|
حملة من اعضاء المنتدى على الادارة الاشرفية . . نرجو الاهتمام
بسم الله الرحمن الرحيم "ولا تنازعوا فتفشلوا وتذهب ريحكم" أخواني أخواتي إداريي المنتدى الكرام أرجو أن يتسع صدر كل منكم لما سأكتبه فهو "وكفى بالله شيهداً" كلام صادر من قلب يحبكم كلكم في الله قلب يعلم مدى سعيكم لخلق جو ديمقراطي سليم نعالج فيه سلبيات الماضي وننطلق منه حيث التميز وسأوضح وجهة نظري وبعدها أنتظر منكم الرد بكل صراحة وتصالح مع النفس لقد تم تكليفي بتكوين طاقم إداري وخصوصاً بعد استقالة (همس وأيمن) وقد قمت بتعيين أحمد رضا والمجاهد في سبيل الله كمشرفين إداريين ليكتمل طاقم الإدارة الحالي مستنداً في تعييني هذا على تكليف مجلس الإدارة لي باختيار الطاقم الذي أراه مناسباً لتحقيق برنامج إداري معين أخواني الكرام كل ما صنعته بعيداً عن كل ماقيل وما سيقال أني اعتمدت على ثقة بقية طاقم الإدارة في شخصي وفي رأيي واختياري وتوكلت على الله عز وجل وبالفعل اكتمل الطاقم الإداري وبالفعل أول عمل ديمقراطي يثبت أن الإداريين هم مخ الإدارة أني طرحت في حجرة الإداريين قوانين المنتدى للنقاش وللتعديل ولكي نصل سوياً إلى الصيغة النهائية لتلك القوانين تلك القوانين التي ستكون ملزمة للجميع من العضو وحتى المدير سيقول كل إداري رأيه ومقترحه سيقول ويعترض ويوافق حسبما يريد حتى نصل لقانون واضح يلزم الجميع ويحدد العلاقة بين الجميع ويحدد دور وصلاحيات كل فرد على صفحات هذا المنتدى فوجئت باعتراض بعض الإداريين على تعيين الإداريين الجدد وهو ليس اعتراض على الشخص بعينه حتى لا يفهم الإداريون الجدد أنه اعتراض على شخصهم ولكنه كان اعتراض على طريقة التعيين دون أخذ رأيهم فقلت لهم ما عندي وهو أن اختيار الطاقم الإداري الذي أراه منفذاً لبرنامج إدارتي هو من حقي أقل الحقوق أن أختار من أراه مناسباً وليحاسبني الجميع بعد ذلك إن اتخذت قراراً فردياً ولماذا إذن أختار إداريين؟ لكي أتخذ قراراً فردياً؟ كيف يعقل هذا ؟ كل ما فعلته هو ما يفعله مثلاً رئيس الحكومة عندما يكلف باختيار الوزراء وبعدها يكون الأمر شورى بينهم أنا لست ضد الشورى ولكني اخترت طاقمي ولكن من الواضح أن طاقمي يرفض التعاون معي وأنا الآن ومن تلك النقطة التي نحن بصددها ما زلت اقولها لقد اخترت طاقماً إدارياً للعمل معي ومن لحظة اختياري لهم طرحت كل القوانين بين أيديهم لنشرعها سوياً ولننفذها سوياً أية ديكتاتورية تلك التي أجرمتها؟ وأي انفراد بالرأي صنعته ؟ هل تكليف مجلس الإدارة لي باختيار طاقم إداري ديكتاتورية؟ هل اختيار لطاقم ارى أنه سيفي بالغرض ديكتاتورية؟ هل خروج قوانين المنتدى الجديدة من معمل الإداريين ديكتاتورية؟ أنا أكتفيت بتلك الكلمات وأرجو أن تعطوا الثقة في الإدارة وأي عضو من الطاقم الذي اخترته لا يريد أن يتعاون معي فليقل صراحة مع أني وضعت ثقتي به وهو بالعكس يسحب كل الثقة من الإدارة وشكراً وفق الله الجميع لما فيه الخير رجاء اقرءوا كلامي كله جيداً واتركوا لعقولكم مساحة من الاقتناع وأرجو حسم الموقف اليوم |
اقتباس:
طيب أنا آسف يا محمود اني فهمت الموضوع غلط بس برضه الأعضاء طلبها مش وقته لسبب لأن الإدارة لم تتخذ أي قرارات بعد وياريت يا محمود تركز شوية بس أنا أخترت طاقم إداري والطاقم الإداري هينقل أكيد آراء ومقترحات الأعضاء لمجلس الإدارة ولا انت شايف ايه؟ انا معلش يمكن تركيزي قل شوية حكم السن بقى .. بس يا ريت يا محمود طالما اتبنيت وجهة نظر الأعضاء اللي مش وقتها برضه يا ريت تتبنى وضع استراتيجية لتنفيذ طلبات الأعضاء مش عاوز كلام عام عاوز استراتيجية امشي عليها يعني لو في قرار مجلس الإدارة اتخذه او بيفكر يتخذه نعمل ايه يا محمود ؟ طالما انت متبني آراء الأعضاء الأعضاااااااااء اللي بيحكموا على الإدارة الجديدة من غير حتى ما يدوا الفرصة ليها انها تبدأ عملها اتفضل يا أستاذ محمود عاوز تصيغ لي طلبات الأعضاء في نقاط محددة ومنظمة لو سمحت وهذه الصياغة بعد ما تخلص عاوز تفويضات من الأعضاء لحضرتك ويكون عدد المفوضين لحضرتك أكثر من خمسين في المية من عدد أعضاء المنتدى حتى يبدأ زمن الديمقراطية على يديك بإذن الله |
الرجاء الهدوء بعيد عن المداخلات
|
حملة من اعضاء المنتدى على الادارة الاشرفية . . نرجو الاهتمام
السلام عليكم ورحمة الله وبركاته من غير مقدمات او كلام كتير :romarioxp6: انا فاكرة كلمة او جملة اتقالت زمان ساعة ما جددنا وطورنا ف المنتدى مفيش اى حاجة هتتعمل بدون استطلاع (بعيدا عن تعيين احمدين):d والله ما اقصدهم خالص وهما عارفين انى اصلا اللى مرشحاهم ;) لكن هل تم استطلاع عن اى تعيين بيحصل ف المنتدى :rolleyes: هل تم استطلاع او اعلام عن اى حاجة بتحصل :rolleyes: للاسف محصلش حاجة من دى ومحدش عارف اى حاجة يادوب بندخل قسم/التهانى نعرف منه اخر الاخبار . . غير كده ولا اى حاجة:bosyht9: تقريبا بقينا زى ......... انتوا عارفين قلتها قبل كده :d طب وبعدين :excl: اين الاعضاء من قرارات الادارة :rolleyes: وهل كل حاجة تحصل الاعضاء متعرفهاش رغم ان هى اللى مشغلة الموقع :rolleyes: لو حصل كدا يبقا رجعنا للادارة الاشرفية ^_^ ف ياريت يتم مناقشة الموضوع واشراك الاعضاء فى جميع القرارات :bosyht9: دمتم ف رعاية الله :) |
برجاء عدم حذف الموضوع بناء على قرار الادارة
بعدم حذف اى موضوع يتم مناقشته |
بصى يا حاجة مجلس الادارة بيقولك اية بقى صحصحى معايا كدة لان انا اصلا تعبت والله العظيم بيقولك ليس من حق الادارى ترشيح ادارى مثلة ما بالك بقى الاعضاء على اساس اننا بنرشح فى مجلس الشعب مثلا على اساس انها قرارات سرية على اساس ان الناس بتتحايل على ناس علشان الادارة طيب لية دا كلة ؟؟ امال هوة اشرف اتشال لية ؟؟ امال كنا بنتعب قلوبنا ونقول اشرف وحش وبتاع لية ؟؟ سبب من الاسباب علشان مبيدخش الاعضاء فى الادارة بس كان بيدخل الادارين ما بالك دلوقتى لا ادارين ولا اعضاء وياريت الموضوع ميتحذفش واحلى سلام للادارة |
برجاء التوضيح اكثر
ولكن هل كل قرار للادارة لابد من وافقه الاعضاء علية يعني ينعمل استفتاء ونفضل لما يصوت علي الاقل نصف عدد الاعضاء يعني امثر من 100 الف عضو في انتظار التوضيح اكثر لاني محتاج افهم اكثر |
السلام عليكم ورحمة الله وبركاته
غريبه يا ترفل ما انتى بتقولى اهوة انك انتى الى رشحتينى امال ليه باه مدايقه يعنى تم اختيارنا بعد ما انتى واحده من الاداره رشحتينا وقبل ى حاجه انتى عندك حق فعلا لازم الشورى وعلشان كده ان شاء الله انا قدم موضوع يخدم الحته دى اوى بس ربنا يسهل |
بصى يا بنتى الواحد كان ناوى يكتب كلام كتير بس انا مش حقولك غير حاجتين من الاخر عمليه الاستفتاءات اللى انتى عايزاها دى ممكن تحلمى بيها بعد سنه اتنين كده :slap1qk6: اصل حتلاقى اللى يقولك كل واحد بيعمل لصحابه و اننا مش بنعرف نتعامل مع الاستفتاءات بيفكرونى بنظيف لما قال ان الشعب المصرى لسه فى طور النمو السياسى و انه مش حيعرف يتعامل مع الديموقراطيه عشان كده بلاش احسن :romarioxp6: طبعا منطق اقل ما يقال عنه طفولى و على احمد المجاهد و احمد رضا محدش حيقدر يتكلم عليهم بس المنطق نفسه غلط انا مش عرفت اساسا غير لما بدخل موضوع ميس رانيا فى التهنئه طاب ده اسمه ايه يلا ربنا يهدى :romarioxp6: حوار وطني دعوتني إلى حوار وطني كان الحوار ناجحا أقنعتني بأنني أصلح من يحكمني رشحتني قلت لعلّي هذه المرة لا اخدعني لكنّي وجدت أنّني لم انتخبني إنما انتخبتني لم يرضني هذا الخداع العلني عارضتني سرا و آليت على نفسي أن أسقطني لكنني قبل اختمار خطتي وشيت بي إلي فاعتقلتني * * * الحمد لله على كل حال فلو كنت مكاني ربّما أعدمتني :romarioxp6: فى رعايه الله |
اقتباس:
اقتباس:
بس يبنى بلاش تتكلم فى السياسة |
لا تعليق...............
|
مهاترات .......... مهاترات.......... مهاترات
كفااااااااااااااااية
مش كل شوية تدورى على اى مشكلة فى كلمات انتى متعرفيهاش زى: هدنه - شويه راحة - هدوء - فاصل وبعدين نواصل كل الكلام ده بعد اذن حضرتك يا استاذ عصام مهاترات واستنزاف للوقت فى كلام فى الهوا انا بتكلم لان اكتر مكان اتأثر الغرف الصوتية بسبب كل المشاكل الي فاتت وحضرتك تعلم هذا جيدا ارجو من جضرتك وقف الكلام فى اى مشاكل حتى تستقر الامور ويا ريت الافضل بعد نهاية العام الدراسى لاننا مسئولين عن طلبة ودى مسئولية مش سهله كمان احنا مسئولين ادام ربنا .... ومينفعش كل واحد يدور على اى مشكلة ويشغلنا بيها |
اقتباس:
اقتباس:
ربنا يستر مبروك اللون الجديد |
اقتباس:
وبعدين يعني انت زعلان عشان زينب عملت الموضوع حقك ما انت كنت بقالك كتير غايب عن المنتدي ومتعرفش حاجه من اللي اتقال واللي حصل وبسم الله ما شاء الله رجعت اداري وبعدين يعني انت دلوقتي زعلان انها عملت الموضوع وبعدين راجع تقول فعلا لازم الشوري ربنا يعافينا من المنتدي دا فعلا والله :d نورت يا باشا المنتدي مرة تانيه :) |
اقتباس:
اقتباس:
المنطق نفسه طالما قالوا ف الاول شورى ومش هيستخبى حاجة وحركات من دى وف الاخر . . . . . . فاصل ونعود انتظرونا :d |
اقتباس:
لا حضرتك فاهمة غلط يا استاذة احنا مش بندور على مشكلة والسلام ولا حاجة احنا بنتكلم على اسباب عموما انا مش هخرج عن الموضوع فى رعاية الله |
اقتباس:
اقتباس:
لا يا استاذتى الفاضلة دا هدفنا من من ايام ادارة الاستاذ اشرف وكل الناس كانت بتطلب ده يعنى مش كلام زينب لوحدها واظن ان دا حق مش مشكلة والسلام دمتم فى رعاية الله |
اه يا راسي يانا ياما انا هقلب علي قناة الرحمة:d الرحمة الرحمة الرحمة الرحمة يا أهل الرحمة:006et4: |
بسم الله الرحمن الرحيم "ولا تنازعوا فتفشلوا وتذهب ريحكم" أخواني أخواتي إداريي المنتدى الكرام أرجو أن يتسع صدر كل منكم لما سأكتبه فهو "وكفى بالله شيهداً" كلام صادر من قلب يحبكم كلكم في الله قلب يعلم مدى سعيكم لخلق جو ديمقراطي سليم نعالج فيه سلبيات الماضي وننطلق منه حيث التميز وسأوضح وجهة نظري وبعدها أنتظر منكم الرد بكل صراحة وتصالح مع النفس لقد تم تكليفي بتكوين طاقم إداري وخصوصاً بعد استقالة (همس وأيمن) وقد قمت بتعيين أحمد رضا والمجاهد في سبيل الله كمشرفين إداريين ليكتمل طاقم الإدارة الحالي مستنداً في تعييني هذا على تكليف مجلس الإدارة لي باختيار الطاقم الذي أراه مناسباً لتحقيق برنامج إداري معين أخواني الكرام كل ما صنعته بعيداً عن كل ماقيل وما سيقال أني اعتمدت على ثقة بقية طاقم الإدارة في شخصي وفي رأيي واختياري وتوكلت على الله عز وجل وبالفعل اكتمل الطاقم الإداري وبالفعل أول عمل ديمقراطي يثبت أن الإداريين هم مخ الإدارة أني طرحت في حجرة الإداريين قوانين المنتدى للنقاش وللتعديل ولكي نصل سوياً إلى الصيغة النهائية لتلك القوانين تلك القوانين التي ستكون ملزمة للجميع من العضو وحتى المدير سيقول كل إداري رأيه ومقترحه سيقول ويعترض ويوافق حسبما يريد حتى نصل لقانون واضح يلزم الجميع ويحدد العلاقة بين الجميع ويحدد دور وصلاحيات كل فرد على صفحات هذا المنتدى فوجئت باعتراض بعض الإداريين على تعيين الإداريين الجدد وهو ليس اعتراض على الشخص بعينه حتى لا يفهم الإداريون الجدد أنه اعتراض على شخصهم ولكنه كان اعتراض على طريقة التعيين دون أخذ رأيهم فقلت لهم ما عندي وهو أن اختيار الطاقم الإداري الذي أراه منفذاً لبرنامج إدارتي هو من حقي أقل الحقوق أن أختار من أراه مناسباً وليحاسبني الجميع بعد ذلك إن اتخذت قراراً فردياً ولماذا إذن أختار إداريين؟ لكي أتخذ قراراً فردياً؟ كيف يعقل هذا ؟ كل ما فعلته هو ما يفعله مثلاً رئيس الحكومة عندما يكلف باختيار الوزراء وبعدها يكون الأمر شورى بينهم أنا لست ضد الشورى ولكني اخترت طاقمي ولكن من الواضح أن طاقمي يرفض التعاون معي وأنا الآن ومن تلك النقطة التي نحن بصددها ما زلت اقولها لقد اخترت طاقماً إدارياً للعمل معي ومن لحظة اختياري لهم طرحت كل القوانين بين أيديهم لنشرعها سوياً ولننفذها سوياً أية ديكتاتورية تلك التي أجرمتها؟ وأي انفراد بالرأي صنعته ؟ هل تكليف مجلس الإدارة لي باختيار طاقم إداري ديكتاتورية؟ هل اختيار لطاقم ارى أنه سيفي بالغرض ديكتاتورية؟ هل خروج قوانين المنتدى الجديدة من معمل الإداريين ديكتاتورية؟ أنا أكتفيت بتلك الكلمات وأرجو أن تعطوا الثقة في الإدارة وأي عضو من الطاقم الذي اخترته لا يريد أن يتعاون معي فليقل صراحة مع أني وضعت ثقتي به وهو بالعكس يسحب كل الثقة من الإدارة وشكراً وفق الله الجميع لما فيه الخير رجاء اقرءوا كلامي كله جيداً واتركوا لعقولكم مساحة من الاقتناع وأرجو حسم الموقف اليوم |
بعيدا عن عنوان رد حضرتك :) اقتباس:
ف مشاكلنا انتوا اللى بتيجوا as you like بس مش تفضلوا تقولولنا كده لان لينا راى وهنا اتقال لازم احترام حرية الراى :) |
اقتباس:
امممممممم اعتقد ان الموضوع مش شخصى من ترافل عشان حضرتك تقوليلها كده هى بتتكلم على وضع كلام اتقال استنينا يتنفذ مش اتنفذ يبقى من حقنا نعترض كلمه ليه مش وحشه و مش بتدل على الاعتراض من اجل الاعتراض بتدل على الرغبه فى الفهم و لو جواب منطقى اتقال مش حد حيتكلم :) اقتباس:
اها طبعا عارفين ان المنتدى تعليمى و ان الاهم الطلبه و الغرفه الصوتيه كل ده حلو بس ده مش يمنع اننا نحاول نصلح حتى لو التصليح ده على المدى القريب حيتعبنا بس لو بصينا على المدى البعيد حنلاقى ان ده تمن قليل عشان الاوضاع تستقر بجد حضرتك بتفكرينى باللى بيقول حلو مبارك ماله نظامه مادام مفيش مشاكل النعامه بتموت فى الاخر و فى فرق بين افتعال المشاكل و مناقشه المشاكل الراهنه :) و على فكره بقول تانى ان الاعتراض على الاقل منى مش على احمد و احمد بس على المنطق هما كويسين نضمن منين اللى جاى بعديهم حيبقى ايه يبقى ناسس من دلوقتى :) فى رعايه الله |
اقتباس:
الموضوع دلوقتى مش يخصنا الموضوع بتاع الاعضاء يعنى كلام حضرتك ملوش دخل بالموضوع دلوقتى الاعضاء بيقولو انهم ليهم الحق فى المشاركة فى القرارات ونا معاهم فى ده كلام حضرتك مش مجاله ده ووالاداريين اتناقشو مع حضرتك فى ده وقولت كلامك صريح واضح ( يعنى من الاخر ) يعنى خلاص الموضوع منتهى وكلامنا مش هيفيد بحاجة :::::::::::: الموضوع بيتكلم عن حق الاعضاء فى المشاركة فى القرار ومستنيين رد الادارة اذا كنت انا من الادارة ( دا بناءا على لقبى فى المنتدى) فنا موافقهم فى ده مستنيين راى الادارة العليا دمتم فى رعاية الله :::::::::::::::: استفسار هو ليه رد حضرتك بقا فوق الموضوع !!!! |
طيب أنا آسف يا محمود اني فهمت الموضوع غلط بس برضه الأعضاء طلبها مش وقته لسبب لأن الإدارة لم تتخذ أي قرارات بعد وياريت يا محمود تركز شوية بس أنا أخترت طاقم إداري والطاقم الإداري هينقل أكيد آراء ومقترحات الأعضاء لمجلس الإدارة ولا انت شايف ايه؟ انا معلش يمكن تركيزي قل شوية حكم السن بقى .. بس يا ريت يا محمود طالما اتبنيت وجهة نظر الأعضاء اللي مش وقتها برضه يا ريت تتبنى وضع استراتيجية لتنفيذ طلبات الأعضاء مش عاوز كلام عام عاوز استراتيجية امشي عليها يعني لو في قرار مجلس الإدارة اتخذه او بيفكر يتخذه نعمل ايه يا محمود ؟ طالما انت متبني آراء الأعضاء الأعضاااااااااء اللي بيحكموا على الإدارة الجديدة من غير حتى ما يدوا الفرصة ليها انها تبدأ عملها اتفضل يا أستاذ محمود عاوز تصيغ لي طلبات الأعضاء في نقاط محددة ومنظمة لو سمحت وهذه الصياغة بعد ما تخلص عاوز تفويضات من الأعضاء لحضرتك ويكون عدد المفوضين لحضرتك أكثر من خمسين في المية من عدد أعضاء المنتدى حتى يبدأ زمن الديمقراطية على يديك بإذن الله |
هوس هوس
انتوا بتتكلموا عن الاداره اسكتوا شكلكوا عاوزين تروحوا امن الدوله محدش يقدر يتكلم عن الاداره او يمسها بكلمه اصلها مبتغلطش ملاك من السما :romarioxp6: طبعا لغاية دلوقتي مفيش قرار نزل والا كله اعترض عليه تقدروا تقولونا ايه الفرق بين انتخابات حسني مبارك وقرارت الاداره :) يا جماعه كلمونا بالعقل يعني الادارين الجدد يتعينوا من غير ما مخلوق يعرف وتقولونا احنا عملنا موضوع نناقش فيه القرارات عشان نبقي ديمقراطين طب ما طالما استاذ احمد نجم عارف ان فيه قوانين جديده نازله عين ليه الادارين الجدد يعني يعنهم الصبح وينزل الموضوع بليل يعملوا الاول الي هما عاوزينه وبعد كده ينزلوا الموضوع ويقولوا احنا ديمقراطين احنا تبع الحذب الوطني فين الديمقراطيه يا ساده طبعا الاداره ملهاش حق في الاختيار الادارين وسبق وقولت ان الرسول صلي الله عليه وسلم قال الامر شوري بينكم يعني تعين امير المؤمنين الي هو اكبر واحد في الدوله كان بالشوري والاداره مش عاوزه نختار حتي الاداري الي زينا وفي رتبه واحده اظن ده مش من حئكوا ولا هيبقي حئكوا دلوقتي خلاص معدتش فيه فرق بين الديمقراطيه والديكتاوريه الاتنين وجهين لعلمه واحده وهي سياسية اخبط دماغك في الحيط عشان تجرب قوة حديد عز يا جماه دلوقتي الاداره عاوزه تنزل قرارات واحنا منقولهاش لا اصل هما مش هيطلعوا قرار غلط مع اننا كلنا بشر :romarioxp6: وانا مبتكلمش عن الشخص انا بتكلم عن طريقة التعين ولسه .... وما خفي كان اعظم عماااار يا ليبيا |
اقتباس:
والله بجد مينفعش اللى بيحصل ده ولازم يتشافله حل |
http://www.herosh.com/up/73952/394603968.png
استمروا فين كلمة اداري يا سادة وابتدينا يا مسهل استعني علي الشقي بالله :romarioxp6: |
اقتباس:
دمت فى رعاية الله |
والله انا شايف انكم بضيعوا وقتكم ع الفاضي تعيين ايه ... وترشيح ايه ... و استفتاء ايه !! عضو او مشرف والادارة شافت انها تستفاد منه اكتر والراجل لا هياخد ملايين ولا هيتحكم في رقاب العباد ومصايرهم ده عمل تطوعي ... والسلطه فيه على موضوعات داخل نطاق الكتروني المسألة مش مستاهلة مواضيع وكلام كتير .... يا بخت اللي عندهم وقت للكلام ده !!! |
و أنا معاكم أقر و حتي الاستاذ أحمد نفسه يقر بأن المنتدي لسه مش متظبط وفعلا في شوية مشاكل هيا في نظرنا مشاكل لان الحل مش في ايدينا لكن بالنسبة للاستاذ عصام او الادارة ان شاء الله الحل قريب و الديمقراطية دي اللي بنتكلم عليها بجد و الله و عن تجربة موجودة كويس اوي في الاستاذ عصام يمكن انا ماشوفتهاش في حد تاني في الموقع نهائي بكل صراحة لان الجميع بلا استثناء يموتوا في حذف المواضيع و الردود اول باول الشخص الوحيد اللي دايما يقول سيبوا الموضوع ...ما يتحذفش الموضوع...نرد بالادلة هو الاستاذ عصام وفقط و احنا للاسف يا جماعة مش عارفين ان الاستاذ عصام مشغول جدا و المشاوير كتيرة و لمصلحة المنتدي و الحل في ايده ان شاء الله و الرجل اظهر كل نية حسنة في الاخذ بالرأي و الاستماع للناس و الشوري بس صبرا صبرا قليلا عايزين نستحمل يومين تلاتة بس لغاية ما الوضع يتظبط ((( إنما يوفي الصابرون أجرهم بغير حساب ))) |
اقتباس:
حضرتك لو شايف ان دا تضييع وقت فنا شايف غير كدا حضراتكو اتفقتو ان محدش ينقل موضوع لاى مدر س الا لما نبعتله رسالة مع ان الرسالة بتوصل لوحدها ( هل دا بقا مش تضيع وقت ) عموما مش موضوعنا ::::::::::::: ثم انا مش عارف حضراتكو بتقرو موضوع تانى ليه الموضوع ماله ومال التعيينات والاعتراض على الاشخاص الناس لها طلب واضح وصريح المشاركة فى القرار ليس الا هل دا تضييع وقت واللا دا حق من الحقوق لو اى مدرس ليه حق بياخده تالت ومتلت وناس بتتأذى بسبب الحق دا محدش بيتكلم انما لما نيجى نتكلم فى الحق بقا تقولو تضييع وقت الواحد اعصابه باظت ومش عايز اقول كلام علشان محدش يزعل ثم دا طلب للعضاء عايزة موافقة الادارة عليه يعنى مقالوش عايزين مدرسين فى الموضوع ( مع احترامى الشديد لحضرتك ) دمتم فى رعاية الله |
اخ محمود طه
مشمش حضرتك برضه مؤمن بالديمقراطية؟ و بتطالب بيها؟ طب في رأيك هل المدرسين دول مش من الشعب؟ يعني مش من اعضاء المنتدي اللي المفروض يفوضوك تجيبلهم حقهم في الديمقراطية المفقودة؟ يبقا ليه دايما في عنصرية من ناحية المدرسين مع ان المنتدي تعليمي في الاساس مشاركة المدرسين في الموضوعات دي ضرورية جدا يا اخ محمود دول اعضاء في المنتدي و حقهم زي مانت حقك تدور علي حقك هما كمان بيدوروا علي حقوقهم و الشئ اللي انت بتددور عليه كلنا بندور عليه و هو الشوري و ان الكل يبقا مسموع الرأي عشان الجميع يستريح يبقا الجميع حقه يعلق علي اي موضوع في اي مكان في المنتدي ولا ايه رأي حضرتك؟ |
اقتباس:
ودمت في رعاية الله وامنه |
كثير من السادة الاعضاء يتذكر انتخابات المشرفين العام الماضى و التى باءت بالفشل نظرا لعدم اقبال الاعضاء
على التصويت حيث وصل عدد المؤيدين لاحد الاعضاء الى 9 اصوات و بقية الاعضاء زادوا عن ذلك بعدد اصابع اليد و هذا العدد لا يمكن ان يمثل اعضاء منتدى البوابة و كان بالفعل كما ورد بأحد المشاركات هنا ان مؤيدوا العضو هم شلته بالمنتدى لماذا الحديث عن انتخاب الاداريين و اين مشرفى الاقسام و بقية الهيكل الادارى الذى قد يصل الى 50 و كم سيكون عدد المرشحين بفرض طرح كل الهيكل الادارى للانتخاب و هل هذا هو الوقت المناسب لعمل ذلك اذا كان و لابد من عمل الانتخابات فالانسب هو انتخاب مدير المنتدى فقط و يعطى الوقت الكافى للتصويت مع وضع حد ادنى مناسب من الاعضاء المصوتين و الا يتم التعيين له من الاستاذ عصام ( ادارة الموقع ) و بعد فوز مدير المنتدى فله الحق فى تشكيل الهيكل الادارى باكمله و هو فريق العمل الذى سيساعده و يكون هو شخصيا مسئولا عنه |
السلام عليكم
اولا بس حعلق على كلام الدكتور عادل بص يا عادل مين قالك انى كنت بعيد عن المنتدى بالعكس انا بقالى اكتر من اربع سنين فى المنتدى وعمرى ما عدا يوم الا ودخلت المنتدى سواء على الجاز او من على الموبيل كا زائر يعنى كل الكلام الى حصل وانت عارف كده كويس كله عرفته فى الفتره الى فاتت دى كلها سواء من المواضيع او من خلال اصدقائى هنا فى المنتدى يعنى ولله الحمد متغيبتش ولا مره تانى حاجه يا ريت يا جماعه نبص لوضع المنتدى بتعنا صدقونى عمرى ما شفت منتدى زيه ولا بوضعه طب بدل ما نتكلم كدا ايه رائيكم نقوم ونقول الى انا عايزينه بكل صراحه مثلا نشيل الى اتعينوا ونعمل انتخابات معتقد ينفع لان وضع المنتدى ميسمحش طب نعمل ايه نخلى المنتدى زى ما هوا و نستنى لما يجى عفريت يعدله ولا برضه ده ل مينفعش طب نعمل ايه؟؟؟؟؟ سؤال يطرح نفسه نعمل ايه طيب لا حقيقى انا مكنتش عايز ارد على الموضوع ده بس كلام عادل الى لانى ارد |
اقتباس:
ان الادارين ملهمش دعوه بشغل التعليمي او اي حاجه تخص التعليمي دلوقتي حضراتكم تعليمين وليكم مشرفين ادارين تعليمين مهمتهم تلبية مطالب حضارتكم وده موضوع بيتكلم عن ادارين عموم مش تعليمين الي هما بيلبوا مطالب الاعضاء مش المدرسين واحنا بنفذ طلبكم اننا ملناش دعوه بشغلكوا وسكتنا وانا مش شايف بصراحه المقابل منكم ده موضوع عشان خاطر االاعضاء ومفيش عنصريه ولا حاجه ان بعض الظن اثم:078111rg3::romarioxp6: |
اقتباس:
اقتباس:
انا وضحت لحضرتك اهو |
استودعكم الله
لانى تقريبا فهمت ان الموضوع ليس للمعلمين . انا اسف جدا جدا جدا اذا كنت دخلت غلط . |
اقتباس:
اقتباس:
والله دا مش كلامى اولا الاستاذة دعاء شديد شوف ردها قالت ان دى مهاترات ومشاكل والاستاذ طارق بيقول دا تضيع وقت فبناءا على كلامهم يبقا الموضوع مش تبع المدرسين مع احترامى الشديد لحضرتك والله ما عايز حضرتك تزعل منى كلامى مش من فراغ كلامى بناءا على كلام مدرسين دمت فى رعاية الله |
اقتباس:
اعتقد اننا محتاجين اشارات مرور في المنتدى وتحديد اتجاهات علشان الحوادث تخف شوية .. |
اقتباس:
؟ |
اخوتى
لن اتحدث فى الموضوع ذاته للاسف الشديد من الملاحظ فى المنتدى حاليا العصبية وسوء الفهم واصطياد الاخطاء لم كل هذا ............كفانا خلافات اطلب منكم طلب واحد اهدئوا ودعوا العصبية جانبا وبمناسبة ذكرى المولد النبوى الشريف ومحبتكم للنبى الحبيب اتركوا الخلافات ليس من اللائق فى مثل هذه المناسبة ان يصل بنا الحال هكذا هل هذا هو احتفالكم بتلك المناسبة فى أمان الله |
مستر احمد ممكن سؤال
حضرتك تعرف المجاهد في سبيل الله من فين :) وطالما الاداري مش من حقه انه يختار اداري امال ازاي حضرتك اخدت براي المشرفه زينب وهي مشرف سوبر مش اداري ممكن تقولي ليه يعني حضرتك اخدت براي مشرفه سوبر ومش عاوز تاخد راي الادارين في اداري هيتعين معاهم عجبتني حتة مشرف عام غير تعلميي موضة المنتدي في 2009 كتيير اوي ولسه تاني وليه تاني |
الاخوة الاعزاء محمود ناصر و محمود طه
اخ محمود طه انا فهمت كلامك و مستوعبه كويس جدا و ليك حق من وجهة النظر دي لكن لما يكون ليك جار ....بلكونتك لازقة في بلكونته شقته مولعة ناااااااااااار و البلكونة مولعة نار و بلكونتك خلاص ((لاقدر الله )) علي وشك تصيبها النار و تنتقل الحريق الي شقتك هيقدر ساعتها جارك يقولك مالكش دعوة انا عام وانت تعليمي ؟؟؟؟؟؟؟؟؟؟؟؟؟؟؟؟؟؟؟؟؟؟؟ مستحيل طبعا مشاكلكم مأثرة علينا و بجنون ماتنساش اننا منتدي واحد و علي فكرة يا استاذ محمود طه يوم ماكان مشرف اداري يدخل عندنا التعليمي و تحصل مشكلة عارف السبب كان ايه؟ انه هوا داخل يعمل مشكلة (( و برضه ان بعض الظن اثم )) انه هوا داخل مفترض سوء النية و عشان كده بيحصل شد وجذب و يتطور الموضوع لخناق و بالتالي تسمع من مدرسي مثلي جملة (( انت داخل التعليمي ليه؟)) لكن لما كان واحد يدخل بمشاركة فيها احترام ولو لقيمة المعلم اسما كنا بنشيله فوق راسنا و الله وانا قد الكلام اللي اانا بقوله وادخل بنفسك اي قسم تعليمي وعلق باي رد انت عايزه (( يكون في صميم الموضوع )) و مش خناقة و شوف الترحيب بيك هيكون ازاي بالعكس والله احنا نتمني المشاكرة من الجميع كل الاعتراض علي اسلوب المشاركة وانا مشرف لقسم الكادر و الله كنت باخد راي اداريين عوام و بيساعدوا في حاجات معينة بكل ذوق وادب واحترام و كان كمان موضوعات بتتحذف عن طريق ناس مش تعليميين و كنت برحب عادي لاني شايفهم بيتصرفوا صح...و موضوعات تستاهل لكن كل ردودنا كتعليميين علي اداري عام دخل التعليمي كانت بتبقا بسبب اسلوبه او تدخله في حذف او نقل موضوع في وجود مشرف القسم في نفس الموضوع....غير كده مايدخلش الاقسام التعليمية يدلي برأيه و هوا ده اللي كان مزعلني انا عن نفسي انما ان واحد اداري يخش التعليمي يكتب براحته فيها ايه دي؟ حقه طبعا و بالتالي حقي اكتب انا كمان في كل مكان في المنتدي اتمني نفهم الحتة دي و نستوعبها و نغير افكارنا في الموضوع ده لان ماكنش ينفع من البداية ان يكون في في المنتدي تحزب و تفرقة |
اقتباس:
مع انى مستهزأتش بحد المفروض حضرتك تكون قدوة لينا حضرتك مدرس واكبر منى يعنى المفروض دا مش يبقا كلاما شكرا ودمت فى رعاية الله |
اقتباس:
كتر الف خيرك اخى الكريم وربنا ما يجيب زعل من حضرتك ولا من اى اخ فاضل واشكر حضرتك على كلامك الشيك معى |
اقتباس:
اقتباس:
عمرى ما هنسا ده ياريت حضراتكة كمان اننا منتتدىواحد اقتباس:
اقتباس:
انا فى ردودى موضح كل حاجة بس مش عارف ليه احنا بنضيع وقت دمت فى رعاية الله |
طيب ممكن تسمحولى اشارك معاكم أنا ليا رأى بعد إذنكم انا شايف ان الناس معترضة على موضوع التعيينات الموجودة فى الاقسام الغير تعليمية طيب ايه رأيكوا لو نعمل موضوع استفتاء فى المنتدى الاستفتاء ده حيكون على طريقة اختيار الاداريين أو المشرفين فى الاقسام الغير تعليمية اذا كانت الناس تفضلها بالانتخاب ام بالتعيين وانا متأكد ان مجلس ادارة المنتدى حيوافق على رأى الأغلبية لأن ده توجه مجلس الادارة الحالى اذا فضل الاعضاء الانتخابات ده معناه ان الانتخابات حتكون على كل المشرفين الاداريين ياريت تقولولى رأيكم فى الكلام ده وعلى حسب رأيكم حناخد قرار فيه بكره ان شاء الله ناقشونى فى القرار ياريت منردش على بعض وندخل فى مهاترات ملهاش لازمة بعيدة عن كلامى بعد اذنكم |
ياريت محدش يقفل الموضوع تانى
من قوانيين المنتدى اللى حضراتكو قولتو عليه مفيش موضوع يتقفل ولا يتحذف ولا يتنقل الا لما يتم الانتهاء من مناقشته ياريت اللى قفل الموضوع يدينا سبب يدعى الى قفله دمت فى رعاية الله |
يا جماعة فيه كلام موجود فى المنتدى فى الوقت الحالى عن ان المنتدى مقسوم نصين عام وتعليمى ده ممكن يكون ( إداريا ) عشان ميحصلش تضارب فى الاختصاصات لكن مش عايزكم تنسوا حاجه ان كل الاداريين والمشرفين سواء كانوا تعليميين او غير تعليميين هدفهم خدمة أعضاء المنتدى وعضو المنتدى زى ما بيدخل الاقسام التعليمية بيدخل كمان الغير تعليمية يعنى المنتدى كله على بعضه فى خدمة الاعضاء بالله عليكم بلاش النغمة دى احنا كلنا فى خدمة الاعضاء |
بعد اذن اللى قفل الموضوع انا فتحته لانى بعد اذنه عايز اتناقش فى النقطة اللى طرحتها وبعدين تعليمات الادارة الحالية عدم اغلاق اى موضوع الا بعد الانتهاء من مناقشته أو فى حالة وجود تجاوزات واعتقد ان الجميع لم يتجاوز من بينهم احد الجميع فى غاية الاحترام |
| جميع الأوقات بتوقيت GMT +2. الساعة الآن 06:10 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.