|
هتخرجى؟؟!!يبقى تدفعى..,,,
السلام عليكم ازيكوا ياجماعة يارب الكل تمام ان شاء الله اكيد يعنى دة موضوع زى ما انتوا شيفين وانا كالعادة مش عارفة ابدأ منين :006et4: المهم يعنى كلامى النهاردة عن الضريبة الى البنات ((احنا يعنى)) بيدفعوها لما بيخرجوا من باب بيتهم لحد ما يرجعوا بس الضريبة دية غالية اوى يامصر صعب اوى ان كل بنت تدفعها تلاقى البنت عشان تخرج عشان تروح مدرستهاولا كليتها ولا شغلها بتدفع كتير اوى من اول ما تخرج من البيت لحد ما تفتح باب الشقة _او حد يفتحلها مش هتفرق يعنى_ :d طب الضريبة دية عبارة عن اية اكيد انتوا لسة مش فهمتونى بس انا هقولكوا الضريبة دية اية وانتوا تحكموا بالحق ان كانت الضريبة دية كتير فعلا علينا ولا اية نظامها !!ضريبة خروجة المرأة من بيتها!! اول حاجة دة يبصلها ودية يتلزق فيها ودة يعكسها ودة يكلمها غصب وغيره من الى بيحصل والى بنشوفه دة غير بى لما تركب مواصلة ويبقوا الشباب قعدين والبنات واقفة ونعم الرجولة بصراحة :bosyht9: وكذلك برضه فالمحاضرات او... او.... او.... والجديد بقى الى طالع ان بقى في رجالة مضيها وقتها كله فالمترو لمجرد الفرجة فقط لا غير الى رايححة كدة يتفرج والى جاية كدة يتفرج برضه ونعم الرجولة :bosyht9: طب دة انا مرة كنت راكبة اتوبيس وانا كنت قاعدة وطلع راجل يجى عنده 58 سنة مثلا والله احرجت من نفسى انى قاعدة وهو كبير كدة وواقف قومت وقولتله يقعد والله ساعتها منقصتش كتف ولا رجل ولا جرالى حاجة عادى يعنى زى ما انا دة حتى مكملتش عشر دقايق واقفة والحمد لله ربنا بعتلى ولد جنتل قام وقعدنى وحلف لاقعد باجى ببص على نفسى كدة وانا بنت ومش بيهون عليا اكون قاعدة وحد اكبر منى واقف يعنى انا لسة صغيرة هتحمل طبعا فى غيرى كتير من نفس النوعية بس الاغلبية من النوع المطنش اللامبالاه بقيت بحس ان فعلا الرجولة بتنقرض بقى كل واحد بيبح لنفسه انه يعمل كل حاجة مع انه لو شاف اخته حد بس بيبصلها ممكن يكله عجيبة يااخى يعنى انت تعمل فى بنات الناس الى انت عايزة لكن بناتك متحبش حد يقربلهم دة من اية يعنى بقيت بحس انى مش طايقة اخرج مالبيت عشان مدفعش الضريبة دية لانها صعبة عليا اوى وحقيقى مبقاش حد بيرحم ومبقاش حد بيحترم نفسه :078111rg3: بقت هى دية جزات الى تخرج تتعلم او تشتغل هو دة عقابها انها طلعت من باب بيتها عشان تفيد نفسها واهلها وبلدها طب هنفضل ندفع الضريبة دية لحد امتى؟؟!! مع العلم انها عمالة تغلى والله اعلم هتوصل لفين ؟؟!! طب مفيش امل انها ترخص ؟؟!! ؟؟!!؟؟!!!؟؟؟!!! |
محدش جاب الضريبة ده لحد
البنات اللى جابوها لنفسهم بعض ضعاف الدين لما يشوفوا المناظر ده قدامهم بيبدوا ردود الفعل الغريزية عندهم وطبعاً ذنب البعض بيشمل الكل فمبقاش في فرق بين محترمة وغير محترمة كله بيندرج تحت بند واحد وللاسف بقى اغراء لبس بعض المسلمات الآن يفوق غيرهن من غير المسلمات وبعد كده تقولو الضريبة ده ليه طب انتي ذنبك ايه إذا كنتي ملتزمة ومش زيهم ذنبك إنك شفتي صاحبتك في الشارع وزميلتك في الكلية وقريبتك في البيت ومنصحتيهاش وبالتالي بيفضل الخير محبوس والشر ينتشر وحتفضل الضريبة تزيد لحد ما اللى جابها يوقفها |
اقتباس:
اقتباس:
مع انى مكنتش ناوية ارد النهاردة عالردود بس رد حضرتك اجبرنى انى لازم ارد اولا مش معنى ان البنات بقى لبسها مش كويس يبقى الكل يتاخد بذنبهم حضرتك الى بيعمل حاجة دلوقتى مش بيفرق ان كانت محترمة ولا غيرها وبعدين مين قال لحضرتك انى مش بنصح غيرى فى لبسه ومش الفروض برضه الضريبة تتفرض على الى يستحقها مش الكل يدفعها وباغلى تمن اقتباس:
قصدك الى خرجنا مالبيت يقعدنا تانى؟؟!!:) هو احنا لازم نبقى جوارى يااما مينفعش |
الضريبة ديه بندفعها كتير وخصوصا في المواصلات وايه السبب محدش يعرف ولما تسالي حد فيهم يقولك البنت
اصلا ملهاش غير القعدة في البيت وكلها شويه وتقعد في بيت جوزها ايه اللي يخليها تتبهدل في المواصلات او غيره رغم انه عارف انها تقدر تحقق حاجات هو ميقدرش يحققها ممكن يكون احساس بالنقص من الرجالة وحكاية ان الواحدة تبقي قاعدة وتقوم توقف لحد تاني وهو قاعد بتحصل كتييييييييييييييييييييييييييييييييييييييييير وتحمدي ربنا انك لقيتي حد جينتل قاملك من مكانه انا ساعات بكون راكبة وبحس ان اللي قاعد واخد الكرسي ملك لحسابه يا عيني مش هاين عليه يسيبه اصلا وشكرا علي الكلام الجميل ده بجد اسلوبك حلو اوي |
اقتباس:
لا....لأ الجملة الاخيرة قصدي بيها إنه المحترمة لو فضلت محترمة مع نفسها ومنصحتش حد حتفضل كده لوحدها وحيفضل اللى بيقلدوا بعض يكتروا وبالتالي الاخيار عددهم مش حيزيد اما اللى يدفع الضريبة اللى يستحق اه بس زي ما قلتلك السيئة تعم وممكن حضرتك واحدة يتنصحي لكن مازال العدد الكبير ومش حتنفعي انتي لوحدك او كام واحدة بس ده مشكلة مجتمع كامل محتاج تكاتف لاصلاحه وعلى فكرة لسه ما وصلتش لاغلى تمن وندعي ربنا إنها متوصلش اروح انام بقى واشوفكم بكره:) |
نسومى حياتى انتى عملتى التوبيك ده امتى يا بت بصى يا قمر الموضوع اللى انتى بتكلمى فيه ده عجيب جدا لما بدور فيه بلاقى جوانب كتيرة اوى يعنى مثلا البنات اللى مش محترمة اللى فى الشارع ما هى اللى عملت كده و انا اعرف ناس و الله بيلبسوا بطريقة مبتذلة عشان يتعاكسوا طيبو البنات اللى بيبقوا لابسين محترم و بيتضايقوا بردو لان فيه بنات بتبقى من برا........ و من جوا اممممممممممممممممممممم و فيه بنات محترمة بردك بس الشباب للاسف بياخدوا عاطل مع باطل حتة بقى انهم لو محترمين مش هيعملوا حاجة فاحب اقولك ان مفيش حد محترم ثانكس يا جميلة على الموضوع التحفون ده |
اقتباس:
انا قولت راى الشخصى مش عارف بقى صح ولا غلط بس دة بصراحة الى انا شايفة وانا قرات مقال قبل كدة للدكتورة حياة بنت سعيد باأخضر وجبتة اهوة يكتب الكثير عن المعاكسة بين الشباب ويلقون باللوم دائماً على الفتيان دون الفتيات، ويطالبون بأقصى العقوبات عليهم. وهذا حق لاشك فيه، ولكن أرى - والله أعلم - أن الطرف الآخر لم ينل من الدراسة والعقوبة وهذا الطرف هو (فئة الفتيات) وأهلهن. فإنه متى ما خرجت المسلمة متحجبة الحجاب الشرعي الصحيح برفقة أهلها ذكوراًَ أو إناثاً، وفي وضع يتسم بالحياء والعفة، ومعرفة طبيعة المكان (السوق) الذي تتحرك فيه، فلن يتعرض لها إلا شواذ، وهم نادرون جداً جداً، بل الكل سيحترمها، حتى البائع، ولن يجرؤ أحد مجرد النظر إليها إلا عاد إليه خاسئاً ذليلاً لماذا؟ لأنها تتحجب من أعلى رأسها إلى أخمص قدميها في ستر لا يلفت النظر أبداً، بل هو أسود خالص ويشمل ذلك كفيها وقدميها، أما من تجعل من نفسها حقاً مستباحاً لكل عين، وكل غاد ورائح بكشفها لوجهها كاملاً أو مع خصلات من الشعرن أو حتى لنصف وجهها بلثام يكشف أكثر مما يستر، وأيدٍ بارزة للعيان، وأصابع مُزينة بالخواتم والألوان، وأقدام ممشوقة تتبختر في أحذية رنانة الصوت عالية الكعب زاهية اللون، وضحكات مجلجلة، وهمسات دافئة ونظرات ناعمة وتدافع بين الممرات وجلسات على الطاولات لتناول الشطائر والعصيرات وتبادل للقصص والنكات، فماذا نتوقع بعد كل هذا من شاب تَفَجَّر شباباً وفُتوة وغريزة فطرية، يجد أمامه كل هذا وبالمجان، بل وبالدفع القسري للمعاكسة، والغريب أن تجد مع هؤلاء الفتيات رجالاً هم أولياء أمورهن من أخ أو زوج أو ولد وقد قُتِلت الغيرة في قلوبهم، وفسخت فطرهم نحو محارمهم، فماذا نتوقع؟ برود الغرائز وموت الرغبات لا والله بل اندفاع محموم وتسابق مشؤوم . ولا ندري ماذا يأكل أولياء الأمور من أغذية قتلت فيهم الغيرة وأماتت الحمية، لذا كما نطالب بوضع عقوبات رادعة على الشباب يجب علينا أن نطالب بوضع عقوبات على الفتيات أو على أولياء أمورهن وفي الأسواق فكما تدين تدان والظالم أولى أن نأخذ على يديه. شكرا يا نسمة على الموضوع المميز بجد دائما مواضعك مميزة والله ربنا يكرمك يارب جزاكى الله خيرا فى رعاية الله |
عندك حق يا بنتي فعلا يا استاذ لورد باشا عاوزه ارد عليك بعد اذنك اوكيه زي ما في ولاد كده في بنات فعلا بس انتم المفروض تحافظوا علينا صح ولا غلط ؟
اظن ده ذكر في حديث عن الرسول قبل كده صح ولا غلط ؟ يعني المفروض شفت واحد بيعاكس بنت تنصح مش تقول وانا مالي شفت موقف من مواقف زي اللي قالتها شارب نيلز تنصح مش تعمل نفسك مش واخد بالك يارب تكونوا فهمتوني |
اقتباس:
وبجد عندك حق بيبقى في ناس مش هاين عليها تقوم من كرسيها تحسى الجنية الى دفعه اشترى بيه لكرسى ربنا يهدى ويسبوا الكرسى فى حاله |
أنا عمرى ما ركبت المواصلات دى
بس مرة ركبت المترو وكان طلبة الجامعات منتظرينه وأول ما دخل المترو المحطة لقيت هجوم فظيع على الابواب ومعرفش أنا دخلت جوه العربية ازاى من كتر الضغط عليا من ورايا وقدامى ومن كل حته لقيت نفسى جوه العربيه وكان زحمة موووووووووووت بطريق مستحيل أوصفها وبصراحة شفت تحرش من كذا شاب كده بالبنات وقلة أدب فظيعة ومن الزحمة كنت حاسس انى فى قبر وفى أول محطة نزلت مقدرتش أكمل وخدت تاكسى ورجعت الشقة وبس برده من أصحابى عن البلاوى اللى بتحصل فى الاتوبيسات لدرجة انى بقيت بحمد ربنا انى ملقيش أخوات بنات وبنات عمامى وأخوالى والعلية مش عايشين فى القاهرة بجد حاجة صعبة أوى أه وقبل ما أنسى مرة كنت رايح جامعة عين شمش مه واحد صاحبى وكنت رايح مواصلات واحنا راجعين بقا قالى حنركب الترام لحد لغمرة وأروحك بالعربية ههههههههههه هنا بقا مستحيل أوصف اللى شفته بهدلة وقلة أدب وهمجية وتخلف وكل اللى يخطر على بالك قوله هنا |
اقتباس:
كلامك صح يايميم انا مقولتش اننا منحافظش عليهم لا طبعا لازم نحافظ عليهم بس على كل البنات ؟؟ يعنى لما اشوف بنت اصلا خارجة علشان عاوزة تتعاكس اروح اتخانق علشانها مثلا ؟؟ لا طبعا لانها اصلا كن تحرجنى انا ولا انا غلطان ؟ غير كدة انا مقولتش فى ردى كلة انا مالى لا بالعكس مالى ومالى وهتحاسب انى منصحتش الشخص دة الى الصح فاهمانى انتى يا يميم ؟؟ فى رعاية الله |
بصى يا نسومتى أولاً انتى اتكلمتى فى نقطتين الأولى إنك إتكلمتى على التحرش الجنسى سواء لفظى أو معنوى (فعلى) التانية إتكلمتى عن إنعدام الذوق عند الرجالة إلى حد كبير الاتنين بيربطهم عدم إحترام المرأة بشكل عام وبينى وبينك أنا بجد بقيت بستعجب جداً للرجالة من اللى بيعملوه بعيداً عن نقطة لبس البنات أو طرق مشيهم فى الشارع أو خلافه شفت بعينى بنات منتقبات ومحترمين جداً وإتعاكسوا بقى فيه جهل غير طبيعى بالمرة من الرجالة و بعض البنات كمان معلش هكمل بعدين علشان عندى وزارة دلوقتى لازم ابدأها إحتمال مارجعش :d |
انا لو كلامي هيبقي خارج عن الموضوع ابقوا احذفوا المشاركه بس في حادثه حصلت في الفيوم اتوبيس صغير بتاع سفر من القاهره للفيوم كان فيه تلات نساء والباقي رجاله جه فعلا واحد بمطواه وقف الركاب كلهم وخد كل الحاجات الغاليه اللي معاهم وخد التلاته نساء وخلا الباس يمشي الميكروباس يعني
واغتصب منهم اتنين وباقي الرجاله اللي ميعنبروش رجاله خالص سابوهم ومشوا والحادثه دي عشان محدش بيقول بالف نزلت في جريده الاهرام والاخبار كمان من حوالي اسبوعين او اسبوعين ونصف كده ممكن تدوروا عليها في النت فعلا الشهامه والاخلاق اتعدمت في البلد دي |
((( وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى )))) اية لم تذكر في القران هباءا فالله أعلم بخلقه و ما تخفي الصدور الحل من وجهة نظري الاحتشام الشديد في اللبس يعني مثلا الاسدال الواسع متهيألي البنت هيا الاساس في الموضوع ده في بنات بتخرج في الشارع ببنطلونات جينز هتتقطع من علي أجسامهم من كتر ما هيا ضيقة متهيألي واحدة تخرج بالمنظر ده أنا كشاب بعتقد علي طول اعتقاد جازم في البنت اللي بالمنظر ده انها مش طبيعية و نازلة لهدف معين انها تتعاكس او اي حاجة بقا لكن فعلا اللي بتخاف علي نفسها و بتحمي و بتحترم نفسها و مش عايزة تسمع اي كلمة من اي شاب اكيد بتحرص جدا في مظهرها و شكرا علي الموضوع الهام |
[quote=banzer;1102578]محدش جاب الضريبة ده لحد
البنات اللى جابوها لنفسهم زى مافى بنات وحشه فى بنات كويسه يبقا ازاى احنا اللى جبنا لنفسنا بقا بعض ضعاف الدين لما يشوفوا المناظر ده قدامهم بيبدوا ردود الفعل الغريزية عندهم وطبعاً ذنب البعض بيشمل الكل طب ماشى لما يشوفوا المناظر ديه وبصراحه ليهم حق فى بنات بتلبس لبس بلاش :confused: طب البنت المحترمه ليه مش بيسبوها فى حالها بردوا وذنبها ايه فمبقاش في فرق بين محترمة وغير محترمة كله بيندرج تحت بند واحد ازاى بس كله يندرج تحت بند واحد ذنب المحترمه ايه بس وللاسف بقى اغراء لبس بعض المسلمات الآن يفوق غيرهن من غير المسلمات وبعد كده تقولو الضريبة ده ليه طب انتي ذنبك ايه إذا كنتي ملتزمة ومش زيهم ذنبك إنك شفتي صاحبتك في الشارع وزميلتك في الكلية وقريبتك في البيت ومنصحتيهاش وبالتالي بيفضل الخير محبوس والشر ينتشر وحتفضل الضريبة تزيد لحد ما اللى جابها يوقفها [/quoteيوقفها ازاى يعنى مش فهمه قصدك ايه بردك ده حملت المحترمه واللى مش محترمه المسئوليه |
أكمل يا نسومتى بصى فى بنات كتير محترمة وسواء كـ لبس أو كلام أو مشى بس بيتعاكسوا مع إحترامى للجميع تقريباً مفيش بنت مش بتتعاكس اليومين دول أقولك على حاجة أنا بنزل القوافل فى رسالة بعبايات و بتكون واسعة أكاد اكون مش باينة فيهم وبننزل القرى و بنتعاكس ادام الشباب بتوع رسالة كمان با ده إسمه جهل ناس بتشوف طبقة أعلى منها أو غريبة عنها فا بيفتكروا إنهم من حقهم يعملوا اللى يعملوه وخصوصاً الطبقة دى بقت منتشرة أوى و لشدة تفكيرهم المحدود مش بياخدوا بإن البنت دى محترمة ولبسها محترم والبنت دى لأ هما بيشوفوا إن البنت بنت .. كله زى بعضه مش هتفرق كتير أما بقى الشباب اللى بيعاكسوا البنات اللى شايفينهم مش كويسين من لبسهم أو طريقة مشيهم أو ضحكتهم أو كلامهم فا دول يخصوا الرد ده اقتباس:
وطبعاً اللى على البنات إنهم يحتشموا فى لبسهم وطريقة كلامهم و سلوكياتهم عامةً و أنا شايفة إن الولاد برده يغضوا بصرهم عن كل المحرمات اللى بيقابلوها و شكراً على موضوعك يا نَسومة:) |
[quote=ميراج;1103591]
اقتباس:
الموضوع ده واضح والكلام الكتير فيه حيكون مكرر وللاسف بنتكلم فيه كتير بس محدش بيطبق حاجة |
الموضوع دة انا بقيت اسمعة كتير اليومين دول وانا رأيى ان البنت لو تلبس لبس محترم وتبعد عن الدلع فى الكلام معكستها هتقل بنسبة 95%
صحيح هيفضل فى نسبة من الشباب الى معندوش دم لكن نسبة قليلة وارجع واقول اننا لو رجعنا لدينا الدنيا هتتصلح البنت تلبس كويس والولد يغض بصرة.. اما بقى بالنسبة للوقوف فى الموصلات انا شخصيا بتضيق اوى لما الميكروباص يبقى مليان وتيجى بنت وتقول هقف لان دة بيحرجنى وبضطر ققعدها مكانى |
اقتباس:
ومش هنقدر نقول الا ربنا يهدى الناس كلها ويهدى البنات اللى هما اللى بيسببوا فى كده لو البنت بتحترم نفسها محدش يقدر يكلمها صح ولا انا غالطانة بصى بقى انا بريح نفسى ومش بنزل المدرسة الا يوم ف الاسبوع والدروس كلها جنبى ومش بنتفسح فى حتة فانا مريجة نفسى شكرا لموضوعك الراااااااائع يا نسوووووومة |
اقتباس:
والله وصلت لاغلى تمن كمان ربنا يحفظنا يارب بس ذنب البنات المحترمين اية ان سيئة البنات الى مش محترمين تيجى عليهم !!!!!!!!!!!!! المشكلة مشكلة تربية تأهيل شباب بايظ سورى يعنى نفسى المجتمع كله يتربى من اول وجديد :stickjo4: نورت يافندم |
عندك حق فعلا
بدام هتخرجى يبقى لازم تدفعى الضريبه ربنا يكون فى عونكو والله ويحرسكم البنت دلوقتى خارجه مشوار بتبقى خايفه تمشى اصلا وبيستوى فى كدا بقى الى متحجبه والى مش متحجبه والى منقبه والى مش منقبه لان معظمهم بيدفعوا الضريبه دى شكرا على طرحك للموضوع يا نسمه |
اقتباس:
هههههههههه بصى يالمى بصيتى ؟؟ ماعلينا بصى الدنيا كلنا عارفين ان نفيها الحلو وفيها الوحش بس لما انتى تيجى تحطى تفاحة حلوة مع تفاحة ضاربة وحشة الحلوة هتبوظ زيها ممكن تبوظ من برة بس لكن جواها يفضل حلو وغيرها بيبوظ كله وبيترمى هى دية الناس الوحش بيبوظ الحلو فى ناس بتبوظ نص نص ينفع تتاكل يعنى وفى ناس بتضرب عالاخر فدية النا الى بتبقى عايزة .... :giljotiiniug3: نورتى ياقمر |
اقتباس:
بص يامحمد بصراحة يعنى الى بيعاكس مبقاش يفرق بين دية ودية مقدرش انكر ان البنات بقى لبسها وحش اوى اوى اوى وطريقتها اوحش بس حرام لما احنا كمان نتخاد بذنبهم نقطة الخلاف بنا ان الشباب هى الى بقت اوحش سلطة كله فى بعضه من غير اى تفريق لنا الله :( شكرا عالمرور محمد وجزانا واياكم |
اقتباس:
الطرب الاصيل ام كلثوم وعبد الحليم :d ضاعوا كلهم الزمن دة مات جيله وماتت معاه التربية بس برضه منقدرش ننكر ان لسة فى رجالة بجد اقتباس:
اقتباس:
مممممممممممممممممممممم الموضوع موضوعكوا خدوا رحتكوا :078111rg3: |
اقتباس:
احم ردك بيتكلم عن المواصلات والموضوع بيتكلم عن الى بيحصل للبنات يعنى احنا فى حتة وانت فى حتة تانية خالص مالص ماشى شغالة شكرا عالمرور |
اولا بلاش نعمم علشان مش كل الشباب وحش ومش كل البنات وحشة برده
بس انا بعيب البنات اكتر من الولاد يعنى لو البنت لبست لبس محترم مفتكرش حد هيعكسها انا عن نفسى عمرى ما شوفت واحدة منتقبة وواحد بيعكسها دا ميمنعش انه فى ناس رخمة ومش بترحم حد بس السبب الرئيسى هو لبس البنات وبعدين بالنسبة للقانون خلاص بقى فى صالحكم لسه من شهرين حكم على اول مصرى بــ 3 سنين سجن بسبب التحرش يعنى ربنا يستر علينا احنا وعلى فكرة اهم سبب فى كل دا هو بعدنا عن دينا والجرى وراء شهوات الدنيا ربنا يهدى شباب المسلمين وبنات المسلمين |
احب اضيف حاجة كمان
اذا فسدت المراة فسد المجتمع باكلمه واذا صلحت المراة صلح المجتمع باكمله |
اقتباس:
ماشى انا معاك بس برضه حتى لو منقبه بتدفع الضريبه مش شرط معاكسه لكن تلقيح كلام وتريقه وغيره |
اقتباس:
ونقدر نقول على دول شوذ القاعدة وبعدين البنت لما تتنقب احسن من بنت لابسة مينى جيب فى الشارع دا على الاقل اذا كان واحد ولا اتنين هيعكسوها فى الاسبوع احسن من التانية اللى كل ما تخرج هيعكسوها وميبطلوش يرموا كلام عيها |
تسلم ايدك موضوع رائع ككل الموضوعات بتاعتك
ولكن لابد من الهدوء قليلا فى الردود |
والله يانسومة عندك حق سواء كان عن الرجولة او عن البنات والبهدلة اللي بيشفوها
صحيح ممكن حد يقلك البنت هي اللي بتجيبو لنفسها ممكن عندو حق لكن احنا مش بنعمم سبب من الاسباب اللي يخلي الشباب( وطبعا مش كلهم ابدا ابدا احنا عندنا شباب زي الورد واحسن شوية) يطيحوا ف البنات كده هو البنات ازاي يعني في بنات بردو بتخرج من بيتها عشان تتلقف ف الولاد وتتمحك هنا شوية وهنا شويتين وتدي الفرصة لده وده وتعمل نفسها هما اللي بيعاكسوها ف الشاب اخد انطباع ان البنت دي هي كل البنات فمش بتفرق معاه بقى محترمه ما محترماش الاول كنا بنقول ما بتتعكسش الا اللي عاوزة تتعاكس لكن دلوقتي والله بقت هيصة خالص كله مع بعضو بس البنت كمان المفروض يكون ليها موقف يعني كلنا ف البداية من الكلام اللي بيتقال ممكن تصدر ابتسامة عفوية ومكتومة وانتي باصة ف الارض لكن والله الابتسامة دي بتعمل بلاوي لو واحده مشيت وادته ميه واحداشر 111 ولا كانها سامعة هايتلم هو في حلول احسن من كده زي اننا ناخد موقف او ندافع بقى عن نفسنا لكن هاتكلم وصعب اوي بنت ف سننا يكون عندها استعداد تعمل كده يمكن قلة قليييييييييييييييييييييلة جدا وبعدين هانعمل ايه يعني ؟؟نتهرب م الضرايب موضوعك سكر يانسومة وممكن ارغي للصبح كفاية عليكم دوشة كده |
اقتباس:
بص هقولك حاجة انت شاب و انا بنت وفى غيرنا كتيير والحمد لله انا عارفة لبسى كويس وعارفة نظامى وف بنات برضه انا اعرفها . . ده غير اللى بشوفه ف الشارع بجد منتهى قلة اادب لا تقول اللبس ولا اى حاجة دول بيسيبوا اللى لبسهم كده وكده :d وبيمسكوا ف المحترمات يمكن اللى بيخلى الشباب والبنات بيعاكسوا ف بعض هو اللى موجود وبيتذاع ف التلفزيون ده غير الفراغ اللى سيطر خلاص على العقول وحولها من فكرية لتخلف وتحرش بقى هو ده اللى بيسيطر على العقول خلاص |
اقتباس:
اقتباس:
ياريت والله يامها يحصل الى بتقولى عليه دة بس انتى بتكلمى الهوا لا البنات هتتلم ولا الولاد هيغضوا بصرهم وبجد فعلا يابنتى بقيتى تلاقى دلوقتى المحترمين هما الى بيتعكسوا مرة كنت ركبة الباص وورايا شباب بيتكلموا مع بعض فواحد بيقولهم البنات الى عاملة فى نفسها البدع دية مبقتش بتأثر فينا تحس اننا بردنا فتحسى يامها ان البنات دية خلاص مش على هواهم هما عايزين يجربوا التانين الى فى حالهم دول فتحسى ان مش بيتظلم غير البنات الكويسة الى بتحافظ على نفسها بكل قوتها بس الى حوليها مش بيحفظوا عليها ابداا شكرا يامها لمرورك |
بجد يا نسمة بقت حاجة صعبة لدرجة تخنق بجد
ربنا يحفظنا يااارب ويسترنا ويبعدنا عن شيطاين الانس والجن بس بردوا يانسمة اللبس ليه عامل كبييييييييير على الموضوع ده يعنى والله كنت واقفة فى الاتوبيس والله راجل كبير قاملى ومرضاش يقعد ووققف هو ومرضاش يخلينى اقف وسط الرجالة لانه شايف ان الحمد لله اللى قدامه تستحق انه يحترمها لكن واحدة اسفة يعنى فى اللفظ ضحكة هنا وهمسة هنا وهزار اكيد دى عاوزة شوية جاز ويولع فيها وتستاهل كل اللى يجرالها بس بجد البنت هيا اللى بتحدد الضريبة دى لنفسها جزاكم الله خيرا على موضوعك الجميل يانسومة وجعله فى ميزان حسناتك |
هي الخناقة لسة شغالة الموضوع ده بحوره واسعة والمشكلة ان كل طرف بيرمي المشكلة فالطرف التاني
|
اقتباس:
انا هقول حاجة علشان نحل الموضوع ده كل ده يرجع الى انعدام التمسك بالدين والتقرب الى الله سبحانه وتعالى وثانيا قلة التربية لدى الابناء اتجاه الاباء والامهات مفيش حد بيهتم ببنته فى الزمن ده او الولد فى ملحوظة كمان الشباب والبنات كلنا غلطانين هتقولوا فى الحلو والوحش ما الصنف الحلو لو نصح الوحش ممكن يقبل وناس هتقول مش راضى يقبل النصيحة اوكى نبعد عنه ويا ريت نعمل كده اكيدهيحس بالوحدة فاكيد هيعيد ترتيب افكاره ويرجع لاستقامة شكرا على الموضوع الجميل ده بس الموضوع ده عايز جهات مختصة وكبيرة تهتم بالموضوع تقبلى مرورى |
| جميع الأوقات بتوقيت GMT +2. الساعة الآن 11:15 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.