|
كام سؤال رخم كدة
ازيكم يا كماحة بصوا بقى الموضوع دة مهفوف (منقول يعنى) بصوا جاوبونى على الاسئلة دى على السريع كدة اوك؟ يلا بقى جاوبوا بسرعة بس من غير غش انا شايفاكم :slap1qk6: - عمرك سألت نفسك احنا ليه لما دخلنا المدرسة أو الجامعة عمرنا ما فهمنا حاجة ... غير شوية كلام نحشى بيه دماغنا ونفرغه على ورقة الامتحان أو حتى منفرغوش أهو كله كلام عمرنا ما فهمناه ولا ناقشناه . - عمرك سألت نفسك احنا ليه لما اتخرجنا من الجامعة كان المستقبل مجهول ، وان احنا اتعلمنا حاجة واشتغلنا حاجة تانية خالص ... ده لو لقينا شغل أصلاً . - عمرك سألت نفسك هو ليه لما بنشتغل المرتب عمره ما يكفى لآخر الاسبوع مش حتى لآخر الشهر . - عمرك سألت نفسك هو ليه لما بتقضى مصلحة فى الحكومة عمرك ما تقضيها بسهولة ، وليه دايما حتى لو قضيتها يبقى الموظف مكشر فى وشك وخايف يضحك وشه يشقق . - عمرك سألت نفسك هو ليه الاتوبيس دايما زحمة . - عمرك سألت نفسك هو ليه انت بتخاف تقرب من قسم الشرطة وضابط الشرطة وكمين الشرطة و"مخبر" الشرطة ؟ . - عمرك سألت نفسك هو انت ليه بتخاف من السياسة والكلام فى السياسة ؟ . - عمرك سألت نفسك ليه بتخاف تعمل مشروعك الصغير أو عملك الخاص ... وليه مافيش حاجة صغيرة بتكبر فى مصر ؟ . - عمرك سألت نفسك هو ليه عسكرى المرور فى مصر بيكتب مخالفات كثير على الناس الغلابة ، أما الناس اللى هما مش غلابة مابيعملوش مخالفات . - عمرك سألت نفسك هو ليه فى ناس ولاد ناس ، وناس ولاد البطة السوداء . - عمرك سألت نفسك هو ليه الناس اللى معاهم كارت توصية بيشتغلوا وانت لأ ، هما يعنى ولاد مين فى مصر . - عمرك سألت نفسك هو ليه فى مصر نتسأل هو انت ابن مين فى مصر ؟ . - عمرك سألت نفسك ليه الوظيفة فى مصر بقت بالوراثة ؟ . - عمرك سألت نفسك لو حصلت مشكلة بينك وبين حد كبير ومهم "مخبر يعنى" تفتكر هتاخد حقك فى قسم الشرطة . - عمرك سألت نفسك هو ليه كل حاجة لازمها واسطة حتى انك تجيب خمسة أرغفة عيش لازم تكون عارف البش مهندس الفران . - عمرك سألت نفسك هى الحكومة بتضرب المتظاهرين ومش عايزاهم يتكلموا ليه ؟! هى الحكومة خايفة من الكلام ليه ؟ . - عمرك سألت نفسك هو انت ليه مش بتقدر تجيب شقة تسكن فيها وتبدأ فيها حياتك ؟ . - عمرك سألت نفسك هى مصاريف التعليم زادت اوى كده ليه ؟ مادام التعليم مجانى !!!!! . - عمرك سألت نفسك هى الشوارع بقت عشوائية كده ليه ؟ . - عمرك سألت نفسك هو احنا بقينا مخنوقين كده ليه ؟ . - عمرك سألت نفسك هو الفساد والاهمال انتشروا كده ليه ؟ . - عمرك سألت نفسك هو ليه الواحد بيدخل يشيل الزايدة فى مستشفى يطلع من غير الكلى وبدلها فوطة . - عمرك سألت نفسك هو انت واخد حقك فى البلد دى ولا ايه ؟ . - عمرك سألت نفسك هو احنا مش عايشين زى الناس ليه ؟ . - عمرك سألت نفسك هو انت ساكت على العيشة دى ليه ؟ . ـ وفى الأخر ممكن تسأل نفسك هو انا بحرضك ولا ايه ؟ لالالالالالا خالص الحياه حلوه والشعب زى الفل وربنا يخلى لنا حكومتنا http://www.freetalaba.com/board/styl...lt/biggrin.gif |
قولي انت ليه انا دماغي وجعتني ليه
|
انتا نسيت أهم حاجة ..
هوا الشعب ليه بيحترم الريس وبيكره الحكومة .. معا ان اللي معين الحكومة هوا الريس نفسه ؟! |
موضوع رائع جزاك الله خيرا
|
السلبيه السلبيه السلبيه
|
ديه مش اسئلة رخمة ديه فعلا اسئلة مهمة جدا
|
مصر ........... |
اقتباس:
ويارب اكون عرفت اجاوب اصل شكلى بهبل |
اقتباس:
هههههههههههههههههههه خلتينى اطلع ال فى قلبى وانا وانتى والمخبر تالتناhttp://www.freetalaba.com/board/styl...lt/biggrin.gif |
الاجابة بسيطة عشان احنا فى مصر ....
انا شايف الحل فى اننا نكون ايجابيين ومحدش يقول انا مالى |
اقتباس:
yeeeeeeeeeeeees |
شكلك فاضية وقاعدة تتسلي
محنا كلنا فاضيين يعني انا اللى ورايا حاجة بنحفظ من غير ما نفهم ونتخرج من غير ما نشتغل ونحب مصر من غير حكومتها والشاذ في القاعدة لو لقيت حاجة غير متناقضة في مصر |
|
اقتباس:
لما تجيب الخلاصة ما شاء الله يا رب بس مش يكون كل الناس كدا لانى اكتشفت ان الموضوع سلبى للغاية ومش كان يصح ان انا بالذات اللى انزله:( |
يا ستي ولا يهمك
السلبيه دلوقتي في كل مكان ومش المهم اننا نزعل علي لحظه كنا سلبيين فيها الاهم نعرف ازاي نبقي ايجابيين ونفيد نفسنا واللي حوالينا وعلي فكره يا جماعه كل دا بيختلف بمجرد ماتغير النظره اللي بتبص بيها للدنيا اللي حواليك خليكو متفائليييييين (علشان اما اكتئب انا الاقي اللي يفوقني) |
كل ده بيتلخص فى كلمة واحدة بس وجملة.... احنا اللى فيه ده بسبب ( الكوووووووووووووووسة) لما الكوسة بتكتر كل حاجة بتكتر واحنا بنموت( دى الكلمة على فكرة)
والجملة:( حسبى الله ونعم الوكيل):006et4::006et4::blush: شكرا على التوبيك ده اوووى |
ايه الضلمة دى يا لمى
عاتى يا حبيبتى ضريبة انك عايشة فى مصر استحملى بقى توبيك جميل يا قمراية |
لالالالالالا خالص
الحياه حلوه والشعب زى الفل وربنا يخلى لنا حكومتنا |
يبقى انت اكيد فى مصر تيرارارا
|
هيا دى مصر يا عبله يو قصدى يا لمى:d
ما تقولشى اديتنا ايه مصر قول هاندى ايه لمصر هييييييييييييه:av4056bb7jp3: توبيك حلو يلا بالشفا |
ايه الاسئلة ديه اوعي تكوني تبع امن دولة ولا حاجة احنا كشعب مشكلتنا السلبية لو حد فينا فاق الباقي بينيمه لو حد نطق او اتكلم الباقي يقولوا اوعي عشان لقمة عيشك خاف علي نفسك يا راجل ولو مش عليك يبقي علي العيال محدش بيتحرك ولا حد هيتحرك اما بقي الحكومة :078111rg3::078111rg3: فديه (ابو رجل مسلوخة):blush::o دايما يطلع يخوف الناس ميعرفوش في حياتهم حاجة غير الضرب وخصوصا الآفي (مش عارفة ليه) ما علينا طنط الحكومة بقي والله خيال زي (ابو رجل مسلوخة) بالظبط كنا نسمع اسمه ندخل علي السرير جري عشان ننام احنا دلوقتي نسمع كلمة حكومة نفس الحكاية تلاقي كل واحد دخل بيته ونام ويا عيني علي اللسان المعارض في ثواني بيكون مقطوع قضية قتل نصب احتيال اغتيال اي حاجة تلزق وخلاص (المجانين مظلومين معانا) كفاية رغي بقي عشان انام في بيتنا النهاردة ميرسي يا لمي علي التوبيكات اللي تودي في داهية ديه تقبلي مروري |
الله عليكى يا لمى
تغيبى تغيبى وترجعى بموضوع حكاية بس نفسى اعرف حاجة : انتى هتفضلى طول عمرك تسألى ؟ مفيش مرة تجاوبى شوية مفيش احسن من مصر يا لمى تأكدى من ده غلبنا ايطاليا وعملنا ماتش عمرنا مع البرازيل علشان نوصل ماما اميركا اللى ماكنش ليها فيه شفتى طيبة قلب اكتر من كده بس على فكرة الصورة مش بنفس السواد ده |
لا تتعجب .. فأنت فى
اقتباس:
|
ايه يا لمي
انت بتتكلمي في السياسه وعيزه توقعينا في الغلط مين موصيكي علينا بث الحيطان ليها ودان |
لا لا لا انت عاوز تدخلنا فى السياسة .. اعوذ بالله
|
للأسف مينفعش نسأل نفسنا ليه بس دا الواقع احنا عايشينه ولازم نرضى بيه
|
الموضوع أكثر من رائع بس قلبتي علينا المواجع وفكرتينا بمشكلتنا الكتيييييييييييييييييييييييرة جداااااااااااااااااااااااااااااااااااااااااااااااً الموجودة في بلدنا الواحد بيحس إن مفيش حاجة عدلة في البلد دة كل حاجة فيها بيزة تعليم وصحة وغيرة وغيرة وربنا يسطر علينا
|
اولا انا عضو جديد قلت ادخل اشوف موضوك ايه
ولاكن ارد عليكى بكل بساطه لان ربنا نزل القران ولم يترك شيئا كلامك كله رده فى هذه الايه الكريمه قول الله تعلى بسم الله الرحمن الرحيم واذا اردنا ان نهلك قريو امرنا مترفيها ففسقو فيها فحق وعيد صدق الله العظيم اخوكى سيف |
إن الله لا يضيع أجر من أحسن عملاً .
السلام عليكم
لست مع تعميم وصف على كل البشر أو المؤسسات أو الأوضاع ، لذلك فإنني اعترض على الصورة السلبية التي رسمتها ، فإن الله لا يضيع أجر من أحسن عملاً . |
اقتباس:
شكرا علي الموضوع بجد ومستنين موضوعك الجاي ان شاء الله |
اقتباس:
اولا انا كنت هموت من الضحك اول ما قريت الرد بس عموما يعنى انا قولت ان الكلام مش كلامى موضوعى الجاى؟ اعتقد ان عملت مواضيع بعد ده حضرتك مش متابع بس:angry2: نورت التوبيك مستر محمد |
موضوع جميل جدا جعله الله في ميزان حسناتكم
|
مشكوور جزاك الله كل خير
|
- عمرك سألت نفسك احنا ليه لما دخلنا المدرسة أو الجامعة عمرنا ما فهمنا حاجة ... غير
شوية كلام نحشى بيه دماغنا ونفرغه على ورقة الامتحان أو حتى منفرغوش أهو كله كلام عمرنا ما فهمناه ولا ناقشناه . الطفل المصرى اذكى طفل لغايه مايروح المدرسه والميس تقوله ال 2 ناحيه الشباك و ال 6 ناحيه الباب ويروح البيت يلاقيه العكس ههه فيتلغبط ويتعود عالحفظ ويتربس عقله اللى بقى مالهوش لازمه - عمرك سألت نفسك احنا ليه لما اتخرجنا من الجامعة كان المستقبل مجهول ، وان احنا اتعلمنا حاجة واشتغلنا حاجة تانية خالص ... ده لو لقينا شغل أصلاً .ولان الادوات اللى بندرس بيها العملى مش بتبقى موجودة فى المدرسة او الجامعه ولو موجودة بتبقى بايظه و فيها عطل دا حسب كل انسان - عمرك سألت نفسك هو ليه لما بنشتغل المرتب عمره ما يكفى لآخر الاسبوع مش حتى لآخر الشهر .كل انسان هو اللى بيصنع مستقبله بنفسه وكل واحد بيحقق احلام على اد ما تعب للوصول لها تقريبا للغلاء اللى حاصل - عمرك سألت نفسك هو ليه لما بتقضى مصلحة فى الحكومة عمرك ما تقضيها بسهولة ، وليه دايما حتى لو قضيتها يبقى الموظف مكشر فى وشك وخايف يضحك وشه يشقق .ولان الشعب المصرى بطبيعته ترفيهى و بيصرف فلوس كتير عالترفيه يعنى لازم يجيب لب وايس كريم فى البيت قبل الرز ههه لان الموظف دا مش شغال فى المكان دا عشان بيحبه لكنه شغال عشان يقبضله قرشين فى نهايه الشهر يمشى بيهم الحال - عمرك سألت نفسك هو ليه الاتوبيس دايما زحمة .ولان بيتواكل على غيره لان مصر بقت كبيره والسكان كتير اوى - عمرك سألت نفسك هو ليه انت بتخاف تقرب من قسم الشرطة وضابط الشرطة وكمين الشرطة و"مخبر" الشرطة ؟ .ولان الاتوبيس بيبقى ارخص والمصرى بيحب يوفر فى المواصلات انا مش بخاف منهم - عمرك سألت نفسك هو انت ليه بتخاف من السياسة والكلام فى السياسة ؟ .مفيش داعى انى اخاف منهم لانى معملتش حاجة وبشوفهم كانه انسان عادى او مكان عادى ميهمنيش لكن اللى بيخافو دول خوافين بطبعهم وبيمشو جمب الحيط برضو مش بخاف وراى اقدر اقوله حتى لو قدام رئيس الجمهوريه - عمرك سألت نفسك ليه بتخاف تعمل مشروعك الصغير أو عملك الخاص ... وليه مافيش حاجة صغيرة بتكبر فى مصر ؟ .لكن اللى بيخافو برضو عشان بيمشو جمب الحيط واهى عاوزينها تعدى وتبقى عيشه والسلام مين قال كدة - عمرك سألت نفسك هو ليه عسكرى المرور فى مصر بيكتب مخالفات كثير على الناس الغلابة ، أما الناس اللى هما مش غلابة مابيعملوش مخالفات .دا حسب الشخص اللى عامل المشروع لو ثابر على عمله هينجح ويتفوق ويوصل للى هو بيتمناه والناس بتخاف تعمل مشروع خاص لانهم معندهمش ثقة بالنفس او قدرة على الاعتماد على النفس ولانهم بيخافو يجربو اى حاجة جديدة لانه بيخاف من الناس اللى مش غلابه وبيبقى خايف بتليفون منه يفصله - عمرك سألت نفسك هو ليه فى ناس ولاد ناس ، وناس ولاد البطة السوداء .ههههههه يعنى ايه دى - عمرك سألت نفسك هو ليه الناس اللى معاهم كارت توصية بيشتغلوا وانت لأ ، هما يعنى ولاد مين فى مصر .بس كل انسان هو اللى بيختار المكان اللى يحط نفسه فيه عشان الريس دا بيجامل المدير دا وكدة - عمرك سألت نفسك هو ليه فى مصر نتسأل هو انت ابن مين فى مصر ؟ .لكن لازم اطالب بحقى لغايه ما اوصله بس المرحلة دى لسا ماوصلتلهاش عشان يعرف طبيعه اهله وطبيعه حياته - عمرك سألت نفسك ليه الوظيفة فى مصر بقت بالوراثة ؟ .بس الاهم يسأل انت مين؟ مش اهلك مين؟! عشان الادب بيبقى بيحط ابنه مكانه وهكذا دواليك - عمرك سألت نفسك لو حصلت مشكلة بينك وبين حد كبير ومهم "مخبر يعنى" تفتكر هتاخد حقك فى قسم الشرطة .لاء طبعا - عمرك سألت نفسك هو ليه كل حاجة لازمها واسطة حتى انك تجيب خمسة أرغفة عيش لازم تكون عارف البش مهندس الفران .هو هياخد اكتر دا بالنسبالى لكن لو بالنسبه لحد مكانته الاجتماعيه كبيرة او كويسه او حتى طبيب او مهندس فبتبقى الراس بالراس لكن انا لسا طالبه وبالتاكيد مش هاخد حقى لكن لو عندى حق طبعا لازم اتمسك بيه مدام معايا الحق معايا واعيش شجاعه ومش اموت جبانه و فيه حق ليا عند حد ههههههه - عمرك سألت نفسك هى الحكومة بتضرب المتظاهرين ومش عايزاهم يتكلموا ليه ؟! هى الحكومة خايفة من الكلام ليه ؟ .على فكرة مش بتتقاس بمعرفه الباش مهندس الفران دى باللى يعرف يشاكل اكتر ويضرب اكتر الحكومه دى بتشتغل عندنا - عمرك سألت نفسك هو انت ليه مش بتقدر تجيب شقة تسكن فيها وتبدأ فيها حياتك ؟ .واكيد اللى خايف من الكلام عشان فيه حاجة خايف تتعرف عنه وبيبقى خايف يتكشف ويتفضح وميعرفش يسيطر على الموقف راجع للغلاء وبرضو حسب الانسان - عمرك سألت نفسك هى مصاريف التعليم زادت اوى كده ليه ؟ مادام التعليم مجانى !!!!! .كله دلوقتى متنبل هههه عشان الوزراء جعانين فلوس - عمرك سألت نفسك هى الشوارع بقت عشوائية كده ليه ؟ .ازاى؟! - عمرك سألت نفسك هو احنا بقينا مخنوقين كده ليه ؟ .لان كله زعلان من الاحوال ومبيغيرش من حاجة حواليه - عمرك سألت نفسك هو الفساد والاهمال انتشروا كده ليه ؟ .ومعتقد انه ميقدرش فبيحط ايده على خده ويسكت ودا غلط طبعا من وجهه نظرى عالاقل لان معايير المجتمع اتغيرت - عمرك سألت نفسك هو ليه الواحد بيدخل يشيل الزايدة فى مستشفى يطلع من غير الكلى وبدلها فوطة .والطرق غير المشروعه هى اللى عادت بتوصل الناس لهدفهم ودايما يقولو \ الغايه تبرر الوسيله ههههههههه - عمرك سألت نفسك هو انت واخد حقك فى البلد دى ولا ايه ؟ .حقى اخده بنفسى من غير ماحد يدهونى - عمرك سألت نفسك هو احنا مش عايشين زى الناس ليه ؟ .اومال عايشين زى الحيوانات؟! - عمرك سألت نفسك هو انت ساكت على العيشة دى ليه ؟ .لسا بنتنفس و نهضم و كدة ههههه وبنقوم بالعمليات الحيويه اللى ساكت دا بياخد مبدا ـ وفى الأخر ممكن تسأل نفسك هو انا بحرضك ولا ايه ؟دارى على فرختك تبيض هههه انا اللى ممكن اسأل هو الاسئله مش بتخلص كدة ليه؟! ايدى وجعتنى |
اقتباس:
لية كدا هو حضرتك حزب وطنى ولا اية يا مستر حضرتك مش حاسس ان كل اللى لمى كتبته دا بيحصل ولا اية؟؟؟؟؟؟؟؟؟؟؟؟؟؟؟ |
لاتعليق
حسبي الله ونعم الوكيل |
لأ على فكره الاسئله مش رخمه ولا حاجه
بالعكس اسئله مضمونها راااااائع جدا بس احنا هنعمل ايه 00 مش بأدينا حاجه علشان زى مابيقولوا (حاميها حراميها) (حسبي الله ونعم الوكيل) ميرسي على التوبيك |
- عمرك سألت نفسك احنا ليه لما دخلنا المدرسة أو الجامعة عمرنا ما فهمنا حاجة ... غير شوية كلام نحشى بيه دماغنا ونفرغه على ورقة الامتحان أو حتى منفرغوش أهو كله كلام عمرنا ما فهمناه ولا ناقشناه ؟. عادى جدا اللى بيحصل ده المصريين دول بيدققوا على حاجات.......;) اكييد كله بيقول المهم اننا نجيب درجات وبس وبعدين فى حكمة كده انا سمعتها وعجبتنى اوى بتقول العلم فى الراس مش فى الكراس:d - عمرك سألت نفسك احنا ليه لما اتخرجنا من الجامعة كان المستقبل مجهول ، وان احنا اتعلمنا حاجة واشتغلنا حاجة تانية خالص ... ده لو لقينا شغل أصلاً ؟. عادى وايه يعنى مش احسن مايكون مفيش شغل خالص - عمرك سألت نفسك هو ليه لما بنشتغل المرتب عمره ما يكفى لآخر الاسبوع مش حتى لآخر الشهر ؟. برده عشان الناس فى البلد دى مش بتقدر حد عارفها مثل حاميها حراميها هوا دا:p - عمرك سألت نفسك هو ليه لما بتقضى مصلحة فى الحكومة عمرك ما تقضيها بسهولة ، وليه دايما حتى لو قضيتها يبقى الموظف مكشر فى وشك وخايف يضحك وشه يشقق ؟ عشان موظف الحكومه طالع عينه اصلا وفى الآخر ياخد ملاليم انه يبقى كاره الدنيا وشغله:mad: - عمرك سألت نفسك هو ليه الاتوبيس دايما زحمة ؟. عشان ارخص مواصله توصل الناس:d - عمرك سألت نفسك هو ليه انت بتخاف تقرب من قسم الشرطة وضابط الشرطة وكمين الشرطة و"مخبر" الشرطة ؟ . - عمرك سألت نفسك هو انت ليه بتخاف من السياسة والكلام فى السياسة ؟ اجابتهم واحده اننا معندناش ثقه فى نفسنا وان الناس كلها بتخاف بس قال صلى الله عليه وسلم ماضاع حق وراءه مطالب - عمرك سألت نفسك ليه بتخاف تعمل مشروعك الصغير أو عملك الخاص ... وليه مافيش حاجة صغيرة بتكبر فى مصر ؟ . لأ دى بتتوقف على الانسان اللى بيعمل المشروع ومدى امكانياته - عمرك سألت نفسك هو ليه عسكرى المرور فى مصر بيكتب مخالفات كثير على الناس الغلابة ، أما الناس اللى هما مش غلابة مابيعملوش مخالفات عشان ناس معندهمش ضمير ومعشان معندهمش ضهر يتسندوا عليه;) - عمرك سألت نفسك هو ليه فى ناس ولاد ناس ، وناس ولاد البطة السوداء ؟. هههههههههههههه برده عشان مفيش ضمير إلا قوليلى انتى من مين فيهم ههههههههههه:d - عمرك سألت نفسك هو ليه الناس اللى معاهم كارت توصية بيشتغلوا وانت لأ ، هما يعنى ولاد مين فى مصر ؟. ولاد الناس اللى معندهمش ضمير :d - عمرك سألت نفسك هو ليه فى مصر نتسأل هو انت ابن مين فى مصر ؟ . عشان مصر شرط اساسى فيها تكون ابن ولاد الناس غير كده تترمى فى الباسكيت :d - عمرك سألت نفسك ليه الوظيفة فى مصر بقت بالوراثة ؟ . تسعيره موحده لانعدام الضمير :d - عمرك سألت نفسك لو حصلت مشكلة بينك وبين حد كبير ومهم "مخبر يعنى" تفتكر هتاخد حقك فى قسم الشرطة ؟. هتاخد على قفاك ممكن:d بس لو انت مسنود عارفه بيحصل غير خالص الظابط ساعتها بيكره اليوم اللى اتخانق معاك فيه:p - عمرك سألت نفسك هى الحكومة بتضرب المتظاهرين ومش عايزاهم يتكلموا ليه ؟! هى الحكومة خايفة من الكلام ليه ؟ . لأ دا هما فاضيين فا بيتسلوا بضرب الناس عادى يعنى الناس قصدها طيب:p - عمرك سألت نفسك هو انت ليه مش بتقدر تجيب شقة تسكن فيها وتبدأ فيها حياتك ؟ عشان مش ابن ولاد الناس . - عمرك سألت نفسك هى مصاريف التعليم زادت اوى كده ليه ؟ مادام التعليم مجانى !!!!! ؟. لأ اعتقد انها مزادتش ولا حاجه دا ارخص حاجه فى مصر التعليم الحكومى;) - عمرك سألت نفسك هى الشوارع بقت عشوائية كده ليه ؟ . - عمرك سألت نفسك هو احنا بقينا مخنوقين كده ليه ؟ . - عمرك سألت نفسك هو الفساد والاهمال انتشروا كده ليه ؟ . كل دول اجابتهم لان البلد بايظه والناس زهقت وتعبوا بجد والله الواحد بيشوف حاجات متتخيليهاش من ناس مش لاقيين حتى حصيره عارفه الحصيره مش لاقينها عشان يناموا عليها فى عز البرد - عمرك سألت نفسك هو ليه الواحد بيدخل يشيل الزايدة فى مستشفى يطلع من غير الكلى وبدلها فوطة ؟. لأ دى الموضه الجديده لأنهم اكتشفوا مأخرا ان الفوطة بتقضى واجبها احسن من الكلية:d - عمرك سألت نفسك هو انت واخد حقك فى البلد دى ولا ايه ؟ . انا مش عاوزة منهم حاجه - عمرك سألت نفسك هو احنا مش عايشين زى الناس ليه ؟ . ما هوا احنا حققنا نص المقوله ناس فاضل بقى نبقى عايشين زيهم:d - عمرك سألت نفسك هو انت ساكت على العيشة دى ليه ؟ . انا بصراحه شايفة ان الانسان اللى مظلوم وساكت دى مشكلته هوا ـ وفى الأخر ممكن تسأل نفسك هو انا بحرضك ولا ايه ؟ . بعد الكلام ده كله وبتقول انا بحرضك ولا لأ;) |
| جميع الأوقات بتوقيت GMT +2. الساعة الآن 10:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.