جدول محاضرات حاسبات الزقازيق ( الفرقة الاولى )
 

مرسى يا بشمهندس عبد الله ع الموضوع ده

العـفـو يـآ بشمـهنـدس
شكـرآ ع الـرد ونشـوفك بقـآ ف الكليـه :d

لا شكـر علـى وآجـب يـآ بشمهنـدسـة هتنـورى الـزقـآزيـق كلهـآ
شكـرآ ع الـرد

طيب دلوقتي ومع اني مش فاهم اي حاجه من الحجات المترقمه دي ممكن لو سمحتم حد يكون+فاهم شويه يفهمني بس ولو يشرح يوم واحد وانا حافهم بقيت الايام

واستفسار كمان هو يوم السبت اجازه خلاص ولا ايه ولو هو اجازه حنروح احنا بكره يعني ولا ايه

انا منتظر اي بشمهندس ويا ريت بسرعه

اصل انا عاوز انام بدري واقوم بدري علشان الحق الطابور(ههههههههههه)

كل سنه وانتوا طيبيب

يا بشمهندس بكرة هتفهم كل حاجة ان شاء الله
وحكاية اجازة يوم السبت دى اتلغت خلاص :d
يعني احنا ان شاء الله كدا هنروح طول الاسبوع :(

momkn as2al showayet as2ela so3'annana?? :blush:


:oeh elfar2 ben group A w group B ??

w el2agaza hatb2a emta lw kanet agazet yom elsabt etla3'et ???

?? eh a5bar 2awel yoom

أولا أول يوم معملناش فيه اى حاجة غير محاضرة بسيطة عن انفلونزا الخنازير وفيه ناس ناموا فيها وكنت حاسس انى ف مدرسة ابتدائي مش ف مدرج 1
ثانيا
موضوع الجروبات .. الجروبات دى تقسيمة حسب الترتيب الابجدى لاسماء الطلاب
شوفى انتى اول حرف من اسمك ايه وخمنى بقا انتى الجروب وشوفى الجدول بتاعك
ثانيا الحاجات المترقمة دى السكاشن .. فيه كشوفات ف الكليه وحضرتك بتشوفى اسمك ف انهى سكشن يعني مثلا انا اسمى عبدالله ف كشف سكشن رقم 7
باجى ف الجدول بتاعى جروب A وبشوف رقم 7 وبمشي افقى واشوف انا عندى ايه بس

ثالثا يوم السبت كله فاضي مفيش فيه غير الـ ICDL

اول يوم يا ستى كان كالآتى :-
دخلت من باب الكليه لقيت رسومات ع الارض Welcome To FCI
خشيت ع الكليه لقيت مرسوم قدام المبني ESEA , IEEE , FCI , رعاية الشباب

ده اللى فاكره منهم بصراحة
بعد كدا قعدت شوية وخرج واحد بيقول كله يدخل مدرج واحد المستجدين والقدام
دخلنا وقال الدكتور ابراهيم الحناوى العميد كلمته وخرج وقعد معانا 2 مش عرفتهم لسه بس واضح انهم جامدين ف الادارة يعني
وبعدين شغلولنا فيديو لرئيس الجامعة وشوية دكاترة قعدوا يتكلمو عن انفلونزا الخنازير كتير اوى اوى اوى بزيادة
لدرجة ان واحد قدامى نام :D
خرجنا من المدرج
روحت المبني الاولانى لقيت حاجة حلوة اوى
شباب الحاسبات بقا بتوع تانية وتالتة ورابعة
عاملين شغل جامد جدا جدا جدا للصبح
قعدت ف النص كدا على دسكات وكان فيه لاب متوصل ببروجكتور
وشاب زى الفل بجد احترمتهم كلهم اوى اوى على مجهودهم
شغلو فيديو ع اللاب والبشمهندس ده كل ما ييجي شخصية مهمة يعرفنا بيها زى الدكتور عبدالهادى كدا والبشهمندسة نسرين
هتعرفيهم كلهم متقلقيش
بعد كدا خدنا على معرض الصور عبارة عن كل واحد واقف تحت صور اتلقطت ف الانشطة المختلفة زى طبق الخير وزيارة لدار الايتام وكدا
وعلى فكرة نشاطات الكليه كتيرة اوى ومتتعدش

البشمهندس ده عرفنا ع الكليه كلها وكدا وظبطنا ع الاخر


واى استفسار انا تحت امرك يا بشمهندسة

ايه دا يعني كان فيه محاضرات للفرقه الاولي يوم السبت انا رحت بس قعدت قصاد الكليه ومدخلتش لاني لقيت ف الجدول مكتوب قصاد يوم السبت اجازه

العفو يا بشمهندسة انا معملتش حاجة
بس اتمنى انك تسرعى شوية عشان اول ايام هى اللى بنفهم الدنيا فيها ايه :)

وانا تحت امرك ف اى استفسار

مين جاب سيرة المحاضرات والنبي :d
ايه يا بشمهندس اقرأ الكلام كويس
وفعلا يوم السبت مفيهوش محاضرات خالص :)

نـورت التـوبك

فعلا حضرتك مشكور بس حكايه الترتيب دي تفتكر حرف الميم يبقي مجموعه ايه انا عارف اني تعبتك معايا

اه طيب يعني خلاص يوم السبت حيبقي فيع محاضرات عندنا ولا ايه

انا حبيت أرد كده غلاسه :)
بس ف الأول انت اشمعنى بتسأل عن حرف الميم؟ ;)
المهم حرف الميم ده هيبقى جروب b

و صحيح مبروك عليكوا الدخول للكلية. ربنا يعينكوا.

ولا تعب ولا حاجة يا بشمهندس :)
بص هو غالبا انت ف جروب b بس اتأكد بردو من الكشف اللى متعلق ف الكليه
لو انت مش بتروح الكليه قولى على اسمك وانا اقولك انت ف سكشن كام وجروب ايه ..

وبالنسبة ليوم السبت لو بصيت ف الجدول مفيش فيه اى محاضرات فيه بس icdl
وانا سمعت انها هتبدأ ف شهر فبراير اعتبرها اجازة يعني :)

لا غلاسه ولا اي حاجه كلنا هنا بنخدم بعض بس انا عرفت ان حرف الميم جروب A مش B علشان كده انا مستغرب وبعدين هو فعلا فيه جدول متعلق غير جداول السكاشن

مش عارف الاستاذ دودو بقي يرد عليا :stickjo4:
وشكرا ليكوا كلكم:slap1qk6:

بص يا بشمهندس احنا عندنا جروب a بيبدأ مـن سكـشن 1 لغاية سكشن 10
يعني اللى ف سكشن واحد يبقي جروب a واللى سكشن 10 يبقي جروب a
من اول 11 بقا يبقي تبع جروب b

تمام صح كده الف شكر ليك يا بشمهندس

اه هو انت فرقه اولي

اه انا معاك ان شاء الله فرقة اولى

انا بس كنت عايزه أفيد. بس غريبه ان 10 سكاشن ف جروب a
على كده الدفعه كام واحد بقى؟

هو ف a فيه 10 سكاشن
ف b فيه 5 سكاشن
يعني الدفعة كلها 15 سكشن
بالنسبة لعددهم انا اخر رقم كنت سمعته من شئون الطلبة كان 362 مستجدين بس
واكيد الرقم اتغير عشان فيه كتير اوى حولوا منها لكليات تانية ولمعهد بنها
وفيه كمان مغتربين ..