اول اما جيت كندا واحد سألنى انت منين ?
قلتله ..وبكل فخر واعتزاز... مصر. B) ..

ساعتها كنت متخيل ان كل الناس تعرف مصر.. <_< وان مصر هى ام الدنيا ..فمعقول ماحدش يعرف امه.

وكم خاب ظنى. :o . الراجل ماكانشى يعرف بالظبط مصر فين .. لكن عارف الفراعنة كويس وعلشان يدارى الاستياء اللى انا حسيته
سألنى كالعارف ببواطن الامور.. وأيه اخبار الجمال ؟
وسألنى ان كان عندى جمل او لأ?


بجد انشكحت.. كل الصور المنشورة عن مصر واللى موجودة فى اذهان الناس عبارة عن الاهرامات التلاتة وابوالهول ربنا يحرسه ..وحبة جمال تجوب المنطقة فى سلام. .وكان الله بالسر عليم

كان نفسى اصرخ فى الراجل وأأقوله اصحى. :angry: . فوق.. يا أبا.. انت بتتكلم على ايه ده احنا المصريين.. احنا اللى دهنا الهوا دوكوا ..وبيعنا القطاع العام بالتسعيرة الجبرية ..واحنا اول ناس خلينا للميتين قيمة وعملنالهم حق الانتخاب وكله بالديمقراطية

رديت عليه ..اه ..الجمال كويسة .. ومن باب الاحترام جاوبت ايوه عندى جمل اسمه حوحو

راح هابدنى سؤال فى قمة الذكاء
وياترى الجمل بتاعك بسنم واحد والا سنمين ?

قلت له فى الحقيقة الجمل اللى عندى موديل قديم بسنم واحد.. بس انا انشاء الله ناوى ادخله عمرة وازود عليه سنم كمان ويبقى بسنمين

فسألنى وده ممكن ?
قلتله آه طبعا.. ده انت على كده ماشفتش الجمل ابو 5سنم ده بقى آخر موضة فى الجمال

ازداد الرجل اعجابا ودهشة وقال wowوسألنى.. سؤال صعب
وكل واحد عنده جمل فى مصر? وياترى اللى ماعندوش جمل بيروح ازاى الشغل؟

قلتله ...عندنا اختراع اسمه الهودج.. وهو عبارة عن حاجة زى الكشك.. بنحطها فوق الجمل وفيها كراسى والهودج ده بقى يشيل من الحبايب 1000أيشى ناس قاعدة وناس واقفة وناس بتنشل.. وناس بتبيع امشاط وفلايات ولبان دكر
وآهو كله تلقيط رزق :D

وفى الهودج ده تلاقى عيل صغير بيلم الاجرة علشان سواق الجمل يأخد باله من الطريق وماينشغلش بمين دفع ومين مادفعش..وسوق على مهلك سوق ..بكرة الدنيا تروق


راح سألنى سؤال صعب يدل على انه فاهم وماينضحكش عليه :blink:

قلى طيب لو انا واقف فى الشارع.. وحبيت اشاور للجمل السرفيس ده ابو هودج.. ازاى الجمل حاينخ وينزل على ركبه علشان انا اركب ??? والا عملتلوه سلالم علشان الطلوع والنزول من على ضهر الجمل? :lol:

قلتله سلالم ايه ياجاهل احنا حلينا المشكلة دى بابسط مايمكن

قلى ازاى? :(

قلتله كل مواطن عايز يستخدم الجمل السرفيس ده.. يمسك فى ايده حزمة برسيم ويشاور بالبرسيم من بعيد للجمل السرفيس او كمان للجمل التاكسى :P

قوم الجمل يشوف البرسيم يروح رايح عند الزبون.... يروح الزبون حاطط حزمة البرسيم على الارض ..يروح الجمل بارك على ركبته ....يقوم الزبون راكب
ساعتها الجمل يكون لهف البرسيم ويقوم يكمل رحلته الميمونة




وفاتت سنين ..وسنين وعلمت ان الراجل اللى كان متخيل ان مافيش فى مصر غير بس اهرامات وجمال راح السراية الصفرا

مسكين اكيد اتتجنن بعد ماحكيتله عن الانجازات العظيمة اللى حققتها مصر بفضل الجمال

والله العظيم الموضوع ده جامد جداااااااااااااااااااااا.
وأنا دلوقتى فى دبى (بالأماره الساعه دلوقتى 6.36 ص) .
والناس هنا متعرفش عن مصر غير الأهرامات التلاته وفى ناس متعرفش حاجه عن مصر خالص ولا يسمعوا عنها .
هى دى الحقيقه إحنا بس اللى فى مصر عايشين الدور شويه.
دلوقتى التاريخ مبقاش يفرق.
وشكرررررررررررررا على الموضوع

موضوع لذيذ وحلو بس دايقني ان الراجل ميعرفش مصر
وقرأت موضوع زيه عن نادي الأهلي اول ما نزل فرنسا سأله اهلها انتوا منين
راح الفريق قالهم we come from egypt
وبعدين الفرنسيين قالوا
where is egypt
ده ان دل على شيء فإنما يدل على حاجة من 2
يا إما احنا مش مشهورين
يا إما الناس دي جاهله

وهنا عندي في السعودية (والأمارة انا ساكن في جدة شارع الأربعين امام مدارس منارات جدة)
ميعرفووش الأهرامات
كله اللي عارفينه ان المصريين بيفطروا ويتغدوا ويتعشوا فووووول
وده بجد فعلا

والله العظيم اللى بتقوله صح ياجمبووووووووو.
بس عندى فى دبى معظم الناس عارفين الأهرامات .
والفول هنا بيتباع رخيص فى معلبات العلبه ب2.50 درهم.
أنت عسل قوووووووووووووووى.

هههههههههه حتى الفول وصل السعودية يا نهار
اكيد هما الى جاهلين احنا مشهورين جدا جدا ويمكن مش واخدين بالهم الذاكرة ساعات بتخون

لا لا مش هما اللى جاهلين يعنى هيبقى دبى وجده ال2 جاهلين .
ده الفول اللى فى مصر عامل عمايله فينا.
وهنا فى دبى مكتوب على علبه الفول بالخلطه المصريه.

جميل جدا الموضوع

فعلا يا أحمد معظم محلات الفول والطعمية اللي عندنا تلا قي كل الموظفين اللي فيهم مصريين
ده يدل على عظمة أكلنا
بس صعب انك تلاقي محلات في مصر موظفينها سعوديين
وبيبيعوا كبسة
ههههههههههههه
:D :D :D :D :D :D :D

على فكرة انا كده جعت اوي
هههههههههههههههههه
:D :D :D :D :D :D :D

ههههه شكرا على تعليقاتكم

ياجمبوووو المصريين عايزين يكلوا فول ويناموا.وعلى فكره محمد صحبى هنا وساكن معايا فى نفس العماره (mohamed_oweis) بيقولى رحت أكل سندويتشات فول وطعميه كلت أربع سندويتشات طلعوا بـ 17 درهم يعنى 25 مصرى قلتله نبقى نجيب شويه من مصر نتاجر فيهم.
بصراحه بقى ياجمبوووووو 50% من المصريين عاجبهم حالهم مع إنه مايعلم بيه إلا ربنا ويقولك أحسن من غيرنا ومفيش أصلا حد أسؤ منهم كويس إنك قاعد فى جده أعتقد مفيش مقارنه بين دول الخليج ومصر.

ده رخيص عندكوا في دبي احنا عندنا بيتباع السانويتش بريالين
بس بيكون محبش اوي
هههههه


اطلاقا مفيش مقارنة

والله ياباشا الحاجه الوحيده اللى فى مصر حلوه هى الجووووووووووو المعتدل وغير كده ادلق.

ايه يا جدعان مصر مش عاجباكو فى ايه ان شاء الله
بس يالالالا

مش عايز اخرج عن الموضوع
وشكرا لك يا دمعة يا حزينة

ويالالالا بقى فى النكتة دى خلينا نقول نكتة
لو كان قال انا من دبى
ولا جدة
كان صاحبنا الكندى هيقول ايه بقى؟ :D

سابعا كون ان فى بعض الناس مش عارفه
مصر وهى فى دماغهم مرتبطة بكلمة الفول
فده عيب وجهل فيهم هما
وبصراحة نشكر من ردوا على الموضوع على الردود الاكثر من مستفزة :D

النكتة اللي عجبتني على السعوديين هي
مرة واحد سعودي قال للمصري:بتفطروا ايه
المصري:فول
السعودي:بتتغدوا ايه
المصري: فول
السعودي:بتتعشوا ايه
المصري فوووول
السعودي:ايه الفرق بينكم وبين البهايم
المصري :البحرالأحمر
ههههههههههههههههه
يا رب تعجبكم
:D :D :D :D :D :D :D :D :D :D :D :D

هههههههههههههههههههههههههههههه
حلوه يانجم

:lol: والله بجد موضوع دمه خفيف اوى و حلو مووووووووووووت


بس انا فاكرة ايام ما كنا فى دبى بابا كان بيقول لى انهم لما كان عندهم حمير (الاماراتيين يعنى) كانوا بيقولوا ع الحمار مصرى

و بابا كان حكالى حكاية مصرى الحمار دى

ههههههههه

ابقى احكيها بعدين احسن


بس الناس واخدة افكار عنا غريبة اوى


اننا فراعنة

ههههههههه


سلااااااااااااااام

فول يادي الفول ايه ده هوه لسه في ناس بتاكل الفول

يا ابني ده اكل ال حيوانات يع ؟ ده كلام واحد غبي من الخليج

احب بقي اقول لكل الناس ان الفول ده هوه اللي طلع منه احمد زويل و البرادعي و محفوظ و السادات

الفول ده هوه اللي بيبعت مدرسين يعلموا البهايم و اطباء يعالجوا اكلوا لحوم البقر و مهندسين يبنوا و يعمروا

الفول ده هوه اللي لما طالب مصري غبي جدا بيروح هناك بيطلع الاول و بجدراة

مش عيب كل ده و مش عاجب سبحان الله

علي فكرة ممكن ابعتلكوا سنتدويتشات من ابو ربيع :D

ههههههههههه

فول مين بليل كدة


ههههههههههه

انا برده بخصوصا الاكل ممكن ابعت لكم طبق كفتة و حالا لو عايزين يعنى
ههههههههههههههه
اى خدمة

و فى مكرونة برده


حد عاوز حاجة تانى


طيب
شكرا







ههههههههههههههه

يا ريت لو في مرجسية مسقعة يبقى كتر خيرك
ههههههههههههههههههههههههههه

شكراً يا دمعة يا حزينة على الموضوع

شديدة النكتة يا جمبو .. كنت نسيتها

يا جماعة ما حدش يسئ لحد

حيبقى ايه إحساسكوا لما تدخلوا منتدى خليجي مثلاُ ولقيتوه بشتم المصريين

يا ريت نحترم غيرنا علشان غيرنا يحترمنا

احنا مش بنقول غير الحقيقة يا strong man

فعلا بجد كل ما تتكلم مع حد في اي شات اجنبي وتقول انك من مصر لازم يسالك عن الجمال


ده غير طبعا الاسئلة العبقرية مثلا يعرف انك في كلية
يقولك انت برتوح الكلية بالجمل

فدايما تلاقي الحوار معاهم بيدور ويرجع للجمل

واعتقد ان ده غلط اكيد من وزارة السياحة .....................اللي عملت كده
اما للعرب اللي مش عارفين حاجه عن مصر
يبقي اكيد هما اللي اغبياء

ردا على الأخت hkk_happy
نرجوا كتابه حكايه الحمار المصرى
ودول الخليج دى وخده عن مصر فكره وحشه أنا فى دبى دلوقتى هما مش عارفين عنا غير الأهرامات
وفى ناس متعرفش حاجه عنا.
التاريخ دلوقتى مبقاش يفرق.
وعايزين شويه سندويتشات فوووووووووول

يا ناس يا عسل الفووووووووووووووووووووووووووووووووووووووووووووووو ووووووووووووووووووول

وصل اتفضلوا مددوا ايديكوا بالهنا و الشفا

الحساب بأي = 300 جنية

مين اللي هيشيل المشاريب ؟؟؟ !!!!!!!!!!! هاهاها


شكلكم كدة مقحطين و انا اللي هتدبس :(

علي فكرة مش هجيبلكم جاحة تاني :)

يابنى دة حتى الفول بيقوى العقول ويربى العجول دة المصريين لو مكلوش فول بيحصل لهم حاجة

يا جماعة خلوا الفول عليا وهجبلكوا معاه حاجة اسمها تميس موجودة في جدة بس بيعملوها الأفغان بس بجد فوق الوصف لا تقولي فطير مشلتت ولا أي حاجة
وعايزين حد ينزل موضوع عن الفوووووووووووووووول و الطعمييييييييييييييييية
هههههههههههههههههههههههههههههههههههههههههههههههههه ههه
ويا ريت انت يا هابي

انا حاسة ان حكاية الحمار دى هتكون بتاعت جحا والحمار وابنة



انا مبسوطة ان لقيت موضوع يجمعنا كلنا وع بعض بس مكنتش اتصور انه الفول والطعمية فعلا الفول والطعمية لهم سحر غريب على المصريين

الفول والطعمية اساس المصريين ولا ايه رأيك يا فتاة الأسلام

انت وبور سعيدي