جدول محاضرات الفرقة الاولى (جامعة المنصورة) 2008/2009
 

جدول الفرقة الأولى انتساب :-

السبت : 12.30 :2.30 تطور اقتصادى وتحليل موارد - محمد فريد
2.30 : 4.30 ادارة عامه

الاحد : 8.30 : 11.30 اصــول محاســبه - عبــــاس رضـــــوان
11.30 : 1.30 سلوك تنظيمى - احمد جاد-احمد يحيي
1.30 : 3.30 ادارة عامه

الاتنين : 11.30 : 2.30 اقتصــــــــاد - سعـــد الشـــريــــــــــــف

الثلاثاء : 12.30 : 2.30 مدخل قانون - عـــبـــــد الــحــمــيــــــــد
2.30 : 4.30 تطور اقتصادى - مــحمـــد عطـــــــوة


الاربعاء :8.30 : 10.30 سلوك تنظيمى
10.30 : 12.30 مدخل قانون
12.30 : 2.30 حقوق انســان - عـــــــــــــــــــــــلا

جدول الفرقة الأولى انتظام :-


السبت : 12.30 - 2.30 اداره عامه - يحى عبيد

الاحد : 11:30 - 1.30 تطور اقتصادى و موارد - مدرج (ب)
3.30 - 5.30 اداره عامه - مدرج (ب)
الاثنين : 8.30 - 11.30 اصول محاسبه ماليه 2 - يحي عبيد
11.30 - 1.30 سلوك تنظيمى - يحي عبيد
2.30 - 5.30 اقتصاد كلى - المهدى
الثلاثاء : 10.30 - 12.30 قانون تجارى - مدرج (ب)
12.30 - 1.30 حقوق انسان - مدرج (ب)
الاربعاء : 10.30 - 12.30 سلوك تنظيمى - يحي عبيد
12.30 - 2.30 قانون تجارى - يحي عبيد
2.30 - 4.30 تطور اقتصادى و موارد - يحي عبيد


والخميييييييييييييس ريست الحمد لله
مع تحياتى لكم بالتوفيق والنجاح ومتنسوش هدايا الفلنتاين اول يوم ياجماااعه
a_2007

الف شكر ليكى على الجدول لكن حاجه غريبه ده جدول غريب قوى ازاى فى يوم زى يوم الاحد عندنا ثلاث محاضرات ورا بعض من غير ما يكون ريست ما بينهم و نفس الحكاية فى يوم الاربعاء غير كده كل الايام فيهم محاضرات ورا بعض و ما بينهمش ريست نريح عقلنا فيه
لكن طلع فعلا عندنا سبع مواد لكن مش عارف ليه هما مش حطوا مادة الicdlو حطوا مكانها مادة تطور اقتصادى و بقى عندنا كده مادتين اقتصاد فى تيرم واحد
و مادة التطور اسم الدكتور محمد فريد ولا محمد عطوه انتى مره قولتى محمد فريد و مره تانيه محمد عطوه ياريت ميكنش فيه محمد عطوه لحسن الرجل ده انا عارفه راجل مفترى و مش كويس خالص
و انتى مقلتيش مين اللى هيدينا اداره عامه ياريت ميكنش عبد المحسن جوده

اقتباس:

المشاركة الأصلية كتبت بواسطة a_2007 (المشاركة 1090778) السبت: 12ونص :2ونص تطور اقتصادى وتحليل موارد -محمد فريد

يا سلام انتى تامرى باى حاجه عشان جبتلناه الجدول بس اهم حاجه مش نزيد عن 3 جنيه :):)
مشكوره يا اختنا على الجدول وربنا يوفقنا فى الترم اللى مش باين له ملامح ده

ياعم مش شرط كل المحاضرات تحضرها احضر المهم بس
انا كنت ناوى احضر icdl بس مش لنا نصيب فيها
وظبط مع زمايلك انت محاضره وهما محاضره زينا ده عشان نقدر نجمع كل المحاضرات ومش نتعب يردو
وهو صحيح انت اسمك ايه
انا ايمو

انا سمى محمد و فى الكليه اصدقائى بيقولولى يا ميجا
انا مش ناوى احضر محاضرات علشان اكتبها انا ناوى انى مش هكتب ولا محاضره انا عاوز احضر علشان افهم فقط
و فى اخر شهر اصور المحاضرات من اى حد زى التيرم الاول

اهلا ميجا
ياعم لو تعبت فى المحاضرات نام شويه
احنا هنلعب فى المدرج ادينا
بنام وبنقهم بردو انا ببقى دلخل ومعايا اكل وشاى ولب عشان مش نزهق

طيب محدش جاب جدول تجاره اانجلش ؟؟؟؟؟؟؟؟؟؟؟؟

هو فعلا جدول غريب وعجيب جدااا وفيه ظلم جامد لينا بس هى دى الحقيقه هو ده الجدول الى نزل وممكن يتغير بعدين وبالنسبه للتطور الاقتصادى فهما دكتورين محمد عطوة ومحمد فريد الاتنين يعنى والادارة انا نسيت اسم الدكتور بس هو مش عبد المحسن خالص

ههههههههه ماشى ياسيدى انا عايزة بيبسى كانز سيبهالى ادام مدرج المهدى هههههههههه

اكيد هو نزل بس انا والله مجبتوش بس اكيد لو سالت فالكليه هتلاقيه نزل خليها ليوم السبت بقى وخلاص

والله فكرة جميله ياميجا بس انا عن نفسى صعب جداا انفذها لان عندنا فالكليه ماشاء الله يعنى مفيش ولا بنت ترضى تدى لبنت حاجه عيال زباله الصراحه هبقى اخدهم منك بقى

يا جدعان انتو قالقين نفسكو بالجدول ليه محدش بيحضر كل المحاضرات
وانا هعمل زى الاستاذ ميجا ما قال هنصورهم من اى حد بس ياريت بقه نلاقى حد ناخدهم منه

بدال مش خرجنا عن الكانز تبقى صحبى وحبيبى وكفائه ولو عاوزه حاجه تانيه قولى مش تتكسفى انا فنجرى اوى وكل فلوسى على اصحابى

ممكن جدول اولى انتظام

طب بدام انت طلعت فنجرى بقى ابقى هاتلى مع الكانز شيكولاته بس متنساش سيبهم عند مدرج مهدى جنب النافورة كده ههههههههههه

الكلام ده كلو علشان الجدول كمان كلكو عربى مفيش حد انجليزى الا انا ولا ايه

بس كده حتى مش هلحق اروح اجيب الفطار ما بين المحاضرتين ولا افطر حتى لان مفيش وقت ما بينهم زى ما كنت بعمل انا و اصحابى فى التيرم الاول

يا سلام موافق بس بشرط اخد منك المحاضرات عشان مش بعرف احضر كله

اكبد هيكون فيه فواصل فى المحاضرات مش معقول هنقعد 6 ساعات ورا بعض كده ولا محدش هيروح

الجدول وحش خالص ربنا يستر

قولولى حد هيروح اول يوم

عن نفسى انا هروح اول يوم عشان نشوف الدكاتره دول نظامهم ايه خصوصا نى اول مره اسمه عنهم

و الله يا ايمو باشا انت تأمر لو احتجت تصور المحاضرات و بعد ما اصورها انا فى الخدمهو تحت امرك
just order

الله يخليك يا استاذ ميجا ده العشم فى رجاله المنصوره
بقوللك لو هتروح بكره ما تيجى نتعرف على بعض

الله يكرمك
يا سيدى انا هبقى فى الكليه الساعه 10:30 علشان اقابل اصحابى و اروح اشترك فى جيم المدينه الجامعيه و بعدين هروح احضر المحاضرات معاهم و يشرفنى يا استاذ ايمو انى اتعرف عليك

ده حاجه تشرفنى انا والله
انا هكون بردو موجود فى الوقت ده ولو تحب نتقابل ايميلى موجود فى البروفيل لو حبيت يعنى

يا سلام و الله العظيم انتى كمان بس تأمرى و انا انفذ فى الحال انا فى الخدمه دايما لاى حد و بدون انتظار اى مقابل

ماشى والله انتم اصحاب جدعاان جداا طب قولولى ايه الاخبار النهارده حضرتم محاضرات ولا لا
وبعدين انا زعلانه منك ياsunsero2000 انا استنيتك جنب النافورة ومش لقيتك انت طلعت بتشتغلنى ياعم
انا زعلانه منك بقى هه

انا حضرت المحاضرتين الدكتور محمد فريد دكتور 100% و علامه بقاله 45 سنه بيدرس فى الكليه و بيقول انه كان علمى رياضه و بيحب الرياضه و الاحصاء و الاقتصاد لكن فيه عيب انه بيخرج عن الموضوع اللى بيشرح فيه كتير و يارب ده يكون فى اول محاضره بس و ميكونش دايما
انما بقى الدكتور احمد غنيم بتاع الاداره العامه قعد يتكلم كتير قوى و مفهمتش منه حاجه لانى مش عارف هو بيشرح ايه اصلا لخبط المنهج فى دماغى و انا لسه اول يوم
sunsero2000 بيقول انه حضر اول محاضره فقط و كنت هقابه النهارده لكن ظروف و بائذن الله هقابله قريبا و هو شخصيه محترمه جدا و انا سعيد جدا انى اتعرفت عليه

خلاص يا ستى لو هتيجى بكره البسى ابيض فى ابيض وواستنى جمب النافوره الساعه 11.30 :):)
وانا هبقى لابس دزمه سواد ومعايا الكانزيه هع هع هع هع هع

الله يخليك يامان على كلامك الجميل وان شاء الله يكون ليه الشرف واشوفك بكره

بتتريق ماشى ياعم براحتك انا بقى حضرت المحاضرتين وكلام ميجا صح جداا لما نشوف بكرة ايه النظام يلا ربنا معانا

جدول محاضرات انتظام المنصوره
 

السبت 12:30 - 2:30 اداره عامه يحى عبيد

الاحد
11:30 -1:30 تطور اقتصادى و موارد مدرج (ب)
3:30-5:30 اداره عامه مدرج (ب)
الاثنين
8:30-11:30 اصول محاسبه ماليه 2 يحي عبيد
11:30-1:30 سلوك تنظيمى يحي عبيد
2:30-5:30 اقتصاد كلى المهدى
الثلاثاء
10:30-12:30 قانون تجارى مدرج (ب)
12:30-1:30 حقوق انسان مدرج (ب)
الاربعاء
10:30-12:30 سلوك تنظيمى يحي عبيد
12:30-2:30 قانون تجارى يحي عبيد
2:30-4:30 تطور اقتصادى و موارد يحي عبيد

انا حطيت الجدول هنا فى الموضوع لانى عارف حركات المشرفين دول و انا لو كنت عملت الجدول فى موضوع خاص كان فامبير كان عمله رد فى الموضوع فانا اقتصرت الموضوع و معلش للجماعه بتوع انتظام لان انا اصلا لانى مكنتش اعرف انهم محتاجين الجدول و انا بائذن الله هنزل جداول الفرق الاخرى انتساب و انتظام المنصوره بكره لكن انا مشفتش حد اكبر من تانيه هنا المنصوره عاوز اتعرف على ناس اكبر منى و رنا يكون فى عون الجماعه بتوع الفرقه التانيه انا بمجرد ما عينى وقت على جدولهم كده بس صعبوا عليا ده عندهم بلوتين الاولى د\ الزهار بتاع اقتصاد بيجيب امتحان موت موت موت
و فى الاداره د\ منى الدكرورى دكتوره نفسيه اخر حاجه ربنا رحمنا منها فى التيرم الاول لما اتلغت مادتها ربنا معاكم يا جماعه و يصبركم على ما بلاكم

على فكره دكتور احمد غنيم اكتشفت النهارده علشان الواحد يفهم لازم يكون معاه الكتاب و يمشى معاه و هو بيشرح و يخطط فى الكتاب هيفهم و هيبقى 100%
و بالنسبه للدكتور \احمد جاد بتاع السلوك التنظيمى و الله العظيم دكتور عسل و فكرنى بمدرسين الثانوىو هو بيوقل انا عاوز لما تشوفونى تسلموا عليا مش اول لما تشوفونى تودوا وشكم الناحيه التانيه و الله نفس الكلام اللى كان قاله لينا مدرس الانجليزى اللى كنت باخد عنده بالاضافه انى حاسس انه عائل و متزن جدا و مادة السلوكيه ذات نفسها مادة روعه و هو بيشرح بيفهم
الاستاذ\عباس رضوان بقى بتاع المحاسبه هو كويس و كل حاجه لكن كل كلامه لغة عربيه الفصحه من الناس بتوع نعم يا سيدى بيفكرنى بافلام و مسلسلات الانمى(الكرتون)

لا لا لا تريقه ايه اوعى تفهمينى صح
لو عاوزه الكانز تعالى فى محاضره بتاععه السلوك التنظيمى خديها عشان شكلى مش هحضر الا للدكتور ده لانه باين عليه عسول

فعلا الدكتور ده زى العسل وبصراحه هموت ع الاب توب الى معاه عجبنى مووووووت ودكتور ميه ميه الصراحه وحسيته عاقل كده وبتاع المحاسبه محبتوش خاااالص الله يرحم ايامك ياعزمى

اه انا بردو كانت هتخرم اللاب بعينى والحمد لله مش حضرت المحاسبه ولا الاداره كلها هترسى على سلوك وحروق لسان

ابن حلال ده انا كنت لسه هدخل اكتب جدول انتظام والله بس كنت برضه هحطه هنا كمان وبصراحه انا عايزة اشكر فامبير انه ثبتلى الموضوع

ها ياجماعه قولولى ايه الاخبار هنحضر كله ولا ايه انا النهارده اليوم كان طحن قووى بالنسبه لى وجيت ميته جدااا ومش حاسه انى مبسوطه خالص المحاسبه مش ارتاحتله بيشرح شفوى من امتى المحاسبه شفووى والادارة بيوجع دماغى ومش بفهم حاجه فالاخر السلوكيه بس هى الى عجبنى دكتور احمد شكله محترم كده وعسل قووى

لا لا انتم بتتكلموا عن اللاب توب ياااه ده انتم عارفين اللاب توب ده بكام اصلا ده ب 32 الف جنيه عارفين يعنى ايه ده شاشه تاتش و يمكن يتقلب و يبقى زى الكشكول يكتب بخط ايده و يتخزن على اللاب و كانت المفاجاه الكبيره لما لاقيته بيقلب الصفحه من غير ما يقرب من اللاب لما ركزت لاقيت فى ايديه قلم ليزر بيشتغل بيه من على بعد زى الماوس ربنا يبارك له فى اللاب توب و فى علمه الوفير و انا هحضر كل المحاضراتعلى قد ما اقدر و بالنسبه لدكتور الاداره هو لازم يكون معاك الكتاب و انت حاضر المحاضره و بتخطط وراه علشان تقدر تفهم زى ما قلت و الدكتور \عباس رضوان بتاع المحاسبه هو انا شايف انه كويس و بيفهم و ده من اسلوبهو للاسف انا لما بصيت فى كتاب المحاسبه اتعقدت لقيت اكتر من نص الكتاب نظرى دش يعنىربنا يستر علينا دى الماده الوحيده التطبيقيه اللى علينا يطع اكتر من نصها دش و بيقول قوائم ماليه انا فاكر ساعة ما كانوا بتوع القاهره بيمتحنوا محاسبه بيعقوا يتكلموا عن القوائم الماليه لغاية ما اتعقدت منها من قبل مااشوفها
لكن هو مفيش حد بيدخل على المنتدى فى تانيه او ثالثه او رابعه من المنصوره تجاره خالص ولا ايه
على فكره يا جماعه انا متفائل جدا

لا مستحيل حد يقدر يحضر كله ازاى يعنى الواحد يستحمل 6 ولا 7 ساعات ورا بعض
كفايه اوى 2 وكتير كمان

ياعم ما فيش لا احنا من المنصوره باين
مش عاف ليه انا حاسس ان الاب توب ده مش هيدخل لينا بيه تانى هههههههههههههههههههه

انت ممكن مش عتقدر تحضر كل المحاضرات علشان انت وراك سفر بعد ما تخلص انما انا المسافه بين الجامعه و بيتى خمس و لا عشر دقائق يعنى ما بتعبش و الله انا مش عارف ليه السنه دى مش حاسس بتعب ولا ارهاق زى التيرم الاول
ممكن يكون فى ناس من المنصوره بتدخل لكن مش بتحط ردود

ومش بيردو ليه يعنى خايفين لا يتمسكو

لا ياعم انا سمعت ان الكلام ده اشتغاله وهيدى عادى ده انا لو عزمى مشرحليش محاسبه ممكن انتحر فيها
بصراحه عزمى ده بجد جامد قووى ربنا يوفقه لانه بجد يستحق

ايه رايكم فالاقتصاد النهارده انا شايفه انه كويس بيشرح يعنى بس داخل حامى علينا وعمال يهزا فينا كده لينا ده حتى والله كان بيزعق لواحد شكله محترم جداا ومعملش حاجه خالص انا كنت قاعده قدام وشايفاها متكلمش خالص بس يلا مش مشكله المهم انه بيشرح واحنا بنفهم منه

لا انا العكس خالص انا مش فهمت منه حاجه ودماغى ورمت وممكن اعتمد ع الكتاب بس