احبتى الكرام ....


_ سلام الله عليكم ورحمته تعالى وبركاته..

_ ان صفحة الادب والشعر من احب الصفحات الى قلبى وقلب كل من يصادق القلم وجدانه فيخطوا

بما ساور فكره ومشاعره من خواطر حب واشجان وعتاب وغير ذلك من المشاعر الانسانية...

ونحمد الله ان كل منا هنا يقرا ويعى اناشيد فؤاد اخيه وزميله الاخر الذى يخطها لنا على صفحتنا العزيزة

هذه ولسنا كمن قال عنهم شاعرى المفضل وصديق روحى ابى القاسم الشابى...


_ يا صميم الوجود كم انا فى الدنيا ... غريب اشقى بغربة نفسى

_ بين قوم لا يفهمون اناشيد .......... فؤادى ولا معانى بؤسى


_ فالشعر يا احبتى تاجا يكلل راس صاحبه ويمنحه فخرا وشرفا ويجعله ملكا على عرش الكلمات محاطا

باجراس الموسيقى والاوزان لذا يجب ان تعلموا ان من يكتب الشعر انسانا مختلفا يمتلك مشاعر اكثر رقة

وعذوبة من الاخرين انسان اختلطت مشاعره بمعانى الكون الجميلة فاخرج لنا كلمات اسعدتنا

لذلك فكرت ان اقدم لكم ليس موضوعا وانما ساسميه بر نامجا فكرته قائمة على اختيار احد الاعضاء ممن

يكتبون الشعر واقدم لكم نبذة مختصرة عنه ثم ياتى واتحاور معه بطرح اسئلة يجيب عنها جميعا

ستكون هذه الاسئلة ايجابية تمكننا جميعا من الوصول الى فكره ووجدانه وسنغوص معا فى بحر افكاره

لنستخرج منه لآلىء شخصيته الشاعرة ..

وستاخذ الاسئلة مراحل اى فقرات .........

_ الفقرة الاولى .. (الاسئلة العامة).. عن مفضلاته واهتماماته وحياته العامة.

_ الفقرة الثانية ..( المفاجاة ) يسال العضو ( الضيف) من قبلى سؤالا مفاجاة لا يتو قعه وسيجيب عليه.

_ الفقرة الثالثة .. ( الاعتراف ) سيجلس الضيف معى على كرسى الاعتراف ليعترف بشىء ما ( ايه هو محدش يسالنى دى اسرار البرنامج)

_الفقرة الرابعة ..(الارتجال) .. سيرتجل الضيف معى ابيات شعر احدد انا مواقفها واوزانها وهذه الفقرة

ستوضح مدى تمكن الشاعر واجادته للشعر .

_ الفقرة الخامسة ( باقة ورد ) .. سيهدى العضو باقة ورد لشخص عزيز عليه ويتمنى له امنية سعيدة .

_ الفقرة السادسة والاخيرة ( التكريم ) .. ساحيى العضو واكرمه بمنحه لقب شعرى يحتفظ به على صفحة

الشعر ( والالقاب دى شغلتى بقى هههههههههه )

اتمنى ان تنال فكرتى هذه اعجاب الجميع واتقبل اى استفسار منكم او ترشيحاتكم للاعضاء

على الاميل الخاص بهذا البرنامج وهو .... thekindangel@hotmail.com

او على الرسائل الخاصة

وانتظروا اولى حلقات البرنامج واول حوار مع اول شاعر

مين هو ........... لسه هنعرف

اليكم خالص تحياتى

والى اللقاء

احلام (نغم البحر).

لالالالالالالالالالا جميل يا احلام بجد رهيب جدا موضوع رائع بكل المقاييس وياريت يتثبت بجد

وربنا يوفقك في الموضوع ننتظر من هو اول من يجلس على الكرسي ويتوج بتاج المسابقة الجميلة

ميرسى يا مهرة يا حبيبة قلبى وهديتك مقبولة وتاج على راسى

وكمان ميرسى ليك يا محمد على التشجيع ده

ربنا ما يحرمنيش منكم ابدا .

فكرة طبعا رائعة يا نغم

احبتى الكرام ...


سلام الله عليكم ورحمته وبركاته..

_ يسعدنى اليوم ان اقدم لكم ضيفى الاول فى البرنامج

_ وضيفنا هو شاعر مدلل من مواليد 1_10_1989 برج الميزان.

_ هو شاعر جميل ذو احساس مرهف اسعدنا كثيرا بكتاباته الشعرية التى نالت دائما اعجاب الجميع

_ شاعرنا اليوم هو الشاعر الدلوع .. ( محمد البرى )


... فتابعونا..[COLOR=purple]

يا ريت تكملي الموضوع يا نغم الموضوع كويس جدا


س مععلش انا مش هقدر أكون الضيف الجاي



لاني مشغول شوية


السلام عليكم

_ الاول برحب بيك يا محمد فىالبرنامج وبجد نورتنا ...

السلام عليكم ورحمة الله وبركاته


لي الشرف العظيم ان اكون ضيف لكي اختي احلام وشكرا لترحيبك بيا والنور نور صاحبة الموضوع انتظر الحوار

فى الواقع يا محمد النور نور الكهربة ههههههههههههه

استر يا رب المهم يللا مستعد جاهز يا بطل ؟؟؟؟؟؟؟؟؟

اوكى انا جاهز ومستعد للجلوس على الكرسي بس بليز براحة عليا انا غلبان :lol:

ههههههههههههه ماشى يا جميل

يللا هنبدا الفقرة الاولى فى برنامجنا وهى فقرة ( الاسئلة العامة )

..السؤال الاول..

_ هواياتك ايه يا محمد؟؟؟؟؟؟؟؟

الحمد لله يعني هوايتي كتير بس هقول الاهم يعني


كرة القدم & كرة اليد & كتابة الشعر والخواطر & بلا شك القرأة & الانترنت & الصيد

جميل يللا السؤال التانى ..

_ ايه اقرب لون لنفسك؟؟؟؟؟؟

احب اللون الابيض لانه يدل على الصفاء ويعطيني الاحساس بالامل

اللون الازرق لانه لون السماء بيجعلني اسبح في عالم من الاحلاو والخيال


وانا بعشق اللون الازرق بدرجاته كلها

يا جامد ولا اللى قاعد ع البلاج هههههههههههههه

استلم اللى بعده السؤال الثالث..

_طموحاتك ايه فى الحياة عامة ؟؟؟؟؟

طموحاتي يااااااااااااه انا هختصر كتير

اولا امنيتي اني اكون دكتور جراح مخ واعصاب دي العلمية اتمنى اني اكون ذا شهرة موش لذاتي لا والله بس لكي اثبت اننا العرب المسلمون لدينا القدرة على اخراج جيل جديد يعلم الغرب كما كان يحدث قديما


اتمنى اني اعيش في انكلترا او فرنسا

اتمنى اني اكون صاحب قلم محبوب له تأثير على قلوب الناس يعني

اتمنى اني ارد جزء من اللي قدمته بلدي ليا نفسي اشرف بلدي واشرف ديني

ربنا يحقق لك كل طموحاتك واحلامك ونشوفك زى الدكتور مجدى يعقوب كده..

السؤال الرابع..

_ فى بيت شعر لاحمد شوقى بيقول ..

_ ويد الضرير وراءها عين ترى _


علق على البيت ده؟؟؟

هههههههههههه لا لا لا بدأنا ندخل في الاسئلة الجامدة اهو


اقول التعليق اللي بشعر بيه ربما العين المقصود بها ان الله سبحانه وتعالى مطلع على كل شئ ودا يدل على ان شوقي كان له نزعة دينيه والله اعلم بس صراحة اول مرة اشوف البيت دا انا قريت ليه كتير بس اول مرة اشوف البيت دا :lol:

ماشاء الله انت فعلا جبت وصف لشوقى لانه كان فعلا يملك نزعة دينية.

وهو بيصور ان الانسان الضرير يديه ترى طبعا ده تشبيه مجازى يدل على قدرة الله

زى ما بيقولوا ربنا يقطع هنا ويوصل هنا.

السؤال الخامس ..

مين المطرب او المطربة اللى لما بتسمعه صوته بياثر فيك

وايه اكتر اغنية بتحبها؟؟؟؟؟؟؟؟

اقولك انا بحب مغنيين كتير بس انا قللت من الاغاني يعني بس اقول طبعا العملاق

عمرو دياب

الاغنية طبعا تملي معاكــ

اها نسيت المطربة شيرين

اغنية على بالي

ماشى يا عم ربنا يوعدنا بشجرة م اللى كانوا فى الكليب هههههههههه

السؤال السادس...

_ عايزاك دلوقتى حالا تغمض عينك وتوصفلى خيالك راح لفين ولايه؟؟؟؟؟؟؟؟

شيرين دى حياتى انا بقى بالذات الغنوة الجديدة انا مش حفضل فعلا اغنية على نفسى...

اممممممممممممم غمضت حلمت صحيت اصطدمت بواقع مرير

حلمي اني أصلي في المسجد الاقصى يوما ودا حلم عمري بعد زيارة بيت الله الحرام


امنيتي الاولى والاخيرة اني اموت شهيد في سبيل العلم او في سبيل الله والثانية اجمل اكيد

الله شعور جميل منك اللهم ارزقنا صلاة فى المسجد الاقصى وارزقنا موتة هنية ..

السؤال السابع..

_ تخيل نفسك رسام فى ايدك فرشاة وادامك شاسيه ( اللوحة الجلد قبل ما يترسم عليها اى شىء)

هترسم ايه؟؟؟؟؟؟؟؟؟؟

ارسم حاجتين

علم مصر علم بلدي اللي نشات فيها وشربت من نيلها واستنشقت هوائها وادعي ربنا اننا نطلع من الازمات اللي بنعشها دلوقت


الصورة التانيه ارسم قلبي والحب سكينا قد اخترق قلبي او قفصا اصبح فيه القلب كطائر سجين

يا عينى ع الانتماء والمشاعر الجميلة حقيقى انسان يا محمد

السؤال الثامن ..

_ ايه اكتر منظر طبيعى بتحبه وبياثر فيك؟؟؟

امممممممممممم فيه منظر رهيب

اني احضر غروب الشمس في منطقة مليئة بالورود قدام نهر او بحر وجنينه كبيرة واسعه وطيور مختلفة الالوان وفراشات جميلة تستنشق رحيق الورود

ويااااااااااااااااااااه على اشعة الشمس الدهبيه لما تنزل على مياه النهر ياااااااااااااه منظر رهيب يثير الوجدان ويحرك اتنين القلب والقلم اما لرسم او لكتابة

خيالك رائع وزاخر بالكثير ..

السؤال التاسع..

_ علاقتك ايه بالاطفال ؟؟؟

بتعشقهم .. عادى .. مافيش بينكم تآلف؟؟؟؟؟

انا بعشق برأة الاطفال اجد في عينيهم ذكاء شديد حب استطلاع وانا بحب الاطفال جدا وبحب اني اشيل طفل بين ايدي اضمه لصدري احسسه بالامان ودا شعور جميل جدا

اوك السؤال العاشر والاخيرفى الفقرة دى


_ اخبار قلبك ايه؟؟؟؟؟؟؟؟؟؟؟ ايه؟؟؟


مجروح .. خالى ... بيحب ؟؟؟؟؟؟؟؟

هههههههههههه ايه بأى دا

طيب هجاوب بصراحة

اممممم انا بحب واتمنى ان الحب دا يكمل بحب انسانة يعني يعني موش هقول لدرجة الجنون بس بجد بحبها جدا

ربنا يسعد قلبك يا رب ..


ودلوقتى .. اعزائى المشاهدين هننتقل الى الفقرة التالية

( المفاجاة ) فتابعونا..

ورجعنا لكم ومعانا سؤال مفاجى ..

يللا يا محمد ..


_ لو مكنتش انسان كنت تتمنى ربنا يخلقك ايه ؟؟؟؟؟؟؟؟؟ وليه؟؟؟؟

لو مكنتش انسان كنت اتمنى ان ربنا يخلقني طائر اشدو بلحن الحب في اعالي السماء اطير من مكان لمكان انشر معاني الحب والوفاء اقهر كل شئ بالطموح والكبرياء

ياااااااااااه بس الحمد لله اني انسان برضو :D

والله يا محمد كنت متوقعة ردك ده هههههههههههههههههههه

ويللا بقى يا جميل يا اللى لسه منورنا برضو هنروح لفقرة ( الاعتراف)


اطلع ع الكرسى وقر واعترف وقبل اى شىء هنقول شعارنا

_ ضيفى قل الصدق ولا تخش قول لائم

_فالصدق تاج فوق راسك ومن يلومك ظالم ..


يللا يا محمد اول اعتراف

_ مين اكتر شخصية مكروهة فى الدنيا بالنسبة لك؟؟؟؟؟؟؟؟؟

صراحة انا بكره اتنين كولن بول وجورج بوش بكرههم كره العمى دول على الصعيد الخارجي


جوا مصر يعني لو قولت الحكومة تلات ارباعها بكرهها وبعتبرها انها السبب في كل المشاكل اللي احنا فيها دي

حلو دخلنا فى السياسة وربنا مايخيبنا خيبة الحكومة ههههههههه

الاعتراف التانى ..

موقف حصل لك فى حياتك ولما بتفتكره بتندم عليه؟؟؟؟

موقف حصلي في حياتي وندمت عليه امممممممممممم


اني كنت بحب مواد معينة في الثانوية العامة اللي اخرها كان السنادي طبعا وكان حبي ليها يخليني ازاكرها اكتر وتطغى على المواد التانيه وللاسف برضو انضربت فيها بس الحمد لله ع كل شئ

والحاجا التانيا اللي ندمت عليها اني في مرة زعلت صديق ليا من10 سنين بس الحمد لله كله تمام

شكرا لصراحتك معايا

ودلوقتى جات الفقرة الصعبة ( الارتجال ) يللا استعد..

البيت الاول


_ خئون العهد كم بت اسالك ... هل للخيانة اسباب وتعليل


يللا ارتجل عيله بنفس الوزن والقافية؟؟

خئون العهد كم بت اسالك ... هل للخيانة اسباب وتعليل

الم يكن قلبي لك محبا........ وكان الحب علينا شاهد ودليل

نعم لقد فهمت ان كل هذا الحب لم يكن الامجرد اقاويل

ها قد جرحت قلبي واصبح القلب من الجرح متعب عليل

لقد خنت خيانة العهد خيانة لم ارى لها مثيل

الله الله الله ماشاء الله كلمات بجد روعة

ويللا خد التانى..

_يا معذبى اوصدت باب قلبى عن الهوى ... وجعلت من مهجتى نشيدا لاحزانى ..

يللا يا شاعر ارتجل ؟؟؟

يا معذبى اوصدت باب قلبى عن الهوى ... وجعلت من مهجتى نشيدا لاحزانى ..

يا لبريق حبك الذي عن دربي القويم قد اغواني

يا لللشوق وما به من لوعة قالت القلب ابكاني

نعم لقد انتهت كل كلمات العشق والاغاني

نعم لقد ضاع من يدي الاحلام والاماني

لكني لا الوم فقلبي وحده هو الجاني

فان قلبك كان متكبرا وكان اناني

فيا لهذا الحب الذي في بصيرتي بالدنيا قد عماني

برافوا يا محمد احسنت والله

ودلوقتى جات فقرة باقة الورد

يللا يا شاعر هتهدى لمين باقى ورد وتتمنى له ايه؟؟؟؟؟؟؟؟

لالا دي صاعبة اولا في ناس ههدي ليهم الورد

اولهم طبعا لاعضاء المنتدى كلهم بالاخص طلبة الثانوية العامة الف مبروك ليكم بنتايجكم


الثانية اجمل باقة ورد مني لاخي الكبير هما اتنين حبيب قلبي البشمهندس زيزو والشاعر مساميدو


واحلى باقة ورد من اروع البساتين طبعا ليكي لموضوعك الرائع واسلوبك الاروع

يا راجل خلصت لنا باقات البرنامج ههههههههههههههه


ربنا يخليك يا محمد والله كم انت رائع ..

ودلوقتى انتهت الاسئلة يا احبائى

طبعا اكيد الكل استمتع بكلام الشاعر المرهف الاحاسيس محمد البرى

وشوفنا اد ايه هو شاعر رائع وانسان طيب وجميل جميل من جواه

قلبه مليان حب وفكره مليان معانى جميلة

ودلوقتى حانت لحظة تكريمه وطبعا كان لازم اختار له لقب يناسب مقامه الرفيع وشخصيته الجميلة

اللقب هو ............ ههههههههههه لا مش هقول استنوا شويا هههههههه

اللقب هو ..........(صديق الكلمات العذبة )

مبروك اللقب يا جميل وبجد اسعدنا وجودك ونورتنا وكنت ضيفزى العسل على قلبى وقلب الجميع

لقبك يا محمد هتحتفظ بيه على صفحة الشعر اى عمل تكتبة لازم تكتب لقبك تحته وممكن كمان تكتبه مكان رتبتك فى المنتدى مبروووووووووك.