|
أحياء ولا كيمياء فى 2 ثانوى
لو سمحت من كل الطلبة والمدرسين ، عندى سؤال ورجاء محيرنى جدا أختار أحياء ولا كيمياء فى 2 ثانوى ياريت اللى يرد يقول لييه وهل ده كان مريحه فى المذاكرة ولا لأ ؟ وشكراَ ليكم كلكم ............. |
يا جماعة مفيش حد عاوز يقول رأيه ولا إيه
|
الكيمباء فى ثانيه والاحيلء فى ثالثه
|
انا اخترت كيمياء
|
شكرا للمحمدين على الرأى
الظاهر إن فى إجماع على الأحياء فى ثالثة و الكيمياء فى تانية حتى فى قسم الأحياء |
انا اخدت كيمياء عشان من رأيي ان الكيمياء والفيزياء مع بعض في تالته تكون صعبه حبتين
|
يا جماعة ممكن تردوا
ممكن كل واحد يقول المادة. من ناحية إيه؟ إيه السبب؟ جدول الإمتحانات ولا سهولة المذاكرة مع الفيزياء ولا المذاكرة لوحدها. ممكن الردود |
اكييييد احياء فى تانية وهتبقى فاضيلها هى وبس لان الباقى عادى وكمان جدولها مريح جدا يعنى انا السنة اللى فاتت كان عندى ادام الاحياء 9ايام بالتمام
وكمان صعبة قوى فيزيا واحياء ده الاتنين محتاجين اهتمام ووقت لى نعم انا عندى يوم واحد ادام الكيميا السنة ديه بس عشان انا واخدة علم نفس يعنى صاحبتى عندها زى اللى كانوا فى تانية واخدين كيميا اربع ايام عشان هى واخدة اقتصاد واحصا بس اكيد انا بعترف ان من احسن القرارت اللى خدتها فى حياتى انى استريحت فى تالتة عشان خدت احياء فى تانية على الرغم من ده شال احتمال انى ادخل رياضة اللى بموت فيها بس طبعا ده يرجع للمستوى وتنظيم الوقت فى الاول والاخر |
لو سمحت من كل الطلبة والمدرسين ، عندى سؤال ورجاء محيرنى جدا أختار أحياء ولا كيمياء فى 2 ثانوى ياريت اللى يرد يقول لييه وهل ده كان مريحه فى المذاكرة ولا لأ ؟ وشكراَ ليكم كلكم ............. |
الكمياء قسم والاحياء قسم أخر خالص
يعنى لو عايز طب وكلام من دة يبقى احياء لكن لو عايز هندسة وكدة يبقى كمياء |
اقتباس:
يا صاحبى الكيمياء ثابتة فى القسمين رياضة وعلمى |
اقتباس:
عارف أنا شوفت جدول السنة دى أنا موادى: كيمياء أحياء فيزياء إقتصاد وإحصاء |
بس كيمياء و فيزياء و إحصاء محتاجين حل فهيبقوا صعبين مع بعض
|
لو انت عاوز كليات المجموعة الطبية
أحياء فى تانية هتريحك جداً فى المذاكرة لو انت عاوز كليات مجموعة الهندسة يبأه طبعا كيمياء فى تانية عشان انت مش هتأخذ أحياء وده بشكل إجبارى |
أولا انا رايي ان دة واقف علي مستوي الطالب وميوله
وبعدين الكيميا في تانية افضل لان كدة يبقي عندك احتمالين في تالتة احياء او رياضة لو ماجبتش المجموع اللي يخليك تكمل في مجموعة الطب |
اقتباس:
لو انت ناوى على المجمزعه الطبيه يعنى مش بتفكرفى هندسه أصلا ولا حتى فى ابعد ابعد الاحتماالات انك تدخلها يبقى عليك بالأحياء فى تانيه بس يستحسن انك متخدعش نفسك يعنى تشوف هتقدر عليها ولا لأ ؟ لأن طالب تانيه ثانوى بيبقى عايش الدنيا وردى و جميله فالكيميا للطلبه العاديين بتبقى مريحه إنما الأحياء محتاجه حد عنده أعصاب وتحمل ( و الله ما بهرج ) فأنت أكتر حد يقدر يحدد تستحمل ولا لأ هتقولى طيب و ليه الأحياء متبقاش فى تالته .. هقولك ليها ميزة و ليها عيب .. الميزه انك بتبقى فى الأمان (( لو انت من بتوع و لمجتش طب يبقى هندسه )) انك تبقى فى الأمان و العيب انك بتركن الأحياء لماده بسم الله ما شاء الله اللهم لا حسد حلوة و لذيذ و ظغنونه (( انا مش بعقدك اهو )) اسمها الفزيا اللى هى يا صديقى بعبع الثانوية العامة أو الثانوية العايمة إن صح التعبير ! فى الأول و فى الأخرالقرار قرارك ( إن كنت بتاخد قراراتك مع نفسك ) و أكيد هتشارك أهلك قرارك بس صدقنى يا صاحبى انا خدت الاحياء فى تانيه و توكلت على الله و كنت موقن انى عارف انا بعمل ايه و هشيل مسؤيلة اللى انا عملته لوحدى .. لو قلبك جامد و انت من العيال الراسيه .. خد الأحياء فى تانيه و متترددش لو لأ منصحكش بس صدقنى انا مفتقد الأحياء جدا جدا |
آراء الناس كده كلها تقريبا واحدة
أحياء فى تانية لو إنت علوم حتى النخاع وواثق من مجموعك(صعبة؟!) علشان تذاكرها كويس و متدخلهاش مع الفيزياء ( بس الكيمياء مع الفيزياء مع الإحصاء مش صعبين شوية علشان كلوا حل؟! هنحل إيه ولا إيه؟!) كيمياء فى تانية لو لسه مش واثق من القسم بتاعك ( لو مش طب يبقى هندسة؟!) علشان تبقى فى الأمان بس سؤالى بس مش مذاكرة الفيزياء مع الكيمياء صعبة حبتين؟! وفى النهاية كلوا توفيق من ربنا واللى ليه نصيب هياخدوا أنا قلت أسألكوا علشان فى المدرسة الطلاب كل واحد ورأيه والمدرسين كل واحد بيقول اللى يفيدوا ( ناخد معاه دروس يعنى) الفيزياء مش هامه معاه ، والكيمياء بيقول فى تانية ( علشان لو أحياء و مجبناش مجموع هيبقى أدبى مفيش كيمياء ، والأحياء بيقول برده فى تانية (علشان لو مجبناش مجموع هنحول رياضة ومفيش أحياء) |
أنا عن نفسى هاخد كيميا ف تانيه ان شاء الله بس هى معروف ان الاسهل انك تاخد الاحياء فى تانيه بس انتا تاخد كيميا على اساس لو الامتحانات جت صعبه او كده تحول علمى رياضه
|
شكرا ليكى على رأيك
|
الأختيار حسب ميول كل طالب
1 - فمثلا الطالب الذى له ميول أدبية يختار المواد الأدبية مثل التاريخ وعلم النفس والفلسفة ..... الخ بجانب مادة علمية مثل الكيمياء أو الفيزياء أو الأحياء أو الجيولوجيا وعلوم البيئة ..........الخ 2 - فمثلا الطالب الذى له ميول رياضية يختار المواد العلمية مثل الكيمياء و الفيزياء ورياضة 2 بجانب مادة أدبية مثل علم النفس أو الفلسفة أو التاريخ ..........الخ 3 - فمثلا الطالب الذى له ميول علمية ( علوم ) يختار المواد العلمية مثل الكيمياء و الفيزياء والأحياء بجانب مادة أدبية مثل علم النفس أو الفلسفة أو التاريخ .......... الخ ملاحظة : اختيار الطالب يتوقف على الكلية التى يرغبها إذا كان طالب فاهم هو عايز أية وهدفه أية . كما نلاحظ أن المادة التى أشتركت فى الثلاثة اختيارات هى الكيمياء ومن أجل ذلك نقول لطالب اختار الكيمياء فى الصف الثانى أما فى الصف الثالث فلك حرية تغير أى مادة . لأن من الصعب أخذ الكيمياء والفيزياء والأحياء فى الصف الثالث . |
طيب يا جماعة انا كدة إتشقلبت دماغى
أنا راجل نفسى فى هنددسة ومش بعرف احفظ اوى وبحب الحمد لله الرياضة ابقى اخذ اية فى ثانية واية فى ثالثة يعنى أخذ كمياء ولا أحياء فى ثانية ارجوا الرد بس اللى انا اعرفة ان الاحياء مليانة حفظ مليانة اية دى كلها حفظ تقريبا |
اقتباس:
طالما أنت عايز هندسة يبقى مفيش أحياء خالص لا سنة تانية لاثالثة وماعليك إلا أن تختار كيمياء في سنة تانية ورياضة 2 في سنة ثالثة |
الكمياء فى 2/ث افضل لسببين :-
علميا فى 3/ث ح يكون معاك مادتين مختلفتين فيزياء ( فهم ) و أحياء ( حفظ ) دراسيا الكيمياء تصلح لكل الاقسام ( ازاى ؟ ) 1 - اذا حصلت عل 95% فأكثر تكمل علمى علوم فيزياء و أحياء فى 3/ث 2 - اذا حصلت عل 90% - 95% تكمل علمى رياضة فيزياء و رياضة (2) فى 3/ث 3- اذا حصلت عل أقل من 90% تكمل أدبى و تحسب الكمياء مكان الجيولوجيا وللعلم الطالب اللى معاه أحياء فى 2/ث مينفعش يحول أدبى |
اقتباس:
ينفع يحول أدبى بس مينفعش يحول علمى رياضة |
شكرا ليكم جميعا على الآراء
|
اقتباس:
مينفعش يحول أدبى لأن لطالب الادبى مادة علمية من ( الفيزياء - الكيمياء - الجيولوجيا - الرياضيات 2 ) خد بالك الاحياء مش فيهم |
اقتباس:
إنما رياضة المواد العلمية اللى فيها كيمياء وفيزياء و رياضة2 ومستحيل أحياء |
اقولك رأيى بصراحة من الافضل لك ان تغير مسارك من الثانوى الى الصنايع
|
بهزر معاك و متزعلش منى
|
| جميع الأوقات بتوقيت GMT +2. الساعة الآن 08:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.