|
55 اسعاف
ازيكم يا جماعة عاملين ايه يا رب تكونوا بخير انا النهارده بجد عايزة اتكلم فى حاجة بشعه اوى كلنا بنشوفها اكيد من حوالى اسبوعين كنت مسافرة وكان الطريق سريع وكان فى بعيد عنكم يا رب حادثه كبيره وكان فى 3عربيات اسعاف شايلين الناس المصابه وللاسف الطريق كان زحمة بطريقه مش معقوله والطريق كله وقف وعربيات الاسعاف طبعا وقفت هى كمان زينا هى يعنى تفرق ايه :( تخيلوا لما تبقى ناس منقوله من حادثه زى دى وفيها كده حوالى ساعتين ولا 3ساعات لغاية اما يوصلوا المستشفى يا ترى ده يرضى مين ؟؟؟ للاسف احنا اللى بندفع تمن الهرجله وعدم النظام فى الدول المتقدمه بره زى فرنسا مثلا بيبقى الشارع متقسم لكذا حارة وبيكون فى حارة مخصصه لعربية الاسعاف مفيش حد له الحق انه يمشى فيها سواء ماشى او راكب عربيه ارواح الناس ليها قيمه الا عندنا بجد حاجة تحزن اوى :( اكيد ده ميرضيش ربنا ولا انتوا شايفين ايه ؟ |
والله فرنسا عندها قدرة إنها تعمل شوارع مخصصة للاسعاف بس فده من امكانيتها
لكن احنا بيبقى الشارع عرضه 6 عربيات (في القاهرة) والعربيات بتفضل بالنص ساعة واكتر عشان تعدي الشارع ده بس ونظرا للتكدس السكاني عندنا فمن الصعب جداً نظرا لانخفاض التنولوجيا إنهم يهتموا بالارواح ده زي بره يعني في امريكا بيبعتوا الهيليكوبتر مخصوص من اجل انقاذ شخص مهما كانت هيئته او مكانته لكن عند مفيش امكانيات اصلاً وبالتالي بتضييع ارواح كتير هدراً |
اقتباس:
ازيك يا فيفا احنا منقدرش نعيب علي الناس الي كانوا في الطريق العيب عيب الحكومه نفسها ادارة المرور فين التنظيم بتاعها في الترتيبات والتجهزيات لحاجه زي كده احنا بس عشان نفرح الناس ونضخك عليهم راحوا قيلين يا جماعه خبر الموسم احنا هنجيب اسطول سيارات موديل 2008 عربيات فولكس فاجن عشان نحسن مستوي الخدمه وبدل العربيات المهكعه طب ما دي حاجه اساسيه انتوا مستنين مننا التحيه علي العمل المغوار ده وانت عندك حق وبيحصل فعلا في اوربا والدول المتقدمه:) فعلا ان شوفت الحكاية دي بنفسي في الكويت وايطاليا في الكويت اسمها حارة الطوارئ وفي ايطاليا اسمها caso di emergenza الحارات دي ممنوع العربيات المدنيه تمشي فيها والا هتبقي مخالفه يعاقب عليا الشرع والقانون :) ومفاضلش غير نقول عيطي يا انشراح الي راح راح:d |
والله انتى عندك حق بس للاسف بلدنا مبتتحركش الابعد المصيبه ما تحصل زى عباره السلام بابا حسنى اصمل عليه كان عارف ان العباره غرقت ومتحركش الالما الناس ماتت |
أنا كنت طول عمرى بسأل نفسى السؤال ده الصراحه بس عمرى ما إتعرضت للموقف ده بس طول عمرى أسمع إن عربيه الإسعاف لو فيها مصابين مش بتقف فى الإشاراه ولا الكمين ولا أى حاجه من دى وكمان أسمع إن العربيات اللى على الطريق بتسبهولها لو مش قانون فبيبقى زوقياً الناس لسه فيه عندها حبه من الأحمر . :) لكن ده طبعاً ميمنعش إن أحياناً الطريق بيحكم تبقى زيها زى اللى ماشى على رجليه بس السبب مين ؟! سوء تخطيط من البدايه . وبعدين مش تنسى إن الناس اللى إنتى بتتكلمى عنهم دول عدد سكانهم قد إيه . بس ده ميمنع إن إحنا عندنا المرور بطيخ |
اقتباس:
حمد لله ع السلامة يا فيفا بالنسبة للموضوع هي جات علي دي يعني !! ما كل حاجة فيها هرجلة عربيات الاسعاف مالهاش مكان في البلد دي و طبيعي الدنيا زحمة و متوسط السرعة في القاهرة حوالي 10 كيلو في الساعة عاوزاهم كمان يوسعوا لعربية اسعاف او عربية شرطة :( برا في فرنسا و غير فرنسا زي ما قولتي الشارع بيبقي متقسم حارات و لو في حالة خطرة في هليكوبتر اسعاف و تنزل فوق المستشفي بصراحة فايف ستار :) و حتي الشارع الفاضي (طريق اسكندرية الصحراوي) بيقولوا فيه عربيات اسعاف واقفة و مستشفيات بس عمري ما شوفتها يلا امرنا لله لا الكويس مرتاح و لا التعبان مرتاح :) سلام |
لا حول ولا قوة الا بالله
|
اقتباس:
لا طبعا بس على فكرة مش فى كل حتة النظام والزحمة دى بصراحة كنت مستنية الاتوبيس فى مرة والشارع مش هقولك زحمة لا ده العربيات كانت راكبة فوق بعضها الشارع كله وقف لما عربية الاسعاف عملت صوتها بجد كانت حركة جاامدة جداا منهم عقبال باقى مصر شكراا على الموضوع |
اه والله الحاجات دى بتحصل كتير فى مصر
يعنى العربية كدا كدا بتتاخر فى الوصول وبعد ماتاخد المصاب وتروح عالمستشفى بتبدا مصيبه تانيه المصابين بيقعدو فى الطوارئ من غير دكاتره وبيترمو لغاية مدكتور يجى يعنى حاله سئيه من كله متشكرين على الموضوع يا فيفيان |
هو اكيد ده ميرضيش حد
بس احنا مش فرنسا ولا اى دولة متقدمة هقولك ايه يافيفا هى دى مصر ودى الثقافة العامة فى البلد المواطن ياتى دائما فى المرتبة الاولى لكن .. من الخلف |
اقتباس:
|
اقتباس:
لا هو بالنسبه للامكانيات موجوده لكن مش عشان حاجة هايفه زى دى مرسى لمرورك |
اقتباس:
مين انشراح دى :d ايه اللى انت بتقوله ده منور يا محمد |
اقتباس:
للاسف يا ميراج مصيبه العبارة بتحصل تقريبا كل يوم لكن محدش واخد باله مش شرط الناس تموت غرقانة يعنى لكن الموضوع اللى احنا بنتكلم فيه بيروح فيه ارواح ناس لا حصر لها مرسى لمرورك |
جملة واحدة تكفى
smile you are in egypt هيا دى بلدنا المحروسة المستشفيان نفسها مفيهاش نظام يبقا الاسعاف هيبقا ليه نظام ثم فين قوانين المرور الجديدة واربط حزام الامان وامسك وسطك لا يقع منك هى دى مصر هو دا المرور هى دى ارواحالناس وسع طريق الاسعاف |
والله عندكوا حق دا يرضى مين حسبى اللهونعم الوكيل فى حكومه البلد دى بس كمان مفيش مكان علشان نعمل حاره للطوارى اذاكان الناس مش لاقيه مكان تمشى وحتى لو مشينا بنداس وفى الاخر بنبقى احنا الللا عايزين عربيات اسعاف
|
اقتباس:
مرسى لمروك يا محمد |
اقتباس:
ياجماعه مش عارفه ليه انتوا مستسهلين الحكاية كده كل حاجة مهرجله يا يوسف اوك بس اعتقد ان ده حرام ربنا ميرضاش بكده ليه منحاولش نعمل حاجة انت مشفتش شكل اهل الناس المصابه وهما عمالين يصوتوا ويزعقوا فى العربيات عشان توسع لهم بجد منظر فظيع مرسى لمرورك |
اقتباس:
ربنا يسمع منك منورة يا بت :) |
اقتباس:
ده احنا عندنا مااشاء الله دكاترة فى قمة البرود انا مش بجمع بس انا شفت شويه يعنى ربنا يحميهم مرسى لمرورك |
اقتباس:
ان شاء الله كل واحد هيتحاسب على ا اللى عمله منور يا اسلام انت بتحب كرومبو ولا ايه :d |
ملحقتش اقرا الردود وقريت الموضوع بسرعه معلش يا فيفا ع فكره وحشانى جدااا
المهم الموضوع ده بيتكرر كتير لسه فى حادثه راح فيها اتناشر طالب طب نحتسبهم عند الله شهداء الحوادث والاهمال فى البلد دى بئا اكتر من الكوسه او هو نوع من انواع الكوسه اللى فى البلد والله الواحد مش لاقى حاجه يقولها بس كان فى يافطه مكتوبه فى حته كده ابتسم فانت فى الجيزه ع اساس ان الجيزه حاجه تضحك عامه هو حال البلد كلها يرثى له سيبك انتى المهم تكونى انتى كويسه وسلميلى ع اى حد اعرفه واضح انى رجعتت للتخريف |
اقتباس:
هههههههه قانون المرور الجديد نيل الدنيا اكتر ما انت بالتالى لما تعمل مخالفه بعد القوانين الصارمة دى مضطر تدفع اكتر طبعا شكرا لمرورك |
اقتباس:
مفيش حاجة اسمها مفيش مكان لو فى دماغ شغاله وناس بتفكر كل حاجة هتبقى ممكن لكن نقول لمين بقى مرسى لمرورك |
اقتباس:
والله فكرة تخيل كده لما كل يوم تقريبا 10 ولا 15 يموتوا اكيد الزحمة هتخف شويه |
اقتباس:
فعلا انتى رجعتى للتخريف تانى انتى ايه اللى دحلك التوبيك ده اصلا ايه الناس دى:stickjo4: |
يا بنتى مصر دلوقتى فيها 80 مليون مثلا قولى طبقة الاغنياء بيغيروا فى كام عربية واصلا الشوارع ضيقة والمرور بطئ وزى الزفت ووربنا يستر بقى علينا |
مصر كلها بايظة
لا حول ولا قوه الا بالله هنعمل اية يعنى |
انا حتى وقت قريب ماكنتش اعرف انا احنا المفروض نوسع لعربيات الاسعاف فى الشارع
اظن انا ماعرفتش لانى عمرى ماشفت حد بيعمل كدة طب تعرفوا مش عارفة مين حكالى ان فى واحد امريكانى ولا ايه طلع فى التلفزيون فبيسالوه على المرور فى مصر قالهم انا عمرى ماشفت بلد فى انسجام بين العربيات و البنىادمين فيها كده طبعا الراجل قصدة و احنا بنعدى الشارع تحس كدة ان فى احساس بينا و بين العربيات هما يقفوا احنا نعدى او العكس بس روحوا شوفوا عند مثلا المتحف المصرى فى التحرير الاجانب بيبقوا حيعيطوا و هما بيتفرجوا علينا بنعدى فى وسط الشارع من غير اشارة ولا بتاع خرجت انا عن الموضوع صح اصلى كنت مليانة اوى معلش بقى |
اقتباس:
ولو يا بنتى ده ميديش الحق لحد انه يتحكم فى ارواحنا ويبهدلنا بالشكل ده لكن هنقول ايه كل ده فى الاخر كلام وبس ومفيش حاجة بتتغير وبعدين ايه التوقيع الظريف بتاعك ده تفتكرى فى امل :d |
اقتباس:
مش احنا اللى بنعمل ربنا موجود وعالم بالحال اكيد هو بقى يتصرف اقتباس:
لا عادى اخرجى وادخلى براحتك نورتى :) |
جت ع عربيات الإسعاف يافيفا
والله انت غلبانة يافيفا مش احسن برضه من عمارة ولا عبارة البلد كلها اصلا بايظة ولا ف ضمير ولا ف اى حاجة عدلة ف البلد البايظة دى |
والمفروض برضه الناس تراعي إن دي سيارات اسعاف .. وعليها ناس مريضة .. مش واحد رايح يتفسح في المستشفى .. لأن أنا شوفت موقف يعني ... كانت سيارة اسعاف ماشية .. وفي سيارتين لمسوا بعض (ليست صدموا) .. نزلوا طبعا من السيارات وقعدوا يشاكلوا مع بعض .. وكانوا السيارتين قافلين الشارع ومينفعش لا نرجع ولا نلف .. حتى جاءت الشرطة بعد 45 دقيقة .. وسيارة الاسعاف كانت واقفة معانا طبعا .. فيجب من الناس التعاون أيضا في ذلك ..
|
لا حول ولا قوة الا بالله
|
| جميع الأوقات بتوقيت GMT +2. الساعة الآن 01:28 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.