|
انا قررت اطبخلكوا كل يوم...,,,
صباح الخير عاملين اية هو احنا لية مش بندخل القسم دة مع انه لظيظ والله المهم بصوا انا لقيت نفسى فاضية كدة وواخدة الاجازة لوحدى وقاعدة لوحدى وبنام لوحدى وبصحى لوحدى فجالى اكتئاب بصراحة مش لاقيه حاجة اعملها فقولت ((هعملكوا الغدا كل يوم)) :av4056bb7jp3::av4056bb7jp3::av4056bb7jp3: مبسوطين؟؟؟؟؟؟؟؟؟ اكيد طبعا مبسوطين لحد بس ما حد كدة ياخد الاجازة معايا وبعدين يجى يقف معايا فالمطبخ وكلنا هناكل محدش يخاف يعنى كله كله كله هياكل الاكل كتير والحمد لله مبسوطين؟؟؟؟؟؟؟؟اكيد طبعا مبسوطين |
صباح الافكار يا نسمة بغض النظر عن انى باحقد عليكى عشان الاجازة :stickjo4: فكرة لذيذة بس هو غدا بس يعنى مفيش فطار للناس اللى بتقعد عالصبح دى ؟ :p طب هو انتى هاتعمليلنا على ذوقك ولا فيه مينيو ؟ :d |
مامي نيسو
هنآكل ايه النهاردة على الغدا ؟؟ :) النهايدة الضهيية هآكل يز عليه شعيية ههههههههههههههه ها عرفتي تقرأيها ؟؟ دي كل ما أسأل ماما هنآكل ايه النهاردة تقولي كدا |
18 يناير 2009((الطبخة الاولى))
شكلكوا كدة ياعينى جعانين وبتزكروا ومش ملاحقين تعملوا اكل لنفسكوا المهم النهاردة هعملكوا اول طبخة وهى بانية ومكرونة وشوربة لسان عصفور وهنحمر بطاطس للى عاوز الاول الفراخ هنجبها ونغسلها بالخل والدقيق حلو وبعدين نغسلها بالمية وبعدين نجيب الكابة ونقطع فيها بصلتين حلوين كدة ونحطهم عالفراخ ومعاهم ملح وفلفل وليمون كتير ونقطتين خل عشان الفراخ تحب الليمون وقلب قلب قلب خلصنا من البانية نحطها فالتلاجة بقى تتبل يجى ساعة ولا اتنين نروح عالمكرونة بقى هنجيب طمطماية ونقطعها حتت واهنا بنقطعها هنكون حطين مية عالنار تغلى شان نسلق المكرونة وبعدين هنسلق الكرونة تكون حلوة كدة مش نسبها لحد ما تتعجن وبعدين نحطها فى مصفة ونغسلها كويس عشان النشا الى فيه تنزل نرجع للطمطماية خرطناها كويس وسلقنا المكرونة نروح جيبين حلة ونحط فيها شوية زيت يسخنوا حلو اوى ونروح رمين الطماطماية فيه وقلب قلب قلب لحد ما تتشوح حلو ونلاقيها نزلت ميتها كدة نكون محضرين الصلصة ازاى؟؟هنجيب كوباية ونحط فيها معلقتين ونص صلصة وعليهم مية مل الكوباية وقلب قلب قلب ونروح حطنهم عالطماطم ونسيب الصلصة لحد ما تعزل ونحط ملح وفلفل وشطة وياسلام بقى لو فى شوية عصاج نحطهم مع الصلصة المهم خلصنا الصلصة وعزلت نحط عليها المكرونة وقلب قلب قلب ونهدى النار ونسيبها تسخن نروح للسان عصفور حلة برضه ونحط فيها سمنه تسيح حلو اوى وبعدين نحط اللسان عصفور وقلب قلب قلب لحد ما لونه يبقى حلو مصفر كدة ونروح حطين عليه مية ومعاهم مكعبين شوربة ماجى وملح وفلفل واتنين حبهان ونغطى عليه ونعلى النار لحد ما يغلى ويفور ويقع على البوتاجاز وبعدين نقفل النار ونسيبه مع نفسه نرجع للبانية اتبلت وبقت تمام التمام هنجيب بيضة ونربها قلب قلب قلب مع شعرة فلفل وطبق فيه الفيجتار الحار ونطلع الفرخاية من التتبيله ونزل من عليها البصل ونحطها فاليض وبعدين نطلعها ونحطها فالفيجتار ونغطيها بالفيجتار ونحمرها فالزيت اكيد والبطاطس بقى سهل امرها ممكن نجيب زينب تقطعها وتعملها ها شبعتوا ياولادى :romarioxp6: حد بقى يجى يروق المطبخ عشان ضهرى اتقطم |
اقتباس:
لحد ما يغلى ويفور ويقع على البوتاجاز طباخة فاشلة :slap1qk6: اقتباس:
اقتباس:
هابقى اجى اتغدى عندك كل يوم بس انا ثانوية عامة ماليش دعوة بترويق المطبخ :022yb4: |
ما شاء الله
تسلم ايديك بانيه وبطاطس ومكرونة محدش مدلعنا أدك لا لا انا كدا هآجي آكل عندك كل يوم احجزيلي كرسي يا بت يا نيسو في مطعمك الجميل دا انطلقي ... على بركة الله وانا متابعة معاكي :) |
اقتباس:
هو الاكل الى هعمله فى بيتى هتكلوا منه هو انتوا اتأكلونا على مزاجكوا:slap1qk6: اقتباس:
يابنتى لازم يغلى كويس اوى ساعات بتلحقيه قبل ما يقع برة وساعات لا بس الاغلبية مش بتلحقيه بيقع وماشى ياستى عشان انتى بتزاكرى مش هنشغلك هنجيب حد من الى مش بيزاكروا |
اقتباس:
اقتباس:
واهلا بيكى ياقمر فمطعمى المتواضع ابقى عدى علينا كل يوم |
ايه الحلاوة دى يا نيسو افكارك زى وشك :slap1qk6: اما نشوف اخرتها معاكى وطبعا برده انا ماليش دعوة بعمايل المطبخ دى كفاية بعمل عندنا اوى:(:(:( وعندى امتحانات كمان انتى ممكن تاخدى ميهو فى الشغلانة دى فاضية ومش وراها حاجة كل ما افتح الميل الاقيها منورة:av4056bb7jp3: |
بالهنا والشفا ياحلوين
كل يوم من دة |
مفيش حلو:d
لا بجد يانيسو تسلم ايدك عالاقل تعلمي العالم اللي مبتعرفش تعمل حاجة دي:romarioxp6: انا بعرف اعمل مكرونة:redface: |
اقتباس:
ماهى عندها امتحانات يابنتى خليها فى الى هى فيه بس يا سو اول ما هتخدى الاجازة اعملى حسابك عليكى السلطات وزينب انا مسكتها البطاطس خلاص على قدها |
اقتباس:
اية ياحاجة بدون تريقة كدة يعنى نحط ملح قد اية يعنى ؟؟ ههههههههههه لسة بكمل الموضوع بس نعرف دى الاول شكرا يانسمة على الاكل الجميل ربنا يسترها ومولعش فى المطبخ هههههههههههههههه فى رعاية الله |
اقتباس:
انتوا تأمروا شوفوا لما ببقى فاضية بظبطكوا ازاى |
اقتباس:
ولو المطبخ ولع يبقى فدايا:romarioxp6: |
الغدة مرة وحدة
طب قولى فطار الاول و على كدة بتعرفى تطبخى و لا ايه :confused: طب المهم التكلفة بتاعة الغدة على مين:049gc0: مهو حرام انك كل يوم تغدينا فى بيتيك كدة مهو كدة البيت يتبهتل و لما الدراسة تيجى تلقى نفسك حتعطى تنفضى :blink:و تمسحى:wacko: و كمان الفلوس اللى انتى محوشاه تخلص:( ايه نسيت مبروك على الاجازة :av4056bb7jp3:و عقبالنا كدة لما نخلص من الثانوية العامة و سننها:unsure: |
كده يا نسوم بتنافسينى يا بت :angry2: مش انتى عارفة انى عاملة برنامج فتافيت هنا بس ماشى مش هعديهالك بالساهل:040vk0: كلها اسبوع و هرجع الموضوع تانى و يا أنا يا انتى فى المطبخ ده:stickjo4: ::::::: فكرتك كميلة يا نسومتى و أهى شغلانة تلمك بدل ما انتى مابتعمليش بلقمتك :slap1qk6: يلا يا سيدة أنا عايزاكى تطبخيلى محشى بتنجان بس أسود مش أبيض و ليلتك هتبقى لون البتنجان لو طلع مش حلو:stickjo4: سلام يا سيدة قصدى يا نسوم :romarioxp6: |
اقتباس:
مفيش دليفرى:( اقتباس:
اقتباس:
اه شبعنا من قبل ما ناكل اكلا مسموما :romarioxp6: ملى كملى ياااااااااااه لو الاعضاء فكرت تجرب الاكل ده بجد هنقلل الكثافة السكانية :d |
يبقى ضمنا تقلص معوى
هههههههههههه بس على كل أنا محتاجلكم أوى ف الظروف المنيلة اللى أنا فيها دى نفسى مرة أطبخ حاجة وتتعدل يعنى عشان أرضى غرورى وظروف الوحدة ربنا يخدها بس بتعرفوا تتطبخوا ولا ده كله كلام فى الهوا وانتو زى حالاتى |
هههههههههههههه
تسلم ايدك فى جميع الاحوال وبالهنا والشفا للاكيله |
اقتباس:
يا نصباية :stickjo4: أنا يا بت فاضية ومش ورايا حاجة .. يا فاشلة كل ما أدخل الاقيكى متلئحة أوف لاين وعمالة ترخمى عليا .. أسيح ؟ أسيح ؟؟:049gc0: نهارك مش معدى إنهارده يا سارة:slap1qk6: شكلى هغسلك انتى مش المواعين .. يا دزمة:angry2: غورى يا بت روحى ذاكرى .. بدل ما نخلى "عثمان "فراش القسم :stickjo4: ::::::::::::: زوبا لما هتشوفك يا نسوم مش هتسيبك فى حالك على فكرة سرك فى بير مش هقولها إن الفراخ اللى طبختيها دى من فراخها العريقة:romarioxp6: يلا بقى أنا عملت اللى عليا:cool: .. بس أنا مش هاكل من أكلك يا سيدة .. أصلك بتحطى مرقة و أنا بحب الطبيعى:006et4: .. :bosyht9: حبيبى يا نسوم :wub:.. إن شاء الله القسم يقب على وش الدنيا :friendsxs3:.. بس ربنا يستر ومايغرقش منك انتى:d |
اقتباس:
انتظرونا قريبا مع الاكلة التانية ملوخية بالقطط (قطط نيسو):040vk0: |
اقتباس:
ههههههههه اوعى تقولى إنها فكرتى .. لحسن نسمة دى إيدها غبية أوى :( هيييييييه بوظنالها الموضووووووووع :romarioxp6: |
اقتباس:
هو انا هقولها حاجة بس اذا كنت انا حقنة 3 مل سريعة المفعول يبقى انت المحلول نفسه يا حقنة:040vk0: اقتباس:
هى مش عاوزة قسم/المطبخ يظهر شوية ادينا بنطلعهولها وبنعمله دعايا :d مبروك عليكى يا نيسو الموضوع وهو بايظ:av4056bb7jp3: |
ههههههههههههههههه أنا هساهم بشىء بسيط جداً:028ja7: هبعت خميس بتاع القلل:d يجيب لترين جاز وعلبة كبريت:bosyht9: أنا لتر:romarioxp6: وانتى لتر يا زوبا:friendsxs3: .. مؤكد هتيجى تولع فينا:039uw8::022yb4: |
19يناير 2009((الطبخة التانية))
النهاردة هنعمل حاجة عالسريع كدة عشان انا زهقت منكوا بصراحة:d بهزر بصوا ياولادى ياحلوين هعملكوا لحمة وبسلة ورز اول حاجة هنجيب اللحمة ..حلو؟؟ ونجيب حلة _اظن مفيش احلى من كدة_:d نبدأ من الاول عشان هنبتدى الجد بقى نجيب بصلة ونقطعا فالكبة وبعدين نحط سمنه فى الحلة ونسخنها حلو ونجيب البصلة المتخرطة دية ونحطها فالسمنة وقلب قلب قلب تصفر شوية كدة وبعدين نحط عليها اللحمة وبرضه قلب قلب قلب لحد ما اللحمة والبصل يتشوحوا حلو كدة وتبقى اللحمة مش فيها اللون الاحمر دة تبيض كدة وبعدين نجيب طماطم نقطعا فالخلاط ونحط معاها يجى 3 معالق صلصة واضرب اضرب اضرب وبعدين نحطها عاللحمة ونغطى عليهم ونسيبهم بقى يغلى مع بعض لحد ما اللحمة تستوى وتبقى تمام التمام استوت اللحمة وبقت زي الفل نروح جيبين البسلة بقى المكورة دة ونحطها فى الحلة معاهم انا عن نفسى بحب احط جزر معاهم _عشان الجزر يقوى النظر_ ونسيبهم مع بعض برضه لحد ما البسلة والجزر يستوى حلو مع طبعا بقى ملح على فلفل وكدة يعنى نروح بقى نعمل الرزبعد ما نحط البسلة عشان على ما البسلة تستوى يكون الرز هو كمان استوى الرز دة بقى لعبتى نجيب الرز ننقيه كويس ونغسله حلو اوى لحد ما اللون الابيض الى بينزل منه دة يروح وبعدين ..وبعدين اية يانيسو ..اه نجيب حلة ونحط فيها سمنة ولما تسخن حلو نحط الشعرية وقلب قلب قلب لحد ما تصفر الشعرية وتبقى حلوة كدة وبعدين نروح حطين الرز ونشوحهم مع بعض دقيقتين كدة برضه قلب قلب قلب وبعدين نروح حطين مية لحد ما تغطى الرز وفوقيه سنة كدة مش تحطوا مية كتير ليعجن ويبقى كور رز:( وبعدين نحط ملح ونغطى عليه ونعلى النار لحد ما ميته تتشرب ونروح مهدين النار ونسيبه بقى لحد ما يستوى ولو حب شوية مية نديله عشان من السخونة بيعطش اوكى:d ولو مثلا تحبوا نحمر بطاطس اتس اوكى زوزو تحمرلنا بطاطس وطبعا سلطات بقى اى حد يعملها نخلى مها تعملها عقابا ليها:stickjo4: شبعتوا؟؟:d سلام بقى حد يجى يروق المطبخ عشان ضهرى وجعنى مالوقفة طول النهار وانتوا ولا بيطمر فيكوا :slap1qk6: جاتكوا القرف فى خلفتكوا الى زى وشكوا :angry2: -------------------------------------- فاصل ونواصل غداا ومع تالت اطباقنا :romarioxp6: |
بت يامها انتى وزينب
انكشحوا من وشى مش عاوزة اشوف حد فيكوا وعالله اسمع بس صوت قباقيبكوا عشان ان شاء الله هفشفشها فوق نفخكوا انتوا الاتنبن وتبقى اخوات شجرة الدر قال ملوخية بالقطط قال جاتك القرف |
هههههههههههههههههههههههههههههههههههههههههههههههههه هههههههه
بعد ما استحملنا الاكل الجميل دا جتنا القرف في خلقتنا ؟؟ كفاية اننا مستحملين وبنافقك يا نيسو وبنقولك حلو هههههههههههههههههههههههههههه تسلم ايدك يا قمر ولا تزعلوا خلوا السلطة عليا انا اخصائية سلطة شوفتي يا نسمة انا اغلب واحدة فيهم ازاي ؟؟ ههههههههه بقولك ايه يا مخفية انتي عليكي عفريت بيخليكي تكرري الكلمات 3 مرات ؟؟ قلب قلب قلب اضرب اضرب اضرب كل كل كل موت موت موت هههههههههههه بعيد الشر علينا ربنا يحفظنا جميعا ويطلع اكلك حلو يا بت بقولك ايه انتوا عندكم بتحمروا بطاطس مع البسلة ؟؟ يا سلام دا انتوا مطعم شفتشي هههههههه انا هدخل في تحدي مع البت زوزو انا متأكدة محدش بيعرف يعمل البطاطس زيي تسلمي يا نسمة استمري استمري انا معاكي |
اقتباس:
ونيسو علبة الكبريت :d فكرة حلوة اقتباس:
فى اوروبا والدول المتقدمة بياكلوا القطط مع الارز والاعشاب الطبيعية (زى فيلم الارهاب والكباب):d |
اقتباس:
ماشى اما نشوف مين بطاطسته احلى اصل البطاطس دية فن برضه امال ؟؟!! |
اقتباس:
دة انا الى هتحول واتأرهب وهغتالك :slap1qk6: يابنتى كلى وقومى اغسلى ايدك ولسانك بالمرة:slap1qk6: |
ههههههههههههههههههههههههههههههههه
والله بجد انا من غيركم مش اقدر اعيش ربنا يخليكم ليا يا بنانيت البت نيسو دي مصيبة بجد عليها كلام والله ما اعرف بتجيبه منين من الارض الي بعد سابع ارض وطبعا زوزو حبيبي غنية عن التعريف هههههههههههههههههههههههههه شفتي انا منشكحة اهو من ساعة ما اكلت البطاطس مع البسلة هههههههههه يعيش عكك يا نسمة سوري يعيش ابداعك يا نسمة |
احم احم
نسمة ممكن بجد و الله مش بهزار بقا عاوزك تعملي حاجة و اعملها زيك و الله مش بهزر بجد عاوزك تعملي بيتزا و قوليلي و انا اعملها بس بجد مش عك و لوث كله كويس وخبط في الحلل والكلام ده منتظر ردك في امان الله |
اقتباس:
اكل :excl: انتى بتدعى عليا ولا ايه :( |
بيتزا
يا سلاااااااااااام دا اخرها البسلة يا شريف اسألني انا عن البيتزا بت يا زوزو البت دي هيتقال عليها اشطر مننا في الطبيخ ولا ايه انا كدا هبدأ احقد بس بامانة انا بعرف اعمل البيتزا حلو اوي بس هستنى لحد ما نسمة تقول لان طبعا هي صاحبة الموضوع كلها ليوم السبت يا بت يا نسمة وهفوق ليكي وهآجي اطبخ وانضف معاكي |
يوووه
بسلة و رز ديه اكله رخمة احنا حنشوفلنا طباخة تانية غيرك |
اقتباس:
اقتباس:
اقتباس:
ههههههههههههههه بيتزا يا شريف انت عاوز تموت ناقص عمر ولا ايه يا شريف دى بتنفز اللى كانت بتشوفه فى الافلام او اللى كانت بتشوفه فى الحلم ايام ما كانت بتحلم انها طباخة بريمو قد الدنيا :d بس بتصحى بقى تلاقى نفسها على الارض بيطلع ده كلوا من تاثير النوم على الارض متحاولش يا شيرف انك تعمل اكل زيها ولو عملته متخليش حد من البيت يدوقه كفاية انت لحسن يقولوا م*** اسرة فى ظروف غامضة :giljotiiniug3: اقتباس:
بس اهم حاجة مش عاوزين حد يجرب مش عاوزين خساير :040vk0: |
اقتباس:
والله انتى الى عندك استعداد تضحكى ومنشحكة كدة باستمرار :d ربنا يخليكى لينا يانيدو |
اقتباس:
اوبص بيتزا ؟؟!! جيت فى ملعبى ياشريف ماشى ان شاء الله قريبا انتظروا العدد القادم ربنا يستر :( هو انا اصلا حافظالى اكلتين هحوم بيهم فالموضوع بس بجد اوعدك هعملكوا بيتزا |
اقتباس:
الله يرحم اول ما قولتلك هأكلك كنتى هتعيطى مالفرحة :slap1qk6: انتى تطولى يالى بتخافى مالبصل انتى اقتباس:
جاربوا ياختى قل موتوا بغيظكم انتى وهى فى ناس جربت البانية وناس جربت المكرونة اتكبسى كوبس كابسة :av4056bb7jp3: يالا يالى بتخافى مالبصل دة انتى هيروحك :d |
اقتباس:
يابنتى انا عاملة رهان عالقسم بجد لجر رجليكوا كلكوا:d لازم اكسب الرهان دة ازازة فيروس اناناس وواحد شيبسى ومولتو وهوهوز ولبان وغداوة فى مؤمن وفى الاخرخروجة جدعة :d هقف على باب القسم واقول ارب ارب ارررررررب اقتباس:
:slap1qk6: مش بقولكوا خلفة تقرف انا هبيعكوا فى سوق العبيد :slap1qk6: |
اقتباس:
انتي رايك كده ؟؟؟؟ اقتباس:
مش عاوز هههههههههههههههه (بهزر طبعا ) منتظر ان شاء الله في أمان الله |
ها يا شباب
هتاكلونا ايه بكرة بس ارجوكم خلوا بالكم مننا عاوزين اكل ونروح بيتنا مش نروح المستشفى هههههههههههههه فى امان الله |
لا يا ميس رانيا
انتي غالية علينا جدا بجد بلاش تآكلي من اكلها احنا بنآكل فداكم عشان محدش فيكم يآكل ويجرى فيه حاجة هههههههههههه انا قلت اقول لحضرتك عشان تآخدي بالك كل الاكل الا امل نسوم |
اقتباس:
انا رخمة :angry2: بقى كدة بعتينى مع اول قلم:wacko: بقى مسواش عندك شوية بسلة :( بعدين سوق العبيد دة ايه :mad: هو احنا رجعنا فى العصر الجاهلى :slap1qk6: |
اقتباس:
:slap1qk6: اقتباس:
مفأجاة بقى نيدو هى الى اقترحت عليا ربنا يستر |
يااااااااااااااااااااااا دى العك
ايه اللى انتوا عملينه دة يا خيبتى يانى معرفتش اربى صبرنى يا ربى كدة كدة ماشى يا ست كوتا تعملى موضوع عن الطبيخ و مش تقوليلى بعدين يعنى ازاى مش تستشيرى الشيف لمى دة انا بعمل احلى شاى كشرى فى مصر شوفتى حد بيعمل شاى و كشرى فى نفس الوقت قبل كدة هههههههههه |
بعد اذنك يا نسمة ممكن اشارك بسرعة معاكى نتناول طريقة سهلة وناجحة لعمل البيتزا فى المنزل وهى: أولا المقادير : 1)3 كوب دقيق 2) ملعقة خميرة جافة 3)ملعقة صغيرةسكر 4) 12 ملعقة كبيرة زيت،4 ملاعق لكل كوب دقيق 5) ذرة ملح 6) كوب ماء أو حليب الطريقة : 1) ينخل الدقيق ويوضع فى اناء ويوضع عليه ذرة الملح ويقلب 2) فى هذه الأثناء نكون احضرنا ربع كوب ماء دافىء وأذبنا فيه الخميرة مع ملعقة السكر ثم نغطيها ونتركها لتتخمر 3) نضع الزيت على الدقيق وبفرك بالاصابع جيدا حتى يختفى الزيت 4) نضيف الماء بالتدريج الى الدقيق ويعجن جيدا مع اضافة الخميرة ويتم عجن المقدار جيدا حتى تتكون عجينة لينة متماسكة 5) تغطى العجينة وتترك فى مكان دافىء حتى تخمر لمدة لا تقل عن ساعتين فى هذه الأثناء يتم عمل الخلطة التى ستوضع فوق البتزا المقادير للخلطة: 1) نصف كيلو طماطم مقطعة قطع صغيرة 2) بصلة مفرية 3) فصان ثوم مفريان ناعم 4) 2 ملعقة صلصة 5) ملعقة صغيرة سكر 6) فلفل اخضر واحمر واصفر مقطع مكعبات 7 ) نصف كيلو لحم مفروم أو دجاج مفرى أو أى اضافات ممكن قطط مقطعة طرنشات :):) 8 )ملح ؛ فلفل أسود؛ بهار ؛ 2 ملعقة كبيرة زيت الطريقة : يسخن الزيت ويوضع به البصل حتى يصفر لونه ثم نضيف الثوم ثم اللحم المفروم وقليل من الماء ثم يترك قليلا حتى يتم نضج اللحم ثم بعد ذلك نضيف باقى المقادير وتترك على نار هادئة حتى تمام النضج فى هذه الأثناء تكون العجينة جاهزة للعمل ؛؛؛؛؛؛؛ أحضر 2 صينية متوسطة الحجم او قوالب البيتزا قسمى العجينة الى جزئين وادهن القوالب بالزيت ثم أفرد فيها العجينة ثم أفرد عليها الخلطة بعد أن تبرد وزينها بالجبن الموتزاريلا أو الجبن الرومى وضعها فى الفرن لمدة ربع ساعة وبالهناء الاسعاف 123 خدمة الاتصال مجانية :(:( |
وربنا شكلكم يضحك
ونسمة شديتكم كلكم للقسم ههههههههههههههههههه بعد اما كان محدش بيدخلة بس شهادة حق والله بجد يعنى الفراخ طلعت حلوة ونسمة طلعت طباخة بريمو اهوة يانسمة واقف معاكى اى خدمة ياحاجة ههههههههههههههههههه من يوم السبت هخلص امتحانات واجى ليكى يانسمة اخد دورات تدريبية فى الطبيخ ان شاء الله فى رعاية الله |
ههههههههههههههههههه
والله يا نسمة طلعتي ادها وادود خليتي العالم كله يدخل المطبخ شكرا يا استاذ محمد على الوصفة جزاك الله خيرا واهم جزء بجد جزء خدمة الاسعاااااف ههههههههههههههههه بجد جزاك الله خيرا ايه يا بت يا نسمة ما ترحبي بالناس الكبار الي معانا في الموضوع منورين بجد ميس رانيا واستاذ محمد منورين |
| جميع الأوقات بتوقيت GMT +2. الساعة الآن 05:33 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.