|
ارجو من الجميع الدخول فى مشكلة تؤرقنى بشدة
السلام عليكم ورحمة الله وبركاته
بعد سلسلة من الاستفسارات حول امكانية اعادة الثانوية العامة رد عليه الكثيرين انه ممنوع وان كل طالب له الحق فى دخول الثانوى مرة واحدة فقط طيب والواحد يعمل ايه لو مر يبه ظروف فى المرحلة الثانوية سواء مشكلات نفسية او صحية او غير ذلك واطاحت بحلمه بعيدا ويشعر دوما بعقدة الذنب فهو يريد ان يدخل كلية للاسف لاتقبل الا بمجموع فى بلدنا هذه بحثت فى البلاد الاوربية الاخرى ووجدت ان دخول الكليات بها مرتبط باختبارات قدرات وان الى عايز يدخل الكلية الى بيحبها بيدخل , اذا هنا يفرض علينا دخول كليات للاسف ندخلها لان مجموعنا جاب تلك الكلية وبالتالى يخرج جريجين يعانون حالات احباط دائم ولايكون هناك ابداع ولاغير ذلك لان ببساطة معظم الطلاب داخلين كليات على عكس رغباتهم ووالامتحانات فى الثانوية والمشكلات التى يمروا بها تكون حائل فى سبيل ذلك سالت عن سبب عدم وجود علماء فى مصر سنويا , ورايت اننا للاسف لانقدر حق التعليم فى مصر ولانعطى لطالب العلم حقه فاهى طوابير العاطلين تصطف سنويا وكان الكليات تخرج عاطلين لايصلحوا للعمل لانهم فى كليات لم يكونوا يريدونها كانت تلك المقدمة ضرورية لاشرح لكم سبب انى قررت وفكرت فى اعادة الثانوية العامة متحملا كل الصعاب فيها مرة اخرى لتحقيق حلمى القديم , افاجا بالقرار السالف ذكره انه لايجوز اعادة الثانوية العامة باعتبار ان هذا الطالب اخذ حقه فى التعليم المجانى مرة واحدة وهنا طرات على عقلى فكرة , لماذا لاتسمح الوزارة باعادة الثانوية العامة وتضع شروط فى سبيل ذلك على سبيل المثال من يريد اعادة الثانوية العامة عليه ان يسدد مبلغ من المال سنويا لادارة المدرسة من يريد اعادة الثانوية العامة عليه تحمل كافة النفقات والاعباء المالية وبالتالى ستحقق الوزارة هنا مكسب مادى لابأس به يمكنها فى استخدامه لتحسين المعامل داخل المدارس وهى لم تخسر شئ كل مافعلته ان اعطت لهؤلاء شرعية الاعادة فقط ولم تتكفل بتعليمهم او ماشابه ان الوزارة ستضمن وبشكل كبير ان هؤلاء الطلاب دخلوا وهم يحملون هدفا فى عقولهم وبالتالى ستضمن ان يخرج منهم العلماء الذين ينفعون بلدهم لانهم اختارو التضحية بسنوات عمرهم مرة اخرى فى سبيل تحقيق احلامهم وهى تضحية لاتقدر بمال والله لقد صعب على حالى وحالتى فى احباط مستمر واكتئاب لم استطع رغم قراتى للعديد من المقالات حول التنمية البشرية ان تزيل هذا الاكتئاب والاحباط فالانسان ليس الة وانما روح يريد ان يتعايش مع مايريد وياليت كنت املك من المال لادرس فى جامعة خاصة وا اسافر للخارج لاحصل على مااتمنى ولكن حالى كحال معظم شباب هذا البلد من الكادحين الذين يخرجون يوميا للحصول على لقمة عيشهم صرخة اصرخها واتمنى من وزير التربية والتعليم د/يبسرى الجمل ان تصل له مناشدتى , بالسماح لى باعادة الثانوية العامة واصدار قرار بشان ذلك وانا على يقين من ان سيادته يشجع التعليم فى كل وقت حتى وان كانت فرصة ثانية اناشد كل اعضاء ومشرفى وادارى المنتدى ممن لهم مركز فى وزارة التربية والتعليم سواء مدرسا او مديرا ان يوصل صوتى للمسئولين لانى تعبت من كثرة البحث والسؤال انا لم ارد ان اكون من ضمن الذين يعملون فى وظائف لايتمنوها انا اعرف ان هذه البلد تستحق منا ان نعمل بجهد واخلاص لها ولكن لابد ان نعمل فيما نحب كم كنت اتمنى لو ان نظام الثانوية الجديد يطبق منذ امد بعيد ولكن الحمد لله على كل شئ وارجو مرة اخرى من المسئولين بوزارة التربية والتعليم دعمى , والله فكرت فى ارسال رسالة لسيادة الوزير برغبتى فى اعادة الثانوية العامة لعله يرد على ولكنى اردت طرح المشكلة على صفحات هذا المنتدى الكريم لعلها تلقى صدى اتمنى من كل من يدخل لقراءة المشكلة ان يعتبرها جزءا منه وان يعمل على ان يصل الى المسئولين بها وليعم انه بذلك فهو قد احيى نفس ومن احياها فكانما احيا الناس جميعا والله ولى التوفيق انتظر ردودكم ودعمكم |
اقتباس:
|
اولا كدة بجد مش قادرة اقول كلمة
فى الظلم والقر الى البلد عيشاه دة وبعدين معلش حضتك بتقول ان الطلاب الى مش اخدوا الثانوية وعاوزين يخدوها يدفعوا مبلغ من المال وان تكون نفقات التعليم كلها على حسبهم دة من اية ان شاء الله المفروض ما دام انا جزئية من البلد دية انسانة مواطنه فيها يبقى ليا حقوقى وحقهم علينا انهم يتكفلوا بينا بس نقول اية حسبى الله ونعم الوكيل ربنا معاك يارب وان شاء الله تقدر تكمل دراستك تانى ياريت محدش من الادارين ينقل الموضوع دة بناءا على اتفاق بينى وبين زينب |
اقتباس:
اولا بالنسبة لاقتراحى ان الدولة تاخد فلوس انا اقصد كحل للى عايز يعيد ثانوية بمعنى ان الدولة تتكفل بالمرة الاولى والى عايز يعيد يدفع ده الى اقصده , لانى سالت كثيرا والله العظيم ذهبت لاحد مديرى المدارس اساله رد عليه باسلوب غليظ ماينفعش ومااعرفش ايه ولكن ان شاء الله صوتى يصل للمسئولين بفضل الله اولا ثم بتعاونكم فى نشر الموضوع على نطاق اوسع |
اقتباس:
بس انا الى منرفزنى ان دة يحصل ليه اصلا احنا مسئولين منهم وواجبهم علينا انهم يلبولنا طلبتنا ربنا معاك يارب وان شاء الله حد من المنتدى يقدر يوصل صوتك لمسئول او حد ليه يد فالموضوع بالتوفيق ان شاء الله |
اقتباس:
|
كل ما أستطيع أن أقوله لك ولى أيضاً أن تحاول أن تصنع حلم يسهل تحقيقه
|
اقتباس:
فهل يصل صوتى الى المسئولين |
اين باقى الردود
|
ارجو من المسئولين فى الموقع محاولة مساعدتى ولكم كل الشكر
|
والله ما عارف اقول ايه
|
اولا قدر الله وما شاء فعل
بس حضرتك مسألتش نفسك ليه مصر مش فيها النظام دة؟؟؟؟؟؟؟؟؟؟؟ اعتقد ان لو في حاجة في بلدنا مبنية ولو جزء بسيط على وجهة النظر الشخصية (القدرات مسألة نسبية) كلنا عارفين ان هيتدخل فيها المصالح الذاتية وساعتها بتكون الصدمة اكبر ميت مرة من اللي ميجبش مجموع............ اتمنالك التوفيق |
السلام عليكم
ازيك يمحمود:av4056bb7jp3: لسة بردة مفيش امل ولا يهمك ان شاء الله ها نلاقى طريقة الهم هو انت سالت مين وسالت فين:stickjo4: عايزين نسعى فى الموضوع:049gc0: عشان على بداية السنة الجديدة نكون وصلنا لحل:giljotiiniug3: |
اقعد مع الجمل و هلال
و لما تلاقي حل ابقا قولي انتا مش عايش في مصر مصر انسى يا عمرو |
ازيك mrhamed انا عندى نفس مشكلتك ونفسى برده اعيد الثانوية العامة ومعايا حاليا ماجستير وبرده لما سالت على نظام الاعادة قالولى ماينفعش لانك حصلتى عليها قبل كده ونفسى اعيدها مرة اخرى ومش عارفة اعمل ايه
فعلا البلد دى بتحطم اى حد وعلى فكرة وانا فى الثانوية العامة حصلتلى ظروف صعبة جدا زاثرت عليا ومش عارفة اعمل ايه ياريت تبعتيلى ونتكلم على الميل |
اقتباس:
|
أنا بكيت وأنا بقرا رسالتك..أنت بالظبط بتتكلم بصوتى ..ومعظم الناس اللى مدخلوش الكلية اللى عايزينها بينسوا الموضوع ده بعد كام سنة بس أنا للأسف مش قادرة أنسى..ومن كتر مارسالتك أثرت فيا دى أول مرة أعلق على موضوع رغم أنى بدخل النت من زمان
|
ازيكم عاملين ايه
ياجماعة ياريت كل اللى عنده المشكلة دى نجتمع كلنا ونقدم شكوى و نعتبرها مجازفة مش هنخسر حاجة اكتر من اللى خسرانه فى البلد دى ياريت لو عايزين بجد تسيبوا ايميلاتكم ونشوف هنعمل ايه |
اعتقد انه الحل فعلا هو اللى قالته maha10137 اولا اللى قالته عين العقل ثانيا انتوا كتير ومش هتخسرو حاجه بس لو ممكن منعلقش العيب على البلد وانا شايف الكل معلق عليها العيب رغم انها ملهاش ذنب الذنب فى النظام اللى فيها صدقونى بإيدينا نغير كل حاجه للأحسن لو احنا .............. بس للأسف كله بينظر إلى الآخر ويقف محلك سر لا يحل ولا يربط لو غيرنا من انفسنا هنتقدم كتير |
ايه ياجماعة دا ازاي يعني افهم بس!! الاستاذ بتاع الانجليزي ذاكر ثانوية عامة ودخل طب بيطري وهو دلوقتي في اخر سنه مع انه معه كلية تربية وكمان واحد قريبي في حقوق وأخذ ثانوية عامه مع انه كان صناعه قبل كدا وناس تانية كثير يعني اللي عايز يعيد هيعيد بس بستغرب ان فيه حد بيقول مينفعش ......!! ربنا يوفقك مع اني ضد الاعادة بس دي ميول وحب بقي بس حضرتك كنت بتدرس ايه! سؤال فضولي:d اقتباس:
سلالالالالالالالالالام |
فعلا أنا معاكى يامها لازم نعمل حاجة..وأنا معاكو
|
والله العظيم نفس مشكلتى بس انا اكتر شويه لانى محدش عرفنى حكاية انو مينفعش الاعاده دى وكمان دخلت اولى ثانوى ونجحت ودخلت تانيه وبعد ما اهملت كليتى وقعدت اذاكر ثانويه فى شهر خامسه قالولى ميتفعش تعيدى وانا دلوقتى فى تالته اعلام ضاعت منى الصيدله على 3من عشره بس يعنى درجه ونص والله بالذمه فى ظلم اكتر من كده ياريت كل اللى عنده المشكله دى نجتمع كلنا يمكن حد يعبرنا ونلاقى حل
|
انا برضو يا جماعة مهتم بالموضوع دا وهوا تقريبا ينفع بس مش عارف ازاي
لو حد عارف يكلمني على الايميل mohamedinv*********** شكرا |
امممممم نفس مشكلتي من الواضح ان الشيطان بيستخدم نفس الخطه والطريقه في الضحك علينا كلنا:abdoog8: عاوزين حل
|
ربنا
معاك ويوفقك |
ازيكم ياجماعة على فكرة انا لسه مهتمية بالموضوع لو حد عاوز يجرب معايا ونكتب طلب ياريت يرد عليا
|
انا برد مهتم بس عايزين نعرف ايه النظام
|
الحمد لله انا لقيت الحل لكل من يرغب فى اعادة الثانوية ولانى مررت بظروف مشابهة وعرفت الحل الوحيد مش هابخل على اى حد
اخوكم فى الله |
اعادة الثانوية العامة
السلام عليكم و رحمة الله
كيف بالله عليك يا رامى يمكن اعادة الثانوية العامة؟ لقد حصلت على الثانوية العامة منذ حوالى عشر سنوات و حاولت التقدم لها مرة اخرى بدون جدوىز أرجوا الافادة بالله عليك يا رامى. جزاكم الله خيرا |
اقتباس:
ياتري ماهو الحل اخي الكريم :) |
اعادة الثانوية العامة
اقتباس:
يا أخى الكريم رامى ارجوا بالله عليك أن تخبرنا بهذا الحل. لقد أنتظرت أكثر من عشر سنين و أنا أعيش على أمل واحد و هو اعادة الثانوية العامة. أرجوا الافادة و لكم الأجر و الثواب من الله. |
ارجو التواصل من خلال الايميل ramyadel_shehata yahoo
|
شكرا على email
جزاكم الله خيرا |
اقتباس:
|
مش عارف انت محطتش تجربتك ليه المهم تما الاضافة
|
ياجماعة انا كمان عاوزة اعيد الثانوية العامة بس كمان عاوزين نتاكد هو دخول كليات الطب او الصيدلة لهم سن محدد علشان فى ناس بيقولوا كده احسن نعيد الثانوية العامة وفى الاخر نروح تجارة او اداب وياريت كل اللى عاوز يعيد يكون على تواصل مع بعض
|
اقتباس:
لا أعتقد أن دخول الكليات دى بالسن فهناك طالب نشرت عنه الجرائد منذ فترة و كان فى كلية الطب و عنده 60 سنة. |
اقتباس:
لكن مين قالك يا مها أن دخول هذه الكليات مرتبط بسن معين؟ |
السلام عليكم
اعزائي كل من شارك في هذا الموضوع أعدتم لي الامل مرة أخرى وجددتم أحلامي أتمنى ممن يتوصل لحل انه ينشره ويبلغنا |
كل ما أستطيع أن أقوله لك ولى أيضاً أن تحاول أن تصنع حلم يسهل تحقيقه
|
mom_mamy2002***********
يا جماعه انا كمان بجد عاوزه اعيد ثانوي عام انا اداب انجليش وبعمل ماسترز ومش هتصدقوا حجم الكارثه الى انا فيها وانا عماله الف من كليه لكليه علشان الاقى دكتور يمسكلى الرساله والله العظيم حرام كده يعنى ظرف فى ثانويه عامه ضيع مستقبلى ومنعنى احقق حلمى ودلوقتى كمان قارفنى ومش عاوزين يسجلولى طيب قولولى اعمل ايه انا طهقت ربنا ياخدنا من البلد دى بقه الى يعرف اى طريقه نعيد بيها ثانوى الله يكرمه ميتاخرش عليا وده ايميلى mom_mamy2002***********
|
ياجماعه انتو لسه الموضوع فى دماغكم ولا كبرتوا دماغكم ولا ايه؟ ياريت الى وصل لحاجه يساعدنا ويعرفنا.استاذه مها ومستر حامد وصلتوا لايه؟وهتكملو بجد فى موضوع الشكوى ده ولا ايه؟ احنا لازم نتجمع كلنا ونشوف هنعمل ايه. وبعدين الاستاذ اسلام الى قال انه ممكن الامتحان فى سفاره لبيبا حد عرف يوصلو؟ ارجوكم التواصل معايا ايميلىmom_mamy2002*yahoo
|
طيب احنا ممكن نكتب الشكوى ونبعتها كلنا لايميل الوزير يمكن يبص فيها الايميل Minister*moe.gov.eg
|
اقتباس:
|
mai_yoya10***********
اقتباس:
|
اقتباس:
|
السلام عليكم انا بعت للايميل الوزارة وبعتولى الرد فعلا وقالولى طالما عيدتيها مرة ليس لكى الحق فى اعادتها مرة اخرى ياريت الكل يبعت يمكن لو شافوا شكاوى كتير يوافقوا على الاعادة
|
ازيكم ياجماعة
انتوا نسيتوا موضوع الاعادة خلاص |
بالنسبه للكليات عادي ممكن تاخد بكالوريوس بعد بكالوريوس تاني ودي ميزه موجوده في بعض الكليات ومنها كليه علوم لكن محدش بيعملها بسبب ان فرص العمل تقريبا واحده فاللي يخلي واحد يتجه لدراسه بكالوريوس جديد يخليه انه افضل ياخد ماجستير ودكتوراه وممكن يراس خريجي الكليات الاخري فيحق لخريج كليه العلوم ان ياخد بكالوريوس صيدله ويحق لخريج كليه صيدله ان ياخد بكالوريوس علوم ولكن الاغلبيه مبيعملوش كدة لان تقريبا هي هي فرص العمل وبيحضرو دراسات عليا
|
حتى لو كنت ادبى وخريجة تجارة ممكن ادخل علوم
|
| جميع الأوقات بتوقيت GMT +2. الساعة الآن 05:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.