|
نقاش وجدال .......بدون احتيال...متجدد
هنا وبس مش عند اى حد تعالى هنا وبس
نتناقش فى كل حاجة حتى نصل للحلول نطرح موضوع اسبوعيا يبدا يوم الجمعة وينتهى الخميس نقاش وجدال بدون احتيال يكشف كل الاسرار بدون احتيال تحيااااااااااااتى ,,,,,,, متجدد.......... |
موضوعك جميل
بس اول موضوع مش هينفع نتكلم فيه بتاع حسن نصرالله لان من قوانين المنتدى اقتباس:
وبناءا عليه هيتم تعديل الرد اللى فات وممكن تتكلم فى اى موضوع تانى دمتم فى رعاية الله |
اقتباس:
شكررررررررررا خلاص انا بقول اى حد يدخل يرشحلنا موضوع للنقاش شكرا دمتم فى رعاية الله |
يا جماعة انا عايزكم ترشحولنا موضوع جامد جدااااااااااااا
شكررررررررررا |
اقتباس:
طب بص أنا فيه موضوع شاغلنى من فترة كبيرة أوى وامباراح بعد ما كتبته وطلع عينى فيه مسحته تانى ايه رأيك نتناقش فى قضية بيوت الدعارة اللى بقت دلوقتى تقريبا موجودة فى كل مكان فى مصر أنا اللى صدمنى وهزنى وخلانى حابب اتناقش فى القضية دى عرفت كام زميل ليا كده للأسف بيرحوا الاماكن دى مع انى كنت فاكرهم على خلق عالى ايه رايك ؟؟ |
موضوع جميل جدا
وفكرته جميله لانه بيعلمنا الايجابيه في التفكير ليس فقط لعرض المشاكل بل محاوله ايجاد حلول لها وانا بقترح مناقشه قضيه الاعلام المصري وما ال اليه |
اقتباس:
طبعا مينفعش نتكلم فى موضوع زى ده متنساش ان فى هنا بنات اخواتنا ومينفعش طبعا يقرو او يتكلمو فى حاجة زى دى شوفو موضوع كويس نتكلم فيه دمتم فى رعاية الله |
اقتباس:
ونا هبدأ بالكلام فيه اولا لو هنتكلم عن الاعلام المصرى هنقول سلبى جدا معظم الاخبار اللى بنشوفها مكذوبة وارقامها متفبركة وكل اللى على الاعلام افلام وبرامج ملهاش اى لازمة وبتضيع الوقت على الفاضى فى برامج بنستفيد منها فعلا وبنعرف ايه اللى بيحصل فى الدنيا انما الاعلام بوجه عام اعلام عوالم كله بيتكلم عن الفنانين الفنان راح الفنان جه الفنان سافر الفنان مات انما لو قضية مهمة الاعلام طبعا يقول عنها قشور وبيضلل الحقائق وهى سياسة بلد ونرجع نقول الاعلام فى التمام وسمعنى احلى سلام اعلام ايه بس دا كله كلام فاضى ربنا يصلح الحال |
اقتباس:
هو ايه اللى صور وفيديو أرجوك بلاش الطريقة دى فى الكلام معايا وليه مينفعش نتناقش فيه ؟ لا منستش يا محمود ان هنا فيه بنات اخواتى بس البنت المثقفة أكيد عارفة كل القضايا دى كويس أوى وممكن تكون عارفة ده أحسن منى ومنك وبعدين انت ليك الحق تعترض لو كان هيبقى فيه كلام خارج فى الموضوع وبلاش المنطق ده (ومينفعش طبعا يقرو او يتكلمو فى حاجة زى دى ) ليه يعنى ؟ اى حاجة انت من حق تتناقش فيها او تتكلم فيه او تقرا عنها ده برده من حق اى بنت وانا كان هدفى من النقاش فى الموضوع ده التوعية بمشكلة موجودة فعلا فى مجتمعنا لا اكثر ولا أقل شوفو موضوع كويس نتكلم فيه ما تشوف انت بقا من انت اللى بتقول ده وحش وده حلو سلام |
اقتباس:
اظن فى موضوع اتطرح للنقاش اسمه الاعلام ياريت نتكلم فيه وكفاية علشان منخرجش عن الموضوع اكتر من كدا واعتبرنى مقولتش اى حاجة دمت فى رعاية الله |
جميل الموضوع ده يا وفاء وأنا من رأيى أن الأعلام عندنا أتقدم عن زمان ممكن يكون فى سلبيات لكن أحنا دايما كده نسيب الحجات الأجابيه ونبص بس عن السلبيات لا ممكن نتكلم عن الأثنين لأن دلوقتى بقى الأعلام المصرى بيهتم بقضايا المجتمع أكتر وبيهتموا بمشاكل الشباب أكتر وحاجات كتييييييييير كويسه يعنى لسا فى أمل النيا مش هتقف عند برنامج ولا أتنين
|
اقتباس:
أوكى مينفعش طب كويس انى معملتش الموضوع اللى كان فى دماغى أحسن كان يتقال عليا قليل الادب ولا حاجة واعتبرنى انا كمان ما قلتش اى حاجة اتمنالكم مناقشة طيبة فى إعلام العوالم ( كما سميته انت ) |
اقتباس:
وتقريبا احنا بنتناقش فى موضوع الاعلام |
اقتباس:
طبعا موضوع جميل جداااااااااااا يلا بقى مستنى التفاعل |
اقتباس:
وبلاش خلافات من اولها |
اقتباس:
ونا اصبحت لا اتابع اى برامج الا احيانا القاهرة والحياة اليوم |
اقتباس:
|
اقتباس:
|
اقتباس:
ما تعمل ياعمى حد قالك حاجة :) والحوار ده مكنش خناق ربنا ميجبش خناق :abdoog8: |
اولا خلاص يعنى حصل خير ياريت يكون النقاش فى اسلوب اهدا من كده وخلاص يعنى مهما كان احنا كأاسره واحده ولا ايه
وموضوع الاعلام مش سيىء ولو اتكلمنا مبدئيا عن الاعلام المصرى هنلاقى ان الجانب السلبى اكتر من الجانب الايجابى ولو اتكلمنا عن مدى ثقتنا كمواطنين فى اعلامنا قد تكاد معدومه ليا عوده تانيه بعد تفاعل الاعضاء مع الموضوع:bosyht9: |
والله انا في رأي ان الاعلام في مصر بالنسبة للقنوات الارضية يعني لا يعطي الحقيقة كاملة "لان من وجهة نظره انه كده يخض المواطن"يعني كله بييقي مش كدب لكن مش الحقيقة كاملة
الا طبعا في بعض البرامج التي تكون لها شهرة مثل البيت بيتك وده راي ممكن يكون صح او لا |
اقتباس:
|
اقتباس:
|
اممممم مع احترامى لصاحب الموضوع عندى تعليق بسيط عالفكرة نفسها دلوقتى القسم العام معمول عشان يتناقش فيه المواضيع المختلفة ومن غير ما نحط حدود ان الموضوع لازم يخلص ف فترة معينة ف ليه نربط افكارنا بموضوع واحد نتناقش فيه ولو فيه اكتر من موضوع فكرته اتحطت يبقى لازم نستنى واحد واحد يخلص واحنا عندنا قسم كامل لده وممكن نناقش فيه المواضيع كلها ف نفس الوقت :confused: |
اقتباس:
ساعة ما بتردي يا مس بحس ان انا اللي بتكلم تصدقي اني كنت داخل أقول الكلمتين دول ده نفس ردي ف الموضوعات اللي هيا بتكون فكرتها تقليص القسم في موضوع واحد بالرغم من ان الكويس في الفكرة دي انها بتفرض التزام ومتابعة اكتر من اننا ننزل مواضيع بصفة يومية لكن بردو نفس الفكرة وهيا تقليص القسم في موضوع واحد والفكرة بتاخد يادوبك تلت اربع خمس ايام بالكتير وبتموت نرد بقي بالنسبة للإعلام فأجمل ما فيه سياسية " لازم نطري ع الشعب " يعني مثلا لو غلطوا في يوم من الأيام وجابوا فيلم ثوري مثلا زي بريف هارت مثلا او الافلام اللي بتتكلم عن البحث عن مكان في العالم وعن قيمة في العالم ( طبعا أجنبية كل الروايات دي ) لازم يجبلك بعديها اي حاجة تفرفشك عشان تضيع ثورتك او غضبك يعني مثلا يجبلك ساعه لقلبك يجبلك واحد بيقول نكت ملهوش لزمه في الحياة يجبلك شارلي شابلن اي حاجة المهم يطلعك من المود ------------------------------------------------------------------------------------------------- كمان بالنسبة للبرامج السياسية ياسلاااااااااام ع الجراءة بتاعت النااااااااس ياسلام ع الناس الشجعان والله ياجماعه 99.9 % تواطئ مع الأمن غرضهم انهم يفرغوا طاقتكم ويقولوا اللي الشعب عايز يقوله عشان لو الشعب قاله ممكن يحصل خساير لكن لو واحد طلع وقال الكلمتين اللي نفسنا نقولهم يااااه نقعد نصقف ونقول راجل والله وخلصت الحدوته وننام مبسوطين ومنشكحين جداً ------------------------------------------------------------------------------------------------- بالنسبة للبرامج الحوارية ياااه لذيذ عبقري البرامج الحوارية مفيد فوزي اللي أصلا معوق في الكلام وطريقته ولا تشد ولا أي زفت استغفر الله الواحد والله بياخد ذنوب لما بيتفرج ع الشخصيات الزبالة دي مش فاهم انا واخد مساحة علي ايه ولا أدب ولا دين ولا أخلاق ربنا يرحمنا ولا بيفيد المجتمع بأي حاجة .. قال حديد السفينه قال " حديث المدينة " ------------------------------------------------------------------------------------------------- ياسلام ع الإعلام الديني .. منهم اللي بيتكلم في نطاق ندخل برجلنا اليمين ولا رجلنا الشمال .. ونطاق تاني غرضه سبوبه وبس وعمال علي بطال يتكلم في أييييييييييييييي حاجة غير النظام الحاكم .. والجبة الباقيين بيعمل كل حاجة ف الدين او تلت ارباع اللي ف الدين إلا انك ساعة ما تقوله الجهاد في سبيل الله ( داخلي وخارجي ) تلاقيه بيقولك انت كافر واطيعوا الله واطيعوا الرسول وأولي الأمر منكم :D هههههههههههههه ياسبوبجيه يا ولاد الإيه والمصيبه انهم واخدين قطاع كبير من الناس اصحاب القلوب النضيفه والله لان الدين أسهل طريقة ممكن الإنسان يوصل بيها لقلوب الناس ( طريقة نابليون ) ------------------------------------------------------------------------------------------------- الإعلام الرياضي ههههههههههههه والله ما يستحق اني اتكلم عليه عالم هايفه والله عمالين نتكلم في ازمة ماليه واستراتيجيات تفكير وقوانين دولية وحقوق إنسان وهما لسه بيقولوا يااااه الجون ده حلو وفيه فكرة وعمالين يحاربوا ويشتموا في بعض علي أساس ان الكورة هيا اللي هتصلح البلد وهتقيم نهضه حضارية رائعة لا حول ولا قوة إلا بالله ربنا ينتقم من كل هايف والله عشان ضغطي بيعلي كل ما اشوف شحط كبير كدا بيتكلم في حاجات ولا بتفيد ولا اي زفت وواخدله ساعتين تلاته علي الشاشه يتكلم في اللي ملهوش لزمه ف الحياة ------------------------------------------------------------------------------------------------- بالنسبة للأفلام ياسلاااااااام كل الأفلام بتصب في مصب واحد وهوا ان الريس ده جميل والحكومة دي زفت وبتوع مجلس الشعب بس هما اللي وحشين وشياطين الله في الأرض وقال الريس ده ياعيني قاعد يفكر ويخطط طول النهار والليل ازاي يخلي الشعب مبسوط يجبله بلالين ولا يصرف مورجيحه لكل مواطن مع التموين والحكومة الكافرة الداعرة المارقة المفندشه المعلونه في الأرض وفي السماء هيا اللي بتعمل كل الكلام الوحش ده من ورا الريس والريس ياعيني عايش في بنجلاديش ميعرفش حاجة والمصب التاني اننا نضحك وبس ومنستفدش اي حاجة ف الحياة ويحطلك كلمة واحدة - والمشكلة انها تبقي هايفه -بس تلاقي الممثل لزق وشه في الكاميرا الأماميه وبقي مالي القدر ولسانه وسنانه لازقين في العدسه وعمال يقول الجملة بالبطئ " الحب لا يُكيل بلقلقاس " أن أن تاااااخ وبكدا تبقي حكمة الفيلم أما المصب التالت يقولك انا بنقل الواقع .. تنقل واقع ايه ياغشاش بص في واقعك قال يعني انت اللي قاعد تتعبد في المساجد وانت سيدنا يوسف يعني .. سواء كان خالد يوسف ( مع ان الراجل مشكور كان متوسطلي في حكاية كدا والله ) :D او كان يوسف شاهين الله يجازيه ------------------------------------------------------------------------------------------------- بالنسبة للمسلسلات اجمل حاجة انهم عمالين يضيعوا في عمر الناس وخلاص والناس تقعد تتفرج ع المسلسل ومشدودة ولا كأن واحد بيقول ياجماعة دي رسالة إلهيه باعتهالكم ربنا من خلال المسلسل .. لاء ويخلي الناس تعيط وهوا قاعد يشرب ويسكر ويفرفش والناس قاعدة ياعيني تعيط وتقول ياحول الله ده ماما نونا ماتت :d ------------------------------------------------------------------------------------------------- بالنسبة للأغاني يااه عبقرية فعلا أي عيل ماشي في الشارع ومثلا صوّت ولا هرش في ودنه او اتخبط وقال آي بمياصه شوية يبقي فنان خلاص .. والله العظيم ببقي عايز - اسف في التعبير - أقلع الجزمة واضرب التلفزيون من المناظر المقرفة اللي بشوفها ------------------------------------------------------------------------------------------------- م الآخر الأعلام هو الاحتلال بتاع البلد ويوم ما هنتخلص من الإعلام البلد دي هتتقدم لان الإعلام اقوي من التعليم واقوي من كمل شئ في البلد الإعلام هو وسيلة التغيير .. وبالرغم من ان شغلي مفروض انه مرتبط ارتباط وثيق بالإعلام إلا اني دايما ببصله نظرة احتقار لكن هتعمل ايه هوا اللي شغال ف البلد ------------------------------------------------------------------------------------------------- يلا عالبركة واسف لو طولت والحمدلله اني مبطل اتفرج ع التلفزيون المصري ومش بتفرج عليه غير بالصدفه لما احب اضحك واسخر من حد افتح التلفزيون المصري اتفرج علي أحلي عاهات وبعدين اقلب اشوفلي أي فيلم ثوري اي فيلم اجتماعي كدا الواحد يفهمله كلمتين مش يقعد يتضحك عليه ويحس انه قاعد علي مصطبه بلدى ربنا يشفيك يا دوكتور مصطفي محمود آخر حاجة سمعتها وحسيت بالاحترام والعقل والفايدة فيها كانت منه ربنا يشفيه يارب ويبارك في صحته |
ههههههههههه رغم بردو اعتراضى على فكره الموضوع نفسها و انا فاكر ان اساسا من فتره كده اتعملت واحده زيها و حتى اتثبتت فتره بس الاقبال عليها قل و ده وضع طبيعى و بردو عمو عصام عمل موضوع عن نفس الفكره المهم بس انا خلانى ارد انى عايزه اعلق على الرد التحفه ده بتاع احمد رضا:d المهم بس انا حعلق على شويه حاجات كده :romarioxp6: اقتباس:
لاء و الله يا احمد انت كده لو بتتكلم يبقى عن الاعلام اللى هو الخاص اما بقى بتاع عمو انس فلسه بيقول و عشان كده احنا اخترناه :d و اساسا وقت البرامج السياسيه فيه قليل جدااا لا يكاد يذكر و الله انا فاكره برنامج كده سمعت منه حلقه مش فاكره اسمه المهم ده كان كل حياته الرؤساء اللى فاتوا السادات عبد الناصر و لا سمعتله كلمه عن بابا حسنى اما عن البرامج التانيه السياسيه اللى هى على القنوات الخاصه فبطبيعه الحال يعنى مش الناس كلها بتفهم فى السياسه فطبيعى انها بتحتاج لحد يقول حصل كيت و كيت امممممممم اللى عايزه اوصله انه مش غلط ان واحد بس اللى يطلع يتكلم و الناس تصقفله الغلط انه و هما يقفوا على حد الكلام :) اقتباس:
بهدلت الراجل حرام عليك مش تنسى تقول كفاره المجلس طيب :d المهم بردو بتتكلم على عمونا انس تانى لو جينا مثلا لحاجه زى العاشره مساءاً او القاهره اليوم مع انى مش بحبه البتاع ده يعنى تقدر تقول انهم بيحترموا تفكيرنا اللى حد ما و عايزين يعملوا حاجه و ده شئ اساسا نادر ان الواحد يشوفه دلوقتى و يستحق التشجيع :) اقتباس:
حاسه و الله اعلم انك بتتكلم على فكر واحد اللى هو الفكر السياسى الدينى او بمعنى اصح الاخوان المسلمين و انا بجد معاك فى حته الجهاد و كل حاجه بس بالمنطق دلوقتى هل احنا حنقدر او وضع البلد و الحال العام كساسه او حكومه او نظام بوجه عام هل اللى حيقول يا جهاد حيبات فى بيتهم طبعا لاء و الف لاء يبقى ايه الحل المنطقى الوحيد نرجع للدين و لو حتى لبعضه يبقى كويس اوى اوى مجرد الحركه الاسلاميه للتوعيه اللى مش بتهدف لاى اهداف سياسيه و ده تقريبا اللى بنشوفه على قنوات كتير زى الناس و بحبها رغم الهجوم اللى عليها و بردو الرحمه و قناه عفاسى دى اللى بعشقها :d و اعتقد انى سمعت ان هو ده الاتجاه اللى متاخد فى تركيا و يعتبر اكبر حركه تعليميه و تنميه هى الحركه الاسلاميه هناك فاللى بتكلم عليه ان حاليا و فى الظروف الحاليه الاحسن اننا ننضف اللى جوه الاول و بعد كده الشعب نفسه حينضف اللى فوق :) اقتباس:
طبيعى مليش انا فى الحاجات تى :d بس ساعات بابا بيجبرنى اسمع شوبير ياااااااه بحس بكميه ذكاء فظيعه :d موافقاك فى كل كلمه فى الحكايه دى :d:d:d ------------------------------------------------------------------------------------------------- اقتباس:
اكيد اكيد انا بجد بجد بجد نفسى فى فيلم عربى وحيد يوحد ربنا مش فيه قصه حب بجد قعدت مره افتكر فى واحد مش لقيت غير بتاع الخلفاء الراشدين القديم ده اوى حتى الشيماء حرفوا القصه و خلوها بتغنى و حاجات عجيبه اساسا :d و احلى حاجه سمعت ف برنامج واحد متصل بيقولك الاغانى طبعا مش حرام المذيع ساله ليه قاله هو مش الشيماء كانت بتغنى :d:d:d ربنا يهدى بجد اما بقى عن الافلام الساسيه الفظيعه بتاعتنا بجد هبل مجموعه من الافيهات انا شاكه اساسا انها ليها علاقه ببعضها و بتدور حوالين تجميل النظام فقط و تلاقى ناس كتير فى الاخر مقتنعين بنفس الحكايه و يقولك البطانه الفاسده و البطانيه السوده و حاجات عجيبه :d ولما حبوا يعملوا فيلم عن الفتنه الطائفيه راحوا بوظوا الدنيا اساسا خلوا الست اول ما عرفوا انهم مسيحين راحت لبست نقاب و البنت لبست الحجاب على اساس انه مش كان مفروض عليهم قبليها :d و الله عالم غريبه اوى انا الفيلم كله قاعده اضحك اساسا :d:d:d اقتباس:
لاء فى المسلسلات حدث و لا حرج بس صراحه و الله الناس بتصعب عليا يعنى ناويين يضيعوا وقتهم و خلاص قرروا يروحوا يضيعوها فى حاجه تتشاف اساسا يعنى بتاع الملك فاروق ده كان ممكن يتسمع يعنى اما الحاجات العجيبه التانيه دى و الله الواحد ما عارف يقول عنها ايه على رايك ماما نونا ماتت بس هى مين نونا تى :d اقتباس:
اغانى شعبيه بقى مش بتحترم انت الفن الجميل :d اقتباس:
هو الى حد ما كلامك صح بس للاسف كل اللى بيشتغل هناك مفاهيمه اساسا غلط و شغله فى الغلط و نتيجته غلط و مش حينفع معاهم نصيحه و لا دراسات و لا اى حاجه دول عايزين قنبله نوويه :d يلا بس كفايه كده عشان انا كتبت اكتر من الرد اساسا يلا فدايا فدايا :d:d:d فى رعايه الله |
انا رايي ان الاعلام زى المثل الى بيقول الشئ الى يزيد عن حده يتقلب ضده
هو ده الى بيحصل بالظبط الموضوع لما زاد وتقريبا كل حاجة متاحة فتقلب ضد هدفه الاساسي اشكرك على التوبيك في رعاية الله |
اقتباس:
|
اقتباس:
|
هي مبدئيا فكرة الموضوع حلوة بس مش عايزين ندخل من اولها في نقاش من غيرهدف و محمود طه كمان داخل شادد حيله في الموضوع :) بالنسبة للاعلام اولا حضرتك تقصد اي اعلام : العام و لا الخاص السياسي و لا الديني و لا الفني ولا الغنائي و لا المسابقات .. كل ده اعلام بالنسبة لاعلامنا الحكومي مفيش تعبير غير انه take-away بمعني اصح كلام فاضي نصحي الصبح صباح الخير يا مصر.. البرنامج ساعتين منهم ساعة اغاني وطنية و بعدين بيرنامج فني و بعدين مسلسل و بعدين نشرة الاخبار و يليها اعادة المسلسل و هكذا في دايرة مفرغة بالنسبة للاعلام الخاص اقل سوءاً شوية فيما عدا اعلام الفيديو كليب .. اجارك الله بالنسبة للاعلامر السياسي فتقريبا مابنرساش علي بر قناة المنيرة - قصدي الجزيرة :d بتقول حاجة و قناة العربية بتقول حاجة عكسهم و قناة ماعرفش ايه مش في بالها و مقضياها اخبار رياضة !! بالنسبة للاعلام الحواري ممكن بنطلع منه بشوية حاجات نافعة مثلا 90 دقيقة و العاشرة مساءا و غيرهم و كمان القاهرة اليوم مع اني ما بحبش اسلوبه و اعلامنا الرياضي عظيمة يا مصر دي الحاجة الوحيدة اللي بتجمعنا علي متش او حتي علي تعليق.. و طبعا اعلام فوق العارضة بكام ياردة يعني مالوش فيها خالص يعني نهاية الكلام المحصلة فوق الصفر بحاجة بسيطة :( سلام |
اقتباس:
تانى |
اقتباس:
|
اقتباس:
قريته كله |
اقتباس:
تحياتى ,,,,,,,,,,,,,,,, |
اقتباس:
|
اقتباس:
يلا شكرا على ردك الجميل |
يا جماعة بمناسبة الاعلام
حد يعرف هو فيه عيد للاعلام ولا لا؟؟؟؟؟ ولو فيه بيبقى يوم ايه |
هههههههههههههههههههههههه
ياراجل بطل ايه ويوسف مين انا اتَرَفّع عن ذلك :p هيا كانت شغل مصالح ناصري بقي ياسيدي تقول ايه :d -- بالنسبه للباقي فوبعدين يعني لما يقول واحد كدا بنضيع علي نفسنا فرصه للتغيير بيفرغوا طاقة الشعب منطق غلط اللي انت معتقد بيه ياباشا :) ليا رد تاني ان شاء الله بس ف وقت تاني شكرا للاهتمام |
اقتباس:
من اين لك هذا؟؟؟؟؟ نرجو من نيابة الاموال العامة التدخل ومحاكمة الملياردير احمد رضا وشركاه لا لنهب اموال الشعب :o:o:o:o:o:o:oالشعب طبعا بهزر ومستنى مرورك الجاى رغم انى شاكك انك انت اللى بتمثل الفيلم بتاع دكان شحاتة مع هيفا ده ههههههههههه:049gc0: |
انبدا نتكلم بقى في موضوع جديد ولا ايه
اناهردة الخميس |
باذن الله يابروف من النهاردة باليل
بس ادينا ناقشنا السلبيات عايزين بقى الحلول |
انا مقلتش رايى فى الاعلام لحد دلوقتى
يا جماعة انا بقى رايى مختلف تماما انا رايى ان اعلامنا كويس الى حد ما يعنى عندنا برامج شاملة كويسة زى 1-القاهرة اليوم 2-البيت بيتك 3-الحياة اليوم 4-90 دقيقة 5-العاشرة مساء كذلك فيه برامج كويسة على القنوات الارضية زى حالة حوار من خمسة لستة حديث المدينة اما الاعلام الرياضى فالقنوات الفضائية تتفوق كالعادة على التلفزيون المصرى فهناك القاهرة اليوم للدكتور علاء صادق والكورة مع شوبير لاحمد شوبير واستاد مصر لمدحت شلبى و استاد النيل لخالد توحيد والرياضة اليوم لخالد الغندور وستاد ستوديو لحازم امام واما الاعلام الفنى فهو الاسوء كله كلام من غير فائدة مش عارف مين اتجوز ومين طلق ومين سافر ومين رجع والحصيلة الفنية صفرررررر ومنتظر الحلول تحياتى جزاكم الله جميعا الجنة |
اقتباس:
عاجبانى جداا الحتة دى خصوصا البلالين وبنجلاديش :d |
متاسف لغيابى
لان النت فصل يومين ونكمل الحديث |
تصدق انت ميه ميه فى مواضيعك
كل موضوع والتاني مصيبة طيب بص بقى انا ساعة متكلمت فى موضوع حسن نصر الله فى ناس زعلت منى وانا مش عاوز ازعل حد منى فانتم تقوموا بالواجب وكفاية انت لوحدك يعنى تقوم بالواجب وزيادة بس مش عاوز زعيق علشان صوتنا ميطلعش بره الموضوع ولو عوزتوا حاجه انا عنوانى ميتوهش يالا سلام عليكم |
اقتباس:
|
اقتباس:
:friendsxs3: |
همممممممممممممممم
انت بتستفزنى على ما اعتقد طيب نقول الصراحه الناس اللى زعلت منى مش زعلت علشان انا جبت الحقائق اللى على الكيان المسمى بحزب الله وهو اسم على غير مسمى و وامينه العام هم مزعلوش منى علشان كده بالعكس هم زعلو منى لانى سيبت الموضوع ومكملتش ردودى وجيبت بقيت الححقائق ورديت بالعقل قبل الشعارات عرفت السبب من انهم زعلو منى مش قولت بلاش اتكلم احسن ملحوظه صغيرة بس انا اخر واحد ممكن استفز فى الدنيا يالا سلام عليكم |
اقتباس:
استفزاز على فكرة انا لو عندى حاجتين متميز فيهم 1- الاقناع 2- الاستفزاز وانا مبحبش استخدمه كتير المهم يلا قول رايك فى موضوع الاعلام |
اشك انك ناجح فى الاتنين اللى انت قلت عليهم
اولا الاقناع : انت مستطعتش تقنع ولا واحد فى منتدى ملىء بالاعضاء كهذا برايك ثانيا الاستفزاز: وده انا متاكد انك مش متميز فيه دور على حاجه غيرهم سورى ده رايى |
| جميع الأوقات بتوقيت GMT +2. الساعة الآن 01:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.