|
مششششششششكلة عويييييييصه مع الإدارة .... لكن أنا مش هسكت .أبببببببببدا
السلام عليكم ورحمة الله وبركاته جمييييييييييييييييييييعا ... إخوتي وأحبتي في الله ... علشان ما اطولش عليكم .. قولوا طووووول .. كما قلتم لكم في الموضوع السابق ... بخصوص فكرة .. الخمسة جنيهات التي نريد خصمها من زيادة الكادر لكل من وفقه الله واجتاز لتعود إلى إخوتنا الإداريين .. بالفعل ... قمت اليوم بعرضها على إخوتي وزملائي وأصدقائي في المدرسة ... لآخذ رأيهم .. ومعظمهم قال : اذهب للإدارة لتعرف الرد ... ((( اللي كان متوقع أصلا )))) ........ (((((((( المهم )))))))))) رحت للمدير المبجل ... وعرضت عليه الفكرة .... قالي : مش موافق .... الموضوع دا مشاكله كتير وأنا ماقدرش اتحمله .... وناس كتير هتقول فلوس ايه اللي انتوا عايزين تلموها وتلموهاا ليه ... وإداريين ايه اللي ياخدو فلوس مننا .... ماهو ياسيدي هياخدوا حوافز المحليات ... ماسكتش يا حضرات . ...قولتله يعني تحب أجيبلك موافقة من وكيل الوزارة والا ايه بس ؟؟ قالي : ولا كأنك قولتلي حاجه ؟ قولتله : طيب انا هكتب صيغة محترمة كده في كشف فيها أن من باب التكافل والتعاون والمحبة بين أسرة المدرسة قرر الأساتذة الآتية أسماؤهم الموافقة على خصم خمسة جنيهات من حافز الكادر لتعود على إخوتنا الإداريين في المدرسة ، وأسماؤهم كالتالي : الأستاذ فلان ........... وإمضاء ........ وهكذا .. رد البيه المسئول وقالي : ولا كأنك قولتلي حاجه . قولتله : طيب .. انا اللي هتصدر في الموضوع واللي يحصل يحصل . رد البيه المسئول وقالي : ولا كأنك قولتلي حاجه . لما الكيل طفح بقا ... قولتله في وشه : السلام عليكم ورحمة الله وبركاته ... ماسكتش يا حضرات ... روحت لسيكرتير المحترم وزير المالية بتاع المدرسة اللي بيقبضنا كل شهر ... وطبعا مش هيجيلوا حاجه هوه والفريق اللي معاه من الزيادة اللي جايه .. وعرضت عليه الفكرة .. قالي : والله فكرة ممتازة .. بس ما ينفعش انا اشارك فيها .. انت عارف بعض الناس هتقول : ليه وبيخصم ليه وهوه ماله يخصم .. وانت عارف الباقي يا حاج محمد .. فاقترح الأستاذ أشرف المحترم : انه يتم تشكيل لجنة من ثلاثة أو أربعة أفراد ... تقوم بالموضوع دا .. بعيد عن الإدراة وبعيد عن السكرتاريه .. ماسكتش يا حضرات .. ودخل واحد في الخط ... وقالي : يا محمد يا ابني من غابر الزمان حاولنا نعمل صندوق زمالة في المدرسة .. الناس كانت هتاكلنا .. ورد واحد تاني : يا محمد يا ابني ..بلاش الحماس ياخدك للي ما تقدرش عليه .. ـــــــ وألف ليلة وليلة اشتغلت ـــ ما سكتش يا حضرات ... وفكرت أنا ومجموعة راااااااااائعة في مدرستي العريقة ... إننا نبدأ تنفيذ الفكرة على مرحلتين ............ وعلى مسئولتنا الشخصية : المرحلة الأولى : كتابة صيغة وتجميع أكبر عدد من المعلمين الذين اجتازوا الكادر وإمضاءتهم وموافقتهم انهم يتخصم منهم الخمسة جنيه ... بصورة ودية جدا ... زي ما بنعمل لما حد فينا بيحصله حاجه من عملية أو تعب وخلافة .. بنلم من بعض ... ووالله بتلاقي في خلال نص ساعة ... اتلم آلاف الجنيهات ... لأن الخير لسه موجود في المعلمين العظماء في مدرستي والحمد لله . المرحلة الثانية : كتابة كشف بأسماء مستحقي المبلغ من الإدارين ... واقترح أحد السادة الفضلاء .. أننا لازم نضيف معاهم أسماء عمال المدرسة الكادحين ... لأنهم فعلا يستاهلوا .. يعني دلوقتي اللي هياخد المبلغ دا ... ( الإداريين وعمال المدرسة ) . وبعد ما نجمع الإمضاءات والموافقات ... نحدد المبلغ كله ... ونبدأ نوزعه بنسب متساوية على عدد المستحقين .. ــــــــــ ودلوقتي بقا والمهم .. محتاج رأيكم .. واللي عنده فكرة يضيفها ... وياريت تكون في الخير ... عشان مش عايزين قاسم السماوي أفندي اللي منتشر في كل مكان بيننا .. يدخل ويقول : والله ما انتم نافعين .. وابقوا قابلوني لو الفكرة اتنفذت ... ولو حد وافق تخصمه منه ابقوا تعالوا ................... ــ ما علينا .... ـــــــــ منتظركم ... ضروري بأي دعم معنوي يا جماعة ... ومنتظر حد منكم يقولي : احنا كمان هنطبق الفكرة إن شاء الله عندنا في مدارسنا مهما كانت المعوقات ... والله يا جماعة .. لو حطيتم نفسكم مكان أخويا الإداري اللي اكبر من بعشرات السنين واللي هيلاقيني من دور ولاده وبقبض اكتر منه بكتير ... وحالته النفسية ساعتها .. وكمان هوه اللي بيقبضني بنفسه ... هتتحمسه أكتر للموضوع ... وتعملوا للناس المحترمة دي حاجه .... على بال حتى ما يصرفوا الحوافز بتاعهم بتاعت المحليات اللي مش باين لها صرف .. وعلى فكرة .... كفاية روح المحبة وروح الإخاء ورح التعاون اللي هتكون موجودة في المدرسة .. ــــ وماحدش يقولي روح ايه بس .. ياعم رووووح . ـــــــــ وأخيرا .. ياريت لو حصلنا حاجة ... تبقوا تيجوا تزورونا .. في الأماكن التالية : سجن أبو زعبل ... طرة سجن القناط ............... لا دا بتاع الحريم ما ينفعش نروحه .. المهم تفتكرونا بس لو حصل حاجه .. وتقولوا ... ياااااااااااااااااااااااه .. والله كان زمان ناس بتقدم أفكار وتحاول تنفذها ... ودلوقتي يا سلام عليهم ... منورين خللللللف القضبان خللللللللللف القضبان خلف القضبان خلف القضبان . آه صحيح .....نسيت أقولكم .. فيه استطلاع ياريت تشاركه فيه دلوقتي حااااااااالا .. في أعلى الموضوع . ويجعله عامر . |
أولا : نورت يامحمد بيه أنت تضيف دائما لمسة وحيوية لقسم الكادر عاوزين نشاطك بتاع زمان
ثانيا : رأيى فى موضوعك الرائع أقول لك سر على بركة الله وتوكل على الله ومادمت تبغى وجه الله فى هذا العمل فلن يقدر على ضرك أحد فالله يحفظك ثالثا : سأنفذ فكرتك من الغد فى مدرستى تحياتى ومنتظرين مشاركاتك الرائعة دوما |
السلف أحسن حاجة نسلفهم وناخد حسنات وترجع فلوسنا تانى |
اعتذر عن الخطأ استاذ محمد فكنت اقصد الاقتباس ... والعتب ع النظر وعلى دور البرد الشيد اللي واخده من اسبوع ... |
اقتباس:
انا شايف ان حضرتك مع الزملاء وبصورة وديه تقوموا بالمهمه دي فعلا بعيد عن الاداره لانه عمل اجتماعي وليس رسمي وعلشان ما تلاقيش اعتراض وتذمر من حد .... ويقدم بصورة ليس فيها احراج لاحد من الزملاء الاداريين فالغرض منه هو المشاركة الوجدانية وليس الصدقه والاحسان لابد ان يكون في صورة هديه تقدم لهم او اتعبيرا عن احساسكم بتعرضهم للظلم ... وانهم لايقلون اهمية عن اي معلم بالمدرسة وهذا شيء حقيقي . اسال الله ان يجعله في ميزان حسناتك واعتذر بالنيابه عنك يا استاذ محمد ... لكل الزملاء في تاخرك في الرد على مشاركاتهم وذلك لوجود ضيوف عندك بالمنزل .... طبعاً شرقاوي .. ربنا يزيدك كرم وشهامه ... |
السلام عليكم جزاك الله خيراعلى الفكره الطيبه ولا تستسلم لهذا المدير و نفذ ما تراه مناسبا انافى مدرستى اقوم بجمع مبالغ ماليه من المدرسين قبل رمضان ونشترى بها مواد تموينيه للطالبات الايتام ونعطى منها الادارين و العمال و محدش بلغ عنى والمديره اول واحدة بتدفع
|
- أوافقك على الفكرة جداً .. ولكن اختلف معك في طريقة التنفيذ .. وعلى فكرة انا اخترت المساهمة بشكل آخر .. ولا أريد الافصاح عنه حتى أنال الثواب كاملاً ..
- منذ نجاحي في الكادر وخاصة أنني أول من عرف نتيجته في المدرسة .. وعدت الاداريين بشيء .. وأن شاء الله سأنفذ وعدي معهم. - أقدر وأفهم لماذا أعلنت عن فكرتك؟ حتى يعم الخير على جميع الإداريين بمعظم المدارس .. وهذا في حد ذاته ثواب كبير لك .. بارك الله فيك. |
الفكرة يامحمد باشا تنفذ بطريقة ودية واذا كنت زعلان من مدير الادارة فهو محق فيما قاله لك بس بقول حاجه -----هل الاداريين هتقبل هذا المبلغ أظن بأنهم لن يقبلوا هذه الفكرة صعبة على النفس قوى يامحمد باشا ممكن للعمال آى ويقبلوا خذ رأى الاداريين الأول لو وافقوا سر على بركة الله بطريقة ودية فى مدرستك
|
فكره جميله استاذ محمد .....والاجمل انها عمل تطوعي وبعيد عن اي اداره او مدير
وعلي فكرة برده الرد في المديريه..........ولا كأنك قولتلي حاجه لان الكل بيخاف................ |
الدال علي الخير كفاعله
جزاك الله كل خير اخي الفاضل |
فكرة تستحق التجربة وخصوصا انها فى الخير
استاذى الفاضل ... انا مش عايز احبط معنوياتك لاننى قلت راى فى السطر السابق ولكن .. اعتقد ان كنت انت نيتك كويسه تجاه زملاءك الادارين فممكن يكون اخر له نظرة مختلفة حتى بعد الموافقة على الخصم وعند اول سوء تفاهم والمواجهة ممكن ان تكون ذلة كبيرة بينهم وتكون هناك معايرة واعتقد ان فيه ناس اداريين مش تقبل اصلا الوضع ده وكمان حضرتك بتقول الادارى الاكبر منك بعشرات السنين هيلاقيك بتقبض اكتر منه بكتر اعتقد ان ده مش صحيح لان اولا هناك فارق لصالحه فى المرتب بكثير قبل الكادر وعند صرفك للكادر مرتبك هيزيد كام يعنى 200 جنيه هيعوض الفارق اياه يعنى باختصار مفيش فارق كتير ولا يحزنون اخيرا انا مش عايز اكون السماوى افندى ولا حاجة بس هى دى الحقيقة ولكن جرب طالما خير وربنا يعينك ..................... لى عتاب بسيط لحضرتك بصراحه احزننى العنوان الخاص بالموضوع طريقه الكتابة مش ظريفة بالمرة وفيها اهانه للغة العربية التى تحبها وحزنت اكتر انها من مدرس لغة عربية لانه يجب ان يكون غيور على كل حرف ويجب ان يوضع فى مكانه الصحيح مش كده ولا ايه ؟؟؟ |
الفكرة جيدة وتنفذ على حسب ظروف كل مدرسة
|
بوركت وبورك مسعاك اخى الفاضل
|
أخي الفاضل محمد فكرة ممتازة بس عايز أعرف هل للذين لم يوفقوا والذين لم يدخلوا الامتحان نصيب أيضا أعتقد ستكون مشكلة أيضا وفيه ناس .........................
|
الفلوس دي للعمال .
ممكن و ممتاز لكن للإداريين هل سيقبلو ؟؟؟؟؟؟؟؟؟؟؟؟ فيها كلام الأفضل نساندهم في تقديم شئ للوزارة يرفع دخلهم |
هل سيقبلو ؟؟؟؟؟؟؟؟؟؟؟؟
|
اقتباس:
بارك الله فيك .. ومنتظر ردود الأفعال عندك في المدرسة لما تنفذ الفكرة بإذن الله .. كي نتعلم من خبرتك العظيمة .. |
فكرة ممتازة يا استاذ محمد بس الأفضل تكون عشرين جنيها من كل معلم حتى نجمع مبلغ محترم .... سدد الله خطاك
|
اقتباس:
لكن الإدارين مش محتاجين سلف .. والسلف هيكون فيه مواجهة يا أستاذ جمعة .. الفكرة دي ... مش هيبقى فيها أي مواجهة بين اللي اتخصم منه الخمسه جنيه وبين الإداري أو العامل ... الموضوع بعيد عن الاتنين .. ـــــــ عموما بارك الله فيك .. وأنا لسه زعلان منك .. لأني اول مرة أعرف انك طييييييييييار يا جماعة بشهدكم على استاذ جمعة .. جالي المدرسة يسلم عليا .. ومرضيش ياخد أي واجب وطار وماقعدش معايا ... وكمان كان شكلي وحش جدا .. وأنا عمال اعزم عليه .. اتصرفوا انتوا معاه بقا . استلقا وعدك يا ريس . |
اقتباس:
بارك الله فيك ... يا ايها الطارق دائما بالخير .. وماتنساش ان عليك خمسه وسبعين قرش . |
يا أخي أول شيء قاله الإداريون عندنا يارب ما يوعوا يصرفوا آخر قال
ينصرف على الدكاترة أعتقد يستحقون منا الكثير |
اقتباس:
أولا : واضح من اسمك حضرتك .. انك اختي .... يعني معلمة فاضلة .. وربنا يستر وماتطلعش أستاذ ... وداخل باسم بنتك توتا ... ثانيا : انت نورت الموضوع يا أستاذنا الفاضل وأشكرك جدااااااااااااا على تشجيعك وحماسك وإخلاصك .. وبارك الله فيك ورزقك الخير أينما كنت . |
اقتباس:
انا مش معاك .. انك ماتقولناش على طريقة مساهمتك ... أبدا ... احنا لازم كلنا نعرف أفضل الطرق لتحقيق التعاون ونشر المحبة والتآخي بيننا في ظل زيادة الكادر .. وياريت نعرف طريقة مساهمتك .. ونتناقش فيها ... .......... خصوصا لو كانت جديدة وغير مسبوقة .. يا جماعة ......... كلنا بنتعلم من بعض . |
طبعا موافق واللى يحصل يحصل
واقول لزملائى التكافل واجب واعملوا الخير ، والاجر والثواب على الله. وادعو الله ان يكون عقابى فى الدنيا من المسؤلين اياهم (ولا سمعت حاجة) على فعل الخير . جزاكم الله كل الخير استاذ/محمد وسية ولا تدع لحطام البشر ان يوقفوا مسيرة الخير او يثبتوا همتك ويا ليتنا جميعا نعمم الفكرة . |
على فكرة ياستاذ محمد بكدر اومن غير كدر احنا بنتفع فلوس كل شهر
اشى فاتوره تليفون او تصليح حمامات اوتنجيد انتريه المدير او ماشابه ذللك والمدير عندنا رسب فى الكادر وان ملمش للادريين يجمع فلوس لنفسه واعتقد ان خمسه جنيهات لا هتكفى الاداريين ولا المدير طبعاوشكرا على الفكره الرائعه الذى نعانى منها شهريا |
ولا كأنك قلتلي حاجة:excl: :d |
اقتباس:
الإداريين هيوافقوا ... وخاصة .. ان الموضوع زي ما قولت مافيش فيه أي مواجهة وبالمناسبة انا لما أخدت رأي بعض الإداريين تخيل عملوا .. والله شوفت الفرحة في عنيهم كلهم .. وقالوا كلمة غريبة جدا .. لينا كلنا .. قالوا : والله لو الفكرة دي ما تنفذتش كفاية شعوركم الجميل دا يا جماعة .. وإدارية قالت : والله مدرستنا دي فعلا مليانه خير والحمد لله .. ــــــــ ومدارس حضارتكم ... مش اقل من مدرستنا .. الخير موجود فينا كلنا ... بس محتاج ان يكون صوته عالي ... يخرس أي محبط ومثبط للهمم . |
اقتباس:
ومحتاجينك تنوري دايما بمشاركاتك المتميزة . |
اقتباس:
أيها الفارس النبيل .. بارك الله فيك .. |
على فكرة ياستاذ محمد بكدر اومن غير كدر احنا بنتفع فلوس كل شهر
اشى فاتوره تليفون او تصليح حمامات اوتنجيد انتريه المدير او ماشابه ذللك والمدير عندنا رسب فى الكادر وان ملمش للادريين يجمع فلوس لنفسه واعتقد ان خمسه جنيهات لا هتكفى الاداريين ولا المدير طبعاوشكرا على الفكره الرائعه الذى نعانى منها شهريا |
اقتباس:
وعتابك يدل على إخلاصك .. وشكرا لك . وبمناسبة اللهجة العامية ... فأنا كثيرا ما ألجأ إليها ... عندم أريد كتابة موضوع حيوي كي ينتشر بسرعة أكبر ... ولتعلم .. انني لا أشرح اللغة العربية باللغة العربية ... ولو فعلت .... لن أجد طالبا يسمعني .. للأسف أصبحت اللهجة العامية ... هي الوسيلة الوحيدة لاستئثار قلوب الطلاب والجماهير ... وجذب انتباههم ... وعندئذ تستطيع أن تحقق ما تريده إن انتبه إليك الناس وتركوا ما بأيديهم ليسمعوك وكلهم آذان مصغية . |
نحن طبيعى نجمع كل شهر مبلغ لعاملات المدرسة لأنهن بالأجر وذلك بالتعاون مع ادارة المدرسة ومع أن المبلغ بسيط - 5 خمسة جنيهات - فتجد العجب فهناك من يتذمر لدفع تلك الجنيهات وهناك من يدفع بترحاب بل ويزيد .
ولقد عرضت فكرتك على الزملاء والحمد لله أغلب من تحدثت معهم مؤيد جدا لتلك الفكرة ولكن الاختلاف كان فى كيفية التنفيذ لأن أغلب الاداريين سيدات متزوجات ومستوياتهن المادية معقولة . والمقترح أن تذهب فى شكل مجاملات اجتماعية لهم . أعاننا وأعانكم الله وتقبل من صالح الأعمال |
اقتباس:
شكرا أستاذ بدر 73 وجعلك الله منتصرا دائما في بدر وفي 73 |
اقتباس:
وأتمنى أعرف ايه سر التلات تلاتات ؟؟ |
اقتباس:
من يستحقوا فعلا هم الإداريون والعمال فقط .. لأن الذين لم يوفقوا سيرفضون بشدة .. |
اخى محمد تحيه طيبه معطره بكل الورود
حبيت بس اقولك شىء بسيط انت تشكر على احساسك باخوانك الاداريين بس فاتك انهم عندهم كرامه مين اليقبل بالشكل ده تلمولهم وال يديهم واليرفض ليه كل ده الافضل انكم تقفو معهم موقف رجل واحد حتى يتم التساوى بينهم وبين كل المدرسين هما مش اقل من المدرس والراجل العنده كرامه لايقبل هذه الاهانه الغير مقصوده اكيد منك عل العموم انت تشكر على احساسك بزملاءك واوعدك انهم يوما ما لابد من انهم ياخدو الكادر هناك اعتصامات ونتمنى من كل الاداريين الاتحاد حتى لاياتى يوم ونلم ليهم وهم اصحاب حق |
اقتباس:
وانت عارف الروتين قاتل .. وبالنسبة لموافقة الإداريين ـــــ بإذن الله كلهم هيوافقوا لان طريقة التنفيذ ليس فيها أي جرح لشعورهم أبدا . |
اقتباس:
وبالنسبة للعشرين جنيه ... فكرتك جميلة .. بس ممكن ألاقي اتنين تلاته بس اللي هيدفعوا العشرين جنيه في المدرسة .. على أساس ان الزوجة بتنزل السوق ب 100 جنيه ... بترجع بشوية خضار .. ــــــ خليها عليك ... وتبقى خمسه جنيه .. عشان العدد يكون أكتر يا راجل دا فيه ناس لو قولتهم هيتخصم منكم عشرين جنيه كل شهر ممكن يجيلهم جلطة .. وكده بقا يبقى انت رحت في حديد بجد ومش بعيد حديد عز الدخيلة كمان . |
والله عمل الخير خير فى كل مكان وزمان
وغير مرتبط بكادر او غيرة الاداريين فيهم ناس مبسوطة وفيهم غير كدة واحنا فى المدرسة بنساعد كل من ظروفة صعبة ايا كان فى المدرسة او كان مدرس او اخصائى او ادارى فهذا الموضوع لا يستحق النقاش لانة امر واجب على كل مسلم مقتدر |
اقتباس:
بصراحة .. انا اختلف مع حضرتك في وجهة النظر دي .. ليه بقا ؟؟ لان مش عشان بعض الحاقدين والنفوس الضعيفة نحكم على كل الناس .. بالعكس احنا مثلا عندنا في المدرسة ــ بفضل الله ــ مفيش اي حد قال كده ... والكل بيحب بعض ويحب الخير للتاني لأن كل واحد في حاله . عموما شكرا لك .. ووحشتني ونفسنا نشوف الملاك ملك بارك الله فيك وفيها وفي الأسرة الكريمة |
اقتباس:
هووووووووووه دا التشجيع .. يا سلام عليك يا عمدة أدفينا يا غالي يا ابو المقام عااااالي .. ماتنساش الجوافتين .. الجوافة بتاعتي والتانية بتاعة وليد وشريف لأ .. كفاية عليه نعناع أستاذ جمال . |
اقتباس:
وأحب أوضح لحضرتك نقطة مهمة جدا .. إحنا عددنا في المدرسة كملعمين ماشاء الله كتييييييييير جدا .. على سبيل المثال أسرة اللغة العربية بسم الله ما شاء الله عددها 46 معلم .. احسبي بقا زي ما انتي عايزه الباقي يبقوا كام .. يعني الخمسه جنيه في عدد كبير هيعملوا مبلغ محترم إن شاء الله وياريت لما تشوفي المدير بتاعك بكره أو يوم السبت ... تقولي محمد وسية ما بيسلمش عليك ولا عايز يسلم عليك ولا عايز يشوفك اصلا . |
اقتباس:
لا لا لالالالالالالالالالالالالالالالالالالالالالا مش معقول .. انا مش مصدق عنيا ... ولا صوابع ايديا ... مين ؟؟ سيادة المدير بنفسه وشحمه ولحمه .... هوه انت ورااااااااايا وراااااااايا ... أنا خايف افتح الحنفية ألاقيك ... خف عنا بقا . ونصيحة أخيرة .. مش هينفعك غير النعناع .. ركز فيه الفترة اللي جايه ... |
اقتباس:
بارك الله فيك أستاذ عمر ... وفي الحقيقة أنت من القلائل الذين أنتظر كلماتهم الجميلة الراقية التي تدل على معدنهم الأصيل . وأشرف بمعرفتك وصداقتك دائما يا أخي الفاضل . |
طيب ده كان الكلام علي الفكرة نفسها لكن اسمحلي يا مستر محمد:006et4: اتكلم علي نقطة تانية و هي قسم الكادر نفسه و تقييم الموضوع :rolleyes:و قيمته بالنسبة لقسم الكادر تعرف ان نوعية أفكارك دي هيا الأسلوب الوحيد اللي ممكن يرجع لقسم الكادر :wub:رونقه تعرف ان الفكرة دي طفرة بالنسبة لموضوعات قسم الكادر التي لا تتجاوز مشاعر الاعضاء و مذكراتهم اليومية بالنسبة لموضوع الصرف من عدمه:bosyht9: تعرف ان أفكارك دي :022yb4::friendsxs3:((( اللي تودي في داهية ))) هيا الطريقة الوحيدة اللي ممكن تجمعنا تاني في قسم الكادر؟ متهيألي بقا تنسي موضوع الصومعة دي الله يخليك :blink: بالمناسبة عنوان موضوعك ناري صاروخي مكوكي فضائي متمكن و جاي في وقت حساس أوي و يودي في سكك تانية خالص إنك :wacko:لمتمكن |
اقتباس:
مدير؟ مدير مين؟ بص علي الاسم كويس و البس النضارةB) اقتباس:
اقتباس:
حاضر عينيا وعد من النهاردة مش هتلاقيني أداامك و لا في أي موضوع تبعك الحق عليا يا سيدي و اعتبرني و لا كأني قلت حاجة:) قال خف عنا قال :excl: |
انا مش معاك خالص فى هذه الفكرة بعض الناس حياؤها يمنعها أن تمتد يدها لذلك لانها عارفة ومتأكدة ان ده مش من حقها وبدل منقول نديهم ويبان منظرهم وحش نقول نطالب من خلال النقابات ان يكون لهم هم كمان كادر
تقديرى واحترامى |
اقتباس:
خليك في المفيد ... مش عارف ليه بتطنش موضوع النعناع ... ياراااااااجل ..... خليك في اللي هينفعك .. ماتقولوا حاجه يا مسيو وليد .. ما تقولا حاجه يا غالي يا انصاري .. ما تفهموا بقا يا أستاذ جمال يا بتاع النعناع يا منعنع .. معلشي لابد أن أنهي هذا الرد .. بهذا القول المأثور .. ولا كأني سمعت حاجه :giljotiiniug3: |
من غير كل الموضوع ده ولا فيه مشكلة ولاحاجة قمنا نحن فى مدرستنا (الطبرى الثانوية بروكسى) بجمع مبلغ من الزملاء لابأس به لتوزيعه على العمال والاداريين ولكن رفضوا أخذه واعتذروا لنا بطريقة مهذبة على أن هذا رزق وكل واحد بياخد رزقه وقمنا بارجاع الفلوس لكل واحد ليقوم بدوره بعمل الخير بطريقته |
اقتباس:
المشكلات كبيره اوى والفكرة نفسها طيبه بس دائما النوايا الطيبة لا تكفى عموما لا تيأس واكيد فى نشاطات مماثبة فى معظة المدارس الاخرى واعتقد ان فكرة صندوق الزماله اللتى عرضتها عليك فى الموضوع الاخر اقرب الافكار للتطبيق حاليا مودتى |
| جميع الأوقات بتوقيت GMT +2. الساعة الآن 04:04 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.