|
حدث بالفعل داخل لجنة الإمتحان !!
موضوع قديم وجديد فى نفس الوقت ومشكلة أصابتنا فى عقولنا وذواتنا وثقافتنا فأصبحت جزءاً أصيلاً من اللاوعى والعقل الباطن لكل فرد فى هذا المجتمع.
المشكلة هى " الغش فى الإمتحانات " الذى انتشر بشكل هجومى فى جميع المدارس المصرية ، وأكررها فى جميع المدارس المصرية وأتحدى من يثبت عكس ذلك ! وحين تقوم بمناقشة أطراف العملية التعليمية المتعصبين لمبدأ " الغش " تفاجأ بسلسلة ردود لولبية سريعة موجهة إلى عقل سيادتك تتهم حضرتك إما بالجهل بأصول و قواعد الإمتحانات أو الوقوف ضد مصلحة الطلاب أو الإتهام الأخير بأنك موالى للنظام ، وقاتل لفرحة أولياء الأمور بنجاح أبناءهم فى هذه التمثيلية المسماة بالامتحانات ! أحدهم قال لى بصفتى مدرساً وملاحظاً فى لجان الإمتحانات وأرفض مبدأ الغش : " ياأخى حرام عليك دول أولاد تعبانين وآباءهم محروق دمهم عليهم متبقاش انت كمان عليهم " وزميل آخر حريف غش بمجرد دخوله أى لجنة تتحول بقدرة قادر إلى سيرك لإستخراج الكتب وبراشيم الغش ، قال لى بثقة زائدة : " بكرة تعرف إنك غلطان وإن اللى بنعمله دة هو أكبر صح " طب إزاى معرفش !! أما الطامة الكبرى فهو تحول أولياء الأمور فى موسم الإمتحانات إلى ماكينة صرف آلى متنقلة تنفق مئات الجنيهات على طلبات " البهوات المدرسين " أثناء إنتدابهم فى لجان الشهادات العامة فى المحافظات الأخرى ، وتلبية جميع رغباتهم من طعام وشراب ومبيت فى استراحات وفنادق خارجية ورشاوى مادية وعينية عينى عينك من أجل عيون الباشا التلميذ ! فيا دعاة إصلاح التعليم وياوزير التعليم ويا سيادة رئيس الوزراء وياأصحاب المؤتمرات الضخمة والإجتماعات المهمة .. الخطر كبير والملف شائك وحساس لأنه ببساطة ينسف بذرة هذا الوطن ومستقبله ويدمر جذوره .. عل فكرة ، زملائى المدرسين من أصحاب مبدأ الغش "يلعبون" فى دماغى كل يوم كى أتحول إلى جانبهم ، وأنا بصراحة فى ظل صمت المسئولين وتجاهل المجتمع للمشكلة - شكلى رايح معاهم – فماذا ترون ؟! |
طبعا الغش حرام
وانا اخبرت زملائي بأني سوف انعزل عن غشهم وكأني لست موجودا معهم حتى لو سمعت بأذني الاجابة على سؤال لم اكن اعرفه والله لن اكتبه في الورقة ابدا فلو فعلت لاخذت ما ليس لي عن طريق الغش والزور وقد تكون اموالي التي سوف اربحها من وراء العمل الذي حصلت عليه بشهادتي المزيفة مالا حراما فلم كل هذه المتاهات اتعب يومين واتريح بقية حياتي انما الدنيا هبات وعوار مسترده شدة بعد رخاء ورخاء بعد شدة |
يا ليتنا جميعا نقوم بحملات ضد الغش والغشاشين الذين يرتضون علي أنفسهم بالحصول علي شهادات مزورة
|
تيجو نعمل مجموعة ونسميها معا ضد الغش وانا اعرف ناس كثير ضد الغش
ولكم كل واحد بيحس انه لوحده ضد التيار ايه رايكم ؟؟؟؟؟؟؟؟؟؟؟؟؟ |
اقتباس:
المسئولين ربنا حيسالهم عن صمتهم ده لكن حضرتك كمان حتسأل عن مسئوليتك وهى منع الغش بس للاسف المراقبين دلوقتى بقوا هما اللى بيغششوا انا عندى فى المعهد بيجمعوا فلوس من اسبوع علشان المدرسين اللى بيصححوا ولما قلتلهم لا وان ده مبدأ مرفوض بالنسبة لى قالولى( ابقى قبلينا لو جبتى مجموع وخلى المبادئ تنفعك ) فحضرتك دلوقتى صح وهما اللى غلط فلازم تختار حضرتك مين فيهم وتثبت على كده |
أشكركم جميعاً على تعليقاتكم وردودكم الرائعة
ردودكم أثلجت صدرى وجعلتنى أشعر بالأمل تعليقاتكم أعادت لى الثقة من جديد أشكركم وأتمنى لكم التوفيق من كل قلبى شكراً جزيلاً لكم ... ش |
كلمتان
خفيفتان على اللسان ثقيلتان فى الميزان حبيبتان إلى الرحمن سبحان الله وبحمده سبحان الله العظيم |
اقتباس:
وأنا واحد منهم جالى جواب مراقبة وبقالى ثلاث أيام أحاول ألغيه بكل الطرق ولكن للأسف ماعرفتش عايزين تعرفوا عايز ألغيه ليه ........نتيجة للضغوط التى تتم ممارستها على المراقب من داخل اللجنة وخارجها كى يسمح المدرس بالغش ....... |
يعم المشكلة مش فى الطلاب
الطلاب فيه كدة وكدة صوبعك مش زى بعضها عايز تلوم لوم المراقبين المدرسين لكن متلمش الطالب انتا عايز تنجح بالثلث فى ايد المراقب انو يسقطك تقدر تكلم اتحداك |
من راييى انها عملية مشتركة بين الجميع فكل واحد من ناحيته لابد ان يتصف بالايجابية طالب او مدرس او موجه واكيد ان هناك شرفاء فى كل معا فهيها نرفع صوتنا لا للغش لا للغش لا للغش |
الغش انواع بنسبة لغش الكتب والبرشام فدا ظلم بين اما بنسبة لطالب بيتاكد من زميلة فى نقطة او سؤال (مش الامتحان كله يعنى) دى فيها ايه وكمان احنا الازهرية موادنا كتير جدا فحنا بندخل الامتحان ومخنا فيه كل المواد دى فممكن ننسا نقطة مثلا ونفسى اعرف حد فيكوا دخال الامتحان وخرج منه منغير ميتأكد من نقطة او اتنين اعذرونى لصرحتى
|
جزاك الله خيرا على محاربتك للغش
وانا طالبه من الطالبات اللى بيكرهوا الغش بس اعمل ايه ما باليد حيله حسبنا الله ونعم الوكيل |
اقتباس:
عفواً الغش هو الغش والطالب الواثق من نفسه وقدراته لا يحتاج إلى التأكد من غيره وطبعاً الصراحة متزعلش !! شكراً للمرور .... |
اقتباس:
وإن شاء الله انت من الناجحين والمتفوقين لأن الغش لا يرفع أحد وإن حدث فهو لأيام معدودة وربما لحظات معدودة لكل مجتهد نصيب وشكراً كتير ليكى ... |
انا الصراحه بالجء للغش لاكن ده مش معناه انى مبتعبش طول العام الدراسى لاكن المواد كتير والمعلومات اكتر والمنهج كبير والأمتحانات فيها اسئله ممكن تضيع كل المجهود اللى الواحد تعب فيه ....طلاب كتير ناويين على هندسه وطب ...قوللى بقا يا سيدى هجبهم ازاى من غير غش ...لاكن لازم الواحد يعمل اللى عليه الأول وبعدين يلجأ للغش
|
نسأل الله ان يبعد الغش بأنواعه عن مجتمعاتنا الاسلاميه وخــــــــــــــــصـــــــــــوصا العربيه آمييييييييييييييييييين سبحان الله والحمد لله ولا اله الا الله والله أكبر ولا حول ولا قوة الا بالله العلى العظيم
|
اقتباس:
حتى لو كانت طب أو هندسة بس المهم تذاكر أكتر وتشيل الغش من قاموس حياتك جرب وقوللى يا فهد |
اقتباس:
شكراً لولو |
من الذى اعطى الطلاب حق الغش ؟
من يحمى المدرس من بطشهم اذا منع الغش ؟ سوء الاستراحات والتجهيز لاقامة المدرسين من المسئول عن مهازلها ؟ تسريب الامتحانات مسئولية من ؟ اللى يعرف يجاوب على هذه الأسئلة يقولى |
اقتباس:
الحمد لله أنا دخلت جميع الامتحانات في العام السابق من غير غش ولا حتى تأكيد ناتج ولا تفتيح دماغ و جبت 650.5 /650 و دخلت طب الغش عمره ما كان حل أبدا أبدا أبدا |
اقتباس:
|
اقتباس:
ياريت تقول وتفهم أنصار الغش الذين يرفعون شعار ذاكر تنجح غش تجيب مجموع !! والله بيصعبوا عليا |
لك الله يا ازهر
|
اقتباس:
المنظومة التعليمية كلها محتاجة تغيير وتجديد شكراً سير بهنسى على المرور .... |
اقتباس:
ربنا يخليك يا سيادة الكوماندا المهم :d صدقني في ناس كتيرة ملهاش في الغش و بيجيبوا أعلى مجموع المهم أن الأزهر يتطهر من تلك النقيصة اللي بقت سبة في حق الأزهر وإن كانت هي الواقع بالطبع |
اقتباس:
وان شاءالله ربنا يحمى الأزهر من الغشاشين اللهم آمين |
الغش ده ظلم للطالب ودمرنا فى الثانويه الازهريه
|
اقتباس:
دة ظلم وإحباط وسرقة وفساد وتعدى على حقوق الآخرين المدرس اللى بيغشش زى المقاول اللى بيغش فى المونة دة بيهد عمارة والتانى بيهد انسان ويمكن المدرس أكتر شوية لإن المدرس بيتحكم فى خروج شخص زى المقاول الحرامى من عدمه !! شكراً سارة ... |
يا جماعه طول مفى ازهر يبقى على طول فيه غش
واتحدى ان حد يحصل على اكثر من 95%بدون غش بص على الامتحانات لو تأملتها تلاقى ان الى واضع الامتحان عاوز الطالب يكتب بنص الكتاب وايه اللى خلى الطب ياخد من 99%مهو الغـــــــــش يعنى اللى دخلو الطب من85% عقولهم اقل من اللى دخلوه من99% اذن لابـــــــــــــــــــــــــــــــــــــــــــــــ ـــــــــــــــــــــــد من الغـــــــــــــــــــــــــــــــــــــــــــــــ ــــــــــــــــــــــــش |
المشكلة كلها فى الاساتذة المراقبين لو كانوا بيحترموا انفسهم مكنش هيبقى فى غش وانا عن نفسى والله ولا امتحان غشيت فية الا امتحان التربية الوطنية والحمد لله عقاب ربنا ليه ان الكلية ال كنت بحلم بيها الحمد لله راحت
|
| جميع الأوقات بتوقيت GMT +2. الساعة الآن 05:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.