|
افضل طرق للمذاكره
حب تعرف أفضل الطرق للمذاكرة؟ تحب تشوف الذاكرة بتاعتنا ماشية ازاي؟تحب تخلي ذاكرتك دي طوع إرادتك؟ طبعا الكلمة دي بتعمل عندنا قلق والبيت كله بيعلن حالة الطوارئ القصوى.. خصوصا لو كان في البيت واحد في الثانوية العامة.. مش كده؟ النهارده هاقول لك أفكار رائعة هتساعدك وإنت بتذاكر.. الأفكار دي هتساعدك تعرف أفضل الطرق للمذاكرة وتثبيت المعلومات.. خلي بالك إن كاتب السطور جاب 99% في الثانوية العامة.. يعني جربت الحاجات دي قبل ما أقولها لكم.. وإن شاء الله كلنا نجيب أكتر من كده ونكون كلنا متفوقين... أنواع الذاكرة عشان نعرف نذاكر لازم نعرف الأول الذاكرة بتاعتنا بتشتغل ازاي.. وعن طريق معرفتنا دي ممكن نستخدمها أفضل استخدام.. الذاكرة أيها السادة نوعان.. ذاكرة قصيرة الأمد، وأخرى طويلة الأمد. 1- الذاكرة قصيرة الأمد.. النوع ده من الذاكرة هو اللي متخزن فيه المعلومات العابرة خلال اليوم.. فطرت إيه النهارده؟ عملت إيه امبارح؟ المعلومات دي بتبقى معانا لفترة قصيرة وبعدين ممكن تنساها... لو سألتك الأسئلة دي بعد سنتين.. ممكن ماتبقاش فاكر إنت فطرت إيه من سنتين! الذاكرة قصيرة الأمد بتتخزن بسرعة عن طريق العقل اللاواعي.. والذاكرة قصيرة الأمد دي سعتها 7 زائد أو ناقص معلومتين في المرة الواحدة.. عايز تعرف ازاي؟ يبقى العب معايا اللعبة دي: احفظ الرقم اللي هيظهر قدامك ده: 123313414515 ماعرفتش تحفظه؟ عادى.... الرقم اللي قريناه من شوية ده.. ماعرفناش نحفظه بسرعة عشان زي ما قلت لك.. الذاكرة قصيرة الأمد بتشيل بس 7 معلومات زائد أو ناقص اتنين (من 5 إلى 9 معلومات في المرة).. فالرقم اللي شفناه ده مكون من 12 رقما.. يعني 12 معلومة.. عشان كده صعب على الذاكرة قصيرة الأمد إنها تشيله.. يبقى إيه الحل؟ عشان تحط الرقم ده بسهولة في الذاكرة قصيرة الأمد.. ممكن تلعب لعبة جامدة جدا.. ممكن بدل ما تخليه 12 معلومة.. تخليه 4 معلومات بس! عارف ازاي؟ بص على نفس الرقم لما كتبناه بأسلوب تاني: 123 313 414 515 سهل يتحفظ كده.. صح؟ كل اللي عملناه إننا قسمنا الرقم بشكل تاني.. بحيث نحفظ كل شوية مع بعض (مش رقم رقم زي الأول.. الرقم الطويل بقى 4 معلومات بس.. فبقى أسهل! قاعدة مهمة: عشان تعرف تحفظ.. قسم المعلومات الكبيرة بطريقة سهلة الحفظ.. واربط بين المعلومات وبعضها عشان تحفظها أسهل.. 2- الذاكرة طويلة الأمد.. دي الذاكرة اللي بتشيل المعلومات المهمة جدا اللي من الصعب جدا إنها تتنسي.. اسمك إيه؟ رقم تليفونك كام؟ وكده يعني.. والذاكرة دي عشان تتكون لازم تقوم بشوية مجهود في الأول.. بعد كده هتثبت بطريقة رائعة.. وهي دي المذاكرة بقى.. المذاكرة دي ببساطة هي إنك تنقل المعلومات من الذاكرة قصيرة الأمد، للذاكرة طويلة الأمد.. عشان كده لما حد يقول لك: عايزك تحفظ الدرس ده زي اسمك، يبقى كأنه بيقول لك: عايزك تحفظ الدرس ده بالذاكرة طويلة الأمد! لكن لو ذاكرت درس ونسيته تاني يوم.. تبقى بتستخدم الذاكرة قصيرة الأمد بس. عشان ننقل المعلومات للذاكرة طويلة الأمد لازم نقوم ببعض المجهود زي ما قلنا.. لكن النتيجة بتكون رائعة.. 1-التكرار: هيخلّي عقلك يتعامل مع المعلومة باهتمام لأنها بتتكرر.. تبقى مهمة بالنسبة لك.. الطريقة دي مؤثرة وفعالة جدا.. - إنت بتذاكر بعينك: يعني مراكز الإبصار في المخ اشتغلت على المعلومة دي.. - اكتب وإنت بتذاكر: هيخلي مراكز المخ المخصصة بعملية الكتابة تشتغل على المعلومة دي.. - سمّع اللي ذاكرته: نشطت مراكز الذاكرة ومركز الكلام اشتغل برضه على نفس المعلومة لو كنت بتسمّع بصوت.. بالطريقة دي المعلومة تغلغلت جواك بأكتر من طريقة.. يبقى ألف مبروك! وإنت بتذاكر المعلومة حط في دماغك إنك بتذاكرها عشان تفضل على طول وتفيدك طول حياتك.. لو ذاكرتها على اعتبار إنها معلومة مؤقتة عايزها للامتحان بس, عقلك هيتعامل معاها على إنها معلومة تافهة ويحطها في الذاكرة قصيرة الأمد زي ما إنت طلبت منه! تخيل إنك بتحفظ المعلومات دي لأنك هتحتاجها بعد سنين طويلة.. تخيل كده مش هتخسر حاجة.. وهتندهش من النتيجة الرائعة اللي هتتحقق.. بالطرق دي هتلاقي إن اللي حفظته ده هينتقل للذاكرة طويلة الأمد وهتلاقي نفسك حققت النتيجة اللي إنت عايزها.. وابقى ادعي لي.. مش كده وبس.. فيه طرق تانية هتساعدك على المذاكرة هنقولها العدد الجاي.. بس اهتم بدول قوي لأنهم مهمين. |
جزاك الله خيرا وشكرا على الموضوع
|
ربنا يا رب يجازيك كل خير
كلام مقنع جدا ومرتب جدا وعقلانى جدا وانا ف انتظار العدد الجاى |
والله ياجماعه الشكر ليكم انتم لانكم دخلتو شوفتو موضوعي
|
موضوع راااااااااائع حقا .
شكرا جزيلا ، وبارك الله فيكِ . وإلى الأمام ...... |
العفو يااستاذ محمود
|
مشكووووووووووووووووووووووووور
|
شكرا وطرطر الف خيرك يا قمر
|
سمو الأميرة شكرا لكلامك المفيد وأتمنى أن يجد من يعيه
|
كلامك فعلا مفيد جزاك الله خيرا
|
ربنا يخليكم ومشكوره كتير على ذوقكم
|
//////////////////////////// وفقك الله ///////////
|
رااااااااااااااااااااااااااااااااائع جدا
نصائح جميله اوى ربنا يوفقك ويوفقنا معاك |
بارك الله فيك يابنى....
هو ده الفرق بين اثنين فى الثانوية العامة مثلا بيأخدوا دروس عند نفس المدرسين واحد ظهرت نتيجته فكانت 99% وواحد ظهرت ناتجته 80% ابنى السنة القادمة ان شاء الله فى الصف الثانى الثانوى وده اللي بأحاول أوصله له لكن لى سؤال عندك من تجربتك كيف توصلت إلى هذه الطريقة فى التفكير وكيف طوعت شهواتك فى سن المراهقة لتصل إلى ماتريد؟ هل هى دورات تنمية بشرية أم كتب معينة قرأتها؟ أرجو الرد والإفادة وأدعو الله لك ولشباب المسلمين بالهداية والتبصرة لما فيه صلاحهم |
مشكوووووور يا أخى و يجعلك فى ميزان حسناتك
|
السلام عليكم ورحمة الله وبركاته
جزاك الله كل خير وربنا يوفقك |
ممم
على كده انا محتاج ميموري 8 جيجا |
بجد مش عارفه اشكرك ازى دى كانت مشكلة حياتى مع بنتى لا نها من النوع قصيرة المده جدااااااااااااااااااااااااااااااااااااااااااا يعنى لو ذاكرت والامتحان اتاجل ولا اكنى عاملنا حاجه بس ياريت لو عندك طريقة تقول ازاى اخاليها تستوعب المنهج كله يعنى طريقه اخليها تحفظ وتفهم لانى فعلا هى بتستوعب درس او اتنين لكن الترم كله صعب ارجوك بسرعه لانى الامتحانات اقربت
|
شكرا لك وجزاك الله كل خير
|
مشكوووووووووووووووووووووووووووور
|
بجد الله ينور عليكى
انا كنت عارف المعلومات دى بس طريقه عرضك للموضوع خلتنى قريته لآخره و شكرا على نصائحك لأبنائنا الطلبه |
شكراً علي مجهودك الرائع عــــلــــي مصطفي
|
جزاك الله كل خير
|
مشكورررررررررررررة جدا موضوعك مميز
|
انا بئا مش عارفة اقولك ايه انت رائع
ربنا يارب يحقق كل اللي انت عايزه اكتر واكتر مرسي اوي انا هدير ممكن نكون اصدقاء علشان تنصحني وتفيدني مرسي اوي |
:friendsxs3:
اقتباس:
|
اقتباس:
|
|
السلام عليكم ورحمة الله وبركاته
اقتباس:
|
مشكوووووووووووووووور
|
موضوع فوق الفظيع
اكيد انت عبقرية |
والله انا حاسة اني حتي ولو استخدمت نفس الطريقة
اللي كان زويل بيذاكر بيها برضوا مش هاعرف اذاكر الجغرافيا بس لو نفعت الطريقة دي هايبقي ليكthe sweets |
جزاك الله كل خير
|
شكرا على المجهود وللى عايز يذاكر بالحفظ فيه كتاب عملاق فى نتيجته اسمه How To develop A super Powerful Memory
ممكن تدور عليه فى جوجل |
موضوع جميل جدا
|
ربنا يكرمك يااااااارب ..
حليتي مشكلتي .. :) و ان شاء الله هنفذ النصايح .. |
ربنا يجازيكى كل خير فعلا احنا كنا محتاجين حاجة زى دى من زمان
وشكرا كتييييييييييييييييييييييييييييييييييير على الهدية دى |
مش اوى بس افكارك يعنى ممممممممممممممممم مش بطال
بهزر طبعا شكراا واتمنى منك المزيد بس حاجة خفيفة انت ازاى جبت 99 % تمام وازى بتخش على الصف الاول الثانوى انا اختى جابت 99.6%ومستحيل بنسة مليون فى المئة انها تخش على الصف الاول فأنا بقول بلاش كلمة 99% وخليها بالصف الاول الثانوى ولا ايه ؟ مش مهم وعلى العموم شكرااااااااااااااااا على كل شئ |
shokr y bsh
|
|
بارك الله فيك
|
الطريقة دي كانت محطوطه على جروب ابراهيم الفقي على الفيس
بس فعلا طريقة حلوه اوووي |
بصراحة طريقة رووووووووووووووووعة
|
جزاكي الله كل خير على المعلومات دي
|
ياجماعه مش مهم مين الى عمل الفكره او مين الى حطها المهم اننا نستخدمها صح
ونعمل بيها وكلنا نستفيد منها مش كده ولا ايه ويا رب ربنا يوفقنا كلنا يا رب وجزاك الله كل خير مشكور على المجهود الرائع |
كلام جميل جداً
وإن شاء الله نستفيد منه السنة الجاية فى تانية ثانوى إن شاء الله |
موضوع راااااااااائع حقا .
|
ممتااااز جداً ,, شكراً ليك .
|
| جميع الأوقات بتوقيت GMT +2. الساعة الآن 08:47 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.