|
نجح المواطن المصري سعد عطا الله الذي يعمل في مجال تجميع القمامة في منطقة منشية ناصر بمدينة القاهرة في الدخول إلي السوق العالمية والتعاون مع شركات دولية للغزل في إعادة استخدام القمامة.
وقال عطا الله في تقرير نشرته مجلة ديرشبيجل الألمانية الصادرة هذا الأسبوع إن الصين تستفيد من القمامة المصرية في تصنيع الجاكتات لأن الشركات الصينية تستفيد من المادة البلاستيكية والخيوط البولي استر وبخاصة في استخدامات إنتاج الملابس الرياضية أيضاً. أشار التقرير إلي وجود 30 شخصاً من الرجال والنساء يقومون بتجميع القمامة وتنظيفها وتوزيعها وبخاصة القمامة البلاستيكية الخاصة بشركة عطا الله وعندما تنتهي هذه الخطوات تأتي شركة الشحن لنقلها إلي الإسكندرية ومنها تنقل أكياس القمامة البلاستيكية إلي شنغهاي بالصين عن طريق النقل البحري. وذكر التقرير ان عطا الله ينتسب إلي أسرة عملت جميعها في أعمال تجميع القمامة ولكنه كان أكثرها ذكاء ولديه الرغبة في التطور. ولذلك درس اقتصاد الأعمال ونجح في إقناع صديق له بالانضمام للعمل معه في إعادة الاستفادة من القمامة المجمعة ونجح في ضم آخرين وهو ما أدي لإنشاء حوالي 200 شركة خاصة بإعادة الاستفادة من القمامة المجمعة وأوجد ذلك وظائف جديدة. |
فى ناس بتاكل الزباله عادى يعنى بس الحمد لله قليلين فى مصر
|
اشكرك يا فيثاغورس
|
تشكرنى على ايهده لو كل واحد كتب رد شكرته يبقى مش هتخلص
|
اشكرك بردو يا فيثاغورس
هو انا لما اشكرك على مرورك يبقى مش هنخلص |
لا انا اقصد ان انت كده كل ما واحد يرد هترد عليه وهتتعب نفسك جامد
بعد ما تلاقى ناس كتير ردت ابقى قول شكرا |
من حسن الخلق انه يشكرك
ده اللي علموا لينا الاسلام |
اشكرك يا r.m.h
بس احنا مش عايزين نزعل عم فيثاغورس اهه يا فيثاغورس مشاكرتش حد اشكركم جميعا |
شكرا r m h على المشاركه
|
karim_elmagraby
شكرا على ردك |
احنا مش هنزعل حد لكن دي نصيحة هياخذ اجرها زى بالضبط
|
ألف شكر يلى بتقرأ ردى فعلا شكرا جزيلا تعبناك معانا يعنى
|
أظن كده أنا راجل شكير وأستاهل ألفين تحيه
و5 مشاركات |
يا فيثاغورس فى فرق بين انى اشكرك على مرورك و بين المبالغة فى الشكر
|
بقول ايه باى انتم بتخرجوا بره الموضوع بتبالغ بأى ليه انا اعرف يوم ما واحد بيكرمك في الرد مرتين دا لو موش لعبة ثانيا يا اخ كريم
انا ممكن كل ما تفتح المنتدى تلاقي المشاركات الجديدة محمد البري وبس او هشام فيثاغورث وبس فأهدا شويا اوكى خلي اسلوبكم راقي وعلى ما اظن الاستاذ اشرف قال في قوانين المنتدى عد المبالغة في الشكر وتنقد موش كله شكر شكر |
اقتباس:
لأنك كتبت الكلام الى انا عايز أقوله |
يا جماعة هو الموضوع انقلب شكر ليه
|
جزاكم اللة خيرأ
رحمة |
يا فيثاغورس و محمد البرى انتوا فهمتوا شكرى غلط
انا شكرتك مرة واحدة |
أشكرك يا كريم على هذا السؤال
لكن مش عارف والله شوف انت مين الى بدأ |
ياريت ماكنش زعلت حد
ممكن اعرف اية موقفكم من تأجيل النتيجة ولا انتوا مش ثانوية عامة |
شكرا كريم موضوع هايل انا اول مرة اسمع عنة بس دة يدل على ذكاء المصرى ومهارة الصينى
وبعدين يا جماعة من فضلكم متقلبوش الموضوع هو وضع فى المنتدى علشان الاستفادة |
يا فيثاغورس انا شكرتك مرة واحدة
لكن مبالغتش فى الشكر |
جزاكم اللة خيرا فتاة الاسلام
فعلا احنا سبنا الاصل لو كل مصري عمل كدة كانت مصر رجعت زي زمان بس احنا شدتنا حاجات تانية كتير |
اشكرك يا فتاة الاسلام على هذه الرد
و ياريت نخلاينا فى الموضوع |
يا جماعة انا اسفة
شكلي انا سبب المشكلة |
بقول
مش انتا شكرته مرة ما خلاص لية نقعد نزيد ونعيد وشكر ومش شكر ياريت تكون فهمت قصدى |
يا عمي زبالة انشالت زبالة انحططت هاقولك كلمة من الاخر هدي شويا انا موش عاوز اعقدك لان محبش ازعل حد من الاسرة الجميلة دي بس انتا بالغت
زملكاوي وبالغت كتير مع اني زملكاوي بس انتا بالغت كتير قوي كل موضوع بتبالغ فيه قوي انا موش بتريأى لا سامح الله بس انا بقولك اهدى شويا لو عاوزني اعقدك يا حبي هاعقدك والله وكل يوم هتلاقي 100000000000 موضوع باسمي انا 24 ساعه يعني موش هتفرق معايا بس انا محترم ناس تانيه كتير فياريت حضرتك تحترمني يعني اوكى سلام |
هو فعلا عادواتصحيح العربي
|
اقتباس:
|
لا هي ما كانتش صعبة
انت رائيك اية |
بيقولك بأى امتحان الاحياء كان طويييييييييييييل
يا جماعة احنا في موضوع موش شات والله |
انا لم ابالغ يا محمد
و ياريت ميكونش حصل سوء فهم |
وبعدين الأهلى هيلعب الساعه كام ؟
|
سمعت ان تصحيح الاحياء كان كويس
|
مستر محمد البرى بليز حضرتك اللى تهدى شوى متخلوش وجة المنتدى مش ظريفة بهذا التعليق
وخلاص موضوع الشكر دة انتهى والمسامح كريم يالا قفلوا على الموضوع وخليكم فى الموضوع اللى مكتوب |
يا جماعة يا ريت موضوع الشكر ننتهى منه
|
ياجماعة انا اسفة مرةتانية
ياريت نخلينا في موضوع النتيجة لان تاجيل النتيجة لا يطمئن |
اية يا جماعة دة انتو قلبتو الموضوع خالص اية اللى دخل الاهلى هيلعب امتى ولا تصحيح الامتحانات افتكر دى مش طريقة احترام المواضيع استهدوا بالله
|
اقتباس:
أما موضوع الأهلى والانجليزى والكلام ده فده استعباط محدش ياخد في باله بس هو مش عبط هو استعباط يعنى ليه مغزى |
انا با حاول اغير الموضوع
|
فتاة الاسلام والله انا معملتش حاجا ع فكرة انا اصلا موش مقتنع باللي داخل فتحها شات لينا هنا احنا موش بنلعب هنا
|
لو حد معاه نمرة الراجل بتاع الزباله ده يديهانى والنبى
أصل الزبال بقاله فتره مبيجيش |
انما الاعمال بالنيات
انا اتكلمت في الانجليزي علشان نغير الموضوع وانت اتكلمت في الكرة كذلك اة العبط في كدة |
يا جماعة الموضوع هو ان حد المصريين قدر ياستفيد من الزبالة بتاعتنا بدل من الشركات الصينية
|
شكرا يا محمد ولكن هو مقلش رأية في الترجمة وبيقول سمعت ان الترجمة صعبة والنتيجة بعد اسبوع
|
اقتباس:
طب دا بقا يستاهل نقله ايه شكرا وجزيلا كمان وممتاز |
r.m.h
وتغيرى الموضوع لية مش من حقك انك تغيرة لانة مو موضوعك انتى ولو انتى مسلمة هتعرفى انة مش من العدل انك تدخلى تقلبى الموضوع بالطريقة دى لان كريم وضع الموضوع للمناقشة والاستفادة وكذلك الكلام لك يا فيثاغورس اهدوا يا جماعة اهدوا بقى لية بتعملوا كدة انتو بتخلوا المنتدى مش ظريف بالطريقة دى وياريت محدش يخرج عن الموضوع اعوذب الله من الشيطان الرجيم |
يبدو وان مفيش حد فهم معنى كلامى والى فهمه فهمه غلط
لكن أنا رايح أنام دلوقتى |
فعلا هو دا الكلام الى انا عايز اقوله يا فتاة الاسلام
|
| جميع الأوقات بتوقيت GMT +2. الساعة الآن 06:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.