الله لكن توزيع المواد اللى انا كاتبها ترم اول و ترم تانى دى حاجه تانيه خالص مش على نفقتنا ولا حاجه دى مواد زى اى مواد فى الكليه عندنا بس تبع قسم الكلينيكال مش كورس هناخده اضافى للدراسه قسم الكلينيكال فى الكليه زيه زى الكوجنوزى و السوتيكال و السيوتكس و له مواده اللى هناخدها فى الدراسه و هنمتحن فيه فى نص السنه و اخر السنه زيه زى باقى المواد هوا اللى انا متأكد منه انه بيعادل الماجستير بس حتة ليه لازمه او لا مش عارف هيا تفرق معانا فى الشغل ولا لا بس اكيد نفس دراسة الماجستير فى الكورس و اعتقد انه ملوش لازم اوى يعنى بس النقطه يعنى ان الماجستير ممكن بعد كده اكمل دكتوراه و كده لكن اعتقد ان الدبلومه مش تدينى فرصه انى اكمل دراستى للدكتوراه لا الدبلوما مفتوحه لاى صيدلى فى مصر يعنى هيا ممكن بعد ما تخلص فى القاهره تاخد الدبلوما فى عين شمس عادى جدا و الدبلوما دى مش موجوده غير فى عين شمس |
شكرا يا دكتور انا كده فهمت جزاك الله خيرا
|
مشكور يا دكتور ايمن على الافادة
انا سمعت عن الكلينكال قبل كدا بس مكنتش اعرف اى حاجة عنها , الموضوع كان كتير بيسأل عنه وهو يستاهل التثبيت |
اقتباس:
موفقه باذن الله فى الكليه جزانا و اياكى:) |
اقتباس:
يارب يكون فعلا المووضوع افاد الناس شكرا ليك يا باشا على مرورك و ردك |
جزاك الله كل خير يا دكتور على موضوعك المفيد جدا ده .. بس بجد انا صعبانة عليا اوي صوابعك .. ياعيني زمانها ورمت بعد كل اللي كتبته ده :d
بس أفدتنا فعلا .. ألف شكر ... |
اقتباس:
هههههههههههههههههههه نعمل ايه بقى ولا يهمكو اهم حاجه ان الموضوع افاد فعلا و عجبكو:) |
السلام عليكم ورحمة الله وبركاته انا جيت كدا في وسط الزحمة ومتأخر شوية .... بس كنت بتمشى قلت لما أعدي على المجموعة الطبية ... مع اني أعتبر متطفلة على الموضوع:rolleyes: .. بس بجد جزاك الله خيرا يا دكتور أيمن أنا قرات الموضوع كله مع اني المفروض مش ليا علاقة بالقطاع الطبي بتاتا:d ... بس تقول ايه ... تطفل ههههههههههه بجد جزاك الله خيرا تسلم ايديك:) انا قلت تبقى آخر مشاركة ليا في المنتدى في الموضوع دا.. مع اني كنت ناوية مش أرد .. بس مش مشكلة .. مش رضيت أحرمك من نوري:p هههههههههههه ربنا يوفقكم يا دكاترة جميعا :)... في رعاية الله |
اقتباس:
و عليكم السلام و رحمة الله و بركاته ههههههههههههههههههه لا تطفلى براحتك جزانا و اياكى يا باشمهندسه هند نورتى الموضوع و الله:d ربنا يوفقك و يوفق الجميع فى رعاية الله:) |
'طب انا لما اخد الدبلومه من عين شمس هيكون زي اللي متخرج من قسم الكلينيكال في صيدلة القاهرة؟ ؟ وهل الدورة التدريبية بتاعت عين شمس تعتبر دبلومة مع العلم انها لمدت شهرين بس؟ واخر سؤال مين اللي ليه الاولوية انا بعد ما اخد الدبلومة ولا خريج قسم كلينيكال؟الف شكر
|
اقتباس:
بالنسبه للدوره التدريبيه اللى بتقول عليها معرفش الصراحه عنها و الاولويه اعتقد لعين شمس لانها بتعادل ماجستير فى الكلينيكال لكن خيرج قسم الكلينيكال بيبقى بكالوريوس فى الكلينيكال |
شكرا لك يا دكتور أيمن
أنا كان نفسى آخد كورس فى الاسعافات الأولية قبل ما أدخل الكلية بس فرحت لما عرفت إنها ح تبقى مقرر علينا إن شاء الله بعد خمس سنين أنا برضه معاك فى صيدلة عين شمس |
اه يا احمد باشا منا عارف انك معايا فى الكليه
مش مشكله ممكن تاخد الكورس بعد اول سنتين ميزة كورس الاسعافات الاوليه انك هتشتغل فيه عملى و كده و زى ما قلتلك هوا تقريبا بيبقى كل سنه انا لسه مخدتهوش برده عايز ابقى اشوفك فى الكليه زى ما شفت اكرم |
ربنا يزذيدكم انا لسة دخلة اعدادى طنطا
|
موضوع جميل بس عايزه اعرف يعنى اكتر عن مجال العمل فى المستشفى لازم مستشفيات الكانسر وبس ولا اي مستشفى وانا يعنى اللى هكتب الدواء فى الروشته مكان الدكتور ولا ايه وشكراا
|
شكرا وبارك الله فيك
|
انا ليه سؤال واحد الصيدلى الاكلينيكى بيستخدم سماعة ولا ايه
|
ياجماعة حد يجاوب
|
اذيكوا يا جماعه انل لسه داخله جديد على الموقع انا رايحه اعدادى صيدله بنى سويف ياريت لو حديقولى الدراسه والاقسام والحياه شكله ايه جوه على فكره انا كنت جايبه مجموع طب بس انا فضلت صيدله
|
السلام عليكم
بخصوص الصيدلة كلينك .. هل هي كلية خاصة بمصروفات تابعة للجامعات الحكومية ؟ظ أرجوا الإفادة لأن إبني في الثانوية العامة السعودي ومتوقع إن شاء الله النجاح بنسبة 93.5 تقريبا (طبعا الدرجة شاملة القدرات) هل هناك أي معلومات عن تنسيق العام الماضي .. أرجو الإفادة , جزاكم الله كل خير |
جزاكم الله كل الخير
|
تسلم يا دكتور علي الموضوع الجميل اللي أنا كنت محتاجه
بس كنت عايز استفسر أنا صيدلة طنطا ومش عارف هل أدخل قسم الإكلينيكي من أول سنة ولا آخد الدبلومة بتاعت عين شمس وهل لو قررت إني آخد الدبلومة بتاعت عين شمس هاعرف أسافر وأذاكر ولا صعب عليا كمان عايز أقتنع هل اللي يدفع 50 ألف جنيه في الخمس سنين هيتساوي زي اللي هيدفع ض1600 جنيه في الدبلومة دي مثلاَ يعني حتي المواد بتبقي هي هي ولو بتتساوي ليه في ناس بتدخل القسم دة حتي ولو عدد قليل وبتدفع الفلوس مع العلم يا دكتور إني حاطت السفر إلي دول الخليج في المقام الأول بس ما تستغربش ...أما أسافر عشان أشتغل غير أما أسافر عشان أذاكر |
شكراً عل موضوع الجميل دا
بس عايز اعرف كليات الصيدلة اللى واخدة الجوده وهل اسيوط من ضمنهم ولا لا |
طب انا لسه اعدادى طنطا محتاره ادخل عادى و لا كلينكال انهى الاحسن ممكن تقوليلى
|
شكرا ع الموضوع انا عارفة ان الموضوع مكتوب من زمان 2006 واحنا فى 2013 بس كان عندى استفسارات تانية فهل ينفع حضرتك ترد عليا بلييييز؟؟؟؟؟؟؟؟؟
|
شكرا ع الموضوع انا عارفة ان الموضوع مكتوب من زمان 2006 واحنا فى 2013 بس كان عندى استفسارات تانية فهل ينفع حضرتك ترد عليا بلييييز؟؟؟؟؟؟؟؟؟
|
السلام عليكم ورحمة الله وبركاته
جزاكم الله خيرا علي الموضوع الطيب بس انا كنت عاوزة أسأل عن صيدلة كلينيكال للناس اللي خلصت بيطري مثلا سمعت انه فيه صيدلة في بني سويف سنتين بس لو حد يعرف حاجة يفدني في الموضوع ده |
طب بالنسبة لصيدلة كلينيكال طنطا
المواد الي هيدروسها إيه في كل المراحل؟؟؟ |
| جميع الأوقات بتوقيت GMT +2. الساعة الآن 09:24 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.