|
الاستاذ رمضان مبروك ابو العلمين حمودة
سلام عليكم اقتباس:
ازى حضراتكم يارب تكونو بخير وكالعادة وزى معظم المصريين مش عارف ابدأ الموضوع ازاى :d ندخل فى الموضوع علطول فضلت الف وادور وانكش على صورة تصف الموضوع ده فاتكعبلت فى الصورة دى فى المنتدى http://www.gam3aonline.com/uploads/e...2726683281.jpg وفعلا هيا دى الحقيقة موضوعى هيبقا عن حاجتين تلاتة كدا اولا التعليم فى بلدنا المحروسة طبعا الكل شايف مناهج وكلام مكلكع فى الكتب الدراسية تكاد تكون المناهج دى اختفت من قرون فى العالم معدش غير البلد بتاعتنا دى ( ليه بقا لاننا مش زى اى حد احنا مش زى غيرنا ) ماشاء الله يدخل المدرس يقعد يتكلم على مدار الحصة او المحاضرة بعض المدرسين ( بعض هاه ):d بعضهم يعملو نفسهم بيشرحو والطلبة تعمل نفسها بتفهم وما شاء الله شغل عصير لمون فى بعضه وكأنك يابو زيدما تعبت نفسك فى المدرسة وجيت ودا ذنب مين مش هنقول اساتذتنا الافاضل ولا هنقول الطلاب المبجلين هنقول العيب فى النظام والبلدى يوكل يعنى عايزين مناهج تدري مش مناهج تتصم وتدخل الامتحانات نرصها وفى الاخر استفدنا ايه ( استفدنا صلاة النبى ) تانى حاجة الدروس الخصوصية طبعا ماشاء الله كلنا طلبة ( طلبة علم مش طلبة قرب محدش يفهمنى صح ) :d شايفين الدروس الخصوصية اللى بتجرى فى العروق المصرية مجرى الدم فى الوريد بعض المدرسين ( بعض هاه ) :d بيبيعو ضميرهم تلاقى المدرس من دول ماشاء الله يدخل الحصة يرغى ربع ساعة مع الطلبة فى الفاضى وربع ساعة على ما يكتب عنوان الدرس وربع ساعة يقول الطلبة بطلو كلام يا ولاد وعشر دقايق يفضل ينصح فيهم وخمس دقايق يقول فيهم احنا هنشرح النهاردة يا ولاد ( وفجأة الجرس يضرب ويخرج المدرس ماشاء الله فارد جناحاته وفرحان ان الحصة خلصت والطلبة طبعا عايزة حد يشرحلها تروح جرى على اقرب مدرس ( اللى مبيشرحش فى المدرسة ) ودرس خصوصى وسبحان الله الساعة بتاعة الدرس الخصوصى يفضل يشرحها كلها وكأنه بنى أدم تانى غير اللى كان فى المدرسة وزى ما الكل عارف اسعار الدروس الخصوصية عاملة ازاى اسعار فى السحاب ماشاء الله ( اللهم لا حسد ) :d والطلبة ياعينى مشحتين اهاليهم وراهم خاصة فى مرحلة الثانوية ولى الامر بيدفع دم قلبه وفى الاخر تيجى امتحانات الثانوية زى السنة اللى فاتت والطلبة تنتحر والمدرس نفسه بيشكى من غلو اسعا ر السلع طب بتشتكى ليه منتا كمان اسعارك نار ومش حامل هم حد ودا ليه ( لاننا مش زى اى حد احنا مش زى غيرنا ) تالت حاجة نهاية المطاف لقيت الصورة دى بردو واصفة كلامىhttp://www.gam3aonline.com/uploads/rey7669507891.jpg بعد كل التعب ابتدائى واعدادى وثانوى وجامعة يبقا حالنا كدا !!!!!!!!!!!!!!!! مفيش شغل وكله بيقعد يتفرج على شهادته اللى على الحيط ولما يزهق يروح يقعد على القهوة على بال ماحد يجيبله شغلانة حفر فى مشروع مجارى والحقيقة مش عارف ايه الحل فى دا نتعلم مش نافع نطلع من التعليم مش نافع يبقا نعمل ايه؟؟؟؟؟؟؟؟ انا عرفت الحل لو انتو كمان عرفتو اتصلو بينا وانتو تكسبو شهادة تقدير تعلقوها جمب شهادة نهاية التعليم اللى على الحيط وبعد دا كله نقول العيب فى مين ودا ليه ( لاننا مش زى غيرنا احنا مش زى اى حد ) ........................ عارف انى رغيت كتير ( طبعنا واللا احنا يعنى هنشتريه ):d استحملونى معلش ودايما نحب نختم الموضوع بــ دمتم فى رعاية الله ::::::::::::::::::: لا اله الا انت سبحانك انى كنت من الظالمين |
سبحان الله موضوع جامد فحت
|
اقتباس:
.. حلو أوي الموضوع .. .. أنا رغيت كتير .. http://www.ahlathanwya.com/vb/images/smilies/ablow.gif .. بس مش أكتر من الموضوع .. .. يا رب يكون كلامي ظريف و لطيف و دمه خفيف .. .. و ميكونش رخم .. http://www.ahlathanwya.com/vb/images/smilies/ablow.gif .. و شكلي مش هطلع من هنا سليمة .. ((أصل في هنا مدرسين كتير)) .. .. و في هنا مدرس أعرفه .. بس مش بيديني الحمد لله .. .. مرة كان حاطط خمسين رقم تليفون في توقيعه .. .. و ستين ايميل .. .. تقريباً ده اعلان دروس .. .. أمال هيكون ايه يعني .. .. أكيد .. .. تم حذف هذا السطر (( رجعت في كلامي )) .. .. و طبعاً بلغت عنه .. و حذفوا التوقيع .. http://www.ahlathanwya.com/vb/images/smilies/ablow.gif .. أه سوري .. أنا باين حكيت كتيير .. أصل نفسي مفتوحة .. .. تتمسوا بالخير .. أصل احنا الصبح دلوقتي .. .. دمتم في رعاية الله و أمنه .. .. و السلام عليكم و رحمة الله و بركاته .. تحياتي،، Dr.Marmora |
يا نهار ابيض
يا نهار ابيض دا ايه الحلاوة دي كلها وربنا الموضوع ده جامد اخر حاجة تسلم بجد على الموضوع ده |
والله ليس كل المدرسين من تلك النوعية
فما زالت هناك قلوب نقية يملؤها خشية الله ومراقبته فى السر و العلن |
ده معتمد على عدة عوامل
أولها الايمان اليقينى وثانيها التربية وثالثها العلم ورابعها البيئة المحيطة رسولنا الكريم قال" الخير في امتى الى يوم الدين" فهناك معلمون أفاضل كثر ولن ينتهوا ابدا |
الموضوع ليس مخالفاً لأي قوانين ويتضمن قضايا وسلبيات تحدث بالفعل إلا من رحم ربي .. جزاك الله خيراً يا حودة
|
موضوع متميز جزاك الله خيراً
|
ايه ده ايه ده
انا مش مصدق عنيا معقوله كل السخريه دى من المدرسين معقوله كل الكلام ده والاداره سايبه موضوع زى ده ليه السخريه اخى الفاضل ومش عايز الرد اللى بيقول هو انا اقصدك او انت زعلان ليه ايوه زعلان لما حضرتك وقد وصلت لمرحله تعليميه او انتهيت منها وكان الفضل للمدرس وجاى دلوقت تسخر منه وتشبهه بشخصيه فى فيلم وكمان تقول عليه انه باع ضميره ولاقلى ردود الطلبه على ذلك بالسخريه يبقى كده انت اهنت الكرامه للمدرسين ومنهم مدرسين المنتدى ولا دول مش فى مدارس والاهانه تخصهم يا جماعه بلاش الكلام ده والا سيكون فيه وقفه من المدرسين فى المنتدى اللى هو اسمه منتدى تعليمى يعنى تربيه وتعليم مش العكس |
اقتباس:
بالفعل بداخله سلبيات في طريقنا لحلها ولكن بداخله سلبيات ما زالت قائمة إلى الآن أنا لست ضد الدرس الخصوصي أنا معه إن أدى المعلم أمانته داخل فصله مش أخد أجازة بدون مرتب عشان يتفرغ للبيزنس ودا كتير بس تعرفوا أنا ضد كلمة معظم المدرسين اصل بصراحة انا اتعلمت حاجة من الدنيا لما ببص على الصح بلقاه المعظم ولما ببص على الغلط بلقاه المعظم يعني يا ريت يا محمود نبص على المعلمين الشرفاء من نماذجهم اساتذتنا هنا على المنتدى كيف أنهم يقبلون على عمل تطوعي لوجه الله وأنهم يساهمون في رفع العبء عن الأسرة المصرية جزاهم الله الخير كله دمتم في خير |
اقتباس:
بس بالله عليك اقرأ الموضوع كلمة كلمة .. هو بيتهم طائفة معينة من المدرسين انت نفسك عاوز تولع فيهم وربنا يهدي الجميع يا رب |
اقتباس:
اقتباس:
الله اكبر ... لا تعليق غير حسبي الله ونعم الوكيل |
يا رب ردى مش يتحذف او يتعدل
طبعا الزعل مش من كاتب الموضوع لانه ليس له الشرف ان يكون مدرس لان هذه مهنة الشرفاء و ليس من باعو ضميرهم على حسب قولة المزعوم . و تعالى نشوف الموضوع من قبل كده و ربنا يديك الصحه يا استاذنا الغالى / سعيد مدنى لما عمل امتحان و جاله جزا علشان مش راضى باهانة المدرس . احب اعرف الكل اننى مدرس و هذا منتدى تعليمى و الاساس فية هو المدرس و الطالب و المواضيع العلمية و ليس تهزيق المدرسين من الجهلة و اصحاب النفوس الضعيفة والنظرة الضيقه . و المهم احنا عاملين اقسام تظلمات و كادر وحاجات لرفه شأن المدرس الذى اهانه الاخ الفاضل فى هذا الموضوع . وعلى حسب قول الادارة ان الموضوع ( الموضوع ليس مخالفاً لأي قوانين ويتضمن قضايا وسلبيات تحدث بالفعل إلا من رحم ربي .. جزاك الله خيراً يا حودة ) بعد ان كتب صاحب الموضوع بالنص ومعظم المدرسين ( معظم هاه ):d معظمهم يعملو نفسهم بيشرحو والطلبة تعمل نفسها بتفهم وما شاء الله شغل عصير لمون فى بعضه وكأنك يابو زيدما تعبت نفسك فى المدرسة وجيت وكمان بيتهمهم بانهم او معظهم يعنى اكتر من خمسين فى المية منهم يا بتوع الفلسفة انهم باعو ضميرهم بالنص معظم المدرسين ( معظم هاه ) :d بيبيعو ضميرهم ده غير التجريح المقصود و السخرية من المدرسين . و كمان بينهى الموضوع بمسابقة الموضوع لو عملة مدرس كنت زعلت لكن للاسف اللى عمله ................................... و شكرا للادارة المحترمه على ارجاع الموضوع بعد ان حذفته |
اقتباس:
|
اقتباس:
نعم معك ... ولكن حسبنا الله ونعم الوكيل ايضاً في كل من تنكر لمعلميه واتهم معظمهم ..!! بانهم يبيعون ضمائره معظمهم ...!! اخدت بالك وعرفت يعني ايه معظمهم ؟ |
اقتباس:
|
:)
اقتباس:
حسبنا الله ونعم الوكيل في كل من يتهم معظم المدرسين بالباطل .. وحسبنا الله ونعم الوكيل في كل من انتسب لمهنة الأنبياء ثم اعتبرها تجارة ليس إلا .. :) |
حسبى الله ونعم الوكيل لكل من يحمل لقب مدرس ولا يستحقه
حسبى الله ونعم الوكيل لكل من تنكر لجميل المدرس عليه |
اقتباس:
اكيد والله اخى الغالى اعلم ان ادارة المنتدى محترمه وهذه الجملة يعلم الله اننى صادق فيها لكن معلش يا استاذى الغالى كله إلا الإسائة للمدرسين و حضرتك تعلم اننا كلنا مدرسين و نعمل باخلاص لله تعالى و مش بنبيع ضميرنا كما ذكر الاخ فى الموضوع ولا نخاف فى الله لومة لائم لاننا على حق |
اقتباس:
طيب ما هو صاحب الموضع اللي حضرتك امتدحته بيتهم معظم المدرسين بالباطل والا انت شايف ان اغلب المعلمين باعوا ضمائرهم !!! يا استاذنا انا اعرف مدرسين بتكفل طلبه وفيه ناس بتصرف على مدارس وعندنا اكتر من مدرس بيدي مجموعات للطلبه مجانا تفتكر اني اقبل بان توجه اهانه لهؤلاء الشرفاء الاخيار و انا اقبل ان ينتقد طالب معلم بعينه لا يشرح ولا يراعي ضميره اما ان يتهم الكل ويعمم او يقول الاغلبية فهذا غير مقبول ابدا ومن يوافق عليه من المعلمين يجب ان يتحدث عن نفسه فقط اما اغلب معلمينا فهم بخير والحمد لله ... واكررها اغلب معلمينا بخير والحمد لله |
شكراً على رد كل من يغار على إهانة المعلم
المعلم الذى يفنى نفسه من أجل الطلاب ولكن وللأسف الشديد هناك من المدرسين من يسئ الى نفسه و إلى زملائه ولكن سيظل المعلم منارة العلم . المعلم الذى كاد أن يكون رسولاً اللهم عليك بكل من يسئ الى المعلم وينال من كرامته تقبلوا مرورى |
وعليكم السلام ورحمة الله وبركاته الموضوع دا يا حودا من المواضيع اللي الواحد كان مفتقدها والله بس في الاول احقاقا للحق يعني مفيش حد يقدر ينكر فضل المدرسين ابدا ( اللي كانوا بيراعوا ضميرهم ) الاساتذة الافاضل اللي في المنتدي لو مصر فضيت من المدرسين ومتبقاش غير مجموعه صغيره اول حاجه هتيجي في بالي ان المجموعه دي هي مجموعة المدرسين اللي في المنتدي لسبب واحد انهم بيعملوا لوجه الله ومحدش بيطلع من جيبه ويديهم يعني محمود اكيد ميقصدش اي مدرس من حضراتكوا دي بس كلمة في البداية عشان الموضوع ميتفهمش غلط ودا ميمنعش اني متفق مع محمود ان في مدرسين بالنسبة ليا والله العظيم اكره انهم حتي يخطروا علي بالي وفي مدرسين مش بقدر انساهم وفضلهم علي راسي من فوق الجزء التاني من الموضوع الخاص بالشغل يا محمود انا مش متفق معاك فيه محدش دلوقتي بيشتغل بشهادة الجامعة بس لااااااااااااازم كورسات وتسعي علي الشغل لو معملتش كدا متجيش في الاخر وتقول الدولة مش بتوفرلنا شغل لا بصراحة ولاول مره بقول ان الدولة معذورة في الموضوع لانه مش بتاعها موضوعك جميل جدا يا محمود وارجوا ان الاساتذة الافاضل ميكونوش لسه زعلانين:) |
اقتباس:
عشان لو الشباب فاهمين خطأ أو عندهم صورة خطأ لازم نصلحها نفسي بس تفهموا قصدي من بقاء الموضوع دا .. يا جماعة احنا مدرسين ولازم نصحح المفاهيم الخاطئة اللي للأسف الإعلام نفسه بيساهم في نشرها عن المعلم شكراً ليك يا أ/ طارق وبالفعل يا جماعة والله دا دورنا نسيب السلبيات معروضة نشوفها نتابعها ننقدها نصححها هتكون النتيجة تغيير الصورة إنما نسيب الصورة مشوهة ونحذف؟ اعتقد إن دا وسيلة اللي ما يملكش دليل على قوة موقفه وجزاكم الله خيراً |
اسف لن ارد عليك !!!!!!!
قضية أ/سعيد مدنى(والمعلمين) بأقلام المفكرين الموضوعين موضوع بتاريخ 10/3/2009
رابط الموضوع : http://www.thanwya.com/vb/showthread.php?t=110211 واسف لن ارد عليك لأننى متهم كمعلم ولا تقبل المحكمة شهادتى او دفاعى . وادارة المنتدى افردت لنا صفحات واقسام خاصة بالمعلمين تدافع عن قضايهم ومشاكلهم ورابطة معلمى مصر التى يستضيفها المنتدى ويخصص لها قسم خاص ،هى رابطة لدعم المعلم ادبيا وماديا واجتماعيا ومهنيا . وافضل ان اتناقش مع زملائى فى اقسامنا الخاصة بنا مشاكلنا وقضاينا . أسف لن ارد عليك ،وما اسردته توضيحا وليس رد. على فكرة الرابط عليه الموضوعات الاتيه :- 1- تلخيص للقضية منتدى البشاير بقلم نشوى عثمان فى 1 فبراير 2009. 2- الاهرام : فى 12/2 (هو والاستاذ حمام )بقلم ا.د /حسام احمد موافى استاذ طب الحالات الحرجة /قصر العينى. 3-الجمهورية : فى 16/2 (لقطة) بقلم أ/ناهد المنشاوى . 4- الجمهورية: فى 20/2 (متى يتوقف هذا العبث؟ اهانة مدرسى اللغة العربية فى الدراما المصرية !!) بقلم أ /بسيونى الحلوانى . 5- الجمهورية : كل سبت (هنيدى واهل العلم ) بقلم أ/ يحيى على . 6- الرياض : 16/2 (هنيدى ابن مجتمعه لا يقبل النقد) بقلم : أ/رجا ساير المطيرى . 7-الاخبار :فى 9/2 (ازمة امتحان هنيدى ) بقلم أ/ فوزى شعبان ولم اتمكن العثور عليه وفيه يطالب الكاتب بانصاف المعلم . ومن يجده من الاخوة الزملاء يتفضل برفعه. |
الاخ الاستاذ / ممدوح الانصارى
السلام عليكم و رحمة الله و بركاته من زمان لم تطل سيادتك علينا و لم اعرف ما هو الجديد فى عملية انشاء و تكوين و تأسيس الرابطة علما باننى من اول ال50 مشترك اما بالنسبة للموضوع هذا فاننى و الله مش فاهم حاجة ارجو من حضرتك مشاركة ثانية توضح لنا فيها ما هى المشكلة ؟؟؟ حتى نتفاعل مع حضرتك كما تعودنا و اقبل تحياتى |
مش عارف الناس المعترضة معترضة عليه
طيب ما معروف من قديم الازل ان التعليم فى مصر زى الزفت وان الطالب والمدرس ما هم الا فئران تجارب تبع الخطة الوزارية لكل وزير يعين شيله سنه 6 ابتدائى رجعه 6 ابتدائى ثانوية عامه نظام قديم ثانوية عامة نظام جديد ندرس فرنساوى ولا ايطالى ولا فيومى حتى ومش مهم جرب فى الطالب ونيجى للمدرس كادر ومش كادر وحافظ اثابه واداريين ملهمش فى الحافز وهكذا يعنى المدرس زى الطالب بالظبط الاتنين حقل تجارب للسادة وزراء التربية والتعليم يعنى العيب لا فى الطالب ولا فى المدرس العيب فى المنظومة كلها المنظومة اللى دمرت التعليم فى مصر من القاع الى السطح موضوع مميز يامحمود :) |
اقتباس:
http://www.thanwya.com/vb/showthread.php?t=93915 والصورة اللى فى الموضوع رفعت روحى المعنوية جدا والتعليق اللى على الصورة :- our education sestem الف حمد والف شكر لله رب العالمين اننى لم افهم التعليق !!!!!!! |
اقتباس:
اللى عايز اقوله ان العيب لا فى المدرس ولا الطالب العيب فى النظام نفسه ياريت تكون فكرتى وصلت |
اقتباس:
اخى الغالى الحمد لله فكرتك وصلت و الله لكن طريقة العرض فى الموضوع الاصلى و اهانة معظم المدرسين و اتهامهم ببيع ضميرهم و انهم ها هذا ليس مقبول ابدا فهناك ادب اسمة ادب الحوار و ادب عرض المواضيع لتوصيل الفكرة و الحمد لله ان جميع المدرسين و صلتهم الفكرة |
اقتباس:
هكذا يكون عمل الكبار الفاهمين العاملين على خدمة زملائهم بارك الله فيك استاذ / ممدوح الانصارى و وفقك الى الخير دائما |
اقتباس:
والف شكر لكم جميعا |
صفات المعلم الناجح ..
أنا ضد تشبيه المعلم كفأر للتجارب بيد وزارة التربية والتعليم
أو بيد مقدرات سياسية أو نظم إدارية فالمعلم في حصته هو مديرها ووزيها ورئيسها المعلم قادر على أن يصنع المناخ كما يريد المعلم قادر وليس عاجز وليس كفأر بل الفأر هو الذي انساق متبعاً قواعد صلفة روتينية وجمد عن الابتكار والتطور وهذا التقرير الذي سأورده بعد كلامي يجعلنا ننظر بكل دقة إلى المعلم الناجح مهما كانت ظروف القوانين ومهما كان النظام التعليمي فهو قادر على خلق نظام خاص به هو تابعوا مع التقرير لو سمحتم صفات المعلم الناجح صفات المعلم الناجح.
أرى أن تلك الصفات إذا توفرت لدينا نحن المعلمين ستكتمل الصورة بإذن الله تعالى وسيزول عنها أي سلبية محتملة وأنا أرى أن معلمي المنتدى الأوفياء سادة أفاضل تحلوا بتلك الصفات بارك الله سعيكم وبارك الله في كل من ساهم في إزالة تشويه الصورة التى انطبعت في الأذهان لكثير من العوامل |
1-هؤلاء هم معلموا مصر الافاضل
2- وهؤلاء هم طلاب مصر الكرام 3- وهذه هى بوابة الثانوية العامة 1- http://www.thanwya.com/vb/showthread.php?t=105728 كن كالصقور على الذرا....تصغى لوسوسة القــــمر لا كالغـــــــــــراب يطارد... الجيف الحقيرة فى الحفر من هان تسحقه السنابك...فى متاهـــــــــات العمر وتلين غطرســـة الزمـــان....الى الابى مــن البشـر 2-http://www.thanwya.com/vb/showpost.php?p=1095225&postcount=79 .............http://www.thanwya.com/vb/showpost.p...4&postcount=91 .................................................. ..... 3- بوابة الثانوية العامة = المعلم + الطالب = بوابة الثانوية العامة . .................................................. .................... ملاحظة // الروابط كلها لموضوعات قديمة ولا صوت يعلو فوق صوت الحق . |
اقتباس:
بارك الله فيك يا استاذ احمد دائما عظيم فى ردودك وبعد كلامك هذا لا يوجد اى تعليق على الموضوع لان حضرتك بجد من افضل الناس الذى تعرفت عليهم |
بارك الله فيك أخي أحمد بالفعل يا أخوتاه بالفعل والله أقولها لكم بذؤاب قلبي قولاً مخلصاً راجياً فيه وجه الله عز وجل مهمتكم يا صفوة المعلمين أن تزيلوا تلك الشبهات التي علقت بالمعلم فالإعلام للأسف قادر على التشويه ولنكن نحن قادرين على التعديل والتصفية والتنقية الشباب أنباؤنا أخواننا الصغار الشباب رجال المستقبل آباء الغد الشباب يجب أن تنقى أذهانهم من تلك التشوهات يجب أن يعلموا أن عهد هذه السلبيات ماضِ إلى زوال وأشهد الله عز وجل أنكم يا سادتي من صفوة معلمي مصر بارك الله في سعيكم جميعاً |
اقتباس:
اقتباس:
وفعلا حاجات كتيرة من دى فى بلدنا ومحدش بيتكلم انا كنت رديت رد طويل على كلامك بس الجهاز هنج حظك كدا بقا :d عموما منورة الموضوع بجد دمتى فى رعاية الله اقتباس:
اقتباس:
اقتباس:
اقتباس:
اقتباس:
بس دا ميمنعش ان فى مدرسين مراعية ضمايرها ويستاهلو كل خير زى مدرسى البوابة كدا اللى بيخدمو الطلبة بدون اجر دمت فى رعاية الله |
.. العلم في الإسلام يشمل كل أنواع العلوم التي تفيد الإنسان و لا تتعارض مع العقيدة الإسلامية .. عن صفوان بن عسال المرادي - رضي الله عنه - قال أتيت النبي صلى الله عليه و سلم وهو في المسجد متكئ على برد له أحمر ، فقلت له : يا رسول الله إني جئت أطلب العلم ، فقال " مرحبا بطالب العلم ، إن طالب العلم تحفه الملائكة بأجنحتها ، ثم يركب بعضهم بعضا حتى يبلغوا السماء الدنيا من محبتهم لما يطلب .... بحيث يؤخذ العلم عن صاحب العلم و ليس عن صاحب الأهواء .. .. ورد فضل العلم و المعلمين في أكثر من آية قرآنية و حديث نبوي شريف .. .. ففي الواقع ، كان أول ما انزل من آيات القرآن الكريم هو أمر للرسول صلى الله عليه و سلم بأن يقرأ .. .. كما ذكر في آية أخرى " االعلماء ورثة الأنبياء ".. .. "إنما يخشى الله من عباده العلماء" صدق الله العظيم .. .. و في آيات أخرى .. .. رفع الله الذين آمنوا و الذين أوتوا العلم درجات .. .. و في قصائد العرب .. .. قيل .. "قم للمعلم و فه التبجيلا كاد المعلم أن يكون رسولا ".. .. و أول معلم لنا .. هو سيدنا محمد عليه الصلاة و السلام .. .. فقد كان يعلمنا من آيات القرآن و الأحاديث الشريفة و المواقف المعبرة ما على أساسه بنينا حياتنا .. و ما على هداه قامت الدولة الإسلامية لقرون سيدة على باقي الحضارات .. .. و لا ننسى بأن المعلم عندما يوصل علمه إلى طلبته .. .. فإنه يسهل لهم به طريقا إلى الجنة .. .. لقول الرسول الكريم : من سلك طريقا يلتمس فيه علما سهل الله له طريقا إلى الجنة .. |
اقتباس:
كلام حضرتك تمام اوى وفعلا فى مدرسين كتير يستاهلو كل خير وفى مدرسين ينطبق عليهم اسم مدرسين فقط دمت فى رعاية الله اقتباس:
جزانا الله واياكم خيرا اقتباس:
دمت فى رعاية الله |
اقتباس:
.. حمداً لله على سلامة الموضوع .. .. الرد بقا تكتبه تاني .. .. مش مسامحة فيه .. .. مفهوم ؟؟ .. .. و لما تكتب ألفاظ غريبة نزّل الترجمة معاها .. .. أصل أنا فهمي بطيء في الحاجات دي .. .. دمتم في رعاية الله و أمنه .. |
اقتباس:
وتم التعديل اقتباس:
منور القسم العام كله دمت فى رعاية الله |
ههههههههههههههههههههههههههههههه
السلام عليكم ورحمة الله وبركاته قبل ما اتكلم احب اوضح ان من حق اى حد يوضح وجهة نظره وانا دائما اقف بجانب الشباب واعمل على توعيتهم واغار عليهم جدااااا ولكن ان يصل الشباب لمثل هذه المرحلة فانا حزين جدااااااااااا انا لم اقرأ الموضوع طبعا وهذا من حقى ولكنى شاهدت الصورة و عجبتنى جدااااااا عجبنى فكرها اوى ......... واحد رسمها ولها معنى قريب واخر بعيد اتهم النظام التعليمى ولكن لم يتهم المدرس ..... ده الموجود فى الصورة يا محمود ازاى تشتم نفسك ههههههههههههههههه انت ناسى انك خارج من تحت النظام التعليمى ده ؟ ههههههههههههههههههههههه خانك ذكاؤك لذلك انا حزين انتم من فى الصورة لانكم قابلتكم من ضحك عليكم واستسلمتم انتم من فى الصورة لانكم قبلتكم ان تسرقوا فلوس اهاليكم وتعطوها لمن ليس له ضمير وجاى تقول تعمم المدرسين الان ؟ هل اصابك العمى يا حودة يا حبيبى ..... انت مشرف ادارى فى موقع كهذا ولم تلاحظ كم الساعات التى نتبرع بها من اجل الطلبة هل جربت الحضور لترى الحمير اللى فى الغرفة الصوتية اللى هما الطلبة اللى سيادتك حاططهم فى الصورة الشباب اللى فرحانين بالصورة ..... شعورهم كان ايه لما شافوها ؟ هههههههههه اكيد فكرتهم بذكريات هههههههههههه اسمع بقى وانا عايز اشوف الموضوع ده هيتشال ازاى ؟ بعد اذن اساتذتى ...... انا عايز الموضوع ده وانا سوف انوب عنكم فى الرد ........ ده اذا سمحتم لى ؟ الشباب عايزة اللى يناقشهم وانا على اتم الاستعداد الشاب الوسيم يدخل ويقول هو فى كلية ايه ؟ وكان نفسه يدخل ايه ؟ ومجموعه بعد ما بقى حمار بكرش كام ؟ هههههههههههه ايه اللى خلاه يستمر مع المدرس اللى كان بيشرح له ما دام كان شايفه راجل فاشل وبلاش تقوللى ماكنش قدامنا غير الدروس شكل الزريبة التى كان يتلقى فيها العلف بعد خروجه من المدرسة ....... مطلوب جدااااا هههههههههههههه على فكرة يا استاذ احمد ( نجم المشاعر ) هزعل بجد لو الموضوع اتشال وكمان محدش فى المنتدى كله قد زعلى ...... بكلمك بجد انا حزين على هذا التصوير لشبابنا ......... طلعوا فى الاخر حمير يعنى الاشراف الادارى غير التعليمى كله حمير وطلبة الثانوية والاعدادية واللى فى الجامعة حمير ؟ ههههههههههههههههههههههههههههههههه حودة قسم الحصة المدرسية على مزاجه وحتى لو كلامه صح ؟ مجبش سيرة الطلبة التى تجبر المدرسين على هذا . ولاجاب سيرة الطلبة اللى هواياتهم النط من فوق السور حتى لو الباب كان مفتوح ده كمان مجبش سيرة الطلبة اللى بتسرق الفلوس من ابوها ويلعبوا بيها ويرجعوا باى مذكرة ...... تمويه ( كانوا فى الدرس ) طب هو كان طالب مثالى ؟ اتظلم يعنى ؟ على فكرة احنا افشل نظام عندنا هو سهولة الامتحانات اهدى يا بنى .... اى حمار فيكم ههههههههههه على حسب الصورة كان بيشوف امتحان السنة اللى قبلها ويقول ايه ده ؟ ويدعى ربنا انه يجي له امتحان زيه ......... مش بيحصل ده ؟ يعنى " شهد شاهد من اهلها " ان اللى طلبة السنة اللى قبلها مش بيفهموا ممكن تخفوا بقى ؟ احسن الموضوع دمه تقيل اوى وشكلكوا هيبقى وحش مع كل رد منكم وبصفتى ادارى فى الموقع لكم منى تثبيت الموضوع |
اقتباس:
الله ينور على حضرتك يا استاذ احمد بتقول اللى عايز اقوله بجد اقتباس:
تم تعديل كلمة معظمهم سيدى الفاضل اسف لو التعبير خاننى دمت فى رعاية الله اقتباس:
شكرا لحضرتك على المرور الكريم دمت فى رعاية الله |
اقتباس:
ولكني أرى أننا نمضي للأفضل وبإذن الله سنرى جيلاً يفخر بأنه تخرج من تلك المنظومة الغير حميرية .. ههههه طلب ورجاء يا أ/ بدوي بالله عليك تقرأ ردودي ولن يحذف الموضوع يا غالي طلباتك اوامر |
[quote] اقتباس:
اقتباس:
اقتباس:
اقتباس:
اقتباس:
تقبلنا مرور حضرتك حضرتك منورنا دمت فى رعاية الله اقتباس:
ما تقطعش الجوابات بقا:d |
اقتباس:
اقتباس:
جزانا الله واياكم كل خير دمتم فى رعاية الله |
اقتباس:
شكرا على مرورك يا كبير دمت فى رعاية الله اقتباس:
ربنا يكرمك دمتى فى رعاية الله ناقلاه منين :d بهزر طبعا |
اقتباس:
منورة الموضوع مش قولتلك رجلك خدت عليه :d |
ردا على الاستاذ بدوى ههههههههههههههههههههههههههههه هههههههههههههههههههههههه اقتباس:
اقتباس:
شكرا على تثبيت الموضوع يا استاذنا الفاضل بجدا انا شاكر ليك جدا دايما منورنا يا استاذ بدوى ربنا يطول لنا فى عمر حضرتك دمت فى رعاية الله |
بقولك يا استاذ احمد ( نجم )
الموضوع من الاول غير منصف طريقة الكتابة مستفزة جداااااا وخارج مجال المناقشة ... المشاركة الاولى غير ديموقراطية بالمرة و دخولك فى الموضوع برده غير ديموقراطى .... حضرتك حولت الدفة تماما من هجوم على مدرسين بذكر نوعية واحدة منهم فقط الى موضوع هات وخد مش معنى ان المشاركات اللى بعد كده وضحت الامور يبقى الموضوع من الاول صح انا مُصر على تعديل المشاركة الاولى و مش قصدى الحذف منها ولكن اقصد موازنة كفتى الميزان طبعا ده هيبوظ باقى فصول الشكسيبرية الدرامية الرائعة ولكن للاسف الموضوع مستفز و يفتقد روح الحيادية واقترب من مرحلة نقل معاناة شخص من ظروف خاضها وكونت لديه عقدة من بعض المدرسين ادت به الى التعميم ..... لا يوجد من هو ضد المناقشة ولكن الاساس الذى يبنى عليه هيكل المناقشة هو الاهم والمسئول عن الانطباع الاول للقارئ والا سأظل اعتبره هجوما من احد الشباب على معلميه وبالتالى سيكون من حقى ومن حق المدرسين التفاعل مع قانون لكل فعل رد فعل اقوى بمراحل منه فى المقدار ومضاد له فى الاتجاه ( هو كان كده ولا انا غيرت فيه ؟ ) وبعدين حضرتك بتقولى اشوف مشاركتك ........ جديدة دى ! المرحلة اللى جاية ممكن تبعتلى لينك المشاركة وليس الموضوع ! الموضوع فعلا ليس به اهانة للمدرس ولكن انا لا اقبل التعامل مع الحمير هل حضرتك عارف مصدر الصورة دى ايه .... مين اللى عملها ؟ اسرائيلى ملته ولا مالوش ملة ولا مصرى عايش فى مصر غصب عنه ..... ولا واحد مالوش فى الدنيا غير النقد وهو اول واحد ملئ بالعيوب ولا كان قصده يقلب المواجع على ناس لا تملك الا المناقشة او يمكن انا اللى مكبر الموضوع ....... ومش فاهم الصورة بس مش هاسيب الصورة دى الا لما كل طالب يتبرأ من هذا الموضوع او يعلن حموريته ........ الواحد كل يوم بيستحمل من الشباب اراء واسئلة ويتحملها ويقول بنى آدم يجب احترامهم لكن حمير ؟ انا ارفض ان اقود العربة التى يقودنها |
المشاكل كلها بتلف ف دايرة واحدة المدرس مش بيشرح عشان يدى دروس الطالب لازم ياخد دروس عشان يجيب مجموع ف الدروس المدرسين بيعتمدوا على تحفيظ الطلاب عشان يدخلوا يفضوا الكلام ده ف الامتحان ويجيبوا فول مارك والمدرس يبقى وااو .. ممتاز .. بيرفيكت .. كل اللى بياخد معاه بيجيب فول مارك !! ويعمل لنفسه شهرة اكبر وده بيخلق لنا كل سنة جيل من الحفيظة اللى بيدخلوا الكلية ويا اما يفضلوا حفيظة ف الكلية برضو يا اما هايعرفوا بداية الفشل لان مش نافع معاهم حفظ وبيتخرجوا مش فاهمين اى حاجة ف اى حاجة المفروض بقى انهم يشتغلوا على اى اساس يعنى ؟! --- اولا المدرس لما تبقى الرقابة على شغل المدرس ف الفصل من خلال كشكول تحضير وكراسة مكتب فيها درجات ده قمة الفشل انا عن نفسى باحط لواحد من المدرسين بتوعى ف المدرسة الدرجات بتاعة كراسة المكتب دى سواء بتاعة فصلنا ولا بتاعة سنة اولى يعنى هو مش بيعرف عنها حاجة اساسا ده غير ان احنا ف تالتة بيتحطلنا درجات شفوى وسلوك وامتحان شهر اللى عمرى ما شوفته من ساعة اولى ثانوى !! واحنا اللى بنحطها بنفسنا يعنى المدرس قدام الادارة مسئول عن الحاجتين دول وبس الدرجات والتحضير !! --- ولو لقيت مدرس بيراعى ضميره ف الشرح وعايز يفهم الطلبة اللى قدامه بجد بس على حظه جه تفتيش عالمدرسة مثلا وهو مش حاطط الدرجات او مش كاتب التحضير غالبا بتحصل مشكلة !! --- ثانيا الطالب الطلبة بيكرهوا كلمة ( مدرسة ) شايفينها تضييع وقت ف مرة من فترة كدة كان عندنا واحدة قريبتنا تحديدا ف اواخر شهر 2 بتسألنى انتى لسة بتروحى المدرسة ؟ قولتلها ايوة قالت : المدرسة عندكوا بيشددوا عالغياب المفروض يسيبيكوا تقعدوا عشان تعرفوا تركزوا ف المذاكرة خلاص الامتحانات قربت كان هاين عليها تقولى فكك منهم وحولى منازل :redface: يعنى حتى اولياء الامور واصلهم فكرة ان المدرسة دى مالهاش لازمة وان المدرسين كلهم مش بيراعوا ضميرهم وكل هدفهم الدروس وتحقيق ربح مادى مش اكتر انا بجد فضلت اروح المدرسة لحد اخر شهر 3 ومش عايزة اقعد وحاسة انى متلخبطة ف المذاكرة ومش عارفة امشى كويس عشان مش باروح المدرسة لان لما باروح .. ف مدرستى المدرس اللى بيتقال عليه ماعندهوش ضمير بيدخل الحصة يقعد يسألنا اسئلة عامة ف المنهج وده بيشجعنا نذاكر عشان نجاوب معاه وبيراجعلنا ولو حاجة مش فاهمينها بيشرحها يعنى بجد كانت بتساعدنى ف المذاكرة جدااا وكلمة اتقالتلى من مدرس عندنا ان الطالب هو اللى بيشجع المدرس اللى قدامه يشتغل او لاء يعنى لو المدرس دخل الحصة لقى الطالب زهقان وقرفان انه جه المدرسة ومش عايز يشتغل هو هايشرح لنفسه ولا يعمل ايه ؟! لكن لما يلاقى فيه تفاعل وطلبة مركزين معاه هايشتغل ويدى بجد ويبقى مبسوط بشغله --- من كام يوم روحت المدرسة عشان طالبين منى اعمل ورق وحاجات كدة وقولت اخد معايا مسائل الاحصا اللى مش عارفاها اسأل المستر بتاعى ف دخلت الاوضة لقيت المستر بيتكلم مع مدرس تانى ف فيه مدرس تالت قالى تعالى وقعد شرحلى المسائل كلها تقريبا فضل قاعد يشرح فيهم اكتر من ساعة لانهم كانوا كتير وف الاخر باقوله شكرا يا مستر .. تعبت حضرتك معايا قالى انا طلبت اشرحلك عشان احلل المرتب بتاعى لاننا طول اليوم قاعدين كدة ومش بنشتغل لان هو بيدى سنة تانية وتالتة بس وطبعا الاتنين قعدوا ف البيت خلاص --- والدروس الخصوصية بقت مهزلة بجد يعنى انا باخد درس انجليش ف جروب ممكن يزيد عن 80 بنت وولد وفصلى ف المدرسة عدد المقيدين فيه 30 طالبة واتفصل منهم 6 عشان خلصوا ايام غيابهم واتحولوا منازل وساعة ما بنكون حاضرين كتير بيبقى عددنا 13 او 14 واحدة وممكن يكون مدرس الفصل احسن مليون مرة من مدرس الدرس لكن احنا عايزين حد يتابعنا بالنسبة لى .. عايزة حد يزعقلى لما اقصر ويتابعنى ويعملى امتحانات ويجبرنى اذاكر لانى اصلا مش بتاعة مذاكرة !! واكيد مش هاكتفى بالمدرسة واروح احضر وانا عارفة ان هاييجى وقت الغياب يترفع وكل الفصول هاتفضى ولو روحت قعدت لوحدى ماينفعش المدرس يشرحلى وانا لوحدى ف الفصل ومش هاكتفى بالمدرسة وانا عارفة ان مفيش متابعة ومفيش امتحانات !! ف كدة كدة محتاجين الدروس الموضوع معقد بجد !! وانا رغيت كتير ولو كنت فاضية اكتر من كدة كنت هارغى اكتر شكرا يا محمود عالموضوع المهم بجد |
| جميع الأوقات بتوقيت GMT +2. الساعة الآن 11:49 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.