|
إدخلوا إدعوا لأخوكم بتنجان بالشفاء .. صباعه واجعه
السلام عليكم ورحمة الله وبركاته هدخل فى الموضوع على طول وعارفة إن فى ناس كتير هتعترض على كلامى علشان الناس التافهين بقوا كتير أوى المنتدى بقى هايف جداً يا جماعة وده مش عيب من الإدارة ولا حاجة دا عيب من الأعضاء بجد شايفة عقول كتير مش بتفكر اللى شايف أى لفظ خارج يبقى يشيله بس كويس إنى بتكلم بالطريقة دى حقيقى أنا مش عارفة أقول إيه .. اللى بيشتكوا من الملل على طول أكيد لوجود التفاهات فى عقول ناس كتير عملت الموضوع ده علشان ملاحظة إن المواضيع التافهه كترت زيادة عن اللزوم ومن أكتر المواضيع دى بتاعة المواساه ربنا يشفى الجميع بس مش كل ما واحد صباع رجله الصغير يوجعه واحد يعمل فيها شجيع السيما ويقول يا جماعة ادعوا لاخونا بتنجان إن صباعه يخف والكل بقى يدخل يقوم بالواجب ويعمل كوبى للجملة المشهورة اسأل الله العظيم رب العرش العظيم ان يشفيه طبعاً انا مش بقول إن كل المواضيع كده بس دى نقطة بتستفزنى جداً وخصوصاً إنها حصلت معايا من فترة لما تعبت هما يومين وطبيعى جداً عندى حكاية الضغط دى رجعت المنتدى لقيت موضوع والف سلامة وكلام من دا كتر خير الجميع مع إنى وقت ما عملت عملية محدش عبرنى ولا سأل عاملة إيه فا أنا برجو رجاء محدش يزود فى المواضيع دى كتير مش حد عنده جاره وقع من على السلم وصباعه اتكسر ولا واحد عنده صداع نعمله موضوع إحنا إخوات ولازم نواسى بعض بس فى حاجة تستاهل مش أى حاجة وخلاص وفى أعضاء كتير بتبقى عايزة تعمل شو ليها أو تقول هنمشى أو تقول تعبانين علشان يتعملها موضوع ونقول ألف سلامة لالا ماتمشوش .. دى حالة نفسية جوا بعض الناس عايزين دايماً يشوفوا إهتمام من الناس غير عادى و مش بنستفاد منه إلا تضييع الوقت وتلاقى الشخص التعبان ده فى نفس اليوم اللى المفروض هو تعبان فيه يرد على كل واحد فى الموضوع اللى اتعمله مقدماً عارفة إن الكل بيقول لازم نقف مع بعض والكلام اللى مش جايب همه ده كل اللى عايزة أقوله إن زمان المنتدى كان هادف وإحنا واقفين مع بعض بدون أى مواضيع من دى مش هنيجى دلوقتى نبوظ المنتدى علشان نببر إننا بنقف مع بعض الموضوع بايظ خالص وبدون أى ترتيب بس أهم حاجة إنى طلعت اللى جوايا فيه بدل ما كنت أتخانق مع حد والموضوع ده كمان تافهه ومالهوش لازمة |
والله يامها انا ما عارفة ارد اقول اية
بس احتمال اقع من طولى من كتر الضحك والله يسترك يابنتى تعمليلى موضوع لحسن انا صوباع ايدى اليمين اتلسع من شوية ادعولى تخف عالم دماغ والله |
الله يا اسيل بجد ممتاز و الله قولتي كلام كتير كنت هقوله وكلام ده جه في وقته بالظبط فعلا المنتدي بقا مليان _ ناس تافهة _ كتيرة اوي ياريت فعلا يعود زي زمان انا اتمني حاجة زي دي و الله لان الملل ده مش كويس علشان صحة الاعضاء العامة احب ابدي اعجابي بالجملة دي اقتباس:
نفسي اعرف بتجيبي الكلام ده منين اقتباس:
لا بس اخر مرة كان مش عارف مين عنده وجع في حواجبه مش في صباعه خالص و مش عارف مين مزاجه مش كويس ولا عقله تعبان بارده نعمل مواضيع بالهبل اقتباس:
اقتباس:
اكتر من كده ؟؟ مش كفاية حالته دلوقت هو دلوقت ممل علشان سبب واحد عارفه و متاكد منه انتي مقولتيهوش بس انا مش هقوله علشان سبب واحد بس و الله مش اكتر علشان استاذ عصام لولاه كنت قولت حاجات كتيرة اقتباس:
يالا خير |
اقتباس:
اللى بيضايقنى إن المواضيع مابقتش بتيجى إلا من أعضاء معروفين فى المنتدى مش فاهمة من قلة المواضيع فى الدنيا ولا بيتدبسوا فيها ولا مجاملة ولا إيه ؟؟!!!!! مانورتيش يا نسمة خالص http://www.thanwya.com/vb/images/icons/icon10.gif |
حبيت ماطولش الموضوع واتكلمت عن جزئية واحدة نيجى بقى لمواضيع المقابلات اللى بقت اكتر من الهم على القلب من كترها بصراحة كرهت اليوم اللى نزلت فيه مواضيع عن المقابلات بجد يا جماعة المواضيع دى برده زادت عن حدها خلاص تقريباً ناس كتير عرفوا بعض مالهاش لازم حكاية المواضيع اللى من النوع ده وبجد لولا إن الموضوعين اللى عملتهم عن المقابلة كانوا فعلاً مقابلتين أجمل من بعض كان زمانى طلبت حذفهم وربنا يهدينا للخير http://www.thanwya.com/vb/life/icons/star.gif |
ههههههههههههه
فكرتينى بنظرية الفوضى الخلاقة ومعاكى ان المواضيع دون المستوى الا من رحم ربى وغالبية المواضيع اما منقولة او لا تستحق تضيع الوقت فى قرائتها بس هنقول اى شىء فى الدنيا بيفضل يكبر لغاية ما يقارب الوصول الى مستوى الكمال وبعد ما بيوصل لمرحلة النضوج والكمال بيبداء فى الانحدار درجة درجة لغاية ما يتوجد دم جديد وفكر اخر يعيد البناء من جديد وهكذا الخ بعنى دى سنة الحياة ودى ظاهرة صحة مفيش منها اى خوف حلو تفكيرك |
ههههههههههههههههههههههه
طب بس كنتي تقولي بتنجان دخل اني مستشفي عشان اعمله موضوع المشكله دلوقتي فيه قسم كامل لمواضيع التعازي طب لو كل واحد جاله شوية استبحس " حاله طبيه معروفه اوعي تقولي مش عارفاها حنبقي اتنين " متعملهوش موضوع القسم حيشتغل ازاي عالم عجيبه بجد :d صحيح مش عارف ليه حاسس بمغص ف رجلي الشمال |
اقتباس:
مانورتش يا حاج شريف http://www.thanwya.com/vb/life/icons/icon16.gif |
اقتباس:
يا سلام على الكلام العلمى حلو نظام المنحنيات ده منطقى جداً .. بس كده هنتشل عقبال ما المنحنى يوصل للقمة تانى ضلمت الموضوع يا حاج إسلام http://www.thanwya.com/vb/life/icons/icon10.gif |
اقتباس:
اقتباس:
ونعم المجموعات الإجتماعية شفتوا أجمل من كده؟!! يا رب صبرنا |
اقتباس:
بعيد عن الرد وعن الموضوع .. إحساسى إنك بإذن الله هتدخل الجنة بالإبتسامات اللى بتترسم على الوجوه لما بنشوف ردودك دى ربنا يحميك يا بسام ويخليلك اللماضة بتاعتك من عنيا هنزلك موضوع دلوقتى و أقول تبرعوا لأخوكم بسام علشان عنده مغص فى رجله الشمال http://www.thanwya.com/vb/life/icons/icon10.gif |
استعنى على الشقى بالله اولا كل كلامك فى الموضوع صح يا مها بس مش على كل المواضيع فية فعلا مواضيع بيبقى اصحابها فعلا تعبانين ومحتناجين دعاء من اى شخص مننا ربما ربنا يقبل الدعاء من اى شخص وكان فية حديث بس مش فاكرة قوى لان من ايام الاعدادى بس فيما معناة يعنى ان اقل حاجة ممكن نقدمها لصديق لينا هيا الدعاء بس فعلا فية مواضيع كتيرة بتنزل للتشهير فقط ياريت الناس كلها تتعلم من الموضوع دة اة بالحق فية ملحوظة على الموضوع انا شايف ان اغلب الردود داخلة تهرج ياريت يبقى فية جدية شوية علشان الموضوع ميقلبش شات مش اكتر والله وشكرا يا مها على الموضوع جزاكى الله خيرا فى رعاية الله |
اقتباس:
الشكر لله جزانا وإياكم كل خير |
اقتباس:
وبجد انا اسفة يامها انا الى فتحت الموضوع عالعموم انا شلت الكلام الى ملوش لزمة فالموضوع وياريت محدش يقلبها حواديت تانى واسفة مرة تانية وياريت نلتزم بمضمون الموضوع وان شاء الله ليا رد تانى رد عاقل بقى |
لا إله إلا الله محمد رسول الله ماشى يا جماعة بلاش تهريج وإتكلموا جد علشان ماتتقلبش مدبحة يا ريتنى ما عملت الموضوع يلا صلوا على النبىhttp://www.thanwya.com/vb/life/icons/icon10.gif |
مشكوووووووووووووووووووووووووووووووور
|
.. لا تتمارضوا فتمرضوا ولا تحفروا قبوركم فتموتوا .. طبعاً اللي بيعملوها لزوم المنظرة ولفت الأنظار دي حاجة مش لطيفة .. .. مش عارفة ليه موضوعكـ ده هايخليني أنزل أروح المستشفى .. .. أنا فهمت موضوعكـ كويس أوي يا أسيل .. أو يا مها .. .. و فهمت ايه اللي خلاكي تكتبيه .. .. و ايه اللي شوفتيه خلاكي تكتبيه .. تحياتي،، :) |
مع إنى مش شايفة أى تهريج .. الجدية مش دايماً تكون أسلوب حوار فى كل المواضيع عموماً لو شايف إن فى تهرج فا دى وجهة نظرك ولما أشوف إن فى تهرج هبقى أشتكى هوة المفروض اننا نستنى لما يقلب تهريج وشات ونص الردود خارج الموضوع وكمان لما صاحب الموضوع هوة الى يشتكى !! ؟؟ اعتقد الناس كلها شافت موضوع سعيد بتاع حوارات بين الولد والبنت وكمان عارفين اتحذف منة كام رد علشان الموضوع نفسة ميتحذفش لان مفيش قانون يخلينا نحذف الموضوع طيب ولية نسيب الموضوع لما يقلب وبعدين تبقى تعرفينا عموما دى وجهة نظر بردة وانا غلطان انى اتدخلت واتكلمت فى رعاية الله |
اختى العزيزة
ردا على موضوع المواساة فعلا هو معمول للحالات التى تستحق لذلك و فعلا يوجد البعض بيعملوا مواضيع ليس لها لازمه فى هذا القسم ولكن حضرتك بتقولى ان فية ناس تافهه او على حد قولك " اجسام بهائم و عقول عصافير " و أظن ان هذه اهانة للبعض لا يقبلها اعضاء المنتدى الكرام مهما كانت هويتهم و أنا لا أقبل هذه الجملة على اى عضو ايا كان معذرة الموضوع سيغلق |
ههههههههه موضوع تحفه يا مها و الله فعلا الواحد بقى زهقان اوى من كل حاجه هنا بدخل كل اسبوع مره و الاقى نفس المواضيع هى هى تقريبا بقى شليل اوى المنتدى ده http://www.arab2all.com/vb/images/sm...O/wallbash.gif اما على حته القسم ده هو انا شايفه انه يبقى فى حالات العمليات او الحاجات الشديده اوى او الوفاه عشان بقى كتار اوووووى و انا واحده من الناس اللى بمل لما برد على موضوع فكرته مشابه بنسبه عشره فى الميه من موضوع تانى مابالك انى ادخل كل موضوع و اشوف مين و كمان ارد معجزه http://www.ebnmasr.net/forum/images/...ew/whistle.gif بس عامه اهو احسن حالا من اقسام تانيه http://thanwya.com/vb/images/icons/icon10.gif يلا هو المنتدى ده عايز مسحوق عالى الجوده و بردو مش حيعرف يخترق اليافه http://thanwya.com/vb/images/icons/icon10.gif http://thanwya.com/vb/images/icons/icon10.gif http://thanwya.com/vb/images/icons/icon10.gif فى رعايه الله |
فين دا اومال محصلش معايا ليه ؟؟
انا صوباعى كان واجعنى من يومين ومحدش سال ولا اى حاجه مش كنتو تعملولى موضوع كدا وتدعولى فيه ان صوباعى يخف طب سيبيكى من الصوباع دلوقتى القصه مش قصة صوباع الحكاية برضه مش حكاية شجيع سيما ولا حاجه بس واحد بيشوف صاحبه فيه حاجه مضيقاه او عيان مثلا او اى حاجه حتى ولو صوباعه واجعه مثلا يعنى فبيحاول يعمل اى حاجه يعبر بيها عن مدى صداقته ليه فيه ناس تشوف الحكاية دى تفاهه وناس تشوفها جدعنه بس مش عجبانى كلمة تفاهه الى متكرره كتير فى الموضوع وفى الردود لان الى بيقولى تفاهه مسيره يوم هيلاقيله موضوع حد بيواسيه فيه وفى الوقت دا مش هيقدر يقول عليه تفاهه ما علينا |
والله يا اسيل أحد الحاجات اللى انا معترض عليها إنه تم فصل قسم لتلات اقسام
منهم واحد مش حيشتغل خالص وهو المواساة وحيث إنه اصبح قسم لوحده وبقى ممل - وانا بطلت ادخله عشان كده - فمينفعش يشتغل إلا لو كل واحد عمل منظر وراح حطله موضوع للدعاء ونظراً لحالة الخمول التي بدأت تسود الاجواء فأصبحت الردود تنحصر في هوامش ضيقة غير مفيدة |
اقتباس:
متاسف استاذى انا عدلت الجملة المخالفة حضرتك ورجعت الموضوع فى رعاية الله |
مع الأحترام للجميع - السكوت من ذهب - ربنا يعطى الجميع نعمة الصمت .
|
اقتباس:
ولا احنا فهمنا القوانين غلط حضرتك انا كان ليا استفسار صغير انى اغلق موضوع فيه جملة من الواضح انها غلط افضل ولا احذف جملة من الموضوع ايهما اسهل من وجهة نظر حضرتك ؟ |
هههههههههههههههه واحسن حاجة ف المنتدى ده ان لما حد يقول كلمة ف موضوع سواء صح ولا غلط الكل يقول امين :d ربنا يحفظنا بصي يامها وانا مش متفقة معاكي خالص ف الحته دي مع ان معظم كلامك بيعجبني يابنتي والله بس احنا من النوع اللي بيهيص ف الهيصة يعني مع كل خناقة تلاقي المنتدى اتقلب والناس كلها نيجي بقى ف حته التعبان ونقول تفاهه وغلط ومش صح وتقريبا هي موصلتش لصباع رجله ده ودي بتبقى ع فكرة حاجة نفسية للحد اللي تعبان مهما كان تعبه بسيط احساسه ان في ناس بتحبه وبتسأل عليه دي نفسها حاجة كويسة مش قصة جمله شهيرة وع رأي المثل اللي عارفة اخره تعالى ف الهايفة واتصدر :d يعني عندنا كل الاقسام بتاعت كل الحاجات ملقناش غير الحاجة الانسانية الوحيدة اللي المفروض نقف فيها جنب بعض ونقول تفاهه هههههههههههههههههه وربنا انتو عالم فاضية هقوم اقرالي كلمتين افيد سلاسل :d |
اقتباس:
اولا انا لا اقصد غلق الموضوع نهائى و الا كنت أغلقتة بالفعل و لكن لماذا اغلقة والموضوع يناقش مسألة مهمه جدا و لكن الالفاظ الجارحه للبعض و ايضا الردود التى قلبت الموضوع لتهريج هى التى اوجدت نوع من الاستهتار بموضوع جيد مثل هذا و يا رب كل الاعضاء تقرأة وتعمل بما فية لاننا نعانى فعلا من بعض الموضوعات التى ليس لها فائده و لكن من المستحيل ان اجرح اصحابها باى لفظ شكرا لسؤال حضرتك |
احم
سلام عليكم انا ليا رأى مختلف شويتين يا مها هو الدعاء حاجة كويسة حتى لو الواحد تعبات تعب لا يذكر يعنى اما الاقى حد تعبان وادخل اعمله موضوع والناس تدخل تدعيله ايه الغلط فى كدا دى حاجة عادية جدا يعنى مش مشكلة يعنى اما المواضيع دى تتعمل كل واحد حر فى اللى يكتبه والناس كلها بالخيار ( تشوز يعنى مش الخيار اللى بيتاكل دا ) اللى عايز يرد يرد والى مش عايز يكتفى بمتعة المشاهدة :d دى وجهة نظرى وكل واحد وله رايه دمتى فى رعاية الله وشكرا على الموضوع |
بصي يا طنط مها انا هتكلم علي تلات نقط النقطة الاولي : ان المبدأ غلط من الاول اننا نقسم القسم لتلات اقسام يعني هقولك حاجه دور المناسبات اللي بيتم فيها الافراح وكتب الكتاب والتعازي وكل المناسبات هل هي مقسمة لمناطق يعني علي اليمين هناك دا للعزا وشمال افراح ؟ لا طبعا يبقي التقسيم من الاول غلط ودا عيب من الادارة الموقرة النقطة التانية : انا متفق معاكي ومش متفق معاكي متفق معاكي لان في فعلا مواضيع هايفه (و نانسي وروبي :d ) ومتستاهلش اننا نعملها مواضيع ومش متفق معاكي لان انا ملاحظ ان اغلب المواضيع اللي زي كدا ممكن تكون من اعضاء جداد ودا نوع من لفت الانظار لانهم عايزين يظهروا بسرعة شويه ومعذورين لان الهدف كويس بس الاسلوب مش اللي هو يعني ودول محتاجين نصيحه اكتر من احتياجهم للهجوم اما بقي بالنوسبة للبشوات القدام فادول هما اللي يتهاجموا لانهم قدوة والغلطة منهم بتبقي الضعف يعني مش عيب خااااااااااااالص لما نعمل موضوع عشان ندعي لاخونا او اختنا بس مش علي كل حاجة يعني مثلا انا اتعورت امبارح في ايدي وكلمت واحد من الاعضاء وحكيتله هو برضو بسلامة نية عايز يعمل معايا واجب راح منزل موضوع وانا مطلبتش منه ( مع ان في غلط عندي لان الموضوع مكنش محتاج اني احكيله من الاساس ) كدا بقي في حاجتين سلبيتين ان الاعضاء الجداد بقوا عايزين يقلدوه ويجاملوا بعض زي ما العضو القديم بيعمل و الحاجة التانيه ان ممكن واحد من الاعضاء يبص للموضوع بنظرة تانيه ويقول ايه المياعة دي يعني عشان اتعور لازم يعمل موضوع ويلزمنا اننا نوجب معاه وفي النهاية ايه الاستفادة للعضو القديم ولا حاجه غير انه عمل واجب مع صاحبه غصب عنه وممكن يكون ضر صاحبه وصلت؟ علي الله يكون حد فهم حاجه من النقطة دي لاني انا عن نفسيتي مش فاهم :d النقطة الثالثة : زي النقطة الاولي عشان كدا مش هقولها :d ملحوظة صغنططه عامه مش مقصود بيها حد معين : عرض رأيك بتهريج حلو جدا وبيوصل اسرع للناس بس بشرط ان ميوصلش لدرجة التهريج للتهريج( لانه ممكن يؤدي للضحك والعياذ بالله :d ) واســـــــــــــــــــــــــــــــــــف جدا علي الرغي الكتير اوي دا |
يا سلام على مواضيعك يا موها
انا بجد نفسى اتكلم بقا شويه فى الحاجات اولا مواضيع الدعاء المبالغ فيها دى ايه كل الاعضاء بقوا مرضى وبعدين مش لازم اى حد مريض نعمله موضوع ونكتب الجمله االمكررة بتاعتكوا دى اللى مها ذكرتها فى الموضوع خلاص انا عرفت ان عضو من الاعضاء مريض يا اما ابعتله رساله خاصه او اكلمه على ميله اشوف اخباره ايه مش كل لما حد يعيى نقوم عملنا موضوع وحاجات ومحتاجات:angry2: وكمان من وجهه نظرى اللى بيعمل موضوعات زى دى ممكن يكون عاوز يشهر نفسه فى المنتدى ودى وجهه نظر وليس شئ مسلم بيه (حلوة اللغه العربيه اللى انا بقيت فيها دى):d ثانيه بقا موضوعات المقالات اتللى بقت كتير اوى لدرجه تجيب مغص معوى من كترها مش لازم يعنى انا قابلت حد اروح انشر انى قابلت فلان وفلان وفلان مادام مش موضوع هايهم حد يبقا خلاص اسكت مش لازم المنتدى يعرف كل تحركاتى وفيه حاجه غريبه بردو انا ملاحظاه فى المنتدى هنا ان الموضوعات يا اما بتتقلب مواضيع شات او مواضيع خناقات انا مش عارفه ليه المستوى نزل للدرجه دى ربنا يهدينا ويهديكم مش هاقول زياده عن كده |
اقولك حاجة يا مها انا شايفة ان موضوعك ده اهيف بكتييييييييييييييير جدا من المواضيع اللى انتى بتتكلمى عنها لانك عارفة ان الناس اللى فى دماغها شىء مش هتغيره يبقى ايه لازمته و بعدين ايا كان المرض هين الا انه دايما مؤلم ده بالنسبة لموضوع ادعو لفلان ثانية المواضيع االلى انتى بتقولى انها تافهة مش ضرورى يا مها ان اللى انتى شايفاه صح يكون صح لاء طبعا لان الصح و الغلط دى امور نسبية و بعدين الموضوع اللى مش عاجبك ده هو اللى قدر مخ اللى كاتبه ان يوصل له يبقى خلاص هو تفكير وداه لكده كتر خيره يعنى هنموته و لا ايه انا زعلانة منك يا مها متعوديش نفسك انك تنقدى الاخرين من اجل النقد بس |
اقتباس:
على فكرة كلامك ده لا محل له من الاعراب وهثبتلك انك غلط لو انتى هنا من سنتين تلاته مكنش فيه حاجة زى دى كان التهانى بمناسبة عيد الميلاد المواسه فى الوفاة يعنى ومكنتش بالشكل ولا بالكم ده الموضوع مش موضوع ان هيافه ولا تفاهه انا لحظت انه فعلا بئا موضه زى مثلا اللى يقول ان ماشى من غير سبب التانى يدخل يقول انا ماشى يعنى موضه مش اكتر مش موضوع عقول ولا بطون ولا غيره انا لما كنت تعبان الناس عملت ليا موضوع تقريبا كات احمد رضا زينب كانت عمله قبل كده اكتر من موضوع مواساه وتهنئة لناس كتير معتقدتش ان زينب تفكرها هايف ولا محدود زينب من اكتر العقول هنا وعى وادراك ده غير احمد رضا ومعظم الناس الكبار فى المنتدى يبئا ضرورى تفرقى بين الناس اللى بتعمل مواضيع تهنئة ومواساة لناس مريضة فعلا وتستاهل الدعاء وناس ضافر رجلها بيوجعها وبتدلع واعتقد ان ده اللى مها بتقوله فى موضوعها يبئا متقوليش ان الكل مخه تعبان ولا جدتله لوسه علشان بيعمل كده هى ظاهرة صحية وطبيعيه جدا اقتباس:
وبالنسبة للجملة دى انتى طبفتيها فى ردك ده وبينى وبينك ومن غير زعل وانا عارف ان الصفة دى فيا بس انتى بصراحة اسلوبك مش تمام فى النقد :) فائق احترامى |
اقتباس:
أنا معاكي في بعض الكلام إن هو مش كل حاجة نعمل عليها ليلة وحوار بس هي لو حاجة كبيرة و تستاهل يبقي ده خير و مش حاجة غلط و بعدين ليه كده بس الجملة اللي في الأخر دي من غير ما تقولي :p:p:p:p و لا لازم ختامه مسك :):):):) |
اقتباس:
أنا آسفة جداً إنى إخترت التعليق بتاع محمود طه عن باقى التعليقات بجد تعليقاتكم عجبتنى جداً وهرد عليها واحدة واحدة عارفة إن ناس كتير زعلوا من موضوعى وبصراحة ربنا أنا كنت عاملة الموضوع علشان يفهمونى صح لكن الظاهر إن محدش فهمنى إلا قلة قليلة |
جزاكم الله خيراا جمييعاا
انا مع الاخ محمود طه و معترضه بصراحه كاامل الاعتراض على كلام citizen ااسفه شكرااااااااااا |
السلام عليكم بصى يامها فى حتة مواضيع الدعاء دى ممكن فعلا يكون الى تعبان دة تعبة بسيط واحنا متخيلينة كدة بس هو فى الحقبقة عيان قوى (فهمتى الجملة الغريبة دى) يبقى احنا واجبنا ندعيلة وخلاص وحتة انة عامل كدة عشان شو او يتشهر دى حاجة ربنا هو الى عالم بيها وهيحاسبة عليها اما حتة موضوع المقابلات معاكى مليون فى المية انها بقت كتيرة يمكن سبب المشكلة دى ان قسم اهداءات ومناسبات اتقسم بقى سلاح ذو حدين يعنى ماشاء الله عليكى الموضوع جميل جدا |
اقتباس:
دى وجهة نظرك بصوا يا جماعة اللى بينزل موضوع فى العام ويكون فيه مناقشة معنى كده إنه مش بالضرورة يكون هو الصح أو يكون صح فى كل كلامه يمكن أكون مكبرة الموضوع عن حجمه الطبيعى بس ده لإنى متوقعة الفترة الجاية ممكن تكون مواضيع تافهه بمعنى التفاهه واللى بيقولوا حتى لو الشخص ده عامل تعبان أو ما شابه ذلك إهتمامنا بيه هيديله إحساس أكبر بإنه زى ما بيقولوا يسوق فيها و يفضل على الحال ده لغاية مايبقى مريض بجد و أنا مش ضد كده أبداً دا بالعكس شىء جميل إن الواحد يهتم بالناس اللى حواليه لكن اهتمام عن اهتمام يفرق وزى ما قلت قبل كده معظم دعواتنا دى بتبقى مجرد كتابه مش أكتر و أنا بحترم كل الناس لكن مش عيب إنى أشوف حاجة من وجهة نظرى غلط و أقولها ولو على أسلوبى فا مش كل الناس هيعجبها أسلوبى واللى يقول مش متحضر واللى يغلط واللى يعجبه الإسلوب .. مفيش مشاكل كل واحد بيعبر عن اللى جواه بطريقته لولا إختلاف الآراء لبارت السلع بس غريبة يعنى إن محدش إتكلم عن موضوع المقابلات كتير؟؟ |
بصراحة يامها انا مش موافق علي موضوعك
المنتدي مش مضغوط في القسم بتاع المواساه بس انتي بترتادي القسم ده كتير يبقي ده مشكلتك فيه أقسام تانيه كتير يعني مش ده القسم اللي عامل هيافه في المنتدي لاء ده نوع من أنواع المؤازره فتقدري متدخليش القسم ده وخلاص اما بالنسبة لباقي موضوعات المنتدي فهي معظم الوقت زي موضوعاتك كدا تماما كل واحد بتيجي في دماغه فكره للإصلاح او بيعتقد انها للإصلاح فبيحاول يقدم الخير بحسن نيه بس دي الحكاية وانا معاكي ان المنتدي مش مفروض يكون كدا بس هو مش كدا بس شكرا لموضوعك وهيتم تعليق وعقاب الغير محترم اللي رد عليكي بغير احترام |
فاهمك والله يامها
قصدك ان مش اى حاجة نعمل عليها موضوع مهو مش كل واحد يجيله صداع نروح عاملين له موضوع فى حاجات تستاهل مواضيع فعلا ولازم الكل يشارك فيها اى نعم فى تفاهات كتير بس كل واحد بيعبر عن شخصيته وهيزعلو ليه بس من موضوعك دى وجهات نظر مش اكتر شكرا مرة تانية على الموضوع دمتم فى رعاية الله |
مش بادخل القسم كتير لكن فعلا لاحظت ان فيه ناس بتعمل شو لنفسها يعنى جروب اصحاب مع بعض وبيعملوا مواضيع لبعض عشان اعضاء جداد بقى والكلام ده مش ف قسم المواساة بس بس متهيألى الحاجات دى مش كتير اوى للدرجة يعنى هو واضح ان الموضوع كان مضايقك شوية والمبالغات اللى بتحصل .. ف العصبية ظهرت ف كلامك يلا كل سنة وانتى طيبة :) اقتباس:
انا فهمتك حاضر .. هاروح بكرة لبتنجان المستشفى واخدله معايا بوكيه خص ولا يهمك يا بنتى .. احنا عندنا كام مها يعنى :redface: |
من كلام موضوعكم مش هنيجى دلوقتى نبوظ المنتدى علشان نببر إننا بنقف مع بعض الموضوع بايظ خالص وبدون أى ترتيب بس أهم حاجة إنى طلعت اللى جوايا فيه بدل ما كنت أتخانق مع حد والموضوع ده كمان تافهه ومالهوش لازمة لية بس يا؟؟؟؟؟؟؟؟؟؟؟ وشكرا |
هههههههههههههه
بجد ضحكتينى ياموهه عند حق احنا كدة فى الحاجات التافهة نعلق لكن تعالى للجد ولااتبرعوا بالدم عشان الناس اللى بتموت دى لا مفيش بارك الله فيكى على موضوعك |
اقتباس:
أظن ان كتابة الموضوع ورائه سبب معين وباين من طريقة كلامه أكيد انتى عارفة ان النبى صلى الله عليه وسلم قال فيما معناه ان حتى الشوكة يشاكها المؤمن يغفر الله به لعبده مافيش مشكلةاننا ندعى لبعض ولو بهذا الدعاء البسيط لأن بكل بساطة الملك يرد ويقول (امين ولك مثله) اقتباس:
الى أقدر أقولهولك النبى شاف فرد يتبول ويتبرز فىالمسجد يعنى حاجة تحرق الدم بجد يبقى شوفى حضرتك كان رده ايه اقتباس:
عمرى ماكلمت فيه حد غيرلما كان بيتكلم عن التانى بما يسوئه فحته المنتدى ومش المنتدى دة كلام فى طى النسيان وبلاش أوضح كل واحد عارف هو بيعمل ايه اقتباس:
|
اقتباس:
|
| جميع الأوقات بتوقيت GMT +2. الساعة الآن 03:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.