|
يوميات عبقرينو
بسم الله الرحمن الرحيم فى البداية اعرفكم بعبقرينو (طالب ذكى فى تانية اعدادى -بيموت فى الرياضيات) طبعا الشخصية دى من نسيج خيالى سوف نحاول مساعدة عبقرينو - فى هذا الموضوع - فى حل بعض الاسئلة اللى سأئلها له مدرس الرياضيات وايضا تفسير الحلول التى قدمها تعالوا بينا نفكر مع عبقرينو اليوم (1) دخل المدرس الفصل ومعاه شوية شهايد وبيرصد درجات نصف العام وطبعا حب يشغل الطلاب فى اى حاجة علشان يعرف يشتغل فطلب منهم ان يجمعوا من واحد الى مائة يعنى :- 1+2+3+4+5+6+..........+98+99+100 اعتقادا منه انه بهذة المسألة سوف يشغل الطلاب لحين رصد الدرجات ولكنه وبعد 30 ثانية تقريبا فوجىء بعبقرينو يقدم له الحل وهو حل صحيح تمام وبدون استخدام الالة الحاسبة !!!!!!! ترى كيف فعل عبقرينو ذلك ؟؟؟؟؟:confused::confused::confused: مع انه لم يدرس المتسلسلات؟؟؟؟؟ اتمنى المشاركة من اعضاء المنتدى وخاصة مدرس الرياضيات:):078111rg3::) |
اقتباس:
السلام عليكم ورحمة الله وبركاته أولاً) أشكرك أستاذ أحمد على هذا الموضوع الرائع المتميز :049gc0::078111rg3: ثانياً) أشكر هذا الطالب عبقرينو وأهنئه على ذكائه:049gc0::078111rg3: ثالثاً) هذا العبقرينو لاحظ أنّ : (1+100)=101 ، (2+99)=101 ، (3+98)=101 وهكذا... وسأل نفسه قائلاً: يبقى عندى كام 101؟ وأجاب مسرعاً: 50 فتوصل إلى أنّ المجموع=101×50=5050 |
انا فاكر كنت قاعد فى مرة بفكر احط قانون يحل المتسلسلة دى و انا فى الثانوى تقريبا
وصلت ان زى ما قال الاستاذ محسن علشان اجمع حدود المتسلسلة ( 1 , 2 , 3 , 4 , ....., ن ) = ( ن + 1 ) × ( ن / 2 ) بالتعويض عن ن = 100 ........ نوصل لحل الاستاذ محسن |
تمام يا عبقرينو رقم 2
|
بجد حلوةةةةةةةةةةةةةةةةةةةةةةةةةةةةةةةةةةةةةةةة
|
اقتباس:
حلك ممتاز وهدفى الاول من هذا الموضوع تقديم بعض الامثلة التى تقيس القدرة الابداعية لدى الطلاب ممكن ان يستخدمها مدرسى الرياضيات كلما امكن ذلك ارجو ان ينال هذا الموضوع اعجاب ومشاركة الجميع وهناك حل اخر يحمل نفس الفكرة وهو نكتب الاعداد 1 +2 + 3 + 4 +......+98+99+100 "طبعا عددهم 100 عدد" نعكس وضع الاعداد 100+99+98+97+........+3 +2 +1 "نجمع كل عددي متناظرين نحصل 101 وعددهم مائة 101 مجموعهم 100*101=10100 وبالتالى لنحصل على مجموع من 1 الى 100 مرة واحدة فقط نقسم على 2 وهو يساوى 5050 |
انا من يومي اصلا وبحب الرياضة
انا ما ليش حل وشكرا لشخصية عبقرينو التخيلية وفعلا انا كنت حريف رياضة لدرجة ان مدرس الرياضية كان بيدخل وعارف انه هيدفع لي فلوس علشان كنت بجاوب على اسئلة الجبر والهندسة في لحظات وبفضل الله |
اقتباس:
ولكن هدفى من هذذا الموضوع حل المسألة بعيدا عن المتسلسلات لان الطالب عبقرينو لا يقدم حلول تحتوى على مجموع متسلسلة لانه لم يدرسها بعد فهو طالب عبقرى فى تانية اعدادى |
اقتباس:
ارجو المشاركة فى المرات القادمة |
اقتباس:
اكون فى منتهى السعادة اذا تواصلت معنا فى هذا الموضوع |
تعليق على اليوم الاول
احب ان اذكر هذة الاحداث التى حدثت معى بالفعل
كنت فى سنة رابعة تربية رياضيات وكانت معى مجموعة متميزة جدا من الطلاب والطالبات وفى محاضرة لطرق تدريس الرياضيات طرح علينا الدكتور هذا السؤال اجمع من 1 الى 100 فى خلال دقيقة واحدة وبدون استخدام الالة الحاسبة كلام فى سركم كان سؤال مفاجىء ولم يتمكن احد من حله وبمنتهى البساطة قام الدكتور بحله واكتشفنا بساطة الحل وذكر لنا الدكتور قصة حدثت بالفعل فى القرن الثامن عشر دخل مدرس رياضيات للصف الرابع الابتدائى وكانت معه بعض الاعمال التحريرية (تصحيح كراسات) وأراد ان يشغل تلاميذة لمدة نصف ساعة فطرح عليهم هذا السؤال وفوجىء بعد أقل من دقيقة ان احد التلاميذ قدم له حل صحيح عرفين التلميذ دة ميييين تيلور "عالم الرياضيات الشهير" ارجو من مدرس الرياضيات الاهتمام بالاسئلة الابداعية لكى تنجب مصر علماء امثال تيلور |
اليوم الثانى
اليوم(2) بعد ان قام عبقرينو بتقديم حله الرائع للمسألة السابقةاثنى المدرس على عبقرينو وامتدحه كثيرا لاحظ المدرس بعض الغرور او التعالى على الرياضيات فأراد المعلم ان يوضح لعبقرينو ان الرياضيات مالهاش كبير فطرح على الفصل السؤال التالى كيف يمكنك باستخدام مسطرة مدرجة طولها متر واحد فقط (زى اللى بيستخدمها مدرس الرياضيات فى الفصل) قياس ارتفاع عمود نور مكهرب (اى به ماس كهربى لا يمكن لمسه او تسلقه) فظل عبقرينو يفكر فى هذا اللغز قصدى المسألة بس لو كانت نخلة كان طلع قاسها وبس ترى هل سيتوصل عبقرينو لحل هذا اللغز ام لا واذا توصل الى الحل ترى كيف يمكنه قباس ارتفاع العمود؟ مع تحياتى للجميع أ/احمد |
اقتباس:
السلام عليكم ورحمة الله وبركاته بما أن عبقرينو عبقرينو فقد أجاب معلمه قائلاً: نجعل المسطرة عمودية على الأرض ثم نقيس طول ظلها ثم نقيس بالمسطرة طبعاً طول ظل عمود النور فيكون: طول ظل المسطرة / طول المسطرة = طول ظل العمود / طول العمود طول العمود = (طول المسطرة/طول ظل المسطرة )×طول ظل العمود وده طبعاً لأنّ عبقرينو درس فى الإبتدائى موضوع النسبة والتناسب. |
اتفق مع حل الاستاذ محسن
|
مثله مثل ما قاسو الاهرامات سابقا فانه يوجد ساعة فى النهار تماثل الظل الموجود تماما للشكل المراد قياسة وبذلك فانه من السهلقياس العمود على الارض دون الحجة للمس العمود نهائيا مع تحيات أ\ فؤاد الحلفاوى
|
اقتباس:
شكرا على المشاركة |
فى اثناء الفسحة
لاحظت عبقرينو يمسك برغيف عملاق وحتة جبنة قريش ويجلس تحت السور وياكل . وبعد الفسحة قلت اسأل عبقرينو سؤال علشان يشغل مخه بعد الغداء واد يا عبقرينو الرغيف اللى اكلته شكله اية فرد على الفور :دائرة يا استاذ فقلت له:- كيف يمكن تحديد مركز الدائرة ؟ واذكر كل الطرق الممكنة؟ وامهلته 3 ايام لتقديم الحلول يا ترى ايه الحلول اللى هيتوصل لها عبقرينو؟؟؟؟؟؟ |
1 مرفق
اقتباس:
السلام عليكم ورحمة الله وبركاته الحل الأول نرسم وترين فى الدائرة ثمّ نرسم محورى تماثلهما فتكون نقطة تقاطعهما هى مركز الدائرة. الحل الثانى كما بالرسم |
الرجاء توضيح فكرة الحل الثانى
هل من حلول اخرى شكرا على الاهتمام يا استاذ محسن |
أنا عندي أسهل طريقتين فيهم
1 معع 99 = 100 2 +98 = 100 3 + 97 = 100 وهكذا إلى 49 + 51 = 100 سنعرف كم مائة جماعناها وهي 49 × 100 = 4900 وبعدين هنجمع الرقم 100 اللي في الآخر اللي احنا سبناه الأول ( احنا بدأنا ب 99 ) وهجمع 50 كمان ( احنا انتهينا ب 49 ) يبقى 4900 + 100 + 50 = 5050 الطريقة الثانية الخطوة الأولى عندنا مجموع الأعداد من 1 إلى 9 = 45 هنجمع كل الأحاد اللي في الأرقام من 1 إلى 100 = 45 × 10 = 450 الخطوة الثانية هنجمع العشرات العشرة الأولى ( اللي هي بتاعة الأرقام 10 و 11 و 12 إلى 19 ) هتكون = 10* 10 = 100 العشرة الثانية ( ( 20 و 21 و22و23 إلى 29 ) هتكون 20 * 10 = 200 وهكذا إلى أن نوصل إلى الآتي العشرة الثالثة = 300 العشرة الرابعة = 400 500 ، 600 ، 700 ، 800 ، 900 هنجمع العشرات 100 + 200 + 300 + 400 + 500 + 600 + 700 + 800 + 900 = 4500 هنجعهم على 450 بتاعت الأحاد = 4500 + 450 = 4950 هنجمع عليهم الرقم مية اللي الحنا سبناه برضك = 4950 + 100 = 5050 * ملحوظة : الطريقة دي من ابتكاري بس معرفش إذا كان حد اتوصل ليها ولا لأ مع تحيات ( طالب الثالث الاعدادي من البيت 4 - شارع النمر المتفرع من شارع البر الغربي تلا المنوفية الدلتا مصر قارة افريقيا قارات العالم القديم . كوكب الأرض . المجاور للمريخ والزهرة . المجموعة الشمسية . الفضاء الخارجي برج الجدي بجوار برج الدلو ) |
الحل الثالث في تحديد مركز الدائرة نرسم مثلث خارج ثم ننصف زواياه
|
اقتباس:
ومبتكرة بارك الله فيك وعلى فكرة الموضوع دة مخصوص علشان الحلول الابتكارية لان كل المسائل لها اكتر من حل ارجو التفكير فى مسألة مركز الدائرة أ /احمد:) |
نرسم مثلث خارج ثم ننصف زواياه ونقطة تقاطعهم هي الزاوية
|
اقتباس:
قصدك نرسم مثلث داخل وننزل من منتصفي أي ضلعين بعمودي على كل منهما نقطة تقاطع المستقيمين تكون هي مركز الدائرة وفي طريقة أخرى حط الورقة بينك وبين النور حتلاقي في نقطة منورة (مخرومة) تيقى هي ده المركز اللى اترسم منه الدايرة :p |
و طريقة تانية لإيجاد مركز الدايرة ... ممكن يرسم زاوية محيطية قائمة
و يوصل بين النقطتين اللي بيتقاطع فيها ضلعين الزاوية مع الدايرة يبقى الخط اللي واصل بينهم ده هو المحيط و ياخد نقطة في منتصفه تبقى دي مركز الدايرة |
و ممكن كمان نرسم زاويتين محيطيتين قائمتين بدل من زاوية واحدة
و بالنسبة لكل زاوية يوصل بين النقطتين اللي بيتقاطع فيها ضلعين الزاوية مع الدايرة يبقى الخط اللي واصل بينهم ده هو القطر كده يبقى في قطرين للزاويتين و التقاطع مابينهم هو المركز آه.. و بالنسبة للحل الأول بتاعي ممكن بمعنى أصح نقول انه ممكن نجيب المركز عن طريق رسم مثلث قائم داخل و تكون نقطة منتصف وتر المثلث القائم(اللي هو القطر في الدايرة) هي مركز الدائرة و نقطة منتصف وتر المثلث ممكن نجيبها عن طريق تقاطع منصف الزاوية القائمة مع الوتر و معلش في آخر المشاركة اللي فاتت أنا كتبت (محيط) بدل من (قطر) و معنديش صلاحية تعديل مشاركاتي دماغي فوتت من الامتحانات و حل كمان ممكن نرسم مربع داخل بحيث تقع رؤوسه الأربعة على الدايرة و نجيب نقطة تقاطع قطرين المربع.... اللي هي نقطة مركز الدايرة |
و كمان ممكن يرسم مماسين للدايرة
و يقيم عمود على كل مماس من نقطة التماس مع الدايرة و نقطة تقاطع العمودين هي المركز |
أفكار جميلة يا دكتور مختلف :)
|
اقتباس:
|
السلام عليكم
شكرا للمشاركة الحلول كلها صحيحية وارجو ان يدرك مدرسى الرياضيات الهدف الفعلى من هذا الموضوع ليس مجرد الحل فقط ولكن الحصول على اكبر قدر ممكن من الحلول التى يقدمها اعضاء المنتدى الاعزاء تعليق بسيط 1)نرسم مثلث خارج ثم ننصف زواياه ونقطة تقاطعهم هي المركز (MezoX) حل صحيح لان مركز الدائرة الخارجة للمثلث هى نقطة تقاطع منصفات زواياه 2) قصدك نرسم مثلث داخل وننزل من منتصفي أي ضلعين بعمودي على كل منهما نقطة تقاطع المستقيمين تكون هي مركز الدائرة (banzer) حل تمام ولكن بصيغة اخرى تم طرح هذا الحل من قبل نرسم وترين فى الدائرة ثمّ نرسم محورى تماثلهما فتكون نقطة تقاطعهما هى مركز الدائرة(استاذ محسن) وشكرا للحلول الرائعة والمتنوعه (Dr.DifferenT) |
اليوم (4) سألت الواد عبقرينو : باستخدام الادوات الهندسية ارسم شكل سداسى منتظم طول ضلعه 10 سم يا ترى ايه الحلول التى سوف يقدمها عبقرينو؟؟؟؟؟؟؟؟؟؟ |
اقتباس:
السلام عليكم ورحمة الله وبركاته بما أن الواد عبقرينو عبقرينو فقد أجاب قائلاً : سهلة نرسم بالفرجار دائرة طول نصف قطرها 10 سم ثمّ وبنفس الفتحة نرسم 6 أقواس على محيط الدائرة ثم نصل بين نقاط تقاطع هذه الأقواس مع الدائرة على التوالى فنحصل على شكل سداسى منتظم طول ضلعه 10سم . وهنا جاءت عبقرينو فكرة سريعة يجب تسجيلها بسرعة ماهى هذه الفكرة؟؟؟ قال عبقرينو : نرسم 6 مثلثات متساوية الأضلاع طول ضلع كل منها = 10 سم ومتقاطعة فى نقطة واحدة هى مركز السداسى المنتظم فيتكون شكل سداسى منتظم طول ضلعه = 10 سم . وفى هذه الأثناء خطرت على باله فكرة ثالثة وهى : قال عبقرينو لنفسه ياواد بدل ماترسم 6 مثلثات ارسم أحسن 3 معينات متقاطعة فى نقطة واحدة هى مركز السداسى المنتظم فيتكون السداسى المنتظم . وجزاكم الله خيراً أ / أحمد على هذا الموضوع الرائع:078111rg3: |
انا ايضا اتفق مع الاستاذ محسن والاجابات فعلا جميله ..
|
اقتباس:
وهناك حل اخر نرسم ضلع 10 سم ثم زاويه 120 وهكذا حتى يكتمل الشكل السداسى ( الحل المباشر) |
اقتباس:
جزاكم الله خيراً أخى أ / أحمد وعلمك ماينفع ونفعك بماتعلمت |
اليوم (5) اردت ان أختبر مهارة عبقرينو بمسألة حسابية كالأتى :إذا كانت أ ب جـ د هـ x 4 ________________ هـ د جـ ب أ حيث أ , ب , جـ , د , هـ أعداد طبيعية أقل من العشرة(أرقام) أوجد قيمة أ , ب , جـ , د , هـ ياترى هل يستطيع عبقرينو أن يحل هذة المسألة وإن إستطاع فما هى طريقة الحل ؟؟؟؟:022yb4::028ja7::022yb4: |
اقتباس:
السلام عليكم أخى أ / أحمد لم تنتبه أن عبقرينو عبقرينو فهو دائماً يفكر ويفكر ويفكر ثم ينطلق بالحل :078111rg3: 21978 × 4 = 87912 ولكن كيف حصل عبقرينو على هذا الحل ؟؟؟!!! هذا ماسيرد عليه بعد أن يترك فرصة للإخوة الأعضاء للمشاركة :stickjo4: |
اقتباس:
كيف توصل عبقرينو الى هذا الحل؟؟؟؟؟؟؟؟؟؟؟؟؟؟؟؟؟؟ اين اعضاء المنتدى؟؟؟ |
طيب سيبوني اتاكد من حاجة في دماغي وارد عليكم :)
برب |
عبقرينو ده طلع قرد
فلتت مني المرة دي خصوصا اني مركز في امتحان التفاضل بس الجايات اكتر من الرايحات :* يلا برب |
لا يأس مع الحياة
ولا حياة مع الياس اين اعضاء المنتدى |
من ساعة ما مستر محسن حطها وانا بفكر ومش رلضى ارد غير اما اعرف قولها يا استاذ محسن انا مش هاقدر عليها
|
بجد موضوع فيه افكار كتيره وجميل اوي
|
اقتباس:
حاول مرة اخرى ان شاء الله سوف تتوصل للحل اخى/Ayman |
اقتباس:
وشكرا على المجاملة ارجو التواصل والمشاركة فى الحلول اخى /الذكى |
اقتباس:
لعدم وجود اجابات من باقى الاعضاء وشكر على الاهتمام :028ja7::022yb4::028ja7: |
اقتباس:
السلام عليكم ورحمة الله وبركاته حاضر يا أستاذ / أحمد أ ب ج د ه ×4 =ه د ج ب أ ( ه هى هاء ) 4×أ= ه هذا يعنى أنّ : ه=عدد زوجى 4×ه=أ وبدون باقى إذن: ه= 2 ومنها: أ=8 ثمّ نكتب السؤال هكذا: 8 ب ج د2 ×4 =2 د ج ب 8 بما أنّ4×8 =32 أى 2 والباقى3 إذن 4×ب+3 = د وأيضاً 4× د = ب بما أنه لايوجد باقى إذن د = 1 أو 2 وبما أنّ 4× ب(عدد زوجى)+3 = د زوجى + فردى = فردى إذن د = 1 وهكذا نوجد ب ، ج |
اقتباس:
يخرب عقلك يا واد يا عبقرينو انت طيب مستني المساله اللي بعدها :049gc0::049gc0:بقارغ الصبر شايفين اديا :) برب |
اقتباس:
دائما اقف مبهور امام علمك جزاك الله خيرا تسلم ايدك:022yb4::028ja7: |
اقتباس:
شكرا على المجاملة اخيك /احمد:d |
| جميع الأوقات بتوقيت GMT +2. الساعة الآن 07:08 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.