|
هل يخطئ الانسان عندما يقول الحقيقة
ربما يثير العنوان دهشة البعض لان الحقيقة صدق والصدق امر صحيح وبذلك فلا مجال للخطأ ولكن .... اذا كانت الحقيقة قد تقود الى فتنة كبيرة فى اسرة مثلا او اصدقاء او اقارب او .... الخ ما ذا لوكانت الحقيقة تعبر عن افعال شخص ليس مسؤلا بالمرة عن تصرفاته وبالتالى فهى اكيد هتسبب الكثير من المتاعب او الالام . عندما جاء احد الاصدقاء الى واخبرنى بانه منهار بسبب خبر كاذب , سالته هل هو كاذب اجابنى انه مفبرك فرددت عليه يعنى له اساس انتا اكيد قولت الكلام ده ما هو مافيش دخان من غير نار ...... رد عليا وقالى هو حصل انى قولت كذا وكذا بس مش عارف هل ده طبع فيا وانا مش عارف اغيره ولا ايه بالظبط . قولتله ما انتا عرف العلة ليه ما بتعالجهاش ...... رد وقال بتغلبنى نفسي دايما ... وانا مش عارف اتصرف . المشكلة الكبيرة انه انهار تماما وبعد بشكل مفاجئ وانطوى على نفسه بسبب فسخ علاقته مع .... انا مش عارف ارجعه وانصحه لو حد عنده فكرة يطرحها وياريت تفيدونا |
بجد مشكورين اوى على النصايح
هو فيه ايع ولا تييييت |
طب ممكن حضرتك توضح الموضوع والمشكلة أكتر ؟!
|
كل شئ ماخلا وجه الله باطلا
وكل نعيم لامحالة زائل |
انا شايفه انه صديقك بعيد شويه عن ربنا لان لو هو مؤمن بان ربنا مبيقدرش حاجه وحشه مكنش فقد الامل بالطريقه دى
واكيد هو مش حاجه شاذه انه يكون فيه عيب لكن يحاول على الاقل انه يصلحه وانا شايفه انه المفروض يلجأ لربنا شويه ويفكر صح صدقنى بعدها هيلاقى نفسه الاول وبعدين هيقدرك انك وقفت جنبه |
اقتباس:
عندك حق والله لانه بجد بعيد اوى عن ربنا وشكرا على ردودكم |
هوّ الموضوع مطروح بوجه عام ولا بوجه خاص للمشكلة؟
|
اقتباس:
|
غالبا ف نظر الناس الحق بيزعل بس راحة الضمير حاجة كويسة بردو بالنسبة للناس اللي مش فيها ضمير ومش فارقه معاها اعتقد خليها ساكته او تكدب عشان الناس مش تزعل منها !!! شكرا ع الموضوع |
اقتباس:
ميرسي جدا على مشاركتك معايا |
عارف يااستازى المشكلة ان زمنا مبيعترفش بالحق
لازم الواحد يكدب عشان ينجى زى فيلم واحد من الناس كدة بس الواحد هيعمل ايه الحق حق ولو على رقبتى السكين النصيحة اللجوء لله عز وجل وصلاة استخاره |
اقتباس:
شكرا لكى اختى الكريمة على مرورك الطيب وشكرا للنصيحة الغالية |
والله .............
انا متهيألى ............ ربنا معاه !!!!!!!!!!!!!!!!!!!!!!!!1 الموضوع غير واضح مينفعش اقدم نصيحة وانا مش فاهم زى اللى ادخل فى موضوع من غير ما يعرف حاجة |
أرجو توضيح الموضوع أكتر .... ولكن على المكتوب الكذب فى حالات مباح ..كذب الرجل على زوجته...فمثلا يقول لها انتى جميله النهارده رغم انه ممتعض من أمر ما..ولكن هذا لا يعنى الكذب فى كل الحالات...وليس مبررا لكل الأفعال......فى انتظار التوضيح...
|
اقتباس:
مبسوط جدا من كلامك استاذ محمد شومان |
خليه يقرب من ربنا شوية
لان ربنا هو الوحيد الى يقدر يساعده فى رعاية الله |
اممممممممممم اه للاسف ف الزمن ده بيبقى غلط :bosyht9: لان ده زمن الاغلبية بتضحك فيه ع بعضها بس مش هعمم لان البشر فئات منهم اللى بيحب اللى ينافقه واللى مبيحبش يتقاله الحقيقة وف اللى بيتمنى الصراحة والمواجهة بس بيبقى قلة مش غلط ان صاحب حضرتك يقول رايه بصراحة بس ف حاجة هو ممكن يكون قال رايه بدفاعية بمعنى انا شايفة مثلا ان صحبتى فيها عيب نفترض لبسها مش منسق مش هروح اقولها انتى مبهدلة ف لبسك وشكلك وحش وبتكسف امشى معاكى ويكون اسلوبى غبى :frown: طب ليه محسسهاش باسلوب افضل من كده اقولها مثلا ان اللون ده مع لون كذا مثلا يكون اشيك وافضل يعنى يكون ف دبلوماسية ف رايى بكده هكسب حبها اكتر وبقول رايى بصراحة اكتر :) و ف نفس الوقت لا انا بكدب ولا بنافق نفسى وبنافق غيرى الصراحة حلوة وبتريح يمكن تجرح بس جرح شوية او فترة احسن من جرح مدى الحياة لما اكون منافقة واكدب :) .. .. شكرا للموضوع |
اقتباس:
عاوز اقولك بجد شكرا جدا انتى عبرت بافضل الكلام وابسطه عما يمكن فعله فى المواضيع اللى بتصيبنا كلنا وبتعرض لها وما نعرفش نتصرف فيها . اشكرك جدا لرايك اللى فعلا سوبر وميرسي للنصيحة الغالية |
اقتباس:
الشكر لله :) |
:bosyht9:
بقالي كتير ما دخلت القسم العام بالنسبة للموضوع في الزمن ده الناس بقت تعتبر اللي يقول الحقيقية مخطيء قد يكون قول غير الحقيقة لأسباب كثيرة مصالح شخصية .. إلخ ممكن نسميه بردو نفااق ! بس أكيد اللي يقول الحقيقة في كل شيء شخص رائع و يستحق التقدير لأنه لو نافق أو لم يقل الحقيقة بكده عمر ما المشكلة هتنتهي أبداً شكراً على الموضوع جميل فعلاً تحياتي :) |
اقتباس:
تحياتى لك وشكرا لمرورك الطيب |
انا الان اصبحت لدى بعض النقاط لحل الموضوع
1- القرب من ربنا والالتزام اكثر . 2- الصدق والحرص على الصراحة بدون تقيد . 3- كيفية التعبير عن الحقيقة باسلوب محبب وليس قاسيا . لو حد عاوز يضيف بعض النقاط ممكن ... شكرا لمروركم الطيب |
شكرا على طرح موضوع للحوار والتواصل
ولكن كيف نفتى فى موضوع ربع حقيقته منشوره ياليت الموضوع يكون كامل تقبل مرورى |
اقتباس:
او ممكن تتكلمى على الموضوع بشكل عام يبقى افضل لنى مش هاقدر اوضح اكثر من ذلك وميرسي لردك الكريم |
قل لن يصيبنا الا ما كتب الله لنا
هو وقع في مشاكل عشان مش قال الحقيقه ياريت يتعمل ومش يعنل كدا تاني ويسيب الامور تمشي عادي لان كل شيء مكتوب الانسان هيشوفه بس اهم حاجة الصدق لانه منجي ع العموم ربنا يهدينا كلنا |
عايزه يعيش صح
عايز الحياة تبقى حلوة معاه قوله الكلام ده ما احلى الحياة فى طاعة الله احفظ الله يحفظك |
اقتباس:
واعتقد ان المقولة التى تقول ( اذا كان الكذب ينجى مرة فالصدق ينجى كل مرة ) باتت مقولة صحيحة |
اولا السلام عليكم ورحمة الله وبركاته
فيه حالات الحقيقه بتكون فيها غلط والكبد مكنها بيبقى هو الصح مثل الحروب ؟ والتوفيق بين الناس وبين الرجل وزوجته بارك الله فيك على الموضوع الرائع ده |
اقتباس:
شكرا على المرور الطيب |
بصراحة فى زمنا ده كله بيكدب على بعضه علشان الحياه تمشى
وبرده مننكرش ان كلنا بنكذب فى بعض الاحيان بس الجميل اننا نعترف بده وانا شيفه انه طالما حاسس بغلطه يبقى بداحله شى كويس هو عايز بس يعد مع نفسه ويراجع حسباته تانى وكفايه اوى يروح للغلط فيهم ويعتزر وضرورى هيتقبلوا الامر وياريت تقرب منه وكمان اصدقائه يبقوا معاه دلوقتى لانه محتاج يرجع ثقته بنفسه وربنا معاه |
اقتباس:
شكرا لكى جوليت |
| جميع الأوقات بتوقيت GMT +2. الساعة الآن 09:50 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.