|
رسالة خاصة لكل شخص فيه الصفات دى
بسم الله الرحمن الرحيم السلام عليكم ورحمة الله وبركاتة ازى حضراتكم جميعا اخباركم اية يارب تكونو كويسين ندخل فى الموضوع الموضوع دة رسالة خاصة لكل شخص فيه الصفات دى اولا الموضوع ميتحذفش مهما حصل وانا المسئول عنة بعد اذن الجميع ثانيا ملحوظة صغيرة كدة اقسم بالله العلى العظيم كل مخلوق قال كلمة او اتسبب فى ان حد يقول كلمة على حد محترم بدون دليل ما هتعدى على خير بسم الله نبدا انا هتكلم النهاردة فى موضوع مهم جدا جدا ومسبب مشاكل كتير جدا جدا ممكن يكون احنا مش واخدين بالنا منها بس لو انت فى الادارة هتعرفها كويس المهم الموضوع دة عبارة عن ظاهرة منتشرة بين اغلب اعضاء المنتدى انا مش عارف ابدا ازاى والله بس هكلم وممكن الكلام ميبقاش مترتب ارجو المعذرة طبعا اغلب البنات فى المنتدى كل واحدة بتكلم ولد ولا اتنين على الميل او الخاص طبعا دى ملناش فيها وكل واحد حر وانا بكلم بنات ومش عيب انى اكلم بنات اما العيب ان اكون بكلم واقول مبكلمش كدة لو اتعرف انى بكلم يبدا الشك فيا عموما مش موضوعنا ومش عشان البنت بتكلم ولد وبتعتبرة اخوها معنى كدة انها مش محترمة لا طبعا مش مقياس ابدا كل يوم بيجيلنا رسالة عن فلان قال على فلانة كذا بدون دليل كتيييييييييييييير جدا من هذا القبيل طب المشكلة اية بقى ان الشخص الى بيكلم على البنت وعلى الولد الى بيعتبرو بعض اخوات دول او حتى اصدقاء بيكلم دة ويقولة انت حبيبى واخويا ويكلم دى ويقول لها انتى اكتر حد محترم فى المنتدى ماكفاية لعب بعقول الناس بقى فوقو بقى انت عشان انسان **تيت فاكر كل الناس زيك ؟؟ انت عشان لما بتكلم بنت بتبقى نيتك وحشه وزى الى جواك فاكر كل الناس زيك ؟؟ غير كدة انت مالك اصلا انت ربنا ؟ انت الى هتحاسبهم ؟ اة تنصحهم بس مش من وراهم النصيحة بتبقى للشخص نفسة مش تقولة انت محترم و و و ومن وراة دا اوحش خلق الله انت كدة منافق و......الخ ومهما قلت الفاظ خارجة عليك قليلة يا اخى فوق لنفسك فوووووووووق طيب نقول واحنا لية نحط نفسنا فى نقطة شبهات فعلا معاك حق عاوز اقول رسالة لكل ولد بيذكر اسم بنت داخل موضوع دا غير الى بيقول القلب الحنين وهيا دى نور عنيا و و و والله والله شفت كلام من دة متزعلش منى انت تيت** قولى لية ؟ اقولك ياحبيبى انت لو فعلا بتعتبر البنت دى اختك وبتحبها لدرجة انك تقول لها الكلام دة الخاص اتمنع ؟ الميل اتمنع ؟ لازم قدام الناس ؟ بصراحة انا معنديش اى تفسير ان ولد يقول على بنت داخل موضوع كلام زى دة حتى لو هوة فعلا الى جواة ليها الا اذا كان عاوز يثبت للناس انة بيكلمها ويشهر نفسة على حسابها حد عندة تفسير تانى ؟ طيب لية ياخى انت ملكش اخوات بنات ؟ ترضى حد يقول على اختك كدة ؟ انت ممكن تعطى فرصة لولد يقول كلمة عنك انت واختك الحقيقة ؟ دا ياخى لما بتكون ماشى مع اختك لو من سنك بتبقى ماشى بعيد عنها عشان معطيش لانسان تيت** يقول كلمة هوة ميعرفش معناها يبقى اول حاجة هكلم فيها مع الادارة *** اى ولد هيذكر اسم بنت داخل موضوع وهيقول كلمة خارجة تعطى فرصة لمخلوق يقول كلمة عنها هيبقى فية اصعب القرارات مع الانسان دة واقسم بالله العلى العظيم ما هتراجع عن القرار مهما حصل لان كل بنت داخل السايت هنا اخت لينا ومسئولة مننا حتى لو عشان اختنا عشان كل شخص فى الادارة مسئول من طاقم الادارة يبقى مش هنعطى فرصة لواحد يمسك علينا غلطة ونتحاسب عليها قدام ربنا دى اول نقطة عاوز اكلم فيها الموضوع ملياااااااااااااااااااااااااان مما لا تتخيلو معلش الاسلوب وحش بس مينفعش احسن من كدة مع ناس فيها الصفات دى انا هقوم انام ساعتين لانى منمتش من امبارح ومردتش انام قبل ما انزل الموضوع دة لان اقسم بالله هولع وصابر للاخر انتظرونا مع باقى المشاكل الموجودة داخل المنتدى سلام مؤقت |
السلام عليكم
لا حول ولا قوة الا بالله يا ريت يا محمد تحافظ على الفاظك شوية مينفعش الاسلوب الى انت بتتكلم بيه ده معاك ان الى بيحصل كتير اوى ومعاك حق فى كل كلمة انت قولتها بس انت لو ليك حق صدقنى انت كدا حضيعه ومعلش يا محمد سؤال لو انت لقيت عضو كاتب موضوع زى الى انت عامله ده حتعمل ايه فى الموضوع ؟؟؟؟ معتقدش انك حتخليه لحظه واعرف حاجه كمان لما حد بيقول عليا كلام بواجه بلكلام ده انا ملييش دخل بالموضوع دول اخواتى زى ما هما اخواتك الى اعرفه انى اعمل مواجه بين الكل وده انسب حل مش تيجى تسال ده يقولك حد وخلاص و تيجى تسال التانى يقولك حد وخلاص وتقف انت فى النص مش فاهم حاجه انت عامل موضوع اهوة اتحداك لو كنت انت ذات نفسك تعرف ايه الموضوع او ايه الى حصل |
اقتباس:
زي ما تقول كده مريض نفسي او قلبه مريض عايز يقول للناس بصو انا بكلم البنت ديه وبصراحه هي كمان غلطانه انها كلمت وسمحت لواحد زي ده انه انه يقول كده واحد مريض زي ده فهنا الغلط منها هي كمان |
لا تعليق يالورد وبرده
عايز اضيف حاجة لا للفت الانتباه للنفس وللشخص وللغير |
اقتباس:
لا اعرف ياحمد ولو الموضوع مع بنت مش محترمة او فيها الكلام دة هقولك الاسماء هنا بس انا احسن ليا وللبنت المحترمة انى احتفظ بيها لنفسى وربنا مش هيسيب حقها ولا انا بردة على قد ما اقدر وربنا يمهل ولا يهمل اقتباس:
معاك حق ياحمد احنا مهما قلنا عنة كلام والله والله ما كفاية علية كل كلامك صح والله ياحمد جزاك الله خيرا تابعنا بعد اذنك فى رعاية الله |
اقتباس:
هوة دا الى بقولة والله يعنى انت عاوز يلفت انتباة الناس ليك اوك بشخصيتك المحترمة وحب الناس ليك بالادب والاحترام مش بالطرق الغير شرعية دى وعلى حساب بنات محترمين ميستاهلوش اى حاجة من الكلام دة بجد ربنا يهدى تابعنا بعد اذنك لسة المشاكل كتير فى رعاية الله |
اقتباس:
لا يا احمد مش الشخص الى عمل كدا ممكن يكون عنده المرض ده فى قلبه لانى اعرفه كويس وصدقنى احنا مدخلناش فى نية كل واحد علشان نعرف هو كان يقصد ايه بالى قاله وكمان هو اعترف انه كان غلطان بس اسال صحبة الموضوع ذات نفسها صدقنى هى عارفه هو يقصد ايه كويس طبعا انا مش ببرر الى حصل لانه كان غلط وهو ذات نفسه اعترف بكدا بس برضه ميدناش الحق اننا نقول عليه منافق ولا حتى فى قلبه مرض دا لو كان تلميح على الموضوع الى حصل وتانى حاجه اقتباس:
صدقنى انت غلطان يا محمد بقولها للمره المليون المواضيع الى زى دى ملهاش اى اهمية ولا اى فايده غير كلام فى الهواء وخلاص حلينا احنا ايه كدا ولا حاجه اخدنا سيئات وخلاص لشخص ميستهلش على كلامكم يعنى العصاه ولا اية ولا حديث بياثر فيهم حتيجى انت بكلامك ده الى حتاثر فيه و يا عينى حيتوب ويندم على الى عمله بسببك لو انت عايز تحل الموضوع صح من غير فرقعه ولا كلام فاضى تجيب كل الى اتكلموا وانت عارف كل اعضاء المنتدى يعنى مش حيصعب عليك او عليا لانى اكيد حكون معاك اننا نجيب افراد الموضوع ونخلينا واقعيين وبلاش كلام على الفاضى ولتانى مره واقسم بالله ولا اعرف اى حاجه عن الموضوع وكل كلامى على موضوع محمد وبس اقتباس:
ولله دى بقى انت الى تسال عليها وانا اعلق ليه انا ولله ما دلت الموضوع ولا اعرف فيه ايه هو انا حشوف اقسامى ولا اعمل ايه انا مجبوتش على سؤالى اولا فى قانون بعدم طرح المواضيع المثيره للجدال و للمشاكل عندك فى الركن العام و كمان انت ذات نفسك الى قولت ممنوع الاحتكاك فى اى موضوع وطبعا لحد دوقتى مش كتير الى شافو الموضوع يعنى اكيد حيحصل فيه عراك وكلام على الفاضى يعنى الموضوع مخالف بجميع المقاييس واقسم بالله لو اى عضو اعمل موضوع زى دا لكنت انت اول واحد تحذفه بدليل انك حذفت الموضوع بتاع ترفل الى فى اقتراحات وحلول |
مش عارفة يامحمد بجد ايه لازمة الشتايم دي ع العموم هو بجد في ناس مش محترمة كتير هنا ف المنتدى او التعبير الادق ان المحترمين قليلين والمنافقين كتير بص يامحمد احنا هنا الناس تحب الزيطة اي حاجة تكون محل للجدل يموتو فيها مش عارفة اقول ايه غير حسبي الله ونعم الوكيل والمحترم معروف انه محترم مهما اتقال عنه واللي مش محترم معروف بردو اقتباس:
لولا صاحبة الموضوع نفسها مدايقة مكنش ينزل الموضوع ده ممكن يكون هو عمل كده بحسن نيه او بلاش حسن نيه دي لان التصرف ده مش ليه اي حسن نيه ممكن يكون عممل كده بنية تانية هي الهيصة وخلاص ع العموم ربنا يهدي الجميع والحمدلله ان كل حاجة ظهرت دلوقت وشكرا ع الموضوع يامحمد بس عشان خاطري تغير الالفاظ ربنا يخليك |
انا امبارح شفت الموضوع بتاع زينب بس رديت رد ومكنتش عارفه كل الحكايه بس دلوقتى فهمت
عيب اوى يا اعضاء يا محترمين ان حد يتكلم على عضوه معانا عالسايت بدون دليل لمجرد التشهير ليها ويجذب الشهره ليه ده عيب اوى وغلط جدا يا سيدى بلاش تعتبرها اختك بس فكر لو اختك فى نفس مكانها هاترضى ليها كده وعلى ما اعتقد ان فيه اعضاء زمان الله يرحمهم بقا شهروا باعضاء هنا بس خلاص الحمد لله سابوا المنتدى وريحونا بس للاسف سابوا وراهم ناس بيعملوا زيهم بالضبط وكل واحد عارف نفسه هنا وعارف هو بيعمل ايه وزى ما زينب قالت الاقنعه اتكتشفت وكله بان واقنعه التقوه والايمان اللى كنتوا لابسينها ظهرت على حقيقتها ربنا بجد يا يهديهم يا ياخدهم حسبى الله ونعم الوكيل |
اقتباس:
كل كلامك جميل قوى هعلق علية فى الاخر موضوع ترافل بس اتحذف بعد ما اخدت رايها :bosyht9: منور ياحمد ومش ملاحظ ان الجزئين الى بالاحمر عكس بعض ؟؟ وعلى فكرة اقسم بالله ما اقصد الى فى دماغك نهائى نهائى وتقدر تسالة بكدة كمان |
اقتباس:
زينب انتي بجد غلطانه وتستحقي اكتر من الي بيجرالك ده انك وقفتي جنب الشخص ده مش دي الناس اللي تتساعد بجد عشان ساعدته هنواجههم ببعض وع الملاء والله العظيم مش بعيد يجي يقول ان في بينا حاجة ع فكرة اللي زي ده يطلع منه اكتر من كده حسبي الله ونعم الوكيل بجد انا ممكن اتصل بزينب اخليها تيجي بس اعتقد ان كلام حضرتك ده يااخ احمد تعب اعصابي انا اومال هي هيعمل فيها ايه:angry2: |
احلى حاجه ان الكل دخل وبيقول فهم الموضوع
وانا الوحيد الى بجد مش فاهم حاجه يا ريت يا محمد تبعتلى رسالة بالموضوع وجزاك الله خيرا انا كل كلامى الى فات على موضوعك وعلا نرفزتك دى انما بجد معرفش ايه الموضوع غير بس بعض التلمحات من كلامك عرفت صاحبها انما الباقى تقوة وايمان و معرفش ايه لا بجد يا ريت تبعتلى الموضوع فى رساله دا لو ميدايقكش |
لحظة الموضوع مش خناقة بعد اذنك ياحمد يا مجاهد عدل معايا كل الالفاظ الخارجة انا اسف عنها وهنقلب الموضوع نقاشى بعد اذنكم |
محمد بعد اذنك انت او احمد اقفلوا الموضوع علي متعدلوا بقية الالفاظ و ياريت متقلبش زي كل مرة زيطة و هبل و نتشاكل ياريت يعني انتوامش فاتحنها مناقشة كده و كل واحد هيدخل يشتم ياريت يا محمد تقفل الموضوع علي متعدل الردود
|
اقتباس:
لا طبعا وبجد يا جماعه حد يفهمنى الموضوع لان الظاهر كدا انا مش فاهم حاجه وصدقينى ترفل انا اخاف عليها زى ما انتى بتخافى عليه بالظبط يعنى استحاله اعمل حاجه تجرحها ولا تسببلها احراج الى انا بطلبه ده ده علشان احافظ على حقها مش علشان ابوز اعصابها |
اقتباس:
معلش يا احمد انا مش فاهم انت تقصد ايه؟ انا لم اقرا عن اي موضوع اساسا والله بس انا بتكلم عاما انما لو انتوا تقصدوا شخص بعينه فياريت تقولو عليه بس انا عند كلمتي حتي لو تم مفاجئتي وعرفت انه محمد اللورد بردو انا عند كلمتي اي حد يعمل كده مريض مرض نفسي |
اقتباس:
ومعلش علي نقدي للموضوع بس اسلوبك استفزني |
اقتباس:
تم ياباشا اقتباس:
تم ياباشا اقتباس:
بتكلمو على حاجة واحدة مش عارف اقول لكم اية ربنا معاكم :040vk0: اقتباس:
لا ياباشا براحتك تم تعديل الالفاظ منورنا تابعنا فى رعاية الله |
ياجماعة الموضوع هيخرج عن هدفة على فكرة زينب لا دخل لها بالموضوع غير ممكن تكون حالة من ضمن الحالات الى مظلومة فى المنتدى انا مبكلمش عليها شخصيا انا وضحت لاحمد المجاهد كل حاجة بس مش هعرف ارد هنا لاسباب خاصة هفهمك ياحمد لما تدخل تانى فى رعاية الله |
السلام عليكم والله يابوحميد يخرب بيت الى بيكرهك ويخرب بيت الى بيحبك وهو جواه بيكرهك ويخرب بيت الى بيحبك وهو جواه بيحبك وواحد واقف جمبية بيكرهك (احنا هنهزر) :p هدى نفسك يا محمد مش كل حاجة تحصل تتنرفز كدة اى حاجة مضيقاك حلها بهدوء مش لازم موضوع وناس يامة هتدخل مش فاهمة الموضوع اية بالظبط وهتقول رأيها ;) هدى نفسك كدة متبقاش متعصب فى كل حاجة الدنيا مش مستاهله :d وزى مبقولك الانسان الى عايز ياخد حقة او حق غيرة هياخدة كدة كدة طالما انه عندة حق عند حد وانت انسان عاقل يعنى هتعرف تاخد حقك ازاى من غير متقعد توجه كلام لحد :p وياريت تعدل النت المهيس الى عندك علشان عايز اكلمك :mad: السلام عليكم |
ادينى دخلت للمرة التالتة واسيب مزاكرتى بسبب كلام فاضى بس اولا عاوزة اعرفكوا حاجة امتحانى يوم 20/5 وانا شغالة لسه ف الميد تيرم والعملى ..سايبة انا كل ده وبجد اعتبر كده شبه مدمرة نفسيا وربنا العالم بيا وبتفكيرى ازاى وحالتى ازاى مش هقول غير حسبى الله ونعم الوكيل اولا انا موضوعى اللى نزلته امبارح مكنش ع شخص بعينه انا نزلته للمحترمين اللى ف المنتدى بوجه عام اللى كتروا والاقنعة اللى لابسينها وقعت خلاااااص الكل فاكر انى نزلته علشان شخص واحد تحديدا خالد اولا خالد اخويا ومفيش تعدى ف الاخوة اللى بينا اكتر من كلمة اخويا ودى معروفة ف تعاملى مع الجميع اللورد زى محمود طه زى رضا زى خالد زى المجاهد زى عادل زى شريف زى اى ولد ف المنتدى كلكوا اخواتى ومفيش تعدى ف الكلام بينا واللى عمله خالد انا عقبت عليه ف رسالتى ليه وقلتله مش كل حد بيعز حد هيعمل ويقول عليه كده وعيب اوى اللى قلته وشديت جامد معاه هو فهم وجهة نظرى واعتذرلى .. دلوقت مبقاش ف بينا اى كلام خالد لانى اتخانقت معاه جامد بسبب اللى حصل ده انا كلامى وموضوعى بتاع امبارح ع المحترمين اللى كتروا ف المنتدى كل شوية ترفيل ومش عارفة مين .. ترفيل ومش عارف مين انتوا ايه .. مبتزهقوش مبتطهقوش .. ايديكوا مش بتتعب من كتر قولنا وقالوا انتوا مش فاهمين ولا عارفين اللى بتقولوه كويس طب انا اعرف ان اللى عنده كلمة وراجل فيها يقولها باثبات بدليل باى حاجة انما اللى انتوا شاطرين فيه قولنا وقالوا ع الفاض بتجروا اى حوار ع حساب بنى ادمة حسستوها انها شخصية زبالة ومش محترمة دمرتوها نفسيا بجد مع انها معملتش لحد حاجة وحشة وماذتش حد ليه بتعملوا كده بجد انا مبقتش اخاف ع نفسى حسيت انى اتعودت ع الكلام اللى بيتقال ويطلع عليا كل شوية انا بقيت اخاف ع اللى بكلمهم كلهم واللى يعرفونى بجد حرااام عليكوا دمرتونى نفسيا بجد مع انى حبيتكم ف الله جميعا حسبى الله ونعم الوكيل سيبونى ف حالى شوية بقى وارحموا نفسكوا :mad: لو سمحت احذفو الموضوع بقى:giljotiiniug3: |
هههههههههههههههههههههههههه هههههههههههههههههههه أنا قلت مسير الموضوع ده يتعمل :d تعرف يا محمد أنا كنت هعمل الموضوع ده من فترة بس فى بنت ربنا يكرمها منعتنى بشدة انى اعمله علشان مايوقعش ناس فى بعضها ( وكنت هذكر بالاسماء و أولع الدنيا :bosyht9:) وبما انى بقالى حوالى 3 سنين فى الموقع أحب أقول إن النوعية اللى بتتكلم عليها حضرتك دى بقت أكتر من الهم على القلب .. أكتر من الناس المحترمين مش عايزة أتكلم فى الموضوع كتير لانه هيولع خناق و يمكن وقف خلينى بعيد .. لا كلامى هيصلح عقولهم ولا هيفيدنى بحاجة كل اللى أقدر أقوله إن موضوعك ده سبب عدم ثقتى فى أى حد فى المنتدى اكتر من 60% .. و تقريباً فى بنات كتير زعلوا لما قلتلهم كده بس حقيقى المنتدى مليان بلاوى :d على فكرة أنا لا كملت قراية الموضوع ولا قريت كل الردود ولا شفت موضوع زينب ولا خالد .. تقريباً انا مش من المنتدى :d طبعاً شايفين قمة البرود فيا .. فى هقولكم حاجة دع الكلاب تعوى والقافلة تسير ;) ربنا يهدى الجميع |
اقتباس:
هو ده اللى بقوله كل حاجة بانت ع حقيقتها انا مكملتش سنة بس اعرف بلااوى ومصايب و كل بلوة وبلوة اكبر من التانية فوقوا بقى .. الاقنعة وقعت واتشالت خلاص قمة التدين والاحترام اللى انتوا فيه رااح خلاص فوقوا بقى مبتزهقوش .. مبتفكروش انكوا اتكلمتوا دلوقت ع غيركوا هيجى اليوم اللى يتكلم فيه عليكوا ناس تانية بجد حرام عليكوا والله هتستفيدوا ايه من كده مبتزهقوش كلام كلام .. اشاعات اشاعات رايحة وموديانا ع فين و الله كنت هنزل موضوع عن الاشاعات والنفاق بس قولت مش وقته اظاهر ان كل شوية وكل دقيقة وقته الموضوع ده فوقوا بقى نضفوا جواكوا شوية اقتباس:
ان الله لا يغير ما بقوم .. حتى يغيروا ما بانفسهم ربنا يهديكم بجد ان ما هداكوش .. ياخد حد فينا يا النضيف والمحترم .... يا ....:angry2: لا اله الا انت سبحانك انى كنت من الظالمين |
والله ما أعرف إيه اللي بيحصل!!!!!!!!!!! كل ده حصل مرة واحده و الواحد أعد زي الأطرش يا جدعان إن الله حليم ستير مش معني إن الواحد عارف حاجة علي حد و لو متأكد مليون المية إعرف إنك زي ما غيرك غلط إنت هتغلط و طبعا مش هقول كما تدين تدان أصل لو واحد قال كلمتين يقولك واللي عملين نفسهم متدينين و أنا مش مستعد حد يقول عليا كلمة عشان انا لما عرفت حاجات كتير في الفترة الأخيرة دخول قل عشان فعلا أعصابي تعبت و مش عايز يطلع عليا كلام عشان أنا ليا ناس بعزهم و بحترمهم و مش عايز أي كلام يطلع عليا ولو حتي طلع ده خيال ووهم محدش يعرف مين محمود وفائي محدش شاف محمود وفائي لو المنتدي كله واقف و أنا معدي محدش هيعرف مين محمود وفائي الكلام ده لما قلهولي شخص بحبه سمعت كلامه و إقتنعت بيه و مش هقولكوا قوموا صلوا المغرب و إستهعينوا بالله عشان محدش يغلط هه سلام :angry2::angry2::angry2: |
يا الله
ربنا يهديكم يارب |
السلام عليكم
معلش يا لورد لو سمحت بجد احذف الموضوع وبعد الامتحانات يحلها ربنا بجد اديك شايف الاعضاء عاملين ازاى واديك برضه شايف زينب بقت عامله ازاى وغيرها وغيرها فا بالله عليك احذفه يا اما تنقله لحد ما نخلص امتحانات وبعدها يحلها ربنا |
اقتباس:
أنا مش معاك يا أحمد بما إن محمد إبتدي الموضوع يبقي يكمله معلش أصلي ممكن أكون أنا التيت :d:d و ممكن يكون حد أعرفه التيت فيها إيه لما نتكلم بصراحة مش هو عمل الموضوع يبقي لازم يوضح مش هو كلام و خلاص و لو إتحذف يبقي علي رأي إسلام كلام الليل مدهون بزبدة و بعدين ليه نستخبه؟؟؟؟ ده منتدي ده نت محدش عارف حد قول يا عم و إطربنا أنا أه عندي إمتحان بس بجد مش عايز أبقي زي الأطرش يتتكلم دلوقتي لاميبقاش فيه في الصيف ولا في الشتا كلام أنا مستني :006et4::006et4::006et4::006et4: و إنت أون لاين و حاجة كمان يا محمد علي فكرة أنا مش ضدك ولا عايز أعمل مشاكل بس رد عليا اقتباس:
متفهمنيش غلط انا بس عايز أفهمك حاجة و ياريت ياريت متفهمنيش غلط أنا مش ضدك و متتعصبش و رد عليا :d:d:d |
هدى الله كل عاص
|
ههههههههههه
ايه يا عم محمود انت بتهدى النفوس ولا ايه على كل حال ده راى لما نشوف باقى الاراء بس صدقنى للمصلحه العامه بقول ناجله شكلك بتحب الهيصه يا محمود ولله |
اقتباس:
شكرا علي تعديل الموضوع يا باشا وبصراحة انا مؤيداك تماما فيما تقول بس ملحوظة صغيرة انا والله العظيم بنت مش عارفة ليه كل مبشترك في موضوع بتعامل علي اني ولد المهم ماعلينا شكرا علي الموضوع |
اقتباس:
معلش يابو حميد الموضوع ملوش اى علاقة بالامتحانات من اول ما عدلنا الموضوع وهوة هادى ومفيش ولا رد غلط زينب لازم تكون حالتها كدة دا هيا كدة احسن مليون مرة من الى المفروض يكون فيها معلش الموضوع مفيش فية اى حاجة عشان يتحذف لا مخالف ولا ردود خارجة ولو فية ردود خارجة مفيش قانون يخلينا نحذفة احنا نعدل الردود معلش ياحمد استحملنى بس شوية عشان خاطرى فى رعاية الله |
من الآخر كده يا جماعة لا قبل الامتحانات ولا بعد الامتحانات أولاً انتو مقتنعين من الاول ان الكلام على الميل حاجة والمنتدى حاجة تانية يبقى مانخلطش الموضوعين على بعض ولو على زينب سيبوهالى الموضوع مش مناسب لا قبل الامتحانات ولا بعد الامتحانات أنا شايفة انه لا يقدم ولا هيأخر وبصراحة انتو مكبرين الموضوع أوى يا جماعة طول عمر الناس المش نضيفة دى موجودة فى المنتدى مع احترامى للجميع و أنا شايفة ان الموضوع لو فضل على النمط ده محدش هيستفاد بأى حاجة .. غير حرقة الدم وخلاص وسورى فى اللفظ ومحدش يحرر المشاركة دول شوية كلاب و عاملين قاعدة مصطبة زى ستات الحوارى بالظبط فا بلاش تصغروا عقولكم لناس زى دول وكل واحد يخليه فى شغله و نشاطه فى المنتدى دا مجرد جهاز قاعدين عليه مش واقع ولا حقيقة و مش عايزة أقول إنه وهم بس مايستهلش كل الاهتمام ده على فكرة انتو كده بتقولوا يا ناس ياللى ماعرفتوش إعرفوا .. بدل ما نلم الموضوع بنكبره زيادة يلا بقى عايزة الكل يسيب الموضوع ويقعد ينقد فى الرد بتاعى صلوا على النبى و من رأيى الموضوع يتحذف تماماً فى رعاية الله |
اقتباس:
ههههه مين اللي قالك:039uw8: بس بجد مش مسألة كده مسألة إني مش أعمل موضوع مبهم عشان شخصين ولا كام شخص و أعد ألمح علي ناس يا عم أحمد انا شكيت في نفسي و ربنا مع إني معرفش غير 2 من المنتدي و مش ليهم في الكلام ده لو هيفضل الموضوع كده يبقي يروحوا علي أي ميل ويصفوا حسابهم مش إحنا أعصابنا تبوظ عشان مش عارفين إيه اللي بيحصل عموما أنا رايح أصلي و جاي إن شاء الله أنا كنت عايز أعمل كام لوحة كده بس معاكم و متابع بإذن الله سلام |
اقتباس:
عليكم السلام ياحمادة تابعنا ياريس فى رعاية الله اقتباس:
اهدى يازينب انت تعرفى الاعضاء اكتر منى انا نفسى مش هقولك اكتر من كدة اقتباس:
ربنا يهدى الجميع امين يارب تابعينا يامها لسة مخلصناش فى رعاية الله اقتباس:
كل كلامك تمام يامعلم محمود وحلوة هه سلام تابعنا يامعلم وانا كمان هه سلام اقتباس:
|
يا ريت تسمحولي اشارك برأيي معاكم في الموضوع الجميل دا
انا صحيح مشاركاتي قليلة ومشس اعرف اي حد على المنتدى لكن انا مشتركة في منتديات تانية واعرف الظاهرة دي اخوة ايه وبتاع ايه بس اللي هتجي من على النت؟؟ يعني احنا اخواتنا اللي معانا في البيت خلصوا خلاص؟؟ ثم ان الموقع تعليمي انت ياللي بتدخل على البوابة او اي موقع تاني عشان تتعلم مش عشان تتعرف على دا ولا على دي انا مش اقدر اوصف الشخص اللي كدا غير بانه مريض نفسيا ولو السادة الاداريين لاحظوا هيلاقوا ان الاشخاص اللي كدا مشاركاتهم المفيدة تتعد على الاصابع و بقية مشاركاتهم عبارة عن تفاهات وفي النهاية انا باشكر الاستاذ صاحب الموضوع وانا متفقة معاه في كل كلمة قالها لان الموضوع فعلا يفقع المرارة ويا ريت يسمحلي ابدي كل احترامي لاخلاق حضرته واترجاه انه يبدأ في تنفيذ وعيده لكل من يخترق حدود الادب والذوق العام في مشاركاته |
اقتباس:
اولا انا متاسف انى عاملت حضرتك على انك ولد والله ما اعرفك ثانيا انا الى بشكرك على النصيحة على تعديل الموضوع جزاكى الله خيرا فى رعاية الله اقتباس:
علية الصلاة والسلام لا الموضوع هيتعدل فية الردود الى فاتت الى بتكلم على موضوع واحد وهوة والله موضوع عام فى رعاية الله اقتباس:
محمود انت تشك فى نفسك لية فى اية ياجدعان الجملة دى اتقالت ليا دلوقتى من يجى 6 اشخاص انا كدة هبدا افهم غلط عموما الموضوع مش بيكلم على حد دى مشكلة عامة بنكلم فيها والله بصفة عامة على فكرة معتش حالف كل واحد لة حرية يصدق او ميصدقش فى رعاية الله |
يااااااااااه كل ده حصل وانا نايمة
لا بجد الموضوع ده انتشر اوى بس فى الاول وفى الاخر الشخص هو اللى بيبقى غلطان المفروض مش ياخد على الناس على طول وتدى لنا فرصة يتكلموا عليه(بعيدا عن انى معرفش حاجة) بس بجد انا جت فترة عليا كان البنات اللى ف المنتدى فتحتلهم قلبى وبقولهم عن كل حاجة لكن للاسف جه ع دماغى فاحسن حاجة الواحد يستقل بنفسه ومحدش يعرف عنه حاجة او يدى لحد فرصة انه يقول ووبعدين مش ان حد يقول عليا بس لا انا كمان مجبش سيرة حد لا بحلوة ولا بوحشة ولا خير ولا شر لانها عقبال ماتوصل للشخص ده تكون اتقلبت راسا على عقب وده حصل معايا والله والله المنتدى ده اتعلمت منه كتير اوى اوى وكل مدى بتعلم لان لا يلدغ المسلم من جحر مرتين وبجد اللواحد عرف ازاى يتعامل مع الناس دى معلش خرجت عن الموضوع بس بجد قلب مواجع وجزاكم الله خيرا يا اخ اللود ع الموضوع |
اقتباس:
فاهمك صح ياباشا انا هتعصب لية دانا بارد جدا ههههههههههههههههه منور ياحودا فى رعاية الله |
محمود انت تشك فى نفسك لية
فى اية ياجدعان [/center][/quote] ربنا يستر بس دى امتحان لكل شخص بينه وبين نفسه وفعلا انا عملته لنفسى بس بدرى اوى الحمد لله واستفدت منه اوى |
احلى حاجة انى مش فاهمة اى حاجة والحمد لله :022yb4::022yb4: بس معلش عايزة اسال سؤال مع انى محرجة انى اساله:blush::blush: هو يعنى ايه ( التيت )؟؟؟؟؟ بصوا لو كلمة مش ينفع تتشرح مش لازم:) اصل انا ميييييح فالمصطلحات والالفاظ دى |
اقتباس:
تيت دى كانت ف فيلم اسف ع الازعاج بمعنى شتيمة بتتقال بتتشال ويتحط مكانها تيت دى فخمتى حاجة ;) |
اقتباس:
طب مش تقولوا انا ماليش الحمد لله فالحاجات دى بس يعنى ايه بتتشال ويتحط مكانها؟ ولا اقولك خليها اما اطلبك عشان تشرحيلى بالراحة:romarioxp6::romarioxp6: |
اقتباس:
بصى يا سمسم ف فيلم ..اسف ع الازعاج.. كل ما كان احمد حلمى عاوز يشتم اسمه ايه يجى يشتم يقوم اسمه ايه قايله تييييييييييييييييييت ف تيت تى يعنى كان ف شتيمة بس اتعدلت علشان ف بنات هنا :d لو مفهمتيش قوليلى عاتى هفهمك تانى وتالت وزى ما تحبى بس الشرح بكارت شحت ..قصدى شحن :bosyht9: |
السلام عليكم بغض النظر عن الموضوع ده والكلام اللى بيطلع والحاجات دى لانى مش شايفاها حاجة مقتصرة عالمنتدى بس اصلا عايزة اقول حاجة زينب من فضلك انتى او اى حد بيحصله كدة انا ماعرفش ولا حرف عن اى حاجة بتحصل ومش عايزة اعرف لانى مش ناقصة بس عايزة اقولك فكك من الكلام ده وسيبى اللى يتكلم يتكلم ويقول اللى عايزه الكلام مش هاينقصك حاجة الناس كلها عارفاكى كويس واللى هايصدق كلام بيتقال عليكى يبقى حد مايستاهلش يعرفك من الاخر كدة المنتدى ده مايفرقش مع حد فينا اصلا ( وكلامى مش على الاقسام التعليمية ) يعنى بلاش تحرقى دمك وتبوظى اعصابك بسبب المنتدى والناس الفاضية اللى بتضيع وقتها ف كلام مالوش لازمة زيهم بالظبط ولو هما شايفينك بالاسلوب اللى بيتكلموا عليكى بيه ف العيب فيهم مش فيكى انتى --- بالنسبة للموضوع بقى ايه اللى موقف الادارة عن انها تعمل حظر لاى حد بيطلع كلام فاضى !! ولو رجع تانى يشارك بعضوية تانية يبقى ماعندوش كرامة لاننا شبه قولناله مش عايزينك هنا ولما يحصل كدة باقى الناس الفاضية هاتتعلم تسكت وتبطل استهبال |
امممممممممم احلى حاجه انى مش فاهمه اى حاجه فى الموكوع ته بس شكله لظيظ اوى :d:d:d ربنا يخليكوا لبعض و ما يحرمكوا ابدا ابدا :d مش قلتلكوا مش فاهمه حاجه فى اى حاجه و الكل داخل يقول كله بقى كده و مش عارفه ايه و انا اخرى اساسا انى عرفت الموضوع الاخير ده :bosyht9: مش فاهمه هو فيه ايه بالظبط و انا مؤيده مبدا ان اللى عنده حاجه يقولها و نخلص :bosyht9::bosyht9::bosyht9: فى رعايه الله |
اقتباس:
لأ بجد هتبقي إنت اللي غلطان لأن إنت هيبقي دخلك إيه؟؟ معلش في الكلمة كنت من بقيت عليتها؟؟؟ و لو حصل أي حاجة هتأذي نفسك لأن الموضوع مش سهل زي ما إنت فاكر أنا اللي كان قصدي عليه إنك أخرك هتوقفه؟ هتوقفه بالأي بي؟ مش هتخليه يدخل المنتدي تاني؟ ده أخرك لكن إنك تقدر تعمل حاجة تانية ما أعتقدش حتي لو كنت إنت بايعها كده التيت ده أكيد مش هيستناك و يتفرج عليك يارب تكون فهمت إن أنا قصدي الموضوع كإداري هنا في المنتدي يبقي إسمه: "رسالة لكل عضو بالصفات دي" عشان فعلا أي واحد ممكن يعمل أي حاجة علي النت من غير ما أنا ولا إنت نقدر نعمله حاجة حتي لو كانت أختك ده مش معناه إن أحنا نعد ساكتين بس ممكن نبذر المشكلة من اولها يارب تكون فهمتني :078111rg3::078111rg3: |
اقتباس:
فاهمك يامعلم والله بس انا عاوز اوصل ليك فكرة تانية كلكم باصين للموضوع على ان انا منزلة وانا ادارى والله لو انا ادارى على الاقل كنت قدرت امسك نفسى وانا منزل الموضوع انا منزل الموضوع كا اخ لبنات كتير هنا فى المنتدى وواجب عليا على الاقل انى احميهم فاهمنى يابو طة منور يامحمود فى رعاية الله |
اقتباس:
موضوع جميل جاد منك يا لورد وبالنسبة للألفاظ هو صح مش هينفع غير كده بعد إذن أخونا أحمد |
انا اينعم مش فاهمة حاجة وقريت الردود اللى فى الموضوع كله عشان افهم بس بجد موضوع جااااااااامد جدا واحسن حل انه اساسا يبقوا التعامل بين النات والشباب على العام يعنى الخاص ده مثلا لما تبقوا يعنى عاوزين تعرفوا حاجة او بتسالوا عن حاجة ومش حابين يبقى الموضوع على الملأ والله انا شايفة كده وكمان يبقى الكلام فى حدود المعقول ميزدش اوى وشكراا
وياريت محدش يزعل منى وتقبلوا مرورى |
أولا أنا مش فاهم أى حاجة فى اى حاجة ولا اعرف ايه الحوار اللى حصل ده
بس انا بداية اسمحلى يا محمد أسجل اعتراضى على أسلوبك فى كتابة الموضوع اانا متاكد انك كاتبه فى ظروف نفسية صعبة ومن دافع الاحساس بالمسئولية جواك بس مجرد ذكر اسم عضوه فى موضوع مش مشكلة عادى لاننا كلنا نعرف اسماء بعض هنا بس المشكلة بقا بتكون فى اضافة كلمات ملهاش لازمة جنب الاسم ده بس المفروض أى عضوة هنا حصل معاها الموقف ده كانت توقف العضو ده اللى عمل كده عند حده فى نفس الموضوع والمشكلة الابدية فينا كمصريين اننا ما بنعرفش نفرق بين الصداقة واى مسمى تانى دايما بنخلط الامور ببعضها وبنحكم من وجهة نظرنا احنا انا مش هقدر اتكلم اكتر من كده لانى بتكلم وانا معرفش انا بتكلم اصلا عن ايه على فكرة انا مقدر احساسك ده أوى يا محمد |
| جميع الأوقات بتوقيت GMT +2. الساعة الآن 05:15 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.