|
استقالتى ...,,,ومش عايزة افضل عضوة كمان..,,,
السلام عليكم مش عارفة اقول اية بصراحة لان الموضوع دة صعب عليا اوووووووووى وصحيح قلبى مش مطوعنى بس مش قادرة اكمل اكتر من كدة مش هطول كتير فالكلام لانى اصلا لا بتاعت خناقات وحتى لما حد بيغلط فيا مش عايزة حق من حد بس لاستقالتى اسباب اولها انى خلاص مش قادرة ادخل المنتدى والناس الى بحبهم مش موجودين فيه انا كنت بدخله عشانهم بس دلوقتى هما مشيوا كانت موضويعى ليهم ومواضعهم ليا مش هقدر اكمل لوحدى يانعيش كلنا مع بعض يانروح كلنا مع بعض وبيتهيألى انكوا استغنتوا عن كتيييييييييييييييييييير اوى من الاعضاء المحترمين الاعضاء الى كانت شايله المنتدى من اوله لاخره فاكيد هتستغنوا عنى انا كمان بسرعة واكتر من السرعة كمان يمكن محدش كتير عرفنى كويس من الادارة بس الناس الى مشيت دية كانت عرفانى كويس وكويس جداا وطالما الى عرفنى وعرفاهم مش موجودين فمش هقدر اتحرك من غيرهم بقيت بدخل المنتدى حساه مضلم وحاسة انى تايهه مش لاقية حد فبناءا على انهم اتوقفوا ومش هلاقيهم تانى معايا فياريت انا كمان اتوقف معاهم ويوم ما الادارة تتنازل وتسامحهم وتفكر ترجعلهم عضويتهم ابقوا رجعونى معاهم((عضوة)) ثانيا بقى ان انا قراراتى فى قسمى مش بتحترم لما باخد قرار الاقى ادارى يحذفلى قرارى وينزل هو قراره فانا اسفة جدااا مش عشان سكت مرة وفوت وعديت بمزاجى عشان معملش مشاكل وخلاص هبقى انا الطيشة الى كل شوية قررها يتحذف او يتغير اظن انى لما مسكت الاشراف قالولى القسم بقى ملكك تعمل فيه الى انتى عيزاه وانا معملتش حاجة فالقسم ضد رغبتكوا وحتى قراراتى لما بتتحذف سبحان الله بقدرة قادر بينزل نفس القرار بس من ادارى فان كان دة بقى الاسلوب فانا مش حمل حرقة الدم دية فبناءا على انى طيشة ومش مقتنعين باشرافى عالقسم فانا لحد كدة وشكرااااااااااااااااااااا استقالتى اهيه ومش عايزة الاشراف وانا مسمحة فى حقى وربنا يعلم القسم اشتغلت فيه ازاى والحمد لله مش اانا الى بقول الكلام دة لا الاعضاء هما الى بيشكروا فى اشرافى للقسم والى انا بعمله فالقسم وسمعتها من اعضاء جدد كمان عشان محدش يقول صحابى وبيجملونى واتمنى الادارة تفكر تانى فالقرارات الى اتخدت دية وتفكر ان المنتدى هيخسر كتير وكتير اوى اوى من بعد كل الاعضاء الى مشيت دية بس خلاص كلامى خلص وشكرا لكل الناس الى حبتنى من الادارة بجد وحقيقى اناا كمان ربنا يعلم هما بالنسبالى اية واخر كلامى سلام عليكم ورحمه الله وبركاته..,,,, :078111rg3::078111rg3: |
ليه يا فندم حقيقي حضرتك ممتازة اوى في ادارة القسم العام وبجد محدش يقدر ينكر مجهودك الرائع اللى بان لما حضرتك مسكتي القسم حقيقي احنا هنخسر انسانه محترمه جدا بلاش يا فندم حقيقي بلاش وان شاء الله اللى بتحبيهم وبيحبوكي هيرجعوا تانى وهنبقي كلنا سمنا على عسل وهنكون احسن من الاولي وبجد مفيش داعي للاستقاله وياريت مش تنسي ان حضرتك قولتي ان المنتدى بيتك التاني واعتقد ان مفيش حد يقدر يسيب بيته |
والله يا نسمه الواحد مش عارف يعمل ايه
انا برضه واالله مليش نفس ادخل المنتدى وكل دا حاصل فيه بس احن بنحاول بكل الطرق انهم يرجعوا تانى ياريت تفضلى وحاولى معانا وكل شئ نحاول نصلحه احسن من الهروب منه ياريت يا نسمه لان الحكاية مش نقصه استقالات او خروج من المنتدى |
انا من رايي فكرى يا نسمة ويا سيتى بالنسبة لقرارتك تناقشى فيها مع الادارى
المنتدى بيمر بازمة واحنا لازم كلنا نعرف اننا فى المنتدى مش علشان مصلحة حد او علشان شخص معين احنا فى المنتدى لاننا حبينا المنتدى مش اعضاء المنتدى نهاية الكلام ارجوكى فكرى الاول قبل ما تتسرعى |
نسمة .. اول نقطة مش هتكلم فيها دلوقتي
تاني نقطة انا عارفة انك تقصديني :) عشان موضوع دكتور سعيد بس انتي مش عارفة انا ليه حذفته انا حذفته ونزلت نفس القرار لان انتي كنتي عاملة اقتباس من رد انا حذفته لسعيد ولو كان فضل كانت بوسي هتدخل وهيحصل مشكلة ... انا مش قصدي اي حاجة على فكرة واول مرة اعمل حاجة زي كدا اصلا وعموما انا متشكرة جداااااااااااااااااااا لكلامك وكان ممكن تسأليني على الميل الاول انا عملت كدا ليه قبل ما تقولي الكلام دا جزاك الله خيرا مرة تانية على كلامك :) |
و النبى يا جماعة القصة أبسط من كدة
انتى يا نسمة فلة شمعة منورة مشرفة متميزة و انسانة محترمة و مشاركتك فعالة و ليكى وزن و ثقل فى المنتدى و انتى يا همس برده مشرفة إدارية ناجحة و انسانة محترمة و كنتى واقفة بصدق مع الحق مش مع حد فيا جماعة الموضع بتاعكم ده محلول عادى نيجى بقى لاستقالتك يا ست نسمة يا ريت نستنى شوية احنا كلنا متفقين و مجتمعين فى المجموعة بتاعتنا و الادارة لازم تاخد فرصتها عشان ترد علينا احنا مع الحق لا مع فلان و لا علان و لا لينا دعوة بفلان و لا مخططين لحاجة و لا ليوم أصله مش انقلاب يا حضرات ما علينا القصد يا أستاذة نسمة - و الله بجد انا بعتبرك اختى - السبب الأولانى الادارة دلوقتى بتتناقش و بتتداول حقها و السبب تانى انتى و همس ما لكوش اللى بعضيكوا و انت الاتنين شخصيتين متميزتين بجد و اللى حصل حسب ما فهمت انه حدث غير مقصود و سوء تفاهم غير مقصود طولت و رغيت كتييييييييييييييييييييييير اوى معلش بقى يا نسمة اخوكى الصغير |
السلام عليكم
بصي يا شارب اول نقطه ياريت محدش يتكلم فيها لان ده موضوع اداره وبيتناقش لسه ثانيا والاهم موضوعك انتي مين الي قال انك طيشه او حتي انك مش مشرفه كويسه في قسمك وانا شايف ان اغلية قراراتك سليمه في قسمك وياريت تقوليلنا يا شارب ايه القرارات الي نذلتيها واتعدلت ومين عدلها الموضوع ممكن يتحل مش كله حاجه تحصل نقول هنسيب المنتدي ونمشي وانتي عارفه وانا عارف والاداره عارفه انك بتعملي ايه في القسم وجهودك متابعه من الاداره يا نسمه واحنا لو شوفنا منك تقصير كنا نبهناكي مره واتنين وهمستغني عنك بسرعه ليه بس يا نسمه شوفتي انتي سيئة الظن ازاي ياريت ترجعي عن قرارك ومستني تجيبللي الموضوع الي تعدلت فيه قرارتك عشان نقدر نحكم |
نسمه انا شايف الامور بدات تهدى والله
ان شاء الله كلها كام يوم والامور هتتحل |
اولا انا مش عاملة الموضوع عشان ياجماعة تقولولى لا اقعدى وتضغطوا عليا بكلامكوا
بجد انا دخلتى المنتدى من غيرهم بقت تتعبنى انا شخصيا وبعدين انا شوفت اكتر من رد للاستاذ اشرف حلف فيه ان العضويات الى اتحذفت مش راجعة وان بقيت الادارة بيقولوا هيرجعوا انتوا اصلا مش متفقين على حاجة بس لو عرفت انهم هيرجعوا فعلا وهنبتدى صفحة جديدة انا مستعدة اصبر لكن لو فعلا القرار نهائى والى مشيوا ملهمش رجعة ولا ليهم مكان بينا فبجد مش هقدر اكون من غيرهم فياريت نحسم القرار ونقول كلمة واحدة راجعين ولا لاء؟؟ اظن يا استاذ اشرف المنتدى وصل للقمة دلوقتى حرام اوى اوى يبتدى ينزل تانى من مكانه بالنسبة بقى لهند فالكلام مش عليكى لوحدك ياهند الموقف دة اتكرر معايا اكتر من مرة من كذا حد وبعدين لما الاعضاء ياهند يلاقونى انزل قرار ويقعد يوم بطوله وبعدين يتحذف قرارى وينزل نفس القرار منى يبقى هما يقولوا اية ؟؟ انا مش بشتكى ياهند ولا عايزة اشتكى اصلا انتى عرفانى كويس اى حاجة بضايقنى من حد مش بشيلها ولا بفتكرها وياريت لو سمحتى ياهند مدخلليش علاقتنا ببعض فى مشاكل المنتدى انا وانتى حاجة عالميل وهنا حاجة تانية بالنسبة بقى ياناصر للقرارات الى انت بتقول عليها انا كنت اتفقت انا وزينب اننا ننزل قوانين للقسم وقرارات ومسئوليات كل واحد فينا ومشئوليات الادارين وكنا ناوين نحط لكل واحد فينا من مدير للعضو خط نمشى عليه وخطة كلنا منتنزلش عنها ولما قولت هنعمل كدة كتير عرضونى وقالولى مش انتوا الى هتغيرى القوانين فى فدماغى حاجات كتير اوى اقدر اخلى بيها القسم احلى قسم فالدنيا بس انا مش لاقية مساعدة والى بقينا بنعمله من هنا الاقيه بيتهد من ناحية تانية انا مهما حصل انسانة بتعيش وتتعايش بتتأثر وتأثر حقى ان الموقف الى المنتدى عليه دة يأثر فيا ويأثر فى خدمتى للقسم والمنتدى كله وبعد ما شوفت رسالة السادات الى اكيد راحت للمشرفين كلهم انا لقيت نفسى مش قادرة اقوم بمهمتى وانا نفسيتى فالمنتدى مش مرتاحة ياريت يااستاذ اشرف تقولى كلمة ياتريحنى ياتخلينى اخد اخر قرار وهو انى احصلهم .......... |
يظهر انى بكلم نفسى
مش شايفة يعنى استاذ اشرف رد عليا مع انه دخل الموضوع انا مستنية رد حضرتك ياتوقفنى وتبقى ترجعنى معاهم لما تسامحهم ياتصبرنى وتقولى ان الوقف هيكون مدة وعقاب مش اكتر |
اقتباس:
السلام عليكي اولا : انتي كتبتي ردك وبعد ساعة ونصف زعلانة اني ما ردتيش عليكي ما هو انا اصلا مش كنت موجود علشان ارد عليكي فيا ريت نتعلم الصبر وما نحكمش بسرعة ثانيا : بخصوص الاعضاء المحظور عضويتهم هما بدأوا يشتغلوا بعضويات جديدة واظنهم موجودين ثالثا : حتى ان العضوية بتاعهم ترجع تاني ده قرار لا رجعة فيه ابدا رابعا : ودي رسالة مش لحضرتك بس ولكن لكل من يربط وجوده في الموقع بعوده الاعضاء المحظورين : لن تعود اي عضويات موقوفة ولو اي حد هيربط وجوده في الموقع وعمل لوجه الله برجوع العضوية لا ينتظر عودتهم والناس انا مسامحهم وهم فعلا شغالين بالعضويات الجديدة خامساً واخيراً : انا اسف جداااا لاني مش هرد نهائي علي اي رسالة خاصة او موضوع يتكلم عن مصير العضويات الموقوفة لانه موضوع محسوم والسلام عليكم |
ليه تاني يا جماعة هنربط بين وجودنا ووجود اي مسمى .. وياريت كمان بنربط بين وجودنا وبين وجود الشخص .. دا احنا كمان بنقصد الاسم مش الشخص .. يا نسمة لو سمحتي .. الأخوة والأخوات كلهم موجودين بعضويات جديدة واعتقد .. اننا بنعمل من أجل المنتدى ككل مش من أجل أشخاص .. وأنا أعتقد يا نسمة انك من الناس اللي ادت المنتدى كتير جداً وبلاش تربطي بين وجودك وبين وجود اسم معين .. لا غلط .. طالما صاحب الاسم موجود .. أعتقد .. ان الموضوع دا اتكلمنا فيه كتير .. وأكتر من مرة قولنا يا جماعة .. بلاش نخلي دورنا في المنتدى مشروط بأي شرط
نحن في عمل خدمي لوجه الله لا يحتمل شروط ولا قيود .. نسمة .. المنتدى يحتاجنا كلنا الآن .. وأنا والله .. أقسم بالله العظيم .. لو غيرت صفتي وعدت عضواً جديداً .. ما قلت همتي ولا نشاطي قيد أنملة .. فكري في الأمر أختاه .. ولك .. الاختيار .. |
اقتباس:
السلام عليكم انا كنت عملت موضوع بعنوان استفسار ........ ؟؟!! فى المكان المناسب على ما اعتقد أولاً لماذا تم حذف الموضوع ثانياً لماذا لم يتم الرد على الأستفسار وهو مره أخرى اقتباس:
اقتباس:
تحياتى ...:078111rg3: |
اقتباس:
ثانيا حضرتك المفروض بترد على ردودى ولا على موضوعى موضوعى دة موجود من امبارح بالليل وحضرتك دخلت النهاردة العصر ومش عبرتنى ثالثا بقى انا مش من اخلاقى انى مقف جنب اهلى فى وقت شدة وهفضل لحد ما الوقت دة يخلص وتحت امركوا فى اى حاجة عشان بس ابقى خارجة منها وانا راضية عن نفسى ولو حضرتك مش راضى عنى انا لسة مسحبتش استقالتى ولا هسحبها وعليكم السلام:078111rg3: |
اقتباس:
المنتدى دة مش مجرد مواضيع وردود وخلاص المنتدى دة انا وحضرتك وهو وهى وغيرهم وغيرهم لما جزء منا يقع اكيد لازم نتأثر وانا قولت اهوه صابرة ومثابرة معاكوا لحد ما اشوف اخرتها |
اقتباس:
وبالذات لو أعضاء لهم تاريخ مهم زي الأعضاء اللي فقدوا عضوياتهم بس اللي بقوله يا نسمة .. أننا لينا دور وحق تجاه الأعضاء دول أكتر من اننا نفكر في عودة عضوياتهم القديمة اننا نحسسهم بمدى أهميتهم للمنتدى .. وان المنتدى ليه عليهم حقوق لازم يمارسوها ويأدوها أختي نسمة .. سبق وقلت لك .. أننا كلنا هنا بدون النظر للمسميات والمناصب كلنا نسعى لهدف واحد ومن بنى اسماً قديماً يستطيع بناء الجديد .. فالاشخاص اهم من الأسماء أختي الكريمة |
اقتباس:
ان فى انتماء من الاشخاص للاسماء و الله ده مش اى كلام يعنى تخيل حضرتك لو غضوية نجم المشاعر راحت صعب قوتك باى عضويه جديده زى العضويه اللى راحت عارف انا اقسملك ان لو عضويتى دى راحت مش هعمل عضويه جديده اساسا لانى شايف نفسى فى الموقع بصوره واحده بس عامة انا بوضح وجهة نظرى مش اكتر و مادام انتو شايفين الصح انهم ميرجعوش زى ما تحبو بس انا شايف ان ده مش صح:) |
اقتباس:
|
يا استاذة
انا بعتذر لحضرتك لو فهمتي كلامي انه اسلوب حدة وثانيا طبعا يسعدنا ويشرفنا وجودك معانا ويا استاذ جينرال في عشرات المواضيع في قسم المحذوفات تقدر تعرف ليه الناس اتوقفت واتمنى اغلاق الموضوع |
لا حول ولا قوة الا بالله
انا اعصابي خلاص انتهت والله العظييييييييم انا بجد مش قادرة استحمل ومن كتر ما اعصابي منهارة ... مش عارفة اقول ايه وعمري ما اقدر اشوف العضويات دي راحت واسكت لا حول ولا قوة الا بالله والاستاذ احمد انا عمري ما توقعت ان رد فعل حضرتك يكون كدا دا كفاية انهم ندموا واعتذروا يااااااااااه فين التسامح ؟؟ هي دي الصفحة الجديدة ؟؟ اننا نطوي سجلات اهم الاعضاء عندنا لا حول ولا قوة الا بالله عضويات جديدة ايه الي يشتركوا بيها انا لو العضوية دي في يوم من الايام راحت مني كفاية بس انها تروح مني دا كفيل انه يدمرني ومش يشجعني لو اشتركت حتى بمليون عضوية تانية ياريتهم اعضاء اي كلام دول من احسن الناس الي عرفتهم اسيل ترافيل احمد رضا يا الله مش عارفة اقول ايه دا الرسول عليه الصلاة والسلام سامح الكفار بعد كل الي عملوه فيه كفاااااااار مش مسلمين ومش طردهم من مكة حتى ارجوكم تعيدوا النظر في الموضوع دا انا بقول ارجوكم وانا الدموع بنتزل من عنيا بجد ومش بهزر مش عارفة اقول ايه تاني ؟؟ اقول ايه ياربي اقول ايه بس |
اقتباس:
فى فرق بين تغيير الاسم و تغيير العضويه انا مثلا عن نفسى شايف نفسى فى العضويه دى سواء غيرت اسمى فيها او لا بس بجد حاسس ان تاريخ 3 سنين ليا فى الثانويه موجود فى العضويه دى لو وقعت صعب ابدا بعضويه جديده صحيح الشخصيه و الاحترام مش هيقعو بوجود عضويه جديده بس بجد عمر ده ما هيبقى بنفس قوه العضويه القديمه عامة هسمع كلام حضرتك و مش هتكلم لانى بجد قلت لكل الناس قبل كده انا تعيينى فى الاداره يمكن ميغيرش من حاجه لكن تعيين حضرتك بجد يفرق جامد و لذلك هسمع كلام حضرتك و هسكت بس بجد زى ما هند قالت صعب يكون عدم التسامح وصل بينا للدرجادى يبقى الكلام اللى بنقوله بيتنا التانى و اسره واحده انا اسف فى كلامى يبقى كلام شعارات ليس الا و اتمنى بجد الاداره تعيد النظر فى الموضوع ده رغم انى حاسس انه بقى منتهى بالنسبه للاداره بس مش هفقد الامل لانه بجد خساره يلا الله المستعاااان |
يا جماعة بالله عليكم .. عاوزين شوية ثقة في الإدارة .. لو سمحتم بلاش لهجة الأحزاب .. دي بتضايق .. عاوزين نبقى ايد واحدة .. دا هدفي الأول .. ولو حققنا دا .. كل شيء هيبقى تمام صدقوني .. اللي ناقصنا الثقة في كلامي دا .. معلش حسسوني اننا ايد واحدة همنا الأول المنتدى وبس . وكل حاجة هتبقى تمام بإذن الله ..
|
ثقة ؟؟؟
انا فقدت الثقة في نفسي ايه الكويس في كدا ايه الكويس في الي حصل ؟؟؟ فين لهجة الاحزاب دي ؟؟ الي بيحصل دا هو الي عنصرية وقمة العنصرية والتعصب للرأي مش اكتر يارب انا فوضت امري ليك والله العظيم فوضت امري لربنا عشان انا ذليت نفسي جامد اوي وفعلا الشكوى لغير الله مذلة |
| جميع الأوقات بتوقيت GMT +2. الساعة الآن 10:46 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.