|
معلش .. البنت محجوزه و الولد محجوز .. دور على حد تاني !!
بسم الله الرحمن الرحيم السلام عليكم ازيكم يا اخواننا؟ وحشتوني كتيييييييييييييييييير و ايه اخباركم و و اخبار مذاكرتكم و شغلكم؟ و اخبار انفلونزا الخنازير اللي انتشرت دي؟ بقالي كتير اوي مش بكتب مواضيع ولا مشاركات من اساسه .. بس اهو قولت ادخل اشقر عليكم قبل الاحتجاز الرسمي للامتحانات :av4056bb7jp3: نهايته == الموضوع ده جايز يكون فيه ناس كتير اتكلموا قبلي فيه بس انا مخنوقه من الموضوع ده و عايزه اتكلم فيه من كام يوم كنت بقرأ الجرنال بتاع يوم السبت تحديدا باب رسائل خاصه جدا و كان فيه بنت في العشرينات كانت باعته مشكله و بتقول انها عندهم العادات بتاعة البت محجوزه لابن عمها و الواد محجوز لبنت خاله و بتاع و بتقول ان هي اتعرفت على شاب في الجامعه و كان مناسب ليها اوي و بعد ما اتخرج جه اتقدم لها كذا مره و ابوها رفض عشان مش لازم تطلع بره العيله .. !! مع ان الشاب من حقه يطلع بره العيله !! == ده مجرد نموذج من النماذج اللي بنشوفها و بجد حاجه غريبه بستغرب انا اوي -و ببقى متعاظه في نفس ذات الوقت- من الاب اللي مش يرضى يخلي ابنه يتجوز واحده من بره العيله (بيحافظ على النسل باين كده) و ممكن يكون الولد مش متقبل البنت اللي اختارهاله دي و برضو نفس الموقف مع البنت (ازااااااي تطلع بره العيله .. انت بتهزر ولا ايه) و برضو الام اللي لازم ابنها يتجوز من عيلتها ( مش مهم عيلة ابوه ولا مهم الولد حتى ) .. طبعا طبعا ابني لازم يتجوز بنت اخويا .. انت عايز تقطع رجل اخوها الوحيد من البيت ! لا يا راجل مايصحش !! و تلاقي الولد مش عايز البنت دي .. او مش مناسبه له او مش بيحبها و بيحب واحده تانيه .. و للأسف بيروح هو ضحية كل ده و البنت نفس الكلام و اغلب الزيجات دي بتنتهي بالفشل بحس ان الولد و البنت بيوافقوا (تقضية واجب) طيب ليه كده يعني يا جماعه الأذى ده .. هي العادات دي هتفضل منتشره في مجتمعنا لحد امتى ؟! ماشي ان الواحد يتجوز من جوه العيله كويس اهو معروف .. بس مش قاعده و مش ضروري و مش شرط يكون اللي جوه العيله احسن من اللي بره .. ممكن يكون العكس محدش عارف ثم انه مافيش حد كامل بنسبة 100% و على فكره الكلام ده مش في الصعيد و بس لا ده في كل حته .. عادي جدا !! بجد جميل جدا ان البنت تتحجز لابن عمها و الولد يتحجز لبنت خاله .. و ده على اساس انهم عربيه ولا سويت في فندق !! امال فين اتباعهم لكلام الرسول صلى الله عليه و سلم - فيما معناه لاني مش حافظه الحديث- (اذا جاءكم من ترضون دينه فزوجوه) خلاص بعد كده اي واحد قبل ما يحب حد يسأل الاول هي محجوزه ولا لأ اسفه للإطاله و اتمنى يكون الموضوع عجبكم :) |
مش عارفه والله
يمكن يكون الموضوع ده منتشر في طبقه معينه لكن ماظنش انها منتشره جداا في الفتره دي على العموم رئي ان في الحاله دي اولا البنت ماتخليش اي ولد يحبها قدام عارفه ان القانون ده منتشر في العيله والحل التاني انها تحاول تتفاهم مع عليتها يمكن ربنا يهديهم شكراا في رعاية الله |
السلام عليكم ورحمة الله وبركاته
هو موضوع جميل يا بوسى ويستحق فعلا المناقشة يا ريت طبعا العادات دى تتغير وما يكنش فى ارتباط بين اى اتنين الا اما يكون فى موافقة بنسبة 100% بين الطرفين لان الارتباط اللى بالنوع دة بيولد مشاكل لا حصر لها بعد الجواز ممكن هو يدور على اللى كان عايزه بره وهى تتخنق من العيشة دى وتبدأ بقى المشاكل اللى مش هتتحل بسهولة خااااااااااااااااالص فياريت كل الناس تتجنب ان هى تعمل مشاكل بلا داعى لاولادها مشكوووووووووووووووووورة على الموضوع:) |
اقتباس:
انا قولت راى محتمل الصواب والخطا شكرا جزيلا لحضرتك على الموضوع جزاكى الله خيرا فى رعاية الله |
اقتباس:
اشكرك على التوبيك في رعاية الله |
اصلا جواز العائلات انا مابأيدوش
ودا لإن ساعات بيبقي في خلافات .. لإن طبعااا مافيش جواز من غير خلافات وخلافات الاهالي مابينها ومابين بعضها بتبقي زي الزفت لإن انا نفسي اخويا برده خطب بنت عمته وفشكله والنتيجة ان العيلتين منقطعين عن بعض غير كدا اصلا زواج العائلات من بعض دا بيسبب مخاطر صحية زي ماحنا عارفين وهيا مش ناقصة بقي ! |
شكرا يا انسة على الموضوع
|
هو لسه فيه كده لحد النهارده
هههههههه موضوع رائع على فكرة |
وعليكم السلام ورحمة الله الحمد لله كلنا تمام :::::::::::::: بالنسبة للموضوع اتكلمنا فيه كتير قبل كده وفى الاول وفى الاخر بنقول البنت زى الولد مش كمالة عدد وكل شىء بالخناق الا الجواز بالاتفاق اولا انا مش مؤيد لزواج القرايب ده نوهائيا مفيش حاجة اسمها البنت محجوزة والكلام بتاع الجاهلية ده على اساسا انها كرسى فى قطر ومحجوز خلاص فين حقوق الانسان فى ده دا يبقا زواج بالاكراه الرسول قال حديث فيما معناه ( اذا جاءكم من ترضون دينه وخلقه فزوجوه ان لم تفعلو تكن فتنة فى الارض وفساد كبير ) فمن المبدأ ده مينفعش الجواز يبقا بالطريقة المتخلفة دى دى عادات جار عليها الزمن مينفعش نطبقها دلوقتى لازم الزاواج يكون مبنى على التكافوء والتراط وانسجام الروحين مش اى حد نجوزه لاى حد وبعد كدا نقول يا ريت اللى جرا ماكان مش عارف الناس دى بتفكر ازاى ربنا يهدى دمتم فى رعاية الله |
ربنا يكون فى عنهم هما الاثنين
|
بس انا رايى ان المفروض ان البنت هيه الى هتتجوز مش باباها ولا ماميتها يعنى البنت متوفقش مهما حصل
|
الموضوع ده فيه شبه من موقف زي كدا في تمسيلية الحج متولي
|
الكلام ده كان زمان
طب مثلا لوابن عمها ده اصغر منها ومفيش غيره حتعمل ايه وتقريبا مفيش بنات دلوقتى او ولاد بيقبلوا الكلام ده وشكرا على الموضوع |
اقتباس:
تجوز اخوه الكبير هههههههه ولا بلاش في حل تاني حلو برضو تجوز ابن خالها ولا اقولك متجوزش خالص احسن لحد ماتعنس |
بسم الله الرحمن الرحيم اشكر كل اللي ردوا في الموضوع مع اني حاسه انكم مش مصدقين ان لسه فيه ناس كده لا ياجماعه صدقوا و في القاهره كمان عندي مش هقولكم في الصعيد عندي ابن خالي - اقرب مثال اهو - خطب قريبة مامته اول ما اتخرجت من الكليه و راح يتجوزوا ان شا الله في شهر 11 و مامته حكمت يتجوزها مع انه قالهم انها زي اختي و مافيش فايده و حتى في الخطوبه كان باين عليه مش فرحان اوي يعني فرحان عشان اسمه خطب و خلاص مع انه مش كان مرتبط عاطفيا بلاش ابن خالي صاحبتي الانتيم مامتها حاجزه ابن خالها لاخوها و محكمه انه يتجوزها برضو و الواد رضي بعد عناء لانه كان بيحب واحده تانيه و هي بتحبه و قال من مبدأ اني ارضي امي بس يلا هنقول ايه في الناس العظيمه دي اللي تفكيرهم عظيم ده شكراً ليكم و لمروركم الكريم :) |
اقتباس:
فيه ابن عمها التاني فيه ابن عمها التالت فيه ابن خالتها فيه اي حد من طرف مامتها ( اصل الامهات مش بيحبوا يجوزوا ولادهم لحد بره عيلتهم) مش هنغلب يعني !! |
هههههههههه مش عارفه ماله الموضوع عاتى يعنى اهو ستره للبنت عشان مش تخلى عنيها تحود يمين و لا شمال يبقى فى اتجاه واحد زى البتاع اللى بيعلقوه فى راس الحصان :d مش عارفه و الله مش قادره انكر انها موجوده و انا فى ضغوط اساسا بس الحمد لله ما دام الاب و الام مقتنعين ان الكلام ده كله مش ينفع فخلاص يعنى الموضوع بيبقى اتحل :romarioxp6: بس هو عامه يعنى لو بنسأل على المنطق بتاع التفكير فحنقول عشان اولا الفلوس:d ثانيا بيبقى المشروعات المشتركه و تشمل العزب و العامارات و خلافه:d او خوف على القريبه دى من قطر النحاس لا يفوتها و اهى نعرفها و حتبقى خدامه تحتينا بدل ما نجيب واحده تقولنا باكل اسكلوب بانيه و لا زانيا و بحلى بتين ازرق على الفطار :d:d:d دى اغلب الاسباب اللى ممكن تبقى مو جوده يعنى يلا ربنا يهدى و اها صح فى حاجه مهمه فى الحكايه دى اساسا دلوقتى بيفضل عدم زواج الاقارب اطلاقا من الناحيه الجينيه بصى اشرحالك ببساطه انا مثلا فى العيله عندنا مرض وراثى معين فلنفرض العته المنغولى مثلا و انا مش ظاهر عليا او اعتقد كده :d يبقى انا عندى متنحى اجى بقى ااتجوز المحروس من العين و المتبخر 5 مرات ابن عمى:d طبيعى بردو مش جيبقى ظاهر عليه يعنى يبقى بردوا هو متنحى عنده يجى بقى متنحى يتقابل مع متنحى فالمشكله بقى اننا عندنا اصول للمرض فممكن انا ابقى عندى قابليه يعنى هجين و هو بردو هجين المحصله ان الخلفه الصالحه و الذريه المستقيمه بتاعتنا احتمال كبير فيها يظهر المرض تانى :dفخمتوا:d فبيقولك عشان كده بقى فحوص قبل الجواز و اللك ده اللى الناس بتروح تهرب منه و يتجوزوهم قصر اساسا :romarioxp6: فى رعايه الله |
اولا .. واحشانى جداااا بجد بجد ونفسى ارغى معاكى :friendsxs3: الموضوع ده بقى من اكتر الحاجات اللى بتخنقنى فعلا يعنى هو مين اللى هايتجوز البنت ولا مامتها ؟ الولد ولا باباه ؟ ماتفهميش !! منطق غريب بجد اقتباس:
الفيزيا اكلت دماغك يا بوسى :slap1qk6: |
اقتباس:
لا ظاهر :d |
بصراحة أنا لحد امبارح الصبح كنت بسمع الكلام دا وقول يمكن لكن مش كنت مصدقاه مليون في الميه بس لقيت واحدة صاحبتي بتقول لي : متقدمي عريس:d رحت متريقه عليها طبعا وانا بموت في التريقه والذي منه قلت لها : دا بقي اتفطم ولا لسه وياتري كتب الكتاب امته لازم تعزميني بقي:blush:؟؟ وبعدين قالت لي:والله مش بهزر بقيت مصدمة بجد ومش قادرة امسك نفسي من الضحك بس بعد كدا بقيت اسئلها وانا مستغربه فعلا أنا : هو فين دا ؟؟ واد ايه؟؟ صاحبتي: ابن عمتي وواخذ بلوم صناعه انا : نعم:o:o صاحبتي :شفت القرف اخرت الثانوية العامة دبلوم صناعه وياريه اخده ع طول دا اخذ السنه بسنتين انا : وانت موافقه ؟؟ صاحبتي : اكيد لا أنا : امال ايه المشكلة صاحبتي : بابا عايزني اتجوز واحد من الثلاثه دول (ابن عمي /ابن عمتي /ابن خالي)ومش اقدر اقول "لا" لان في العيله بيعتبروا اللي يقول "لا" قليل الادب ومش متربي ولما قلت لبابا انه دبلوم وانا هدخل كليه ازاي نتجوز قال لي ان الانسان مش بشهادته الانسان بفلوسه وما هو ناس كثير واخذه شهادات وقاعده ع القهوة وقلت له تاني ان هو هيقعدني في مكان ريفي وهبقي بعيد عندك قال لي ان الولد دا اصلا مش ليه شخصية وانتي اللي هتمشيه ع ايدك ولو حد كلمك اانا ليه حكم عليه وبعدين خالو جيه امبارح وقال لي ايه رايك "بابا" طبعا قال لي اياكي ترفضي ولازم تقول له اللي بابا شيفه احنا معندناش الكلام دا من الاخر بابا شخصيه ديكتاتوريه ومش عودني قبل دا اني اقول راي وحتي دلوقتي مقدرش اقول راي وبعدين قلتها : بس جواز القرايب بيجيب النصايب:o:o قالت : قلته وانا عارفه اصلا اخته متجوزه قريبها وعندهم ولد معوق قال انه مش شرط وبعدين الحاجات دي بتاعه ربنا قلتها : مامتك موافقة؟؟ قالت:: لا مش موافقه ورأيها مش ليه ايه لزمه ومش مش هيأخذ بيه وهي قلته بس هو قالها اسكتي بلاش فضايح انا ادري بمصلحتها وانا اديت كلمه للناس وبعدين هو عايز يربطني جنبه عشان عايزة اروح كليه بره المنوفيه :bosyht9: عشان مش اجيب واحد من بره وكدا معندناش حد يتجوز بره العيله أنا :ما تبلغي عن ابوكي البوليس وتريحي نفسك :d صاحبتي : ههههههههههه هو ينفع؟؟:blush:بجد لازم تقول لي حاجة مقنعه اقنعه بيها انا تعبت ومش عارفه اذاكر من الموضوع دا تفتكري يابوسي ابوها دا عايزه حاجة مقنعه كل اللي همه ان مش يخرجها بره العيله وانا كمان مش عارفه اساعدها زمش قادره اقولها حاجة بس بجد حاجات رهيب جدا :bosyht9: انا حاسه اننا في عصر ما قبل الاسرات:bosyht9: ربنا يهدي الاهل دول (اللي بيجوزوا اولادهم غصب عنهم) معلش رغيت كثير شكرا ع الموضوع:blush::blush: |
اقتباس:
السلام عليكم :الموضوع جميل خالص ويستحق المناقشه بس كان عندى ملاحظه((مين قال ان الكلام دا فى الصعيد)) انا من الصعيد ومفيش كدا و مين قال الصعايد مش متعلمين دا كان زمان مثلا ان والدى مدسين هما الاتنين فبلاش ناخد كل حاجه على الصعيد لان دا كان زمان زى ما بتقولى حضرتك ان دا فى كل مكان .فى مصر كلها والله يا جماعه كلمه الصعيد مش زى ما بتشوفوا فى الافلام وكدا هنا الناس عادى خالص زى مصر وحتى اللغه بتتقلد غلط حتى البيوت احنا ساكنين فى شقق عادى زى القاهره مفيش فرق يعنى وكمان عندنا كل وسائل الترفيه مفيش فرق عندنا البنت بتتعلم ان عندى هنا فى البلد الكل متعلم ودكاتره ومهندسات كمان دا بيدخلوا خاص لما ميجبوش مجموع يعنى الصعيد خلاص مفيش غير الاسم مش تار وكدا زى المسلسل اكتر حاجه بضحك عليها لما يقلدوا الصعايدا ولا لبسهم هههه الحقيقه نا مش عارف دا فين الصراحه كل دا انتهى دا ايام الملك فاروق يمكن مفيش عندنا كلمه محجوز دى وربنا يشهد انى والله من يوم ما اتولدت ما شفت الكلام دا خالص (((اسف طولت عليكم بس من زمان وانا عايز اتكلم فى موضوع الصعايد والافكار الغلط عنهم)))استودعكم الله الذى لاتضيع ودائعه ((لو اى حد عنده راى تانى يا ريت يكتبه))سلاااااام |
بسم الله الرحمن الرحيم بجد شكراً اوي يا جماعه للمرور بس برضو يا محمد انا مش قصدي في الصعيد بس .. انا اديت مثل كنت قريته في الجرنال لكن ده موجود في كل حته و بجد تخلف من الدرجه الاولى مع احترامي اقتباس:
يا سيدي يمكن في الصعيد الجواني و الحتت المنعزله جايز ليه لأ بس انا ماجبتش سيرة تار ولا فار ! == اقتباس:
لا يا بنتي مش الفيزيا و بس .. حاجه تانيه انتي عارفاها ;) شكراً لمرورك يا قمر == اقتباس:
و اشمعنى بله مغولي بس مافيه ذكر كلاينفلتر و انثى تيرنر عادي يعني يا بنتي الناس اللي كده مافكروش في الناحيه العلميه خالص و على فكره مش شرط اللي بيعمل كده يبقى جاهل او مش معاه مؤهل انا صاحبتي اللي اخوها محجوز ده (على اساس انه تلاجه) مامتها اللي حاجزاه لبنت خالها تبقى دكتوره و الحمد لله يعني كتر خير الدنيا شوفتي اكتر من كده بقى يعني اللي في الدماغ في الدماغ ماخسرناش حاجه !! == اقتباس:
طيب كانت بتدخل ثانويه عامه ليه من اساسه ولا ابوها بيدفع لها دروس ليه اب غريب اوي معلش ! اقتباس:
يمكن اللي جوه العيله ده ربنا اعلم بيه .. (بيلعب بديله كتير بقى) نفسي الاب او الام اللي بيعمل كده يفهم ان شباب مصر مش فرمهم قطر ولا وقع عليهم نيزك و علق على قريبه ده و برضو لو العكس الولد هو اللي محجوز ما يبقاش كل بنات مصر اضربوا بالرصاص و دي اللي فضلت منهم ! بيحسسوني ان الدنيا انتهت خلاص ربنا يهدي شكراً لمروركم الجميل ده :) |
يا نهار بتنجان هو الكلام دا لسه موجود انا بجد مش مصدق انا اعرف ان الكلام دا كان موجود فى زمن الستينات بس على افتراض انه موجود يعنى هو الحل بسيط جدا ان الولد او البنت يرفضوا او الاتنين يتفقوا انهم يرفضوا وطبعا الاسرتين لما يلاقوا الاتنين رافضين اكيد هيرفضوا ايه يرفضوا اللى انا علقت عليها دى:d جزاك الله كل خير |
| جميع الأوقات بتوقيت GMT +2. الساعة الآن 09:18 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.