|
الاعتداء على المراقب تساوى تعهد بعدم التعرض !!!! ما رأيكم؟؟؟؟
قنا ـ أمير الصراف* : حاول طالب بمركز دشنا وشقيقه الاعتداء علي اثنين من المراقبين لمنعهما له من الغش أثناء الامتحانات،* تلقي اللواء محمود جوهر بلاغا من مركز دشنا بقيام محمد عبد العزيز محمد* 45* سنة رئيس لجنة امتحانات الثانوية الفنية بقرية أبو مناع بحري* وحجاجي* مصطفي احمد* * 43* سنة وكيل اللجنة بتقديم بلاغ* ضد طالب وشقيقه حاولا التعرض لهما أثناء مغادرتهما مدينة دشنا أمس ؛ ودلت التحريات التي* قادها النقيب حسن الأمام رئيس مباحث دشنا علي قيام بركات احمد فهيم* 19* سنة طالب وشقيقه إبراهيم* 30* * سنة جزار بانتظار رئيس لجنة الامتحانات ووكيل اللجنة بمدينة دشنا وحاولا الاعتداء عليهما بالضرب بعد أن تعرضا لهما بالسب،* لمنعهما له من الغش أثناء الامتحانات بلجنة أبو مناع بحري*. وتم ضبط الطالب وشقيقه واخذ تعهد عليهما بعدم التعرض لرئيس اللجنة ووكيلها
وهكذا انهت الشرطة الاعتداء على المراقبين بأخذ تعهد على الطالب وشقيقه الجزار يا ترى لو ما حدث العكس ؟؟ ماذا كانت ستفعل الشرطة مع المراقبين؟؟ وأين الوزارة مما حدث؟؟؟ وأين حق المعلم وكرامته من هذا التعهد الهزيل؟؟؟ فى انتظار آرائكم .. |
يا فرحتى والله حاجة مخزية بكل المقاييس حاجة تحرق الدم هى كانت ناقصة تعهد آخر يقر فيه رئيس لجنة الامتحان والملاحظين بعدم التعرض مرة أخرى للغشاشين - مش بس كدا والمفروض انهم كانوا يحلفوا كمان!!!!!!!!!!!!!!!! والله مهزلة أنا اتحرق دمى - منهم لله ترى ... هل يعلم السيد الوزير بمثل تلك المهازل؟! ربنا يرحمنا |
انا ارفض الذهاب الى اي ملاحظة بسبب عدم توافر الامن للملاحظين
|
والله حاجة مخزية بكل المقاييس
|
هي كده طول ما ندي ضهرنا للثانويه عمر كرامتنا ماتروح مننا
|
والله حاجة مخزية
|
ولسه الاسؤ جاى ورا عرف المثل اللى بيقول اللى .........................
|
ياأخوه احنا كنا بنراقب مرة وتعرضنا للتهديد بالضرب وقلب عربة المراقبين فى المصرف
واشتكينا لمدير الادارة قال بالحرف كل واحد يحمى نفسه بنفسه........... فين الحماية |
لكم الله يامعلمين أى أنت يا وزيرنا اااااااااااااااااااااااا ؟
كل عام وهى هى مهزلة الامتحانات العامة فى الإعدادية و الدبلوم و الثانوية و لا حياة لمن ينادى ................. طيب طالما كل واحد يحمى نفسه بنفسه يعنى الإدارة التعليمية و المديرية عارفة تمام المعرفة بكل ما يحدث ... و السوأل الذى يطرح نفسه و التحصيل الحاصل مراقبة يعنى لا غش طيب فيه غش بلاها مراقبة و آخر العام نعطى للطالب الورقة ( الشهادة ) الذى كان هيأخذها بالغش و بلاها وجع دماغ و امتحان وملاحظة و مراقبة وأموال طائلة !!!!!!!!!!!!!!!!!!!!!! تعهد .....ههههههههههههههههههههههههه !!!!! |
اقتباس:
بالتاكيد الوزير ميعرفش!!!!!!!!!!!!!! احنا اولادنا اللي في المدارس دول ملايكة و احنا اللي مش فاهمين هل تعلم انت استاذي الفاضل ان هناك قرار من الوزير بعدم لجوء المدرس للشرطة في حالة المشاكل مع الطلبة؟ و ان اي طالب يستطيع ببساطة شديدة جدا بل و بـ 5 جنيه فقط ان يعمل تقرير طبي للمدرس و يشعططه؟ لنا الله فقط و انسى ان فيه وزير و نسال الله معك الرحمة :049gc0: |
بالتاكيد الوزير ميعرفش!!!!!!!!!!!!!!
احنا اولادنا اللي في المدارس دول ملايكة و احنا اللي مش فاهمين هل تعلم انت استاذي الفاضل ان هناك قرار من الوزير بعدم لجوء المدرس للشرطة في حالة المشاكل مع الطلبة؟ و ان اي طالب يستطيع ببساطة شديدة جدا بل و بـ 5 جنيه فقط ان يعمل تقرير طبي للمدرس و يشعططه؟ لنا الله فقط و انسى ان فيه وزير و نسال الله معك الرحمة ولا حول ولا قوة إلا بالله |
المفروض ان المدرس مثل القاضى داخل لجنتة فهل يعقل ان يعتدى علية
|
طبعا دى حاجة تحرق الدم بس صدقونى يا جماعة لو الموضوع تطور عارفين الوزارة هتجازى المدرس ليه عشان هو السبب فى نرفزة الطالب وشقيقه هههههههههههههههههههههههه ربنا يستر علينا ويجعله عامر
|
الوزاره عارفه كل حاجه
والوزيرايضا عارف بحال العنف المنتشره حاليا بالمجتمع كله مش المدارس بس لكن دايما المدرس هو السبب لان الوزير لايريد اغضاب الرأى العام وعاوز يبان فى وسائل الاعلام انه بيعمل لصالح الطالب والمجتمع حسبنا الله ونعم الوكيل |
تنتظر أيه من غشاش لم يذاكر على مدى العام وفى النهايه عايز ينجح فبدل ما يلوم نفسه على عدم المذاكره يجى يوم الامتحان وهو بيقول ربنا يسهلها بمراقبين ولاد حلال يسيبوا اللجنه وللاسف ان فيه منا اللى بيغشش ويشرعن الغش ان جاز التعبير لابد من وقفه حاسمه مع كل من يحاول الغش أو يقوم بعملية الغش ليلتزم أولادنا ولو عرف الجميع بأنه ما فيش غش تحت أى ظرف لذاكر الجميع واحترموا الاستاذ ولانتظروا اللحظه التى يتكلم فيها وما ليش دعوه هو حيتعين واللا حيشتغل أيه دا دبلوم يا عم أو نفلسف الغش على انه مساعده الخ....................................
|
شكرا لمروركم جميعا وخلاصة قولنا
أننا بالفعل دون حماية مطلوب منا أداء عملنا كما يجب وكل واحد مسئول عن نفسه !!!!!!!!!!! أن المعلم هو دائما الغلطان ليه صحيح بينرفز الطالب ويزعله ويمنعه من الغش؟؟؟؟؟ واللا إيه رأيكم؟؟؟ |
فعلا ربنا يلطف بينا
|
اقتباس:
لكن هل سنكتفى فقط بطلب الستر من دون تحريك ساكن؟؟؟؟ |
طالما المدرس لا يحصل على حقوقه كاملة المادية و المعنوية و الحمائية فلن يعطى علم بالمعنى الحقيقى
|
اقتباس:
المعنوية وبنقول المهم الآخرة ... طيب والحمائية؟ !!!!!!!!!!! |
انا لله وان اليه راجعون
فى التربيه اولا ثم التعليم ثانيا وحسبى الله ونعم الوكيل ونداء لكل الاخوه اللى بيراقبوا اخر يوم ماتروحوش لان .............................................. هذه خبرة واحد قديم فى هذا الموضوع وانا فاضل شويه وابكى على حالنا ويقولك وزاره دى مغاره |
اقتباس:
يعنى هنعمل ايه كل مدرس يشيله مطوه كدا فى الشراب ولا كل استاذة هتحط سنجة كدا فى شنطتها دفاعا عن النفس والله حتى لو دفاعا عن النفس المدرس مدان مدان مفيش فايدة متحاولش والحج موجودة والتفنيدات كتير على رايك يا ناس ابقوا طبطبوا على الولاد ومتزعلهمش وخلاص ولا ابقوا اعطسوا او غمضوا او اى حاجة بس لا شكوى ولا حاجة - انتوا ايه معندكوش شخصية مش قادرين تسيطروا عالولاد!!!!!!!!!!!!!!! مصاصة - نداغة -- اى حاجة حاجة متاسف مش مخزية بس حاجة تعـــــــر.... متاسف على اللفظ مرة تانية الله المستعان |
اقتباس:
وعلى رأى حضرتك مشكور بجد دى مغارة :022yb4: |
اقتباس:
ههههههههههههه يا جماعة عمالين تتريقوا على أوضاعنا طيب واما ندخل المغارة بالامارة (( المطوة والسنجة)) هياخدوا علينا تعهد بعدم التعرض؟؟؟؟ دول يعدمونا رشقا بالاتهامات فى الاذاعة والتليفزيونات قبل اعدامنا شنقا :) |
اقتباس:
أمال نعمل ايه بس يا أبلة هدى شكلك بيسخنى - ربنا يستر ومعلمش مصيبة بصحيح واكون ضحيية عدم التعرض !!!!!!!!!!! بالله عليكى كفاية بقا اصل والله بيحرق دمى انا شايف ان الحل هييجى ان شاء الله من فوق من عند ربنا انما سيبك من اى كلام بيضحكوا بيه علينا المعلمون وورثة الانبياء وحملة مشاعل العلم والحضارة ومربوا الاجيال والله يقولون حقا يريدون به باطل سلبية - جبن .......... مش جبنه ............ جبن - قول كلمتين وخلص - ملكش دعوة بالاخلاق ولا الادب ولا الكلام الفارغ ده!!!! دا خليه فى بيتكوا - الولاد بيتعلموا بفلوس اهاليهم وانت بشتغل عندهم كفاياكى تسخين فيا بقا......... الله يخليكى ان شاء الله تتعدل |
الحمد لله ان احنا ملاحظين
|
اقتباس:
واللا انت اللى عاوزنى وزملائى نشيل مطوة وسنجة لزوم الدفاع عن النفس مع ان احنا مش محتاجين لاى وسيلة حماية ولا دفاع خالص خالص الحمد لله فى ظل رعاية الشرطة المحترمة بدليل زميلانا الافاضل بالمنيا تم التعدى عليهم ضربا وسبا من قبل الطالب الفاشل واخيه الجزار ومشكورة وزارة الداخليه اخدت عليهم ((((( تعهد )))))) وحلفوا بالمصحف قبل ما يمشوا ما هيضربوهم تانى؟؟؟ طيب انت بقى اما تحمسنى واشتم بنت واللا اضربها لو قلت ادبها اضمن منين تعاطف وزارة الداخلية معايا وانها ما تكتبش عليا تعهد واللا عاوز اخرتى اكتب تعهد واقعد متعهدة بعدم التعرض زى العقاب القاسى جدا الذى ناله الطالب الفاشل اياه وأخيه الجزار اللى يا عينى عليهم الان متعهدين بعدم التعرض !!!!!!!! |
اقتباس:
اللى بيتعمل معانا نحن المعلمين؟؟؟ واللا وظيفتنا داخل اللجان ملاحظين؟؟؟ عامة اذا كانت التانية فلى زميلة تترك الطلاب يغشون ورأيها : " هم باعتنى الاحظ انما ما قالوش الاحظ ايه !!!!! عشان كده باسيب العيال تغش وانا برضه ملاحظة :o" |
اقتباس:
هههههههههههههههههه ربنا يجزيكى الخير والله خلاص خالصين!!! وبردوا أتعهدلك!!!!!!!!!!! انى مش هاقل عقلى عشان محدش ياخد على تعهد والا ساكون زى الغلابة اصحاب التعهدات بعدم التعرض للناس الطفحانة والمتغربة والمتشعططة عشان تشوف شغلها بما يرضى الله وتحلل لقمة عيشها وربنا يتولانا برحمته تحياتى لحضرتك |
اقتباس:
|
هى دى مصر يا عبلة
إنا لله وإنا إليه راجعون ... |
ارحمنا يارب برحمتك
احنا رايحين اللجنه لكى نهيئ للطالب الجو المناسب للغش وألاندوس له على طرف ولاننقل اليه احساس انه غشاش حتى لانؤثر على روحه المعنويه وحسبى الله ونعم الوكيل |
من زرع حصد
يعنى إيه ؟! يعنى المهازل دى نتيجة تخاذلات وتنازلات المدرسين طوال العام الدراسى مقابل الدروس الخصوصية !! فاكرينها ؟! أصل المدرس باع كرامته من يومها المال مقابل الكرامة !! واشربوا بقى ... |
هل لوكان هناك دافع للتعليم كان يحدث ذلك ؟
هل لو ولي الأمر مع المدرس مش ضده ينصلح الحال ؟ هل لو لعب الإعلام دوره صح مع الحق يمكن ولي الأمر يخاف علي ولده ونفسه ؟ هل لو رجع الضرب زي ما إحنا اتضربنا من أساتذتنا زمان ينفع ؟ بص وشوف ياعزيزي : طالما أنه الطالب في نفسه أنه يغش وولي الأمر يساعه عمره حال التعليم ما حينصلح . معي معادلة أريد النظر فيها جيداَ دافع من داخل ولي أمر التلميذ انه يعلم ابنه +دافع من أعماق التلميذ للتعلم + دافع من المعلم أنه يعلم + ثواب وعقاب للمعلم والمتعلم وقتي = تعليم ناجح |
اقتباس:
ان سمحتم لى اكتب بدون حرج قولوا اكتب وشكرا |
اقتباس:
بالتاكيد سيدى- هذا منتدى يعنى لا حكر على احد طالما التزم بادب الحديث ولم يملى شروطا على احد - كما لم يعمم الكلام اللائم على كل الناس وبالتاكيد حضرتك شخصية وقورة ومحترمة زى كل الزملاء هنا فى المنتدى على درجة عالية من الضمير والاخلاق والكفاءة تعد فى القمة وليست اقل من كدا- كل الناس هنا على قدر المسئولية لانه بالتاكيد فيه فى كل مجال والمدرسين زى كل الناس فيه حلو وفيه وحش فيه المدرس المرتشى والمدرس الخائن للامانة والمدرس اللى ميبشفش شغله بما يرضى الله - يعنى تلاقيه بيلاحظ على الولاد وبيفكر فى وسيلة المواصلات اللى هيروح بيها والمدرس الذى لا يضع حدودا بينه وبين طلابه عشان يضحك عليهم ويديهم دروس يبقى يتنازل عن شخصيته ويبقى مسخة والمدرس المتاسف فى اللفظ وملهاش بديل الا كلمة( طفس) بكباية شاى يقدر العيل يشترى تغاضيه عن الغش او بسجارة وربما الدنيا غليت بقت بحاجات اكتر من كدا وفيه كتير وكتير وعلى النقيض فيه مدرس عكس كدا تماما وملتزم وخلوق وورع حتى لو قالوا عليه اى كلام - المهم رضا ربنا عننا انما الكل بالتاكيد الى زوال وسبحان المليك تقبل تحياتى |
اقتباس:
إكتب وسمعنا |
اقتباس:
|
اقتباس:
ولست معك فى ان المال مقابل الكرامة فالكرامة لا تقدر بثمن وكلنا كنا نأخذ الدروس الخصوصية ونحترم معلمينا كل الاحترام والأدب وبالتالى يكون قياسك قياسا باطلا فى مجموعه :excl: |
اقتباس:
لكن ياريت تكتب تجربتك مع التعليم الفنى أكتب وعفوا وجزاك الله خيرا ... |
اقتباس:
معادلتك الخص معادلتك بطريقة مختصرة مع موافقتى التامة لما جاء بها دوافع + قدرة = تعليم |
مش قادرة اقول غير من يتقى الله يجعل لة مخرجا ..........الوزارة مش لاقية لنا مخرج وسيبانا نخبط فى الاهالى والطلبة وهمة بيخبطوا فينا وفى النهاية احنا المسئولين عن تخريب العملية التعليمية وعن اخطاء الطلبة وعن تدهور الحالة الاقتصادية وعن مشكلة البطالة وارتفاع معدل الجريمة ومشكلة المرور ومش بعيد سوء الارصاد الجوية
|
ارجع واقول المراقب هو اللى غلطان لانة خرج عن السياسة العامة الغش اصبح فى بلدنا اتجاة قومى ومطلب جماهيرى وحق لكل طالب ومش من حق اى حد انة يعترض لازم نتوافق مع المنظومة لان الغلط هو القاعدة والصح خروج عن القاعدة هو دة النظام والمعترض يفوض امرة للة هو وحدة القادر على احقاق الحق فى دولة الباطل.
|
اقتباس:
ثانيا : لا نقول الا كما ذكر بكتابنا العظيم " وأفوض أمرى الى الله إن الله بصير بالعباد " صدق الله العظيم |
احلى حاجة في جواب الانتداب التهديد بخصم كادر المعلم لل مش حيرومح الامتحانت يلاحظ
ده الكادر ياما حيلوا بيه ذراعنا ويما حنشوف |
احلى حاجة في جواب الانتداب التهديد بخصم كادر المعلم لل مش حيروح الامتحانت يلاحظ
ده الكادر ياما حيلوا بيه ذراعنا ويما حنشوف |
اقتباس:
أما عجايب والله |
بجد شيئ محزن يا ريت الحكومة توفر عربات امن مركزي و سيارات مصفحة لحماية الملاحظين و المراقبين من العلوج ( الطلبة و اهاليهم ) يا الف خسارة عليه العوض و منه العوض في التعليم في مصر
علي فكرة انا اخدت عهد علي نفسي ان لن الاحظ في امتحانات مهما كانت العاقبة |
اقتباس:
شكرا لمرورك الايجابى وأهنئك لبعد نظرك واعتذارك المبكر عن المراقبة |
بعد التجاوزات التي تحدث في المحاكم من الهرج والمرج أثناء محاكمة هشام طلعت مصطفي والتهريج الذي يحدث في مجلس الشعب وقيام الاعضاء بوصف بعضهم بألفاظ يندي لها الجبين ماذا تتوقع من الطلاب والتعليم والمدارس والمسئولين لاتتوقع أكثر من ذلك
لا تتوقع اكثرمن ذلك واحمد الله انك لم تتعرض لسوء |
| جميع الأوقات بتوقيت GMT +2. الساعة الآن 12:38 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.