|
سؤال محيرنى؟هل مصر بلد ديموقراطى؟؟؟؟؟؟؟
سؤال محيرنى ؟؟
هل مصر بلد ديموقراطى؟؟؟؟؟؟؟؟؟؟؟؟؟؟؟؟؟ واذا كانت كذلك ...................................فما هو الدليل؟؟؟؟؟؟؟؟؟؟؟؟؟؟؟ .................................................. ....لو عندك رد اكتب ؟ .................................................. ...لو خايف متكتبش؟ |
طبعا بلد ديمقراطي
والادله اولا نجاح الرئيس مبارك ب 99 كل مره استمراره 25 حريه الصحافه اتكلم براحتك وف الاخر نعتقلوك ما حدث مع ايمن نور قانون الطوارئ |
شكرا بات مان على الرد
|
الاجابة :لالالالالالالالالالالالالالالالالالالالالالالالال الالالالالالالالالالالالالالالالالالالالالالالالال الالالالالالالالالالالالالا
يا راجل حرام عليك ديمقراطية ايه وبتاع ايه اينعم الضربة الجوية كانت حلوة وجميلة ولو شفتها فى الاعادة بعد الماتش هتلاقيها احسن بس مش 25 سنة ليييييييه والله الواحد من كتر الكلام زهق |
انا شايفة انها ديمقراطى طبعا
لو قلت كلمة بعدها بدقيقة واحدة تلاقى نفسك فى السجن و يا عينى متعرفش انت هتطلع امتى ربنا يستر و منبتش فى مباحث امن الدولة انهردة |
ههههههههههههههههه
مصر بلد غير ديمقراطى |
ديمقراطية ايه اللى ف مصر
تقدر تقول بلطجية ولا شمحطجية ولا حرامية ولا فول وطعمية انما الديمقراطية دى مصطلح غريب شوية عندنا |
أولا أنا مابخافش
ثانيا احنا بلد ديموغرافى وليس ديمو قراطى صلى على النبى يا أحمد كله بأمر ماما سوزان و بابا حسنى |
ههههههههههههههههههههههه
عندك حق يا اينشتاين الديمقراطية مصطلح غريب عندنا وبطلوا والا هتلاقوا القوات بتهجم عليكوا حالا اصل بلغت عليكوا و قلت ان فى حد سرق الباس ورد بتاعى وقال الكلام ده |
مش عيب يا بحار تسأل سؤال زي دة
يا راجل دة أنت أذكى من كدة دة بالنسبة لي أسهل من أنك تسألني أنت أسمك أيه يا خالد؟ <div class='quotetop'>إقتباس(بات مان 2 @ Aug 22 2006, 09:01 PM) [snapback]198355[/snapback]</div> اقتباس:
|
مصر بلد ديموقراطى طبعا
واللى يثبت كتير عندك مثلا قانون الطوارئ الانتخابات الجميله اللى بجد بجد مش خرجت فيها من البيت عندك حريه الصحافه بدليل ان فى صحف كتير عليها شمع احمر غير معلوم المصدر ممممممممم ايه تانى؟ كله بيغنى بحياه الرئيس مش فى حد عايش لحد دلوقتى من المغنين سواء كان بيغنى او لا مش قال" اخترناك اخترناك" اذن مصر بلد ديموقراطى وهو المطلوب اثباته -_- |
السلام عليكم ورحمة الله وبركاته
ههههههههههه ديمقراطيه تعرف اخى الكلمه دى فكرتنى ايام الانتخابات ايام ربنا ميكتبهاش على حد فيكم ولله اخى باه البلطجى واقف واقف قدام الابط والظابط يسيبه ماشى معاه السيف ولا هوه هنا ولله انا كنت حنزل اضرب البلطجى وتخيلو العسكرى يقولى بلاش احنا مش عايزين مصايب تخيلو وبعديها يجم يخدونى من البيت ويا سبحان الله يا سبحان الله ولله وانا واقف او بمعنى اصح داخل المحكمه وانا فى عربية السجن والبلطجى ولله واقف بره انا كنت اتجننت اتجننت بجد باه انا صاحب الحق محبوس والمذنب بره لا وايه المشكله ان الصحف والقناوت بتعتنا تقول ان الانتخابات عدت بكل نذاهه قولت تحيى الديمقراطيه |
طبعا يا حاج
احنا بلد ديمقراطي ع الاخر عمرك شفت مظاهرة طالعة وحدجه جنبها و لا عساكر الامن المركزي ضربوهم بالجزم و انتهكوا اعراضهم و لا حاجة ابدا و حرية النشر و الصحفيين مش بيتحبسوا خالص و الانتخابات ماشية تمام من غير كوسة و لا اي حاجة و المعتقلات مقفولة و الامن مستتب و الاسعار رخيصة |
اكيد بتهزر
صح بتهزر مش كده يا راجل افتكرتك بتتكلم بجد مش تقول انك بتهزر |
طبعا بلد ديمقراطى بحت
بس انتم الى مش عارفين يعنى ايه ديمقراطية وما نتمتع به هو الديمقراطية بعينها 25 سنة ديمقراطية ياراجل 25 سنة قانون طوارء من اجل حمايتنا 25 سنة نسبة الانتخابات 99.99% مش 100% كل الديمقراطية دى ومش شايفها ؟؟ اسمحلى انت لازم تكشف نظر ضرورى |
يا احمد هقولك مصر بلد ديمقراطي اه بجد محدش مقدر لكن ليه لاننا شعب جبان احنا اللي خلينا الديمقراطية ديكاتاتورية للبيه والحراميه اللي حوليه
بص يا بو طه اللي في بلدنا شريف ويعيش على الحلال يبأى رد سجون وينضرب بالشوز الحرامي زي ابو نظيف بيه والريس وجمال بيه وعلاء بيه بيكونوا هما تلقدوة هما اللي اعلى المناصب هم من يتحكمون بامن البلد انا هقولك فين الصحافة افتكر الحرية والديمقراطية بامارة جرنال الدستور يا بني لو كلمة الديمقراطية دي بتتباع في السوق وحيات اغلى حاجا عندك قلي مين بيبعها اشتري ليا كام كيلو |
شكرا اصدقائى على المرور
وانا استمتعت بأراءكم ودلوقتى اجاوبلكم اناعلى سؤالى بجد ومن غير هزار مصر بلد لا يعرف شئ عن الديموقراطية.ولا تعرف الديموقراطية شئ عنها والدليل هو كل ما ورد فى ردودكم التى سعدت بها كثيرا بس اقدر اقول ان فيه شوية ديموقراطية والدليل انكم لسه قاعدين فى بيوتكم لحد دلوقتى والله اعلم ايه اللى ممكن يحصل بعد كده |
مع إحترامى لكل الناس اللى اتكلموا إحنا شعب ( المصريين ) مايفهمش يعنى إيه ديمقراطية أو بمعنى تانى مش بيعرف يستخدمها صح ماينفعش يبقى عندنا ديمقراطية زى بلاد برا أبداً لإننا مش متعودين على النظام و لا بنعرف نتعامل بديمقراطية لإننا شعب همجى و جهجهونى فاكرين إن الديمقراطية إننا نشتم أى حد و نضرب أى حد و نشغل دور البلطجة و بس لما نتعلم الديمقراطية صح نبقى ندور على الديمقراطية لبلدنا و لنفسنا |
اقتباس:
صلى ع النبى ومين اللى وصل الشعب ده لكده اصلا وبعدين انتى بتتكلمى عن شريحه معينه مينفعش نقول ان الشعب كله بطجيه معلش يا انسه اسيل الموضو ميتاخدش كده -حلوه انسه اسيل دى- المهم فى شريحه من المثقفين واللى الحكومه بتحاول تقنن عددهم كل فتره والحمد لله وهى ايه الديموقراطيه اعتقد انها صوره من صور الحريه فى الحكم وزى متفضل احد الاخوه فوق وقالك ان السيد الرئيس محمد حسنى مبارك اطال الله عمره -قولو امين- واحد بيحكم من قرون ازليه لوشلنا من حسابنا الحاج القزافى اطال الله فى عمره هو كمان بس اعتقد بردو ان احنا بنعيش فى شكل من اشكال الحريه موضوعه فى قالب ديكتاتورى الصحافه الى حد ما بتكتب بشكل حر عن الاول انا معكاى ان احنا مش متعودين ع النظام ةمن المظاهر الغريبه واللى مش هتلاقيها فى اى مكان غير مصر النوادى المصريه واالماتشات اللى بتلاقى حاجز من الاسلاك بين اللعيبه والمتفرجين شوفى اى ماتش بره !! عارف ان ده ملوش علاقه بالديموقراطيه بس كل الطرق بتودينا لحاجه واحده وانا مقصدش هنا التعميم بردو فى اختلاف بين طريقه تفكير كل شريحه بس مين وصل اللى تحت لكده لا تعليم وحتى التعليم منيل ع عينه بس بردو عشان حق الحكومه الحاليه الى حد ما فى حريه حريه مقننه اوى بس موجوده اعتقد ان فى عهد جمال -ودخ مظهر من مظاهر الديموقراطيه - ان الوضع هيكون احسن يعنى بعد 30 سنه كمان وعليكى خير :) |
بما ان . مصر بتختار حبيب الشعب كل 6 سنين بنفسها
اذن . مصر بلد ديمقراطيه 100% :av4056bb7jp3: ديمقراطيه ايه حضرتك لا طبعا |
| جميع الأوقات بتوقيت GMT +2. الساعة الآن 09:25 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.