|
يا جماعة انا عايز اقول لكم انى انا السبب فى ان نغم سابت المنتدى انا فعلا كنت سافل معاها
انا عارف ان كلكم متضايقين منى بس ممكن تسمعونى ؟ والله العظيم انا سجلت دخول هنا فى المنتدى لما قريت شعر ليها حبيت ارد عليه واعرفها اكتر خصوصا انها من اسكندرية زيى وكمان بتدرس فى المكان اللى بدرس فيه ولما بقيت عضو معاكم عرفتها اكتر من مواضيعها اللى كنت بتابعها باستمرار وبصراحة حاولت اعرفها اكتر واكتر بس هى دايما منفضالى معرفش ليه بصراحة نرفزتنى فغلطت فيها انا عارف انها ما تستاهلش بس دى كانت غلطة وانا اهه بعتزر لها قدامكم كلكم ومستعد كمان اعتزر لها شخصيا فى الكلية لو توافق هى بس ترجع المنتدى وما تسيبهوش انا اسف بجد بس اعزرونى محدش فى العالم يلاقى بنت هايلة زيها ويضيعها كده ياريت ترجعى يا احلام وانا مستعد ارضيكى باى شكل وباى طريقة وانا اسف بجد اسف واتمنى انك تسامحينى يا ملاااااااااك. |
فعلا باشا يابنى والله
واهو امام الملاء الرجل يعتذر يلا بقى انتي قلبك ابيض ارجعلى بقى يانغومـــه |
لا مش هينفع كده يا نغم ما تمشيييييييييييييش لو سمحتى ارجووووووووووووووووووووووووووووووووووكى بقي وبعدين يا عم خالد انت بدل هى مش هتتكرر لازم تضربوها على دماغها |
تسلم يا عبده ع الدعم الجامد ده
|
هو غلط فيها ماشى كويس
المنتدى ذنبه أيه عشان تسيبه |
والله يا رحمة مش هتتكرر تانى ابدا بس هى ترجع .. ترجع وتعمل فيا اللى هى عايزاه
رغم سفالتى معاها الا انها ما ردتش عليا ولا جرحتنى بكلمة ارجعى بقى بلاش عشان خاطرى عشان خاطر حبايبك دول كلهم ارجعى. |
يا خالد معلش
اعتذارك مهما كبر فمش هينفع انت جرحت نغم وشتمتها علي الرسايل الخاصة بس انا عكسك انا اقدر اواجهك وممكن كمان اشتمك بالعن من الشتايم اللي شتمتهالها بس علي المنتدي لاني مش بخاف من حد ولأني في صف الحق مش زيك الالفاظ دى ما يصحش تتقال لو سمحت |
اقتباس:
هل تحول المنتدي لساحه للتعارف .. وهل تقول انك غلطت فيها عشان هي علي حد قولك "منفضالك"....!!!! لا حول ولا قوة الا بالله............................................. ..................... |
مقدرش اقول غير
لا تعليق |
اولا السلام عليكم ورحمة الله وبركاته
ثانيا بقى يا استاذ خالد كلكم عارفين ان نغم صديقة عمرى وانا قولتلها على موضوعك يا خالد وهيا بالفعل قريته وطلبت منى ارد على لسانها يا استاذ خالد احلام مش قابلة اسفك وبتقولك مش كل واحد يعمل مصيبة او مشكلة ويرجع يقول انا اسف حيفيد بأيه الاسف بعد الاهانة والتهزيق واعتقد انهم لسه ما اخترعوش بنك للاسف عشان تقدر تسرف كلمة اسف منه واعتقد كمان يا استاذ خالد ان لو الموقف ده حصل معاك لا يمكن ابدا حتسامح اللى عمله وحتى لو قولتله خلاص سامحتك لا يمكن حترجع تكلمه بنفس صافية من تانى او تعامله زى ما كنت بتعامله الاول وانا مش حقدر اقول اكتر من كده وكفاية اوى عليك الكلام اللى قالهولك M Neo وفى النهاية بقول بردو ربنا يهدى الجميع اختكم عصفورة |
طيب ايه الى غيرك فجأه كده يا خالد "؟؟؟؟؟"
أكيد فى سبب ويا ريت يبقى فى رقابه على الرسايل الخاصه من ادارة الموقع لأن أكيد هى السبب فى كل المشاكل أتمنى عودة نغم واتمنى الا يكون الحل هو طرد خالد لأن ده مش هينفع وبعدين يا M.neo هو كان ممكن مشى ومكتبش الموضوع ده لكن هو جه دلوقتى واتكلم يبقى مش المفروض تشتمه |
اعتقد انك دلوقتى عرفت ان الانسانة اللى انت غلطت فيها سببت لها جرح فى نفسها وما ينفعش يتداوى
وهى كمان مش قابلة اسفك |
اولا يا اخ نيو انا عارف ومتاكد انها شخصية محترمة وكونى غلطت فيها والله العظيم كنت متنرفز
ومافيش داعى لكلامك ده انا كمان اقدر اكتب ع العام بس مش لبنت وياريت ترد باسلوب احسن من كده وشكرا. وحضرتك يا اخت فلاور انا عارف ان المنتدى مش ساحة تعارف بس دى كانت فرصة كويسة ليا انى اعرفها بعدين انا ممكن اوى اروح لها الكلية فى ركن الرسامين واكلمها شخصيا واعتذر لها . |
يا اخ فيثاغورس طبعا فى سبب للاعتذار ده لانى حسيت بغلطى فى انسانة ما تستاهلش ان حد يغلط فيها
وواضح انها بلغت نص الرسالة لعصفورة ونيو . عموما انا بجد حاسس بالذنب وعايزها ترجع المنتدى واللى هى عايزاه هعمله لها حتى لو عيزانى اسيب المنتدى هسيبه بس اسيبه وهى فيه ومش زعلانة ياريت يا عصفورة توصليلها الكلام ده . انا عارف يا اينشتاين انى جرحتها لكن جل من لا يخطىء وتانى بقول .. انا اااااااااااسف. |
ياباشا انت كده عملت اللى عليك
انه فعلا شتمتها وانت قولت انك كنت متنرفز خلا ص بقى الراجل كان متنرفز وبعدين دى كان ساعة غضب وكمان مايخلصنيش ان نغم تسيب المنتدى على العموم ربنا يهدى الجميع وترجع نغم بالسلامه |
متشكر اوى ليك يا عبده ربنا يخليك ليا,.
|
ياباشا العفو
الشكر لله وماتقولش كده انت اخويا الكبير بردك |
اللي انت عملته الاول ده غلط
و يا ريت احسنلك بدل الشتيمة و المشاكل و الغلط تبعد عن نغم من غير كلام اصل يا بني انت لازم تعرف انها مش طيقالك ولا يمكن تبص في خلقتك تاني ;) :huh: :huh: ..... ودمتم |
يا خالد بيه ملكش دعوة بنغم بدل ما ................... بلاش اتكلم الا المشرفين يزعلوا
بص يا ابني انتا ملكش دعوة باحلام اوكى يا لورد وكفايا اللي انتا عملته ولو عاوز مشاكل حاول تكلمها تاني ;) بس بجد حسابك هيكون عسير نغم دي تبأى اختي سلام |
خلاص يا جماعه مش كل واحد هيدخل
يقول كلام بالطريقه دي...اوكي نغم طول عمرها قلبها ابيض |
لا حول ولا قوه الا بالله انت فعلا راجل يا خالد عشالن اعتزرت مش عيب الاعتزار العيب الاستمرار في الخطأ وارجو من نغم انها متسبش المنتدي وتقبل اعتزارك
|
يا جماعة الراجل بيعتزر وخلاص
وده حوار احنا مش لينا دخل بيه عشان الطريقة العجيبة اللى بتردوا بيها وعموما اى مشكلة فى اى حته ربنا خلق حاجة اسمها الرسائل الخاصة حلوا فيها المشاكل مع بعضيكم او حاجة تانية اسمها ايميل او حاجات تانية كتير الراجل اعتذر والافضل ان الاخت تقبل اعتذاره وخلاص على كده وبراحتها خالص بقى مش شغلنا منتدى تعليمى ده ولا نجوم اف ام ولا ايه؟ <_< ونرجو من نغم عدم ترك المنتدى لانه ملوش دعوة اساسا بالموضوع حد يفهمنى يا عالم |
لا حول ولا قوة الا بالله
انا بس مش هعلق على المشكلة اللى بين نغم وخالد لكن الموضوع دة تقريبا بقالة اكتر من شهر ونغم مسبتش المنتدى ومش هتسيبة طبعا يعنى الموضوع تقريبا اتنهى يعنى لو فتحناه تانى هنجدد الجرح والمشاكل |
انا فعلا كنت هقول كده
الموضوع بقاله شهر معلش بقى النت معصلج شوية انا لقيت 5 ردود اليوم هو انت يا برى ويا ريت يتحذف معرفش ايه اللى رجعه تانى :D |
السلام عليكم
انا ماعرفش انت عملت اية لكن جمييل قوي الاعتراف بالخطا والاعتذار لكن مش شرط اللي قدامك يقبل اعتذارك وياريت ماتجبرهوش انه يقبل اعتذارك اما بالنسبة لاحلام فكلنا عارفين دي تبقي مين كويس قوي واظن بري قالها مع اني عارف ان بري دة متهور وطايش ههههههههههههههه لكن احلام دي اخت لينا كلنا |
يا جماعة
الموضوع ده بقاله اكتر من شهر وانا فعلا كنت سبت المنتدى لكن عبقرينو كلمنى ورجعت تانى اما الاخ خالد اللى بعد المشكلة تعهد انه مش هيرد عليا فى اى موضوع تانى بعد كده رجع امبارح ورد عليا وبعتلى رسالة خاصة مستفزة جدا انا مش زعلانة من حد انا الحمد لله بكبر دماغى وبنسى بسرعة بس من فضلك يا اخ خالد عد من حيث اتيت او يا سيدى خليك فى المنتدى بس حل عن سمايا وما تقلقوش يا جماعة انا معاكم ومافيش اى مشكلة |
الموضوع انتهي منذ اكتر من شهر سيتم غلق الموضوع
|
| جميع الأوقات بتوقيت GMT +2. الساعة الآن 09:49 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.