|
مفاجأة: الإداريون دخلوا الكادر
الإداريون..في كادرالمعلمين
صرف البدل فور صدور القرار.. وليس بأثر رجعي الجمل اجتمع مع غالي.. والموافقة المبدئية صدرت بيان لوزير التعليم اليوم.. يعلن فيه انتهاء المشكلة : فور نشر "المساء" الخميس الماضي خبر اعتزام الإداريين بوزارة التربية والتعليم تنظيم اضراب يبدأ يوم 29 مارس الحالي ويستمر ثلاثة أيام احتجاجا علي عدم ضمهم الي كادر المعلمين اجتمع د. يسري الجمل وزير التربية والتعليم مع د. يوسف بطرس غالي وزير المالية لبحث احقية الإداريين في كادر التعليم. علمت "المساء" ان د. الجمل قام بزيارة د. غالي في مقر وزارة المالية وعقد معه اجتماعا حضره ممتاز السعيد وكيل اول وزارة المالية وذلك لبحث الموارد المالية وانتهي الاجتماع بموافقة د. غالي مبدئيا علي احقية الإداريين في مساواتهم بالمعلمين وبعدها اجتمع د. الجمل مع ممتاز السعيد لبحث تدبير الموارد. |
الف مبروك كادر المعلمين للأداريين
" المساء".. تنفرد
الإداريون..في كادرالمعلمين صرف البدل فور صدور القرار.. وليس بأثر رجعي الجمل اجتمع مع غالي.. والموافقة المبدئية صدرت بيان لوزير التعليم اليوم.. يعلن فيه انتهاء المشكلة كتب - أحمد عمر: فور نشر "المساء" الخميس الماضي خبر اعتزام الإداريين بوزارة التربية والتعليم تنظيم اضراب يبدأ يوم 29 مارس الحالي ويستمر ثلاثة أيام احتجاجا علي عدم ضمهم الي كادر المعلمين اجتمع د. يسري الجمل وزير التربية والتعليم مع د. يوسف بطرس غالي وزير المالية لبحث احقية الإداريين في كادر التعليم. علمت "المساء" ان د. الجمل قام بزيارة د. غالي في مقر وزارة المالية وعقد معه اجتماعا حضره ممتاز السعيد وكيل اول وزارة المالية وذلك لبحث الموارد المالية وانتهي الاجتماع بموافقة د. غالي مبدئيا علي احقية الإداريين في مساواتهم بالمعلمين وبعدها اجتمع د. الجمل مع ممتاز السعيد لبحث تدبير الموارد. أكد مصدر مسئول بوزارة التربية والتعليم أن د. غالي وافق علي الصرف بشرط أن يكون من بداية صدور القرار وليس بأثر رجعي. كما علمت "المساء" ان د. يسري الجمل وزير التربية والتعليم سيصدر اليوم بيانا يوضح فيه ان مشكلة الاداريين قاربت علي الحل وسيتم خلال الايام القادمة تدبير الموارد للصرف من موازنة هذا العام. |
الف مبروك
انفك الكرب |
الف مبروك للإداريين
|
مبروك ويارب يسكتوا بقى
|
انت المسهل يارب
|
كلام غير حقيقي من صحافة اعتادت على بث الاخبار التى تحقق مبيعات زيادة
|
مبروك للموافقة المبدئية
|
مساء الفل
خبر مش صحيح |
حرام عليك يا وزير
حرام ازاي تساويني بالاداري يبقي ايه لازمه الكادر والامتحانات والهتره وقله القيمه وبمجرد تهديد بالاعتصام توافق علي طول ياخوانا احنا لسه مقبضناش المرحله الثانيه حزني عليكي ينقابه المعلمين خلتينا في الطين
|
خبر لتهدئه الاوضاع والمماطله
|
يامسهل يارب
|
انا حاسس انه مسكن ليس إلا
وهل المعلمين صرفو الكادر إلا بطلوع الروح أصلا وهل سيتم إمتحان لهم كما إمتحن المعلمين 000أنا 00أشك في هذا الكلام |
كد ب مساوى ولا صد ق منعكش !
الناس كل طلبهم ال 50 % المستحقة للمحليات يقوم نقول لهم بلاش 50 % خذوا 200%. طيب هما يوافقوا على 50 % ويبقى لهم الشكر. وبلاش نندفع ونعك فى الكلام على الاخوة الاداريين واللى ييجى فى ايدهم احسن من اللى فى ايد الحكومة. |
حسبى الله وانعم الوكيل
اداريين اية اللى يتساووا بالمدرس دى تبقى مصيبة |
ولا بيعملوا اى حاجة
كدة بقى نحول كلنا ونبقى اداريين ونريح دماغنا من الوش طول السنة |
يوم اسود فى تاريخ المعلمين يوم نتساوى بقاعدين فى الشمس احسن نتحول ادارى حسن لا شسرح ولا تصحيح ولال تقويم شامل ولا تحضير ونقعد فى الشمس ونقبض بلد تساوى من يعمل كمن لا يعمل لن ولن تتقدم
|
ما أحلى أن تكون إداريا !
|
سمك لبن تمر هندي
|
دبلوم بكلية بماستر بدكتوراة
سمك لبن تمر هندى |
دع الملك للمالك ربك هو الرازق
|
ياأستاذة صفاء انتى هاتدفعى حاجة من جيبك دعى الملك للمالك ونحن لانكره ان يرزق الله هؤلاء
|
الاداريون فعلا يستحقون الكادر فبدونهم لاتستقيم العملية التعليمية فنحن بهم وهم بنا .
|
يا سادة للجميع الحق فى حياة كريمة
الحياة الكريمة لكل الناس عموما حتى الكادر يعنى اذا قارنتوه بمصالح تانية مش هتلاقيه يحصل بدل انتقال او بدل اى حاجة كدا تفاريحى بلاش نقلل من الناس باى حال ونقول دبلوم ومش دبلوم عشان كدا مش صح وهو يعنى اللى معاهم دكتوراهات مفيهمش ناس مبيعرفوش حاجة والله كتير بس المجتمع بتاعنا اتعود على كدا شهادات وعد ثقافة متواضعة عمل محدود وغير متقن بلاش نقول كدا من حق كل الناس تعيش حياه كريمة بس ياريت الاداريين ميقارنوش نفسهم بالمدرسين مش عشان حاجة الا لان طبيعة العمل تختلف بس والله وليس للتقليل ابدا من شان الناس كلنا - اقصد كل الناس فى حاجة لبعضهم المدرس والادارى والعامل والصانع والطبيب والمهندس والزارع وغيرهم ( ..... لتخد بعضكم بعضا سخريا) ولا ايه اليكم تحياتى |
عليه العوض فى الامتحانات وهدر الكرامة0
|
وياتري في أمتحانات كادر ولا كوسه
|
يعصرنى الألم وأنا أقرأ تجاوزات زملائى الأفاضل بالنسبة لزملائنا الاداريين
الداريون المجتهدون هم عصب العملية التعليمية أما الذين يجلسون ليتشمسون فهم قلة والذنب ليس ذبنهم وحدهم بل ذنب مدرائهم . عندى مثلا فى مدرستى : زميلة فاضلة ( ادارية ) دبلوم نعم بس زاكرت وأخذت بكالوريوس من جامعة القاهرة يعنى بكالوريوس بتلاته من الجامعات اللى بالى بالك . هذه الزميلة تعمل الآتى : تجمع مصاريف كل الطلبة تسجل كل غياب المدرسة ترسل للطلبة الانذارات تحرر قرارات الفصل تحرر مع طلبة الشهادات استماراتهم وتراجعها وتقوم بتسليمها فى طنطا وتسافر لتحضر ارقام الجلوس تشارك فى لجنة الاشراف على الطالبات بالمدرسة مسئولة الحكومة الالكترونية بالمدرسة كل بيانات المدرسة على النت تقوم بالتعامل معها أى هذه السيدة لاتجلس أبدا دقيقة واحدة بدون عمل وفى النهاية فهى ادارية ينطبق عليها كل ماتقولون وعلى الجهة الأخرى فيوجد بمدرستى ايضا معلمون لايشرحون ولا يحضرون بل يسربون الطلبة ليجلسوا هم فى الشمس فمن اذن يستحق الكادر ومن لايستحق ؟ فى كل مهنة المجد والكسول فلا تعمموا !!!!!!!!!!!!! واتقوا الله وابتعدوا عن التجاوز مع الاداريين فيتجاوزون هم أيضا علينا ونتصارع . فلصالح من هذا الصراع ؟ لاتنظر الى مابيد غيرك حتى لاتشقى يارب كل الاداريين ياخدوا الكادر وياريت الكمسرية كمان ياخدوا الكادر ايه بس اللى مضايقكم ؟؟؟؟؟؟؟؟؟؟ |
حسبى الله وانعم الوكيل
|
مبروك ويارب يسكتوا بقى
|
هل سيتم إنشاء أكاديمية مهنية للإداريين ؟
|
خبر لتهدئه الاوضاع والمماطله
|
:)وكان اية لزومة ما حدث لمعلمى المحروسة اللة يسامحة اللى كان السبب
|
اقتباس:
اتفق معك تماماً استاذي الفاضل / نعيم وحقيقه قلت وعبرت عن رايي انا ايضا ويحضرني حاليا قوله تعالى { أهم يقسمون رحمة ربك نحن قسمنا بينهم معيشتهم في الحياة الدنيا ورفعنا بعضهم فوق بعض درجات ليتخذ بعضهم بعضاً سخرياً ورحمة ربك خير مما يجمعون } |
:)استاذ نعيم بك فعلا نحن بهم و هم منا ولكن اين حقوق بقية معلمى مصر هل لا مفر من الاضراب
|
أكيد عليه العوض
|
استاذ نعيم
ماتقوله ممتاز ولكن لو حسبت كل دا مش يعتبر حاجة يعنى ايه غياب المدرسة الللى بيستغرق ربع ساعة بالكتير يعنى ايه تجمع المصاريف هى بتبقى اول اسبوع ف السنة ياخى قول شهر والباقى بتبقى قاعدة فاضية استاذ نعيم ( وهل يستوى الذين يعملون ووالذين لايعملون ) استاذ نعيم بالنسبةللمعلمين اللى انت قلت عليهم انا مش هاتكلم على شرحهم وبيشتغلوا ولا لا كفايه انهم بيتعرضوا لولى الامر من اهانة واحراج وغيرة لو تعرض لاى من اولادهم اخى الفاضل احب ان اطمئن زملائى الكرام الخبر إن شاء الله غير حقيقي وحتى وان صرف لهم حافز فسيكون اثابه وهو بكل تقدير لن يكون مساو للمعلم عندنا ف المدرسة مشرفى النشاط من حملة الدبلوم قعدة ف الشمس نميمة تصيد لاخطاء الغير تباهى بأنهم بلا عمل كل هذا الكيد وتقولى يصرفوا كادر كادر ايه اللى يصرفوة ياخى والله حرام يتساووا بالمعلم اللى طافح الدم وخيرا فعلت الحكومة بإنصاف المعلم اعلم ان الكثير من زملائى سيغضب من هذا الكلام واولهم حببيبي العبد الفقير لله المتحمس لمشرفى النشاط ولكنها الحقيقة التى نهرب منها |
لن يكون مساو للمعلم
عندنا ف المدرسة مشرفى النشاط من حملة الدبلوم قعدة ف الشمس نميمة تصيد لاخطاء الغير تباهى بأنهم بلا عمل كل هذا الكيد وتقولى يصرفوا كادر كادر ايه اللى يصرفوة ياخى والله حرام يتساووا بالمعلم اللى طافح الدم وخيرا فعلت الحكومة بإنصاف المعلم اخي العزيز لاتدع البعض يتصيد اخطاء بعض انا عندى الكثير على المعلم منهم مايقوم بالغش علشان يكون نمره واحد فى الدروس الخصوصيه ومنه من يعطى تلاميذ الدرس نسخه من الامتحان مسبقا ومنهم ماهو اكثر من ذلك بكثير وانا علي علم باكثر من ذلك وعندي الكثير في المدرسة يستحق ان يكون مدرس مثالي علي مستو الجمهوريه ولكنه من التواضع والرقي الخلقي لايتكلم مثل كل هؤلاء وشكرا |
ياجماعة المفروض الاجور تتعادل مع الاسعار يعنىجميع المرتبات لجميع الوزارات يجب ان تكون متقاربه
|
لما هذا الحقد من المعلمين ضعاف النفوس اعلاه اكيد هم دول الدرسيين الفشلة واللي بيتسولوا لأن المدرس الناجح اللي بيدي دروس لم يتقدطم لأإمتحان الكادر لأانه عنده كرامةومع احترامي لكم الإداريين هم اللي بيتابعوقوا وهم اللي بيصرفلكم مرتبتكم
|
انا شايف ان الموضوع بيتحول الي صراع من انا انا صاحب المؤهل العالي والاخر صاحب المؤهل الداني يا اخوان والله الامور لا تحسب هكذا لو هنحسبها زي ما بيحسبها المعلمون هذا مؤهله عالي وهذا مؤهلة متوسط يبقي الامور هتتعقد وبعدين علي كده الفلاح ايلي معاه مؤهل عالي مش هيتساوي بالفلاح ايلي مفيش معاه مؤهلات الموضوع وما فيه ان لكل واحد دورة بيقوم به المدرس في شغلة مش هيعرف بشغل الاداري والاداري مش هينفع في شغل المدرس والناس لازم تعرف حاجة اننا والله عندنا بعض بل ممكن يكون كل القصور في الناحية الدينية ولو كلنا ملتزمون ما سخر احد من احد وما قلل مدرس من شان اداري وبعدين عاوز اقول لكل المعلمين ايلي فرحانين بهذا الكادر والله موظف بالاعدادية في الضرائب العامة مرتبة احسن من مدير مدرسة فرحانين علي ايه يا غلابة اما بالنسبة للخبر فاعتقد كما يعتقد اي عاقل انه مجرد فرقعة مش اكثر لان ذلك الكلام يحتاج الي قانون لدخول الاداريين الكادر والكلام مجرد عملية تنويم مغناطيسي موسم للاداريين علشان الامتحانات قربت |
أنا آسف جدا لأن الموضوع اخذ مناحى غير مرغوب فيها ويزعزع العلاقة التى من المفروض ان تكون حميمة بين اصحاب المهنة الواحدة
آسف سأغلق الموضوع حالا |
| جميع الأوقات بتوقيت GMT +2. الساعة الآن 10:38 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.