|
سندريللا واية من الله ودوك/سالومى . . كلاكيت اول مرة
بسم الله الرحمن الرحيم ف يوم من الايام كان يوم حد والله اعلم (مش فاكرة) المهم اتفقت مع زوزو (سندريللا) انى اقابلها ف جامعة القاهرة وبرضوا اية من الله ركبت المترو بعد المحاضرة اللذيذة بتاعة الكيميا فيزيا وطبعا انا ف المواصلات برفكت :d ف بنت من حظى قالتلى انها نازلة جامعة القاهرة ف نزلت معاها . . وبدلت مترو وانا وانا خارجة من المترو ف محطة فيصل . . التذكرة مش راضية تعدى :confused: ف العامل واقف بقوله مش راضية تعدى التذكرة . . اخدها ولاقيته بيقولى تعالى (هو اشتراك) روحت معاه ف بنات كانوا مستنينى برة علشان يودونى طب بيطرى علشان مش عارفة المكان :redface: المهم لاقيته بيكتب ورقة مخالفة وبيقطلع الورقة بتاعة الاشتراك وبيورينى القوانين عند (ما معناه ان اللى بيعدى بالاشتراك ف خط غير الخط المشترك فيه بيدفع مخالفة) وقام قايلى هتدفعى ولا مش هتدفعى !! ضايقنى حتة انه يخلينى اقرى وميتكلمش كانه بدون لسان . . ف بصتله باستغراب وقلتله ع فكرة انا زى ما بعرف اقرى بعرف اسمع برضوا :) قام قايلى هتدفعى ولا مش هتدفعى قلتله دى اول مرة انزل فيها وكده . . كان بيزعق (طالما بيزعق وبيكلمنى برعشة يبقى هو شخصيته مهتزة شوية) لعبت انا ف الحتة دى قلتله لو ع الفلوس مش مشكلة بس الاسلوب مش عاجبنى هو فين رئيس الاشتراكات هنا قام قايلى مليش فيه قلتله اومال ؟ سكت ووشه احمر . . قام قايلى هتدفعى ولا مش هتدفعى . . اقطع الصورة وماسك صورتى اممممممممم . .مش بخاف ع فكرة لو عاوز الصورة اتفضلها . .اسلوب التهديد مش بيمشى معايا :) ف واحد كان واقف معاه قام قايله خلص المخالفة وكده انجز ف كتبها وهو وشه احمر وكانه هينفجر قام قايلى وانتى ماشية جاية تركبى المترو توريهم الورقة دى قمت قايلاله غريبة هو مفيش قراية :d قالى مش فاهم قلتله يعنى زى ما قريت ان عليا مخالفة . .كان ممكن اقرى طريقة دخولى المترو بالمخالفة مرة تانية :) البنات لما دخلولى علشان يقولوله انها اول مرة وكده طردهم . . قمت قايلالهم يا جماعة عاتى يعنى خليكم كوول . . الراجل باين عليه طيب سيبوه يتكلم قصدى يورينى الارشادات :d (كنت باردة اوى . . مكونتش بتخانق بقالى فترة) المهم وانا خارجة لاقيتهم بيقولولى مكونتش دفعت المخالفة وكده اللى كان واقف برة قالهم يقولولى كده . . . . المهم نزلت عند طب بيطرى قبلها بشوية وتنت زوزو لسه مجتش كانت عاوزة تستعبط عليا هى وصحبتها . . ان صحبتها تقول انها هى بس ع مين تى بيضا والتانية فرخة قصدى سمرا بس زوزو طلعت قصيرة مش زى ما . . . . (مش هفضحك)مش هستندل اهو قعدت معاها شوية وحضرتك معاها محاضرة غريبة الدوك/ كان عبارة عن كائن فضائى مات من قرنين كان ف ولد قاعد جنبينا مشغل اغانى وبياكل وعايش حياته قلتلها تعالى نبدل المكان انا وانتى :d (بهزر والله) قالتلى الولد ده التامن ع الدفعة !! لما ده التامن . . اومال انا لو عندكوا كنت طلعت اييييييييييه ؟! بتهزرى بعت كده مشينا شوية وركبتنى ميكروباص وطلعنا ع جامعة القاهرة بقى قابلت سالومى (هبة) واية من الله وقعدنا نهزر روحنا قعدنا ف جنينه اول ما شفتها قلتلهم لا مش عاوزة اقعد فيها دى شبه الجنينة اللى قعد فيها زومبا وكوماندوا وفامبير :d قعدنا نهزر ونتكلم . . اغبى موقف اتحطيت فيه كنت بحكيلهم ع موضوع خالود بتاع (يا بنات البسوا . . ) وبتكلم عليه عادى لاقيت جروب ولاد قاعدين ورانا متاعين الحوار من اوله قلت اتاكد قمت قايلالهم فاصل ونعود يا جماعة ف هما بيضحكوا لاقيت الولد اللى متابع بيضحك قولت اوبس كان متابع الحوار !! طب كنت ركزت ف موضوع تان غير الموضوع ده :( بس كان يوم جميل بجد والشخصيات كلها لذيذة جداااا اية من الله عسولة اوى ع فكرة ومش هى اللى ف المنتدى خاالص سالومى (هبة) شخصية لذيذة بس حسيت انها مش ظاهرة ف المنتدى او قليل وجودها مكونتش عارفاها اوى بس كنت مبسوطة لما اتعرفت عليها وزوزو بلاش اقول بس كلهم قصيرين بتقدير امتياز مع مرتبة القصر كفاية كده اشوفكوا ف مقابلة تانية |
مفيش صور ؟ :d
|
اقتباس:
ههههه لا مهو طالما أنا مش معاهم محدش يقدر يتصور من غيرى أنا الفلاش بتاعهم :d بجد هموووووووووووت وأروح جامعة القاهرة مش علشان أشوف البنات لكن علشان أشوف الجامعة نيهاهاهاها ( شفتوا الصراحة بقى :d) تصدقى يا زوبا لما جيجو قالتلى انها هتروح وبتقولى علشان اروح معاها قلت مليون فى الميه بابا مش هيوافق ومش قلتله أصلاً لقيته لما رجعت من الكلية بيقولى انتى مارحتيش مع اصحابك جامعة القاهرة ليه وزعل انى مارحتش هههههههههههه بجد ماكنتش متخيلة كده أبداً عموماً إن شاء الله قريب هنور جامعة القاهرة والواحات الداخلة والخارجة مقابلة جامدة يا زوبا بس صدقينى صور الأزايز كانت بتعمل منظر للموضوع شكلكم فضلتوا تاكلوا فى الحشيش بتاع الجونينة بطلى رغى يا مها بقى:d يلا مقابلة سعيدة وعقبال ما نتجمع كلنا فى مكة |
هههههههههههههههه
يالهوي انا تعبت م قراية الموضوع دا فاكتفيت باول سطر واخر سطر بس بصراحه عايزه اقولك لذيذ اوي وخصوصا التفاصيل اللي مقرتهاش :d اقتباس:
|
هههههههههههههههههههههههههههه بسام بجد بجد انت المفروض يتعملك منتدى لواحدك يبقى مزار سياحى :d |
اولا عجبتنى قوى بسم الله الرحمن الرحيم الى فى الاول دى مش عارف حسيت انك هتقراى قران ولا اية هههههههههههههههههههه ثانيا حتة المترو يلا الراجل نصب عليكى بجد زعلت جامد زينب يتنصب عليها !! ؟؟ ثالثا الواد التامن على الدفعة دة كان مشغل اغنية اية وبياكل اية يمكن فية البركة ولا حاجة ههههههههههههههههه خامسا بقى بس كلهم قصيرين بتقدير امتياز مع مرتبة القصر يلا على البركة ربنا يكتر يارب بس بجد شكلة كان يوم حلو ربنا يوفقكم يارب فى رعاية الله |
اقتباس:
بس بسيطة المرة الجاية هبقى اصورلك الجنينة :d عندهم جناين تحفة |
اقتباس:
اللهم اميين بينى وبينك كنت احب انى اخليها مقابلة من تحت لتحت زى ما بقابلكوا كده بس هما اللى طلبوا :mad: |
اقتباس:
يااااااااااارب ادينى صبر مكان صبرى اللى نفذ :mad: نورت يا لمض اقتباس:
فرحانة اوى امشى من هنا انتى وهو كفاية هو . . ميبقاش انتوا الاتنين :mad: بس لما اشوفك |
زوزو انا قريت اول الحكاية عرفت الموكوع كله يلا بالهنا و الشفا عقبالى لما تقابلينى |
هههههههههههه موضوع لظيظ اوى شغالين انتوا تتقابلوا و تيجوا تحكوا و انا مفيش حد فيكوا يخطف رجلينه كده و يعدى عليا ده انا حته قريبه اوى نداله :d اقتباس:
ياعينى على الطويله الفرعه لما نسال البنانيت و نشوف :d فى رعايه الله |
اقتباس:
ف رعاية الله وامنه بطل قر اليوم الحلو انت عارفه كان يوم اتنين امممم تقريبا الساعة 11 صح ولا غلط :d |
مخالفه ايه الاهبل دا !
والوررقه دى تلاقيه هوا الى طابعها:d ما علينا ربنا يكتر من مقابلاتكم وافراحككم ;) مش فاهم ايه الناس الى سايبين جامعتهم وجايين القاهرة هيا القاهره ناقصه زحمه :d |
اقتباس:
امممممم اقابلك ! العضو الذ تحاول الرد ف موضوعه غير متاح حاليا او بيستعبط من فضلك متكلموش مرة اخرى هو انا اتجننت اقابلك يا توتى . . هتفضحين قدام الشعب المصرى :d اقتباس:
ف رعاية الله وامنه يا (اوركيديا) |
اقتباس:
ثم هى فعلا جامعة عاوزة مكان مساحة كبيرة علشان الطلبة الكتيير ايييييه انتوا كتيير اوى ليييييييه بس احسن حاجة شفتها ف الجامعة الجناين بتاعكوا كتيير و نضييفة اوى |
اذا ذكرت النداله ذكرت مين تييييييييييت كملى انتى بقا:angry2::angry2:
بقا يا دزمه كنت معاكى قبلها ولا حتى فون صغير تقولى انك موجوده وربنا لما اشوفك تالت:p اما بقا فى حكايه السرقه فانا اقدر اقول ان زوزو ما شاء الله اللهم لا حسد هيا اللى فاتحه بيوت الحراميه بردو لما جت تقابلنى كانت محفظتها مسروق. النصاحه واخده حدها اوى مع زوزوB)B) بس بجد انا زعلانه منك اوى يا ندله:frown: |
اقتباس:
ده احنا رجالة مصر عصب الامة يابنتى وريهم الصور احنا مش بنخاف من حد بهزر اكيد دارى يابنتى دارى على الصور |
اقتباس:
|
اقتباس:
على طول متجولة فى كل حتة منا ضحيت بمحضرتى علشانهم اول مرة اكت والله:mad: محرضين على الفشل |
اقتباس:
كانت كل شوية محاضرتى يا جماعة محاضرتى مينفعش حسستنى ان لسه ف ملتزمين ف البلد ف الزمن ده كل شوية ابصلها واستعجب اقول له ف ذلك حكم لغايت ما كنت هجيب اخرى واقولها بس بقى واحطها ف اقرب مشتل :d |
اقتباس:
وبعدين معاك انت ونسمة مش هاتجيبوها البر بوظتوا مفردات اللغة العربية ارحمونى عاوزينلكم مجلدات مش معاجم بس وبعدين لسانك عاوز يتقص تلت اربعه علشان يبقى لسان عادى:mad: بهزر معاك والله ياقمر:) |
ايه كل الكلام ده .. مش بتزهقى !! مالحقتش اقرا بس عايزة اقراه بعدين :redface: سؤال يطرح نفسه .. فين سندريلا ؟! مش بتيجى المنتدى خالص |
الواحد من زمن مدخلش علي المنتدي وده تانى موضوع اقراه بس لفت نظرى موضوع المترو ومش هنسي يوم ما كنت في طب عين شمس وركبت المترو ورحت منطقة عين شمس ولأني سكندري والبركة في أهل القاهرة وربنا يسامح اللي كان السبب أتاخرت علي التحويل وركبت تاكسي ولاول مرة ادفع في تاكسي 30 جنيه " صدمة " وبعدين رحت العباسية وانا راجع قلت اجرب حظي في المترو تانى ويارتني ما جربته في محطة من المحطات وغالبا غمرة كنت لابس الشنطة ومع زحام الناس خرجوا نصي من المترو والباب قفل وفضلت متعلق محطة والباب قافل علي الشنطة وانا جوا المترو .. رجعتولنا الذكريات والله بس كانت ايام لذيذة
|
اقتباس:
بلاش تغلطي في القصيرين علي فكره القصر هيبه (( وش متعصب اوي اوي)) حتي لو تتجوزي لو جوزك عايزه حاجه من الارض تجبيها من غير أي واه مش نجفه ماشيه في البيت تخبط في كل حاجه الا القصر ده القصر جميل علي فكره لو انت طويله البنات الطويله مش بيتجوزا:) علي فكره انا توأم اية في المجمل في القصر يعني هو حبنا ترعر من شويه مقابله سعيده وعقبال باقي المقابلات |
اقتباس:
بس بجد كانت مقابله حلوه اوي رغم اني اتخانقت مع اصحابي في الكليه بسبب الموضوع ده وقعدو يقولولي اخرة النت دي مش كويسه وكده بس انا قلتلهم اني مش هقابل حد تاني وفينفس ذات الاسبوع قابلت جيجو وخوخه ياللا عقبال ما اقابل بنات المنتدي كلهم كل مقابله وانتو طيبين |
اقتباس:
مش كتر خير البنت انها سابت محاضرتها علشاننا ده انتي يا ساتر عليكي محدش يعمل فيكي خير ابدا بس عايزه اقوللكو ان زوزو ع المنتدي لا تساوي بتاتا زوزو في الحقيقه :):redface: |
الله ما شاء الله
كل ما اقرا موضوع من النوع ده ااعرف ازاى اعضاء المنتدى دول زى الاسرة بالضبط ربنا يخليكوا يارب لبعض ويحميكم وربنا يبارك فى المنتدى اللى جمعكم من غير معياد تحياتى لكم جميعا |
| جميع الأوقات بتوقيت GMT +2. الساعة الآن 06:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.