|
ذاكر تنجح غش تجيب مجموع!!!شعار الغش للجميع!!!
ذاكر تنجح غش تجيب مجموع http://tbn3.google.com/images?q=tbn:...6871288877.gif دا بقا شعار الطلاب المتفوقين(بس في حاجة واحدة بس الغش) http://tbn1.google.com/images?q=tbn:...x-Cheating.jpg من غشنا من وعلينا بصراحة بما اني من الناس الملتزمات اللي بتروح المدرسةلحد دلوقتي _رغما عن انفي طبعا_ما علينا المهم وانا داخله الفصل لقيت الجملة دي ع السبورة طبعا واحده من 1ث اللي بيمتحنوا هي اللي كاتبها وبتحرف في الحديث بتاع الرسول _صلي الله عليه وسلم_ طبعا http://tbn3.google.com/images?q=tbn:...ia/1/aaaaa.jpg معظم الناس فاكرة الغش دا وسيلة كويسة انا مرة كنت بسال واحدة وبقلها ع موضوع الغش دا قالت:دا مش اسمه غش دا اسمه مساعدة!!! http://tbn2.google.com/images?q=tbn:...img/132050.jpg بدل انت بتساعدي صاحبتك يبقي مش غش لا طبعا دا اكبر ضرر مش مساعدة بتخليها مش تذاكر بتخليها تكون غشاشه طول حياتها ومش عندها ذمة وضمير طبعا البلد متلخبط حالها ليه عشان الغش الدكتور بقا مدرس والمدرس بقا دكتور ليه؟؟ عشان الغش طبعا حسني مبارك مش اشتال لحد دلوقتي ليه؟؟؟ عشان الغش الغش في الانتخابات برده ماعلينا ليه دكاترة كثير بينسوا حاجات ف بطن المريض عشان دخلوا مجالهم بالغش ليه مدرسين مش بيعرفوا يشرحوا عشان الغش؟؟ وامثلة كثيرة جدااااااااا يعني كوسة بمعني اصح http://tbn1.google.com/images?q=tbn:...elemte7nat.jpg فيه ناس انا بجد اعرفها بتعش مش عشان هي عايزة الغش لا عشان بقيت هواية عندها بجد اعرف واحدة ممتازة وفوق الممتازة ومش محتاجة للغش بالمرة وبرده بتخش ليه؟؟؟ عشان هي اتعودت من وهي صغيرة ع كدا في ابتدائي بيكتبوا ع السبورة للاطفال هو دا يعني يرضي ربنا !!! وممكن الاطفال دي توصل لحد اعدادي ومش بيعرفوا يكتبوا اسمهم دا كله عشان غشوا ولما تيجي تسأل المدرس اللي بيغشش يقول:سهلها عشان ربنا يسهلها عليك!!! طب متعرفش هتقول ايه لربنا لما يسألك عن الاطفال دا لازم كل واحد يحط ادام عينه انه مش هيقعد ع طول في الدنيا انا اعرف واحد _الله يرجمه_مات وهو بيشرح مين بقا اللي يدري اللي بيغش انه مش يموت وهو بيغش ؟؟؟ فيه مدرسة _دا بقا مشهورة بجد في التغشيش_ بالرغم ان اولادها ف المدرسة ومفروض تطلع بره المدرس وهم بيمتحنوا ومع ذلك هي بتبقي في المدرسة وتقعد تغششهم هي دي بقا تبقي معلمة فاضلة !!! ولا حتي أمي فاضلة!!!! المهم السنة اللي فاتت لما كنت في 2ث كان اخر يوم وكان امتحان كيمياء وكنت انا قاعدة ف اول دسك وكمان فيهأستاذةكانت قاعدة قريب مني خالص وبعدين الاستاذة دي بقا قامت فجأة كدا وراحت فاتحة ورق واحدة قاعدة ف نفس الصف لقتها كتبه ف الورق خارجي عشان تغش منه دا معادلات الكيمياء ومقارنات سبتها في الاول عشان صعبت عليها وبعد شوية حطت نظرها عليها وبتفتشها تاني لقيت ورق في المقلمة بتاعتها يالهوي ع اللي حصل اللجنة اتقلبت والبنت قعدت تعيط وطبعا لجنة بنات يعني عياط وتعب اعصاب طبعا انا قعدة ف اول دسك لقيت استاذة تانية قعدت تزعق فيه وبالعقل كدا انا قاعدة في الاول مجازا يعني لو هعش هغش وانا في الاول!!1 طبعا قاعدة انا كمان اعيط وقضتها بقا وعليه العوض ف الكيمياء ولقيت اللي قاعدة وراية بتقول:هو الاستيون بيجي ازاي ؟؟؟ دا سؤال في الكيمياء بجد مهزلة الغش دا بجد كان يوم ما يعلم بيه اللي ربنا وكمان الاستاذة مش سكت للبنت ذلتها عارفين يعني ايه الذل والله العظيم وشكلها كان بجد لا يرثي له شوف بقا لما تنزل ادام اصحابك وكدا مش عارفة ليه ممكن الانسان يعرض نفسه للمهانة عشان ايه ؟؟؟ واخذت منها الورق لمدة نصف ساعة من الامتحان والبنت تعيط وتتحيل ع الاستاذه دي وذل ومهانه وتشتمت من الاستاذه ليه حق بجد؟؟؟ وبجد فعلا ان اللي بيغش دا فلوسه بعد كدا بتبقي كلها حرام وربنا عمره ما بيوفقوا وبيذله وبيعقبوا دنيا واخره http://tbn1.google.com/images?q=tbn:...iche-oujda.jpg والله مفيش حاجة تستاهل ان الواحد يهين نفسة عشنها وكمان ربنا بيغضب عليك طب ليه دا كله؟؟؟؟ http://tbn1.google.com/images?q=tbn:...bahrain001.jpg وكمان خالو كان بيحكي وهو بيمتحن في الكلية كان فيه بنت كل شوية تميل وتحط ايدها ع ودنها وتكتب اللي كان بيراقب عليها حس بحاجة مش طبيعبة راح استدعي واحدة وفتشتها طلعت مسجلة المحاضرت وبتقلب وبتكتب وكده شوهت صورة الناس اللي بتلبس خمار او حجاب حتي عشان درجة ولا درجتين الدكتورة حرمها 3 سنين من الامتحانات خليها تفرح بقا؟؟ بجد مفروض نمنع الغش بكل الطرق يعني لو قعد كل يوم يذاكر مش كان احسن له بدل ما هو كل السنة بيتفرج ع التليفزيون ويسمع هيفا وتامر ومش عارفة ايه http://tbn3.google.com/images?q=tbn:...1637959098.jpg اتقوا الله اتقوا الله اتقوا الله !!!! في امان الله:049gc0::bosyht9::bosyht9::bosyht9: |
أنا الحمد لله مش بغش لو كنت فكرت كان زماني من الأوائل :p:p:p:p أصلي أساسا مش بذاكر و مش بغش :(:(:( يعني ماشية معايا بالبركة و علي فكرة بقي مفيش حد بيغش إلا اللي مذاكر دي بقي حاجة خبرة لو واحد مش مذاكر مش هيغش و لا هيعرف هو ممكن يعد يعمل ليلة و بتاع في اللجنة و معاه ورق بس بردوا مش هيعرف يغش منه و الواحد سيبها لله يعني مثلا أنا شلت مادة إنهاردة كنت محتاج منها 18 درجة (و مجبتهمش) ولو كنت خدت قانونين كان زماني فلت بس قدر الله و ما شاء فعل :):):):) و شكرا علي الموضوع |
اقتباس:
بجد منور الموضوع وشكرا ع مشاركتك وربنا معاك يارب وخليك متفائل محدش عارف يمكن مش تشيل المادة انا ليه واحدة قريبتي كانت بتقول هشيل مادة وجابت فيها جيد جدا مش عارفة لو كانت مش هتشلها هتجيب كمان؟؟؟ شكرا ع مشاركتك |
تسلم ايدك يا قمر
الموضوع بجد تحفه والله ربنا يهدى الجميع يارب |
http://tbn3.google.com/images?q=tbn:...ia/1/aaaaa.jpg
من غشنا ليس منا . فعلا والغش هنا فى اى حاجه مش فى الامتحان بس يعنى الغش ليه صور كتير ياريت كلنا نتبع الحديث دا :) ونبطل نغش |
انا مش بعش الحمد لله عشان مش بلاقى حد اغش منه هههههههههههههههههههه
موضوع رائع جدا وتسمحيلى ابى اعجابى الشديد بتوقيعك انا لست مجبره كى افهم من الناس من اكون |
اقتباس:
شكرا ياروحي ع مشاركتك مرورك هو اللي خلي الموضوع جميل |
اقتباس:
عندك حق والله الغش مش فى الامتحانات بس ربنا يهدى الجميع يارب ربنا معاك يارب |
اقتباس:
عندك حق ياريت فعلا مش نغش ف اي حاجة لان الغش هو الغش مهما اختلفت صورته شكرا ع مرورك |
اقتباس:
هههههههههههه دي حاجة كويس ياريت مش تلاقي حد ع طول عشان مش تغش:):) ميرسي اكيد التوقيع جميل عشان حضرتك اللي شفته شكرا ع مرورك:) |
غشش زميلك يرتاح ضميرك
يعني انا اشوف الواحد قرب يعيط في اللجنة مساعدهوش عشان ينجح بس لازم يكون في روح الأخوة بين الطلبة وساعات بيبقى في مقايضات يعني اديك الانجليزي وتديني الالماني امليك الفيزيا وتمليني الكيميا ده مفهاش حاجة مقايضة معلومة بمعلومة على فكرة انا عمري ما غشيت لا تفتكروا إني من مؤيدي الغش وبعدين مين اللى قال إنه بتوع هندسة بيذاكروا يبقى انتو متعرفوش :) مكنش حد عندنا شال المادة ولا عاد السنة |
اقتباس:
شكرا ياباشمهندس ع مرورك وربنا يبعد عندكم شيل المواد عشان هي تقيلة:049gc0: |
لا طبعا انا عمرى ما شجعت الغش دة باى شكل من الاشكال لانة كفاية ان الطالب الى طول السنة بيلعب بيتساوى مع الطالب الى طول السنة قاعد يزاكر يبقى اية الفرق ؟؟ دا بالنسبة للغش فى الامتحانات اما باقى انواع الغش فكلها حرام وكفاية ( من غشنا ليس منا ) وشكرا جزيلا على الموضوع جزاكى الله خيرا فى رعاية الله |
احم و انتى فاكره حد حيقول اها انا بغش تؤتؤ حتى لو قلتيها لواحده و هى بتطلب منك حتقوليك ايه بس انتى مش عايزه تساعدينى :slap1qk6: هو كله بيكدب على كله و اول الكل ده نفسه هوففففففففف هى كده على طول يلا بقى فى رعايه الله |
اقتباس:
مالوش عيش فى الزمان ده يعنى النهاردة انا كنت بجيب عيش وحجزت فى الطابور ده مرة وده مرة لو مكنتش عملت كده ماكنتش هاخد عيش مع ان ده غش ربنا يسامحنى بقى |
عندك حق في كل كلمه انتي ألتيها...
بس للاسف الشديد هو ده اللي بيحصل في هذا الزمن. ولازم نحاول نمنعه بأى طريقه مهما كانت متعبه |
ياريت كل الطلبة تفكر كده
وتعرف إن اللى إجتهد وذاكر حرام يتساوى باللى ضيع وقته ع الفاضى النهاردة كنت باراقب فى لجنة والظريف فى الموضوع لاقيت الطلبة كاتبين ع الحيطة الحديث الشريف "من غشنا فليس منا" ومكملين ما يفهم من الحديث : 1- الغش بجميع صوره حرام. 2- الغشاش خارج عن جماعة المسلمين. طيب اللى كتبت الكلام ده؟؟؟ بتفكر؟؟؟؟؟؟؟؟؟!!!!!!!!!!!!!!!!!!!!! |
اقتباس:
طب الاستيون بيجي ازاي :) موضوع كويس بس كان نفسي يناقش http://www7.0zz0.com/2009/01/20/13/926120674.jpg |
اقتباس:
عندك حق فعلا شكرا ع مشاركتك |
اقتباس:
شكرا يااسدات ع مشاركتك بس ع فكرة انا هدفي مش اللي بيغش يقول انا بغش بس اللي اتعمل حاجة غلط وهو صغير يصلحها وهو كبير نفسي البلد تصلح وتطهر والناس بقا تفوق ربنا يهدي |
اقتباس:
شكرا ع مشاركتك |
اقتباس:
صح لازم نمنعه باي طريقة لان ربنا هيحسبنا لما نشوف الخطأونسكت عليه شكرا ع مشاركتك |
اقتباس:
ربنا يهدي كل الناس شكرا ع مشاركة حضرتك |
اقتباس:
هههههههههههههههههههههه ممكن مساعدة الجمهور!!!:049gc0: تعرف لو مفيش غش مكنش الامتحانات اتسربت بس هنقول ايه بقا ربنا يرحمنا برحمته |
وانا طالب فى الجامعة زمان كنت ممكن افضل طول الليل صاحى اشرح لزملائى
وارد على اسئلتهم على التليفون ولحد ما اوصل لحد باب اللجنة ماشى على النظام دة اول ما ادخل اللجنة اقول جملة واحدة بس كنت مشهور بيها يا جماعة اللى عايز حاجة ما يتكسفش :( احنا اخوات اعمل زى واطلب اللى انت عايزه بدون تردد طبعا المراقب كان بيستغرب للكلام دة ....وعلى عينك يا تاجر بقول كدة امامه :( بس فى اخر كلامى بقول مسطرة ..قلم ...استيكة ...آلة حاسبة ... ورقة زيادة تحل فيها .... بس اسئلة فى الامتحان ما اسمعش صوتك :slap1qk6: وادخل مكانى واجلس وارفع الشال من على كتفى واضعه على رأسى واعيش دور الندالة :) ما هو الرسول قال (( من غشنا فليس منا )) يعنى اسيب الرسول واقعد مع شوية طلبة مش بتذاكر :angry2: شكرا على طرح الموضوع |
اقتباس:
هههههههههههههههههههه أنا انحضيت في الاول بجد يامستر محمد بس بجد حاجة جامدة اوي بتاع المسطرة والاستكية ربنا يخليك للشعب المصري كله:):) شكرا ع مشاركة حضرتك |
بصى هو موضوعك حلو بس الظروف بقى يعنى انا طول السنه الحمد لله فى الدروس والامتحانات نو واى انى اغش حرف عشان اعرف غلطاتى واذكرها لكن فى امتحان اخر السنه :049gc0:اللى مش عرفاه مش هعد اتنح ليه كتير وانا ورايا او قدامى واحده معاها الاجابه ممكن كلامى يزعل حد بس هى دى الحقيقه وكله ماشى كده |
اقتباس:
بصي ياحبيبتي أولا بحيكي ع صراحتك بس مش معني كدا اني موافق انك تغشي لان اللي مش عارفاه فكري فيه مرة وثاني وثلاثة وربنا هيوفقك ليه ما يمكن تغشي ويطلع غلط وتنقصي ف المادة دي تعرفي ان اللي بيغشي دا وفي المادة دي بتبقي اكثر مادة تنقصي فيها حتي لو مش نقصتي فيه هو انت بتبقي راضية عن نفسك ؟؟؟؟ عارفة اتلاقي انت بتقول لي هي بتديني حكم ومواعظ بصراحة دي نصيحة اخوية لان الانسان يصلح من نفسه بدل هو عرف الغلط لان لو مصلحوش دلوقتي هتتعبي كثير في حياتك ع العموم ربنا يهديكي ويهدينا كلنا يارب وذكري ومتخلكيش عرضه ان حد يتنرفز عليك ويقول معرفش او يضيقك او اي حاجة من هذا القبيل وف الاول والاخر ربنا يوفقك ف حياتك كلها شكرا ع مشاركتك |
أنا الحمد لله مش بغش لو كنت فكرت كان زماني من الأوائل :p:p:p:p أصلي أساسا مش بذاكر و مش بغش :(:(:( يعني ماشية معايا بالبركة و علي فكرة بقي مفيش حد بيغش إلا اللي مذاكر دي بقي حاجة خبرة لو واحد مش مذاكر مش هيغش و لا هيعرف هو ممكن يعد يعمل ليلة و بتاع في اللجنة و معاه ورق بس بردوا مش هيعرف يغش منه و الواحد سيبها لله يعني مثلا أنا شلت مادة إنهاردة كنت محتاج منها 18 درجة (و مجبتهمش) ولو كنت خدت قانونين كان زماني فلت بس قدر الله و ما شاء فعل :):):):) و شكرا علي الموضوع انا غيرك فى حاجة انا بذاكر اه,او,لا |
وشكرا على الموضوع الجميل والرائع
سورى فوق الروعة |
موضوعك جميل جداااااااااااااااااااااااااااا وانا بجد بعاني م المشكلة ديه
انا الحمد لله مش بغش يعني انا فصل متفوقين ولجنة متفوقين كل مدرس يدخل يقول للى بيراقب الله يكون ف عونك ديه لجنة منيلة -له حق ما العيال كلها بتغش ماعدا كام وحده كده الحق يتقال تخيلي انا ف لجنة العربي البت كانت عايزة سؤال مش هكدب عليكي انا كنت ناسية الاجابة بالعافية ع ما افتكرتها تخيلي يعني اعاني وواحده تيجي تاخد ع الجاهز كده حسيت بوجع بس قولت اغششها بقى بس المشكلة انى من النوع اللى مش بعرف اغشش وبخاف وبيبان عليا وديه طول اللجنة تهز فيا وانا مش مركزة واحاول اقولها مفيش فايده تخيلوا ايه اللى حصل ف الاخر الاستاذة اللى كانت بتراقب لاقيتها بتكلم البت وبتقولها انتى خلصت قالتها فاضلي سؤال رد الاستاذه طيب ماتنقلي من حد م المصايب اللى قاعدين حواليكي دول ماتشوفي بلوة م البلاوي دول تمليكي ولا قيتها جاتلي (انا ماكلمتهاش لسبب انها سلمت متأخر والوقت ضيق واما كلمناها زعقت وكاننا غلطانين)خفت اتكلم معايا تضايقني وانا مش ناقصة رحت بصيت بغضب كده وكلمت البت ومش كنت عارفة نطق وهم اخدوا بالهم وف الاخر نقلت من واحده تاني انا ف الاخر اللى ضايقني ان الاستاذة بتقول المصايب والبلاوي طيب ليه تغلط وبعدين حسيت ان السؤال اللى انا هغششه للبت ده انا تعبت فيه بجد على ما افتكرت اجابته تيجي هي تاخده ع الجاهز كده تعبي يروح هدر وحرقه دمي وضغطي اللى علي ليله الامتحان ومخى اللى كان هيطير اما كنت ناسية الاجابة والحمد لله افتكرتها بقدرة ربنا وعونه بس حسيت ان الغش بجد صعب وصعب اكتر للى بيغشش عشان ممكن يكون تعب ف انه يجيب الاجابة وتعبه ده بلاش!!!!!!!!! وهو مش حاسس انه بكده ضيق مذاكرة ان شا الله مذاكرة ساعة بس (احساس انك بتتظلم صعب اوي) يا ريت كل واحد ياخد باله اوي م الغش ده لأن حتى احنا كمسلمين لازم نكون كويسين ده الاسلام امانة يعني اما حد في ديانة تانية يشوف مسلم بيغش هيقول كل المسلمين غشاشين وليه بس كده معلش طولت بس مهما قلت احساس انك تفرط ف مجهودك صعب واعتقد احساس انك تغش وتقل من قيمتك كده اصعب |
اقتباس:
شكرا ع مشاركتك |
اقتباس:
عندك حق ياسمسمة ربنا يهدي كل المسلمين ويوصلهم للطريق الصح شكرا ع مشاركتك ياحبيبتي |
lمواضيعك جميلة قوى ربنا يوفقك
|
الشيخ الشعراوى قال لو الطالب غش ونجح
وامتهن مهنه مرتبه وقتها مش هيكون حلال لانه وصل لمهنته بالغش اظن ده سبب كافى بعد حديث رسولنا الكريم صلوات الله وسلامه عليه حتى نبتعد عن الغش فى كل وقت وفى اى موقف فى الحياه جزاكى الله خيرا على الموضوع فى امان الله |
اقتباس:
ربنا يخليك شكرا ع مشاركتك |
اقتباس:
عندك حق يامس رانيا ربنا يهدي الناس كلها شكرا ع مشاركتك |
انا مش عارف بالضبط
هو ده غش ولا لأ هو حرام ولا لأ اصلا نظام التعليم بجد فاااااااااااااااشل تماما و المعلومات الموجودة في المناهج عللها اكثر من نفعها وطرق التدريس مقيدة للفكر و انواع الطلاب غير مبشرة فاذا كان كل ده فهل اللي بنعمله غش :slap1qk6: وحتى للاسف محدش بيعرف يغش صح (( تجربة مع الغش )) طبعا في الاعدادي لاني كنت في المملكة العربية السعودية في الابتدائي و طبعا مليش حد في اللجنة اغششه حاجه 1 - غشيت و المفاجأة اللي قال الاجابة قالها غلط وانا افتكرت الاجابة الصح فغششته بدل ما يغششني ------- 2 - محدش بيعرف ينظم كيفيات الغش يعني لازم اقود الحملة عشان اضمن نجاحها ------------ ((((تجربة حديثة مع التعليم )))) في مسابقة اوائل الطلبة كان سؤال في المعلومات العامة (كم تكون سرعة الضوء ؟) طبعا كلنا جاوبنا صح لكن الاستاذ اللي كتب الامتحان كان رئيس اللجنة وما كانش عارف الاجابة وبيقول كلكم غلط هي 430بالطبع دي مصيبة في حد ذاتها طبعا فضلت وراه لحد ما لغى مجموع المعلومات العامة من المجموع ايه رأيك في الاساتذة وغير كده ماكانش الامتحان لمستوى طلاب ثانوي وفي نفس الامتحان لقينا استاذة جابت ورقة اجابة في المسابقة لطلاب مدرسة (على عينك يا تاجر ) ولما طلبنا ورقة فارغة للاجابة رفضت قلت للاستاذ المسؤول عن مدرستنا قال لي ما تاخدش في بالك و طنش ايه رأيك في الغش دلوقتي انا ضد الغش طبعا بس ايه الفايدة من البحث عن النملة في الصحراء (ابرة في كوم قش ) (كرؤية نملة حمراء على ظهر صخرة سوداء في ليلة ظلماء في اواسط الصحراء ):040vk0: (( على فكرة ان على اتصال بالاجيال اللي بعدي في القرية و القرية المجاورة للاسف الاجيال الجاية كلها لا تحتوي الا على 2 او 3 كويسين والباقي -----------------------)) :giljotiiniug3: |
الموضوع بدون كلام ممتاز
بس لا حياة لمن تنادي آسف لاني متشاءم اليوم بس تشاؤم = حقائق مرة ومع واحد مثلي تشاؤم +واقعية مع حبة خيال = حقائق مرة مقنعة مسببة للتشاؤم فمش لازم حد ياخد كلامي ويقول انتا صح ففي النهاية من غشنا فليس منا |
http://www.thanwya.com/vb/customavat...tar70554_8.gif
بصراحة موضوع مميز من عضو مميز ونرجو الاستمرار في العطاء |
اقتباس:
شكرا ع مشاركتك اللي اسعدتني بجد:):) |
يااااااااااااااااااه قد إيه وأنا بقرأ الموضوع حاسس بالغش يعنى أنا شايف قدامى دلوقتى 40 رد بصيتن عليهم بطريقه عشوائيه كل رد أقرأه ألاقيه ضد الغش حرام أنا عمرى ما غشيت لالالالالالالالالا كله الا الغش من غشنا فليس منا يا حلاوه خلاص بقينا كلنا ملايكه نازله من السماء دلوقتى مفيش حد فينا بيغش مفيش حد فينا بيحب اللى بيغشو كلنا دلوقتى بقينا أعداء الغش . لا حول ولا قوه الا بالله عمتاً بجد الموضوع جميل جدااااً وياريت كل واحد قرأه يعاهد نفسه قدام ربنا سبحانه وتعالى إنه لو فيه الصفه دى يتخلى عنها ولا ربنا عفه منها يدعيه يثبته فى البعد عنها . وبجد جزاكى الله خيراً على الموضوع الأكثر من رائع بارك اللهم لنا فيكى |
انا بصراحه محصليش شرف الغش دا قبل كده بس طبعا شفته من زمايلى
اكيد اللى بيغش دا الحمدلله ضميره مطاوعه وبعدين الغش داتعود والله نظام تعليمى فاشل سبب كده مراقب معندوش ضمير طالب غاب عنه امه وابوه ومفيش تربيه للاسف كل حاجه بقت ضد المبادئ وبعدسن عايزه من طالب وهو فى الابتدائى المدرسيت بيحللوا الامتحان على السبوره هيعمل ايه فى ثانوى اكيد هيفضل طول عمره غشاش حتى وهواب وهوزوج وهيفضل عضو فاسد وهيجيت اعضاء افسد طيعا للمجتمع المساله مش مساله ضمير طالب والله المساله ام محترمه واب كذلك ومنظومه تعليم محترمه وطبعا فى بلدنا لا حياه لمن تنادى ميرسى ليكى على التوبيك |
اقتباس:
و اللي عرف يقول كنت بفتكر يعني ما غشيتش طول عمري هههههههههههههههههههههههههه |
اقتباس:
ع العموم مش لازم نشكك في الناس مش دا اللي كان هدفي من الموضوع هدفي ان اللي بيغش يعرف انه هيدمر في حياته مش بس هو اللي هيدمر كمان هيدمر ناس مش ليه ذنب بجد مرورك هو اللي اسعدني :):) |
اقتباس:
صح عندك حق ربنا يهدي الناس كلها شكرا ع مشاركتك |
بالنسبالي النجاح بالغش مابيبقاش ليه طعم خالص
بتغاظ اوي لما يكون واحد جاب مجموع كبير بالغش ويبقى فرحان طب فرحان على ايه انا تقريبا كده عمري ما غشيت وكنت بطلع من الاوائل كل سنة والمرة الوحيدة اللي غشيت فيها سؤال كنت عاملة صح فواحد قاعد قدامي سألني عليه قولتهولوا قالي لا دا غلط مش كده ده انا سئلت فلان وقالي كده شكيت في الاجابة وعاملتها زي ما كان بيقول واكتشفت انها غلط من ساعتها حرمت |
اقتباس:
لازم يكون عندك ثقة في ربنا وبعدين في نفسك وسوء انت غشيت او غششت في كل الاحوال الغش حرام وانت شفت بنفسك اهو ان اللي بيغش ربنا عمره ما بيوفقه:):) شكرا ع مشاركتك |
اقتباس:
يا محمد قال رسول الله صلى الله عليه وسلم الخير فى وفى امتى الى يوم القيامة فلماذا تتعجب ان تجد منهم 40 فى هذا الموضوع |
اقتباس:
أكيد طبعا أمال الرسول هيفخر بينا يوم القيامة ازاي؟؟ طبعا عشان احنا بنفذ وصاياه ربنا يهدي كل المسلمين شكرا لحضرتك يامستر |
| جميع الأوقات بتوقيت GMT +2. الساعة الآن 09:46 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.