|
ممكن تعرفنا بحضرتك ؟ ممكن ؟
بداية التعددية شئ وراد بالعكس دى مطلوبة واختلاف الرؤى والافكار دايما هو الدافع الى الابداع واالتقدم
ربنا لما خلقنا خلقنا رجالا ونساء خلق مننا الابيض والاسمر والاسود والاصفر والاحمر والاخضر :p طبعا الاخضر ده مش أنا خلق مننا الطويل والقصير التخين والرفيع يعنى خلقنا مختلفين فى الشكل والمظهر وحتى النوع وبرده خلقنا مختلفين فى الافكار بل والاديان ...عدد الاديان فى العالم 4000000 دين أرضى و4 يعتقد أصحابها انهم يدينون بدين سماوى فيه الكافر وفيه المؤمن وحتى مختلفين فى نفس الدين مفيش دين على وجه الكرة الارضية الا وانقسم اتباعه واختلفوا ....جعلنا شعوبا وقبائل كما حكى القران الكريم وهو اللى هيحسابنا يوم القيامة على الحاجات اللى اختلفنا فيها وهو الحكم وما فيش حكم غيره وساعتها كل واحد يعرف هو كان صح ولا غلط خلق كل بلد بلغة معينة وما أكثر اللغات خلقنا حتى مختلفين فى اللهجات حتى داخل القطر الواحد سبحان الله كل واحد مننا ليه مذهب سياسى واجتماعى ودينى واقتصادى وحتى رياضى فيه العلمانى وفيه الليبرالى وفيه المؤمن بالحزب الحاكم وفيه المعارض وفيه المنتمى الى جماعات سياسية ودينية فى الاشتراكى وفيه الرأسمالى ........... فيه الاهلوى وفيه الزملكاوى الأسماء كتير والتصنيف أكتر ممكن حضرتك بقا تعرفنا بمذهبك فى الحياة ....عرفنا على نفسك اكتر وقولنا انت مؤمن بأى فكر وبتصنف نفسك على أى أساس مش مهم أبدا انك تحكم على نفسك انك صح وباقى الناس غلط المهم انك تكون صاحب فكر مؤمن بيه وبتدافع عنه وشايف انه صح وفى نفس الوقت لا تنظر بالدونية اللى اى فكر أخر حتى لو فكرك شاذ ....أقصد انه يكون غريب عن المجتمع اللى انت عايش فيه ... الحق حق وان قل أتباعه والباطل باطل وان كثر أتباعه كنت بسمع مرة برنامج مشهور فى واشنطن وكان موضوع الحلقة عن العلماء اللى اصولهم عربية وكانوا مستضيفين احمد زويل ومقدمة البرنامج طلبت منه انه يقدم نفسه للجمهور فقال : أنا اسمى أحمد زويل أمريكى مصرى افريقى عربى شرقى مسلم شرق أوسطى .........وأخذ يصنف نفسه بالشكل ده الناس مش رمته بالحجارة بالعكس دول حيوه تحية حارة جدا ده طبعا لانهم بيحترموا الرأى الاخر جدا حتى ولو مختلف معاهم يا ريت احنا كمان نكون كده بعيدا عن أى تعصب لفكر معين وبعيدا عن أى كراهية ممكن تعرفنا بنفسك ؟؟؟ ممكن !!! منتظر الردود |
اممممممممم
انا مبدئيا كده تقريبا نفس تعريف احمد زويل بس اعكس هو امريكى مصرى بحكم الجنسية انا مصرية و بعد كده امريكية بحكم انى عشت هناك فترة طويلة عجبنى الموضوع قولت ارد عشان يتسجل فى المشاركات بتاعتى و بعد الامتحانات ابقى اكمل |
اقتباس:
طب الحمد لله ان عجبك بس احمد زويل على فكرة كمل بعد كده بكتير اوى قال حاجات بعد كده كتيرة جدا ربنا معاكى فى الامتحانات ومعانا احنا كمان منتظرين عودتك |
الموضوع حلو اوي حتة ان الواحد يشوف نفسه في مرايته قدام عنيه ديه صعبة مش كتير بيعرف يعملها الا اللي شايف ان مبادئه في الحياة صح حتي لو الناس معترضة عليها او شايفاها غريبة او مناقضة لحاجات هما اتعودوا عليها اسمي ............... مصرية عربية بس مش اوي مسلمة ومعتزة بيها جدا طالبة شخصية انتقادية لناس كتير واولهم نفسي بس بالحق افكاري غريبة جدا مقتنعة تماما ان العلم هو مفتاح الحياة والمفر من اي مشكلة ممكن نواجهها عايشة بمبدأ (هتعيش مع الناس مش بيهم ولا ليهم هتعمل لله ولنفسك هتموت لوحدك هتتحاسب لوحدك)مقتنعة جدا ان الصداقة اللي بتدوم عملة نادرة جدااااااااااااااااااا معترضة علي افكار بقابلها كتير في ناس بتدايق لما بشوفها فيهم مومنة ان البنت زي الولد بس معترضة علي فكرة المساواة بينهم مش منتمية لاي حزب سياسي او اقتصادي اواجتماعي او حتي رياضي (بس بفهم في السياسة والاقتصاد والرياضة) كفاية كده اي معلومات تاني تحت الطلب منتظرين تعريفك لنفسك تقبل مروري |
اقتباس:
أنا مسلم أسمى محمد الهوارى أنا بحب الناس كثيراً و صدقتهم و بغشق الحوار الهادف و المناظرات و بحب أساغد على قدر ما أستطيع الآخرين الحياه بالنسبه لى فن و متعه و لو عندك أى أسئله بإذن الله هرد عليك . شكراً لك |
بصراحه انا عاجبني الموضوع جدا وده اول موضوع ادخله في المنتدي من حوالي سنه
انا شايف انا بقا في اعضاء عاقله وبتحترم راي الاخرين وده كويس واخيرا المنتدي اتقدم اسمي عمرو مسلم مصري اهلاوي ديابي وافتخر بذلك مش مؤمن اوي وفاشل في الثانويه العامه وهي دي مشاكل بس ناجح في حياتي العمليه وبألف اغاني وقصص وبحاول امشي في السكه لكن في ناس بتقولي انها حرام لكن انا شايف غير كده وشايف ان لو اهتميت برأي بعض الناس فيا مش هعرف اعيش |
اقتباس:
شكرا لمرورك |
اقتباس:
بس انت مقلتش انتمائك السياسى ولا الدينى ولا حتى الاجتماعى والرياضى :d نورت الصفحة |
اقتباس:
ميرسى يا عمرو انا ليا الشرف ان موضوع اول موضوع ترد فيه من سنة بس برده انت مش عرفتنى على نفسك كويس :d شكرا لمرورك |
اقتباس:
انا اسمى محمد مصرى مسلم اتولدت فى اسرة مسلمة تدين بالمذهب السنى فى البداية انا كنت زيهم لانى طالب ازهر بس بعد بحث طويل وقراءة تقريبا فى كل الاديان اقتنعت بفكر معين واعتقدته هو الصواب وانا ما زلت عليه مستعرب مش عربى أفريقى معارض فى حزب شباب مصر وكنت أحد محررى الجريدة الالكترونية بس استقلت منها وبقيت كاتب عادى فى الجريدة صعب اوى انك تكون بتحرر مقالات لناس كبار اوى زى اللى كانوا بيكتبوا فى الجريدة حسيت انى واخد منصب مش من حقى يعنى ايه طالب عنده 18 سنة يحرر لناس معظهم حاصل على درجة الدكتوراه وبعدين كانت الامتحانات قربت وكنت بضيع وقت كتير اوى فيها فطلبت منهم انهم يشوفو حد مكانى وفعلا كان وفى عالم النت أنا فرد من جروب شباب 6 ابريل شاركت فى مراكز وجمعيات متعددة من جمعيات المجتمع المدنى اما فى المجال الرياضى فانا بلعب كرة السلة وكنت لاعب فى فريق المقاولون واحيانا بلعب كرة قدم وبعشق الركض ...الجرى لمسافات طويلة ... وفى الفترة الاخيرة لفت انتباهى المنتخب المصرى والدورى المصرى ولقيت نفسى بروح كتير أوى الاستاد ....ومن غير اى ضرب أنا زملكاوى بحب كل الناس معنديش أولويات فى التعامل مع البشر ميفرقش معايا الشخص اللى انا بتعامل معاه دينه ايه وده كان سبب فى تكوين صداقات عديدة مع يهود ومسيحين وبعض الملحدين واخيرا شاب من صعيد مصر يدين بالبهائية شايف نفسى ليبرالى ومقتنع بفكرة العلمانية المؤمنة مؤمن بمبدأ المواطنة اللى تنبنته الدولة أخيرا موافق على التطبيع مع اسرائيل بس يكون التطبيع من كلا الجانبين لان التطبيع من جانب واحد ضعف وموافق على اقامة دولة اسرائيل وجنبها فلسطين طبقا لحدود 67 أما من الناحية الاقتصادية ف أنا جاهل شوية فى المجال ده ومعجب فى النظام اللى قامت عليه اقتصاد دول زى الهند والصين وماليزيا وكوريا ....الدول من فترة قريبة كانت دول معدمة بالنسبة لمصر ...وازاى حولوا انفسهم من دول مستهلكة الى مجتمعات منتجة |
منتظر بقية أعضاء المنتدى الكرام
|
عدد الاديان فى العالم 4000000 دين أرضى و4 يعتقد أصحابها انهم يدينون بدين سماوى
ام سورى هو فيه غطلة فى المعلومة دى هم 14 دين سماوى كما يعتقد اصحاب الديانات دى نسيت أضيف واحد الرقم كبير بس صواب يعنى زى الاحمدية والقديانية والاسماعيلية والبابية والبهائية بالاضافة الى التلاتة المشهورين الاسلام والمسيحية ..........الخ بقا وانا أسف مرة تانية على هذا الخطأ الغير مقصود |
اقتباس:
بالنسبه للدين فأنا مسلم و لا أعترف بأى جماعله وده لأن الإسلام واحد مش جماعات متفرقه الرياضه كره السله أما لأهم أهتماماتى فهى التنميه البشريه و بإذن الله انا ناوى أعمل موضوعات كتير عنها بس يريت تساعدونى بالمشاركه شكرا لك |
[
ممكن حضرتك بقا تعرفنا بمذهبك فى الحياة ....عرفنا على نفسك اكتر وقولنا انت مؤمن بأى فكر وبتصنف نفسك على أى أساس [/quote] مذهبي في الحياة هو الحرية طالما انها لم تتعدي علي حرية اي شخص آخر ومببآذيش بيها نفسي ومؤمنة بالاسلام وبحب فكر الفلاسفة خاصة فلاسفة اليونان باستسناء ارسطو وبصنف نفسي علي اني انسانة تطأ حين ولا تخطأ حين |
لى عودة لاحقا
|
اقتباس:
اسمحلى أعترض معاك كل الاحزاب مش زى بعضها صحيح المعارضة وجودها السياسى ضعيف بس موجوده ولكل حزب برنامجه الخاص انا معاك ان الاسلام المفروض يكون كده بس هنعمل ايه بقا واقع الاسلام دلوقتى وصل الى أكتر من 100 فرقة يلا مستنى موضوعك بتاع التمنية البشرية نورت الصفحة :d |
اقتباس:
ومؤمنة بالاسلام وبحب فكر الفلاسفة خاصة فلاسفة اليونان باستسناء ارسطو وبصنف نفسي علي اني انسانة تطأ حين ولا تخطأ حين [/quote] جميل يعنى انتى ليبرالية بس اسمحليى انصحك بلاش تتعمقى اوى فى حكاية الفلسفة دى عن تجربة أنا فضلت أقرأ فى الفلسفة الوجودية شهور لحد ما جالى جنان وكنت على شفا حفرة من الالحاد بس الحمد لله مذهبك جميل نورتى الصفحة :d |
طبعا انا مش محتاج انى أعرف نفسى
لانك تعرفنى أكتر من نفسى بس هايل جدا ياحليم التوبيك ده والى مزيد من التفوق |
اقتباس:
منتظرين عودتك |
اقتباس:
حبيبى قلبى انت شرفت نورت الموضوع ونورت المنتدى كله يا حود :022yb4: يلا انطلق يا معلم |
اولا مرسيي كتير ليك يا *محمد* على الموضوع
أنا *أجمل وأحلى صفات فى الدنيا بيتمناها كتير عندى* انا *مسلمة مصرية أزهرية* يعنى احلى تلات صفات فى الدنيا كلها وتصنيفى *بعيدا عن كتاب الاحياء اللى بيصنفنا تبع الغوريلا* انى بنوتة مسلمة وبس بس متهيألى لو كلنا لون واحد وشكل واحد هنزهق اوى ومش ليا مذاهب أؤيدها بس بتابع المذاهب الساسية والدينية اوى بس فكرة عجبانى*الحياة حلوة بس ......نعيشها صح* مش نقول الحياة مرة يبقى نعيشها بالطول والعرض ربنا قالنا *ولا تنس نصيبك من الدنيا* وتشمل المعنيين ان انت مهما عملت وشفت نفسك بردك اخرك *نقطة فى بحر بشر غيرك* *مش تنس انت فى الدنيا قد ايه * ومادمت عايش فى الدنيا مش تتقوقع على نفسك *ليك نصيب فى الدنيا برده وهتاخده هتاخده* بس أسفة على الاطالة |
اقتباس:
ميرسى ليكى انتى يا ساسو نورتى الصفحة والله :022yb4: يا بختك يا ستى عندك حق الحياة حلوة بس نعيشها صح تمام يا ساسو شكرا لمرورك |
اولا مشكور على الموضوع ما شاء الله حلو جدا
الصراحة انا دخلت اكتر من مرة و كنت هارد بس كنت مترددة شوية اصل سؤالك صعب اوي على الاقل بالنسبة لي يعني لسه بدور على نفسي حاسة اني مش وصلتلها بالضبط :mad: المهم بقى انا هاعرف نفسي على قد ما انا عارفاها انا اية مصرية بحب مصر جدا طبعا بس مش حاسة انها حاجة ممكن افخر بيها اوي علشان كده ان شاء الله نفسي اغيرها طبعا مش لوحدي . و مسلمة و افخر بذلك و مش مقتنعة بفكرة التقسيمات و الفرق اللي فيها ديه يعني انا مسلمة و بس مش منتمية لاي حزب سياسي لغاية دلوقتي بس انا اميل للمعارضة بس مش على طول معاها و مش بحب اقيد دماغي بفكر معين يعني بحب اخد من كل حاجة الجزء اللي عاجبني مش بحب فكرة اني اتحيز لشئ . مؤمنة جدا بان الولد مش ازيد من البنت في حاجة وبضايق جدا لما اشوف حد معتبر البنت كائن درجة تانية او اقل من الولد و مؤمنة بان لكل واحد حريته اللي المفروض مش حد يدخل فيها و لكن بردو مش تضر اللي حوليه يعني مقتنعة بان انت حر ما لم تضر. متهيألي ان فكري مش غريب اوي رغم ان في البعض بيشوفني اني غريبة بس اصل مش كلنا واحد فاكيد لازم يكون في اختلافات بنا انا مش اجتماعية و مش بسهولة اني اكون صداقات و مش بحب الضوضاء و الزحمة و مش بحب اني اتكلم كتير يعني بحب اسمع اكتر من اني اتكلم علشان كده في ناس بتشوفني مغرورة. و مش سهل ان حد يعرف انا بفكر في ايه ولا ايه جوايا. بالنسبة بقى للرياضة و كده انا مش ليا في الكورة اوي بس انا اهلاوية و بحب اتفرج على الجمباز و بحب اتفرج بردو على الباليه جدا اعتقد مش عندي حاجة تاني اقولها و لو اكتشفت حاجة تانية هابقى اقولها و لو في اسئلة تانية فانا موجودة ان شاء الله مشكور على الموضوع و اسفة على الاطالة |
اقتباس:
ان اصلا معرفش يعني ايه ليبرالية :dدي بس كل الي قولتة عبرت عن رأي وبالنسبة للفلسفة فدي اصلا عشقي وحياتي ومعتقدتش اني ممكن اتجنن بس شكرا لنصيحتك بس علي فكرة لنت ممكن فكرت فيها بطريقة غلط اومفهمتش قصدها عشان كده حصلك كده بس والله الفلسفة حلوة و رائعة ده كفايه انها بتخليك تعبر عن رأيك وبيعرفك شخصيتك وشخصية الي حوليك علي فكرة انا مبقرأش فيها كتير لان دي اول سنة لي ادرسها بس حبتها وقرأت فيا وهفضل اقرأ فيها:bosyht9: بس لي طلب ياريت تقولي يعني لبيرالية بجد لاني والله ما اعرف معناها ولا مذهبهم :028ja7: |
اقتباس:
بص يا سيدي كونك انك تعترض علي مبدأ السنة ده حقك بس عايزةانصحك نصيحة اولا لازم تعيد التفكير تاني في الموضوع ده اقولي ليه اقولك انا متذكرة حديث للرسول فيما معناه يعني بس مش متذكرة النص انه بيقول لن كل الاديان نتقسم الي فرق وان الاسلام ايضا حينقسم ال فرق نقريبا كان عددهم حاجة وسبعين المهم انه قا عليه الصلاة والسلام ان مفهمش حاجة صح الا ما اتبعه السول عليه اافضل الصلاة والسلام اعذرني لاني مش متذكرة الحديث بس ده معناه فارجو انك تعيد التفكير مرة اخري لان المذهب الصحيح هو السنة ومتنساش تقول معني ليبرالية ايه :028ja7::028ja7: |
انا اسمى .......... شاب مسلم مصرى أزهرى ولى الفخر مذهبى مذهب اهل السنه والجماعه:022yb4: بالنسبه للاهتمامات ففى المقام الاول البرمجه سواء اليكترونيات يعنى تصاميم وابتكارات وكده او فى برمجة الكمبيوتر ودول مكسب فلوش منوراهم ومشتغل فى مكان كويس جدا بسببهم والحمد لله بس فى الاجازه بس اهتمامى التانى تصاميم الجرافيكس ودى كنت مشتغل فيها زمان بس الان مجرد هويه علشان كده مستوايا قل فيها شويه بسبب قله الممارسه وبعد كده الشطرنج ودى أحسن لعبه بالنسبه لى مستعد العبها طول اليوم بشرط انى اكون ملاعب حد دماغه كويسه مش اى حد يعنى وكوره طبعا وكنت ملعب بوكس بس سيبته الان الاحزاب السباسبة: يعنى تقربيا فى مصر مفيش ولا حزب فى مصر مقتنع بيه :bosyht9: لا حاكم ولا معارضه لانى بصراحه شيفهم كلهم ميكدبوا الحاكم ميايدوا الحكومه فكل حاجه صح او غلط والمعارضه بتعارض اى حكومه للحكومه صح او غلط يعنى الاتنين ميستهلوش حد ينتمى ليهم من وجهة نظرى الانديه فطبعا النادى الأهلى :stickjo4:من وانا لسه بابى وانا مشجعه الافكار والاعتقادات زى الليبراليه و الشيوعيه والكلام ده فانا مش مقتنعا باى واحد منهم وده مش كلام وبس لانى قرات عن اغلبهم تقريبا (بعيد عنكم يعنى انا محب القراءه شوية) وملقتش اى واحد فيهم كامل ولقيت احسن واحد هو المنهج الاسلامى سواء فى الاقتصاد او السياسه وغيره بس ايه تانى اعتقد مفيش بص لو لقيت حاجه ناقصه قول وانا اقول:d اه فى حاجه مهمه كمان انا غاوى القراءه عن السياسه والامور العسكريه والاستراتيجيه بس كده كفايه وشكرا ليك على الموضوع الجميل ده واعتقد انه لو اثبت هيكون حلو اوى لانه كده هيعرفنا على بعض اكتر سلام عليكم |
انا باسم مصري عربي مسلم بس بلاش كلمة شرق اوسطي عشان دي معناها المشرق العربيكما كان يسمي قديما مع الكيان العدو علي انه دولة
المهم انا اكتر حاجة مميزة فيا هي طبيعتي التمردية مش باردد هتافات وخلاص لا باخد باسباب القوة في اي مجال باخش فية وبابقي احسن واحد فيةقبل ما اتكلم محبش ابقى واحد من ملاين بابقى مميز من غير منظرة ولا كلام وبخلي الي قدامي يحترمني بشغلي والف شكر عالموضوع الجميل |
انا فاطمة محمد.
مصرية مسلمة والحمد لله اهلاوية طبعا مستغربة جدا لاحوال العرب دلوقتى واحوال المسلمين ايضا واهتمامهم الزائد بتقليد الغرب انا مش معارضة ان احنا نقلد وناخد منهم الكويس بس ناخد منهم اللى ينفع مع مجتمعنا وحياتنا شخصية حزينة نفسها تعيش فى بلد بيسود فيها الحب والامان والصداقة اللى بجد مش الكدب والمصلحة بس هو فى حاجة تانى ميرسى بجد لانك خلتنى اقعد افكر بجد انا عاملة ازاى من جوا بس مش عارفة اعبر بالكلام |
تصدق
انت ما شاء الله ليك السبق فى الفكرة دى انا عمرى ما شوفت توبيك عرفنا بنفسك بالطريقة دى انا دلوقتى عمالة افكر وادور جوة نفسى عليا بس ممكن اقول انا وحدة مسلمة مصرية صعيدية دماغى ناشفة مش بقتنع بسهولة الا لما اتأكد من الفكرة بحب افكر كتيير فى اى حاجة وبتعب اوى من كده بموت فى علم النفس وقربت اتجنن من كتر الاختبارات النفسية اللى بحلها نفسى ابقى مثقفة وعلى وعى لذا بحاول اقرا اكتر بحب الافلام الاجنبية وبموت فى قصص الرعب وما وراء الطبيعة بهتم جدا باحوال مصر ونفسى اغيرها مش بنتمى لاى حزب لانى لسه ملقتش الحزب اللى مصلحة بس هى الشعب منغير مصالح خاصة زملكاوية وافتخر ولو كنت اهلاوية كنت انتحر (استغفر الله) بحب جدا العمل الخيرى والتطوعى ومنتمية لجمعية على قدى نسيت اقول انى طالبة علوم بيولوجية مش بحب تقسيم الاديان لمذاهب فأنا مسلمة بدين الاسلام بحترم رأيى والرأى الأخر مش لاقية حاجةتانى اقولها ولو جه على بالى حاجة هابقى اجى اقولها بس بجد تسلم على التوبيك |
اقتباس:
ميرسى ليكى يا اية ونروتى الموضوع :d |
اقتباس:
|
ويا تري ايه الفكر ده ؟؟؟؟؟؟؟؟؟؟؟؟؟؟؟؟؟؟؟؟؟
أنا ببساطة مقتنع بفكر خاص بلاش اتكلم فيه علشان مش يقولوا العندليب بيحرض الاعضاء وترجع ايام زمان تانى .....كفاية أوى اللى حصل معايا زمان جميل جدا انك تفكر بالطريقة دي ميرسى لا متخفش مفيش ضرب ولا حاجة وجميل انك يكون ليك اهتمامات كتيرة مش كده والنبى ياريت توضيح لمبدأ اللبرالية سبق التوضيح ده رأيك وعلينا احترامة حتي لو كنا مختلفين معاك انا عن نفسي لا اؤيد ذلك لانه يعتبر تسليم بالامر الواقع وخضوع اي نعم هو كده كده اسرائيل محتلة فلسيطين بس بالحل بتاعك ده معناه ان اسرائيل يكون ليه وطن وبالتالي استحالة تحرير القدس التاريخ البشرى ملئ بالصراعات والنزاع ولم يشهد العالم فترة سلام فى كل أنحاء الارض منذ قديم الازل الا مدة 150 سنة بس وفى التاريخ دول اختفت ودول جت كتير أوى لو عدتلك .....هتهزلى خلينا واقعيين شوية اسرائيل خلاص بقا دولة معترف بيها عالميا وصعب ان لم يكن مستحيل انها تزول فى الوقت الحاضر ولا فى مدة 500 سنة حتى طيب ليه منعش فى سلام طالما احنا الخسرانيين اسرائيل بقت امر واقع واعترافنا بيها مش هو القضية القضية الناس اللى بتموت دى وماحدش سائل فيها وانا قلت انا موافق على التطبيع من كلا الجانبين يعنى يبقى اسرائيل دولة وفلسطين دولة والقدس عاصمة فلسطين زى ما قالت حدود 67 دلوقتى اسرائيل بتتوسع اكتر واكتر وكلها كام سنة وتختفى فلسطين من الوجود غزة تنضم لمصر كما كانت سابقا والضفة ل الاردن كما كانت هى الاخرى وباى بقا فلسطين فى اخر خريطة رسمت للكرة الارضية مفيهاش فلسطين وفى اتحاد الكرة الفيفا ماتشات فلسطين قبل قيام اسرائيل بقت باسم اسرائيل هنستنى ايه اكتر من كده الكلام كتييييييييييييير وطويييييييييييل اوى فى النقطة دى وانا اؤيدك في ذلك الرأي تمام |
اقتباس:
نورت والله |
اقتباس:
نورت الموضوع وشكرا للمرور |
اقتباس:
نورتى الموضوع يا فاطمة |
اقتباس:
نورتى الموضوع :d |
منتظرين أعداد اخرى من بقية الاعضاء
|
اقتباس:
احم انا عارفه ان ردى ده بره الموضوع بس معلش مش فهمت يا ريت شرح للنقطه دى :) فى رعايه الله |
اقتباس:
ببساطة أتباع الاديان دى بيعتبروا انفسهم اتباع اديان سماوية بصرف النظر عن كونهم صح ولا غلط يعنى البهائيين بيعتبروا البهاء نبى أرسله ربنا يعنى بيدينوا بدين سماوى من وجهة نظرهم وكذلك الاسلام واليهودية ............... الخ بقا منتظرين تعريفك لنفسك يا أوركيديا |
عموماً أنا لسه مش عارف الموضوع مفروض يبقي فين بس متهيألي انه يبقي تعارف وحاجات كدا مش فاكر اسم القسم :d إن شاء الله المختص بالركن هو اللي يتعامل معاه مش عارف ليه بحس ان المواضيع دي مجرد استعراض :redface: |
اقتباس:
ادعو لي بالتوفيق |
ربنا يعدى الموضوع ده على خير :d اقتباس:
بلاش تعرفى أحسن يا رفيف اللى فات مات و إحنا ولاد إنهارده و باقى الاسطوانة المشروخة :d.... مشكووووووور على الموضوع والفكرة :bosyht9: باينى إتعاديت :006et4:..كل شوية أدخل الموضوع و أدور عن حاجات جوايا وأفضل أكتب أكتب و فى الآخر أخرج عموماً مسيرى أنزل رد للموضوع إن شاء الله سلام عليكم |
السلام عليكم ورحمة الله وبركاتة
الحقيقة انا كل شوية ادخل الموضوع الرائع دا مش عارف اقول اية بصراحة الموضوع جميل لا يخرج الا من شخص ذكى جدا بس انا مستغرب موضوع ذى دا مش يتثبت لية؟ بناشد المشرفين تثبيتة . تدخل فى الموضوع انا اخوكم فى الله اسامة السيد طالب فى الصف الثانى الثانوى الازهرى ولى الشرف الكبيررررررررررررررر انا زملكاوى للاسف دا يما محىج كل العدة علشان الحكاية دى بس مش مشكلة سيبهى على الله انا الحمد لله متدين جداا عارف ربنا كويس مش بخاف من شئ لانى عارف انة ربنا كتبلى كذا يبقا كدا مشكلتى انى صريح يعنى الى فى قلبى على لسانى والنقطة دى بتزعل ناس يامة منى بس خلاص هما خدو على كدا اتعودو يعنى لا اميل لاى حزب سياسى يمكن انا شوية معجب بالاخوان وضعى الاجتماعى الحمد لله كويس بلاقى احترام من الناس الحمد لله لانى مش بغلط فى حد بعشق الاغانى الدينية والوطنية جداااااااااااااااااااااااا ومليش فى اغانى اليومين دول بحب الكورة جدااااااا ونادى الزمالك زى ما قلت اظن انا وجعت دمغكم من كتر الرغى دا صح. بشكرك تانى على الموضوع الراءع وبجد تانى يا ريت يثبتوة؟ شكرا لحضرتك تقبل تحياتى |
:d
اقتباس:
أوكى يا احمد لو المكان مش القسم العام أوكى ممكن ينتقل بس اعتقد أفضل مكان هو ده اسمحلى بقا اختلف معاك يا أحمد تعبير الانسان عن معتقداته وافكاره اللى هو مؤمن بيها وتعبيره عن نفسه عمر الكلام ده ما كان استعراض ابدت نورت الموضوع يا ابو حميد |
اقتباس:
وعليكم السلام الموضوع نور والله :d |
اصلا انا معرفش ايه الي حصل معاك زمان
ومصرة اني اعرف الفكر ده "متفتكرهاش رخامة بس هي حب استطلاع " اللى حصل كل خير بلاش نقلب فى الماضى هههههههه اوكى يا ستى أنا ببساطة ( ومن غير ضرب ) مقتنع بفكر أهل القران اللى بيتقال عنهم القرانيين .... يا ربى استرها بقا انت كده بتحلم واحلامك واسعة شوية لان ده استحالةيحصل لسبب بسيط لان اسرائيل اصلا لاتحب ان تعيش في سلااااااااااااااام اذا كان هي اصلا رفضت توقع علي اتفاقية منع انمتشار الاسلحة النووية هترضي بالي انت بتقوله ده ؟؟؟؟؟؟؟؟؟؟؟ اكيد لا من حقنا نحلم بس انتى كده مفهمتنيش أنا بقول أنا موافق على التطبيع بس لو كان من كلا الجانبين يعنى حقنا للدماء من كلا الطرفين موافق ان يبقى فيه دولة اسمها اسرائيل جنب دولة فلسطين اللى عاصمتها القدس وبعد كده موافق على التطبيع مع الدولة دى لاننا باختصار أضعف من اننا نقوم بازالة دولة زى اسرائيل وسيبك بقا من كلام احمد نجاد والكلام الحلو المعسول ده اللى بتختبئ وراه أسرار محزنة طول ما احنا بنقول لا للسلام مع اسرائيل اسرائيل هتفضل تطحن فى فلسطين وتتتعدى على جنوب لبنان وعلى مياه الاردن وعلى الحدود المصرية ........الخ واحنا مبنقدرش نقول كلمة اسرائيل أقوى دول عمليا واقتصاديا بل وعسكريا فى المنطقة أقوى من تركيا ذاتها يعنى مش هتيجئ حركة زى حماس وتقول لا نحن لانعترف باسرائيل ... هو ده اللى عايزه اسرائيل اعتراف حماس مش هيقدم ولا هيأخر والنتيجة واحدة حماس من سنة 98 بتضرب صورايخ بومب على جنوب اسرائيل كل اللى عملته انها قتلت حوالى 21 مدنى وجرحت حوالى 100 مدنى ( اتكلم عن المدنيين ) وانظرى بقا فى الجانب الفلسطينى الارقام تتحدث عن نفسها بكرر تانى انا موافق على التطبيع بس يكون تطبيع من كلا الجانبين بص اصلا مشكلة فلسطين مش هتتحل في عصرنا الحالي نهائي لعده اسباب وبعدين اصلا الي انت بتقوله ده مش هيحصل معتقدش مع سياسة امريكا الحالية ان هيحصل كده واصلا الفلسطنين مش هيسمحوا لده يحصل وتتمحي فلسطين نهائيا لا بالعكس ده مخطط صيهو أمريكى بالدرجة الاولى انتى مسمعتيش عن حسبة برما اسرائيل تضغط على اهل غزة وتحاصرهم وهما بدورهم يضغطو على مصر بالاضافة الى الشعور العربى تجاهم اللى هيحرك الحكومات العربية الى انها نوعا ما تضغط على مصر وبالتالى يقيموا لاهل غزة معسكرات فى سيناء شوية شوية مصر تمد اهل غزة بالكهرباء والماء وبعدها تضيع المعالم والحدود وتنضم غزة لى مصر كما كانت ومن الناحية التانية تستغل اسرائيل ضربها لغزة وانشغال العالم فيها ببناء مستوطنات اكثر واكثر زى ما حصل وبيحصل لحد ما مساحة الضفة تتضائل وف الاخر تنضم للجانب الادرنى وبعدها اختفت دولة فلسطين من الوجود لازم نلاحظ ان الرابط بين الضفة وغزة رابطة معنوى لا أكثر يعنى اسرائيل فى النصف بينهم ومفيش يابسة بتربط غزة بالادرن غير القدس والقدس دلوقتى اسرائيلية أكتر منها فلسطينة الاسرائيلى ممكن يدخل القدس فى أى وقت اما الفلسطينى فالحكاية معروفة وبعد كده تستعيد سوريا الجولان فى مقابل تخلى عن بعض المناطق لصالح تركيا ولبنان وتستغل اسرائيل النقطة دى فى انها تحصل على مزارع شبعا فى جنوب لبنان ومن الناحية التانية تتنازل اسرائيل عن بعض المناطق الصحراوية الى مصر التى يسكنها يهود الفلاشا الى مصر عوضا عن ضم غزة اليها ههههههههه المسئلة صعبة اوى حسبة برما بقا المهم فى ناحي يتم خلق شرق اوسط جديد كما وعدت ست الحسن والجمال مرارا وتكرارا اكيد تعرفوا مين ست الحسن ؟؟؟ ماشي هو اصلا العالم اعترف باسرائيل دولة بس مش معني كده انه محاه فلسطين من الوجود وان كان لا وجود لها علي الخريطة او في عالم الكورة اسرائيل فى طريقها الى محى فلسطين انتى تعرفى يعن ايه اسرائيل تنسب ليها سجلات الكورة اللى كانت باسم فلسطين حتى قبل ما اسرائيل تتولد ويعنى ايه الخريطة الجديدة تبقى فلسطين كلها اسرائيل ؟؟؟ اعتقد خطوة ايجايبة جدا لصالح اسرائيل معلش اعذروني حتابع معاك مع امتاحناتي ادعو لي بالتوفيق ربنا معاكى ادعلنا احنا كمان انا امتحانى يوم الاحد ومرعوب ربنا يسترها بقا |
اقتباس:
ونورت :028ja7: |
خلاص ماشي بالنسبة لنقل الموضوع فهسيبه للقائمين علي ذلك اما عن نفسي فاسمي : احمد رضا السن : كبير بما يكفي للحكم علي الامور العنوان : البحيرة - القاهرة الإهتمامات : التأليف ( الشعر - النثر - القصص القصيرة والأقاصيص ) والإلقاء - الموسيقي ( الأورج ) وسماع الموسيقي الكلاسيكية - الخط العربي والرسم - القراءة ( فلسفة إسلامية ويونانية قديمة - تنمية بشرية وعلم نفس والتحفيز النفسي بأنواعه - الأدب الروسي والإنجليزي والعربي - وخصوصا الروايات الثورية والإجتماعية التي تحمل رؤية صائبة للقيم - الشعر الحديث ( الانجليزي والعربي ) - الكيمياء الحيوية - الكتب الدينية النظيفة البعيدة عن ( وأطيعوا الله واطيعوا الرسول وأولي الأمر منكم بمحمله السياسي ) :d - التكنولوجيا ( تصميم الجرافيك ADOBE PHOTOSHOP - iMAGEREADY ) - المونتاج ( AFTEREFFECT - vEGAS - PRIEMER ) وقريبا fINAL cUT كُتَابي المٌفضلون : ليوتلستوى ( الأديب الروسي ) - غابرييل غارسيا ماركيز - شكسبير - برنارد شو - تشارلز ديكنز - موليير ( الأديب الفرنسي ) - أحمد خالد توفيق - يوسف إدريس - نجيب محفوظ شعرائي المفضلون : عبد العزيز جويدة - أمل دنقل - نزار قباني - د.جمال مرسي - شريفة السيد - احمد مطر - مظفر النواب - شكسبير - ميلتون نبذة عن أفكاري : بدايةً قد يعتبرني البعض يوجيني وأعترف أنني متأثر بالفِكر اليوجيني ولكن العادل منه .. فأنا ليس محتقراً لصفتي الغباء والفقر فقط ولكن انادي بتحسين السلالات الغبية والفقيرة لتكون علي مستوي آدمي مُناسب .. أحترم كل مثقف مهذب ولكن ليس بقدر احترامي للنادرين أنقياء القريحة .. لا أحترم أي رجل دين علي القناوات الفضائية يتقاضي أجر ولا احترم أي رجل دين يتحول لسياسي لإيماني بفلسفتي ( ينتهي دور رجل الدين عندما يتولي منصباً سياسياً ) .. مؤمن دائماً أن الصحيح هو ما أشعر به من أعماقي وليس من أهوائي وواقعي حتي لو خالف مفهوم التقدم وأعراف المُجتمع .. أعشق خالقي ولكنني أري نفسي مازلتُ مقصراً بحقه .. لا أثق بنفسي بل أثق بقدرتي علي أن اكون أفضل كما يقول د.أحمد خالد توفيق .. لا أحترم الكائنات الحزبية - علي رأي ( استاذي / رضا شعبان ) وانصاف البشر من مصطنعي الدين من اصحاب الأذقان الكبيرة والصغيرة :d واستخدم في معاملتهم التسخيف السقاوى ( علي اسم عيلتي يعني ) :d فهم في نظري مجرد أنصاف بشر - يوجيني يوجيني يعني - كل ما يريدونه هو تحويل المجتمع لمجتمع كهنوتي كمجتمع أوروبا في العصور المظلمة الذي يأخذ تشريعات الحياة من الكهنة وأصحاب الأذقان :d .. أري أن كل مرحلة هي مرحلة انتقالية ليس إلا بس دي حاجة ع السوريع كدا :) |
حاجة صغيرة جداً يا عندليب
طالما انت موضوعي كدا حيال الديانات ( وقد نختلف حول مفهوم موضوعي ) فتقدر تقول انهم سبعين .. عندما سفرانيتيه .. ونورانسي واندولي .. دول عندنا في الشارع وفيه كتير في الشوارع التانيه طالما أي متخلف يطلع بكلمتين يبقي دين جديد :) أنا أحترم المدعين من باب الحرية لكن لا اعترف بيهم ولا ممكن أردد ألفاظ معتقداتهم :) لذلك فلو علي وجهه نظرك خلينا نعمل الأمر نسبي بحت ان فيه بليون ديانة وان الثلثمائة ( إقتكاسة في الولايات المتحدة يطلق عليها ديانات ) دي معلومة أقرب للصحة مش إفتكاسة :d |
الاسم : مش فاكرة في ثانوية عامة بقي:p الديانة:مسلمة من أهل السنة وافتخر جدا بكره حاجة اسمها كرة بس بحب صياد السمك:bosyht9::d لا انتمي لاي حزب سياسي بكره كل اللي حاكمين البلد مؤمنة بفلسفة روسو ان التقدم الحضاري للشعب خلي اخلاقهم تفسد بتمني ان حد زي السادات يحكمنا تاني زي السادات(منوفي من الاخر :dمش زي حسني طبعا) بكره حاجة اسمها الناس اللي محتلين القدس مبحبش حد يقول دوله اسرائيل لان مفيش حاجة اسمها اسرائيل فيه حاجة اسمها القدس المحتله ومش معترفه بوجودها وياريت العرب يعمله حاجة حلوه في حياتهم ويتوحده أنا واحدة بحب ديني أوووي أوووي نفسي أعرف كل حاجة فيه ويبقي عندي فكر مستقل والناس تحترم تفكيري زي ما انا بحترم تفكرهم نفسي اعرف لغات كثير طبعا ابقي متفوقة عليك في العنكليزي:p هههههههههه اعرف كل اللغات بحب اقرأ القصص القصيرة والروايات وبحب يوسف ادريس اوووي لان تفكيره جميل جدا نفسي اكتب ع نفس نهجه بتمني اسافر كل منطقة في مصر وقرأ عن كل شبر فيها بتمني اعمل حاجة لبلدي وديني في يوم من الايام اخر امنيه ليه اني اخلص الثانوية العامة ع خير ادعي لي :dبدل ما انت قاعد تعمل مواضيع جميلة كدا:p كفايه كدا عشان مش فاكرة حاجة تاني شكرا ع الموضوع:022yb4: |
| جميع الأوقات بتوقيت GMT +2. الساعة الآن 10:31 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.