|
سؤال بخصوص مرتبات المعلمين المساعدين
السلام عليكم ورحمة الله وبركاته
انا كان ليا استفسار بسيط بخصوص المرتبات والمستحقات المالية للمعلم المساعد.. هل هى متساوية فى جميع المحافظات ؟ هنا فى شمال سيناء كان مرتب المعلم المساعد 378 عند بداية التعيين .. ثم قاموا بخصم جزء منه وأصبح المرتب 346 وبالنسبة للحوافز نحصل على حافز ال 25% (33 جنيه ) شهريا.. ولم نتقاضى اى حوافز اخرى. فهل مرتبات المعلمين المساعدين فى المحافظات الاخرى هكذا ؟ |
يا جماعة يا ريت حد يرد عليا
|
أخي الكريم: جزاك الله كل خير وجعلها صدقة جارية لك تنال أجرها وثوابها بإذن الله
بارك الله فيك وبأمثالك |
ايه يا اخوانا
مفيش حد متعاقد يرد علين ؟!!! |
السلام عليكم
المرتبات غير متساويه فى كل المحافظات فمثلا انا لسه باخد 297 ج وده من شهرين على الرغم من ان محافظات بتاخد اكتر من كده من سنه يعنى 350او اكتر |
نسيت الحوافز دى باثر رجعى كمان من مارس 2008الى الشهر الى زادت فيه يعنى لو زدت 25 %الشهر ده ليك باثر رجعى 25% دول من 3/2008 واحسب انت وطالب بحقك او ابعت فاكس لوزير التربية والتعليم لانه بند فى عقد المعلم المساعد لو معاك صورة العقد شوفخ واتاكد وده كلام اكيد لان كان فيه زمايل لنا لم يحصلوا عليه وبعتوا فاكس اتصرفلهم فور وده فى محافظة البحيرة
|
احنا في اسكندرية بنقبض 319 ج بس
|
الف شكر يا جماعة على الرد
وخلاص انا سمعت اننا داخلين امتحانات الكادر فى اغسطس ان شاء الله مبروك مقدما |
السلام عليكم
قبل الامتحان لازم التدريب ؟ لانى لسه لم اتدربوعايزه اسال اعمل ايه هل اسال ولا استنى الدور؟ |
السلام عليكم يا جماعة عاوزة اعرف بجد احنا هنمتحن ع الكادر والي لسه بقى مدرس مساعد من شهر 12 الماضي هيمتحن ف شهر 8 برضه
|
عندنا هنا فى شمال سيناء تم تدريب بعض الادرات التعليمية .. واخدوا الشهادة فعلا
|
اللى استلموا العمل فى شهر 1 سنة 2008 هايدخلوا ان شاء الله الامتحانات فى اغسطس 2009
والله اعلم |
السلام عليكم
عايزين نعرف الامتحان هيكون فى ايه وياترى هيكون بعده تثبيت؟ يارب |
المنوفية _شبين الكوم_ الأزهر بنقبض 306
|
طنطا 304.6
|
عفوا طنطا 349.6
|
الف شكر يا جماعة على الرد..
اهو كده نعرف حقوقنا ونعرف فيه حد مظلوم ولا لا |
الشرقية 322ج
|
انا معلم مساعد لغة انجليزية وقد تم تحويل مرتباتنا من مبلغ 174 جنية الى 322 جنية بعقد مميز فى شهر يوليو 2008 وهذا ما هو موجود فى العقد الا اننا لم يتم صرف الفرق من 174 الى 322 جنية لشهرى يوليو واغسطس 2008 اللى احنا قبضناهم على اساس العقد القديم اللى ب 174حتى الان مع العلم ان زمايلانا الى فى المدارس الاخرى التابعة لنفس الادارة قبضوة من زمان وعندما ذهبنا الى المسؤل المختص بالمرتبات فى الادارة انكر حقنا فى الفرق فماذا نفعل ومن نشتكى ولمن خاصة ان سكرتيرة مدير ادارتنا مبترضاش ان احنا نخشلة بالشكاوى وتعد تتحجج فماذا نفعل
ارجو الافادة |
اقتباس:
لو كنت مضيته وهو نفسه اللى زمايلك ماضيينه وبياخدوا اكتر منك.. اذهب الى المحافظ فهو المختص فى هذه الحالة.. لان التعاقدات الجديدة هذه من جهة المحافظ.. عندنا هنا فى شمال سيناء كانوا مدوخينا على الحوافز والبدلات وشكينا للمحافظ الدنيا قامت وكل حقوقنا اخدناها وبقت المرتبات والحوافز بتتطلع فى ميعادها مع المدرسين الاساسيين.. لذلك انصحك انت ومن معك باللجوء الى المحافظ.. وان شاء الله يعيد الحقوق لاصحابها |
في الاسكندرية المرتب 322
أما بالنسبة لاختبار الكادر فقد استفسرت عنه من الخط الساخن الموجود على موقع الاكاديمية وهو 19126 وقالوا أنه سيكون في أغسطس |
اقتباس:
يعنى نبتدى نذاكر من دلوقتى وعلى ضمانتك ؟!!! |
مفيش اخبار جديدة ؟
|
راتب المعلم المساعد في قنا
انا معلمة( مدرس مساعد) لغة انجليزية من محافظة قنا
نحن نتقاضي راتب شهري 332,5 جنيها هل يخبرني احد متي امتحانات الكادر الخاصة بنا وهل سيتم تثبيتنا فعلا |
انا معلم حاسب آلي من البحر الاحمر والقبض كل شهر بيكون مختلف عن التاني بمعنى
المفروض اننا بناخد 347 ولكن الشهر اللى فات اخدنا 280 فقط والله اعلم بالشهر دا المهم عايز اعرف ميعاد الامتحان بالضبط ومن مصدر مسئول للتاكد من صحته انامتعاقد من2005 ولكم جزيل الشكر |
يا جماعة بالنسبة للعقود المحلية المستلمة العمل فى شهر 4 2009 /
نظام المرتبات واليهم امتحان كادر ولا لاء ارجو الرد |
قريباااااااااااااااااااااااااااااااااااااااااااااا
|
اقتباس:
|
السلام عليكم.... انا اعمل مدرس مساعد علوم اعدادى من 1/11/2008 فى المنوفيه ادارة اشمون التعليميه واتقاضى راتب شهرى ثابت هو 322 جنيها.....اما بالنسبه لامتحانات الكادر فالذين سيدخلون الامتحان عندنا هم الذين حصلوا على التدريب واخذواشهادة ترخيص مزاولة المهنه فقط وليس كل المتعاقدين ومن يعرف اخبار اخرى ارجو التواصل ولكم جزيل الشكر.......
|
اللى هيدخل الإمتحان فى أغسطس خريجى تربية أو معاه دبلومة تربية وده أخر حاجةوعلى لسان الوزير
|
الحمد لله هنا فى شمال سيناء تم صرف جميع مستحقاتنا المالية
المرتب + حافز 25% + حافز 80% + 100 جنيه للمناطق النائية |
احنا في الفيوم بنقيض 331 جنيه
|
هنا فى شمال سيناء جملة المستحقات المالية كالتالى:
المرتب ( 339 ) + حافز 25% ( 33 ) + حافز 80% ( 119 ) + مناطق نائية ( 89 ) اى ان جملة المرتب بالحوافز والبدلات = 580 جنيه ** مع ملاحظة ان المناطق النائية يتم صرفها بدءاً من شهر 9 وتنتهى فى شهر 6 ** حافز 80 % يتم صرفه حوالى 10 شهور فقط فى العام الدراسى |
السلام عليكم
بالنسبة لشمال سينا حافز 25%معروف ومناطق نائيه معروف اما 80 %حافز اية ارجو الرد |
بالنسبة لحافز ال 80% فى شمال سيناء فهو حافز يتم صرفه للمحافظات النائية كشمال وجنوب سيناء لتشجيع الهجرة اليها وتعميرها
ومش عايزين حسد وقر.. ههههههههههههه |
السلام عليكم
والله مفيش حسد ربنا يبارك |
الواضح اننا المحافظة الوحيدة اللي بتقبض 297 جنية محافظة البحيرة
|
بداية من الشهر الجاي حيبدأ خصم من المرتب علشان كرنيه النقابة
|
احنا نسافر شمال سينا وخلاص
|
يا نهار ابيض يا جدعااااااااااان.. انا مكنتش عايز اقووووووول.. هههههههههه
بس شمال سيناء هاتنور طبعا |
السلام عليكم
ماشى يايمان انا معاكى على شمال سينا بس فعلا واضح ان البحيرة اقل محافظه انا سمعت اننا عناخد بدل معلم 50% باثر رجعى ان شاء الله حوالى 45 جنيه يعنى اكتر اول اقل |
يا جماعة ده اخر خبر قريته النهاردة الخميس 4/6 فى جريدة المساء بس نفسى اعرف احنا هنمتحن فى ايه بالظبط - على فكرة انا تربية فرنسى ومتعاقد فى الابتدائى هههههههههههههههههه شفت الخيبة عموما اقروا الخبر ده
د.يسري الجمل: التعاقد مع 81 ألف معلم.. أول يوليوأكد د.يسري الجمل وزير التربية والتعليم أنه تم تخصيص 322 مليون جنيه في الموازنة الجديدة للتعاقد مع 81 ألف معلم جديد في أول يوليو القادم. من بين العاملين بعقود مؤقتة أو بالحصة. قال في تصريحات خاصة إن الوزارة انتهت من التعاقد مع 181 ألف معلم خلال العامين الماضيين سيدخلون امتحانات الكادر في أغسطس القادم وسيتم تسكينهم في وظيفة معلم مشيراً إلي أنه سيتم الإعداد لبرامج تأهيلية للتنمية المهنية بالتنسيق مع كليات التربية للتسكين من خلال الاختبارات بالبصمة الالكترونية في أغسطس القادم. أكد الوزير أن الدولة وفرت كافة الاعتمادات المالية للمرحلة الثانية للتسكين في الكادر حيث تم تخصيص 3.5 مليار جنيه في الموازنة الجديدة وسوف يحصل جميع من يجتاز الاختبارات علي البدل النقدي. |
اقتباس:
احنا بناخده فى المرتب من اول ما اتعينا.. وعلى فكره هو 72 جنيه مش 45 جنيه واشتكوا لغاية لما يتصرفلكم..مادام اتصرفلنا يبقى لازم انتوا كمان تصرفوه وربنا يكرم الجميع |
السلام عليكم
والله انا بقبض وخلاص بس لما كنا فى التدريب قالوا هناخد بدل معلمده الى سمعناه والمرتب حوالى 297 جنية ولسه زايد يعنى كان اقل من كده |
ياهند ياأختي أنا معاكي من مدرسين البحيرة الغلبانين بس انتي ليه مش منضبطه في الكلام عن المرتب لأن الصح هو أن مرتب البحيرة 263 فقط والبقي حوافذ يعني 34 جنيه مصري فقط وكمان حيخصموا منه ؟:stickjo4: ياللا الحمد لله عشانا عليك يارب وفطارنا وغدانا كمان أكيد برضه العيشه في شمال سيناء حلوة احجزيلي تذكرة معاكي وأخواتنا في شمال سينا الله يبارك واللهم لاحسسسسسسسسسسسسسسسسسسسد:049gc0: |
يا لهوووووووووووووى يا جدعان.. وانا اقول الزغطة مالها ماسكانى مش راضية تسيبنى.. هههههههه
المهم جهزوا نفسكم يا جماعة ان شاء الله للامتحانات فى اغسطس الجاى.. مش عايزين فضاااااااايح |
السلام عليكم
ربنا يبارك ليكم يا شمال سينا الخصم يااخت شهر واحد مره واحده وبعد كده كل شهر 5 جنيه |
في الفيوم يحصل المتعاقدين 348 جنيه فقط و ما فيش حوافز و لا غيره
و علي فكرة المرتب مش كل شهر المتعاقد بيثبض كل تلت اربع شهور علي سبيل المثال لم يحصل المتعاقدين علي رواتب اشهر مارس و لا ابريل و لا مايو و لا يونيو المتعاقد المتزوج يعمل ايه في هذه الشهور ؟ بجد الله معاهم ! يا ريت السيد الوزير ينتبه شويه لاحوال المتعاقدين عموما و خاصة في القيوم و بالذات بسبب موضوع تاخر رواتبهم و ايضا موضوع ربط التعاقد بمحو امية 10 مواطنين |
السلام عليكم
القبض مش كل شرط اكيد العيب من الموظف الى بيخلص المرتب او من الادارة احنا بنقبض مع المثبتين وحاليا بيتعمل لينا احنا وهما فى كشوف واحدة |
واحنا كمان دلوقتى بنقبض مع المثبتين كل شهر بس فى استمارات منفصلة.. ده عيب فى الادارة عندكم ولازم تشتكوا ماتسكتوووووووووش
|
| جميع الأوقات بتوقيت GMT +2. الساعة الآن 07:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.