للفزيائيين فقط
 

:049gc0:مسطرة افقية طولها متر معلقة من المنتصف تحمل كتلة معدنية تبعد عن احد طرفيها 35 سم وكتلة اخرى على بعد12 سم من المنتصف وعند ذلك تكون المسطرة فى حالة اتزان وعندما غمرت الكتلة الاولى فى الماء لزم تحريك الكتلة الاولى 3سم حتى يحدث الاتزان مرة اخى فما هى كثافة الكتلة الاولى مع العلم ان الكتلة الثانية 12جم

الكثافة 6000 لو صح يا ريت تقولي

اقتراح
 

:)ايوة الكثافة 6000 انا اسف انى نسيت
ولو سمتوا انا عندى اقتراح يسهل علنا مذاكرة الفزياء احنا ممكن نعمل اتحاد لان كتب الفزياء كتيرة والافكار اللى فيها الجديدة قليلة فاحنا ممكن كلواحد نتفق انه يحل اسئلة كتاب معين على فصل معين وكل واحد يجيب الافكار الجديدة اللى تقابله عشان الكل يستفاد ويكون كل واحد فينا وكأنه حل كتب كتيرة من غير مجهود كتير
يا ريت الرد العاجل وشكراا

فكره كويسه بس الي ينفز
لو اتفقتوا انا ممكن اطوع واحللكوا كتاب المدرسه والنماذج وخلي الباقي عليكوا

هى فكره كويسه
وانا ممكن احل لكم كتاب الماسى والمثالى
على الفصول اللى تحددوها
وياريت المشاركه فى الموضوع ده لانها بجد فكره كويسه

فكرة حلوة اوي

اتفقوا علي التنفيذ وقولولي انا عندي كتاب الامتحان والاول

فكرة جميلة أنا هكون معاكوا ان شاء الله

المسألة طلعت 

وفر على نفسك الوقت
الفيزياء مش محتاجة كل الكتب دى كافية تحل كتاب دليل تقويم الطالب فية افكار جميلة ومعظم الكتب الخارجية تنقل منة
ولو انتم خايفين انا على استعداد اساعدكم
حددو انتم او الفصل وان اضع لكم كل المسائل الصعبة فى جميع الكتب الخارجية ونحلها معا
اعرفكم بنفسى الاستاذا / عادل فراج اخصائى تدريس الفيزياء الجيزة

الى كل رجل فى الثانوية العامة
 

طيب يا جماعة طالما انتوا عندكوا الحماس ده وطالما احنا رجالة (سواء ذكور او اناث لان الرجولة صفة وليست نوع)
عيزيين ننسق مع بعض كويس علشان الكل يستفسد والنظام سمة المم المتقدمة والثانوية اختبار للرجولة
اولا:igita حلو قوى لو حليت كتب الاول والامتحان وعلمت على الافكار الجديدة اثناء حلك وكتبتهلنا
ثانيا:انا ححل الوسام الازرق والدليل
ثالثا :looking for thetop يا ريت لو تحل اى كتابين مختلفين
رابعا:سنيوريتاحلى الماثى والمثالى وكده كويس قوىىىى
ملحوظات
اولا:عايزين نحدد معاد ندخل فيه كلنا اسبوعيا وليكن يوم الجمع الساعة 9 صباحا ونلتزم بالميعاد وكانها حصة درس لانها هتكون مهمة وافيد لنا من اى درس وكل واحد يجيب اللى عندة بالدور
ثانيا:سيادة الاستاذ المبجل اللى بيقول ان مافيش افكار جديدة ولا حاجة يمكن دا يكون بالنسبة لك اما احنا الطلبة فيكفى ان يكون الواحد مننا واثق من نفسه فى الامتحان وكأنه حالل 8كتب لان الثقه هيا عمل مهم جدا
ثالثا:مش عايزين نختلف كتير يا جماعة لان الرسول صلى الله عليه وسلم يقول بارك الله فى الشركين مالم اختلفا وعايزين نخاف على مصلحة بعض عشان ربنا يبارك فى عمنا
رابعا:مش عايزيين حد يدارى اسئلة مهمة فى الخباثة وانتوا فاهمنى عشان يبقى فى ثقة متبادلة

انا تحت امركم واى شى تريدونه رنا يقدرنا ونساعدكم لوجه الله فقط وتوكلو على الله

وانا كمان يا جماعه معاكوا انا عندى الوسام ومائه فى المائه

لو حلت امتحان االعام الماضى 2008 هتعرف ان الكتب الخارجية ليس لها اى اهمية
ركز على دليل تقويم الطالب
الكتب الخارجية معظم المسائل كلها مكررة منقولة من الدليل
اللى انت بتعملوةشىء جميل
انت اخترت الدليل وكتاب الوسام مسائل ودول اهم كتابين فى جميع الكتب
انا اقدم النصيحة تانى لوجة للة تعالى ولا تتعصب ولا تغضب كلنا نريد مصلحة الطالب
نحن من خبرتنا فى امتحانات الثانوية العامة وبالاخص الفيزياء
الموضوع مش نضع كل الكتب الخارجيةامامنا ونحلها
لا مش كدة
الفيزياء مادة جميلة مش عايزة افرات ولا تفريت
يعنى متخفش منها كل الخوف اللى انا شيفة دة ولا تتساهل معها
العام الفائت 2008 والاعوام السابقة تلاحظ ان معظم اخطاء لطلاب فى النظرى فى الاختيار من متعدد
فة اسئلة النظرى وليس المسائل لان المسائل اغلبيتها اى حوالى 5 مسائل مباشرة من 6
علشان كدة بنقول لكل طالب ركز على الدليل اولا
فية اسئلة نظرية تحتاج الى فكر
حلو الدليل مع بعضكم اولا
اختارو باب او فصل واتفقو معا على حلة وتناقشو فية
واتمنى لكم التوفيق باذن للة
وشكرا

اوك


انا معاكم


ان شاء الله انا هكون موجود يوم الثلاثاء من كل اسبوع الصبح


وعندي لكم مفاجأة شوية اسئلة اولمبياد جديدة نوفي عجب

أة بالنسبة للأستاذ عادل فراج اخصائى تدريس الفيزياء الجيزة

عايز اقولك أنا أعرف طلبة السنة اللي فاتت حلو الدليل وكتاب الماسي وكتاب الوزارة وحلو أكتر من 50 امتحان ثانوية عامة

هو صحيح الامتحان جاه معظمه منهم

لكن كان فيه 4 مسائل مكانوش موجودين فيهم نقصوا حوالي 10 درجات

وياريت متهبطش عزيمة الناس سيبهم يحلوا على الاقل لو مجاش من الكتب دي حاجة يبقى احنا استفدنا من اللي حلناه ونطلع من السنة دي على الاقل فاهمين فيزياء صح

علشان ننفع بلدنا ولا ايه

ولا انت من اللي بيحبوا التعليم بالحفظ ؟؟؟؟؟؟ !!!!!!!

آسف ان كان كلامي ضايقك بس دا مجرد رأي

منعا لخطأ الفهم
 

استاذنا الكريم :صدقنى انا مزعلتش ولا حاجة والله العظيم كلامك عندى يمثل خبرة استاذ فاهم كويس قوى المنهج بس فى ملاحظة بسيطة ان انا وزملائى مش عايزين نجيب درجة حلوة والسلام احنا عايزيين نقفل الفزيا بأذن الله تعالى مهما كانت صعوبة الامتحان
وبقوول لحضرتك انى ااسف جدا لو كان كلامى زعلك
ومشاركة حضرتك هامة جدا وكلام سيادتك على الرأس والعينين

للعلم فقط
 

خلاص يا جدعان احنا هنبدأ بالكهربية ان شاء الله هنخلص بأذن الله تعالى فصل 9 الاسبوع ده

انا باذن الله تعالى هدخل يوم الجمعة من كل اسبوع الساعة 9 صباحا
وبالله عليكو ما تنسوش تدعولى وانتوا بتصلوا على فكرة انا اسمى الحقيقى محمد عويضة
ويا ريت كلواحد يقول اسمه الحقيقى عشان نكون اقرب لبعض

معاكم بس أنا جيت متأخر
بس أنا شايف أنكم مش حاطين كتاب المدرسه ف التقسيمه
آخده أنا ولا إيه ؟؟؟؟؟؟؟؟؟

لا طبعا موجود في القسمه ولو مش اخد بالك هتلاقيه من قسمتي

انا اتفق مع الاستاذ عادل فراج في ان الاهم هو النماذج وكتاب المدرسه بس طبعا مفيش مانع ان احنا ننمي عقلنا باستيعاب اكبر عدد من المسائل وخصوصا ان احنا مش هنضيع وقت كتير لان كل واحد فينا لو حل كتاب هتكون المحصله لكل طالب حواي سست او سبع كتب فيكون الموضوع مفيد اكتر
وان شاء الله نتفق على معاد الجمعه الساعه تسعه وان شاء الله هاكون اول الحاضرين باسئله اليباب التاسع
بس احب اضيف حاجه ياريت منكتفيش بمسائل الكتب ياريت الي عنده مسائل في مذكره الدرس وشايف ان هي صعبه ياريت يعرضها علينا علشان الكل يستفيد

سوري يا بسمه و الله ما كان قصدي
أصلي لما بصيت علي التقسيمه دي
نسيت اللي أنتي كتبتيه ف الأول
خلاص كده يبقي ما فيش كتاب عليا
بس هانزل الإمتحانات اللي المدرس بتاعنا بينفخنا بيها
و مدرس المدرسه بيدي أسئله فيها فكره
هانزلها إن شاء الله
و أسف تاني يا بسمه و الله ما كان قصدي

معاكو و انا هشرف على الموضوع

طيب أما نشوف آخرتها أنا معاكم و عندى كتابين مجبتوش سريتهم تقريباً
كتاب 100 % و كتاب كشكول الأول
الكتاب الأولانى أسئلته قليله أما التانى ^_^ ربنا يكون فى عونى عن نفسى
هحاول أجمعلكم الأفكار المهمة بس من رأيى مينفعش كلنا ندخل فى يوم واحد لأننا
كده هنكتب كم كبير من المسائل المكررة أنا رأيى ننقسم نفسنا سبع مجموعات على الكتب وكل يوم
مجموعة تحط الأفكار المهمة و اللى بعدهم ميكرروش أسئلتهم
و كمان لازم نفكر بشكل عملى أنتم كده هتضيعوا وقت كتير فى كتابة الأسئلة
عموماً محتاجين اقتراحات لحل الحجات ده عموماً غداً هحاول أفكر فى حلول مقترحة لأن الوقت متأخر و عايز أنام
سلام عليكم و رحمة الله و بركاته

أخيرا المفاجأة


انا دلوقتي بجمع شوية أسئلة أولمبياد من اماكن مختلفة تتناسب مع منهجنا ودا أول سؤال في المرفقات

معلش نسيت المطلوب من المسألة حساب المقاومة المكافئة

المقاومة المكافئة هى واحد

طلعت معايا 1/2 أوم

على فكره مفيش مشاكل خالص احنا يعني مش هنقعد نصف ساعه ونقوم هو يوم الجمعه كله بس بدايه الساعه 9 تيجي 10 او 11 مش مشكله مش هنمشي

مطلعتش معايا خالص ومش عارفه احلها ياريت الاجابه النهائيه

تمام صح كده
الأسلاك الموجودة مجهلة المقاومة بمعنى عند وجودها يمر فيها التيار ولا يمر ف الفروع الأخرى

اهلا استاذ ايهاب

فى السؤال يقصد ايجاد المقاومة المكافئة لهذة المقاومات دون مرورتيار استاذى

بمعنى ان مقاومة الاسلاك ليس طرفا ( مثل ؤال اولمبياد العام الماضى)


اما بالنسبة للمقاومة المكافئة

فحاولت على قد ما اقدر تبسيطها حتى يفهما الجميع



http://up1.m5zn.com/photo/2009/2/18/...rj6z3o.jpg/jpg


كما بالشكل

نرى المقاومتين 1 و 2 مرتبطين ببعض وطالع السلك ليرتبط بالمقاومتين 4 و 5 من احدى الاطراف

ونرى المقاومتين 4 و 5 مرتبطتين لترتبط بالمقاومة 3

وكذلك المقاومة 1و 2

ولذلك تتلخص الدائرة كما بالشكل السفلى

ليصبح

المقاومة الكلية = 1/2 +1/2 + 1 = 2 اوم

وهى المقاومة المكافئة


والله اعلم

وشكراااااا

الرسمة صح يا مينا بس ما ننساش أنه عايز المقاومة الكلية بين الطرفين a & b
أنت اعتبرتها دايرة ليها
المفروض فى الآخر 0.5+0.5 =1
مع 1 على التوازى تبقى نص
صح و لاّ ايه؟

سقطت سهواااا:):):)

تمام عبد الرحمن دة لو افترضا انة عايز المقاومة بين A ,b

و لا يهمك يا مينا

بس حاسس أن صاحب الموضوع الأصلى هيزعل
عموماً احنا قصدنا المشاركة فى موضوعك و تنشيطه ليس أكتر

قلى عبد الحمن هل هناك مشكلة لو جعلنا الرسمة بهذا الشكل :):):)



http://up1.m5zn.com/photo/2009/2/18/...m5vnwh.jpg/jpg

ما اريد قولة عبد الرحمن

هو انة اذا طلب ايجاد المقاومة الكلية بين a , b تكون 1/2 اوم ( زى ما انتا كاتبها )

واذا كان يريد المقاومة المكافئة بين c , d تكون المقاومة الكلية تكون 2 اوم ( زى ما انا كاتبها )

المقاومة مقاومة لإيه؟؟؟؟؟؟؟؟؟؟؟؟
تمام دى حسابات جميلة بس بتشير الى المقاومة من فين لفين
لانها ممكن تشير بعد اللف دة الى من d to b ؟؟؟؟؟؟؟ وتبقي واحد ؟؟؟؟
طب لو عملناها وحسابناها فى المعمل تتخيل تطلع كام؟؟؟؟

اهلا استاذ ايهاب

اولا صاحب السؤال لم يحدد المقاومة الكلية من فين لفين ولذلك قمت بأيجاد الاحتمالين الذى قمت بكتابتهم

اما الاحتمالات الباقية فسهل استنتاجها على ما اعتقد

شكرا لك استاذى

شكرا لك مينا ولكن الفيزياء يا أخ مينا هى الطبيعة " ما يحدث فيها "حتى ولو اعترض البرت اينشتين ....... هكذا يراها من يعشقونها ........... ولك جزيل الشكر وفكرك فكر راقى و الى الأمام دائما

انا وصلت متاخرة لكن انا معاكم

انا بعتزر عن تأخري في وضع الحل لكن عزري اتمنى يكون مقبول لاني مشغول شوية في الاطلاع وتحضير الاسئلة

والاجابة الصح هي 0.5 أوم

واحب اشكر كل اللي جاوب على السؤال خصوصاً master666666 و mena288 وabdelRhman772007


والرسم الصحيح في المرفقات

ملحوظة الفكرة بتاعة المسألة دي هي نفس فكرة مسألة في امتحان الأولمبياد السنة اللي فاتت

أ / ايهاب احترم وجهة نظرك
ولكن كى تفعل هذه المقاومة فى المعمل لابد من وجود أسلاك فائقة التوصيل
و طريقة حل السسؤال قد قلته مسبقاً فى مسألة مشابهة للاولمبياد الماضى
و لكن عامة ليس هناك مانع أن أقول طريقة حلى مرة أخرى
فى المرفقات و قد حاولت تطويل و توضيح حلى قدر المستطاع حتى يفهمه كل
متصفحى المنتدى

ايه يا جماعه الساعه عدت 9 من زمان ومفيش ولا مشاركه
عموما انا هابدأ احط المسائل بتاعتي
1- وجدت احدى الطالبات جهاز يشبه المقاومه وعندما وصلت معه بطاريه ق.د.ك لها 1.5 فولت مر بالجهاز تيار شدته 45×10^-6 امبير وعندما وصلت معه بطاريه ق.د.ك لها 3 فولت مر به تيار شدته 25×10^3 امبير هل يخضع الجهاز لقانون اوم مع ذكر السبب

2- سلكان من النحاس طول احدهما 10 متر وكتلته 0.1 كجم وطول الاخر 40 متر وكتلته 0.2 كجم قارن بين مقاومتهما

3- سحب سلك مقاومته 5 اوم حتى اصبح طوله 3 امثال طوله الاصلي احسب مقاومه السلك بعد السحب

شكرا أخى عبد الرحمن وطبعا انت تعلم اننى لا اريد تضليلك ولكنى اهتم بالمادة اهتمام كبير شويه وسأرى ما يمكن فعلة وسأبلغكم

تمام الإجابة صحيحة وهى نصف اوم ولم يمكنى التخيل بأنها ستكون كذلك رغم انى اعرف ف الفيزياء معرفة كويسة ولكن " فوق كل ذى علم عليم "و قد اقمت التجربة على احد برامج المحاكاة " مثل المعمل " وكانت النتيجة هى ف الملف و اكرر اسفى