|
نشرة اخبار المنتدي
بسم الله الرمن الرحيمن
طبعا الموضوع باين من عنوانه اولا احب اشكر ترافيل لان الفكره فكرتها موضوعنا هيلم كل الاخبار الي في المنتدي هتتحط هنا في الموضوع ده تحت عنوان نشرة ال24 ساعه لمنتدي الثانويه اول نشرة اخباريه متخصصه لاخبار المنتدي فقط عيون علي الاحداث .... مراسلين علي اعلي مستوي داخل كل قسم مدربين علي العمل في سريه تامه وتحت اي ضغط هذا كله لكي نخوص في تفاصيلها ..... في تفاصيلها .... في تفاصيلها تابوعنا يوميا وعلي مدار الساعه جميع الحقوق محفوظه لشبكة الثانويه @2009 |
ربنا يوفقكم بس ياريت لو يتثبت في العام عشان القسم هنا قليل لما حد بيدخله :):) |
فكره جميله جدا
والله فكرت فيها قبل كده ربنا معاكم ويوفقكم ومنتظرين ............ |
وانا هقوم بدوري
وبدون تردد هثبت الموضوع بجد فكرة هايلة بجد ربنا يخليكم للمنتدى :) |
موضوع جامد
|
تم نقله العام
نظرا لان رواد القسم هنا مش كثير بالتوفيق ان شاء الله |
اقتباس:
الشكر لله الفكرة مش فكرتى صاحب الفكرة الرئيسى sai http://www.thanwya.com/vb/nice/statu...er_offline.gif طالب جامعى (كلية هندسة) :) هو كان قالهالى لما كان مشرف/الشاب المسلم وعرضتها عليك لما كنت مشرف القسم معايا . . . . بالتوفيق :) |
بالتوفيق يا جماعة .. عمل متميز بإذن الله ..
|
بالتوفيق ....وابدأوا العمل ..نحن فى الانتظار
|
بجد فكرة جميلة ومتابعين ان شاء الله بس الاجمل الجملة دي اقتباس:
جزاك الله خيرا |
بسم الله الرحمن الرحيم
اسعد الله صباحكم اعضاء المنتدي الكرام نبتدي النشره باهم عنوانين الاخبار
انفردة نشرة البوابه بلقاء حصري ومميز من نوعه مع المشرفه الاداريه هند ةدار بيننا الحديث الاتي: ______________________________ السلام عليكم ما هي اخر التطورات والتداعيات لمشكلة زينب ومشرف قسم خبر وتعليق؟ آخر التطورات : طبعا امبارح آخر قرار حصل من ناحية نائب الادارة محمد السادات كان غلق الموضوع ورفع الاشراف عن المشرف عادل حسان ووقفه لمدة اسبوع ودا جزء من رده _________________________________________________ ووقفه لمده إسبوع لحين الإجتماع بالساده المشرفين الإدارين والمديرين وبعد إذنكم يا جماعه وياريت محدش يفهم قرارى ده خطأ هيتم إغلاق الموضوع لحين إتخاذ قرار نهائى فى الموضوع أما بخصوص طلب رفع إشراف يا زينب فطلبك مرفوض على الأقل بالنسبه ليا بصفتى نائب إدارى _________________________________________________ طبعا الكل كان موافق على القرار دا كبير وصغير فينا كان شايف انه قرار صائب واقل حاجة ممكن تتعمل .. حصل ان استاذ اشرف دخل وقال انه المفروض محدش يرفع الاشراف عن المشرفين الا بعد الرجوع ليه .. وانه لازم يتم رفع الوقف من على عادل حسان واعادة الاشراف ليه .. ودا الي حصل فعلا .. وقال ايضا ان الراجل مش كان قصده الكلمة الي وجهت لزينب وكان بيدافع عنه جدا .. تم فتح الموضوع مرة أخرى وبدات المشرفة TRAVEL تدافع عن موقفها وقالت انها مصممة على رفع اشرافه وانها قررت انها تستمر في المنتدى بسبب تمسك الناس بيها وانها مش هترضى ان كرامتها مش ترجع ليها مرة أخرى بالنسبة لاستاذ اشرف كان موقفه ثابت الدفاع عن الاخ عادل حسان وكان مصمم انه مش غلطان ودا يعتبر آخر رد ليه قبل ما ربنا يهديه ويقتنع وهنعرف السبب دلوقتي __________________________________________________ _________ موضوع ان محمد يسحب صفة الاشراف من حد ده موضوع منتهى وانا اتكلمت فيه زمااااان انما ان الراجل غلط هو ما قالش ( زينب مش محترمة وسكت ) الراجل اتكلم وفيوسط الكلام قال الجملة دي وبعدين هي المواضيع تم حذفها اتحذفت ليه بالراحة يا اخت زينب ولو ليك حق اتأكدي هتأخذيه ويا ريت ما حدشيتكلم في الموضوع ده غير زينب وبس واي رد تاني هيتحذف __________________________________________________ _________ طبعا بفضل الله ثم فضل الاستاذ احمد ( نجم المشاعر ) بجد ربنا يكرمه قال كلمات كانت هي الخلاصة بجد وكانت فعلا الفاصل لكل ما حدث واسمحلي تنزل رده عشان الناس كلها تشوف اسلوبه الرائع : __________________________________________________ _________ يفهم منها أني لا أعني الموقر ولا العادل أليسكذلك .. أخي الكريم .. كلنا نعلم أن نظام المركزية في الإدارة نظام أثبت فشلهعالمياً .. وأن الإدارة اللامركزية أثبتت نجاحات باهرة .. وأنا هنا أتحدث من موقعيكأخ أكبر ليس إلا لا بوصفي مشرف أو غير ذلك .. ولا أرى أي سبب مهما كان يجعل الأستاذ عادل يقول ما قالهفي الرسالة الخاصة .. ولا أرى أي سبب للدفاع عنه ولكني أيضاً لا أرى سبباً لعدمالتهدئة قال تعالى "وإن طائفتان من المؤمنين اقتتلوا فأصلحوا بينهما" .. صدقني يامديرنا الكريم .. أن ما قلته وما عرضته من وجهة نظر لا يهدئ الأمر بل يجعلنا نشعرأننابلا قيمةداخل هذا المنتدى العامر .. تخيل أنا أكتب هذا الرد وأصبحت في انتظار حذفه .. أنالم أتعرض لحذف أي رد من ردودي أو أي موضوع من موضوعاتي بالمنتدى على مدار ستة أشهرمضت .. ولكني متوقع حذفه .. أخي الكريم .. ألا تسأل نفسك لماذا توقعت حذفه .. هذاأمر خطير أخي الحبيب .. إن تكميم الأفواه أمر نفر منه جميعاً هنا حيث الحريةوالديمقراطية المنشودة .. هنا ساحة الحوار الجرئ الهادف .. أنا أقول لك يا أستاذاشرف وأنا متأكد أنك تصغرني وقبلت أن أكون تحت إدارة شاب يصغرني في السن .. ولمتشكل لي مشكلة في يوم من الأيام .. صدقني يا أخي الكريم .. إن من دواعي الملل والهروب والكراهية .. الإحساس بعدم القيمة .. والصلاحيات التي تعطى للمشرف أو الإداري أنتم من تمنحونها .. وأنتم من تأخذونها .. وأنتم من توقفونها .. ولكن الحق أحق أن يتبع .. والإدارةكان يجب أن تجتمع لاتخاذ قرار بشأن عضو مهما كان عمره .. أهان مشرفة لدينا .. إهانة .. مقصودة او غير مقصودة .. ولكن الإهانة وقعت .. فأين الموقف .. لقد قلت أن حقها سيأتي .. وأن الموضوع بينك وبينها .. لا يمكن أخي الحبيب .. لقد فتحت المشكلة أمام الجميعوكلنا نريد أن تقر أعيننا بعودة الحق لأصحابه .. فهيا يا أخي .. ماذا ستفعل ؟ قرأعيننا بقرار منك .. طالما كل الصلاحيات بيدك.. والمركزية في الإدارة هي شعارنا .. نحن في انتظار إما حذف مشاركتي أو أن تقر أعيننا بعودة الحق .. دمت بخير.. __________________________________________________ _________ والحمد لله كان رد استاذ اشرف كالتالي __________________________________________________ _________ السلام عليكم بناءا على نظام المركزية واللامركزية وعودة حق ترافيل اولا لن يتم حذف ردك ثانيا سيتم رفع الاشراف عن الاستاذ عادل وبدونوقف للعضوية رابعا انتهى الكلام بعد كلامك __________________________________________________ _________ والحمد لله تم غلق الموضوع .. وانتهى الملف دا والمشكلة دي ولله الحمد ودا كان آخر رد ليا واتقفل الموضوع الحمد لله __________________________________________________ _________ الحمد لله ربنا يهدي الجميع ربنا يهدي الجميع يارب كل العقدتتحل قولوا آمين وبكدا الموضوع انتهى وهنقفله :) __________________________________________________ _________ ما هو رايك الشخصي عما ما بدر من المشرف؟ رأيي .. انه فعلا لو كان كلامه صح اولا احنا لا نقبل بجود حد مش كويس معانا ثانيا كون انها وصلت للاشراف دا يدل على انها شخصية محترمة وكمان على القسم العام يعني ليها قدرة على التخاطب مع الجميع كبير وصغير واكيد عارفة كويس ادب الحوار وادب التعامل وحاجة ثانية تمسك كل الناس بيها ورفض استقالتها اكبر دليل على انها انسانة محترمة عجبتني اوي الكلمتين دول والي قالهم الاستاذ شريف: اعتقد ان السن مالوش اي علاقة بالموضوع فكم من كبير السن خاوي الوفاض لا يملك حيلة و لا يهتدي سبيلا و كم من صغير السن قاد جيوشا و حرر عقولا ...... !! ______ حتى توقيع المشرف الي قال الكلام دا .. ياريت كلنا نعدي عليه .. هنلاقي تناقض بين الي اتقال وبين التوقيع غير انه قال عليها الكلمة الي مش عاوزة اقولها تاني قال عليها طفلة حتى لو هي طفلة كما يقول بتهيألي والله اعلم المفروض الانسان الكبير العاقل ( يهتم برأي الكل ) الصغير والكبير .. اتمنى الوضع يتغير والتعامل بينا وبين المشرفين الي اكبر مننا او اصغر مننا اسمى من كدا بجد لو دا حصل كل المشاكل هتتحل .. ودا لا يمنع ان الصغير لازم يتحرم الكبير .. بس اسوأ شئ بجد انك تلاقي الي يقلل من شأنك ومن رايك بيكون احساس وحش جدا وبيخلي الشخص الي قدامك يفقد الثقة في نفسه دا رأيي المتواضع :) ماذا تحبي ان تقولي لادارة المنتدي في اخر اللقاء الادارة .. والله انا بس عاوزة اعقب على حاجة بسيطة ان رجوع اسلام عضو عادي .. دي كارثة ولله الحمد .. لان بتهيألي اسلام كان ليه جهد واضح جدا وملموس في المنتدى والسادات قالها .. الواحد بيحس انه مرتاح لان اسلام نابئ للادارة لانه ماسك الشغل الكويس .. المهم اولا احب اقول لاستاذ اشرف .. ربنا يهدينا ويهديك :) وخير الكلام ما قل ودل بالنسبة لينا بقى عاوزة اقول كلمة لينا احنا الاداريين ( لنا الله ) بجد ( لنا الله ) اكيد انتوا فاهمين قصدي .. لاننا مستحملين كتير اوي والله سواء كلام او انتقاد او شغل .. واحنا مش مجبورين على حاجة زي كدا ولا مستنين مقابل الحمد لله .. ومع ذلك لحد دلوقتي بسأل نفسي ايه الي مصبرنا ؟؟ سؤال منطقي صح ؟؟ اخيرا احب اشكركم جدا على الفكرة الرائعة دي وانا سعيدة جدا باللقاء .. و الى الامام دائما دمتم بود :) _______________________________________ ولكن كنا نريد نعرف منها المزيد ولكن وضعت يديعها علي عدست الكاميرا وقالت بلغه عاميه ( وقف التصوير ...وقفالتصوير) وهرعت الي سيارتها ولم يتبقي لنا في مرمي اعيننا سوي غبار سيارتها التي اندفعت بقوه
المراسل : بسم الله الرحمن الرحيم هل تسمعني استاذي محمد :) المذيع (انا):): نعم اسمعك بوضوح اخي الفاضل .. قل لنا ما هي الاستعدادات التي اتخذها فريق الشباب والرجاله للفوز بالمسابقه المراسل: نعم نعم ... في انفراد حصري لنشرتنا فقد عرفنا التدريبات القصوي التي تعرض لها متسابق اليوم ايمن فقد تعرض لضغوط نفسيه لا تطاق وبعض جلسات الكهربه البسيطه ومواقف محبطه ايضا وقد تركناه وهو يماريس رياضة اليوجا الغريبه الي مبيركز منها عشان في ذباباه رخمه رايحه جايه قدامه المذيع: نعم نعم ....شطرا مراسلنا الكريم وابقي داخل صفحات موضوع المسابقه لتنقل لنا اخر التطورات للمسابقه المراسل: بالتاكد ان شاء الله كان معنا مراسلنا من القسم العام انتظرونا مع اخبار جديده وحصريات وانفرادات وتغطيات شامله (((بث تجريبي للقناه ))) |
جميله اوى النشره ....(لو ردى مكانه مش هنا او انتوا مش عايزين ردود ممكن تحذفوه )
|
اقتباس:
مش لما اجيب عجلة الاول يا محمد :romarioxp6: ههههههههههههههههههه مااااااااااااااااااااااااشي شكرا على التقديم الرائع بجد |
بالتوفيق إن شاء الله
و مستنين النشرة التانية بس مش عايزين كروتة عايزين أدق التفاصيل و ياريت عن الحتة دي اقتباس:
مافيش أعلي من سلطة الصحافة بقي :):):):) |
اقتباس:
تحفة بجد النشرة ميرسي ع الفكرة والتقديم كمان بعيدا عن المشاكل الكتير اللي ف النص دي اللهم ابعد عننا المشاكل :d |
جميلة اوى النشرة الفكرة جامدة اوى
و التقديم كمان تحفة شكرا ليكم و للمراسلين اللى بيراسلوا من اهدى مكان فى المنتدى |
عجبنى اوى شغل مراسلى الاخبار بس يا محمد انت مجبتش تان ل ترفيل ليه :( بس كمل كمل بالنسبة لاسلام واستقالته دى مش استقاله دى اجازة شوية راحة اعصاب يعنى ده اللى عرفتوا :d |
استقالة اسلاااااااام
امممممممممم ماشي لو عاوزين تفاصيل الموضوع قولوا واحنا نخليه في الحوار القادم ان شاء الله :) طبعا بعد موافقة المراسل الكبير محمد ناصر :) |
اقتباس:
خليها المرة الجاية:078111rg3: |
ههههههههههههههههههههههههههه حلوة اوي علي فكرة بس مش عارف عندي احساس انه هيروح القسم اللي جنب علي بابا علي العموم موضوع جميل من اشخاص اجمل و دمتم في رعاية الله
|
لا لا
صلي بس انت على رسول الله يا شريف وكله خير ان شاء الله ومش في حاجة هتتشال هيفضل هنا لان احنا الي عملناه واظن مش في اي مخالفة فيه :) ولا ايه رأيكم ؟؟ |
بسم الله الرحمن الرحيم
اسعد الله صباحكم اعضاء منتدانا الكرين هذه النشره (اسبيشياال):) من نوع خاص قابلت فيها اليوم نائب الاداره السابق (جايد)او المرشد بعد تلقي النشره ايميلات من الاعضاء تتشوق لمعرفة سبب ترك العضو (جايد) (المرشد) انفردنا معه بهذا اللقاء الخاص نزلت بنفسي الي الاهرامات مقر عمل (المرشد) بعد تركه الادراه واخذته من وسط السياح وانفردت معه بهذا اللقاء الخاص المذيع (للمره التانيه بقول انا ):): السلام عليكم يا اسلام المرشد (اسلام) : وعليكم السلام المذيع : شكرا لسعة صدرك معانا في البرنامج . المرشد : لا شكر علي واجب وانجز واسال عشان الجو حر خلقه المذيع : احم ... حسنا ما هي الاسباب الخفيه التي وراء تخليك عن منصبك في الاداره؟ اسلام: والله السبب ان في جمله اتقالتلي من احد الاعضاء . المذيع : ممكن نعرف ايه هيه الجمله دي اسلام: (( اسلام من ساعة مامسك الاداره وهو اتغير)) المذيع: هل تركت الاداره لتيقنك الكامل من صحه هذه العباره ام تركتها عشان تريح دماغك من الكلام ؟ اسلام : عشان اريح دماغي من الكلام وعشان برضه اثبت لنفسي انها متفرقش معايا! المذيع: وهل اثبت لنفسك فعلا انها متفرقش معاك؟ اسلام : اها , وكده انا مرتاح المذيع : وما مدي مصداقيه الاشاعه الي بتقول ان احد الاعضاء اقنعك بالرجوع ؟ ( رد عليا بالايموشن الي بيطلع علامه استفهام من بقه):d المذيع: يعني انت بتعترف انها مش صحيحه؟ اسلام : اها المذيع : تحب تقول كلمه اخيره للاداره؟ اسلام : حسبي الله ونعم والكيل المذيع : بنشكرك يا اسلام لتواجدك معانا في البرنامج اسلام : العفو يا محمد وبعد كده اسلام ركب الجمل وسابني لوحدي لايص في الصحرا ومعرفتش اروح ازاي للمنتدي :stickjo4::angry2: بس للاسف سابني وراح للسياح تاني يلا مش هنبصله في لقمة عيشه :d (((بث تجريبي))) |
تماااااام الله ينور
بتهيالي كدا الناس ارتاحت وبتهيالي النشرة دي هتخلينا كتاب مفتوح قدامكم ان شاء الله حلوة بث تجريبي دي يا محمد :d استمر ربنا معاك:d عقبال ما ترجع بالسلامة من الصحرا ان شاء الله في انتظار النشرة القادمة بس ايه اسعد الله صباحكم دي العشا قرب يأذن :d |
تصدقوا بالله الموضوع ده أحسن موضوع في البوابة كلها بشبابيكها وبيبانها "حلو شغل النجارة ده مش كده " أنا أكتر حاجة كانت بتخنقني إني أبقي أعد زي الأطرش في الزفة ولما أجي أتكلم يقولك أسباب إدارية :mad::mad::mad: و ياريت يكون فيه بريد عشان في حاجات كتيييييييييييييييييير نفسي أعرف مصيرها :049gc0::049gc0::049gc0: وبلاش الإبتذال وتقول مفيش غير مكالمات وسعر الدقيقة جنيه و نص شغل الإعلانات ده إحنا دفنينوا سوا هي كبيرها رسالة خاصة يا حمام :d:d:d:d:d:d و بجد ياريت فعلا الموضوع ميتفسحش :redface::redface::redface: يلا سلام أنا هنزل أصلي و أطلع أعد مع حضرت الظابط أصله لسه جاي من الكلية سلاااااااام :078111rg3::078111rg3::078111rg3: |
لا يا باشمهندس سعر الدقيقة عندنا هيبقى
2 جنيه :d |
مبروك يا جماعة على القناة الإخبارية الرائعة دي ويارب يبعد عنها الإرهاب يا رب .. بس مصادر الأخبار عاوزينها أكتر انتشار في المنتدى في كل ركن وف كل جيب عضو من الأعضاء ..
|
اقتباس:
ههههههههههههههههههههههههههههه الله يجازيك يا محمد انت و اسلام ههههههههههههههههههههههههههههههههههه بجد موضوع جميل جدا متابع و ياريت يا محمد تبقي تجيب الحاجات الغامضة دي علي طول بس هو المستمعين يقدروا يستفسروا عن الاخبار يعني ميقدروش يسالوا فيها ؟؟؟ منتظر ردك اقتباس:
ماشي علي العموم متابع معاكوا في امان الله |
دا انت منورنا والله يا شريف
وانا سعيدة ان الموضوع عجبكم والله ومنورنا يا استاذ احمد مرور حضرتك اكييييييييد شئ رائع بجد وكفاية ان حضرتك اكتر واحد متابع مواضيعنا ربنا يكرمك بجد حضرتك فعلا شخصية محترمة جدا |
اقتباس:
عاوزين خبطات صحفية نااااااااااااااااار أنا مش شر ولا حاجة .. بس مغامر شويتين ربنا يوفقكم |
فكرة حلوة اوى . جميل انك تكون عايش فى قلب الحدث وانك تتابع اخبار المنتدى اول باول . شكرا لصاحب الفكرة الجميلة
|
ان شااااااااااااااااء الله
الموضوع دا هيكون بمثابة حلقة الوصل بين الاعضاء وبين الاسباب الادارية تابعونا وكل خير ان شاء الله هنتوقف كلنا هههههههههههههه |
تم اختراق القناة من قبل ...............
بجد فكرة كويسة بس بطلب من المذيع يقول الصراحة كلها مش يقول مقتبسات لان اهم حاجة فى النشرة هى المصداقية والا هتتقلب لنشرة اخبار التاسعة المصرية |
ههههههههههههههههههههههههه
ماشي يا محمود هنرفع الطلب المهم دا لرئيس القناة ان شاء الله واتتظروا الخبر العاجل في تجديد في الموضوع ان شاء الله انتظرونا .. |
عمل ممتاز جدا
وبالتوفيق للجميع |
عاجل: بلغني أيها المنتدى السعيد ذو الرأي الرشيد أنه في سالف العصر والأوان في مكان على شبكة الانترنت كان منتدى يدعى بولوتيكا سنقص عليك كل يوم منه حكاية والذكي من يعرف الغاية بعد أن نصل النهاية وهذه هي حكايتنا الأولى لا تخف هي ليست عن أم الغولة في ذات يوم في منتدى بولوتيكا فوجئ العضو ميرسيكا بأنه موقوف ولا يعرف سببيكا فأخذ يجول ويحاوليكا واتصل بمشرف إداريكا ومشرف سوبريكا وبعض الفحص والمحصيكا عرف أن السبب ولا مجال للعجب أنه أرسل رسالة لعضوة مبجلة فعالة ظن أنها ولديكا مش بنتيكا وطلب منها الايميليكا راحت نشاه شكويكا عند الإداريكا واتوقف يا عيني ميرسيكا وبعد إثبات حسن الظن انتهى الحزن واتشال الوقفيكا ورجع تاني ميرسيكا لمنتدى بولوتيكا وقال والله حرمت ابعت رسايل لبنت أو راجل احسن اتوقف خالص وكده الحكاية انتهت خالص مع السلامة يا ويكا وإلى اللقاء المتجدديكا مع حكاوي منتدى بولوتيكا مع تحياتي المذيع ( ثالث مره بقول انا )واستاذي نجم المشاعر:) (((بث تجريبي))) |
عاجل بناءً على طلب الباشمهندس محمود (sai) والي هو فتح بريد للموضوع قررنا فتح بريد للموضوع وهنتلقى فيه استفساراتكم او اي شكاوي تحبوا تنقولها لينا عشان نلقي الضوء عليها وان شاء الله هقوم انا بتولي حكاية البريد دي .. وهحاول اجاوب عليها ان شاء الله ثم اقوم بتحويلها للمراسل ورئيس القناة الاستاذ محمد ناصر عشان يقوم بطرحها في موجز الانباء ان شاء الله :romarioxp6: ودمتم بود :) |
اقتباس:
|
اقتباس:
جزاك الله خيرا على المشاركة معانا بجد منورنا والله:) |
طب بقي فضو صندوق البريد عشان هيتملي علي أخره إن شاء الله :049gc0::049gc0: بس لما أطلع من الصلاة "ياما كان نفسي من زمان" :stickjo4::stickjo4: |
يلا مش حارمينكم من حاجة اهو افرحوا يومين قبل ما نتوقف:006et4: |
الموضوع جميل جدا
مكنتش متخيله انه هيكون حلو كده ربنا معاكم ويوفقكم ومتااااااااااااااااابعه |
اهلا بيكي معانا يا مروة :)
منورانا اكيد يا قمر |
مواضيعك الحلوه كترت يا محمد كده خطر عليك:d
انا عايزك يا محمد ابقى كلمنى على الايميل |
موضوع رائع
ربنا معاكم |
اه ارقي نفسك يا محمد كدا خطر عليك فعلا
انتظرونا مع اول بريد ان شاء الله في نشرة اخبار المنتدى :) |
ما شاء الله الموضوع فعلا جامد
ومش هعلق على حلقة حلقة لانهم احلى من بعض خصوصا اخر مشاركتين بواسطة محمد ناصر ونجم المشاعر استمر في رعاية الله |
متابعة جدا
جزاك الله خيرا |
بسم الله الرحمن الرحيم
اسعد الله صباحكم اعضاء منتدانا الكرام طبعا مشرفتنا الاداريه همس امبارح اعلنت اننا فتحنا خدمة البريد وهي بصراحه اعلنتها بعد ما قولتلها بساعتين وشكلها هتروح من النشره بدري بدري :stickjo4: طبعا العضو sai لما صدق اننا فتحنا خدمة البريد وراح ملبسنا في اربع اسئله انما ايه (عجبي) وده بيدل علي كبته الفضولي وشغفه لفك شفرة ( اسباب اداريه ) ومع اني محذر همس انها متستقبلش او ترد علي اي اسئله من غير فلوس :stickjo4: وده سبب تاني تخليها تروح برضه بدري بدري:) هتوحشينا يا همس :) تحذير بسيط كده ممنوع تلقي اي رساله بريد من قبل المشرفه الاداريه همس بدون دفع الرسوم التاليه 0.1 ضريبه ملاهي 0.4 رسوم تنميه وخمسه جنيه تمن الرساله عشاان انا بجري ورا كوم مراسلين في المحطه وممكن يروحوني بدل همس لو الفلوس مندفعتش :d وكان اول بريد معانا بيسال فيه العضو sai هو : هو اول سوال ابتداه برخامه بس عادي :) 1-هو ليه الأسطورة رجع عضو تاني"المشكلة يعني " 2-نفس السؤال عن أحمد رضا بص انا هقولك حاجه (طبعا انا حذفة كلمة حضرتك الي كانت همس كاتباها عشان للاسف مدفعش الفلوس):) نفسي كل الاعضاء تعرفها استاذ اشرف في حاجات مش بيقولنا عليها .. يمكن ماشي بمبدأ المساواة ... عشان كدا تلاقي في اسئلة احنا مش قادرين نجاوب عليها ومش عارفين نقولكم ايه فيها .. بالتالي الاعضاء او بعض الاعضاء متهمة الادارة انها مش كويسة وفي بالهم اننا عاملين زي اشرف ومش عاوزين نقول وخلاص .. ومش قادرة اعرف مين وصلهم الاحساس دا لحد دلوقتي .. للأسف هقولك مش عارفة ولا حد فينا يعرف و"من قال لا اعلم فقد افتى " انا اذود حته بقي من نفسي واظن انا رئيس القناه : طبعا انا مسبتش الموضوع يعدي بالساهل رحت عامل حوار مع الاسطوره وكان كلاتي ( طبعا الاسطوره بعد ما ساب الاشراف الاداري راح اشتغل تبع جيش الرومان والمعروف ان الاسطوره مبيبقاش ليها زمن معين والله يسامح الي خلاني ارجع بالعصر لورا ( او المغرب مش فاكر) :) عشان بصراحه انا اخدته من وسط الحرب ) المذيع : السلام عليكم .....ازيك يا اسطوره الاسطوره : انا تمام والحمد لله بس انا كمان خمس دقايق هسئلك انت كويس ولا لا عشان لو خسرنا هخلي رجالتي ططحنك المذيع : احم ..احم هحاول بس اوعي تعمل فيا كده:giljotiiniug3: المهم انت تعرف ايه هيا الاسباب الي خلتك تترفع من الاشراف الاداري في عصر الالفيه الثاله عشان متلخبطش الاسطوره : للاسف والله العظيم معرفش لغاية دلوقتي ايه هيا الاسباب المذيع : متحلفش يا راجل مصدقينك هو انت شويه بصراحه معنديش اسئله تاني تحب تقول ايه للاداره الاسطوره : عاوز بس اسلم علي حبيبي اشرف المذيع :اوعدك انه هيوصل بس متسالنيش انت كويس ولا لا عشان مش عاوز اموت . طبعا مردش عليا ومشي بالموكب وكالعاده سابوني برضه لايص وسط المعركه وشكلها هتبقي ظاهره وده ميلقش برئيس قناه زي لازم نعين حد يختص بالحكايه دي وكده يا اعضاء منتدانا العزيز جبنالكوا الاجابه من فم الاسد لتبقي الاجابه مدفونه مع لغز غرق عبارة السلام السؤال الثاني 3-بالنسبة للمجموعات الإجتماعية أنا عارف إن أشرف قال أسباب إدارية بس إيه الأسباب دي أنتوا قلتوا إن مفيش أسباب إدارية بعد كدة مين قال مش في اسباب ادارية .. تقدر تقول اسباب اشرفية والله اعلم بس انا كل الي اقدر اقوله المجموعات دي عاملة انقسام في المنتدى بالتالي عدمها كان احسن وانا شايفة اننا نتجاوز الحتة دي .. طالما كلنا مع بعض هنا وهو دا الشئ الي احنا عاوزين نوصل ليه .. اننا نكون كلنا مع بعض .. خلاص يبقى مش في داعي نزعل عشان المجموعات الاجتماعية .. ونتجاوز الموضوع دا .. وفي حاجات كنت عايز أسئلها لأشرف أو مشرفة الأقسام الإسلامية مش بردو المواضيع تبع السنة لو الموضوع فيه موسيقي يبقي مخالف ولا لأ واخر سؤال برضه ختمه برخامه لا ده انت قاصد بقي :d طبعا انا مش فاهم سؤالك ولا انا ولا همس ياريت توضيح وانا شكلي هستعين بصديق ليا رئيس قناه برضه عقبال متفهمنا سؤالك شكر خاص جدا للعضو sai علش مشاركته معانا وشكر خاص جدا جدا بجد للعضوه همس علي الاجابه للاسئله وانتظرونا مع الفقرهالجايه وبعنوان يحكي ان : وده نص للتعريف بيها اقتباس:
كان معكم محمد ناصر من من داخل معركة الرومان وللاسف مش عارف اطلع ادعوليييي (((( بث تجريبي )))) |
حلوة والله النشرة دية بس متجبوش سيرتى فيها
ومتباعة ان شاء الله |
هههههههههههههه
ااااااااااه انا فعلا تأخرت لان جالي استدعاء عاجل جدا من ماما ربنا يديها الصحة وطولة العمر لان كنا رايحين مشوار ولو كنت رفضت مش كنت هعرف انزل الخبر العاجل دا لا بعد ساعتين ولا بعد 5 ساعات حتى :d استمر يا محمد :) بجد موضوع تحفة وتقديمك رائع:) |
| جميع الأوقات بتوقيت GMT +2. الساعة الآن 12:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.