|
بجد اخر قلة ادب مشتفش صراحة,,,,,,,,
ازيكم عاملين ايه ,, واخبار الكليات والمدراس وهكذا يعنى والدراسة والامتحانات انا عارفة زفت ,,;) ندخل فى موضوعنا بقى النهاردة كان عندى امتحان صيانة ف المدرسة :av4056bb7jp3: انا طبعا ده اول يوم ف الترم ده اروح المدرسة الصراحة :) بصوا بقى انا عندى مدرس العربى الى بيدينى ف الفصل ده معندوش ادنى شخصية نهااااائى اطلالالاقا العيال بيهزاوه ف الفصل اوك;) النهاردة رحت المدرسة وكان عندنا هو الحصة التانية والرابعة دخل الحصة التانية قعد يتكلم ومحدش سامعله نهااااااائى كله عمال يتكلم واللى مشغل اغانى وهييييصة وفيه بنت مش معانا ف الفصل جاية لواحدة صحبتها فعمالة تهزر مع المدرس وهو بيهزقها هى يعنى كانت بتقل ادبها عليه المهم بعدين جم كام بنت تانين مش من الفصل برضه وقعدوا يقلوا ادبهم على الاستاذ وهو يشتم فيهم المشكلة بقى ان المستر ده كل بنت دالخة وطالعة يبص على بنطلونها ويقول بنطلون ساقط :blush:برضه وكل بنت رايحة وجاية يبص عليها وهما يقلوا ادبهم عليه :o المهم قعد يزعق قامت بنت مطلعة الموبايل وقعدت تصور المستر تخيلوا وهو بيزعق انا قولت لها عيب كده قالت لى استنى بس طيب انا عايزة اعرف يقى ليه مبقناش نحترم المدرسين ؟؟؟؟ ليه مبقتش علاقة الحب ديه ما بين الطالب والمدرس ؟؟؟ وهل العيب بقى من الطالب ولا من المدرس انا مش عارفة بجد انا بقيت مستغربة جدااا من اللى بيعملوه البنات ديه :angry2:هى وصلت الدرجة بيهم لكده واللى بيقوله المدرس برضه هو بيبص على البنات وهما ماشيين ليه مش دول زى بناته ولا ايه يعنى؟؟؟؟؟:( طيب يا جماعة انتوا برايكوا مين الغلطان على فكرةالمدرس ده علطول بيتهزق من الطلبة على فكرة طيب مين الغلطان المدرس ولا الطلبة؟؟؟؟؟ |
اقتباس:
المدرس لازم يكون قدوة المدرس دا شخصيته ضعيفة مش قادر يحكم على التلاميذ سايبهم يهزقو فيه ويقلو ادبهم عليه فين شخصيته اقتباس:
طب ماهو كمان ........ تقريبا دا مينفعش يكون مدرس بقا مدرس ازاى منعرفش اكيد خدها بالاقدمية كان عنى فى تانية ثانوى مدرس زيه كدا مدرس اول فيزياء ميعرفش عن الفيزيا غير اسمها مكنش ليه شخصية الطلبة كانت بتحذفه بالطباشير وعادى مدرسين اخر زمن وصلت بيه الوقاحة انه يبص على البنات اللى هما مسئوليته ومع ذلك البنات دول متربوش صراح ازاى يعملو كدا فى مدرس ربنا يستر على العلم المدارس زمان كانت بتطلع علماء اليومين دول الظاهر هتطلع عوالم دمتم فى رعاية الله |
السلام عليكم المفروض ان انا فى اداب والمفروض ان انا هبقى مدرس تاريخ وانا معرفش غير تاريخ ميلادى بالعافية وتاريخ ميلاد واحد تانى :d المهم عمرى ما هشتغل مدرس الى كنت بعملة فى المدرسين هيطلع عليا لية اخدها من قصيرها احسن بس بالنسبة لموضوعك بقى المدرس هوة الى بيحدد شخصية نفسة بيحدد للطالب ان كان يحرتمة ولا لا كان عندنا مدرس صيانة الله يمسية بالخير بقى كان اسمة جمال هوة دلوقتى ساب التدريس وشغال سواق :bosyht9: بجد كان كلمة اهطل علية قليلة حلمى صاحبى ياعينى مرة عامل ورقة زى سيجارة كدة وحاططها فى بوقة وسرحان بهدلة بجد لدرجة ان دماغة اتفتح وطبعا من بعدها مدخلش المدرسة المهم خلينا فى موضوعنا المدرس هوة الى بيحدد للطالب انة يحترمة ولا لا يعنى حسب شخصيتة مع الطالب هيفرض احترامة على الجميع او هيخلى الجميع يضربة بالجزمة بالنسبة للجزء دة يثبت انة مدرس يستاهل انة ياخد بالجزمة المشكلة بقى ان المستر ده كل بنت دالخة وطالعة يبص على بنطلونها ويقول بنطلون ساقط :blush:برضه وكل بنت رايحة وجاية يبص عليها وهما يقلوا ادبهم عليه :o مع احترامى لجميع المدرسين دة مدرس زبالة ومش محترم واقسم بالله انتم لو جدعان تلمو لة كام بلطجى يعلموة الادب هرد تانى وتالت فى الموضوع دة بس لما افوق ان شاء الله شكرا لحضرتك على الموضوع جزاكى الله خيرا فى رعاية الله |
انا كان عندنا مدرس تاريخ في اولى ثانوى كان نفس الموضوع ومدرسة في ثالثة اعدادى
بس كنا بنقوم بالواجب بس بصى هو في سؤال بسيط بس : المدرس كان بيشرح ولا لا؟؟ لو كان بيشرح يبقى العيب من الطلبة اكيد انما لو داخل علشان يتهزق الموضوع يختلف خالص والمفروض يتعاقب ارجو ان تكون وصلت وجهة نظرى في رعاية الله |
اقتباس:
|
اقتباس:
|
اقتباس:
وصلت وجهة النظر وشكرا ع الرد |
اقتباس:
بالنسبة لموضوعك بقى يا قمر الخطا طبعا من المدرس الاول لانه لا يصلح انه يكون مدرس وخصوصا فى مدرسة بنات ثانيا المدرس لازم يكون ليه شخصية جامدة اه يهزر مع الطلبة بتوعه لكن من غير تطاول من اى طرف فيهم والطلبة اكيد غلطانة لانها مش احترمت المدرس دة انتوا لسه فى اعدادى وعملوا كدة امال دول لو دخلوا الثانوى ولا الكلية هيعملوا ايه ربنا يستر على البنات سلاموز يا قمر كوكى |
اقتباس:
ربنا يهدى الناس كلها يا رب شكرا لمرورِك يا قمر |
المدرس ممكن يحبب الطلبة فيه ويخليهم يحترموه حتى لو كان مش شديد عليهم ولو مش نافع معاهم كدة يقدر يخليهم يكرهوه ويخافوا منه لما يقعد يزعق فيهم مش باحب الاسلوب ده بس لو هو مش عارف يخليهم يحترموه بالذوق ف يقدر يخليهم يحترموا نفسهم معاه بالعافية اكيد مش هاقولك عاللى بيتقال من وراه .. بالنسبة للمدرس ده امممم مش جاية معايا انى اقول عليه مدرس اصلا يلا ربنا يشفى :d بس برضو الطلبة بيبقوا مستفزين لان اصلا المدرسة ماتفرقش معاهم بحاجة وكلهم معتمدين اعتماد كلى على الدروس وفيه بيروحوا الدروس يستهبلوا !! كنت الصبح ف درس جيولوجيا فيه واحد قاعد مش جايب المذكرة اللى بنشتغل منها وقاعد ورا خااالص ومش مركز مع المستر ولا معاه قلم ولا ورقة عشان يكتب المستر اتنرفز عليه رد عليه ببروود وبيقوله هدى اعصابك عشان الـ sugar المستر اتنرفز اكتر قولتله .. اهو عشان كدة انا مش عايزة ادخل تربية :d بجد لو مكان المستر هاقوله امشى اطلع برا يا باااارد :angry: كفاية رغى واقوم احترم نفسى واكمل هوم وورك الانجليش بس سؤال معلش يا سهيلة انتى ف مدرسة ايه ؟ |
احترامي الشديد لكل الناس الطالب المحترم هو اللي بيجبر المدرس حتي لو مش محترم انه يحترمه غير لو حتي المدرس مش ليه شخصيه المحترم بحترم نفسه في المقام الاول اما بالنسبة للاستاذ بتاعك دا هو اللي اهان نفسه بنفسه شكله اصلا عايز يتفرج ع البنات وخلاص;) بس مش معني كدا ان العيب ع المدرسين العيب ع الطالب كمان بصي يابنتي كلنا طبعا بناخذ دروس بس بتفرق فيه ناس لما بتروح المدرسة بتبقي مستعنيه خالص ومش عايزة تسمع للمدرس وناس بتروح ما انها عارفه المعروفة بس بتحترم المدرس وبتسمعه وللعلم كما تدين تدان انا ليه واحد قريبي كان في ثانوي متميز في الانجليزي وكان بيحب زي ما بيقولوا يطنط ع الاساتذه بالمعلومات اللي هو اخذها تعرفي دخل تربيه قسم انجليزي وبعدين كان بيشرح في مرة في فصل راحت واحده سألته عشان برده تعيد الموقف اللي احرج بيه الاستاذه زمان سبحان الله ربنا يمهل ولا يهمل انا كان نفسي اطلع مدرسة ابتدائي دلوقتي انا قررت اقعد في بتنا:d:d |
بصراحه
الاتنين طبعاااااااااااااااااااا غلط |
انا شايفه ان الاتنين غلطانين
المدرس لأن المدرس المفروض يبقى قدوه ليهم والمدرس لو محترم مش هيعملوا كده وكمان المفروض يبقى أب مش.. وكمان المفروض يشرح الدرس (دا المفروض يعنى) اما البنات غلطانين لان المفروض المدرس ليه احترمه حتى لو كان كده يعنى |
اقتباس:
:d .. الكلام ده جه في بالي .. :d .. هو كله النهارده يا سهيلة كان عنده صيانة و لا ايه .. .. ده أنا بهدلت بتاع الصيانة ده .. .. قال لواحدة زميلتي "أقسم بالله سقطتك" .. .. فـ أنا قمت بالواجب .. .. و قعد يبص نظرات غيظ بقى .. .. بس بلاش نحكي أحسن .. .. أصل أنا لمضة شوية .. :d .. أنا رأيي إن المستر و المشاغبين اللي معاكو كله غلطان .. .. طيب عندنا بقى مش المستر بتاع العربي .. .. اللي عندنا بقى .. .. أنا شايفة إن هو اللي بيهزأ نفسه بـنفسه .. .. لأنه بيعمل حركات غريبة .. :blush: .. مرة يتنطط و مرة يقعد يخبط في الحيطة و السبورة و الأرض .. .. و عمره ما ابتسم في وشنا أبداً .. .. غير مرة واحدة .. .. كان بيبتسم في وشي أنا امبارح .. .. المفروض إن المدرس يحاول يحب طلابه .. .. عشان الطلاب يحبوه .. .. و يحترموه .. ;) .. مرسي يا سهيلة على الموضوعـ .. :) |
التعليم بقه حاجه فظيعه
مدرسين اى كلام(مش كلاهم فى محترمين) وطلاب مش عاوزين يتعلموا اصلا ونظام تعليم فاشل نقعد نذاكر فى الثانوى علشان ندخل كليه من القمه واحنا عرفين ان مفيش شغل غير بالواسطه |
مع احترامى للمشرف الى حذف الموضوع الموضوع مش مخالف ابدا وفية 2 ادارين ردو فية فى رعاية الله |
اقتباس:
انتى عارفة مرة برضه كنا ف الحصة بنت عملت حاجة راح قايم قال لنا انتوا عارفين (سورى ف اللفظ يعنى)قال لها الجزمة اللى فى رجلى ديه مقاس 42 ممكن ادخلها ف بقك ههههههههههههههههههههههه تخيلى كلنا فطسنا على نفسنا من الضحك ربنا يهديه |
اقتباس:
|
اقتباس:
اقتباس:
|
اقتباس:
اه خلاص الامتحانات قربت وانتى امتحاناتك امتى؟؟؟ |
اقتباس:
شكرا على ردك |
احنا فى المدرسة روحنا الامتحان ومشينا وبس ! حصص ايه !؟؟ :006et4: بس موضوع الاساتذة وكده احنا كان فى 1 اعدادى استاذ مسمينه " كــــارو " :stickjo4:كان يخش يلخبطنا فى الرياضة ويمشى :bosyht9: ومش فاكر مدرسين تانيين كنا بنهرب من الحصص اصلا :av4056bb7jp3:بس فى مدرسين كويسين فى المدرسة انا منكرش ده :078111rg3: بس انا لو كنت مكانكم مكنتش هسيب الاستاذ ده اصلا ! والله بالجزمة :abdoog8:بصراحة قلة ادب من البنات الاول لانهم المفروض ميردوش عليه ولو ضايقهم يروحوا للمدير طبعا ! لكن اكيد الاستاذ غلطان اساسا وميصلحش يكون مدرس ! :006et4: انا عايزة اعرف يقى ليه مبقناش نحترم المدرسين ؟؟؟؟ مش كلهم فى مدرسين مش محترمين اصلا عشان نحترمهم ليه مبقتش علاقة الحب ديه ما بين الطالب والمدرس ؟؟؟ فى مدرسين لسة الواحد بيحبهم ! ( يعنى مش حب اوى :d بس مش لدرجة الكره :) ) مين الغلطان المدرس ولا الطلبة؟؟؟؟؟ الاتنين طبعا ! بس المدرس المفروض يكون قدوة للتلاميذ لذا فهو يتحمل النصيب الاكبر :040vk0: موضوع خطير فعلا بالذات فى مدارس البنات !!! :giljotiiniug3: |
اقتباس:
مكبرة دماغك اصلا يعنى :d اقتباس:
اعتبريها ثواب يا بنتى :p اقتباس:
بصى يا سهيلة انتى بجد مش هاتعرفى قيمة مدرستك ولا الناس اللى فيها غير لما تشوفى عينة معينة من مدارس تانية انا كنت كدة وباقول على مدرستى فين التفوق ده وبتاع دى مدرسة مالهاش لازمة كنت باكرهها اوى .. هى الرمل احتمال تعرفيها :blush: بس لما اتعاملت مع ناس من مدارس تانية من خلال دروس وكدة ولما اتحكالى على اسلوب مدرسين ف مدارس تانية عرفت ان مدرستى جنة بالنسبة لهم وان اسوأ طلبة ومدرسين فيها ملايكة بالنسبة للباقى ودلوقتى متضايقة جدااا انى هاسيبها او بمعنى اصح باقيلى فيها امتحان اخر السنة باذن الله وبعدها زيارات كل فين وفين بس وجودى فيها كطالبة انتهى :( سيبينى اعيش اللحظة بقى عشان هاعيط دلوقتى والله بجد دى اكتر مدرسة هاتوحشنى لما اسيبها :bosyht9: اقتباس:
رحمة مين :d ايه الاحراج ده كان لازم يعنى تجبرينى اقولك انى رخامة مش رحمة مشيها منى وخلاص بلاش اسم العضوية عشان ابتديت اتعب نفسيا :d اقتباس:
بجد كرهتينى فيه من غير ماعرفه :d |
اقتباس:
لا يا محمد مش معاك ولا هى مشكلة تتناقش ولا هى قضية عامة يعانى منها الناس ده استثناء ..... من مدرس وبالعكس مش استثناء من الطلبة لان الطلبة معظمها كده والاستثناء انك تلاقى طلبة لبسهم غير كده واللى حصل فى الموضوع غير لائق بمكانة المعلم واحنا هنا مالناش دعوة بالاستثناءات الكلام ده انا هعتبره اتقال عليا باعتبارى ممثل للطلبة هنا ولما يبقى المدرس ده معانا فى المنتدى تبقوا اعترضوا عليه ومش كل طالب او طالبة ينقى المدرس المعيوب ويحكى عليه خلاص المدرسين المحترمين انتهوا فى وجهة نظركم؟ لكن كده الموضوع بقى : قدم بحذاء قذر خطت على سجادة يجلس عليها فئة محترمة جدااااااااا وانتم تلبسون هذا الحذاء ........ ونحن لانملك الا هذه السجادة عايزين مشكلة ؟ زعلان جداااااااااا تقبلوا مرورى على فكرة حتى لو صاحب الموقع نفسه رد على الموضوع انا ضد الموضوع الموضوع بقى محطة لكل طالب نفسه يشتم فى المدرسين و نكتفى بكلمة مش كلهم بين قوسين سيادتك مستنى حذف ما بين القوسين ؟ ارجو اتخاذ قرار حكيم فى العاجل |
اية يا جماعة
ازيكم عاملين اية؟ كويسين كويسيسن انك كويسين اية اللي انتو بتقوله ده انتو بتكلمو عن فئة قليلة من المدرسين عارفين انا اولى ثانوي اهوت انا معيا نمرة استاذ 6 ابدتائي بكلم لغاية النهاردة واطمن عليه واعدي عليه في المدرسة مع الغرم اني نقلت في اخر بلاد العراقينم ( اكتوبر اصلها بقت مستعمرة للعراقيين وملجأ كمان عايشيين هربو من العراق وجم هنا ) بدل ماحضراتكم بتجرحو فيهم اظن انني على يقين ان ما احداً فيكم حاول ان يتحدث مع معلمه وجاريه الحوار في ثنايا الموضوع من غير ما يحسسه بعد كده ماجاش معاه النصح والكلام في حاجة اسمها إدارة ولا الادارة ديه معمولة لأولياء الامور تيجي تزعق وبس , ولا ساعة الواسطة يخش ع المدير خبط لزق المهم يعني غلط نجرح ناس مش معانا انتو جبتو سيرة البنات اللي..... كنت نصحيتهم يا اختي في الله والله مش ينفع اللي حضرتك عملاه كده يعني انتي متفيدة اية طب جربي تتحجربي وتلبسي لبس فضفاض يليق بيكي وبحفظك من الناس ... الخ ما المدرس كان برضه اي طالبة عاقلة او حتى انتي يا اخت سهلية بدل ما تيجي تشهري بيه هنا وتخدي ذنوب بعدد اللي تصفح الموضوع وممكن تكوني كمان فهمتيه غلط عارفة لية ؟؟ حضرتك بتقولي انك لسة اول مرة تخشي الفصل حالا عرفتي انه راجل مش ولا بد يعني وازاى اصلا مش رحتي مدرسة وانتي في اعدادي اما جامعة هتعملي اية؟ اخوكم في الله Messenger of Peace دمتم في رعايةوأمنه |
اقتباس:
هوة دة الموضوع يا مستر ؟؟ طيب هتكلم على انة هوة اولا اقسم بالله العلى العظيم انا ما اقدر انى ازعل الاستاذ احمد فاضل وهوة عارف كدة كويس وردى دة قولتة من غير ما اعرف مين حذف الموضوع عموما لو الاسلوب مش كويس انا متاسف والله علية بس انا قولتة لانى اعتبرت الحذف اهانة ليا ولمحمود طة كااتنين ادارين ردو فى الموضوع ثانيا الموضوع مش مخالف لانة موضوع عام وموجود واعتقد اغلب الردود بتقول فعلا عندهم كدة ممكن تكون حالات قليلة بس موجودة ولازم نلاقى لها حل صح ولا انا غلطان ؟ ثالثا حضرتك بتقولى انة تخصص تعليمى مش اختصاصى يامستر امال اية اختصاصى المفروض انة فى القسم العام ؟؟ رابعا لية اى موضوع فية اسم مدرس شاذ عن المدرسين بيتحذف حتى موضوع محمود طة الى كان فية بعض المدرسين اتحذف مليون مرة ورجع بردة هوة حد قال ان كل المدرسين كدة لا طبعا بس لازم نتعلم والدنيا تجارب والى يعيش ياما يشوف ولا اية ؟؟ دى حالة شاذة بس لازم نتعلم منها ونحافظ على اخواتنا منها عموما انا قولت راى ولو قرارى حضراتكم مش موافقين علية نتناقش فية فوق ان شاء الله والى تشوفة عليا يا مستر بدوى حضرتك والاستاذ احمد انفذة والله العظيم على رقبتى ربنا يكرمكم يارب وفى الاول والاخر اقسم بالله ما اقدر على زعلك يا استاذ احمد فاضل والله الا انت ربنا يكرمك يارب فى رعاية الله |
اقتباس:
|
اقتباس:
|
اقتباس:
انا برضه اعتبرت ان حضرتك قلت عليا قليلة ادب لان حضرتك بتقول ان الطلبه معظمهم كده صح ولا انا غلطانة زى ما حضرتك زعلت انا المفروض انى ازعل ولا كلامى غلط وانا مش هتفرق معايا ان الموضوع اتحذف ولا لا لانى عارفة انه مش مخالف |
اقتباس:
|
يااااااااااااااااااااااا جماعة ليكون فى علمكم كلكم انا مش بتكلم عن مدرس بعينه انا حكيت عن واحد وبقول ليه مبقاش الاحترام موجود انا مش بحكى عن المدرس علشان انا عايزة احكى عليه لا انا حكيت علشان ديه قضية فى مجتمعنا قل الاحترام اللى كان موجود زمان ده انا بابا بيقول لى لما كان بيشوف المدرس ماشى ف شارع كان بيروح يمشى ف شارع تانى دلوقتى عادى انا مش بقول عليه علشان حاجة اوك واللى عايز يحذف الموضوع يحذفه براحته اوك ويا ريت يا لورد تبقى تحذفه بليز علشان انا عمرى ما احب ان يكون موضوعى مزعل حد مع انى مقصدتش وبعدين انا مش عامله الموضوع علشان اتهزق من حد اوك
|
يا جماعة شكرا لكل اللى رد وشكرا برضه للى قال حاجة عليا بس والموضوع هيتحذف ان شاء الله
|
بصي هقولك حاجة يا سهيلة
مهما كان شخصية المدرس انتي لازم تكوني محترمة معاه و هو لما يشوفك محترمة اكيد غصب عنه هيكون محترم طيب هقولك علي موقف حصل وهبينلك فيه مدي قلة الادب و الغباء بجد بصي احنا كنا قاعدين في درس و بعدين المستر كان بيتكلم في حاجة بره الدرس في الوقت ده انا قولت كلمة لواحد صاحبي ضحك عليها هو و المستر مع اني مكنتش بتكلم علي البنت البنت اخدت الكلام علي نفسها و زعقت و بتاع و الله العظيم و الله الظيم كمان مرة انا كان عندي استعداد اقوم اضربها لانها قالت اني بتكلم عليها و قالت كلام عليا و الله و الله كمان مرة انا كنت هقوم اضربها بس قولت عيب غلطت وخلاص و مهما كانت هي بنت و بعدين قعدت ساكت جت هي اخدت حاجتها و مشيت بره الدرس المستر قاعد ينده عليها معبرتوش و مشيت واخدة بالك من معبرتوش دي شوفي قمة السخافة و الحماقة و المستر فكر ان انا اللي زعلتها مع ان و الله الكلام كان علي حاجة تانية معرفش ايه اللي خلي الموضوع يتقلب كده شوفتي بقا ؟ طيب انا ايه ذنبي دلوقت ؟ شوفتي البنت اللي بجد سوري في اللفظ مش محترمة اللي عملت كده ؟ طيب علي الاقل في مستر قاعد و علي فكرة التعليم في مصر لسه هيبقي اوحش من كده و بجد قمة الغباء متتسماش غير كده |
اقتباس:
بس انا قلت موقف على البنات اتحول الكلام عليا اه والله عندك حق التعليم هيسوا اكتر واكتر ربنا يطلعنا من الدنيا ديه سالمين ديه الحاجة الوحيدة اللى المفروض كل انسان يتمناها |
| جميع الأوقات بتوقيت GMT +2. الساعة الآن 10:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.