|
الي طلبه الثانويه العامةوالي طلبه علوم
انشاء الله هتولى شرح ايه مجالات شغل كليه علوم
اولا مجالات كليه علوم كتيرة جدا جدا الا ابعد الحدود 1- اخصائي تحاليل طبيه زيك زى الطبيب ليك الحق انك تفتح معمل 2-اخصائي مكافحه عدوى زيك زى الطبيب بالظبط بعد اخذ دبلومة مكافحة العدوى التى كانت مقتصرة فقط علي خريجى طب العام الماضي 3-اخصائي اطفال انابيب 4-كميائي في اي شركة( ادويه - بترول-سراميك -اسمدة -اغذيه-الصباغة -الطباعة -القطن- كتير جدا الخ) بالنسبة للكميائي في شركة ادويه زيك زي الصيدلي بالظبط فيه قسمين في شركات الادويه 1 qulaity control 2 quality assurance وانت ككميائي او صيدلي بتروح وهما يختارو انت وشطارتك وكتير جدا من الكميائين شغالين في شركات ادويه محترمة ومرتبات محترمة 5-باحث في مراكز البحوث (كتيييييير جدا بس عايزة واسطة) 6-medical rep ودى بيشتغلوها طب وصيدله وعلوم وبيطري وهى تسويق الادويه ومرتبها عاليه جدا في البدايه ممكن تاخد 1000 او 1500 بعد كدة بتعلي جدا وممكن بعد 4 سنين مرتبك يوصل ل 3500 وفيه بعض الشركات تديلك عربيه ع الزيرو كمان هاتلي بقي كليه ليها المجالات دى كلها |
اقتباس:
كلامك مضبوط يا زيزو ولا انسى مقولة الدكتور لاشين استاذ الفيزياء لنا فى علوم الاسكندرية( رحمة الله عليه ) خريج العلوم يتعلم هنا لكى يعمل فى اى مجال فهو عملة نادرة |
هو فعلا علوم مجالها كتير جدا فى الشغل
وممكن تشتغل فى هيئة المواد النوويه واذا كنت قسم جيولوجيا ممكن تشتغل فى شركات بترول بس قسم جيولوجيا مش بيكون ليه شغل كتير للبنات الا اذا كان فيه واسطه من سامح فهمى تقدر تشتغل فى الاوفيسر وعلوم لها منحات كتير وتقدر من بعدها تدخل كلية صيدله او طب اسنان خاص ويتعمل لك مقصه علميه او تقدم تشتغل فى معمل كليه خاصه ومن هنا يتيحوا لك الدراسه مجانا وممكن تستخدم خبرتك فى ان انت تستخدم الخامات الموجوده وتفتح مصنع اعادة تصنيع .............الخ |
حمستوني علي فكرة انا لسة مخلص تالتة ثانوي بس كان عندي استفسار هو فيه قسم علوم حاسب سمعت انه من شعبة فيزيا رياضة ممكن التوضيح
|
أنا في كليه علوم وفي مجالات للشغل مكنتش أعرفها
والحمد لله بفتخر إني في علوم رغم معاناتي فيها شكرا جداااااا على الموضوع الرائع تحــــــــــــياتــــــــــــي,, |
اانا معرفتش حد دخل الكليه دى الا خد السنه ف سنتين
ربنا معاكو |
اقتباس:
انتي عايزه تحبطي الناس و خلاص انشاء الله انا عايز ادخل علوم لانها احسن كليه في العالم |
اقتباس:
اسمها ان شاء الله مش انشاء الله ثانيا ده اللى انا شوفته ميمنعش ان ف ناس بتخش وتتفوق فيها اكيد مشفتش الناس اللى دخلتها كلها يعنى بس هى كليه صعبه اصلا ثالثا ربنا يعملك اللى فيه الخير |
اقتباس:
الكليه صعبه اه وصعبه جدا كمان بس الللي بيحبها هيتمتع بيها وهيدوب فيها بس يعمل اللي عليه بس انا اهو الحمدالله جايب جيدجدا وطالع من الاوائل علي قسمى |
اقتباس:
اقتباس:
|
عاااااااااااااااااااااااجل
معلش يا نغم علي قدي باه و شرف كبير ليا ان ادخل كلية العلوم كلية العباااقره و بعدين تعالي هنا مش ملاحضه ان اسمك نغم مش لايق مع المشاااركات اللي بتكتبيها انا من رايي تغيريه و تغليه لغم :abdoog8: |
هى كل الاقسام دى تفع لعلمى رياضه ؟؟;) ســـــــــــؤال طالب علمى رياضه له اقسام ايه؟؟ وحيشتغل اييييه ؟؟ |
اقتباس:
بصي انا اقولك بتوع علمي رياضة من حقهم الاقسام الفيزياقية والجيولوجيا يعني كل الاقسام ماعدا اقسام البيولوجيه اللي هي نبات و حيوان وميكروبيولوجي وكيميا حيوي بس عندك اقسام الجيولوجيا بتاعت البترول واقسام الفيزيا اللي في فيزيا و حاسب ورياضة و فلك وفضاء (علي حسب كل جامعه) واقسام الكيميا بانواعها ديه تخلكي تشتغلي في كل حاجة كلية العلــــــــــــــــــــــــوم >>>>>>>>>>> هي كلية القمة وربنا يوفقك |
اقتباس:
اقتباس:
انا مش عرفة ليه كل الناس بتقول عن علوم كدة رغم ان اى كلية اكيد بتكون صعبة طيب انا ليا قرايبى المفروض كانوا يتخرجوا السنة اللى فاتت من كلية التجارة و هما دلوقتى لسا فى سنة تانية (احسبوا انتو بقى حيخدوها فكام سنة عالأقل 7 سنين) اقتباس:
دى ترجع للشخص نفسه و ليس للكلية اللى داخل ناوى يتفوق فعلوم حيعرف و حيجيب امتياز كمان ان شاء الله فعلا و الله كلية عظييييييمة ربنا يوفق الجميع |
السلام عليكم انا كان نفسى ادخل كلية صيدلة بس للاسف مجموعى مجبهاش وانا ناوية ان شاء اللة ادخل كلية علوم قسم كمياء اريد منكم شر ح كل شئ عن هذاالقسم
|
اقتباس:
قسم الكميا بتدرسي فيه كل انواع الكميا كميا عضويه كميا فزيائيه كميا تحليله كميا حيوى كميا علاجيه الخ وكل فرع بيشمل مواد كتير اوى يعنى انا كنت قسم كميا وميكروبيلوجى كنا بندرس كل ترم مثلا 4 مواد عضويه و4 فزيائيه بالاضافة للعملي طبعا بالنسبه للشغل كميا يشتغل في اي حاجة ايييييييييي حاجة شركات بترول ادويه -بلاستك-سراميك-اسمنت-اسفنج-زجاج-اسمدة-صباغة الخ ممكن ياخد دبلومة تحاليل ويبقي اخصائي تحاليل (دكتور تحاليل )ويفتح معمل باسمه ممكن يشتغل ميدكال ريب ودى بيشتغلها صيدله وعلوم فقط وهى تسويق الادويه مرتبتها عاليه جدا مبدئيا ممكن تكون 1500 وبتصل ل 5000 الاف |
السلام عليكم ورحمة الله وبركاته .. يا جماعة انا خايفة جدا اني ما ادخلش كلية العلوم ... ارجو منكم الاستفسار هي كليه العلوم ممكن تترفع قد ايه ... السنة الي فاتت اخدت من 302.5 ده جامعة اسيوط وجامعة جنوب الوادي اخدت من 322 .... هي ممكن تترفع خالص السنادي ...عشان بجد انا خايفة أوي .... ربنا يستر
|
اقتباس:
ع فكرة انا خريج جامعة جنوب الوادى وكان سنتى علوم قنا 92.9 % |
انا علمى رياضة ينفع ادخل كلية علوم قسم كيميا خاصة
|
اقتباس:
عندك جيولوجيا قسم اكثر من ممتاز جدا وشغله في البترول وعندك اقسام الحاسب والفزيا اللي بيعملو دبلومة وبيبقوا اخصائي اشعه وقسم الرياضة |
انا بقا عايزة حد يجاوب عليا علشان انا باب الندم مفتوح قدامى وخايفة جدا ادخل فية انا كنت علمى علوم دفعه 2007 ومجموعى جاب طب بيطرى وسبتة علشان السفر اولا لانى من طنطا واهلى مش هيوافقوا على السفر
المهم دخلت تربية قسم فيزيا وكميا وكانت كلية التربية اعلى من علوم كانت تربية 95 بس انا كنت حابة تربية اصلا وكملت فيها طبعا انا شغلى كلة فى كلية علوم شوفت ايام وحشة لان الدكاترة بيفضلوا بتوع علوم عننا وبيعتبرونا ضيوف تقال عليهم وبيقللوا من قيمتنا مع ان احنا مجموعنا اعلى من علوم هل بقا انا غلط وماليش مستقبل كويس مع انى بتعب وباخد نفس مواد علوم +مواد تربوية هل انا بقا مستقبلى وشغلى محصور فى التدريس بس ولا ممكن افتح معمل تحاليل ؟ وانة اصلحلى ؟ انا الحمد لله راضية بالمقسوم ومتاكدة ان ربنا عارف الصالح ليا ومخلينى فية بس انا بجد محتاجة توجية منكم وشكرا اسفة على الازعاج |
اقتباس:
لكن السنه اللي فاتت اسوء تنسيق لعلوم ع مدار 15 سنه شوفي السنه اللي قبليها هتلاقي علوم واخدمة من 96 واللي قبيلهم ودة بسبب جهل الناس بكليه علوم وبجهل مجالات عملها فبيقوموا يدخلوا كليات تانيه فيقوم تنسيقها يعلي زى ما تربيه عليت السنه اللي فاتت وبالنسبه للتربيه للاسف فهو مجالها هو التدريس فقط وبالنسبه للمعمل التحاليل فهو لعلوم وليس لتربيه هناك فرق بين كليه تدرس تربوى وكليه تدرس علمى وعملي فقط وبالانجليزى وعندها اقسام في التحاليل الطبيه زى قسم الكميا الحيوى وقسم الميكروبيولوجى هناك حاجة اسمها كميائي واخصائي تحاليل لكليه علوم هناك فرق في حتى في عدد ساعات الدراسه طالب علوم بيقعد من 8 الصبح ل8 بليل في الكليه علوم ممكن السكشن الواحد بيقعد احيانا 6 ساعات علوم مجالتها اوسع |
شوفي مجالات الشغل كليه علوم وقارنيها بتربيه
1-اخصائي تحاليل(دكتور تحاليل) وتفتح معمل باسمك وتكتب عليه دكتور كزا بالبنط العريض 2- اخصائي اطفال انابيب 3-اخصائي مكافحة عدوى 4- كميائي في شركات الادويه ودلوقتى بيفضلو الكميائيين عن الصيادله في شركات الادويه وبردو بيطلق عليك لقب دكتور 5-كميائي في شركات البترول والمياه والاسمدة والاسمنت والحديد والصلب والملح والصودا والالاغذيه واالالبان والعصائر والزجاج والبلاستك والسراميك وتصنيع المواسير والصبغة والقطن الطبي والمناديل والزيوت والصابون والسكر الخ ويطلق عليك مهندس كميائي 6-ميدكال ريب زى الصيادله بردو وبيطلق عليك لقب دكتور 7-مهندس جودة في الشركات 8-مهندس بترول في شركات البترول 9-خبير سموم في الطب الشرعى 10-اخصائي اشعه 11-فزيائي في معامل الاورام والمستشفيات ومراكز البحوث 12- ممكن طبعا لكل اقسام كليه علوم انها تشتغل كباحث في مراكز البحوث المختلفة في مصر طبعا كل الشغلانات دى بتتنوع علي حسب الاقسام |
شوفي فيه توبيك بره محطوط شوفي حقد الصيادله علي الكميائيين عشان شركات الادويه بتطلب كميائئين مش صيادله وبقي قليل اللي من صيدله يشتغل في شركة ادويه
|
لالالالالا التخصصات بتاعه الشغل دا نصيب والمجالات الاوسع بتتفتح للبنى ادم الذكى اللى بيمشي نفسة
مفيش حقد ولا حاجة حتى لو كدا متتقالش حقد لو كان بتاع علوم جاب درجة عالية كان دخل صيدلة وكان بقا صيدلى محترم ويتقال علية اللى انت قولتة دلوقتى علية كدا غلط جدا كدا يبان ان بتوع علوم هما اللى حقدين على الصيادلة نظرا لانهم وقفت معاهم على درجات بسيطة ومتنكرش انك لو كنت جالك مجموع اكبر كان زمانك هناك لك كل شخص وضعه واحترامة وعلى فكرة بقا موضوعك دا للاسف غير هادف لشئ كويس انت كدا بتحبط ناس كافحوا واجتهدوا وتذكر برضة ان الصيدلى بيقعد بردة عندنا فى كلية علوم طنطا ويباخد سكاشن عندنا كتير جدا وطالع عينة اكتر من بتاع علوم دا + ان انا تربية فيزيا وكميا بتاخد نفس مواد علوم وبقعد والسكشن بيخلص 7 بليل وطبعا المحاضرات من 9 الصبح وعلشان بتاع علوم يتساوى ببتاع تربية بياخد سنة تربوي علشان يبقا زية اقولك الصراحة موضوعك دا احبطنى امبارح وشعرنى لحظات بالندم مع انى هبقى مدرسة فيزيا وكميا دا شئ اكيد انت عارف قيمتة واكيد للصيدلى احترامة وللدكتور احترامة وولكميائى احترامة ومتعتبرش كلامى دا جارح او تاخدة بسوء نية انا عايشة 6 ايام فى علوم وعارفة المعاناة وعارفة بردة ان زى ما احنا ضيوف تقال عندكم بردة بتوع صيدلة اتقل واتقل اوى كمان بس احنا فى الاول وفى الاخر بردة طلاب نراعى بعض وبلاش المواضيع اللى لو قراها واحد عينة طلعت يقول ياريت كنت دلخلت واحاسيس الندم اللى استغفرت ربنا عليها فى الاخر انا مش عارفة السبب الاساسى من قرايت التوبيك دا ولا سبب نفسي كان مساعد بس اهه الحمد لله انا دلوقتى فى 3 وتمام اوى وبكرة تسمع عنى ان شاء الله اتمنى متزعلش اسفة انى طولت |
اقتباس:
يوجهنى مش حد يعيد تانى التوبيك او بتقولى انا بحبطك مش فاهمة انت عايز تقول اية |
اقتباس:
كليه علوم فيه ناس كتير بتسيب طب بيطري وبتروح علوم انا اعرف ناس خريجين تربيه بعد ما خلصوا دخلوا تانى كليه علوم ممكن حضرتك تقدمى دلوقتى اولي علوم طنطا ادام انت مجموعك يجيبها علس سنتك وتلحقي نفسك بس لازم تعرفي ان الكليه عايزة طموح عالي وعايزة مزاكرة |
يا زيييزو ايه القسم الى بيخرج
medical rep |
يا اروبة انا عايز اقلك انك حزينة لانك مدخلتيش كلية علوم ودة مش عيب واناواثق انك على الاقل عارفة
انها افضل من تربية وانا اسف لو كلامى جريح |
اقتباس:
|
اقتباس:
اتخرج من اي قسم في علوم وهتلاقي شغل ميدكال ريب ماتقلقش |
شكرا يا زيييزو
انا لسة ادخل كلية علوم و عايز اعرف ايه افضل قسم فيها ومجال تخصصه |
السلام عليكم
زيزو بعد اذنك بالنسبة لقسم جيوفيزيا ايه نظامه وهل صحصح انى اتخرج منه واشتغل فى مجال هندسة البيترول ياريت تجاوبنى |
اقتباس:
كميا سبيشيل كميا وميكروبيولوجى كمياحيوى كميا وكمياحيوى كمياحيوى وميكروبيولوجى كمياونبات كمياوحيوان كميا وفزيا كمياوحشرات |
اقتباس:
جيوفزيا جيولوجيا بترول جيولوجيا وكميا في البترول |
يعنى قصدى جيو فيزيا ده هو القسم العام اللى يخرج مهندسين بترول
وقسم جيولوجيا البيترول هو القسم الخاص بالمصاريف معلش ازعجتك يازيزو |
اقتباس:
الاتنين يشتغلوا في البتروول |
شكرا جدا يازيزو
ومعلش ازعجتك |
يا زييزو انا ادخل علوم سوهاج وعايز اعرف هيه الدراسة باى لغة
|
من فضلك رد عليا
يا زييزو هو الدراسة فى علوم !!! انا الى اختار التخصص ولا بتقدير اول سنة |
اقتباس:
علوم سوهاج وقنا هتاخد في اولي فيها مواد بالعربي وفيها مواد بالانجليزى بعدكدة كله انجليزى وصدقنى هتلاقي نفسك بتقول انا لو مازكرتش بالانجليزى مش هفهم وكل دراستك وحتى الابحاث اللي ساعات بتطلب منك لازم منمواقع ابحاث عالميه ومواقع جامعات عالميه وفيهمواقع ابحاث بتبقي موجودة جوة الجامعات فقط لانها بملايين |
انا بشكرك على المجهود الرائع
|
علي فكره فرص العمل لعلوم مش كتيره اوي كده وبعدين الميديكال رب مش كل الشركات بتاخد علوم الشركات التعبانه بس هي ممكن تاخد علوم بعض الشركات الواكل وبعدين الشغل في شركات البترول بواسطه حتي لو كنت دبلوم مش كليه علوم هتشتغل بدل معاك واسطه كبيره وعلي فكره ليه اصحاب كتير كليه علوم وبيدرسوا وبيدوا دروس خصوصيه فكليه علوم مش احسن كليه في العالم زي ما انت معتقد وطول عمرها معروفه انها كليه المظاليم
|
على فكرة يا sub_zero هى كلية جميلة وممكن تطلع اخصائى تحليل او اشعة ودة فى حد ذاتة مهنة ممتازة واسمك فى الاول والاخر دكتور ودة الشائع ولا ايه
|
سورى على التأخير فى الرد
بجد انتوا no way معاكم على فكرة انا مش ندمانة بتاتا على دخولى تربية فيزيااااااا ومش ناوية اندم وربنا انا التوبيك احبطنى لانى قريتة غلط لان صاحب التوبيك كاتب شغل لكل الاقسام بتاعه الكلية كلها كلها يعنى القسم الواحد بتاع شغلانة واحدة او 2او اكتر ربنا يديكوا يعنى الواحد اتخض جامد اوى وانا قلت هل انا فرصتى واحدة هى التدريس بس يعنى قارنت نفسي ببتوع علوم صحيح معلومة والله العظيم انا ما كنت عايزة ادخل علوم ولا الصراحة بحبها انا بالفعل بدرس فيها بس انتمائى لتربية بالنسبالى افضل وازاى عايزنى اقدم فى الكلية العلوم من تانى وانا فى سنة تالتة ههههههههههههههه انتوا لية عايزيين نفهموا اللى فى دماغكوا بس ان كلية علوم فظيعه تحفة هى فعلا كدا علشان اللى فيها بيتعب بجد لنفسة انا مش حزينة خالص بكليتى التوبيك فعلا مش محفز ومخدع جدا جدا بس مرضى لنفس الناس بتوع علووووم انا اتخدعت فى الاول ......... بس ناو الحمد لله فى كامل الرضا ولو رجع يا الزمن هدخل نفس الكلية وعلى فكرة يا زيرو اسئل كل اساتذة العلوم والكيميا والفيزيا بتوعك سابقا هتلاقيهم كلية علوم اصلا وعملوا دبلومة تربية مش فاهمة ازاى انت متعرفش ان بتاع علوم ممكن يبقا مدرس اذا انا اشك بقا فى كلمتك ان مستقبلى الوحيد منحصر فى التدريس انا ان شاء الله هسائل حد يعرف بجد وهقولك جود باي |
اقتباس:
وبعدين شركات بترول اية يا جماعه ركز بق على حتة صحابة اللى بيدوا دروس خصوصية يعنى التدريس يا مان فعلا كلية المظاليم سي يو ليتر |
الاروبة كليتك محترمة جدا يمكن انتى اللى اتفهمتى غلط بس
و متحوليش ولا حاجة انتى اساسا هتلاقى دكاترة كتير عندكوا من علوم مش فى فرق كتير بس معلش احنا كان فى طلاب تربية بيحضروا معانا محاضرات ما كانوا الدكاترة بيلغوا حاجات معقدة من عندهم وببتتفرض علينا نفهمها ده مش لحاجة الا لان كليتنا بحثية عكسكم وع فكرة خريج علوم بياخد دبلوم تربية علشان فقط المدرس لازم يبقي معاه مواد تربوية و ع فكرة المدرس خريج علوم اسمحيلى ليه بريق مختلف لان مادته العلمية مفيهاش كلام اقوى وعلى فكرة احنا كانت بتيجى علينا ايام نحضر من 8 ل 8 وبردو مصممة ان الصيادلة مبيبذلوش ربع مجهودنا انا كنت مقيمة مع بنات صيدلة بكل مراحلها الناس دى عمرها ما تتقارن بعلوم ابدا ابدا اصحابى الصيادلة اللى كانوا مقيمين معايا بجد كانوا بيشفقوا عليا جدا جدا جدا انا ع فكرة مش عارفة ايه احبطك فى الموضوع انتوا داخلين كليتكوا عارفين هدفكوا وحابينه وهو انكوا تطلعوا تدرسوا وكان قدامك غير ده بس انتى كنتى حابة ده الحمد لله وما زلتى :) |
فعلا انا اتفهمت غلط
وانا اكتر واحدة بقول ان بتوع علوم طالع عنيهم جدااااااااااا وقولت كدا بس موضوع المستقبل المهنى دا اللى استفسرت عنة علشان الاقى تشجيع مش احباط شكرا ليكى يا براءة |
اقتباس:
كفايه رد دى عليكى كفايه انكل 90%خريجين علوم دلوقتى ول ما بتخرجو بياخدو دبلومة تحاليل وبيكملو ماجستير وبيشتغلوا ريب وبيفتحوا معامل بعد الريب والماجستير كفايه ان خريج علوم ليه اكثر من شغلانه وكليته اكتر كليه ليهامجالات فكليتك تعتمد ع التدريس فقط اما علوم فلها مجالات واسعه وكفايه اها كليه العلماء |
اقتباس:
وكفايه في االريب ان الشركات المالتى ناشونال هى للي بتاخد علوم وبتوع صيدله بيكزبو الكلام دة عشان يضللو الناس يعنى انا كل اصجابي للي شغالين ريب في شركات مالتى ناشونال واللهى مرتباتهم المبدئيه 1500 و 1800 و2000 |
| جميع الأوقات بتوقيت GMT +2. الساعة الآن 07:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.