|
تفاصيل اجتماع القناطر الخيرية (رحلة ادارية)
السلام عليكم
خلاص الاجتماع اتحدد موعده والاجتماع اجباري لكل من جاري كتابة اسمائهم ولا مجال للاعتذار نهائي اولا : اسباب الاعتذار : 1- ان يكون مقيم خارج مصر فقط فقط كمثال (محمد ناصر ) المشرف الاداري . 2- ان تكون بنت وفكرة الاجتماع مرفوضة في البيت لديها وليست مرفوضها منها هي . المطلوب القبض عليهم في الاجتماع : كل مشرف اداري غير تعليمي وتعليمي كل مشرف سوبر تعليمي وغير تعليمي كل موجه مادة كل مشرف قسم تعليمي وغير تعليمي نائبي الادارة انا والاستاذ عصام والاستاذ حسام لا يحق بأي شكل من الاشكال لاي مشرف كان التغيب تحت اي ظرف لاسباب التالية انه اليوم الاخير في اجازة نصف العام انه اللقاء الاول الذي سيجمع العدد الكبير هذا ويا جماعة لو سمحتم غيروا جدول الاعمال لديكم واعتبروا يوم الجمعة يوم لوجه الله لتحديد وتصحيح مفاهيم المشرفين والاعضاء وتحسين الوضع الحالي للافضل من سيتغب من التالي اسمائهم سيرفع اشرافه الا للاعذار السابقة الذكر : المشرفين السوبر الغير تعليمي المشرفين الاداريين الغير تعليمي نائبي الادارة انما ماليش دعوى يا سيدي بالناس بتاع الاقسام التعليمية ليضربوني لان اللي هيغيب منهم بدون الأعذار المذكورة يبقي مش عاطي لنا اهتمام ومش عارف يفضي لنا يوم في السنة علشان حتى نعرف بعض اكثر ونتكلم في كل مشاكلنا ونحلها المكان الذي سنجتمع فيه هو امام مبنى ماسبيرو على كورنيش النيل بأذن الله وهنأخذ مركب نهري لمدة ساعة حتى القناطر وهناك هنعقد كام ساعة نتناقش في اموار الموقع وهنرجع على الساعة 3 عصرا علشان اللي من بلد زي حالتي يقدر يروح في وضح الشمس موعد التجمع الساعة العاشرة بالتمام من امام ماسبيرو سنأخذ المركبة بأذن الله اليوم سيكون جميل وسنرفقه كل تفاصيله ايوه قبل ما انسى للعلم بقي الفرد بيركب في المركب في حدود 5 جنية رايح جاي كل واحد يعمل حسابه في الخمسة جنية بتاعه ايوه بس لو ربنا كرمني باي مبلغ محترم الايام دي قبل يوم الجمعة هشيل كل المصاريف غير كدا كل واحد يشيل تكاليفه وهيكون يوم اجتماعي ظريف ش |
اعمل حسابى هركب الى القناطر فقط لانى هروح مشى من القناطر لانها قريبة منى جدا
وبعدين اعملو حسابكم انتم انا عازمكم على ماء النيل الجميل وباى كمية منه خليها عليه هذه المرة |
اقتباس:
ما دام كدا نعزم الاعضاء بالمرة |
واخبار سرية جداااااااااااا
الاستاذ عصام جاي ومعاه الاسرة الكريمة والاستاذ حسام جاي ومعاه الاسرة الكريمة وانا بنسبة كبيرة جداااااااااااااااا معايا الاسرة الكريمة |
طيب وصلاة الجمعة ؟؟؟!!!!!! |
اقتباس:
|
رجاء من الأستاذ اشرف توضيح الجدوى من هذا الإجتماع بوضوح لأننا منذ أسبوع ناقشنا كل المواضيع المتعلقة بالناحية التعليمية في اجتماع بنها
أرى أن الهدف منه هو مزيد من التعارف بين اسرة المنتدى أو رحلة جميلة إذا كان هناك أسباب أخرى جوهرية تخص الناحية التعليمية فياريت مزيد من الإيضاح وشكرا |
انا حاسه انها هتكون رحله جميله جدا
ولكنها بعيده انا اصلا ماعرفش المكان نهائى وممكن مش يوافقو فى البيت لكن انا هحاول اجى باى طريقه ولو لم استطع ارجو ان تعذرونى |
http://www.t3as.com/vb/imgcache2/1313.gif الله الله عجبني أوي المرة دي طريقة عرضك للموضوع يا استاذ اشرف كلماتك دلوقتي مليانة عزم وتصميم وحب و قرار نهائي :) كنا عايزين الصيغة دي من زمان علشان الكل يحضر و يشعر بجدية الأمر http://www.t3as.com/vb/imgcache2/1286.gif http://www.t3as.com/vb/imgcache2/1287.gif و الله العظيم لو مش هيتقال ولا كلمة مفيدة في الاجتماع هيبقا برضه اجتماع زي الفل و رحلة جميلة و يوم رائع انا واثق http://www.t3as.com/vb/imgcache2/1339.gif كفاية نشوف حضراتكم و نستمتع بيوم رائع يعطينا الحافز للعمل في المنتدي و خارج المنتدي باقي التيرم http://www.t3as.com/vb/imgcache2/1349.gif فرصة رائعة لتصفية النفوس و اللي زعلان من التاني يتراضي نفسي والله فرصة رائعة ليري كل منا الاخر فرصة رائعة لنقدم اقتراحاتنا و نتعاون معا في كل ما يخص هذا الصرح التعليمي نفسي ماحدش يقدم اعتذارات و أنا ان شاء الله و الله أول الحاضرين لأن المكان مناسب جدا و الزمان مناسب جدا و الصحبة حلوة جدا و الهدف سامي جدا تحية للادارة كبيرة جدا http://www.t3as.com/vb/imgcache2/1357.gif http://www.t3as.com/vb/imgcache2/1358.gif |
اقتباس:
:) عمتاً أنا والله هحاول على قد ما أقدر إنى أجى وربنا يسهل بس بجد والله أنا نفسى أحضر |
عافيه يعنى؟:d
ان شاء الله عنيا ليكو هحاول بجد طول ما فى احتمال واحد فى الميه انا جاى باذن الله السبب الوحيد لو جالى شغل مفاجئتبع القافله الطبيه و دى احتمال ضعيف و ساعتها هبقى اتصل اعرفك يعم اشرف بس مبدأيا باذن الله جاى و اهم حاجه اعرف اوصل لماسبيرو:d |
ان شاء الله موجود
بس انا عاوز اعرف هوصل ازاى بلاش فضايح بقى انا هوصل لحد عبود اركب اية بقى ؟؟ |
اقتباس:
ما نتقابل احسن و نروح انا و انت:D كمان عشان عايز اتمشى انا و انت لوحدنا شويه عايز اديك على دماغك فى شوية حاجات كده:slap1qk6: |
اقتباس:
ماشى ياخويا بس هنتقابل فى عبود :) هههههههههههههههههه منا معرفش غيرها وهتضربنى كمان فى بلدكم اشهدو يا منتدى ههههههههههههههههههه |
حضرتك مقولتش هنتجمع امتى امام ماسبيرو ؟؟؟؟؟؟؟ |
اقتباس:
اقتباس:
الاستاذ اشرف قايل المكان و المعاد اهو يا جماعة و عداه العيب انت ما خدتش بالك ولا ايه؟ معلش اتمني اشوفك في الاجتماع ان شاء الله |
اقتباس:
سورى لم أخذ بالى تحياتى ...:078111rg3: |
علي بركة الله وسوف اتوجد بعون الله تعالي واتمني ان اري الجميع بكل صحة وعافية طالما الموضوع في القناطر الخيرية وكمان الاستاذ عصام والاسرة كدة ممكن اجي و معاي.... |
اقتباس:
وبعدين اصلا اما معرفش اروح فى اى حتة غير الكلية ولاخر الشارع |
كنت اتمنى الحضور
لكن لن اتمكن ارجو تقبل اعتذارى عموما سارسل تقريرى بشان قسمى القضية العربية واجتماعيات طالب لابى عصام اتمنى لكم يوما سعيدا موفقا فى أمان الله |
اسمحو لى انا كمان اجيب الاسرة بتاعتى.بس كنت عاوزة اسال هو المركب اجبارى ولا ممكن احصلكم على القناطر بالعربيه .بصراحه الجو ممكن يكون هوا
الجمعة13فبرايرالعظمى C° 26 الصغرى C° 13 http://www.masrawy.com/images2008/mo...cm6-966670.gifغائم جزئيا على العموم دى درجة الحرارة يوم الجمعه وان شاء الله يكون يوم ظريفhttp://www.masrawy.com/weather/Images/spacer.gif |
هجي ان شاء الله
الله المستعان |
ان شاء الله سوف احضر
واهم شيء التعارف بالناس الحلوة وتكون احتفالية جميلة مثل احتفالية الزقازيق وزي ما شفنا كرم الشرقوة هنشوف كمان كرم ادارة الموقع |
بسم الله الرحمن الرحيم السلام عليكم ورحمة الله وبركاته فكرة الرحلة النيلية فكرة رائعة جداً :040vk0: سأحضر بإذن الله أتوقع مفاجأة من الإدارة فى الكرم البنهاوى مثلما لمسناه بأيدينا من الكرم الشرقاوى فى إحتفالية الزقازيق المشهورة يوم الخميس5/2/2009 لقمة هنية تكفى مية وكمان رحلة نيلية الحمد لله توقعاتى تتحقق أدام الله عليكم الصحة والعافية وراحة البال :049gc0: |
سلام عليكم
كلامك معقول يا عبقرينو بس فى نقطة مهمة فى كلامك مفيش حاجة اسمها ترفع اشراف حد لو مجاش الله اعلم بظروف كل واحد التمس لاخيك من عزر الى سبعين اول اتمنى الجميع يحضر ( من غير تهديد ) ان شاء الله اجى الا اذا حدثت ظروف مهو محدش ضامن ظروفه ايه ان شاء الله هحاول اجى بس لو جيت حد يستنانى فى رمسيس احسن اتوه ( هيبقا شكلى وحش ) :d ربنا يقدرنى واقدر اجى دمتم فى رعاية الله |
ان شاء الله اجتماع موفق بعون الله وكنت اتمني الحضور لكن ظروفي لا تسمح ارجو تقبل اعتزاري وان شاء الله اجماع مثمر و موفق بعون الله تحياتي و تقدير للجميع |
انا والله كان نفسي اجي
بس بيني وبينكوا البحر المتوسط :) طب بدل ما تدفعوا 5 جنيه عشان المركب جمعوا الخمسات الي هتدفعوها دي واشترولي بيها تذكرة طيران v.i.p :d |
الله المستعان
برجاء جعل موعد المقابلة 9 صباحا لان على كلامك ان الذهاب بيكون بمركب ...... يعنى دى جى ودوشة ما عالينا نقعد تحت مش مشكلة والوقت بيكون ساعتين بالمركب مش ساعة زى ما حضرتك قلت يعنى لو 9 نوصل 11 اما لو 10 نوصل 12 ؟؟؟؟؟؟؟؟؟ وطبعا اتمنى يكون قبل 9 علشان احنا حناخد وقت على ما يتم التجمع |
ان شاء الله هكون متواجد معاكم بس رجاءا ..... انا من المحله وعايز اعرف ... ازاى هاجي لحد مبني ماسبيرو .... او ممكن تفاصيل المشوار لو احد يعرف وشكرا |
ربنا يسهل ان شاء الله وكمان الاسره ان شاء الله لمسبيرو ولكن أرجو لمن يعلم ان يرسل لي ما اقرب واسهل وسيلة للوصول للمكان امام مسبيرو وهل هناك مترو انفاق من موقف الزقازيق بتاع البيجو والمكروباص بتاع شوبرا ؟؟ مترو شبرا ؟؟ يا سلام لو ينفع مترو الانفاق من من خط شبرا الي ......... وانزل في محطة .............. أرجو ارسال التفاصيل شكرا
|
آسف
السلام عليكم ورحمة الله وبركاته آسف إخوانى فلن أتمكن من الحضور يوم الجمعة القادم والسبب هو فرح بنت أخويا فى الإسماعيلية فى هذا اليوم عقبال عندكم جميعاً أرجو المعذرة. |
السلام عليكم ورحمة الله وبركاته
أرجوا قبول اعتذارى - والله مرتبط بمواعيد والموضوع مفاجىء ليا - عذرا كمان المسافة بعيدة شوية عليا واكيد صعب الوصول للمكان فى ذات التوقيت - دا لو مفيش مواعيد سابقة كان بودى الحضور والله - لكن ان شاء الله وقت لاحق باذن الله - كنت اتمنى شرف لقاء نخبة ممتازة من دعاة الخير ربنا يبارك فيكوا جميعا فى امان الله |
كنت اتمني ان اكون معكم ولكن بسبب ظروف مرض والدي لن استطيع المجئ وعلي العموم وفقكم الله ورحله سعيده ان شاء الله
|
الحمد لله انا وصلت
وصلت بفضل الله من مؤتمر معرض القاهرة الدولي لاتصالات وقبلها رحت ولحقت بفضل الله مؤتمر الحقوق المهنية للمعلمين وهقول للناس بتاع الرابطة تفاصيل المؤتمر لانه هيفيد بكل المقايس الرابطة وبأذن الله الاجتماع يوم الجمعة هيكون طيب جداااااااااااااا |
اقتباس:
|
متواجد بإذن الله تعالى .. وفقكم الله جميعاً وأسعد أوقاتكم..
|
اللى ناوى ينزل عبود بلاش
ينزل المؤسسة ( شبرا الخيمة ) ويركب ميكروباص الهرم هينزله امام ماسبيرو ( بس مش هرم دائرى ) اللى يعرف يوصل لاى مترو انفاق برده ماشى ينزل محطة السادات ( التحرير ) وهيبقى على بعد محطة ممكن تتمشاها على النيل كنت اتمنى ان اكون معكم ولكن لن استطيع وفقكم الله وتمنياتى لكم برحلة سعيدة جداااااااا |
اقتباس:
في الاساس الاجتماع معمول علشان الاقسام غير التعليمية ولكن ما دام الاجتماع في مكان ترفيهي يبقي عمرنا ما هننسى الناس المحترمين اللي زي حضرتك لان الاجتماع هيشرف بوجود حضرتك وكل معلم يريد ان يرفع رأس التعليم |
ياجماعة واحد زى متاكد انة مش هيقدر يوصل
هههههههههههههههههههه يامستر بدوى العربيات هنا كلها بتروح لحد عبود فقط لا غير ياريت لو حد يقولى اركب من عبود اية واكون شكر فضلكم ولو فية هنا حد من المنصورة ممكن ياخدنى فى رجلة ياااااااااااااااااااااااااااااااااااااة اكون شاكر فضلة بجد هههههههههههههههههههههههه فى رعاية الله |
اقتباس:
الى مزيد من الانجازات بارك الله فيك ودمت والجميع بكل خير عاوزين التفاصيل يوم الجمعة باذن الله |
بصراحه الفكرة جميله جدااااااااااااااااااااااااااااااا
بس للاسف مش هقدر اجى انا معاكم فى اى يوم بعد السبت قبل كدة بكل اسف مش هينفع فياريت تعزرونى |
اللقاء مش ينفع يبقا تسعة
مينغععش حتى قبل عشرة ونصف انا هركب قطر تمانية وتلت من سمنود يوصل القاهرة عشرة ونص ::::::::::::::::::::: يات لورد ان شاء الله لو انا جيت نركب نفس القطر اناوانت وننزل رمسيس ونتوه سوا :d متقلقش ربنا يسهل حد يقول حاجة |
اقتباس:
خلاص هننتظرك بأذن الله وهات محمد في ايدك ليتوه |
فكــرة رائــعة.
لكنــى أعتذر عن الحضــور لأسباب عائلية. دمتم فى أمــان الله . |
اوكى ربنا يسهل وميحصلش ظروف
يبقا حظ بقا لو السيولة منفعتش :d ربنا يسهل واههى منها تبقا نزهة قبل الدراسة |
اقتباس:
خلاص بص يابوطة انا موافق طبعا على الاقل الاقى حد يتوة معايا هههههههههههههههههه بس نتكلم على الميل نتفق اوكش يابوب ؟ اقتباس:
كفايا فضايح ياجدعان هههههههههههههههه |
حقيقي ........ هذا المنتدي هايل هايل
ووراه جنود متحمسين نفسي أكون معاكوا بس اعذروني المرة دي بس واوعدكم المرة الجاية هكون معاكم ولكم جميعا كل الاحترام والتحية |
ربنا يسهل ان شاء الله واكون موجودة
الا اذا محصلش اى حاجة غيرتلى سيستم اليوم |
مشرفين الاقسام التعليمية بيعتزرو واحد ورا التانى
واضح انه اذا جاءت الشياطين ( اللى هو احنا يعنى ):d ذهبت الملائكة عموما اللى هييجى هينورنا واللى مش هييجى حرمنا من نوره :d :::::::::::::::::::::::: استاذ اشرف لو ماستنتناش فى رمسيس هرجع انا بقولك اهو :d :::::::::::::::::: خلاص يالورد استا ذ اشرف هيستنانا متقلقش اياك انت بس متتوهش فى اللى قولتلك عليه ::::::::::::::::::::::::: اجتماعموفق بأذن الله |
فكرة الاجتماع فكرة رائعة
لكنى اقدم اعتذارى لحضرتك وارجو ان تقبله لانه فى نفس اليوم يوجد اجتماع موجهين بالنقابه بالمحمودية وسأكون موجود هناك على طلب مدير الإدارة لتوضيح دور البوابة فى العمل التعليمى وايضا لنشر دور الغرف الصوتية لاننا هنا الطلبة لا تعرف عنها شيئ لكم منى كل احترام وتقدير |
| جميع الأوقات بتوقيت GMT +2. الساعة الآن 04:31 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.