مشكلة مشكلة انا نفسيتى محطمة
 

مدرس زميل لنا فى المدرسة ضرب طالب اتحول الطالب الى المستشفى ومن المستشفى تم عمل محضر فى قسم الشرطة ومنها لامن الدولة ومنها الى وكيل الوزارة ومنها الى المدير العام بالادارة وكان التحقيق مع هذا المدرس وخصم معتبر فى المرتب ونقل 00000000000 عارفين اصابة الطالب اية ايدة اليمين ازرقت شوية وما فيهاش اى حاجة دلوقت 0000000 والولد زى الفل واللة ما فية اى اصابة عارفين المشكلة اية
ان احنا ادارة المنتزة فى اسكندرية اللى فيها الطالب اسلام

حسبي الله ونعم الوكيل في كل ظالم والله انا حاسس بيك المدرس خلاص عليه العوض فيه
التهديد بقي علني ن اولياء الامور والبقيه في حياتكم في كرامه المدرس عليه العوض خلاص :(

حسبي الله ونعم الوكيل في كل ظالم والله انا حاسس بيك المدرس خلاص عليه العوض فيه
التهديد بقي علني ن اولياء الامور والبقيه في حياتكم في كرامه المدرس عليه العوض خلاص :(

متهيالى لو كل الناس طبقت الايه الكريمة
ومن يتق الله يجعل له مخرجا ويرزقه من حيث لا يحتسب
لو المعلم ضرب التلميذ بنيه اصلاح هذا التلميذ اكيد ربنا هايجعل له مخرجا
وبعدين من اخذ الاجر حاسبه الله ----وليس الناظر ولا المدير!--على العمل
فليتق الله كل منا فى عمله هذه دعوة اريد بها نفسى اولا

أقسم بالله أن الطالب سواء كان صغيرً أو كبيراً فإنه يعرف الفرق جيداً بين الضرب لمصلحته و الضرب الذي ورائه دوافع أخري
لو أن المدرس دخل فصله متقياً ربه يعمل لوجه الله لرزقه الله من حيث لا حتسب

علي فكرة زميلك لم يخطأ ووووولكن أصحاب الضمائر المريضة هم السبب
في بداية حياتي تعرضت لنفس الموقف مرتين في عامين متتالين
ولكن الحمد لله ربنا سترها ووقف معي رجال في محنتي
الاولي كانت لي بعد تعيني بعامين كنت قرصت طالب من ودانه وللاسف كانت ودانه مصابة قبل ضربي له ولكنها نزفت دم و أصطحبت الطالب لطبيب الوحدة الذي قام بعمل الازم مع الطالب ولكن للأسف هذا الطبيب لم يراعي ضميره وكبر الموضوع عندما ذهب له والد الطالب ليستفسر عن الحالة لسوء خلاف مع الطبيب قبل ذلك مما دفع ولي الأمر بعمل محضر في القسم
ولكن ربنا وقف معي ولم يصدق والد الطالب الموضوع وذهب به لطبيب أخر وعندما رأه لم يصدق ما قيل له وقام بالكشف
عليه مرة أخري ووجد الجرح قديم ليس جرح اصابة جديدة ولكنها قديمة مما برأني عند ولي الأمر بل وقام الطبيب وسأله أنمت أنضربت ليه فقال له لأني لم أحل سؤال في الفصل وكان السؤال سهل للغاية وهذا كلام الطالب وللأسف كان هذا الطالب يأخذ عندي درس ( الدرس كان ب 5 جنيه فقط في الشهر ) وقد عنف الطبيب ولي الأمر بل وذهب معه لقسم الشرطة وسحب المحضر بل أثر من ذلك قام بالأتصال بي تليفونيا وأعتذر لي عما قام به
ومن يومها لأ استعمل يدي في الضرب بل استعمل عصا
لا أخفيكم قولا بأني لا أضرب بل أنا حتى يومي هذا بأضرب ولكن في صالح الطالب ولا يؤذيه والحمد لله تعلمت من تجاربي

ياجماعة لازم نفرق بين الضرب من اجل التعليم والضرب من اجل المصالح الدروس والباقى انتو عارفينه
انا عن نفسى الضرب والعقاب والثواب عندى موجود بس كل طالب له عقاب من نوع معين يعنى الطالب الشاطر ممكن التوبيخ له افضل من الضرب والطالب المتوسط ممكن اضغط عليه شويه
اما الطالب الضعيف الضرب فى معظم الاحيان غير مجدى انا بشجعه ان يقول اى اجابة حتى لوكانت اجابة مكررة بس لازم يشارك معانا وواحده واحده بحس انه بدأ يذاكر

ولييييييييييييه الضرب؟؟؟؟؟
لسة ماتعلمناش ؟؟؟
محدش ح يحاسبك ان فيه طلاب ضعاف .
اعمل اللى عليك وارضى ضميرك. وهو لازم الكل يطلع دكاترة ومهندسين؟؟؟
محدش ح ينفعك لما يتعمل تقرير طبى مزور ويتحط الحديد فى ايديك وانت رايح للنيابة.

المشكله الأكبر بقه أن الطالب لما تعدي عندنا في المدرسه علي المدرسبالسب والضرب والمدرس طالب بحقه
الإدره ومعظم المدرسين كانو بيتحيلو علي المدرس يعديها ويتم مرضيته بكلمتين وبوسة راس وإتصلو بأهله وجم ومعليش وعشان خاطر الوالد وأمه بيها وأبوه وخلص الموضوع ربنا يسترها مع الجميع ويجعله عامر

ماشاء الله مشاركة متميزة من عضوة جديرة بالاحترام
وراى صائب

اذا اوكل الامر الي غير اهله

ربنا معاك اخى العزيز اعمل الاعليك وريح ضميرك وبلاش الضرب
خاف على نفسك ماحدش احسن منك الايتعلم يتعلم اهم شىء راعى ضميرك فى عملك

الأغرب والأدهش من ذلك عندنا فى مدرسة الشيخ شعيب الأبتدائية بإدارة المنزلة التعليمية بالدقهلية
حدث الآتى مدرسة حاولت عقاب تلميذ . عقاب خفيف لتلفظه بلفظ غير مقبول داخل الحصة . وماكان على التلميذ الا ان اشتكى لوالده . وثانى يوم حضر والده واخوه الاكبر وتهجمو على هذه المدرسة بالسب العلنى امام هيئة التدريس ولو تدخل المدرسين لوصل الامر الى الضرب . وبعد كل هذا تهجم اخو التلميذ على مدرس وضربه بقدمه ثم جرىخارج المدرسة . والنهاية ماذا حدث؟
المعتاد فى مثل هذه الامور كشف طبى مزور وتحويل المدرسة للنيابة وجلسات عرفية لحل المشكلة
وكان ناقص نبوس إيد ولى الامر علشان يسحب المحضر . وعجبى عليك يازمن:abdoog8::abdoog8::abdoog8::abdoog8::abdoog8:

يا جماعة مالوش لازمة الضرب من اصلة ممكن كل حاجة تتعالج من غير ضرب

ربنا معاك

مادام الموضوع اتطور كده يبقى اكيد الواد مسنوووووووووود
ههههههههههه

طبعا ده فساد ماشي في ..... كلها هي جت على المدارس

ربنا يفك اسره

المشكلة اننا فى مدرسة ما ينفعش فيها الاقناع اللى انتى بتقولى علية دة احنا معانا طالب بيسهر طول الليل فى الشغل فى ورشة ويجى الصبح يخش الفصل عشان يشوف اصحابة ويفطر برغيف وحتة جبنة وفلافلية انتى شفتى الكلام دة فى الفصل عندك او حتى سمعتى عنة
احسن طريقة لتعليم الطلبة دول ان المدرس يكون كاسيت يعيد ويزيد بس من غير حياة وتفاعل مع الطالب مجرد كاسيت ويتغاضى عن افعال هذة الطلاب مع اعتبار ان العقاب بالضرب لازم ومهم ولكن بغير قسوة على الطالب واتمنى للك كل التوفيق

اخر اخبار زميلى فى المدرسة الان انة فى التوجيهة ولا يعرف ما هو قادم ....تعرفو محققة الشئون القانونية قالت اية لزميلى فى التحقيق قالتلة انت مظلوم بس القرار مش فى ايدى وخدللك يا عم 15 يوم جزا وتسكين فى التوجيهة اصل الحكاية كلها ان الطالب ذهب من نفسة الى المستشفى مع دور عياط وانا بموت واتكسرت ومثل الدور تمام وطبعا المدرس والحمد للة مكروة من الكل فكبرت الحكاية من غير اى اصل واتظلم الراجل اصل المدرس دايما الحيطة الواطية اوىىىىىىىىىىى ويجعلة عامر يا معلمين م فتحة

الواد ولا مسنود ولا حاجة دى تخليص تار بين مسئولين وبعض واحد مسئول كبير عايز يشد مسئول اصغر منة وكدة يعنى فقالو نموت مدرس وندهسة وندمرة بالمرة وشكرا للمسئولين الحلويين