حل لمشكلة الملل من المذاكرة ( خاص لطلاب الثانوية العامة )
 

السلام عليكم ورحمة الله وبركاته
هذا الموضوع عبارة عن تجميع لمواضيع كثيرة و استخلاص المفيد منها

نبدأ على بركة الله

للسأم والملل من المذاكرة أسباب كثيرة وقد تعود إلى الدوافع أو الأهداف أو إلى أساليب المذاكرة أو الظروف أو عدم الرغبة في العلم أصلاً أو عدم الرغبة في العلم الذي يدرسه

وده أكيد بيحصل لنا كلنا

من حيث الدوافع والأهداف
فإن الشخص قد تدفعه إلى التعلم دوافع معينة أو تجذبه إليه أهداف . سواء كانت مادية أو معنوية حين تضعف هذه الدوافع أو تزول هذه الأهداف تتبدل الأمور أو يصعب الوصول إليها.
فإن هذه الأمور تؤثر حتماً في عملية التعلم لأنه يبني نشاطه العلمي عليها فهي الأساس وأي تغيير في الأساس يؤدي إلى تغيير ما أسس عليه.


وأما من حيث أساليب المذاكرة والظروف المحيطة :
فإن هناك أساليب خاطئة في المذاكرة مثل القراءة بدون فهم أو القراءة في وسط الضوضاء أو في حالة انشغال الذهن الشديد غير إرادي بأشياء أخرى أو في حالة الاضطرابات النفسية الحادة بحيث لا تساعد على المذاكرة والتركيز.
وقد يكون سبب ذلك عدم ثقة الشخص بنفسه وبقدرته على الفهم والتحصيل فإن وجود كل هذه الأحوال قد يؤدي إلى السأم والملل من المذاكرة ، وكذلك الإيحاءات ( أنا مش عارف أذاكر . أنا عندى اكتئاب .
انا مش هجيب مجموع كويس :( )

وإليك الحل
اكتب هذه الصفحة بخط واضح وقم بتعليقها في غرفتك وانظر اليها يوميا ,,,,,,,
* حدد ماذا تريد؟؟؟؟؟؟؟؟؟
ج مثلا: اريد ان احصل على مجموع عالى لدخول الجامعة التى أريدها ( الهندسة ، الطب ....)

* كيف ممكن ان تحصل علىالمجموع العالى ؟؟؟؟؟؟؟؟
ج : بالمذاكرة الدؤبة والمستمر طوال العام مع تنظيم الوقت وتحديد الاولويات
* ما هي العوائق التي منعتك من ان تحصل على مجموع عالى في الماضي ؟؟؟؟؟؟؟؟؟؟
ج :الفتور عن المذاكرة بعض الوقت خاصة حين الامتحانات , وعدم معرفة طريقة المذاكرة الصحيحة , او مثلا فعل المعاصي وتضيع الوقت

* كيف تستطيع ان تتغلب على تلك العوائق ؟؟؟؟؟؟؟؟؟؟؟؟؟
ج : بالرجوع إلى الله والتوبة اليه , بمعرفة كيفية المذاكرة الجيدة وسؤال غيري من طلبة الامتياز عن ذلك , بالاجتهاد في المذاكرة ورفع الهمة والثبات

* اذا حصلت على مجموع عالى ماذا ستكون النتيجة ؟؟؟؟؟؟؟؟؟؟؟؟
ج : تخيل
- بصريا : فرح والداي واهلي واصدقائ واساتذتي
- سمعيا : ساسمع الفاظ الثناء والمباركة
- شعوريا: سوف اكون في غاية السعادة
- مهنيا :ستسهل علي وتنفني في مجال العمل كثيرا (ان شاء الله )وكذلك قبل هذا إلتحاق الكلية التى أرغب فى أن ادخلها

*اذا لم تحصل على مجموع عالى ماذا ستكون النتيجة ؟
ج :
- بصريا : حزن والداي واهلي واصدقائي زسارى نظرات المواساة او السخرية من البعض
- سمعيا : ساسمع الفاظ المواساة وربما التوبيخ او السخرية من البعض
- شعوريا : ساشعر باني حزين وسافقد ثقتي في نفسي وكذلك سفقد الاخرين ثقتهم في .
- مهنيا : صعوبة مجال العمل والتاثير عليه كثيرا .وهخش أى كلية واتحسر على نفسى لما اشوف زمايلى دخلوا كليات حلوة وانا دخلت حاجة أى كلام مش عاوزها


يارب الموضوع يعجبكوا
ادعوا ليا بالتوفيق

أخوكم محمود

واسمحولى أضيف كمان حاجتين

بالنسبة لتحديد الهدف
يحدد أهدافه العلمية على أسس ثابتة ودراسة واعية . لا على نزوات أو رغبات طارئة بل على أسس ومبادئ يؤمن بها عن عقل وأدلة ، لا على مجرد ميول ومصالح وقتيه، ويكون بعد ذلك صبوراً شجاعاً لتحقيق أهدافه ولا يعدل عنها لمجرد ظروف طارئة أو قاهرة تحول دونه

والحاجة الثانية بالنسبة للمذاكرة
لا يقرأ إلا بالفهم كما ينبغي ألا يقرأ في الحالات التي لا تساعد على القراءة والفهم ، هذا وتغيير موضوع المذاكرة بعد خمس أو ست ساعات يؤدي إلى النشاط و يقاوم الملل. فلو أنك عدت إلى مادة أخرى بعد القراءة ي مادة معينة فتجد النشاط في نفسك لقراءة هذا الكتاب أو ذاك الموضوع فالتنويع يؤدي إلى تجدد النشاط .
وينصح التربويون أن يكون الانتقال من الأصعب إلى الأسهل لأن السهل يخفف من التعب، كما ينصحون أن تكون فترة للراحة بعد كل ساعة وتحديد مقدار الراحة يرجع إلى المتعلم ، لكن الأساس العلمي هو أن تزداد فترة الراحة كلما تزداد ساعات المذاكرة.

جزاك الله خيرا موضوع رائع

جزاك الله خيراً على هذه المرور الطيب

جزاك الله خيرا
بس صدقني مفيش نتيجه

شكراً كتيير لمرورك
بص انت بأه صديقينى إن شاء الله فيه نتيجة
بس تخيلى انك داخله كليه كمان كام شهر
هتخشى طب
ولا هتخشى معهد خدمة
دا مثلاُ
هخليها فى دماغى وفكرى

شكراً على الموضوع
و ربنا يقدرنا على الايام الجاية ديه

جزاك الله خيرا

شكرا على الموضوع
بس مين الى يفكر كده ويعمل كده كتير قلنا الكلام ده وهنعمل ومفيش حاجه بتتعمل
على راى بوسى مفيش فايده
ربنا يوفقنا

شكراااااااااااا اوى على الموضوع ده
بس المشكلة ان الواحد بيبقى متحمس فى البداية بس
ربنا يستر

يا جماعة
انتوا مش مصدقين إن فيه حاجة اسمها علو الهمة
دى حاجة وضعها الله سبحانه وتعالى عند الإنسان وتختلف من شخص لآخر
طب تخيلوا معايا كده إن بكره الإمتحان
تخيلوا ..................
شوفوا هتذاكروا قد ايه ومش هتملوا من المذاكرة
ومادة واحدة
وهتقعدوا تذاكروها عادى خالص
طب ليه كده
لإن فيه شئ هيحصل لو انا مذكرتش
هو إيه ؟
إنى مش هجيب درجة حلوة فى الإمتحان أو ممكن اسقط لو انا مش مذاكر

بلاش المثل ده
أديكم مثل فى الإجازة مثلاً
لو عندكم فى البيت عملين مثلاً رحلة هتروحوا مثلاُ اسكندرية بكره
هتبأه قاعدين مش على بعدكم وممكن تطبقوا من الفرحة
أحب أقولكم دى مش فرحة دى همة عالية
لازم تقتنعوا إن فى حاجة اسمها همة عالية

انا كل سنه بقول هذاكر وكده وباخى في النص وبتعب وبمل وارجع في الاخر اهتم تانى وبتعدى الحمد لله اهم حاجه السنتين الجايين

شكرا بجد موضوع هايل ويارب استفيد

شكرا اخى الكريم على مساعدتك الغاليه واتمنى ان نكون لاافضل دائما

والله انا مش عارف اقول ايه

بس العنصر الاساسي ف دا كله


قوة الإرادة

شكراااااااااااااااااااااااااا وجزاك الله خيرااااااااااااا

جزاكم
الله
خيرااااا

شكراً ليك جداً بس المشكلة انى عايز اخلص المواد بسرعة وهى ده مشكلتى بحس انى بطيىء فى المذاكرة وشكراً ليك يا اخى وجزاك الله خيراً

بحبك موووووووووووووووووووووووت يا محمود

موضوع حلووو أوووي

وعلي رأي طارق سويدان التحفيز داخلي وليس خارجي

بمعني إن التحفيز بييجي من جوانا وليس من البيئة المحيطة بينا

يعني لو أقنعت نفسك بإنك تقدر تحصل علي مجموع الكلية اللي نفسل تلتحق بيها وتعمل كل حاجة علي أساس كده وتحط لنفسك هدف إنك هتدخل الكلية دي رغم كيد الحاسدين والآخرين هتدخلها عشان مفيش حاجة هتصعب عليك لو حفزت نفسك بنفسك واتطلعت وتخيلت شكلك وانت انسان ناجح في حياتك الشخصية والمهنية

دي حاجة احب أضيفها لكلامك وشكرااا

موضوع جامد سعادتك


الله ينووور

تسلم ايديك يا حبيبى
موضوع روووووعة

لكم جزيل الشكر على هذا الموضوع الرائع

بجــــد موضـــوع جميل ....

بارك الله فيـــك ...

وربنـــا يقدرنا كلنـــا يارب ...

روعـــــــــــة جدا بارك الله فييييييييك,,,

ربنا يباركلك
ويجزيك كل خير

جزاك الله خيرا

مشكووووووووووووووووووووووووووووووووور

موضوع بجد غايه فى الروعه
مشكور اخى محمود

مشكووووور موضوع مهم

الموضوع فى غاية الروعة وانا استفدت كتير اوى وصدقونى ياجماعة طول مااحنا بنقرب من ربنا ان شاء الله ربنا هيكون معانا ومش هيسبنا
وبعدين احنا قدها ولا ايه

انا فى ثانية ثانوى وعاوزة اجيب مجموع عالى علشان ادخل كلية الطب

انا بطيئة جدا فى المذاكرة وبضيع وقت كتير ومش عارفة فعلا اعمل ايه ... ياريت حد ينصحنى

لانى نفسى اجيب كلية الطب علشان فى ناس نفسهم يشمتوا فيا ومش بيحبولى الخير وهما ناس حاقدين وانا

عاوزة اثبتلهم ان ممكن ابقى حاجه كبيرة .

انا رأيي انك تغيرى نيتك وتخلي المذاكره عباده لله وحده مش علشان البشر وربنا يوفقك

من اختك :

الاء الله السيد