|
معاق ذهنيا.......من حقه برضه
ازيكم يا جماعه واخباركم ايه يا رب كلكوا تكونوا بخير دايما واللى فى ثانويه عامه زيى كده ربنا معاه واللى فى جامعه برضه شدوا حيلكوا :romarioxp6: ندخل فى الموضوع سمعنا كلنا مؤخرا عن موضوع زواج المعاقين ذهنيا وان دار الافتاء اباحت هذا الزواج أكد علي جمعة أن زواج المعاق من الحقوق الملحة له ما دام يتوفر فيه الأركان الصحية للزواج, فإن كانت الشريعة الإسلامية قد أباحت زواج المجنون من مجنونة فزواج المعاق إعاقة بسيطة جائز من باب أولى, ولا حرج فيه ما دام محاطاً بالحرص على مصلحته محفوظاً برعاية منافعه, فإن كان الزواج في مصلحة المعاق من الناحية النفسية والصحية والمادية فلا يجوز شرعاً الحيلولة بينه وبين ذلك, بل يمكن التأليف بين الحالات المتشابهة أو قريبة التشابه لإحداث الزواج بينهما من خلال الجمعيات والروابط التي تنظم حياة هؤلاء المعاقين وانتهى جمعة إلى عدم ما يمنع المعاق ذهنياً من الزواج، لأن الزواج شيء والإنجاب شيء آخر فالزواج فيه أنس ورحمة ومودة وتعاون ومصاهرة ومعان سامية كثيرة ولو كان الإنجاب ضرورياً لما صح زواج العقيم والعاقر. وده كان راى الازهر فى الموضوع ده اما راى الاطباء ويقول د. عادل عاشور أستاذ طب الأطفال والوراثة بالمركز القومي للبحوث: إن الإعاقة الذهنية منها درجات يسيرة ومتوسطة وعميقة وخطيرة, فإنه من الصعب اتخاذ قرار أو فتوى واحدة بإجازة زواج المعاقين ذهنياً عموما, لأن درجات الإعاقة مختلفة، بينما يوجد من تمنعه إعاقته من الزواج أصلاً, وإن من يصلح للزواج فعلياً منهم هم المعاقون ذهنياً بدرجة يسيرة فقط, ويكون الزواج تحت إشراف الأهل, فلا يجوز أن يكون الطرفان معاقين ذهنياً من الدرجة الخطيرة, مشيراً إلى أنه من حسن الحظ أن أغلب المعاقين يكون لديهم قصور في الإنجاب، إلا أن هناك البعض القادر على إنجاب أطفال طبيعيين أو مشوهين كما أن إجهاض المرأة الحامل المعاقة غير شرعي. وهناك من يرفض هذه القضية بصورة قاطعة حيث يقول د. سيد جمعة مستشار التأهيل الاجتماعي إن أغلب زيجات المعاقين غير ناجحة، ويكون الهدف منها من البداية الاستغلال والمنفعة, فالمعاقون لا يستطيعون الدفاع عن أنفسهم،. انا محبتش اكتر من الاراءعشان احنا نتناقش شويه اولا لازم نفهم ويكون عندنا وعى بان الانسان المعاق ذهنيا هو فى الاول وفى الاخر انسان عنده احاسيس ومشاعر مينفعش اننا نتجاهلهم زى ما بنعمل كده هما حقيقى ملهومش قيمه فى مجتمعنا بالعكس احنا بنبص لهم بنظرة لا تليق ابدا فى المانيا تحديدا عاملين زى معسكرات كده للناس دول وفى حالات زواج كتير اوى بتحصل وبتنجح بالفعل هو اه الموضوع مش سهل واكيد هيبقى متعب اوى للاهل كمان وخاصة لو الزواج ده نتج عنه اطفال معاقه كمان بس ده من حقهم من حقهم يعيشوا زينا يا ترى مؤيدين ولا معارضين ؟؟ وليه ؟؟ |
ازيك يا فيفا بصى انا من وجه نظرى انه زى ما قال الدكتور ان لو الحاله مدمره يعنى يبقى بلاش احسن لان الجواز مش هبقى فيه سعاده زى مانتى فاكره او شعور بالرضا اعتقد ان هتبقى حياتهم جحيم خصوصا كمان ان الاهل هيشيلوا الهم دا ويا سلام بقى لو جابوا اطفال معاقين دى هتبقى عنب اكيد ربنا حاططلهم السعاده دى فى حاجه تانيه وانا بسمع عن معاقين كتير بارعين فى مجالات كتير اممممممممم دا راى وسناكس يا فيفا لموضوعك ومش تغيبى عننا كتير |
أنا لا مؤيدة ولا معارضة لسبب بسيط جداً أكيد لكل من المعاق أو المعاقة أهل و اكيد الأهل عارفين درجة إعاقة أولادهم فابالتالى مش هيتم الزواج إلا اللى عندهم إعاقة بسيطة أو مش خطيرة وعن نفسى إتعاملت مع معاقين ذهنياً وعلى فكرة هما بيقدروا يفهموا ويستوعبوا كويس بس بصعوبة شوية لكن حقيقى مشاعرهم واحاسسهم أعلى مننا بكتير فا أكيد هيكون فى علاقة أسرية كويسة بينهم من وجهة نظرى فتوة على جمعة مش غلط بالعكس دا فيها روح إنسانية و هو أكيد اطلق الفتوى لانه عارف إنه لا يجوز إلا للقادرين ونسبة إعاقتهم مش خطيرة وتحت رعاية أسرية أو طبية أياً كانت و الرأى الطبى كويس برده ومقنع ملحوظة صغيرة يا ريت يا فيفا تعدلى الجزء ده فى النص بتاعك حتى لو انتى نقلتيها بالنص بصراحة بتستفزنى جداً هما مش مجانين هما معاقين ذهنياً اقتباس:
تقريباً كده خلصت رغى وشكراً على موضوعك يا فيفا و متابعة الموضوع والآراء بإذن الله |
السلام عليكم على فكرة من الساعة 4 الفجر من اول ما الموضوع نزل كل شوية افتحة وخلاص هرد يحصل حاجة مردش ربنا يستر وميحصلش حاجة المرة دى :bosyht9: احم احم بسم الله ندخل فى الموضوع بقى راى ممكن يكون مخالف شوية بس هوة هيبقى راى اجتماعى بصفة عامة بصراحة انا مش موافق لان الجواز دة مش لعبة الجواز دة مسئولية كاملة يعنى مش اتنين عايشين مع بعض وخلاص لا طبعا الجواز مفهوم واسع وكبير جدا عن كدة حضراتكم اية مفهوم الزواج من نظركم ؟ هقولكم مفهوم الزواج من راى والى يحب يعلق علية يتفضل اثبتت الدراسات الاجتماعية ان مفهوم الزواج عند اغلب الشباب من سن 15: 25 سنة هو فبيقول ان بنسبة 80 فى المية مفهوم الزواج عند اغلب الناس (( انجاب اطفال والمعاشرة فقط ليس اكثر )) وبنسبة حوالى 11 فى المية من الفتيات هى (( السترة )) وبنسبة حوالى 9 فى المية هى (( الارتباط بالمحبوب او المحبوبة فقط )) طيب اية علاقة كلامى دة بموضوعنا؟؟ هقول لحضراتكم لو هنمشى مع المجتمع المعاقين دول محتاجين اية من التلات اشياء الى فوق دول ؟؟ الاول معتقدش انة موجود معاهم والتانى بردة ملوش علاقة بيهم والتالت مش موجود طيب اقول راى انا بمفهوم الزواج وغالبا راى دة متجمع من حاجات كتير قوى الزواج استقرار وتراحم وعشرة وتلاقى فكرى وثقافى ومفهوم للاساس السليم والصحيح لاسرة صحيحة بدنيا ودينيا ونفسيا اسرة كل اسرتها اصحاء نفسيا اسرة مترابطة برباط قوى جدا مش بسهولة يتقطع فى مقابل اى مشكلة من مشاكل الحياة اسرة ايديهم فى ايد بعض يكملو مشوار الحياة الطويل لان هما عندهم قناعة تامة ان ارتباطهم دة ارتباط روحى ان هما الاتنين شئ واحد طيب المفهوم دة فية اية يتطابق مع المعاق زهنى غالبا مفيش خالص يبقى اية الفايدة من الزواج لة ؟؟ راجع تانى للموضوع ان شاء الله وانا اسف لو كنت طولت عليكم وشكرا يافيفا على الموضوع بجد موضوع جامد جدا والله جزاكى الله خيرا فى رعاية الله |
اقتباس:
لولا إختلاف الآراء لبارت السلع وشكله هيبقى موضوع نقاش جامد:bosyht9: يا مُسهل |
في موضوع زي ده إننا نفتي فيه او نتكلم فهو صعب
لإننا بنتكلم عن الشخص المعاق بدون دراية عن كيفية تلك الإعاقة او تأثيرها على كلا الزوجين وتأثيرها عالانجاب في النهاية وبالتالي حنحكم احكام خاطئة مش قصدي إنه كل واحد ميقولش رأيه بس يخلي باله إنه لما يقول رأيه مايحاولش إنه مادام دخل الموضوع يضيف رأيه بالغصب لأنه مش بدراية بالموضوع بالنسبة للافتاء احنا دايماً بنحطه على جنب اما الكلام الطبي فعايزين نفهمه اكتر عشان نعرف نرد عالكلام ايه هي تأثيرات الإعاقات العميقة والخطيرة هل بتكون خطرها في المعاشرة ام في الابناء (بيكونوا مشوهين او ما إلى ذلك) ايه خطر ذلك عالمجتمع لو مكنش في اخطار يبقى ايه المانع من زواجهم مهم برده ناس بتحس وبتحب وعايزه تستقر زي بقية الناس |
اقتباس:
كلامك سليم يا خالد واكيد طبعا كل حد فيهم عنده موهبه جبارة بجد وانا موجوده اهو مش بغيب ولا حاجه ميرسى لردك يا خالد منور |
اقتباس:
منورة يا موها :d مستنياكى تانى |
اقتباس:
ومين سورى العبيط اللى قال إن الشريعة الاسلامية أباحت زواج المجنون والمجنونة دا على جمعة بس هو اللى قال كده .. كونه مفتى الديار المصرية دا شىء لا يعنى الشريعة الاسلامية كلها بكلامه هو ليه مصر بس اللى يفتى فيها وبعدين هو قصده على اللى عندهم وعى وصحة مش المجانين :bosyht9: ما علينا .. ربنا يسهله :d كنت عايزة أوضح برده حاجة فى كلام محمد .. ماتنساش إن الأطباء مصنفين حالاتهم يعنى مش معقول الدكتور الخاص بالشخص المريض أو أهله هيكونوا عارفين إن إعاقته خطيرة بالتالى مش هيسمحوا بالزواج وهكذا اهل البنت الأهل ليهم دور برده مش ناس بتربى وبس :bosyht9: |
اقتباس:
وجزاك مثله يا محمد منور ومستنيه عودتك |
اقتباس:
وجهة نظر الاطباء ان لو حد معاق تزوج من فتاه معاق برضه 90% ان الاطفال اللى هتنجب هتكون معاقه لكن انا مش شايفه ان ده ممكن يكون نوع من العقبات ايه المشكله يعنى لو فى رعاية ليهم ومؤسسات متخصصه بتتابع الموضوع ده زى فى الدول اللى بره ؟ لو حضرتك شايف دى عقبه ممكن توضح كلامك ميرسى لمرور حضرتك |
اقتباس:
اقتباس:
كده يا وحشة ومش تقوليلى .. ولا تعزمينى على الفرح .. انا زعلان :d اقتباس:
انتى فى مصر يا حبيبتى مش لما يعملوا مؤسسات الرفق بإنسان الطبيعى الأول شكلك لا شربتى من نيلها ولا ضربتى طبق الفول بتاعها :bosyht9: بتعجبنى عقليتك يا فيفا:friendsxs3: انتى خسارة فى البلد دى :d |
اقتباس:
من كلامك افهم إنه المشكلة تكمن فقط في إنجاب اطفال معاقة ده مش حتكون مشكلة ابداً اكيد كلنا عارفين إنه في اكتر من طريقة لمنع الانجاب ومفيش مانع إنهم مينجبوش بس يتزوجوا ولو كان كده فالموضوع يبقى عادي جداً وايه معنى الجملة الأخيرة اقتباس:
إذا كان المعاق يتزوج من المعاقة فاين الاستغلال او المنفعة هنا وكيف لا يستطيعون الدفاع عن نفسهم معلش اعذريني في الاسئلة بس انا لازم افهم قبل ما اضيف رأيي |
احم انا جيت تانى
على فكرة انا رديت على مها قبل كدة والكهربا قطعت والله كنت هعيط كتبت رد كبييييييييييييييييير وقبل ما انزلة قطعت حاسس ان الموضوع دة فية حاجة ربنا يحفظنا :) بسم الله اقتباس:
منتظر تعليقك على كلامى ياحاجة مها فى رعاية الله اقتباس:
ادينى جيت الموضوع شكلة هيولع يلا عالبركة منتظر تعليقاتكم فى رعاية الله |
احم احم عاوز اقول حاجة نسيت اقولها فى الرد الى فات فية واحد دلوقتى بيقولى انى قلبى حجر وحاجات زى كدة والله ابدا وهما صعبانين عليا جدا بس ربنا زى ما اعطاهم الاعاقة دى بدون تفكير معوضهم جدااااااا فى حاجة تانية افضل وافضل من الانسان العادى على راى المثل الشعبى (( يقطع من هنا يوصل من هنا )) محدش يسال يعنى اية :d المهم انا ببص للموضوع بنظرة اجتماعية وانسانية ومن جميع الاتجاهات والزواية بتلاقى ان نظرت المجتمع هيا الى هتمشى اكيد بدون تفكير لاهيا الى صح بالتاكيد اسف انا رغيت كتير استحملونى بقى :p فى رعاية الله |
انت اتكلمت من ناحية إجتماعية و بس و انا اتكلمت على ناحية انسانية وبس لكن برده هرجع و أقول إن هما بشر ولهم حقوقهم زينا بالظبط وياما فى ناس أصحاء عقلياً وبيعتمدوا على أهلهم حتى بعد الزواج ولما يفقدوهم بيتدهور البيت وتصل الحكاية للطلاق و لو عاشوا مع بعض هتكون حياة مملة ملهاش أى ملامح شكلك لسه مأخدتش مادة حروق الانسان فى الكلية :stickjo4: وعن نفسى فعلاً شفت معاقين ذهنياً سواء شباب أو بنات بيشتغلوا و بيتعلموا وعايشين حياتهم فى أحسن حال البنت بتعرف تتطبخ كويس وبتعرف تعلم الأطفال كمان والشاب بيشتغل و بيكسب يمكن فى بلادنا مفيش كتير من المعاقين ذهنياً بالشكل ده ولا رعاية ليهم كافية و زى ما قالت فيفا إن لو إتعملت مؤسسات لرعايتهم بعد الزواج أو فى حياتهم كلها زى بلاد برا أكيد هيعيشوا حياة طبيعية للعلم بالشىء رعايتهم بدأت تتقدم عن الأول بس للأسف فى الجمعيات أو المؤسسات الخاصة ويمكن مش كلها .. بس فى أمل :bosyht9: حكومتنا هى اللى تعبانة ..لسه بيفكروا فى الدقيق اللى بيتسرق من المخابز و المجارى اللى دخلت على الميه و بطاقة التموين :d ربنا يخليلنا حكومتنا ويزيد الخير فيها:bosyht9: |
اقتباس:
يامها كلامك كلة صح بس احنا لازم نفكر فى الموضوع من كل جوانبة احنا عاوزين حل صح الفتوى دى داخل مصر يبقى نكلم على المجتمع المصرى منخرجش برة يارب يكون كلامى مفهوم اسف يامها لو كنت طولت عليكى فى رعاية الله |
جيت تانى بصراحة الموضوع دة داخل دماغى قوى وكنت قولت فى ردى على فيفا انى هدور على الكلام الى انا راى منسوب الية بصراحة مش لاقية بس لقيت حاجة شبيها لة بالنسبة لعامل الوراثة فى الانجاب اولا احنا فى موضوعنا بنكلم على الاعاقة الذهنية وليس التاخير العقلى او الذهنى الفرق بين التاخر العقلي والمريض العقلي : 1- المرض العقلي يحدث نتجية لاضرابات انفعاليه ونفسيه داخل الفرد اما الاعاقه العقليه فنادرا ما يحدث نتجية لهذا السبب. 2- المرض العقلي يتضمن مشكلات في شخصية الفرد نتجية لظروف معينه اما في الاعاقه العقليه فان اسباب مشكلات في الشخصيه ليس سببها الاساسي ظروف محدده المرض العقلي نادرا ما يحصل في سن الطفوله المبكره اما التاخر العقلي فانه يحدث قبل او اثناء او بعد الولاده. 3- المرض العقلي لا يشترط ان يكون فيه قصورا في الاداء العقلي او السلوك وان وجد هذا السلوك فانه يرجع الى اضطرابات انفعاليه ونفسيه داخل الفرد. 4- لا يوجد انسان معصوم من الاعاقة ولكن يوجد انسان لا يصاب بالمرض العقلي فالاعاقه العقليه والمرض العقلي مشكلتان منفصلتان عن بعضهما . العوامل المسببه للاعاقه العقليه : لقد ابرزت الدراسات عن وجود وجهات نظر متعدده بين العلماء وخاصة عند تحديهم للعوامل المسببه للاعاقه العقليه وقد اتفق ان معظم الحالات تعود الى اسباب وراثيه او بيئيه او مكتسبه . الاسباب الوراثيه : لا نستطيع ان نعمل أي شيىء مع الطفل المعوق عقليا نتيجة لعوامل وراثيه تمنع اعاقته لكننا نستطيع ان نعمل الكثير لتعويض التاخر الذي اصابه في النمو وذلك عن طريق برامج وتدريبات خاصه ومتنوعه وعند تقديم المساعده لاي طفل معقوق عقليا علينا ان ناخذ بعين الاعتبار ان كل طفل حاله خاصه والفروقات بين الاطفال تختلف بحيث لا يمكن ان تطبيق برامج واحد لكل الاطفال وليس المهم الكميه التي نعطيها للطفل بل الاهم في نوعية وطريقة التعليم. . الوراثه /البيئيه : الانسان تناج تفاعل عوامل الوراثه وعوامل البيئه ومن المعروف ان التوائم المتماثله تحل صفات وراثيه متشابهه تماما لان اصلها خليه واحده ولكن هذه التوائم لو تم تربيتهم وتنشئتهم في بيئات مختلفه لنشاء كل توائم منهم بشكل مختلف واكتسب صفات مختلفه. الوراثـــه :يحمل جسم الانسان عشرات الالاف من الصفات الوراثيه يرثها من اجداده وابائه وهذه الصفات تحمل تحملها جسيميات صغيره ذات تركيب كيمائي خاص تسمى الجينات وهذه الجينات والكروموسومات التي تحمل الصفات الوراثيه في كل خليه من الجسم كان كل خليه عباره عن ارشيف يحفظ كل صفات الانسان وتحتوي كل خليه في الجسم عالى 46 كروموسوم 23 زوج منها 44 كرموسوم 22 زوج تسمى بالكروموسومات الجنسيه التي تحدد جنس الانسان بالاضافه الى حملها لبعض الصفات الوراثيه. كدة اهم جزء وهوة راى الاطباء واضح جدا فى نقطة الانجاب قرفتكم انا صح ؟ استحملونى بقى :d فى رعاية الله |
من رايي يعني علي حسب نسبه الاعاقه اوكيه ماشي ليهم الحق انهم يعيشوا حياه عاديه بس في ناس منهم متقدرش ومتفهمش الحياه ازاي وتربيه الاطفال ازاي والكلام ده ليا عوده باذن الله
|
اقتباس:
بحلم يا مها حتى الحلم بقى كتير علينا !!! احلمى يمكن حلمك يتحقق وبعدين انتى رغيتى كتير اوى مها مش عايزة اشوف وشك هنا تانى :slap1qk6: |
اقتباس:
حضرتك ممكن تشوف اللينك ده الفقرة الرابعه تقريبا http://www.gulfkids.com/vb/showthread.php?t=1708 هتفهم اللى حضرتك عايز تفهمه ومنتظرة رد حضرتك |
انا فاهم قصدك بس لا غلط انا دلوقتى هدور ليكى على الكلام الى انا قريتة من مكان موثوق فية جدا عكس كلامك ان المعاقين فيهم الى اعاقتة بسيطة جدا تكاد تكون معدومة دا الى فعلا عندة فكرة عن الزواج على فكرة الزواج مش الغريزة فقط ومش عارف اوضح بقى تقدرى حضرتك تجيبى ليا اثبات عن كلامك دة ؟ لا انا واثقه من كلامى جدااااا انا قريت كتاب عن الموضوع ده وكان لدكتورة معروفه مش فاكرة اسمها بجد بس الكلام ده حقيقى فعلا حضرتك فعلا كلامك صح وانا شفتة قدام عينى بس بردة متمسك براى وهفهمك قصدى المعاق دة لو شاف حاجة تشغلة هينساكى او هينسى حبيبتة فى لحظة او اقل من لحظة يعنى معندوش وعى نهائى بالمحبوب ومش متمسك بية مدى الحياة مش زى الانسان العادى يارب تكونى فاهمة قصدى فى النقطة دى لا خالص انت مش هتصدق ايه اللى حصلل بعد كده الولد ده رفض يروح المركز تانى عشان انا مشيت واتازم نفسيا جدااااااا لفترة طويله تكاد تكون 4 او 5 شهور وللعلم الفترة دى مكناش بنشوف بعض خاااااالص مفهمتنيش يافيفا فى النقطة دى مش قصدى اننا نجوزها عشان نستورها فى كلامى لا قصدى البنات فكرهم اية عن الجواز كان النتيجة السترة بردك مش فاهمه قصدك فى النقطه دى متحسنيش بغبائى :d طيب هوة الراجل الى هيسترها وكمان دا معاق يعنى مش هيقدر على حاجة او بمعنى تانى مش هيبقى عندة وعى لحاجة يبقى الافضل لها فى بيت اهلها على الاقل هيبقو واعين ليها وواخدين بالهم منها غير كدة بالنسبة للجزء ال****** هيا لما تتجوز هتمنع عن نفسها ال****** ؟؟ ولو متجوزتش يبقى بتعرض نفسها لل****** ؟؟ معتقدش ان دى لها علاقة بدى خالص ولا انتى رايك اية ؟ لا ليها طبعا على الاقل مش للبنت للولداكتر لا معلش يافيفا انا رخم قوى هتعبك معايا شوية انت تقول :d بس فية فرق كبير بين كل كلامنا الى فوق دة وبين التعريف الى انا كتبتة فى الاخر عاوزك تقولى ليا التعريف دة اية الى موجود فية فى الشخص المعاق زهنيا والحاجة الى مش موجودة في المعاق دى هل نقدر اننا نضحى بيها فى مفهوم الجواز ولا لا ؟ انا شايفه ان التعريف كله ينطبق عليهم هسالك سؤال ممكن ينهى الخلاف ده انت اتعاملت مع الناس دى قبل كده ؟ |
اقتباس:
لا ارغى براحتك عادى جدااااااا بس مش ملاحظ ان مفيش حد غير انا وانت ومها :d:d |
اقتباس:
طب ماشى كلامك صح وانا متفقه معاك بس ايه الجديد مش دى النقطه اللى اختلفنا عليها قرفتنا؟؟ لا عاتى عاتى مش اوى يعنى :p لسه مختلفين بردك يا مسهل يا رب |
اقتباس:
بتطردينى من بيتى يا فيفا .. دى آخرة حُبنا ورقتك هتوصلك لحد عندك:mad: ::::::::::: أنا شايفة إننا شغالين نعيد ونزيد .. الخُلاصة إن اللى قادر و إعاقته بسيطة يبقى على البركة واللى إعاقته خطيرة فا ده صعب بالنسبة ليه الزواج:bosyht9: ودمتم بخير .. ( مش هتشوفى وشى يا فيفا تانى :slap1qk6:) |
جيت عاشر باين ولا مش عارف كام طبعا فيفا بعتت ليا الدليل ووصلنى الحمد لله على الجزء دة مين قال لحضرتك ان المفهوم ده مش عندهم ؟؟ الدراسات اثبتت ان المعاقين ذهنيا عادين زينا وعندهم مفهوم عن الزوراج مش عارفه اوضح كلامى يعنى بس انتوا اكيد فاهمين سورى لو فى جرئه شويه بس دى الحقيقه فعلا هيا كلامها صح وانا بردة كلامى صح بس المقال الى فيفا بعتتة ليا بيكلم على الاشخاص الى عندهم اعاقة بسيطة مش بالغة اما احنا هنا بنكلم بصفة عامة وانا عن نفسى بحدد الى عندهم اعاقة بالغة يعنى باختاصر من الاخر راى نفس راى مها ان الى عنده اعاقة بسيطة وقادر ومتاكد انة قادر على الزواج ومسئولياتة اوك دا يتجوز مفيش مشكلة بس لعد ما يتاكد من الطبيب انة قادر على الزواج بصفة عامة اما الى عنده اعاقة بالغة بصراحة ملوش زواج نهائى زى ما وضحنا فوق بفكر انى ارجع تانى مش عارف بقى انتم وحظكم هههههههههههه يلا فى رعاية الله |
ممممممممممممم بسم الله هو انا هاتكلم يا فيفا ع المعاق ذهنيا فقط مش هاجيب سيرة الاعاقات التنية وده اولا اوك رأيي :اعارض ليه يعني ايه اجاز زواج المجنون من مجنونة طيب والاطفال اللي هاييجو دول مين اللي هايربيهم مين اللي هايادبهم بلاش الاطفال الاب والام هايكونو زوجين مستقرين ازاي العلاقة بينهم هاتكون عبارة عن ايه بالظبط مش بنقول الزواج لازم كمان يكون زواج عقول طيب فين العقول احنا لما بنشوف واحد كل حياتو انو بياكل ويشرب وينام بنقول عليه زي الحيوانات لانه بيمارس نفس نشاطها فقط ما بيفكرش ما استخدمش عقله اللي ربنا ميزه بيه هو انسان اوك المعاق ذهنيا يعني نديله حقوقه ونحافظ عليه ونهتم بيه كويس اوي اوي اوي لكن ما نقولوش تعالى كون عائلة وشيل مسئولية انت مش قدها وكون راي مستقل وكون شخصية مستقلة طب ازاي ده لو تزوج حياته هاتبقى على الملأ كده مافيش حاجة مستخبية مافيش سر اسفة عشان طولت عليكو لكن اعذروني ده رأيي المتواضع جدا |
اقتباس:
مش عارفه يا هنا حاسه فى كلامك بحده شويه او شويتين يعنى مش عارفه انا حاسه صح ولا لا وانا بحترم وجهة نظرك اكيد فى كل الاحوال وانا كان كلامى على حالات الاعاقه البسيطه اللى تقدر تتحمل مسئولية بيت واسرة مش حالات متاخرة خالص زى ما انتى فاهمه نورتى يا هنا |
| جميع الأوقات بتوقيت GMT +2. الساعة الآن 11:13 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.