السلام عليكم
قبل ما تقرا هذا الموضوع ياريت تستعد لكتابة رايك بموافق او غير موافق
الموضوع هو؟
ليه المنتدي دة مش زي كل المنتديات مش لازم تكون عضو علشان تدخل
بمعني المنتديات الاخري لو مش عضو مش هاينفع تدخل المنتدي وتتصفحه
لذلك انا بقترح اننا نعمل زيهم
وذلك كي نزيد من عدد الاعضاء ولنرتقي بافكار جديدة من مشتركين جدد
وارجو الرد بموافق اوغير موافق وشكرا
د/احمد عبدالمنصف

اممممممم اولا المنتدى معمول بطريقة دي يا دكتور احمد عشان لما واحد يدخل ويلاقي مواضيع هادفة يشترك لكن موش نجبره انه يشترك بمجرد الغاء حقه في تصفح الموقع لكونه غير مشترك

وهقولك حاجا ما هو ممكن يشترك وياخد اللي عاوزة وخلاص


ياريت تكون فهمتني

لالا طبعا

المنتديات التانيه محتاجه اعضاء يعني الزائر لو رغب فى التسجيل وعجبه المنتدي يسجل معانا ويبقي اخ جديد فى المنتدي

اما لو عمل الاستاذ اشرف الحكايه دي صح هيزيد عدد الاعضاء بس هتلاقي كل السجلوا مش هيدخلوا تانى علشان الزائر داخل علشان مصلحه ليه
مش علشان يبقي عضووو


انت عن نفسك لو لقيت برنامج عايز تحمله وطلب منك التسجيل مش هتسجل وتاخد البرنامج العايزه وبعدين هتقول للمنتدي شكرا
ومش هتدخله تانى

المهم انا مش مووووووافق

يابري ايه اللي انت ومحمود عبد العزيز عاملينه دة
ايه يابني الصلح خير مش مستاهلة دة كله
وبعدين بالنسبة للنتدي يعني اتمني انه مايبقاش سبهلله وان الادارة يتم تفعيل دورها اكتر من كدة

كويس إن حضرتك كتبت الموضوع ده .
وأنا موافق حضرتك فى ذلك.

ياريت نعمل استفتاء
ونشوف مين اللي موافق ومين اللي مش موافق

ام يا جماعه الفكرة حلوة بس موش في منتدانا هنا


هقولك المنتديات التانية اغاني وافلام وكدا وكليبات فبيعملوا اغلاق عشان الانفرادات

لكن الحمد لله احنا هنا موقع تعليمي وديني فقط وبس

اما حكاية عبد العزيز دي الادارة تتصرف فيها موش انا والله :D


بس بجد الفكرة لو اتطبقت لا هنكسب بل هنخسر وياريت توصل لنقطتي انا موش بقلل من فكرتك بس هنحرم ناس من حاجا ممكن يضطر يشترك عشاانها انا مشترك في اكتر من منتدى بس لاغراض ربما معلومات لكن انا بشارك هنا اونلي لان المنتدى حلو وبجبه قوي

دة اقتراح اللي موافق خلاص بس ياريت تسيب رايك
طيب يابري علي ماالادارة تتصرف ممكن تشيل الكلام اللي انت كاتبه
لان الجمله بتاعة عبدالعزيز مستفزة جدا
بليز ماتعدهاش تاني علينا
واغفر وسامح كله عند الله

انا مش موافقه طبعا

انا لو جيت ادخال منتدى تانى ولقيت لازم اشتراك (الله الغنى)

لازم الواحد يشترك نتيجه حبه للمواضيع مش بالعافيه

انا مش موافق على الفكرة..

المنتدى ده تعليمى خدمى..

واللى عايز يستفيد يستفيد..وهو ده الهدف منه


سلاام

نعمل إستفتاء
وأرجو من مشرفى الموقع يشوفوا حل فى موضوع البرى وعبد العزيز علشا ن الأخير بيكتب ألفظ ........

يا اخ احمد انا شلت التوقيع والله ولا يهمك بس برضايا عشان تبأى عارف وانا لا يهمني حد يتدخل ولا لا والله انا اقدر ارد الصاع صاعين وتلاته ولاخر رقم معرفوش يوصلوا ليه

وانا لولا محترم الناس هنا لكنت نزلت القصيدة كامله بس انا قطعت القصيدة اما كلمات الاهداء بتاعتي انا ونغم البحر فمفيهاش اي حاجا انا موجهه لناس وناس فينا هنا الحلو وفينا الوحش


اوكشن بس الادارة كام يوم عقبال ما تحل حكاية الاخ اللي بيشتمني دا مع اني وربنا ولا اعرفه

شكرا يامحمد علي شيالتك للتعليق
ومتعود منك علي كدة

البرى وشال التوقيع شوفوا بقى حل لعبد العزيز ده.
تحيه إلى البرى.
ليس غريبا عليك يامحمد أن تفعل ذلك .

انا كمان مش موافقة
اللى عايز يبقى عضو و يلتزم >>اهلا به
لكن الزائر اللى عايز ياخد حاجة و يمشى >>>برضه اهلا به

لكن الجمع بين الاتنين و اجبار الزائر ليكون عضو عشان يقدر يقرأ الموضوعات >>> لا مش فكرة حلوة
و لكل واحد رأيه


سلام

مش موافق

سبعه مش موافقين قدام واحد موافق

اترك التعليق للاعضاء
ورايي لست موافق
وكفاية بفضل الله دعوات الاهالي في النتائج لينا
وكفاية دخول الناس الباحثين عن مواضيع دينية ياخذوها بكل سهولة دون صعوبة
وكفاية الطالب يدخل يتصفح الموقع ويقرأ ويعجبه موضوع يحب يشارك وقتها هيسجل
لان مش هدف الموقع كثرة العدد ولكن هدف الموقع كثرة الخدمة للطلاب والاهالي
والرأي الأخير للاعضاء
ويا ريت يا محمد يا بري تبعث لي رسالة تحكي لي فيها حكاية عبد العزيز ده بالتفصيل

مشرفنا الان استاذ اشرف ياجماعة اللي مبيردش علي اي اقتراح ليا
ولا علي رسايلي الخاصة
ولا علي طلباتي

<div class='quotetop'>إقتباس(عبقرينومان @ Aug 3 2006, 12:33 AM) [snapback]178111[/snapback]</div>

السلام عليكم
انا مش موافقة
لاني انا عن نفسي ودي تجربة مكنتش عارفة اعمل الاشتراك وعملته بعد ما شفت المنتدي بشهور
ومع ذلك لم احرم منه ولا فوائده وكنت باشوف ردود الاعضاء واتمني ابقي معاهم
وشكرا يا احمد علي الاقتراح
وكفاية انك مدي المنتدي جزء من تفكيرك وبتحاول تجعله يتقدم ويا ريت كل الاعضاء زيك بيفكروا في المنتدي
بس الفكرة مش تساهم في نشر وشهرةالمنتدي (يعني ممكن واحد يقولك لسه حاشترك)
ارجو اعادة النظر احمد مرة اخري
وشكرا مرة ثانية وجزاك الله كل خير

متشكر يامشمشة علي اهتمامك
وياريت كل الناس زيك
بس كنت بشوف اننا مش اقل من المنتديات التانية
وانا شايف هما قد ايه متطورين عننا علي الاقل
فحبيت اطرح ولو فكرة تساعد علي اشراك ناس جدد

مش موافق لان هنستفيد ايه لو المنتدى زاد فى العضويات لكن مزادش فى الناس اللى زى العسل زى اللى موجودين دلوقتى

المنتدى ده ممكن اي حد يدخل ياخد اللي عايزه من غير ما يسجل(يبقى عضو)
على عكس المنتديات الأخرى

[quote]وانا شايف هما قد ايه متطورين عننا علي الاقل
فحبيت اطرح ولو فكرة تساعد علي اشراك ناس جدد

أنا مش شايفة أن التطور بيبقى بعدد المشتركين
لكن بيبقى بحجم الخدمات اللى بيقدمها المنتدى

يعنى أنا مثلا عارفة المنتدى من السنة اللى فاتت
و مش اشتركت غير من شهر تقريبا
و كنت متابعة المواضيع و كان ومازال أكتر منتدى بيفيدنى بجد
فأنا مش موافقة
معلش طولت عليكو

يا جماعة ارجو تثبيت الموضوع ونعمل استفتاء رسمي

مع احترامي ليك أحمد ممكن تكون اكبر مني بس المنتدى ده مش ممكن يكون ذي اي منتدى لانه الافضل بالتاكيد وبعدين احنا عندنا اعضاء كفايه يعني مش عاوزين نزودهم اللي عاوز يدخل ويسجل يدخل احنا مش هنجبر حد انه يدخل صح ولا انا غلطان

اولا اهلا بيك يا اسامة
ثانيا مش مهم تكون اكبر او اصغر لاني مش معترف ان السن يجعلك اكثر نضجا في التفكير
بدليل ناس كبار وتفكيرهم علي قدهم
ثالثا انا ماقولتش اننا هانجبر حد علي الاشتراك بس بحس ان المنتدي له احترامه وكيانه
مش اي حد يدخل عليه مانكونش الادارة عارفاه ويعمل اللي هو عايزة ويطلع